الجزء الثامن بنت سوق

الجزء الثامن 

بنت سوق 

صوت الباب يفتح برفق وهي عارقه في نومها ...

يدخل بهدوء يتسلل علي أطراف أصابعه وهو منتشي ..

اخيرا ياغزال عرفت اوصلك لا وأييه في اوضه نومك وجنب سريرك دا كان حلم عمري اني اتكلم معاكي كلمتين بس 

انا مش حاضيع الفرصه دي من ايدي ابدا انا قبلت اتجوز امك العجوزة علشان اوصل للكتكوته الصغيرة ياكتكوته قلبي انتي ..

سارة بتملل وتفتح عينيها مسرعه وتشد الغطاء علي جسدها لرقبتها .. انتا جيت هنا ازاي وبتعمل ايه في اوضتي ياحيوان 

انتا ..

عبدو زوج والدتها .. ها والله ماعرف ايه جابني هنا يظهر 

تقلت في الشرب شويه معلش يابشمهندسه سامحيني انا خارج فورا متاخذنيش ..

سارة .. اوضه ماما اول البيت اوضتي اخر البيت ياريت تبطل 

الهباب الي بتطفحه دا وترحمنا من القرف .

ابويا طول عمرة سيرته نضيفه الله يسامحك ياماما تدخلي علينا الاشكال دي ليه بس اطلع برررة أخرج 

في غرفه هويدا دخل عبدو القهوجي بغضب وضيق لأن خطته لم تفلح ..

حتروحي مني فييين يابنت هويدا مسيري اجيبك ..

هويدا .. اممم مالك ياسي عبدو انتا صاحي زعلان ليه بس 

دحنا حتي ليله دخلتنا النهاردة ..

عبدو .. نامي ياهويدا انا تعبان من شغل القهوة وطول النهار بشتغل للفرح والمعازيم 

هويدا .. عيني عليا وعلي بختي جات الحزينه تفرح ملقتلهاش مطرح نام يااخويا نام نام ..

في الصباح 

خرجت سارة من غرفتها صباح الخير ياماما لو سمحت ياماما 

الي عندوا معزة يربطها جنبه وعيب قوي الي بيحصل دة 

هويدا .. في ايه ياسارة 

سارة ..  اسالي جوزك داخل اوضتي في نصاص الليالي ليه 

هويدا .. ياندامتي ازاي دة في ايه ياسي عبدو 

عبدو .. جري ايه ماقلت لك توهت في الاوض ومكنش قصدي .

هويدا .. طبعا طبعا مكنش قصدك خلاص بقا ياسارة انتي عاوزة تخربي علي امك وهيا لسه عروسه 

سارة .. ربنا يريحني منكوا يارب في ايه ياماما ارحميني 

وانتا مش عاجبك كلامي خد مراتك وعيشها في بيتك دا بيت ابويا واظن انتا عندك كذا بيت تقعد فيه وتاخد مراتك معاك 

عبدوا .. بتحلمي انتي عاوزة تمشي علي حل شعرك وتفضحينا ابدا انا راجل البيت وقاعد يعني قاعد 

سارة .. انا ماشيه علي الورشه ومن غير سلام حتي ..

بسسس يانسه ياقمر انتي 

سارة .. جري ايه يابهيم انتا وادارت وجهها 

الله هوة انتا خير يااحمد عاوز ايه 

احمد .. مالك زعلانه ليه انا ابن عمك برضه احكيلي 

سارة.. حل عني يااحمد انا مش فاضيه ولا رايقه .

طب خدي بسس ..

سارة .. قلت لك سبني في حالي بقا 

لكمه علي وجه احمد قاسيه وسط صرخه سارة 

عبدالله .. قالت لك أبعد عنها احسنلك وهو ينهج اثر لكمته لاحمد .

سارة .. احمد انتا كويس قوم هات ايدك 

احمد .. انتا مجنون يله انتا بتضربني ولاهي لاموتك وشرع في ضربه .

سارة ... وقفوووو فضحتوني قدام الورشه الله يخربيتكوا 

اهمدوا بقا .

احمد .   هوة الي بدأ 

عبدالله .. انتا بتعاكسها ليه 

احمد .. انتا مالك انتا واعاكس ايه ياحمار دي بي

سارة ..  اعرفكم ببعض ياجماعه 

احمد ابن صاحب بابا الله يرحمه وتنظر لاحمد بقوة 

عبدالله .. صديق اتعرفت عليه لما كنت في مشكله وساعدني كتير 

عبدو القهوجي .. جبت يلا البرشام الي قلت لك عليه 

ايوة يامعلمي دا نوع معتبر بيخلي الواحد صاحي وشايف كل حاجه بس مش قادر يتكلم خالص ولا يتحرك 

عبدو .. تمام كدة هوة دة المطلوب ..

احمد .. طب اتعرفنا علي بعض تسمح تتفضل بقا عاوز اتكلم 

مع سارة لوحدينا 

عبدالله ..  مينفعش انا بشتغل هنا مع سارة في الورشه 

احمد .. نعم سارة ايه الكلام دة 

عبدالله ..  زي ماسمعت سارة اانا عاوز اشتغل معاكي هنا 

حتوافقي ..

احمد ..  لا طبعا مستحيل انا مش موافق 

عبدالله ..  سارة ليها الحق هيا الي ترد اه أو لا 

سارة.......

يتبع 

Ziena Saied