 |
اروى : انا عايزه مدرس رياضيات ضروري يا جماعة عشان المستر اللي كان محببني في الرياضيات وقف دروس ومش بفهم من حد غيره و عدى شهرين ومبدأتش درس لحد دلوقتي
مريم : انت عبيطة يابنتي ! .. انت بتسألينا واحنا ادبي اصلا ؟
اروى : اه نسيت معلش .. طب الاقي مدرس رياضيات ازاي .. انا جربت كل المشهورين السنة اللي فاتت وطلعوا اي كلام
ريم : هدى صاحبتي كانت بتقول انها شاطره في الرياضة وبتحبها وان المستر هو اللي حببها في المادة بسبب شرحه هبقى اعرفلك هو مين وفين بالظبط
اروى : تمام يا حبيبتي .. انا هروح درس الكيمياء بقا اشوفكوا على خير
ريم ومريم : ربنا معاكي
اروى : ربنا معاكوا انتوا كمان
وذهبت وتركتهم
ريم ذهبت لدرس العربي
ريم : هدى ، بتاخدي رياضه فين
هدى : باخد عند مستر زين سالم
ريم : طب اكتبي عنوانه هنا في الصفحة دي
هدى كتبت العنوان وبدأت حصة العربي
بعد مرور ساعتين وبعد انتهاء الحصة
ريم اتصلت ب اروى لتخبرها عن المعلم " زين سالم "
اروى : تمام .. شكرا يا ريمو
ريم : تحت امرك يا ست اروى
باليوم التالي
ذهبت اروى لدرس الرياضيات الجديد
اروى : السلام عليكم .. لو سمحتي انا عايزه اعرف مواعيد مستر زين سالم
السكرتيره : انت سنة كام
اروى : 3 ثانوي
السكرتيره "منال" : في ميعاد يوم الاحد والثلاثاء والخميس الساعة 3 العصر نافع معاكي ؟
اروى : اه نافع .. طب هو ممكن المستر يشرحلي اللي فاتني ؟
منال : اسأليه انت ويشوفلك ميعاد يشرحلك فيه
اروى : تمام .. طب الحجز بكام
منال : 300 ج
اروى : تمام .. اتفضلي
منال : اسمك ايه
اروى : اروى الجوهري
منال : تمام .. المستر جاي كمان ربع ساعة ف استنيه عشان تحددي ميعاد معاه
اروى : تمام
بعد مرور ربع ساعة
زين دخل الدرس
زين : السلام عليكم
منال : وعليكم السلام .. مستر زين ، في واحده جايه جديده وعايزه حضرتك تشرحلها من اول المنهج ينفع؟
زين : ينفع طبعا هي فين
اروى : انا يا مستر
زين ألتفت لها وظل يدقق في ملامحها لفترة
اروى : مستر !
زين : ايوه معاكي
اروى : ممكن تشرحلي اللي فاتني ؟
زين : حاضر طبعا ، فاضيه يوم الاحد والاربعاء الساعة 5 ؟
اروى : فاضية الاحد بس الأربعاء عندي درس تاني
زين : طب الثلاثاء الساعة 5 بردو ؟
اروى : تمام .. يعني يوم الاحد والثلاثاء بس ؟
زين : اه هحاول ألملك المنهج من أوله
اروى ابتسمت : شكرا جدا يا مستر .. السلام عليكم
زين : وعليكم السلام
اروى تجاهلت نظراته في البداية لكن بعدما نزلت من الدرس ظلت تفكر في نظراته العجيبة إليها
" زين سالم شاب وسيم عنده 27 سنه معلم رياضيات مبتدأ ولكن ممتاز في مهنته و ليس مشهور كباقي المعلمين "
" اروى الجوهري بنت جميلة جدا وملامحها رقيقه وعيونها خضراء وهي في 3 ثانوي عندها 18 سنه حلمها أن تكون مهندسة معمارية ودائما تسعى لتحقيق هدفها "
جاء يوم الاحد وذهبت اروى لدرس الرياضيات
اروى : السلام عليكم
السكرتيره " منال " : وعليكم السلام .. اتفضلي يا اروى اقعدي لحد ما المستر يخلص الحصة خلاص فاضل له 5 دقائق
اروى أشارت لها بالايجابيه
بعد خمس دقائق
خرج زين وكان في قمة غضبه من الطلاب وعندما رأى اروى ابتسم فجأة
اروى لاحظت غضبه وان بعدما رآها ابتسم !
اروى لنفسها : ده انا مكشره في وشه حتى .. هو بيعمل كده ليه
زين : ازيك يا اروى
اروى وقفت : الحمدلله يا مستر
زين : يارب دايما .. خدتي الملازم ؟
اروى : لا لسه
زين فجأه : منااال
منال : نعم يا مستر
زين : عايز ملزمة لاروى دلوقتي
منال : هي بتطبع لسه
زين : طب هاتي ملزمتي الخاصة
منال : اتفضل
زين : شكرا .. ادخلي اوضة الدرس يا اروى وانا لحظه وجاي
اروى أشارت له بالايجابيه
اروى دخلت غرفة الحصة وبعد 5 دقائق زين دخل
زين : انا اسف اني اتأخرت .. هو انت عندك درس بعدي ؟
اروى : لا
زين : تمام
- بسم الله الرحمن الرحيم يلا نبدأ
- بصي منهج الرياضيات ثقيل شوية ف حاولي تستوعبي قدر الإمكان
اروى : تمام
زين بدأ الشرح وطوال الشرح ينظر لعيون اروى ويدقق بها
اروى كانت متوترة بسبب نظراته وحاولت بقدر الإمكان أن تركز في الدرس وليس في زين
زين : فاهمة يا اروى ؟
اروى أشارت له بالايجابيه
زين : طب تاخدي مسألتين تحليهم؟
اروى : تمام
انتهت الحصة وكانت اروى في قمة توترها
زين : ميعادنا يوم الثلاثاء الساعه 5 يا اروى
اروى : تمام
اروى ذهبت لبيتها وهي مازالت متوتره بسبب زين
نامت اروى بعد تفكير طويل
اروى كانت شاغلة عقل وتفكير زين وأنه اعجب بها بشدة
حلمت اروى ب زين وفاقت من نومها مفزوعة
اروى بفزع : بسم الله الرحمن الرحيم .. اسيبه في الدرس يطلعلي في الحلم وكمان جاي يخطبني في الحلم !!
اروى تحدثت مع ريم ومريم وحكت لهم
ريم : عريس .. احضر السوارية؟
مريم : يا دبلة الخطوبة عقبالنا كلنا
اروى : هتعصب ع فكره
ريم ومريم : لاااا الا عصبيتك دي .. احنا اسفين
اروى : ايوه كده اتعدلوا .. اعمل ايه بقا في الحوار ده
ريم : اطلعي من عنده لو مش مرتاحة
مريم : اه اطلعي
اروى : المشكله أنه من اول حصة وطلع شرحه حلو اوي زي المستر القديم وبيفهّم اللي قدامه كويس اوي
ريم : حاولي تتجاهلي نظراته
اروى : بحاول بس مش عارفه .. ببقى متوتره اوي
مريم : حطي في دماغك انك تفهمي الدرس وبس ولما يشرحلك بصي في الكراسه او في اي حاجه
اروى : هحاول
وظلت اروى على هذا الحال لمدة 3 اسابيع
ذهبت اروى للدرس وهي على باب الدرس سمعت منال وزين يتحدثوا عنها
منال : انا ملاحظه انك مركز مع اروى اوي
زين : .....
يتبع .....
#روايات
#بقلم_ريناد_احمد
#البارت_الاول
#اوتار_القلب
*البارت الثاني*
منال : انا ملاحظة انك مركز مع اروى اوي
زين : .....
اروى تدخلت ودقت الباب
منال نظرت لزين : اتفضلي يا اروى
اروى دخلت غرفة الحصة
زين دخل ورائها
زين : ازيك يا اروى
اروى : الحمدلله
زين : بصي دي اخر حصه هتكوني فيها لوحدك بعد كده هتتدخلي في مجموعة بقا
اروى : تمام
اثناء الحصه اروى كانت تفكر في زين وكانت تتخيل رده على منال وليست منتبهة للحصة نهائيا
زين : انت معايا يا اروى ؟
اروى : اه يا مستر معاك
زين : واضح
اروى : اسفه
زين : متتأسفيش عادي .. هعيد الحته دي تاني وركزي
اروى : حاضر
وبعد انتهاء الحصة
زين : ميعادنا حد وتلات وخميس الساعه 3 هه
اروى : تمام
وذهبت اروى
منال تنظر لزين بحزن
زين : في ايه يا منال
منال : لا مفيش .. انا همشي دلوقتي يا مستر عشان تعبانه
زين : الف سلامه
منال : الله يسلمك .. مع السلامه
*فلاش باك*
منال كانت تتحدث بالهاتف مع صديقتها "رؤى" : انا شكلي حبيت زين يا رؤى
زين جاء من ورائها وسمع حديثها واتصدم صدمة كبيرة لأنه يعتبر منال اخت له وليس اكثر ولا اقل
رؤى : اتكلمي براحة ليسمعك
منال : ما يسمعني .. انا اخر ما ازهق .. هعترفله
رؤى : متتهوريش يا منال .. اهدي
منال : اعمل ايه اخفي حبي وغيرتي ازاي والبنات بتقعد تتمايص عليه
رؤى : مش عارفه والله .. بس حاولي تخبي شويه
منال : حاضر هحاول
زين ذهب دون أن تعلم منال أنه جاء حتى ....
*باك*
زين ذهب لصديقه
زين : انا اعمل ايه دلوقتي .. انا حبيت اروى .. ومنال بتحبني وبتضايق من اروى جدا
مازن "صديق زين" : انت بتعتبر منال اختك قبل ما اروى تيجيلك الدرس ؟
زين : اه يابني .. مش عارف احبها اصلا
مازن : اروى حاسس انها بتحبك ؟
زين : لحد دلوقتي لا .. مش حاسس خالص
مازن : بتحب واحده مش بتحبك وسايب اللي بتحبك !!!
زين : مفيش مشاعر لمنال خالص
مازن : ادي لنفسك فرصه انك متشوفهاش اختك .. شوفها أنها بنت عاديه وحاول تحبها
زين : .....
مازن : ولو عايز تتأكد أن اروى مثلا بتحبك .. حاول تعمل حاجات تخليها تغير عليك وشوف انت واحكم هي بتحبك ولا لا .. فاهمني ؟
زين : فاهم
____________________________
لا اله الا الله ♥️
اروى قابلت صحابها "ريم ومريم"
اروى : مش عارفه اعمل ايه بجد
ريم : قولنا اطلعي من عنده من سكات
اروى : مش هلاقي حد يشرح بالطريقه دي .. مضطره اكون عنده
مريم : شوفي في المجموعه الكبيره هيركز معاكي بردو ولا لا .. لو ركز يبقى حبك واتعلق بيكي يا اروى
اروى صمتت قليلا : انا مروّحة عشان اتأخرت باي
ريم ومريم : باي
اروى ظلت تفكر في كلام مريم لمدة طويلة
____________________________
لا حول ولا قوة الا بالله العلي العظيم ♥️
بعد يومين
في درس الرياضيات
اروى وصلت الدرس وتفكيرها كله ب زين وكلام مريم
اروى دخلت غرفة الحصة
اروى : السلام عليكم
نتاليا : بصوا بصوا .. بنت جديدة
نور : باين انها رخمه
مايا : شكلها كده
اروى سمعتهم وصمتت بحزن
شهد : اهدوا يا جماعه .. انتوا اتعرفتوا عليها عشان تحكموا اصلا ؟
اروى نظرت لشهد وابتسمت : شكرا يا ...
شهد ابتسمت : شهد
اروى : شكرا جدا يا شهد
شهد : وانت اسمك ايه
اروى : اروى
شهد : دي اول حصة ليكي ؟
اروى : لا انا جيت من فترة والمستر خلاني في ميعاد لوحدي وشرحلي اللي فاتني في الشهرين اللي فاتوا
شهد : اها تمام .. اتشرفت بيكي
اروى ابتسمت : الشرف ليا
نتاليا بغضب : سمعتوا قالت ايه
نور ومايا : ....
نتاليا : جابها لوحدها وشرحلها
مايا : عادي يعني يابنتي .. هي قالت إنها حبيبته !
نور : زين هيبص ل دي ويسيبك يعني يا نتاليا ؟
نتاليا : مهو مش بيعبرني اصلا
نور : حاولي انت تخليه يعبرك
نتاليا : بحاول وبفشل
مايا : خليكي ع طول بتحاولي
شهد : في ايه
نتاليا : ملاك الشلة اهلا
شهد : !!!
نتاليا : رايحه تتصاحبي عليها وسيبانا ؟
شهد : بنت محترمه وجميله ايه اللي يمنع اني اتعرف عليها .. حرام ولا ايه .. مالك يا نتاليا
نتاليا : بتقولك جابها لوحدها وشرحلها
شهد : وايه يعني .. واحده جايه متأخر شهرين ومن واجبه أنه يشرحلها
نتاليا : ابعدي عني يا شهد وروحي اقعدي جمبها تاني يلا
شهد : مانا فعلا رايحة
نتاليا نظرت لها بغضب : .....
زين دخل : يلا نبدأ
وبدأت الحصة
هدى دقت الباب بعد مرور ربع ساعة من الحصة
هدى : انا اسفه جدا بس كنت في درس والله
زين : ادخلي يا هدى
هدى دخلت ورأت اروى وعرفتها لأن اروى تتصور مع ريم كثيرا
زين بدأ الشرح من جديد وعيونه مش بتتشال من على اروى
اروى لنفسها بتوتر : اروح منه فين ده
نتاليا لاحظت نظراته لاروى
نتاليا بهمس وغضب لنور ومايا : بصوا نظراته ليها
نور ومايا بهمس : اهدي يا نتاليا اهدي
زين : نتاليا ، حلي معايا المسألة دي
نتاليا بغضب : حاااضر
زين : في ايه يا نتاليا ما تتكلمي عدل
نتاليا : ماله كلامي
زين : حلي اخلصي
نتاليا حلت المسأله
زين : فاهمين يا جماعة ؟
أشاروا بالايجابيه
زين : فاهمه يا اروى ؟
اروى أشارت له بالايجابيه
نتاليا كانت غاضبة جدا
اروى لاحظت أنه ينظر لها بحُب وظلت تتجاهل نظراته حتى انتهاء الحصة
زين وهو ينظر لاروى : نكتفي بهذا القدر .. اتفضلوا يا شباب
____________________________
لا اله الا انت سبحانك اني كنت من الظالمين ♥️
اروى : انا بدأت اتعلق بيه واتعود ع نظراته
ريم : بتهزري !
مريم : نحضر السواريه ؟
اروى : يا جماعه انا مش عايزه اتعلق بيه اصلا انا عايزه اركز في الدراسه .. في 3 ث مينفعش الكلام ده
مريم وريم : .....
____________________________
استغفر الله العظيم و اتوب اليه ♥️
بعد مرور أسبوعين
اروى تعرفت ع هدى وشهد أكثر
زين : يلا ادخلوا سمعوا .. التسميع صعب وركزوا
كان يتحدث وهو عينه على اروى
اروى تجاهلت نظراته ودخلت غرفة الدرس
نهوا التسميع وزين دخل الغرفة
زين : ازيكوا يا شباب
جميعهم : الحمدلله
زين : ركزوا معايا بقا هه عشان الحصة ثقيلة النهارده
وانتهت الحصة
زين : قبل ما تمشوا عايز اقولكوا حاجه وبالذات اروى
اروى بصدمة : ....
يتبع .....
#روايات
#بقلم_ريناد_احمد
#البارت_التاني
#اوتار_القلب
#يتبع
تعليقات
إرسال تعليق
فضلا اترك تعليق من هنا