قصه كامله كنت مروحة متاخره من شغلي،الجو شتا أوي،فقررت أركب أتوبيس للبيت عشان ركوب أوبر أو تاكسي دلوقتي مش أمان

❤💛♥

#كامله وشيقه جدا

كنت مروحة متاخره من شغلي،الجو شتا أوي،فقررت أركب أتوبيس للبيت عشان ركوب أوبر أو تاكسي دلوقتي مش أمان.. 

فضلت واقفة على المحطة حوالي 10 دقايق لحد ما لقيت أتوبيس، ركبت ودفعت تذكرة للسواق ودخلت قعدت في تاني كرسي. 

كان قاعد فالكرسي الأول ولد وبنت، هي حاطة راسها على كتفه وتقريبًا نايمة،وهو بيتكلم مع السواق وباقي الأتوبيس فاضي. 

ريحت دماغي على الإزاز وحطيت الهيدفون،نص ساعة وهكون في البيت وهنام أخيرًا بعد اليوم الطويل ده! 

بعد محطتين،ركب شاب، لابس نضارة ومسرح شعره لورا، ولابس تيشرت رمادي مش لايق خالص على برودة الجو، وقعد في الكرسي اللي ورا البنت على طول. 

أنا سرحت في الطريق وفي الأغاني اللي شغالة، لحد ما حسيت إن في حد بيقعد جنبي. 

بصيت لقيته الولد اللي لابس تيشرت رمادي وكان باصصلي وهو بيبرق وبيشاور على شاشة موبايله. 

أنا إتخضيت للحظة، وأفتكرته متحرش ولا مجنون. 

بصيت لشاشة الموبايل لقيت مكتوب فيها

"إحنا لازم ننزل دلوقتي!" 

أنا متسمرة في مكاني مش عارفة أعمل إيه..لقيته مسك الموبايل تاني وكتب :

أرجوكي يلا ننزل هفهمك كل حاجة لما ننزل،إحنا دلوقتي في خطر!

بصلي بصة تانية ،كان فعلًا شكله مرعوب! وقام ناحية الباب. 

حاجة جوايا خلتني أقوم وراه وأقف جنبه عند الباب. 

" على جنب ياسطا لو سمحت" قال للسواق وصوته بيتهز.. لكن السواق ماوقفش، ولا كأنه سامعه اصلًا..الولد اللي قاعد في الكرسي الأول هو اللي بصلنا لكن ماتكلمش.

"بقولك على جنب!" قالها بصوت أعلى المرة دي،لكن السواق تجاهله تمامًا لتاني مرة.

فزعقت أنا بصوت عالي وقولت "أقف هنا!! عايزين ننزل! "

فجأة السواق فرمل جامد ووقف. لدرجة أن البنت اللي قاعدة جنب الولد خبطت فالأزاز اللي قدامها!

نزلت بسرعة ورا الولد اللي لابس تيشرت رمادي،ولقيته مسك إيدي وجرى بيا للناحية التانية من الشارع ووقف عند المحطة بتاعة الأتوبيس التانية.

وقال بصوت بينهج:

"أنا آسف إني نزلتك،بس أنا دكتور، والبنت إللى كانت راكبة قدام دي ميتة، الولد كل ما تتزحلق من على كتفه يرجعها تاني،وشوفت في رقبتها وهو بيعدلها جرح عميق..حتى شوفي؟ الأتوبيس واقف من ساعة ما نزلتي مامشيش! وأهم باصين عليكي"..

وشاور ناحية الأتوبيس، وفعلًا السواق والولد كانوا باصين عليا، وفجأة ببص جنبي تاني..مالقتش الولد!..

#الجزء التاني (^.^)

قعدت واقفه مكاني مبتحركش ومش قادره استوعب الي حصل 

بس قولت لنفسي اكيد من تعب الشغل بتخيل اوي حاجه وبحاول اقنع نفسي ان محصلش حاجه 

وروحت موقف الاتوبيس اخدت الاتوبيس الي بعده وروحت

وقعدت افكر كتير ف الي حصل قولت لنفسي ايه الهبل دا هوا في حاجه زي دي تحصل اكيد اكيد بتخيل او غفلت ونمت ف الاتوبيس وخلطت الحلم بالحقيقه

ونمت

تاني يوم الصبح صحيت ودخلت الحمام اخد شاور سخن طلعت لقيت المرايه عليها شبوره من البخار ومكتوب عليها .. انا اسف اني نزلتك امبارح من الاتوبيس ..!!

شوفت الكلام جسمي تلج وحسيت اني مش قادرة اتحرك من مكاني ولا قادره اتنفس ⊙︿⊙

يعني ايه!!!! يعني مكنتش بتخيل!! يعني انا مكنتش بحلم !! طب مين دا ! ازاي دخل البيت!!اييييه!؟؟ دا كان ف الحمام كمان؟!!!!

فتشت البيت حته حته ملقتش حد 

وقعدت ع الكنبه وانا مش فاهمه اي حاجه وبتنفس بصعوبه بصيت ف الساعه 7:30😳

اتأخرت اوي ع الشغل جريت لبست ونزلت واخدت تاكسي مفكرتش حتي انه مش امان مع اني خوافه اوي 

ومكنتش بفكر غير ف الي حصلي من امبارح للنهارده...

وصلت الشغل وبدأت يومي ف الشغل اي نعم كنت مش مظبوطه ومعظم وقتي بفكر بس كنت بحاول اهدي نفسي واقول انها تهيؤات من كنر الارق وضغط الشغل 

واليوم عدي بالعافيه ومصدقت اني خلاص هروح 

وبصراحه خوفت اركب اتوبيس تاني وركبت تاكسي وانا ف الطريق عند المكان الي نزلت فيه مع الولد دا كانت الاشاره حمرا والتاكسي واقف ببص ع موقف الاتوبيس لقيته قاعد وبيبصلي محستش بروحي وغير وانا بقول للسواق ع جنب هنا يااسطا ونزلت جري عليه ع ماعديت الشارع ملقتهوش!! !

و فضلت اسبوع نفس الحكايه لدرجه اني خلصت مرتبي. كدا ع التكاسي 

فقرتت ارجرع اركب اتوبيس والي يحصل يحصل 

وانا قاعده واحده قالت للسواق المستشفي ياسطا راح السواق وقف ف نفس المكان .

قولت مستشفي!!! هوا قالي قبل كدا انه دكتور لقيت احساسي بيقولي اني لازم انزل تشوف المستشفي دي يمكن تكون ليها علاقه بيه 

وفعلا نزلت مع الست وقولتلها هوا في مستشفي هنا ؟!

قالتي اه يابنتي ف شارع جنب موقف الاتوبيس دا

روحت وفعلا لقيت مستشفي دخلت وانا مش عارفه هعمل ايه ولا بدور ع ايه 

روحت للاستقبال وفضلت واقفه مش بتكلم وموظفه الاستقبال بتقولي نعم يافندم وانا قاعده بفكر اقولها ايه 

ف فكرت اني اقولها مواصافاته كأني مريضه عنده ونسيت اسمه 

وفعلا قولتلها انا كشفت عند دكتور كدا ومش فاكره اسمه اصل الروشته ضاعت مني وبدور عليه 

قالتلي مواصفاته ايه 

قولتلها مواصافات الشاب الي بشوفه ..

قالتلي باستغراب دكتور نادر.!!!!

#الجزء التالت （⌒▽⌒）

قولتلها بلهفه اه اه هوا مش عارفه ازاي نسيت اسمه 😊

قالتلي انتي كشفتي من امتي ! حسيت انها بدأت تشك فيا 

ف ضحكت كدا وقولتلها من فتره مش فاكره الشغل بقا وكدا مخليني مش مركز اوي ف الوقت والايام وانتي عارفه بقا ضغط شغل الموطفين الي زينا ههه

راحت ابتسمت وقالتلي فعلا ...بس حضرتك مش هتقدري تتابعي مع الدكتور تاني لانه عمل حادثه من 4شهور وف غيبوبه لحد دلوقت هنا ..! 

اخدت الخبر وانا متنحه برضو ومشيت من غير اقول ولا اي كلمه

بدأت اسأل نفسي طول الطريق يعني دي روحو ! طب ازاي روحو وهوا لسه يعتبر عايش! طيب اشمعنا انا الي بشوفو ؟! ممكن يكون زي الافلام روح وطالبه مساعده 

اي الهبل دا افلام ايه ومساعده ايه ..،دا هبل ..يعني الي حصل دا كله مش هبل انا ممكن دلوقت اصدق اي حاجه

وفضلت ع الحال دا بكلم نفسي وعايشه ف صراع 

واخدت نفس طويل وقولت بصوت مسموع ....^^ هتكون عاوز ايه يادكتور نادر 😖^^

طب ممكن ميكونش هوا دا كتور نادر انا لازم اتأكد بنفسي بكره ان شاء الله..

وروحت ومنمتش من كتر مانا بفكر هعمل ايه بكره 

قررت مروحش الشغل واروح المستشفي وفعلا روحت وبصيت من بعيد ع الاستقبال لقيت ان موظف استقبال غير الي قابلتها امبارح قولت الحمدلله اقدر اسأل عليه كأني اعرفه

وفعلا روحت وقولت لموظف الاستقبال في مريض هنا ف حاله غيبوبه اسمه نادر دكتور نادر انا قريبته 

قالي كويس الحقي مامته وباباه لسه داخلين حالا وقت الزياره بدأ من ربع ساعه الدور التاني غرفه A_5

روحت طلعت وبدأت امشي وخايفه حد يشوفني ووصلت الاوضه وبصيت من الازاز لقيت مامته وباباه وقاعدين وع وشهم حزن .. وانا ببص عليهم مكنش واضح اوي شكل الشاب ..ومركزه بحاول اشوفو من الازاز 

لقيت صوت رجل جايه ناحيه الممر ف الطرقه جريت استخبيت لقيت دكتور خبط ودخل جريت عند الباب كان مردود سمعته بيقولهم حالته ف تأخر مستمر وانهم للاسف مفيش امل وانهم بيفكرو يفصلو الاجهزة عنه !!.

طبعا مامته وباباه لقيته انهارو حتي مش كملو وقت الزياره وخرجو وع وشهم حزن وانكسار ..😔

دي كانت فرصتي اني ادخله ووقت الزياره لسه شغال

دخلت لقيته هوا فعلا الشاب الي شوفته بس كانت ملامحه مريحه اوي حسيت كأني اعرفه من سنين

قعدت قولتله كلام كتير كأني ما صدقت شوفته كلام انا مش عارفه بقولو ليه حاجات عن احاسيسي وارهاقي وتعبي ..

وبعدين سكت ولسه هقوله كلام كتير تاني .جت الممرضه وقالت لي الزياره خلصت وخرجتني بره ..

روحت وانا دموعي ع خدي مش عارفه السبب وفضلت ماشيه ودموعي مبتتفارقنيش....

دخلت البيت ودخلت اوضتي من كتر التعب الي فيا نمت بهدومي 

صحيت 

وركبت الاتوبيس وروحت الشغل وانا روحي كلها مسحوبه ومتخبطه بعد ماتأكدت انه هوا وقاعده سرحانه ...

لقيته واقف قدامي وبيقولي انزلي ..هوا ايه دا نادر انزل تاني؟!!!ومش الاقيك لا لا مش نازله 

قالي متخافيش مش همشي .

وفعلا نزلت

قالي انا بركب كل يوم الاتوبيس دا بروح منه الشغل .دكتور جديد و كدا بقا 😊

و اول ماربنا كرمني اشتريت عربيه وانا راجع من الشغل بليل العربيه اتقلبت بيا ..

عارفه انا لو عشت تاني تفضل اركب اتوبيس طول حياتي ههه 

بسسسس انا خلاص هموت وهيفصلو عني الاجهزه 💔

كان بيقول الكلام دا وع وشه حزن كبير 

كنت لسه هسأله اشمعنا انا شوفتك كان اختفي 😞..

قررت اني لازم اساعده ..وروحت المستشفي ..

#الجزء الرابع والاخير

روحت الاستقبال وطلبت الدكتور الي مسئول عن حالته 

وقعدت معاه وحاولت اقنع فيه انه يديله فرصه وميفصلوش الاجهزه عنه انا متأكده انه هيرجع محتاج فرصه بس 

طبعا الدكتور قالي متأكده ازاي ؟!انا معرفش اقولو ايه احكيله ويقول عليا مجنونه ولا اعمل ايه ..

سكت شويه

وقولتله احساسي 💔

قالي احساسك!!!!

انتي تقربيله ايه؟ خوفت اقول اقربله اي حاجه يكون عارف اهله لقيت نفسي من غير ماااحس انا ابقا حبيبته

يصلي باستغراب وحب ف نفس الوقت حبيبته!! 

قالي نادر طول عمره مش اجتماعي وملتزم جدا وجاد عمري ماتوقعت انه يكون بيحب 😊

قالي للاسف مقدرش اعمله حاجه اهله وقعو ع الورق وهنفصل عنه الاجهزه بكره .

محستش بنفسي غير وانا بعيط وقلبي واجعني 

والدكتور شفق عليا وقالي انا اقدر اخليكي تدخليله تقعدي معاه ف تودعيه وفعلا دخلت الاوضه

قعدت جمبه .وقلبي واجعني حاسه بألم جامد ونغزه ف قلبي كأني هموت 

وقولتله انا اسفه كنت عاوزه اساعدك 

انا لحد دلوقت مش عارفه انت ظهرتلي انا ليه بس انت احلي حاجه حصلتلي ف حياتي 

ومسكت ايده كانت دافيه اوي حضنتها وانهرت من العياط ومحستش بروحي غير وانا بقوله ^^بحبك^^

معرفش ازاي وامتي وانا مجنونه بحب روح بس الحقيقه انا بحبك 💔

وانا ماسكه ايده لقيته ايديك بدأت تتتبت فيا وتتحرك والاجهزه قعدت تعمل اصوات غريبه ولقيت دكاتره وممرضات دخلو وخرجوني بره والدكتور قالي اخرجي 

وانا مش فاهمه في ايه ...

خرجت وبعد شويه لقيت الدكتور جاي وفرحان وبيقولي فاق دكتور نادر فاااق جريت زي اامجنونه اشوفو

مكانوش عاوزين يدخلوني ومرت ساعات لحد ماطمنو عليه وفاق 

جيه الدكتور الي يعررف اني حبيبته قالي ادخلي وهما كلهم موجودين كنت خايفه اوي وانا دخلاله و اول مره هشوفو ع الحقيقه مش روح كانت احاسيسي متلخبطه اوي وببكي من الفرح دخلت والدكتور بيقولو نادر حبيبتك جات .

نادر بصلي قال حبيبتي !!! مين دي ؟؟!

الدكتور قالو يعني متعرفهاش قالو لا ..!

انا بكيت وجريت بره وخرجت وروحت البيت وانا قلبي واجعني

نادر ميعرفنيش 💔

قلبي وجعني اوووي اوي 

بس مع الايام حاولت ابقي كويسه وروجعت لشغلي تاني ب ماقضيت اسبوعين ف البيت 

ورجعت اركب الاتوبيس تاني

وانا قاعده لقيت واحد داخل الاتوبيس ..

نادر!!!!

بس دخل كأنه ميعرفنيش

دمعت وافتكرت كلامه لما قالي لو عشت تفضل اركب اتوبيس طول حياتي وضحكته بيني وبين نفسي 😊😊

وكل يوم بشوفو وهوا بيركب 

واه قالي صباح الخير ف مره وابتسملي❤ انا فرحانه اوي اني بشوفو حتي ولو ميعرفنيش ❤

انا بحبه ولسه بحبه وهفضل أحبه 

**********

النهايه

الاجابه عنده 

هوا ظهرها هي الوحيده لانه كان معجب بيها من قبل ماهي تشوفو 😉☺

يعني الحب بقا متبادل

القصه كامله اهه فين التفاعل أظن ماحدش بيعمل كده وينزلها أجزاء كاملة

اللي عايز القصص كاملة يعلق ب 10 ملصقات فضلا وليس أمرا ومتابعة صفحتي 

☜لكل عشاق المنشورات الهادفة 

تفضل ☜بدخول بروفايلي اضغط متابعة 📱 ☜و اختار خيار شاهد اولآ 📲واحصل على ارقى المنشورات الدينيه والخواطر والقصص الدينيه اتشرف بالجميع 

#لاتجعلها_تقف_عندك_فالدال_علي_الخير_كفاعله

ضعي 20ملصق لنشر كل ما هو جديد ومفيد 

#لاتنسي_دعوة_اصدقاؤك_لمتابعتنا_لتعم_المنفعة

┈┉┅━❀🍃برنس 🌸🍃❀━┅┉┈