 |
قصة كامله ارجو التفاعل على القصص الكامله
انا ممرضة وشغلي دا أنا فخورة بيه وبحبه جدا
لأني بساعد في تخفيف الآم الناس
أنا ياسمين 25 سنه بشتغل ممرضة
من أسرة متوسطة عايشه مع أمي وأبويا في حي شعبي
في البداية أستلمت وكنت مبسوطه اوي رغم أن المشوار كان بعيد لكن انا بحب شغلي ..كان في دكتور أسمه مراد عزيز
نظراته ليا مش لطيفه ..بيحاول يتقرب لي
بس انا ببعد عنه ومش مداياه فرصه
في يوم قالي أن المريض في الغرفة 65 محتاج
يغير المحلول ..دخلت الغرفة معاه
كان شاب عامل حادثة وفي حالة غيبوبة
الدكتور كان بيشوف النبض للمريض
وانا ببدل المحلول
وفجأة حسيت بأيد الدكتور أتلفت على وسطي
مخدتش بالي انه لف ووقف ورايا
ايه اللي انت بتعمله دا ؟
بعمل ايه..مالك
لو سمحت يا دكتور ما يصحش كدا
بعد اذنك ..لسه هخرج وقف قدام الباب
وحاول يحضني ..ذقيته وصرخت ..راح كتم نفسي
وقالي طب خلاص خلاص إهدي
اوعى بقولك !
بعد عني ورفع ايديه وقال
انا اسف جدا انا مش عارف عملت كدا ازاي
ارجوكي تقبلي اعتذاري ..انا
بصيت له بأحتقار وخرجت معيطه وقررت أحكي
للحكيمه اللي حصل
ايه ! دكتور مراد عمل كدا ؟
ايوه دا اللي حصل
طيب خلاص سيبي الموضوع دا دلوقتي وانا هتصرف
بعد يومين لقيت صدر قرار من إدارة المستشفى
بنقلي للعمل في مستشفى تانيه ..كنت هتجنن
طب ازاي وليه ؟
دخلت للمدير أعرف منه سبب القرار دا
قالي أن الدكتور مراد اتقدم بشكوى ضدك
انك حاولتي تقربي منه وتصرفاتك معاه كانت غير لائقة
ايه اللي حضرتك بتقوله دا ؟
دا هو اللي حاول يتحرش بيا وانا اللي صديته
وليه متقدمتيش بشكوى وقتها
انا كلمت الحكيمه وقالت انها هتتصرف
هو اللي اتقدم بشكوى وكمان الحكيمه هي اللي شهدت
معاه على الواقعه دي لما سمعته بيذعق فيكي
وبيطلب منك أن تحترمي شغلك والمكان اللي انتي فيه
كمان !! بس دا ظلم وانا اللي معتدى عليا
انا منعا لحدوث شوشرة ممكن تؤثر على سمعة المستشفى
والعاملين فيها أكتفيت بس بنقلك
خرجت وانا منهارة من كتر العياط والأحساس بالقهر
ووحده صاحبتي كلمتني وقالت اني انا الغلطانه
كان لازم أدخل للمدير مباشرة وأن الدكتور مراد والحكيمه.
في بينهم مصالح كتير وهما ستر وغطا على بعض
في بلاوي كتير بتحصل في المستشفى
هو بيفوت لها تهريب أدوية ومستلزمات طبية
في مقابل انها تسيبه يغازل الممرضات
رجعت البيت وانا حزينه حاولت أخبي
عليهم أن في حاجه ..بس أمي حست بيا
وليلتها نمت في حضنها وقالت متزعليش المهم
انك حافظتي على نفسك وعلى تربيتنا ليكي انا فخورة بيكي
بعد يومين كنت روحت للمستشفى التانيه عشان استلم شغلي الجديد ..واضح انه الدكتور الزفت دا كان موصي عليا
بسبب المعاملة الصعبة اللي لقيتها هناك من الجميع
الكل فاكر أن أخلاقي مش كويسه وبيتجنبوا التعامل
معايا إلا في حدود الشغل وبس
حتى وقت الراحه وساعة الأكل بكون قاعدة لوحدي
ومفيش حد جنبي
كنت مدايقه ومخنوقه جدا بسبب الوضع دا
بس كنت بصبر نفسي واقول معلش بكره
يعرفوا أخلاقي كويس ويتأكدوا اني لا يمكن أعمل كدا
بعد اسبوعين وصلت المستشفى ست في منتصف العمر
عندها حالة تسمم ..أتعمل لها غسيل معدة
واتحجزت كام يوم تحت الملاحظة
كنت انا ووحده تانية متناوبين على رعاية الحالة دي
واللي كان في توصية عليها جامد ..واكتشفت بعدين
انها زوجة الدكتور مراد اللي كان سبب في نقلي وتشويه سمعتي ..حسيت اني عايزه انتقم منه في مراته
بس قولت حرام هي أيه ذنبها ..هو اللي عمل كدا
واكيد هو بيخونها ومتعرفش حاجه عن سفالته
قابلني وانا عندها وشكرني على أهتمامي ومعاملتي
الكويسه مع مراته اللي كانت بتقوله أن ياسمين
طول الوقت جنبي ومش مقصره معايا في حاجه
مفيش داعي الشكر يا دكتور دا شغلي
وكمان جمايلك عليا ..وربنا يقدرني وأردهالك
هو انت تعرفها يا مراد ؟
اه دي كانت شغالة في المستشفى معانا قبل ما تتنقل هنا
طب انا هخرج أمتى بقى
متقلقيش يا روحي كلها يومين تلاته بالكتير
وهترجعي البيت وياريت نبطل الأكل التيك واي دا
هو سبب اللي احنا فيه
معلش بقى يا حبيبي ..بس انا كنت مستعجله
ساعتها وكمان المطعم دا نضيف جدا وانا متعوده اكل منه
يلا الحمدلله ربنا ستر
تاني يوم انا كنت ماسكه وردية الليل من عشرة مساء
لتاني يوم الصبح كل شوية بمر على الحالات
واشوف محتاجين أيه واقدمه ليهم ..وبعد نص الليل
والدنيا هدوء وانا قاعدة في أوضتي
سمعت صوت خطوات بره ...خرجت بسرعه
ولقيت حد لابس قناع وفتح باب غرفة مرات الدكتور مراد دخل وقفل الباب بسرعه
جريت بسرعه عليه وقفت من ورا شباك الأوضة وانا
بحاول اشوف مين دا وبيعمل هنا أيه
لقيته بيخلعها الدهب من ايديها وصوابعها
وفجأة حط المخده على وشها ولسه هيخنقها
كنت جريت بسرعه عشان أمنعه
اول ما فتحت الأوضة وولعت النور
ساب المخده من إيده وجري عليا عشان يكتم نفسي
قبل ما أصرخ خربشته في رقبته وعضيته في أيده ..صرخ وسابني ولسه هجري بره الأوضة خبطني بزهرية الورد على دماغي ..وفقدت الوعي
لما فوقت لقيت النيابة والشرطه ماليين المكان
والدكتور مراد منهار وبيعيط بحرقه
للأسف زوجته ماتت وانا مقدرتش ألحقها
كنت حاسه بألم في دماغي بسبب الخبطه
النيابة أخدت أقوالي وحكيت لهم اللي حصل بالتفصيل
لغاية ما فقدت الوعي
سألوني عن شكل او مواصفات القاتل
معرفش اوصفه لأنه كان مخبي وشه كويس
ومطلعش اي صوت لكن كان فيه علامه مميزة
خدش في أيده واضح ناتج عن جرح قديم
وصفته في محضر التحقيقات
فات كام يوم وانا كنت حزينه جدا
على وفاة الست دي رغم اللي عمله
زوجها معايا بس الحقيقه هي كانت ست طيبة
وذوق جدا في معاملتها ودا لمسته فيها من خلال
الكام يوم اللي قضتهم معاها قبل وفاتها
وسبب حزني هو اني مقدرتش ألحقها
بس انا حاسه اني أعرف القاتل دا
ساعة لما قرب عليا وكتم نفسي عشان ما أصرخش
لمحت الجرح على ضهر إيده
بس مش فاكرة شوفتها فين !!
فضلت أضغط على نفسي وانا بحاول أفتكر
الايد دي انا شوفتها فين لكن معرفتش
فات يوم والتاني وفجأة أفتكرت
ايوه صح ..هو اكيد هو
ايوه بس ايه اللي يخليه يعمل كدا ..لو طمعان
في دهبها كان سرقها وهرب ليه يقتلها !
قررت أتصل بزوجها وأبلغه
ازيك يا دكتور أنا حبيت أعزيكي في زوجتك
ربنا يرحمها ويصبر قلبك
شكرا ..مين معايا ؟
انا ياسمين
ياسمين !!
انا عندي معلومه مهمه ممكن تفيدك بخصوص وفاة زوجتك
معلومة ايه ؟
انا عرفت القاتل ؟
سكت شوية وبعدها قال
مين هو ؟؟
سواق حضرتك
أيه !! السواق بتاعي أنا ؟
ايوه هو
وعرفتي أزاي
شوفت الخدش اللي على ايده ليلتها وافتكرته
لما كنت واقفه معاك مرة ..وهو جه يكلمك
وناولك المفاتيح وقالك ساعتها أنه عنده مشوار مهم
واحتمال مش هيرجع يوصلك ليلتها
انتي متأكدة من كلامك دا ؟
ايوه طبعا انا حبيت ابلغك ..عشان مش عاوزه
شوشرة من البوليس والنيابة وكفاية اللي حصلي من تحت راسك ..بس دي شهادة حق كان لازم اقولها
خصوصا وان زوجتك كانت ست محترمه ..الله يرحمها
معلش انا مضطرة أقفل دلوقت عندي شغل
كان يوم صعب جدا والمستشفى
كانت في حالة طوارئ بسبب حادثة أتوبيس أطفال
يومها كان لازم أبات في المستشفى عشان
في عجز في عدد العاملين ولازم متابعه الأطفال المصابين
بعد الساعه 11 كنت قاعدة مع زميلتي في الريسبشن
بنتكلم في شوية أمور ..وقالت هقوم اعمل لنا شاي
بعدها بدقايق كنت ماسكه الموبايل بقلب فيه
وسمعت صوت حد وقف فجأة قدامي
لو سمحتي ؟
نعم !
في طفل مصاب هنا أسمه زياد حكيم ؟
لحظة هشوف الأسماء اللي في اللسته يا فندم
اممم..لا للأسف مفيش الاسم دا هنا ..اكيد اتنقل لمستشفى تانيه المكان مستوعبش كل الأطفال الي جات النهارده
زعق وقال بس انا متأكد أنه هنا
وخبط بأيده على المكتب
وانا بقول لحضرتك انه ..وفجأة الكلام وقف وحسيت بخوف
لما بصيت لأيده وشوفت أثر جرح قديم عليها
شهقت وبصيت له ..ابتسم وقال
انتي بقى ياسمين ؟
وفجأة سحبني من التيشرت وشدني ناحيته
لسه هصرخ وابعد خبطني بلكمه في وشي
ورفعني من مكاني ورماني ع الأرض
قبل مقوم وأهرب ..لقيته مسكني من شعري
وسحبني وراه ع الأرض ..فضلت أصرخ وهو بيجرجرني
وبعدها دخلني أوضة المخزن وكأنه عارف مكانها
قفل الباب وشغل النور..وقالي متخافيش
انتي مش هتحسي بحاجه ..انما لو قاومتي
موتك مش هيكون سهل
قرب مني وطلع مطواه وفتحها
متخافيش زي شكة الدبوس
رجعت لورا وهو كان بيقرب أكتر
كان في عدد من الأرفف عليها أدوية ومعدات
مسكت كارتونه وحدفتها عليه وجريت من قدامه
ضحك وقال ..معلش دي حلاوة الروح
بس هتروحي مني فين
شباك الأوضة كان مقفول وعليه حديد
فضلت أصرخ ..لكن محدش سمعني ..وقفت واستسلمت
قرب مني وفجأة ذقيته بكل قوتي ..وقع على ترابيزه
كانت وراه وعملت صوت كركبه وقف والغضب على وشه
زاح الترابيزة برجله ..وقال
كفاية لعب بقى انا مش فاضيلك طول الليل كدا
هجم عليا بالمطواه ..لكني أنحنيت بسرعه
وخبطته برجلي تحت الحزام ..صرخ بقوة
وهربت بسرعه وقبل ما أفتح الباب
كان جري عليا ومسكني من شعري
وخبط دماغي في الباب ..وشي نزف
فخبطته بكوعي في مناخيره ..فلتني لثواني
جريت بسرعه على رف ومسكت حقنه
ولسه هيقرب مني خبطتها في عينه
أنفجر الدم منها وفضل يصرخ زي المجنون
وهربت بره لقيت صاحبتي واقفه بتبص لي
وهي مذهولة وفي إيدها الشاي ..
جري ورايا اخدت منها الشاي ورميته على وشه
وهو سخن ..وصل السكيورتي على صوت الخبط والصراخ
واتقبض عليه
التحقيقات اثبتت انه القاتل بتحريض من زوج القتيلة
دكتور مراد واللي حاول يسممها قبل ما توصل المستشفى
بالاتفاق مع واحد من عمال المطعم اللي متعوده تاكل منه
ودا عشان يورثها ويستفاد من التأمين على حياتها
والي كان مبلغ كبير..دفعه يتخلص منها
ولما فشلت خطته قرر يبعت السواق بتاعه يقتلها ويسرق دهبها عشان تبان انها حادثة سرقه أدت لقتل
ولكن أنا أفسدت عليه خطته ..فقرر يتخلص مني
عشان مبلغش عن السواق والموضوع يتقفل
لكن في النهاية وقع والكل عرف اني كنت مظلومه
وانه هو اللي حاول يعتدي عليا ولأني رفضت
سوء سمعتي وطلب بنقلي من المستشفى
عشان يرتاح مني ..لكن القدر وضعني تاني في طريقه
عشان أكشف جريمتة
تمت
💕🌹❤️💖🌷برنس 💔♥️💛💙💛
تعليقات
إرسال تعليق
فضلا اترك تعليق من هنا