 |
قصة ( البيت المهجور )كامله
كان في اخر الشارع بيت مهجور و مفيش حد بيقرب منو
و في يوم من الايام اشتريت كوره جديده و جريت علي صحابي انديهم علشان نلعب با الكوره الجديده و يلا بدات اللعبه و كانت اللعبه مشوقه جدا و الحماس واخد كل واحد فينا و في لحظه شط الكوره كا سرعة البرق و اخيرا سجلت هدف و فرحان ولاكن مفيش حد من اصحابي با الفريق مبسوط و كلو في حالة صمت و بصين لبعيد
فا افتكرت انهم هيلغو الهدف ولاكن كان العكس
ياسر الكوره دخلت البيت المهجور فرحت الهدف تحولت
لحزن كبير علشان لسه شاري الكوره و محوش فلوسها
من زمان طيب يلا يا نروح نجبها محدش راضي و بيقولو انت عارف بتقول ايه البيت ده فيه عفريت و ابهاتنا محرمنا نروح عندو علشان بيقولو ال بيروح مش بيرجع فعلا الكل روح و فضلت انا مستني مكاني زعلان علي الكوره و ببص لي البيت و كان المغرب علي اذان و الظلام يقترب و ببص اكتر للبيت بقيت شايف الكوره
و فيه غموض احساسي بيقولي ان مفيش حاجه في البيت و هروح اجيب الكوره و هاجي و كان الخوف حوايا و فعلا قربت عند البيت و لسه هدخل لقيت صوت عالي
ياسر ببص ورايا لقيت اصحابي اوعا تدخل قلتلهم هدخل اجبها و هاجي علي طول صممو اني مدخلش و فعلا مدخلتش و كل واحد روح بيتو و انا علي سريري مش
عارف انام و تفكيري كلو في الكوره و الحماس خدني اني لازم اروح اجبها و اعرف افاجه اصحابي بيها و فعلا في آذان الفجر روحت البيت و دخلت البيت لقيت الدنيا
هاديه و مفيش حاجه قلبي اطمن بس الخوف مسيطر عليا و بسرعه جبت الكوره و خرجت و هطير من الفرحه و جريت علي البيت دخلت زي ما طلعت و محدش شافني
و نمت علي سريري صحيت لقيت ناس لابسه اسود
و بتصوت اتخضيت اوي قولت حد مات من اخواتي
قمت من علي السرير بسرعه اشوف في ايه ببص علي اخواتي و ابويا و امي لقيتهم كلهم موجودين؛؛؛؛؛؛؛ امال مين ال مات و دموعي
بتنزل من الشايفو قدامي و مصدوم و اسمع صوت اخواتي
بيقولو يعني كدا ياسر راح يا ماما اتخضيت اكتر و قلبي وقف و العرق بقا بينزل بسرعه من التوتر بقولهم ياسر مين
و بدأت الاحظ ان محدش شايفني و صوت اخواتي عليا رهيب و الصوت بيعلي و انا قلبي مش قادر يتحمل الموقف
و صوت امي بتقول سبوني ادخل اشوفو تاني طلعت اجري تاني علي اوضتي و كانت المفاجئه ان جسمي موجود علي السرير انا خلاص علي اخري و مش قادر اتحمل ال انا شايفو طيب انا مين انا الروح مبقتش فاهم
طلعت بره في الشارع ببص لقيت بيعملو السوان
و ببص لاخر الشارع البيت المهجور قولت اكيد حاجه حصلتلي من البيت هما موتوني و طلعو روحي
انا لازم اروح البيت تاني و جريت علي البيت اول ما موصلت لقيت حاجه بتحصل ....
الجزء التالي
لقيت حاجه بتحصل لقيت الباب بيتفتح رجعت تاني لي وره و مخضوض من ال بيحصل و قربت عند الباب تاني
اشوف ايه ال بيحصل و كل الخوف جوايا
و لما قربت و دخلت البيت و دخلت شويه كمان جوه البيت فاجئه لقيت الباب اتقفل جسمي بقا في حالة
انهيار عصبي و مقدرتش اتحمل و جريت علي الباب افتحو و اخرج تاني ملقتش مكان افتح الباب منو و لقيت
يد اتحطت علي كتفي من الرعب لقيت دموعي تنزل و من الخوف مش قادر ابص ورايا و خلاص قولت انتهيت خلاص و مره واحده صوت هادي ازيك يا ياسر
استغربت و بدات الف جسمي و لما بصيت
لقيت كائن غريب و شكلو يموت من الرعب و بصوت عالي
لاااااااا و فاجئه بسمع صوت ياسر ياسر لقيت نفسي بفتح عيني بلاقي امي مالك يا ياسر بقولها انا حلمت با كبوس
بتقولي طيب يلا علشان تفطر و قوم علشان اروق الاوضه قلتلها حاضر كان كل ده حلم الحمدلله و بشكر ربنا و فاجئه لسه هقوم لقيت الكوره جنب الباب صوت بصوت عالي
مين الجاب الكوره دي هنا لقيت امي بتقولي مش عارفه
مش الكوره دي بتاعتك قلتلها اه بس قلتلي بس ايه
مقدرتش ارد عليها با الحقيقه وقولها ان الكوره في البيت المهجور قلتلها اه خلاص افتكرت خلاص قلتلي طيب يلا و انا بقا قلبي هيموت من الرعب ايه حكاية الكوره دي انا
مجبتهاش ده كلو كان حلم لما روحت و نمت و حلمت اني صاحي و حصل ده كلو طيب ايه الي جاب الكوره انا بقيت
هتجن و الخوف مسيطر عليا و مش فاهم حاجه
و من الخوف مفطرتش و نزلت الشارع عند صاحبي
و لما روحت عند صاحبي لقيت صحبي بيقولي
ايه ياعم مش هتجيب الكوره الجديده نلعب بيها شويه ولا ايه
اتصدمت قلتلو ياعم الكوره راحت البيت المهجور
امبارح و احنا بنلعب لقيت صحابي بيبص لي جامد و بعجب قلولي انت مكنتش معانا امبارح قلبي وقع في رجليا و جسمي قشعر من الخوف بقولو ازاي ياعم
احنا لعبنا امبارح قلولي انت مكنتش معانا امبارح
قولت في خيالي اكيد انا لسه زي ما انا الروح طيب ايه ال بيحصلي ده قلتلهم ازاي يا جماعه و احنا كنا بنلعب مع بعض كوره قلولي مش انت كنت مسافر امبارح و جيت بليل خالص يبقا ازاي لعبت معانا و احنا كمان ملعبناش امبارح انا بقيت في وهم و مش عارف ايه ال بيحصل
طلعت اجري علي البيت و بقول لي امي احنا جينا من السفر انتا قلتلي بليل خالص و انت دخلت الاوضه بتاعتك
و نمت علشان انت كنت جي تعبان و قمت الصوت لقيتك بتصوت و قلتلي انك حلمت با كبوس فعلا افتكرت كل حاجه و كل ال حصلي ده كان حلم و افتكرت لما جينا من السفر دخلت اجري علي الاوضه و سبت الكوره وره الباب
و نمت علي طول و محستش با نفسي
و فعلا صدقت كل حاجه و قلبي اطمن جدا و بقيت هموت من الفرح و خلاص بقت كل حاجه طبعيه و اخدت الكوره
و جريت علي صحابي فرجتهم علي الكوره و بدانا نلعب بيها و الفرح ملينا لان اول مره نلعب مع بعض كوره
و خلاص كل حاجه بقت طبعيه و فاجئه بشوت الكوره
و كانت الصدمه انها تدخل البيت المهجور
كانت الصدمه هنا افتكرت كل حاجه في الحلم
و قولت الحمدلله الحلم ده كان هو الحاجه الحلوه في حياتي لانه فهمني كل حاجه هتحصل و اعرف اتصرف فيها
لو زماني محلمتش كان فعلا كل حاجه حصلت و كان حياتي هتدمر
ربنا بعتلي الحلم رساله و كان عارف ايه ال هيحصلي
و فوقني با الحلم
كل حاجه في حياتنا اختبارات و بيجيلنا رسايل
تنقز حياتنا
ايه رايكم في القصه
💕🌹❤️💖🌷برنس 💔♥️💛💙💛
تعليقات
إرسال تعليق
فضلا اترك تعليق من هنا