رواية لعنة حبه البارت السابع والثامن بقلم جني محمد

لعنة حبه السابع والثامن

بدر بيحس بحد وراه بيلف و يلاقي شخص الملثم موجه السلا"ح في رأسه و قال : لو عملت أي حركة هتروح على جه"نم على طول و السنيورة تحصلك 

و الشخص التاني موجه السلا"ح على راس جنى 

بدر قام بهدوء و جنى قامت و هي ماسكة في دراع بدر 

بدر خبت مرتين على دراع جنى ، جنى فهمت ان دي اشارة ما بينهم يفهموا بيها بعض ، جنى وقفت وراه و بدر بحركة سريعة مسك دراع واحد من الملثمين و سحب منه السلا"ح و بدأ يهدد"هم بيه و قال : نزلوا اي سلا"ح معاكم و اقعدوا على ركبكم و ارفعوا ايديكوا لفوق ... يلااا 

الاتنين قعدوا على الارض فقال بدر : مين بقا اللي بعتكم 

الشخص 1 : معندناش تعليمات  نقولك حاجة 

بدر قت"ل الشخص ده بدم بارد و جنى كانت مصدومة و حاطت ايدها على بوقها بر"عب و قال بدر : تحب تحصل زميلك ؟ 

الشخص التاني قام بسرعة و ضر"ب بدر و وقع السلا"ح بدر قام بسرعة و ضر"به و جنى استخبت ورا الشجرة و بتعيط ، الملث"م طلع سكي"نة من جيبه و بيحاول يصيبه ، بدر جاب المسد"س و لسة هيضر"به بالنار ، عو"ره بالسكينه في بطنه و لكن بدر تلاشى الألم و ضر"به بالنار 

بدر و"قع على الارض بتعب و جنى جريت عليه و قالت : ليه قتل"تهم ليه ؟

بدر قام وقف بتعب و جنى ملحظتش إصابة بدر و قال : قولت قبل كده لو عايزة تمو"تي انا لاء ..يلا بسرعة عشان مفيش وقت نلحق نرجع للعربية 

جنى مشيت معاه و كانت سرحانة في موقف حصل ما بينهم ايام الجامعة 

فلاش باك 

چنی بملل : مش عاوزة اروح 

بدر بضحك : افسحك

چنی بصلته بصة غريبة فيها فرحة على حزن على قلق و قالت : من امتى الحنية دي ؟ 

مرة واحدة بدر لف بالعربية ف قالت :براحة يا مجنون هنموت

بدر بفرح : سيبيلي نفسك خالص 

بعد فترة 

بدر وقف العربية على الكورنيش و قال : انزلي 

چنی بإستغراب : جايبنا في الوقت ده على الكورنيش ليه ؟

بدر بضحك : تعالي بس متبقيش قفوشة 

نزل بدر و نزلت چنی و سندت عليه و قعدت راح عند عربية صغيرة بتبيع حلبسة حمص الشام على الكورنيش

راح ناحيتها و قالها و هو في ايده كوبايتين حلبسة : اتفضلي يا ستي ، الجو ده مينفعش فيه غير حلبسة 

بصتله چنی بتعجب و قالت : حلبسة ! ايه دي ؟ 

قعد جانبها و قال بإستغراب :يعني عايشة حياتك كلها في مصر و متعرفيش الحلبسة ، بصي يا ستي دي عبارة عن حمص الشام و ليمون و شطة ده اللي اعرفه ...امك قاطعة عليكِ الارسال و لا ايه

چنی بإحراج : يعني اسمع عنها بس عمري مجربتها 

بدر : طب خدي يا ستي دوقيها 

جنى اكلت فقال بدر : لو حد ضايقك بعد كده و انا موجود امسكي في دراعي بقوة و لو خبطت على دراعك مرتين ارجعي ورايا و انا هتعامل ناشي ...اوعي تخلي حد يتنمر عليكِ يا جنى

انتهي الفلاش باك 

في مكان تاني لأول مرة 

يعقوب بيصحى سالم و عمال يخبطه في دراعه : سالم … أنت يابني اصحى

سالم : في ايه حد يصحي حد كده

يعقوب : مينفعش تختفي كده !!

سالم بسخرية : يابني انتَ مصدق اني سليم بجد ... انا بس اخوه التوأم 

يعقوب : بس مش أنتَ عايز حق اخوك ؟

سالم سرح في اخوه سليم اللي أنت"حر من سنتين و هو منتحل شخصيته

عند بدر و جنى 

بدر ماسك بطنه بتعب فقالت جنى : أنتَ كويس ؟ 

بدر : اه متقلقيش ادينا وصلنا قدام العربية 

و لكن بدر وقف و سند رأسه على العربية بتعب ف قالت جنى: ايه وقفت ليه ؟

فتح بدر العربية بس من غير مقدمات و"قع على الارض من كتر النز"يف اصا"بته ، جنى صوتت و قعدت على الارض و سندت رأسه على رجلها و قالت بعياط : مالك يا بدر فوق 

جنى بتشيل ايد بدر اللي على بطنه و بتلاقي نز"يف و ايده متغر"قة د"م 

بدر بيتنفس بصعوبة و فجأة شخص من الملثمين بيحط السلا"ح على رأسها و قال : قومي معانا بدل ما تحصليه ... الخواجة عايزكم احياء !! 

يتبع ...

بقلم Jana Mohammed 

#لعنة_حبه 7

جنى بتفوق و بتلاقي نفسها في أ"حضان بدر اللي بيلعب في شعرها و قامت بفز"ع و لكنها حاطت ايدها على راسها بتعب و قالت : ايه ده هو احنا عايشين و لا ايه اللي حصل ؟

بدر ضحك بسخرية و قال : أنتِ شايفة ايه ؟

جنى : هو أنتَ مش كنت بتمو"ت 

بدر شد"ها من وسطها و قال : للدرجاتي مش عايزاني و بعدين كل اللي حصل ان الشخص من العصا"بة ضر"بك بالمسد"س على دماغك و لكن انا قاومت و خلصت عليهم و لولا الراجل اللي قاعدين عنده دلوقتي كنا فعلا مو"تنا و كمان مراته ممرضة على المعاش هي اللي خيطت الجر"ح

جنى بصدمة : دي معجزة 

بدر : عندك حق ربنا رحيم بينا اوي لدرجة اننا عدينا من المو"ت

جنى قامت بتعب : بس ده ميمنعش اننا لازم نروح مستشفي نطمئن ..كلمت سليم طيب ؟

بدر ببرود : لا ..جنى تيجي ندي فرصة لنفسنا

جنى قامت وقفت و قالت بصدمة : أنتَ بدر الرفاعي و لا بدلوك زي الافلام ؟

بدر ضحك و قال : بشحمه و لحمه 

جنى حضنته و قالت : طب و الطلا"ق 

بدر با"سها و قال : خليني ندي لنفسنا فرصة ..ماشي 

جنى قالت بحب : انا بحبك اوي يا بدر

بدر ابتسم و قال : طب يلا عشان نفطر 

جنى : لا هتصل بسليم اقوله ييجي ياخدنا عشان نشوف هنحل المشكلة دي ازاي

بدر بهدوء : على راحتك انا مستنيكِ برة 

جنى اتصلت بسليم و رد 

جنى : كده تمشي و تسيبنا يا سليم

سليم : عايزة ايه يا جنى 

جنى : بقولك ايه في عصا"بة طلعت علينا و كنا هنمو"ت بس في ناس كويسين انقذونا ..بص هبعتلك لوكيشن تعالى خدنا عشان نشوف هنحل مشاكلنا دي ازاي 

سليم ببرود : ماشي يا جنى هاجي مسافة السكة 

جنى قفلت مع سليم و طلعت لبدر كان قاعد بيتكلم مع راجل كبير فقال بدر : تعالي يا جنى ده الراجل الطيب اللي انقذنا عم سعد 

جنى قعدت جانب بدر و سلمت على عم سعد و شكرته 

في المساء

جاه سليم و رن على جنى و طلعت عشان تجيبه 

جريت جنى عليه و قالت : كويس انك متأخرتش ...صحيح يا سليم مش بدر قرر أن ندي فرصة اننا نجرب هل هنعرف نكمل مع بعض و لا ؟

سليم بصدمة : و انا يا جنى 

جنى ضحكت و قالت : انتِ ايه يا سليم مالك 

سليم : أنتِ ليه عمرك ما حسيتي بمشاعري 

جنى بإستغراب: سليم أنت كويس ؟

سليم حاو"طها من وسطها وقال : يا جنى انا بحبك

جنى بزعيق : ابعد يا سليم انتَ شكلك مش مظبوط 

سليم بيحاول يبو"سها و جنى بتضر"به و بتصوت

و فجأة سليم بيقع على الارض أثر ضر"بة من بدر و جنى بصدمة : بدر ..استنى !! 

يتبع ..

بقلم Jana Mohammed 

#لعنة_حبه 8

#جنى_محمد 

تكملة الروايه من هنااااااا