 |
بسم الله الرحمن الرحيم
الجزء الثاني من قصة زواج مع وقف التنفيذ
بعد ما رشيت الشقه بالميه اللي قريت عليها قرءان
وشغلت التليفزيون علي قناه القرءان الكريم
ودخلت الاوضه وبقرب من مراتي لقيت باب الشقه الخارجي بيخبط تاني
طبعا مراتي بقت ميته من الرعب بس انا اتأكدت اني اثرت علي المخلوق ده وقدرت اخرجه من الشقه
طمنتها وقولتلها مش هتسمعي صوت تاني خرجت فتحت باب الشقه ورشيت قدامها تقريبا رشيت الدور كله
والسلم فوق وتحت وباب الأسانسير ودخلت عشان اشوف اخرتها معاه
اكيد الكل مستغرب انا ليه بتعامل بهدوء كدا ومش خايف
ودا (اولا ) عشان انا ليه شيخ صديقي وحضرت معاه اكتر من موقف
(ثانيا ) عشان مراتي تحس بالامان
دخلت الاوضه ومنتظر اشوف هيخبط تاني ولا ايه
الحمدلله ملقيتش صوت تاني يوم اتصلت بصديقي
وقولتله علي اللي حصل قالي اكيد ده عمار البيت
وانت كدا خلاص مشيته بس هعدي عليك احصن البيت
وجه بالليل واول ما دخل الشقه
لقيت مراتي وقعت من طولها بقولها في ايه قالتلي
رجلي انا اتشليت شلتها نيمتها في سريرها وخرجت
بيسالني في ايه قولتله سكت وقالي كدا الموضوع مش
عمار المكان روح هات لي كوبايه فيها شوية ميه
جبت له البخاخه اللي استعملتها وبيتها ميه
مسكها بدء يقرء فيها بصوت واطي
حوالي ربه ساعه لقيت مراتي بتصرخ جوه
دخلت لقيتها وشها ازرق وبتتخنق ومش عارفه تتنفس
ناديت عليه بسرعه جه حط ايده علي رأسها
وفضل يقرء حوالي نص ساعه لقيت وشها بدء يرجع تاني وبتتنفس بهدوء
وراحت في النوم
اخدته وخرجنا قعدنا في الصاله وانا مستغرب في ايه
بسأله في ايه قالي مين دخل اوضتكو من بعد الجواز
قولتلوطبعا قرايبها يوم الصباحيه وصحابتها
اللي لسه كانو موجودين من بيومين قالي طيب انا هنزل وارجعلك تاني بسأله طب في ايه قالي لما ارجع
هتعرف ونزل جاب بخور ومية موارد وحاجه كدا اسمها حنتيت وحاجات انا معرفهاش وجاب فحم وقالي
هات لي حله كبيره مليانه ميه وحاجه اولع فيها الفحم جبتله اللي طلبه ودخلنا الاوضه ولسه مراتي نايمه محستش باي حاجه مع ان نومها خفيف جدا ااقل حاجه بتصحيها ولع الفحم وحط عليه بخور
وبدء يقرء شويه ولقيت مراتي بتزوم وبتصرخ وبتقوله اخرج برا انتي جاي تعمل ايه انت عايز تموتني
رد عليه الشيخ قاله انت اللي بتعمل ايه هنا
وعايز منها ايه قالو انا غصب عني مأمور اني
ابعدهم عن بعض واخرب البيت
الشيخ قاله مين اللي بعتك وعايز يخرب البيت ليه سكت ومش عايز يرد الشيخ سأله تاني برده ساكن
رجع الشيخ يقرء تاني وحط بخور من نوع تاني
الجن وقتها بدء يصرخ ويتألم ويقوله كفايه
هتحرق كفايه هتحرق الشيخ سكت وقاله قول علي حاجه اسمك وديانتك ومين اللي بعتك قاله هيقتلوني
ويقتلو اولادي اخدوهم عندهم رهاين لو منفذتش المطلوب هيقتلوهم ويقتلوني الشيخ انا كدا كدا هحرقك
لو ما قولتش بس لو جاوبت علي اسئلتي وخرجت منها هساعدك واساعد اولادك ود عهد عليه عاهدني
قاله مش هتكلم والا هسيب الجسد ده الا لما تنفذ عهدك وتنفذ اولادي الشيخ سكت
واخد حته من بخور الحنتيت وحطها علي النار
وبدء يقول كلام مش مفهوم ويشاور باديه وبصوابه الكلمه الوحيده اللي فهمتها
العجل العجل الساعه الساعه وفضل يكررهم كتير وسكت شويه وضحك وقال الجن طلبك اتنفذ اولادك في امان رد علي اسئلتي
ان شاء الله هنعرف في الجزء الجاي اجابة الاسئله ونعرف الشيخ عمل ايه مع اولاد الجن
باقي القصة جميل اوي وفيها تفاصيل ومفاجاءات كتير
والقصة بدون تحريف أو زيادة ولكن تحذف الألفاظ السيئة منها فقط ..
للحصول علي الجزء الأخير عمل متابعه للمدونه
تكملة الروايه من هنااااااا
تعليقات
إرسال تعليق
فضلا اترك تعليق من هنا