رواية حب يتخطى الزمن الفصل الاول والثاني بقلم ياسمين مصطفى

رواية حب يتخطى الزمن الفصل الاول والثاني بقلم ياسمين مصطفى 

رواية حب يتخطى الزمن الفصل الاول والثاني بقلم ياسمين مصطفى 

(حب يتخطى الزمن)      بارت 1

ف مكتب مغلق حيث يجتمع عدد من الأفراد يرتدى غالبيتهم ملابس سوداء ،ويبدو أن شخصا ما يعقد معهم اجتماعا هاما ويوجه لهم التعليمات بشأن مخطط يجب عليهم تنفيذه والجميع كان صامتا وكأن على رؤوسهم الطير لا يجرؤ أحد على الاعتراض ،،،،،

_الشخص:مش معقول يعنى بعد كل المعلومات اللى جمعناها منقدرش نتحرك ،انا عاوز الكل يكون مستعد للخطوه اللى جايه ،وبالمناسبه مفيش أى أجازات خالص ...اظن كلامى واضح مافيش أجازات ....اتفضلوا على مكاتبكم وعاوز تقرير شامل عن اللى حصل فى العمليه الاخيره 

خرج الجميع من المكتب ويبدو أن .....،،،،،،

سيف بأستغراب :انا مش عارف احنا قصرنا فى ايه ؟

فارس:يا عم ريح الزبون وقول حاضر

رائد: هو انت ليه محسسنى إنک شغال صبى بقال ؟

فارس : ما هو كده كده کنا هنسمع البؤين دول ،فهز راسک وانت ساكت ولا اى رأيك ي (ٱسر) 

سيف : سيب (ٱسر)ف حاله ،هو اصلا مش ناقص الكلام کان ليه.

(ٱسر): بطل ي خفيف منك ليه ،مش عشان ساكت يبقى هتعملونى اشتغالتكم 

رائد :خلاص يا باشا ،يلا علشان نلحق نكتب التقرير قبل منروح.

(ٱسر)وهو يضع نظارته السوداء :خلصه انت يا رائد بيه انا ورايا مشوار مهم ،وراجع .

فارس :هنياله .

(ٱسر): لم نفسك ي فارس وإلا انت عارف إيدى كويس 

فارس : يعنى مفيش مزه كده ولا كده 

(ٱسر):لأ ي خفيف أنا مش بتاع الكلام الفارغ ده ،سايبهولک انت 

فارس رافعا يديه فى الهواء : برئ يا بيه 

سيف : خف على (ٱسر)يا فروسه انت مش حمله دلوقتى ،ماشى يا (ٱسر) هنستناك أما ترجع 

(ٱسر):اوك ،باى يا شباب 👋 

البطل :ٱسر العسيلى  ولقبه (التنين)

الوصف: شاب ف 30 من عمره يعمل ظابط فى الداخليه ف المخابرات العامه المصريه على رتبه مقدم

الصفات :عصبى جدا ،مغرور ،قوى وشجاع ،طويل ووسيم ،يتميز بالذكاء والجديه والصرامه بالاضافه الى الشجاعه والاقدام والقدره على مواجهه أى خطر ،قد يكون عصبيا وحاد الطباع ولكنه يعود للهدوء بعد فتره يعيش مع أخيه الكبير ولديه اخت اصغر منه ف العمر يحب عائلته حبا جما ولا يستحمل اى سئ عليهم ولديه صديق عمره (سليم الجارحى)يحبه ويعزه ولديه ثلاث اصدقاء مقربين منه ومتقاربين ف العمر,وهم من يعملون معه ف نفس فريق العمل واسمائهم (سيف ،فارس،رائد)ويعتبر (ٱسر)هو اقدمهم ف الفريق لذا اعتبره اصدقائه قائدهم القريب والمقرر منهم وقد أطلق( ٱسر )على فريقه الخاص اسم (أسود الليل )

ف مكان آخر مكان ما تسكن بطلتنا

كانت هناك فتاه جميله ع السرير شعرها الحرير يغطى وجهها ،داعبت الشمس وجهها ف تململت فى الفراش وأخذت تفتح عيونها ببطئ حتى تتعود ع ضوء الغرفه ونظرت بعيونها الخضراء الجميله ثم قامت من على فراشها بكسل حتى تدخل الحمام ولكن فجأه سمعت صوت شئ ينكسر ف الأرض تفاجأت ثم علمت أن هذا الصوت يأتى من المطبخ ذهبت إلى المطبخ وفجأه صرخت بصوت عالى عاااااااااااااااااااااااا

وأتى شاب من خلفها ووضع يده على بقها ودخلها المطبخ :اسكتى اسكتى هتفضحينا 

البنت :باصه ف عنيه ببرائه :ممممم 

الشاب كان الدقيق مغطى وشه وكان شكله مضحك اوى 

الشاب :هشيل ايدى بس متصوتيش انا سليم ماشى 

البنت حركت رأسها بحاضر

سليم :ممكن تهدى بقى ومش اى حاجه تصوتى ي حلا

حلا:طيب انت عامل كده ليه 😲

سليم : كنت بحاول اعمل أكل بس اتعمل عليا باين 

حلا: انفجرت ف الضحك من منظره المضحك هههههههههههه

سليم بأبتسامه : بتضحكى اضحكى يختى 

حلا: مش انا قولتلك اعملك أكل معايا بعد كده انا بحب الطبخ والله عادى لو عملتلك بالمره 

سليم :مش عايز ٱخرك ع الجامعه يلا روحى اتوضى وصلى وتعالى جهزى الفطار عقبال ما اروح اخد شاور علشان امشى ع الشغل

حلا :تأخير اى ي ابنى يعنى تأخرنى مش احسن من انك تولع ف العماره

سليم : هههههه عندك حق خلاص يلا اعملى عقبال ما أخد شاور 

حلا :ماشى ي بروو هروح اصلى وأجى

سليم : ينهار ابيض وجرى على المطبخ 

حلا: يالهوى حريق هوف هوف هوف 

سليم : يا شيخه بجد هوف عليكى انتى

حلا:اومال اعمل ايه وبعدين ايه اللى مولع كده فى السجاده 

سليم : كنت حاطط بخور وباين كده مسكت ف السجاده 

حلا :مممممم ،،وفضلت تقول هوف هوف 

سليم : روحى هاتى الطفايه يلى هتجبيلى شلل☹️😵‍💫

حلا راحت تجيب الطفايه وسليم حاول يطفيها بقماشه بس النار كانت بتمسك فيها 

حلا : خد الطفايه اهى وادته طفايه سجائر

سليم اتصدم : يا بنتى هو انا هطفى سجائر دى حريقه يا ماما يعنى عايز الطفايه التانيه عندك ولا هنولعععع 💥🙈

حلا : اااااااه الحمرا دى استنى ،ڜما تقول من الاول طفايه حريق  كح كح كح

سليم :طيب بسرعه 

بعد شويه اتمكنوا من إطفاء الحريق         

وذهبت حلا اخدت شاور وتوضأت وصلت فرضها وذهبت إلى المطبخ واحضرت الفطار لها ولأخيها وجهزت السفره 

حلا: سليم سلييييم

سليم :اى اى ي بنتى صوتك المزعج ده صحيتى العماره كلها 

حلا: طيب يلا ي خفه الفطار جهز

سليم بدهشه : خفه ؟! اى ي بنتى اللغه دى مستقبل البلد ضاع خلاص دى منظر واحده بعد كام سنه هتبقى دكتوره لا إله إلا الله

حلا : ومالها لغتى ي ابو

الصحاب زعجاك ف اى دى حتى ميه فله واربعتاشر
سليم : غورى ي حلا يلا نطفح ههههه
حلا : ههههههه يلا ي حضره الظابط
وأكملوا فطارهم وذهب كل من سليم وحلا ف عربيه سليم اوصلها إلى الجامعه ثم ذهب إلى عمله
نتعرف ع بطلتنا

البطله :حلا محمد الجارحى
الوصف :قصيره بعض الشئ جميله جدا، عيون خضر، وبشره لبن حليب ،شعرها بنى حريرى حتى ركبتها ،ذات غمازات ،سعيت جاهده حتى حققت حلم باباها واخوها سليم إنهم يشفوها دكتوره ،حاليا سنه خامسه كليه الطب باباها كان لواء شرطه
سليم محمد الجارحى:شاب ف عمر ال 29من عمره يعمل ظابط ف الداخليه ف سيناء يحب اخته جدا ووالده متوفى لديه صديق مقرب وهو (ٱسر)

بارت 2
دخلت حلا الجامعه وكان ف انتظارها صديقتها يارا
يارا: اتأخرتى كدا ليه ي ست حلا المحاضره بدأت بقالها خمس دقائق وانتى عارفه دكتور زين مبيرحمش اللى بيدخل بعده
حلا :ياختتتتى😥 هو اول محاضره دكتور زين دا ارخم دكتور.... بكرشه المدلدل قدامه ده طيب وبعدين هنعمل اى
يارا: ولا حاجه مقدمناش غير نستنى المحاضره اللى بعدها لان لو دخلنا هنتكرش قدام الكل وهيبقى منظرنا مسخره بسبب الهانم المتأخره
حلا: خلاص يختى مكنوش خمس دقائق 😏كله منك ي سليم يا ابن ام سليم ادعى عليك بأى ☹️
يارا بابتسامه: ماله سليم الغلبان عمل اى مع انى اشك اصلا..... انتى سبب كل المشاكل
حلا: اسكتى ي اختى قولى معملش اى البيه بيحاول يعملنا فطار كان هيولع ف البيت ههههه وقصت ليارا كل ما حدث في الصباح
يارا: هههههه مش قادره بطنى هموت 😂😂 انتوا مسخره اقسم بالله
حلا بضحك هى الأخرى : اعمل اى يعنى ما هو اللى محددش نوع الطفايه اى 😏
قطع وصلت الضحك عليهم شاب طويل وسيم يتمناه كل بنات الكليه ولكنه لا يريد سواء حلا
الشاب :حلا ممكن اتكلم معاكى ثوانى
ظلت حلا ع وضعها دون أن تلتفت إليه :اظن مفيش كلام بينا واتفضل امشى من غير مطرود
الشاب : حلا انا قصدى شريف والله انا بس معجب بيكى وبأخلاقك وعايز اتعرف عليكى اكتر وادخل البيت من بابه
حلا :  امشى بكرامتك بدل ما امشيك من غيرها
الشاب : حلا انا بس
وقبل أن يكمل كلامه كانت وقفت وعيونها الخضراء الحاده ونظرت له نظره ارعبته
حلا: اظن سمعتنى كويس ي دكتور ولا اى رأيك
وذهب الشاب يغلى ف نفسه ويتوعد لها بأبشع الاشياء
الشاب:  ماشى ي حلا ميبقاش انا ادم القاضى إن ما خليتك تيجى راقعه تحت رجلى ي حلا هانم 😎
واكملت البنات باقى محاضراتهم
ف سياره ٱسر يحدث شخص ما فى الفون
ٱسر : ابو الصحاب والله ليك وحشه مشفتكش من ٱخر سفريه كنت فيها
سليم : هعمل اى بقى ف البيه اللى عامل نفسه مشغول علينا
ٱسر : هههههههه اعملى فيها بقى البيه المقموص واقلب الطرابيزه علينا اى اخبار الشغل معاك لسه زى ما انت ؟
سليم : اسكت دول واخدينا فحت ردم تقولش كفره وكمان اول ما نزلت اجازه طلبونى ف المبنى عندكم وشكل كده ف قضيه هتجمعنا
ٱسر : انت هتقولى دول ما بيرحموش حد خالص
سليم :بقولك اى كفايه كلام ف الشغل والارف ده انا زهقت يا عم بقى ما تيجى ناكل فى مطعم حلو كده وندردش شويه اصلك واحشنى اوى
ٱسر : يلا يلاااااا من هنا همك على بطنك بس ،طيب اسمع حبيبك لسه جاى من سفر ما تيجى انت تتغدى معانا واهو نتسلى كلنا
سليم بأبتسامه : بتتكلم جد حمزه جه من السفر ايمته خلاص يا باشا انا عازم نفسى عندكم النهارده على الغداء عندكم أكل حلو
ٱسر :هههه تعالى ودوق بنفسك دا على اساس إنك عمرك ما اكلت من ايد داده فاطمه ياض دا انت مكنتش بتتنقل من عندنا
سليم : خلاص يا عم انت هتزلنا مكنوش كام سنه يعنى اللى اكلتهم عندكم انتوا هتذلونا😐
ٱسر :خلاص بطل رغى كتير علشان انا سايق لتلاقونى بكره فى  اخبار الوفيات
سليم : مين انت ؟!! دا انت محدش يقدر يكون زيك ف القياده ع العالم كله دا انت بتسوق وانت نائم
ٱسر : يا اخى قل اعوذ برب الفلق مش هخلص من عين امك دى هههه
ودخل كل من ٱسر وسليم فى نوبه من الضحك فجأه سمع سليم صوت مكباح السياره عالى جدا
سليم بخضه : ٱسر انت كويس ،ٱسر ،ي ابنى رد عليا
فجأه تكلم ٱسر :لا متقلقش كويس بس ف بنت متخلفه شكلى خبط حد هطلع اشوف ام لسان طويل دى سلام انت دلوقتى
ف جامعه حلا
غادرت حلا الجامعه وهاتفت صديقتها اروى وهى ف السنه الاخيره من كليه ٱداب
حلا : صباح منعنع على احلى اروى فى الشرق الأوسط .
اروى :حلا صباحك ورد عامله اى ي بت ؟
حلا :متبهدله ااااااه يانى وصوباعى الله يرحمه كان طيب وأبيه سليم مشحططنى على الٱخر يرضيكى كده .
اروى:ههههههههه والله اخوكى دا مفيش منه انتى اللى استغفر الله يعنى .
حلا: ماشى يختى دافعى عنه اوى ،المهم انتى ف الكليه ولا زى كل يوم ؟.
اروى بضحك : زى كل يوم طبعا منزلتش النهارده
حلا : جتك شكه كنت عايزه أشوفك النهارده يالا بقى متعوضه امشى بقى علشان رصيدى يالا.
اروى : يخربيت البخل قفلت ياختى يالا سلام يا ورده
حلا : سلام يا قطه
وأغلقت الخط وخرجت لكى تذهب الى الباص لكى تعود إلى منزلها التقت ب يارا وخرجوا سويا ويارا ممن يعبرون الطريق سريعا دون انتباه دوى صوت فرامل حاد انتبهت له يارا وفزعت وتوقفت مكانها بلا حراك جذبتها حلا من يدها وهى تشتم صاحب السياره بأبشع الشتائم ،استطاع صاحب السياره عليها وتوقف بعد احتكاكها من الجانب قليلا وخرج من السياره وذهب إلى يارا التى تجلس أرضا من الخضه وحلا التى تسبه وتعلنه لاصابه صديقتها ،ذهب إليهم وعلى وجهه امارات الغضب الشديد
صاحب السياره :انتى غبيه ولا مبتشوفيش اى اللى هببتيه ده
تعصبت حلا بشده ورفعت عينيها إليه لكنها فوجأت
الى هنا وننتهى استنوا البارت التالى
بقلم ✍️:YASMEN EL MOUSTAFA

تكملة الروايه اضغط هناااااااا