رواية حب يتخطى الزمن الفصل الثامن 8بقلم ياسمين مصطفى
رواية حب يتخطى الزمن الفصل الثامن 8بقلم ياسمين مصطفى
بارت 8
أحلى حاجه فى النضج إنه بيخليك مع الوقت تستصغر أمور كثيره جدا وتحس إن مش اى حاجه تستاهل تحرق دمك عشانها ولا اى حاجه تبهرك بسهوله؛ لان ديما اللى بيحكم الشخص فى المرحلة النضج هو المنطق.... يعنى لا المظاهر ولا المنظره ولا الاستعراض الخايب دا بيجيب معانا وحرفيا مبننجذبش غير لكل ما هو لطيف وبسيط ومريح.
ـــــــــــــــــــــــــــــــــــــــــــــــــــــــــــــــ
القائد بعصبيه: انتو شايفين نفسكوا على ايه؟
آسر: تقصد مين ب انتو دى؟
القائد وهو على نفس عصبيته: انت واخوك يا ولاد العسيلى.
آسر أعطى له ظهره ببرود ولم يجيب عليه ليتركه يحترق بداخله
ـــــــــــــــــــــــــــــــــــــــــــــــــــــــــــــــ
فى جناح مليكه بالمستشفى 🏥
دلفت حلا وهى ترتدى البلطو الخاص بالاطباء وقالت وهى تضع عيناها فى الارض: السلام عليكم ورحمة الله وبركاته.
ردوا عليها جميعا السلام ماعدا التى صرخت فى وجهها
فريده بصوت عالى نسبيا: حلااااااااااى وذهبت اليها وارتمت فى حضنها
حلا بصدمه: مش معقول 😳
ابتعدت فريده عنها: اى يا بت محدش بيشوفك بقالك أكتر من شهر ليه؟
حلا: فين اكتر من شهر دول هما اسبوعين اتنين..... المهم سيبك انتى وحشااااااانى موووووت
حلا واخذتها فى حضنها: اعمل اى. بقى مشلوحنى فى المستشفى والعملى والامتحانات على الابواب خلاص
سامر بتهريج بعض الشئ: خلاص ادخليلها من الشباك 😂
وكزه حمزة فى يده حتى يسكته عن الكلام
انتبهت حلا للواقفين بجوارها والتى كانت غافله عنهم
حلا بتعلثم: انا انا.. اسفه جدا.... سورى اتحمست لما شفت فرى
حمزة بعمليه: ولا يهمك شوفى شغلك .
ذهبت حلا الى مليكه وابتدت فى الكشف عليها
حلا بعمليه: لازم يتعلقلها محلول لان جسمها ضعيف.
حمزة: شوفى حضرتك المناسب واعمليه.
هزت حلا رأسها بالموافقه وكادت أن تقترب من مليكه ولكنها فزعت بشده من صرخه مليكه.
مليكه بصراخ: لااااااااااااا مش عايزه ابر
حمزة بهدوء: حبيبتى اهدى دى مجرد شكه دبوس وكل حاجه هتنتهى صدقينى مش هتوجعك.
مليكه ببكاء شديد: لا لا لا يا ابيه انا بخاف من الابر وهى بتوجع اوى.... واكملت كلامها لحلا.... بلييييز يا دوك بلاش.
حمزة: كوكى اسمعى الكلام.
حلا: خلاص يا فندم انا هعرف اتعامل معاها.... واشاحت بوجهها عن حمزة ووجهته الى مليكه
حلا بأبتسامه: اسمك حلو انتى اسمك كوكى؟
مليكه بأبتسامه مماثله: لا اسمى مليكه.
حلا بنفس ابتسامتها: واااو دا كده بقى اسمك اجمل.
مليكه بخجل: ميرسى.
حلا: اى رأيك احكيلك حكايه ونسيبنا من الابر والادويه علشان بينى وبينك انا كمان مبحبش الحاجات دى.
هزت مليكه رأسها بأيجاب، على عكس سامر وحمزة الواقفين مصدومين من اسلوب حلا لمليكه وكيف هتقص عليها قصه وهى تحتاج الى المحلول
كاد حمزة بمقاطعتها ولكن اؤمت له فريده برأسها: سيبها تعمل اللى هى عيزاه متخفش دى اسلوبها وهتعمل المحلول لمليكه من غير ما تحس دى صحبتى وانا عرفاها.
اكتفى حمزة بهز رأسه لها علامه الرضا
حلا:
ـــــــــــــــــــــــــــــــــــــــــــــــــــــــــــــــ
فى مبنى المخابرات خاصه فى مكتب آسر
كان يجلس آسر شاردا فى الملاك البرئ
آسر فى تفكيره: ليه انتى بالذات اللى شاغله بالى وبتخطرى على بالى من ساعه ما شفتك؟ يا ترى انتى مين والقدر هيجمعنا سوا تانى ولا لا؟
عقله: فى اى يا آسر انت هتحن ولا اى دا الحب كلمه ملهاش معنى كلام فاضيه والجنس دا انت مبتكرهش قده.
قلبه: لا يا آسر البنت دى مختلفه عن الكل يمكن هى دى الوحيدة اللى تفهمك وتكون ليك امانك وامك وكل دنيتك.
عقله: الجنس دا ملعونين متأمنلهوش وانت ولا بتاع اعجاب ولا الكلام الفاضى دا ركز فى شغلك يا آسر.
ودار معركه بين ما يقوله عقله له وبين ما يقوله قلبه
تنهد آسر بحزن: يا ترا انتى مين وقصتك اى يا ذات العيون الجرجيريه؟
....... آسررررررررر
فزع آسر من هذا الصوت ليقول بعصبيه: فى اى يا بأف؟ الله
سليم بضحكه: اى يا عم بقالى ساعه بنادى عليك اى واكمل كلامه بغمزه له.... مين واكل عقلك؟!
آسر بتهجم: إى الحركات دى. ولا حاجه عادى سرحت شويه.
سليم بأستفزاز: ايوه فى مين فى وجه جديد ولا اى يا نمس!؟
آسر برفع أحد حاجبيه: وجه جديد؟!.... دا انا اللى شكلى هسنفرلك وشك دا اخليه وش جديد عليك.
سليم وهو يتذكر آسر وهو يلكمه.... بطلقائيه وضع يده على خده: لاااااااا... شكلة كده عاجبنى بلاش انت.
آسر: طيب يلا يا خفه اللواء جه ولا لسه؟
سليم بأستهزاء: خفه؟!! يادى ام اللغه بتاعتكم انت واختى مجانين زى بعض.....
آسر: لا والله بتتكلم بنفس لهجتى😂؟
سليم: مش بس لهجتك دى كمان طريقه معاملتها ليا... بقولها ربنا يأخدك انتى وآسر وارتاح منكم
انفجر آسر فى الضحك على كلام صاحبه ثم قال
آسر بثقه : تربيتى يا ابنى.
سليم بصوت لا يكاد يسمع: تربيه وسخه 😏
آسر ببرود: بتقول حاجه يا سولم؟
سليم: لا يا صاحبى بدعيلك.
آسر: احسب.... ابقى فكرنى لما اشوف اختك ابقى اوصيها عليك.
سليم: لا ابوس
دك دا هى متوصيه خلقه هى ناقصه...... وبعدين الحمدلله مشفتوش بعض بقالكم سنين.
آسر: هشوفها قريب بأذن الله..... واكمل حديثه وهو متجها ناحيه الباب يلا بينا لما نشوف آخره القضيه دى اى؟
ونروح نطمن على كوكى وحشتنى.
سليم: عقبال ما نخرج تكون خرجت من المستشفى صح
آسر: لا لسه حمزة بيقول ان ركبولها محلول واحتمال تخرج بكره.
واكملا طريقهما حيث مكتب اللواء.
ـــــــــــــــــــــــــــــــــــــــــــــــــــــــــــــــ
فى المستشفى خاصه ف حجره مليكه
حلا لمليكه بأبتسامه: بصى يا حبيبتى هحكليك حدوته جميله عن جوهره الاسلام. عن الصادق الامين وقد اى كان الرسول صلى الله عليه وسلم آمين جدا ع الاسلام ف رسالته، ها يا كوكى حابه تسمعى؟!
مليكه بفرحه: اكيييد طبعا عايزه اسمع عن حبيبنا النبى.
حلا بهدوء: صلى على حبيبك المصطفى.
جميعهم ف صوت واحد: عليه افضل الصلاة والسلام ♥🤲
حلا وقد بدأت تأخذ يد مليكه وتدلكها: الرسول صلى الله عليه وسلم كان من احرص الناس ع الامانات، وردها لأصحابها، حتى رغم إضطهاد قبيلته له ولكنه گان معروف بينهم بالصادق الامين.
عارفه مين هما قبيلته يا مليكه؟!
مليكه بحماس: اه طبعا قبيله قريش.
حلا: بالظبط. ومش بس قبيلته شهدتله بالصدق والآمانه، دا ربنا سبحانه وتعالى بجلالته شهد على ذلك عندما قال فى آيه من القرأن «والذى جاء بالصدق وصدق به،اولئك هم المتقون » وربنا كان يقصد بالصدق هنا القرأن ، هو ف دليل اكبر من إن رب العالمين يشهد للنبى بأنه اصدق الناس فى رسالته؛ علشان الناس تآمن به!
مليكه بتسأول: طيب وليه الناس مش بيسمعوا كلام ربنا ويكونوا كلهم مسلمين؟ السؤال دا محيرنى اوى
حلا بأعجاب لسؤالها: علشان مش كلنا عايزين الجنه، بقينا ننتمى لدياناتنا بالوراثه، زى ما اتولدنا بنكون، ورغم إن الناس لو بحثت ف كل الكتب الخاصه بالديانات السماويه، هيلاقوا إن كل الديانات ف الآخر هى دين واحد بس (الإسلام)
حتى فى الانجيل اعلن صريح بأن هناك رسول سيأتى بعد سيدنا عيسى عليه السلام اسمه (احمد )، ودا بيقابله ف القرأن الايه دى «وٌآذِ قُآلَ عٌيَسِﮯ آبًنِ مًريَمً يَآ بًنِﮯ آسِرآئيَلَ آنِﮯ رسِوٌلَ آلَلَهّ آلَيَکْمً مًصّدٍقُآ لَمًآ بًيَنِ يَدٍﮯ مًنِ آلَتٌوٌرآهّ وٌمًبًشُرآ بًرسِوٌلَ يَأتٌﮯ مًنِ بًعٌدٍهّ آسِمًهّ آحًمًدٍ،فُلَمًآ جّآئهّمً بًآلَبًيَنِآتٌ قُآلَوٌآ هّذِآ سِحًر مًبًيَنِ»
دا غير إن ربنا سبحانه وتعالى اعلنه صريحا فى كتابه العزيز عندما قال
«وٌمًآ کْآنِ مًحًمًدٍ آبًآ أحًدٍآ مًنِ رجّآلَکْمً وٌلَکْنِ رسِوٌلَ آلَلَهّ وٌخِآتٌمً آلَنِبًيَيَنِ وٌکْآنِ آلَلَهّ عٌلَﮯ کلَ شُئ عٌلَيَمًآ »
ودا اكبر دلائل على أن الاسلام هو الدين الصحيح والحمد لله على نعمه الإسلام.
سامر مكملا بأعجاب: وكفى بها نعمه.
حلا وهى تكمل: تعرفى يا مليكه إن الرسول صلى الله عليه وسلم كان ضاحكا بساما، رغم المعاناه اللى اتعرضلها بس الضحكه مكانتش بتفارق مبسمه، حتى لو حب يهزر مع حد كان الصدق ديما موجود معاه حتى فى الهزار.
مليكه بتسأول: يعنى لما اهزر مع حد لازم اقول الصدق؟!
حلا بتعزيز: طبعا جدا، تعرفى إن الرسول فى مره هزر مع رجل كبير فقاله إنا حاملوك على ولد ناقه.
ف الرجل استغرب وقاله: إزاى يا رسول الله، انا رجل كبير وولد الناقه دا صغير، لسه مولود وماذا اصنع بولد الناقه؟!
ف الرسول وضحله وقاله: وهل تلد الإبل إلا النواق. وكان قصد الرسول هنا إن ولد الناقه يعنى الإبل وإن دى توريه.
وكمان له موقف تانى مع سيده عجوز و........
وقبل أن تكمل حلا كلامها قالت
فريده بفرحه: شفت يا ابيه ازاى حلا علقت ل مليكه المحلول من غير ما تحس بيه وكمان قصصها جميله جدا
نظرت مليكه ليدها بسعاده: شكرا اوى حضرتك استفدت منك وكمان حبيتك اوى لانك موجعتنيش بالابره واتمنى نكون اصحاب
حلا بأبتسامه: اوى اوى ي روحى معنديش مانع وانتى بنوته جميله اوى ما شاءلله عليكى ربنا يحفظك.
فريده بصوت عالى : عاااااااااااااااااااا احنا هنقطع على بعضينا ولا اى
سامر بعصبيه مزيفه: اللهى ينقطع نفسك يا بعيده، اى يا بت خرمتيلى طبله ودنى 🙁
فريده بهدوء: اسفه يا ابيه بس حبيت افرفش كوكى شويه.😥
حمزة: خلاص يا سامر مش مستدعى كل العصبيه دى واكمل كلامه موجها الى حلا: وانتى يا انسه ممكن تكملى قصتك لكوكى !! علشان هى بتحب القصص دى دا اذا سمحتى مش هنعطلك يعنى
حلا بأبتسامه: لا عادى ولا يهمكم حاضر ...... الرسول صلى الله عليه وسلم حب يهزر مع واحده عجوزه فقال لها أن الجنه لا يدخلها سيدات كبيره فى السن، فهى زعلت جدا وعيطت؛ لانها فهمت غلط، علشان فعلا هى فهمت إن العجوز فى الدنيا لا تدخل الجنه بس سيدنا محمد شرحلها قائلا
إن الناس إذا دخلن الجنه يعدن ابكارا يعنى شابات.
واكملت كلامها لفريده ومليكه: اى رأيكم فهمتوا حاجه من الحدوته؟
مليكه بسعاده: اه فهمت انتى جميله اوى.
حلا بأبتسامه: انتى الاجمل وروحك جميله، يلا استأذن انا دلوقتى علشان إتاخرت شويه وصاحبتى مستنيانى
ريده بتسأول: اروى؟
حلا بنفى: لا يارا. بعد اذنكم
فريده: طيب سلميلى عليها.
حلا: حاضر تسلمى من كل شر يا غاليه.
ـــــــــــــــــــــــــــــــــــــــــــــــــــــــــــــــ
فى مبنى المخابرات وخاصه فى مكتب اللواء🏢
اللواء: انت اتجننت ولا اى يا آسر باشا؟
آسر: اتجننت!! لا كتر خيرك بصراحه...... حضرتك اسأل القائد وشوفوا لما اتكلم مع واحد خاين منهم وقالوا الحقيقه انه النهاردا مش معاد التسليم. ده تهويش بس.
القائد ارتبك........ اللواء: الكلام اللى بيقوله المقدم آسر مظبوط؟
آسر: انا عمرى ما قولت حاجه انا مش واثق منها واظن دا المعروف عنى يا سياده اللواء.
اللواء: وبعدين هنعرف من اين معاد التسليم؟
آسر بهدوء: بنفس الطريقه اللى عرفنا بيها المره الاولى
اللواء قرب منه: مش دا لو كانت عايشه؟
آسر بثقه وبص للقائد: البنت فى الحفظ والصون...... عن اذنكم
ـــــــــــــــــــــــــــــــــــــــــــــــــــــــــــــــ
فى مكان مجهوله
مجهول 1:ها الخطه فشلت ومطلعوش عارفين مكان التسليم يعنى التسليم كان زمانه تم لولا شورتك الهباب اللى زى وشك
مجهول2:وانا كنت اعرف من اين يا عمى إن آسر مبيدورش ورانا وبعدين واهى جات فى مصلحتنا وبكدا نقدر ندخل ونخرج اللى عيزينوا من غير دوشه ولا العسيلى.
مجهول 1:والبت السكرتيره مقالتش حاجه؟
مجهول 2:لا ما لو كانت بتسرب اخبارنا كان زمان خطتنا نجحت ومتنساش اننا كنا حطينها تحت المراقبه
مجهول 1:عال اوى
مجهول 2بغل وغيظ:طيب والمافيا بتاعت بره دى مستنيه ايه؟ فى صفقه كبيره اوى شركه العسيلى داخله فيها واحسن من الاولى بكتيير اوى.
مجهول1 بسرعه وخبث : طيب اوعى تضيعينا بأفكارك المتخلفه دى تانى يا بنتى لو عرفوا أنك المره اللى فاتت عملتى اللى عملتيه ده وخليتيه بس يشك مجرد شك يعنى احنا كده ميتين ميتين.
مجهول 2 بخوف وقلق شديد: لا لا اطمن انا بتعلم من اخطائى
مجهول 1بمكر:اما نشوف
مجهول 2:طيب امتى المفروض نظهر ولازم نظهر قبل ما تخلص على حمزة علشان محدش يشك.
مجهول 1:الوقت قرب جدا
ـــــــــــــــــــــــــــــــــــــــــــــــــــــــــــــــ
فى فيلا العسيلى ⛪
كان يجلس كلا من آسر وحمزة ومليكه فى غرفه الطعام يتناولوا العشاء
آسر: ها اى رأيك يا حمزة؟
حمزة: لأ
آسر: خليك حلو يا زومى بليييز........ ثم اكمل فى سره: بس انت هتبقى احلى من كده ايه تانى؟
حمزة: سمعتك يا حيوان 🤨
آسر: يا عم انا قولت ايه؟
مليكه ضحكت: امال لو ميرا شافت ابيه حمزة هتعمل ايه؟
آسر ضحك بصوته كله: متفكرنيش يا ملوكه.
حمزة بصلهم بغضب لانه عارف الموضوع طبعا من قبل مليكه التى لا تخفى عنه اى حاجه
ـــــــــــــــــــــــــــــــــــــــــــــــــــــــــــــــ
حمزة على الهاتف: السلام عليكم
المتحدث: وعليكم السلام...... طب حتى اسأل عليا عايش ولا ميت؟
حمزة: كنت هعرف من الاخبار لو كنت مت يا احمد.
احمد بغيظ: اقفل يا حمزة انا غلطان.
حمزة: المهم مقولتليش عملت اى فى الشغل عندك؟
احمد: الحمد لله المشكله اتحلت والدنيا تمام
حمزة: كويس، كنت متأكد إن البشمهندس احمد السيد هو بس اللى يقدر يحلها.
احمد بأبتسامه: منك نتعلم يا هندسه احنا تلاميذك
حمزة: راجع امتى!
احمد: طيارتى بعد 5ساعات
حمزة: اوك فى رعايه الله..... سلام 👋
ـــــــــــــــــــــــــــــــــــــــــــــــــــــــــــــــــــــــــــــــ
فى منزل حلا كانت تجلس كلا من حلا ويارا على السرير
حلا بهدوء: حبيبتى مفيش حاجه بالاجبار وخصوصا الجواز
يارا: ما هو كدا كدا لازم اوافق اذا مكنش بمزاجى هيكون غصب عنى. وانا مش عايزاه
حلا: غصب عنك ازاى يعنى لا الدين يسمح بكدا ولا القانون يسمح بكدا وبعدين هى مش سايبه .
يارا بدموع: اعمل اى والله زهقت، انتى متعرفيش مرات ابويا لما تقسى ابويا عليا بتخلينى اجيب آخرى.
حلا: حبيبتى صممى على رأيك طالما انتى مش عايزه الشخص دا، انتى عارفه يعنى اى جواز يعنى حياه غير حياتك اللى كنتى عيشاها خالص، يعنى انسان هتكملى معاه اللى باقى من عمرك ولازم تحسنى الاختيار لانه هيكون اب لأولادك ف المستقبل فمتخديش واحد تندمى عليه بعد كدا .
يارا ببكاء اشد: انا مش عارفه عاجبهم ف اى دا سكرى وبتاع نسوان وكمان مش متعلم كل دا علشان معاه فلوس يا شيخه يلعن ابو الفلوس اللى تخلى الشخص رخيص للدرجادى ف عيون نفسه قبل عيون اى حد.
حلا بحزن على صديقتها: حبيبتى اهدى متعمليش ف نفسك كدا مفيش حاجه مستاهله، ويعدين احنا لو طبقنا كلام ربنا ومشينا على نصائح سيدنا محمد هننتقل دنيا غير الدنيا خالص، ربنا قال فى كتابه العزيز:(وٌإنِ جّآئکْمً ذِآتٌ دٍيَنِ وٌخِلَقُ زٍوٌجّوٌهّ) يعنى اللى عارف ربنا بمعنى اصح حافظ كتابه بيحاول ميعملش حاجه تغضب ربه ماشى على سنن النبى هو دا. اللى هيعرف يحافظ عليكى ويصونك لان الرسول صلى الله عليه وسلم قال
«استوصيكم بالنساء خيرا» 🙂
يارا: عليا افضل الصلاة والسلام. يا حلا انا بنى ادمه يعنى من حقى احب واتحب مش
اخد اى حد والسلام حتى لو فانا قافله قلبى لحلالى وكفى علشان كدا بكره الارتباط علشان مفيش علاقه بتكمل فى الحرام.
حلا: براڤو عليكى ، الخلاصه ربنا شايلك نصيبك ي حبيبتى واكيد هيكون هو خير الزوج ليكى متتسرعيش بحكمك على حد ممكن تكونى بتكرهى شخص جدا ومش طايقه تشوفى وشه ويكون هو دا نصيبك وبتحول الكره دا لأكبر حب وسعاده، ربنا الوحيد العالم بالغيب.
يارا: ونعم بالله، بس انا مخترتش اهلى ولا اخترت حياتى انها تكون كدا من حقى اختار زوجى اللى هقضى معاه باقى حياتى ليه يفرضوا عليا حاجه انا مش عيزاها؟ هما مش هيعيشوا مع الشخص دا نفسى حد من اهلى يفهمنى بجد بحس ان كلامى ملوش اى لزمه 😥
حلا: رب آلخير لا يأتى إلا بالخير، يبقى تطمنى بقى وتسيبى كل حاجه على ربك وظى ما بيقولوا...... اللى مكتوب على الجبين هتشوفه العين...... يعنى مش هتأخدى غير قدرك ونصيبك
فكك بقى من جو الحزن دا اللى مش بتاعنا ولا ثوبنا اخلعى بقى ثوب الحزن وارجعى يارا اللى اعرفها.
يارا': معتش قادره خلاص. 😥😭
حلا بهزار: بت والنعمه هعيط اى بقى، خلاص هجوزك الواد المز اخويا..... هو اه انا مش عايزه اجوزه بس انتى تستاهليه.... يلا هضحى
يارا بضحك: الله يخربيتك مبتعرفيش تقعدى ساعه من غير ضحك ولا هزار؟ 🙂
حلا بتقشيره: الله يخربيتك هتقرى عليا هى نقصاكى قل اعوذ برب الفلق يلا يا اختى قومى يلا علشان نصلى القيام ونام
يارا بأرتباك: اوعى اخوكى ييجى يا حلا😐
حلا: لا متخفيش سليم انا كلمته وقولتله وهو قال انه جاله سفر مفاجأ مش هييجى إلا بعد يومين بالكتير....... يعنى اعملى حسابك اننا هنخربها
يارا: ربنا يرجعهولك بالسلامه ان شاء الله، يلا علشان الصلاة
حلا: اللهم آمين..... تمام يلا وخدى اسدال اهو صلى بيه.
وذهبوا كلاهما لأداء فرصهم
ـــــــــــــــــــــــــــــــــــــــــــــــــــــــــــــــ
انا بعتذر جدا على التأخير بس والله ربنا اللى كان يعلم بحالى وبأذن الله هعوضكم وانزلكم بارتين متتاليين
يلا تفاعلات علشان انزل غيره
بقلم ✍️Yasmin El Moustafa
تعليقات
إرسال تعليق
فضلا اترك تعليق من هنا