رواية رحيل البارت الثالث عشر 13بقلم شيماء ال سليم في مدونة قصر الروايات

رواية رحيل البارت الثالث عشر 13بقلم شيماء ال سليم

رواية رحيل الجزء الثالث عشر 13

رواية رحيل الفصل الثالث عشر 13كامله وحصريه 

الفصل الثالث عشر

كانت تجلس تبكى بحرقة بعد ما عرفت بخبر حملها 

الجد بحزن:رحيل ياحبيبتى كفاية عياط علشان خاطرى

رحيل بدموع: انا لازم انزل الطفل دا 

الجد بصدمة :انتى بتقولى ايه انتى اتجننتى

رحيل بقهر: انا مستحيل اخلى الطفل دا يجى انا مش عيزاه انا هنزله 

قاسم: ممكن تهدى كدا واستغفري ربنا 

الجد: انت عايزة تقتلى ابنك اللى لسه مجاش ع وش الدنيا انا مش هسمحلك بأنك تجهضيه فاهمه يارحيل 

رحيل بدموع وانهيار:لا مش فاهمه انت نسيت ياجدو انه جه نتيجة الاغتصاب وانه دايما هيفضل يفكرنى باللى مراد عمله فيا انا مش هقدر استحمل دا كله ومش هقدر استحمل انه يجى ويكون جزء من وجعى وحزنى 

وكل ما هشوفه قدامى هفضل افتكر الظلم والكسره اللى اتعرضت ليها انتو ليه مش حاسين بيا وانى موجوعه وانا مش هقدر اتقبل الطفل دا

تحدث قاسم بهدوء: عارف ان الامر صعب عليكى بس الطفل اللى فى بطنك مالهوش ذنب يابنتى وحرام انك تجهضيه مدام مفيش اى ضرر عليكى

 انا عايزك تهدى كدا وتفكري شوية مع نفسك بان ابنك حته من روحك مالهوش اى ذنب فى اللى حصل

 ويمكن دا يكون هداية ليكى من ربنا علشان يفرحك ويسعدك وينسيكى وجعك ، وكل اللى حصلك دا كان قدر ومكتوب من ربنا لحكمه لا يعلمها إلا الله..

انا هسيبك دلوقتى تريحى أعصابك ياحبيبتى اقترب منها وقبل رأسها..يلا ياعمى سيبها ترتاح شوية وذهبوا الى الخارج ...

ظلت تبكى بحزن والدموع تنهمر بشدة ع خديها لحد ما حست بارهاق شديد وغفت مكانها.....

----------------------------------------------------------

دخلت ندى المكتب ع مازن وهى تقترب منه و تغنى بشكل مضحك وتتاميل فى مشيتها...لقد اصبحت علاقتها جيدة جدا بمازن فى الفترات الأخيرة 

كانت دايما بجانبه وقت حزنه ع فقدان اخته تؤامه وكانت بتهون عليه دايما ..

ندى بغناء: انت الوحيد اللى فاهمني ودماغنا ع نفس الموجه وانت الأصيل اللى فاضلى بعد اما صفصفت الهوجه ..ثم اكملت بصوت عالى وانت الوحييييد 

ضحك مازن بشدة عليها قائلا: وحيد مين الله يخربيتك افصلى 

ندى بدلع :ولو مفصلتش ياميزو هتعمل ايه

مازن بسخرية مضحكة:ولا حاجه ياعسل غير ان انا وانتى هنطرد من الشركة بسبب صوتك 

ندى بردح:وماله صوتى بقا ياعنيا مش عجبك ولا مش عجبك 

مازن بدهشة: مالهوش ياساتر عليكى رداحه مالك كدا هو انتى اتحولتى ولا اي ثم اكمل بغمزة فين الانوثة فين الرقة 

ندى برفع حاجب :رقة ماتت ياعنيا 

مازن : الله يرحمك يارقة يابنت ام رقة انا عارف ان هى مش هتهدا وترتاح غير لما تشوفني متشعلق ع باب الشركة ثم امسك كوب الماء كى يشرب

ندى بدلع: ومين بس اللى ياقدر يعمل كدا فى ميزو صحبى الانتيم....فزعت من صوت يأتى من خلفها يقول انا 

جاء مراد من الخلف:انا اللى هعمل كدا فيه وفيكى ان شاء الله 

سعل مازن بشدة لدرجة اخرج المياه من فمه فى وجهها فتحت ندى فمها بصدمة ..

ندى بشهقه:ياحيوان ...والله لاوريك يامازن الزفت 

مازن :اللى عندك اعمليه ياام شبر ونص

مراد بملامح باردة:خلصتوا .. حدف لهم بعض الملفات ثم تحدث بنبرة امر وحاده: قدامكم ساعة والاقى الملفات دى خلصانه وع مكتبى فاهمين ولو لاقيت غلطة صغيرة بس هيبقى يومكم اسود شبه اللون اللى لابسينه دا واقسم برب العزة لو كلامى ماتنفذش هعقلكم فعلا ع باب الشركة ثم غادر وتركهم فى صدمتهم...

مازن بصدمة:هو قال اي

ندى بخوف: يانهار اسود دا بيقول انه هيعلقنى ع باب الشركة وربنا مجنون ويعملها مازن كفاية بعب لحد كدا احنا مفيش قدامنا الا ساعة واحدة يلا خلينا نخلص بدل ما يجي يخلص علينا

مازن: يلا ياختى ياللى جيبالنا الكلام... 

بعد ساعة.. رجع مازن ضهره ع الكرسى قائلا: ياااه اخيرا الواحد خلص دا انا ضهرى وجعنى بشكل 

ندى بسخرية: ع اساس انك اشتغلت اصلا دا انت سايب كل تعديلات الملفات عليا وقاعد تتفرج مابتعملش حاجه غير انك تتريق وبس 

مازن:يابت ما انا كنت بشجعك وبسليكى 

ندى بزهق: ع اساس انى بنت اختك وانت بتشجعنى انا قايمة ماشية مش ناقصه شلل هى وابقى قوم روح رجع الملفات لمراد واعمل حاجه مفيدة بدل ما انت مش لاقى حاجه تعملها..

مازن: مالك ياندوش شكلك زعلان علشان خليتك تعملى الملفات لوحدك 

ندى:تعرف انك بارد ومستفز ورخم كمان

مازن : خلاص ياستى متزعليش نفسك تعالى اعزمك ع حاجه نشربها فى الكافيه اللى جنب الشركة اى رايك

ندى بتفكير :امممم خلاص ماشى اللى يجي منك احسن مافيش بردو..

مازن :اشطا نروح نودى الملفات ونخرج يلا بينا .....

-------‐--------------------------------------------------

فى غرفة نور

كانت تجلس بغرفتها تقرأ إحدى الكتب ولكنها ملت فتركت الكتاب ونهضت تخرج الى الحديقة كى تستنشق بعض الهواء وأثناء سيرها تفاجئت بوجود ادهم امامها نظرت له قليلا ثم جاءت كى تكمل سيرها لكنه اوقفها وهو يقول :نور 

وقفت مكانها ولم تلتف إليه تحدث هو قائلا: ممكن اتكلم معاكى شوية 

نور بجمود: احنا مفيش ما بينا كلام ياادهم 

ادهم :ليه يانور

نور :انت نسيت انك نهيت كل حاجه مابينا 

ادهم :انا منستش يانور كنت متعصب لما قولت كدا انا بقالى شهرين بحاول معاكى وانتى مش راضيه تسامحيني 

نور بجدية: ادهم انا مش عايزة اتكلم او اتعامل معاك انت فاهم 

جاءت ان تذهب لكنه اوقفها وقال برجاء :نور ياحبيبتى اسمعيني انا بجد بحبك ومقدرش ع بعدك كفاية اوى لحد كدا بعد 

نور بغضب: ومين اللى كان سبب فى كدا مش انت يااستاذ انت سبب كل حاجه حصلت لحد دلوقتى انت تخليت عنى زى ما تخليت عن اختك وقت ما كانت محتاجاك وبتترجاك تسمعاها ازاى دلوقتى جاى تطلب منى اسمعك...

ادهم:انا ساعتها مكنش قصدى باللى فهمتيه انا متخلتش عنك ساعتها ثم اكمل بحزن ودموع :نور ارجوكى انا تعبان ومخنوق انتى فكرانى مبسوط ف حياتى انا من ساعة ما رحيل مشيت وانا موجوع بسبب اللى عملته معاها وانتى جيتى زودى عليا التعب 

انا عارف انى غلطان اوى فى حقك وفى حق رحيل اكتر انا ظلمتها وقسيت عليها بدل ما ابقى السند ليها والأمان انا قلبى بيوجعنى كل لما بفتكر منظرها وانا ماسكها من شعرها ودموعها نازلة بحس بالقهر جوايا هى ماكنتش تستاهل منى كدا ابدا ابدا يانور . ..

تركها وذهب من امامها جلست ع الارض تبكى بحرقة لقد المها حديثه بشدة لأول مرة تراه يبكى امامها  بهذا الشكل ...

----------------------------------------------------------

كان الجد يجلس فى الصالون قلقان بشدة منذ قليل ذهب إلى غرفتها ولم يجدها حاولوا الاتصال بها وبحثوا عنها فى بعض الأماكن ولم يكن لها أثر جاء مروان من الخارج..

قاسم بقلق: لقيتها يامروان 

مروان بياس:لا يابابا دورت عليها وملقتش ليها اى اثر

الجد بخوف: ياربى هتكون راحت فين بس 

بعد لحظات دلفت رحيل وعيونها منتفخة من كثرة البكاء اقترب منها مروان وقال بقلق: حبيبتى انتى كويسة احنا خوفنا عليكى اوى

الجد :كنتى فين قلقتينى عليكى ليه بس كدا يارحيل انتى عايزة توجعى قلبى عليكى 

اقترب قاسم منها قائلا: رحيل انتى روحتى المستشفى صح

الجد بجديه:مستشفى اي اوعى تكونى روحتى تنزلي البيبي 

نظرت له رحيل بدموع:انا فعلا كنت فى المستشفى علشان انزله بس للاسف مقدرتش لان انا مكنتش هقتل روح واحدة بس انا كنت هقتل روحين ..

الجد بعدم فهم : انا مش فاهم انتى قصدك اي بروحين 

رحيل بحزن: انا لما جت الدكتورة تكشف عليا وتعملى الفحوصات علشان العملية اكتشفت ان انا حامل فى تؤام ولما عرفت ان فى طفلين جوايا مقدرتش قلبى مطوعنيش ان اءذى ولادى ...اكملت بدموع والله ماقدرت مقدرتش اقتل جزء من روحى 

احتضانها جدها بحنان وظل يربت ع شعرها ويهمس لها بكلمات حنونه كى تهدأ.....

جلست بغرفتها بارهاق وتعب ثم نظرت فى الصورة التى طبعتها لها الدكتورة للجنين ثم تحسست بطنها قائله بحزن: متزعلوش منى انا عارفة ان ملكمش ذنب انا مش زعلانه ع وجودكم انا زعلانه بسبب الطريقة اللى انتو جيتوا بسببها انا كنت دايما بحلم باليوم اللى ابقى حامل فيه وابقى ام كنت مستنيه اللحظة دى بفارغ الصبر كنت بتخيل لما اتجوز وابقى حامل هعمل مفاجأة لباباكم ازاى وافرحه بخبر وجودكم معانا وان هيبقى فى فرد جديد فى عيلتنا كنت حابه ابقى فرحانه وافرح مراد معايا من ساعة لما اعترافلى انه بيحبنى وانا قعد اتخيل لحظة وجودكم وانكم هتبقوا شبهوا ولا شبهى  انا كان فى احلام كتير كنت برسمها ..

تنهدت وقالت:انا هحاول اتخطى كل حاجه فى حياتى علشانكم انا هعيش وهفرح بوجودكم انتو اللى هتزرعوا فيا القوة انا مش هخلى اى حاجه تاذيكم ابدا حتى لو انا...انا اسفه لان كنت هرتكب جريمة بشعه فى حقكم وكنت هحرم نفسى من نعمة وجودكم انتو نعمة كبيرة من ربنا ليا .... 

قاطع كلامها طرقات ع الباب اذنت للطارق بان يدخل 

دلفت فاطمة بابتسامة بشوشة وكانت تحمل صنيه عليها طعام 

فاطمة: انا جبتلك لقمة تاكليها لأنك مكلتيش حاجه مز الصبح 

رحيل : بس انا مش قادرة اكل ياعمتو 

فاطمة: مفيش الكلام دا انتى دلوقتى حامل ومحتاجة غذا ولو مش علشانك علشان البيبي اللى فى بطنك 

رحيل بتذمر: بس انا ماليش نفس وكمان مش طايقة ريحة الاكل 

فاطمة : معلش ياقمر استحملى علشان خاطرى يلا بقا

رحيل:  حاضر 

قربت منها الاكل قائله: شاطرة ياريرى اتفضل كلى ....

بعد قليل من الوقت 

رحيل بتذمر :ياعمتو كفاية انا مش قادرة اكل

فاطمة: هو انتى لحقتي تاكلي لسه الطبق مخلصش

رحيل:  لا بجد حرام انا شبعت ولو كلت اكتر هجيب كل اللى فى بطنى ..

فاطمة: خلاص ماشى بس هتشربى العصير دا خدى ....

فى القصر كانت تجلس صفا بغرفتها بحزن والدموع تهبط منها ع خديها وكانت ممسكه بالبوم الصور الخاص برحيل وتنظر له بكسره وكانت معظم صورها مع أخواتها وكانت تنظر لهم بابتسامتها الجميلة وعيونها اللامعه وكانت الصور مليانه حب وبهجة وفرحة اغلقت الألبوم وبكت بحرقة وقهر ع بعد ابنتها تحاول اخذ أنفاسها من كثرة البكاء تقدم منها سليم بحزن وعيون دامعه وجلس بجانبها ربت ع كتفها واخذها باحضانه بكت اكثر

 ظلت تبكى بقوة وقالت : انا عايزة بنتى ياسليم  انا عيزاها ترجع تانى هى وحشتنى اوى 

اعملوا اي حاجه ورجعوها ليا تانى  علشان خاطرى اعمل اى حاجه ورجعلى بنتى 

سليم بدموع: اهدى ياحبيبتى علشان خاطرى انا هعمل المستحيل علشان ترجع لحضننا 

صفا بندم ودموع: ايوه رجعها هى من ساعة ما مشيت والقصر بقا وحش اوى من غيرها والكل زعلان من بعد ما مشيت لو بتحبنى بجد حاول تدور عليها ورجعها

سليم بوجع:والله انا من ساعة ما هى مشيت بدور عليها لحد دلوقتى بس انا مش هيأس وهفضل ادور اوعدك 

بكدا ...

-------------------------------------------

لم ييأس ادهم من محاولة مصالحة نور كانت جالسة تعبث فى فونها فلمحت خيال احد فنظرت امامها وفزعت وكانت ستصرخ ولكنه اسرع ووضع يده ع فمها نظرت له بغضب ثم اغمضت عينها ابعد يداه عنها 

تحدث قائلا: انت مش هترتاح غير لما يجيلى ساكته قلبيه 

ادهم بغمزة: وانا اقدر ياجميل 

نور :اطلع برا 

ادهم بعند: مش طالع 

نور بضيق: بقولك ايه اطلع بدل ما اصوت والم عليك الناس كلها 

ادهم بابتسامة حب: واهون عليكى بردو يانورى

نظرت له وشعرت بانها ستضعف أمامه ولكن تصنعت البرود: اه تهون ويلا بقا هوينا 

تقدم منها بهدوء قائلا: ولو مطلعتش هتعملى ايه 

نظرت له بخبث هعمل كدا وجاءت ان تصرخ ولكن قاطع كلامها بقبلة اخرصتها ثم ابتعد عنها بخبث 

وقال بتلاعب: خلاص انا بعد كدا عرفت هسكتك ازاى 

ثم تحدث بجدية : افتحى الدولاب هتلاقى صندوق افتحيه وشوفى اللى فيه 

ثم قال وهو يذهب: هستناكى ماتتاخريش 

بعد ما ذهب اقتربت من الدولاب وأخرجت الصندوق وقامت بفتحه وكان يوجد بداخله فستان باللون الأزرق لونها المفضل الذى تعشقه  وكان هناك ورقة مكتوب فيه البسه حالا انا مستنيكى فى مطعم وكتب عنوان المكان ...فى اخر الرسالة ارجوكى تعالى وماتتاخريش ياقمرى حبيبك ادهم....

بعد ساعة كانت وصلت للمكان الذى قاله لها دخلت المطعم بهدوء وكان خالى من الناس وكان مزين بطريقة جميلة جدا لفردين ..جاء ادهم من خلفها وضمها إليه قائلا : كل سنة وانتى طيبة كل سنة وانتى حبيبتى وبنتى وصديقتي وشريكة حياتى كل سنة وانتى دنيتى 

نور بدموع فرحة : وانت طيب عرفت ازاى ان النهاردة عيد ميلادى

نظر لها ادهم بحب :من اول يوم انتى اتولدى فيه انا عمرى ما نسيت تاريخ ميلادك يانورى 

انا حابب اعتذرلك عن كل وجع وحزن حستيه بسببى انا اسف ع كل دمعة نزلت منك بسبب انا اسف حقك عليا يااغلى انسانة فى حياتى انا ارجو منك حبيبتى انك تسامحيني عن كل كلمة قولتها طلعت منى بقصد او من غير قصد ثم قبل يداها انا اسف يانورى 

نور بدموع وابتسامة: انا مسمحاك ياروحي ومش زعلانه منك خلاص 

ادهم بابتسامة:بجد يانور

نور بحب : بجد ياقلب نور 

ادهم:  تعالى يانورى نقعد نتعشى مع بعض بقالى كتير مقعدش معاكى 

اخذها وشد ليها الكرسى كى تجلس عليه ثم جلس امامها بكل حب ، لحظات وجاء الجرسون ووضع لهم الطعام وذهب ، بعد الأكل اشتغلت اغنية رومانسيه قام ادهم وامسك يد نور كى ترقص معاه 

ادهم بحب: تعرفى انك جميلة اوى النهاردة 

نظرت له بخجل قائله: وانت كمان طالع حلو اوى 

ادهم بابتسامة جميلة: عيونك هى الاحلى ياقمرى ثم قام بإخراج من جيبه علبة قطيفه وفتحها لها وكان موجود بها سلسله من الماس رقيقة وجميلة ومكتوب عليها نورى 

نظرت لها نور بدموع وفرحة قائله: دى علشانى انا 

ادهم بحب وعشق : دى لاجمل نور فى الدنيا كلها وقام بالبسها السلسلة قامت برفع شعرها بعد ما لبستها قبل جبينها وقال بعشق جارف: بحبك يانورى 

نور بحب وخجل : وانا بعشقك 

نظر لها بابتسامة قائلا: انا بشكر ربنا كل وجودك فى حياتى ...

ظلت تنظر اليه بكل حب وبعيون لامعه نظر هو لها بشوق وعشق 

أجمل المحب هو من يزرع في قلبك فرحة انت لم تطلبها 

و يصنع لك من وقع اللحظة ابتسامة انت بحاجتها

و يرسم لك صورة جميلة تمحي آثار السلبية في واقعك

 فيبث فيك الأمل و يهديك الامان و الفرح  فيعلمك ان الصدق ليس بمفقود 

وأن خير المحبة 

عطاء من دون مقابل أو شروط

يتبع 

تكملة الروايه اضغط هناااااااا 

اكتب ف بحث جوجل (مدونة قصر الروايات) 

تابعونا على قناة التليجرام ليصلكم اشعار بالنشر من هنااااااااااا

الرواية كامله من البدايه من هنااااااا