رواية رحيل الفصل السابع عشر 17بقلم شيماء ال سليم في مدونة قصر الروايات كامله وحصريه

رواية رحيل البارت السابع عشر 17بقلم شيماء ال سليم

رواية رحيل الفصل السابع عشر 17رواية رحيل الجزء السابع عشر 17 كامله وحصريه في مدونة قصر الروايات 

الفصل السابع عشر

بعد مرور اسبوعين من الاحداث ذهبت رحيل مع جدها وأولادها الى قصر الالفى بعد معرفة الكل بوجود الأطفال وصدمتهم بكل اللى حصل جاء موعد زفاف المشاغب مازن ...

مازن بعلو صوته: وخلاص هتجوز وهبطل ابص ع البنات ااااااااه 

هشام : بس بس تبا لك ولصوتك يااخى صدعتنى

مازن بسهوكه: انتى غيرانه منى يابيضه علشان خلاص هتجوز قبلك وانتى لااا

هشام بصله بقرف: انا مش عارف هى ندى اتعمت لما وافقت تتجوزك

مازن بدلع: معلش ياوختشى أصلها حبتنى ومقدرتش تستغنى عنى ااه

حمزة بزهق :ياريت نخلص وتتدخل تتزفت تلبس بدلتك بدل ما انت قاعد لينا بالبرنس كدا 

مازن: ماله البرنس بس ياحموزه دا انا قمر

حمزه بلوى بوقه:قمر بالستر ياخويا متقوم اخلص يازفت هنتاخر ع الفرح والمعازيم

مازن:  حاضر متزوقش وبعد لحظات خرج لهم مازن قائلا بابتسامة: ها ايه رايكم أنفع ابقى عريس

هشام بتزفير: اوعى يابا البدله هتاكل منك حته

ادهم بغمزة : باشا طول عمرك دا انت طلعت قمرين مش قمر واحد ايه ياض الحلاوه دى 

مازن بضحك: جرا ايه مالك ياعسل انت وهو هتحسدونى اسم الله عليا من عنيكوا 

حمزة بضحك: ياشيخ اتنيل دول بيجملوك مش اكتر قال هيحسدوك قال 

مازن : تعرف ياعمو انا مش هرد عليك تدرى ليش

حمزة: ليش ياقلب عمو

مازن بفرحه: لان انا العررررررررريس وندى العروووووسة

سليم بضحك: ربنا ما يحرمك من الهبل يابنى 

هشام بضحك : بس لا بجد انا مش مصدق بجد انا منبهر بنظافة مازن

مازن بضيق: ليه ياسى هشام كان حد قالك عنى انى معفن ولا اي

مراد بابتسامة: سيبك منه هو بس متغاظ وعينه من البدله بتاعتك

هشام: ياعم بكرا اجيب احسن منها 

ادهم: طب ايه مش هتتنيل تقعد نعدلك شعرك دا بدل ماتروح للبت منكوش كدا

مازن :بص انا عايز قصة شعر تبهر البت ندى

هشام: هو انت ليه محسسنى انك بت وبتنقى فورمة الشعر ماتخلص اعمله اى حاجه 

مازن بغيظ: بس ياواد ياحقودى اشتغل ياادهم وسيبك منه الحقودى دا

ادهم : اتهد انت بس وثبت راسك علشان اخلص 

بعد مرور الوقت خلصوا وذهبوا كى ياخذ مازن عروسته ...

على الجهة الاخرى كانت ندى والفتايات انتهوا من التجهيز وكانت ندى جملة جدا

رحيل بانبهار: ماشاء الله ايه القمر دا جميلة اوى ياندوش

ندى بفرحة: بجد يارحيل

رحيل بابتسامة: اه والله ياقلب رحيل 

نور :بجد قمر ياندى

رهف بمرح: بجد ومن غير نفاق يانودى طلعتي قمر ويابخت مازن بيكى 

ندى بسعادة كبيرة: بجد انا فرحانه اوووى وشكرا ليكم يابنات على وقفتكم جمبى 

ضمتها رحيل بحب : حبيبتى انتى اختنا ومفيش شكرا ما بين الأخوات ربنا يفرحك ويسعدك يارب انتى ومازن تؤامى ..

دلف الى الغرفة بابا ندى واقترب منها بابتسامة وسعادة

قبل راسها وقال بحنيه: الف مبروك ياروحى 

نظرت له ندى بابتسامة جميلة:  الله يبارك فيك يابابا

باباها: بجد انا مش مصدق انك خلاص هتتجوزى وهتبعدى عنى ومش مصدق انك هتروحى تعيشى مع واحد تانى 

ندى بدموع ضمته جامد: مستحيل ابعد عنك يابابا وهفضل دايما معاك وهاجيلك على طول 

باباها بدموع: ربنا يسعدك يابنتى ...جاء مازن واخذ عروسته الى القاعة التى اول ماراها انبهر بيها جدا وبجمالها وكان عايز ياخدها ويلغى الفرح كله ولكن اخدوه للقاعة بالعافية ...

كان بيرقص معها على موسيقى هادئه 

مازن بغمزة : مش كنا روحنا احسن ياقمر انتى الواحد مش عارف يتستفرد بيكى هنا

ندى :ما تتلم يامازن انا عايزة افرح فى اي

مازن :ما هناك كنت هخليك تفرحي اكتر يابت كنت هبسطك وهدلعك صدقينى 

ندى بخجل : تعرف انك ماتربتش

مازن بضحك: ولا شوفت ريحة التربية حتى ياختى 

بعد مرور ساعة 

كان مراد يقف مع اصدقائه لكنه كان ينظر إليها من الحين الى الاخر وكانت جميلة ومميزة بحجابها الذى زادها جمالا ظل ينظر إليها بعشق ثم لمحها هى واخته خارجين من القاعة اقترب منهما عندما لاحظ نظرات الشباب إليهم 

مراد بحده: رايحين فين كدا 

اشاحت رحيل وجهه عنه ولم تعايره اى اهتمام

نور : مفيش يامراد هنروح الحمام علشان بنتى  دلقت العصير على هدومها ف هغيره ليها

مراد بهدوء: طب امشوا 

تحركوا وكان هو بجانبهم 

قبل دخولهم للمرحاض تحدث مراد قائلا: يلا ادخلوا وانا هستناكم هنا ثم نظر لرحيل بغيره  ياريت يانور تبقى تخففى شوية الميكاب دا شوية لانه تقيل وياريت يانور متنسيش تخفف ام الروج دا بدل ما امسحه ليكى خالص

كتمت نور ضحكتها لأنها فهمت قصده ثم قالت: حاضر ياحبيبى يلا يارحيل 

فى المرحاض نظرت نور لهيئة رحيل الغاضبة ثم تحدث 

نور بضحك:  مالك بس ياريرى مراد مش قصده حاجه هو بس غيران عليكى مش اكتر

رحيل بغضب:وهو ماله بيا احط ميكاب تقيل ولا محطش بيحشر نفسه فى اللى ملهوش فيه ليه نفسى اعرف 

نور: يابنتى ماقلنا غيران وبعدين يعنى انتى مش هتعملى اللى قالك عليه

رحيل بعند: لا 

نور بصوت خافض: طيب ياختى انتى حره ربنا يستر 

بعد مدة خرجوا من المرحاض وذهبوا لمراد الذى كان ينتظرهم بملل وضيق بسبب تاخرهم 

نور: احنا خلصنا يامراد 

نظر مراد لرحيل بغضب لأنها لم تنفذ كلامه ثم تحدث بحده وامر: نور معلش انتى ممكن تدخلى جوا 

نظرت نور لرحيل بتوتر قائله:حاضر ثم ذهبت 

جاءت رحيل ان تذهب ولكنه منعها وسحبها بقوة ووقف بها فى مكان خالى ...

رحيل بغضب: انت اتجننت ازاى تشدنى كدا

مراد بحده :القرف اللى ع وشك ما تمسحش ليه ممكن اعرف

رحيل ببرود: وانت مالك دا وشي مش وشك علشان امسحه 

مراد : امسحى يارحيل الروج دا انا لحد دلوقتى هادى معاكى 

رحيل بعند: وانا مش همسحه واللى عندك اعمله 

مراد بخبث : تمام اوى ثم شدها جامد لصدره وقبلها بقوة ثم بهدوء ابتعد عنها سندا جبينه على جبينها وقال بصوت متقطع : متهيألي كدا الروج اتمسح 

كانت تغمض عينيها بسبب قربه المهلك لها تتنفس بقوة وضربات قلبها تتسارع بشدة 

همس لها بحب وشوق :افتحى عيونك رحيلى وبصيلى 

فتحت عيونها نظر لها ولصفاء زروقاتيها التى يعشقها 

ابتعدت عنه بخجل : ع فكرة انت قليل الادب

مراد بابتسامة: ما انا عارف وبعدين يلا خلينا نمشى علشان محدش يلاحظ غيابنا ثم اكمل كلامه رحيل استمتعى باليوم وبلاشى تدايقى نفسك من اللى حصل ياطفلتى

رحيل بهدوء: حاضر .... 

---------------------------------

بعد انتهاء الزفاف 

فى شقة مازن الذى أصر ان يسكن بعيد عن العائلة

كان يجلس على الانتريه ينتظرها تخرج من الغرفة تصنم مكانه عندما رفع نظره إليها بصدمة من شكلها

كانت تلبس بيجامة عليها رسومات كرتونيه وعاملة شعرها ضفاير اقتربت منه ووقفت أمامه

مازن بصدمة: ايه اللى انتى لبساه دا 

ندى بابتسامة: دى بيجامة ياروحى

مازن برفع حاجب:بي ايه ياختى هو انا متجوز بنت اختى وايه الضفاير اللى عملها فى شعرك دى ومالها شكلها غريب كدا 

ندى بدلال: جرا ايه ياميزو دا انا قولت اعمل حاجه مختلفه تغريك

مازن:بذمة اهلك اي الإغراء فى الضفاير ادخلى ياندى الله يهديكى ادخلى غيرى 

ندى  : لا انا عاجبنى شكلى كدا وبعدين انا جعانه ياميزو ممكن ناكل الاول لان هموت من الجوع 

مازن بضيق: لا مفيش ليكى انتى بالذات اكل انا هروح اكل لوحدى لان نفسى اتسدت  ع ام الجواز دا انا حتى صارف ومكلف ثم زقها اوعى كدا لما اروح اكل لقمة تواسيني ع اللى انا فيه 

بعد لحظات جاب صنية الاكل وقعد ع الارض ياكل 

اقتربت منه ندى بدهشه:انت هتاكل من غيرى يامازن ثم قعدت بجانبه 

شد مازن الصنيه : قومى يابت مش هتاكلى معايا يام ضفاير متجوز بنت اختى انا 

قامت ندى بضيق وحطت ايديها فى وسطها:بقا كدا يعنى مش عاوزني اكل معاك

مازن :اه 

ندى بخبث: ماشى  طب مفيش اكل بقا وشالت الصنية من قدامه وجريت بسرعة ع الاوضه وقفلتها 

وقالت بصوت عالى :روح اتصل ع امك تعملك غيره ياعسل

مازن: انتى يابت افتحى الباب وهاتي الاكل بدل ما اكسر الباب عليكى اخلصى انا جعان الهى تتشكى ياندى

ندى : بت فى عينك ويلا أمشى من هنا 

مازن بمكر : طب بصى اطلعى ونقعد ناكل مع بعض دا انا حتى مازن حبيبك

ندى: انت كداب وبتضحك عليا وغدار ومالكش امان

مازن بضحك: يخربيتك عقلك بقا انا كل دا طب ماشى ياستى اطلعى بقا ومتخافيش مش هعمل حاجه يلا بقا ياندوش

خرجت ندى قائله: اوعى تغدر

مازن بابتسامة خبيثه: متقلقيش ياعسل دا انا حبيبك

حطت ندى الاكل ع السفرة مسكها من هدومها 

مازن بغيظ: تعالى بقا دا انا ساكتلك من الصبح من ساعة ما لبستى بيجامة بنت اختى ومش راضى اتكلم لكن لحد الاكل لااا واستوب بقا ثم قام بعضها جامد من كتفها صرخت ندى بصوت عالى 

كتم مازن صوتها:بس بس اسكتى الله يخربيتك الجيران هتسمع صوتك وهيقوله بيعمل ايه فيها لكنها مستمرة فى الصراخ ابتعد مازن عنها يانهار اسود يخربيت اللى يزعلك ياشيخه اتهدى بقا وافصلى 

نظرت له ندى بحزن وابتعدت عنه وجريت ع غرفتها جرى مازن وراها وقدر يمسكها قبل ماتدخل جوا وحاضنها جامد من ضهرها ثم قام بلفها له وامسك وجهها بين يداه وبصلها اوى عن قرب حس بلغبطة وشعر بضعف اوى فى اللحظة دى

ندى وقد احمر وجهها وضربات قلب سريعه وقالت بصوت متقطع: ممكن تبعد شوية

مازن بتوهان: مش قادر ابعد عنك اكتر من كدا 

همس بجانب شفايفها انا بحبك اوى ياندى انتى كل دنيتى ثم قرب منها بحب وشوق ولهفه وجنون وهى شاركته جنونه ....

--------------------------------------------------------------

فى غرفة ادهم يعبث فى فونه ثم تركه بجانبه باهمال 

رافع راسه ودهش عندما وجد نور تقف أمامه وترتدى قميص حرير يصل إلى قبل الركبه وفاردة شعرها بنعومه ع ضهرها ابتلع ريقه بصعوبة 

اقترب منها بهدوء ثم قام بضمها إليه بقوة شديدة تألم بسببها ابتعدت عنها قائلا: انا اسف مكنش قصدى اوجعك

نور بخجل: لا مفيش حاجه 

ادهم بحب ضمها إليه بهدوء: انا بحبك اوى يانورى بحبك اكتر حاجه فى الدنيا دى كلها

نور : وانا اكتر 

ثم ابتعدت عنه واخرجت من الخزانه علبة زرقاء مدت يديها لادهم قائله بابتسامة: كل سنة وانت طيب ياحبيبى عيد ميلاد سعيد

نظر لها ادهم بصدمة وبفرحة بنفس الوقت اخذها منها العلبة وفتحها وجد بها ساعة جميلة جدا

ادهم بصدمة: دى علشانى انا

نور : اه ياعمرى انت نسيت ان النهاردة عيد ميلادك

ادهم بدموع ضمها: بجد انتى فرحتينى اوى يانور انا فعلا كنت ناسي ان النهاردة عيد ميلادى ربنا يديمك ليا ياحبيبتى وتفضلى دايما منورة حياتى

نور : كل سنة وانت جوزى وحبيبى وكل دنيتى

ابتعد عنها وقال بسعادة كبيرة : انا مش عايز اى حاجه من الدنيا غير انك تفضلى طول العمر فى حضنى ثم قبلها بشغف حملها ووضعها ع الفراش برفق 

ثم جذبها باحضانه قائلا: ارتاحى دلوقتى ياروحى اليوم النهاردة كان طويل ومازن فرهد امنا النهاردة 

ابتسمت نور قائله: دا الله يكون فى عون ندى مازن هيجننها معاه 

ثم رفعت راسها ونظرت له قائله:انا فرحت اوى لما شوفتك انت ومراد مع بعض بعد آخر خناقه بينكم قولت انك مستحيل تكلمه تانى

تنهد ادهم: انا كنت زعلان بسبب اللى عمله فى رحيل بس هو جه اتكلم معايا النهاردة واتصالحنا 

نور : انا عارفه انه غلطان بس يستاهل انه ياخد فرصة مع رحيل ويتجوزوا

ادهم:  انا ماليش دعوة الموضوع يخص رحيل وحدها 

نور :ازاى بس انت اخوها حاول تتكلم معاها وتخليها تسامحه انت عارف ان مراد بيحبها من زمان واللى حصل كان بسبب غيرته مش اكتر

ادهم :نورى حبيبتى هما حريين مع بعض مش حابب ادخل ما بينهم علشان رحيل متزعلش منى انا ما صدقت انها سامحتنى وبقت تتكلم معايا

نور بزن: علشان خاطرى ياادهمى حاول تعمل حاجه ترجعهم لبعض

ادهم بتعب: حاضر يانور ممكن بقا ننام شوية لان انا تعبان 

نور : حاضر  ،ثم وضعت راسها على صدره بهدوء وراحة واغمضت عيونها ....

ما ادهم براسه واستنشق رائحة شعرها الجميلة باستمتاع وحب شديد ثم قبلها واغمض عينيه بسعادة ..

------------------------------------------------------------------

خبطت رحيل على غرفة مراد اذن لها بالدخول اقتربت من ولادها وقالت بابتسامة:يلا ياحبايبى علشان تناموا

زين بتذمر: مامى خلينا مع بابا شوية

رحيل: أصبح ابقى تعالى أقعد معاه براحتك يلا بقا 

مراد : سبيهم يارحيل 

رحيل: لا الوقت اتأخر كفاية عليهم سهر لحد كدا

زينة: ماما احنا هنام هنا مع بابى ف لو سمحت سيبينا بقا 

رحيل بضيق: زينة انا قولت يلا 

مراد بهدوء: ممكن تهدى وتسيبي الولاد ع راحتهم 

رحيل :وانا قولت لا

مراد: هو انتى ليه عندية حتى فى دى بتعاندى بردو

رحيل بزهق: انا مش بعاند 

مراد :أمال اللى بتعمليه دا اسمه اي 

رحيل:انا مابعملش حاجه انا بس عيزاهم يناموا 

زين : بس احنا مش عايزين ننام احنا هنلعب صح بابى

مراد بابتسامة: صح ياقلب بابى 

زينة : احنا هنلعب شوية صغيرين بس يامامى وبعد كدا هنام 

رحيل بقلة حيلة: خلاص ماشى بس مطولوش وجاءت ان تذهب إلى الخارج 

مراد برجاء: رحيل 

التفتت إليه قائله بهدوء: نعم

مراد : ممكن تفضلى معانا لو حابه

زينه بفرحة: ايوه يامامى اقعدى العبى معانا

زين :اه يامامى انتى بقالك كتير مقعديش لعبتي معانا

زينة وزين بزن: وافقى يامامى يلا

رحيل بابتسامة: حاضر حاضر جاية اهو

بفرح مراد بداخله لوجودها معه ومرفضتش طلبه كالعادة......

فى صباح يوم جديد 

فاق مراد ع صوت ضحكات عالية من اطفالة وكانت زينه عمالة تتنطط عليه 

مراد بابتسامة ومازال مغمض عينيه: انتى يابت ابعدى عنى

زينة بضحك: ماشى ياعسل 

مراد حس بتقل بسيط عليه :زينة مش قولت ابعدى

زينة: يابابى مش انا دى مامى 

فتح عيونه وقلبه نبض نظر لرحيل النائمة بهدوء ع صدره ابتسم بحب ولمس شعرها بحنان 

زينه بضحك عالى: انا فرحانه اوى يابابى 

نظر إليه بحب ابوى: وايه اللى مفرح بسكوتى

زينه:لان دى اول مرة اشوفك انت وماما مع بعض 

استيقظت رحيل وفركت عينيها بهدوء ولم تشعر بوجود احد لحظات وادركت وضعها وانها نايمة فى حضنه ابتعدت عنه سريعا وبخجل 

زينة بعبوس: ليه قومتى من جمب بابا

رحيل بخجل: انا معرفش انا نمت ازاى كدا

مراد بتلاعب: وماله ياروحى دا مش حضن حد غريب دا حضن حبيبك وابو أولادك بردو

رحيل بعبوس :حبك برص قال حبيبى قال يلا ياهانم انتى والبيه التانى خلينا ننزل لتحت علشان تفطروا 

جريوا الأطفال الى خارج 

اقترب مراد سريعا منها ومنعها من الخروج واسندها ع الباب وحاصرها بين يديه  وهمس لها فى اذنيها

مراد بخبث: مدام حضنى حلو وعاجبك اوى كدا أمال ليه بتبعدى عنى ومش راضيه تكونى معايا

رحيل بتوتر: مراد ابعد 

مراد : امممممم عايزانى ابعد ياريري

رحيل بهمس :اه 

ابتعد مراد بخبث : تمام ياروحى بس عيزاك تحضري نفسك 

رحيل باستغراب: احضر نفسى لايه

مراد : ايه دا هو انا مقولتلكيش 

رحيل : لا مقولتليش

مراد :لا بجد اخص عليا ازاى مقولتش ليكى حاجة زى كدا

رحيل بنفاذ صبر : ياريت نخلص

مراد: هتحضرى نفسك لفرحنا يابسبوستى

رحيل بدهشه: نعم فرح مين

مراد بخبث:فرحنا انا وانتى ياعمرى 

رحيل بغضب:دا بعينك يامراد مستحيل يحصل اللى فى بالك خليك انت كدا فى أحلامك اللى مش هتحصل ابدا

مراد:انا مش بحلم انا بنفذ وياريت تستعدي ثم تركها وغادر من الغرفة...ذهبت وراه 

رحيل بضيق: مراد استنى ممكن تفهمني اللى قولته جوا دا

لم يرد عليها ونزل من ع السلم وهو يغنى ولم يبالى لها

رحيل :مراد انا بكلمك ع فكرة رد عليا

نور :مالك يابنتى بتزعقى ليه

رحيل :اخوكى البارد هو فاكر نفسه ايه بيقولى بكل وقاحه استعدى لفرحنا هو جرا لعقله حاجه

نور بفرحة:بجد هو قالك كدا طب الف مبروك ياحبيبتى ربنا يسعدكم يارب

رحيل بعصبية: انتى اتجننتى يانور زى اخوكى 

نور:ليه بس كدا ياريرى دا حتى الفرح حلو

رحيل : غورى من وشى بدل مطلع غضبى كله عليكى ثم ذهبت تشتم وتسب مراد فى سرها بغضب

ضحكت نور: والله انتو الاتنين مجانين ....

---------------------------------------------------------------

فى شقة مازن و ندى

استيقظ مازن من النوم وظل ينظر إليها بحب وارتسمت ابتسامة خفيفة على وجهه 

فتحت عيونها ببط ونظرت إليه بابتسامة قائله: صباح الخير 

مازن بحب: صباح النور ع احلى ندوش صبحية مباركة يااقمر ثم غمزة لها  بس اي دا انتى طلعتي جامده اوووى 

تذكرت ما حدث وعندما تذكرت احمرت وجنتيها بشدة من الخجل وقامت بشد الغطاء عليها 

ضحك مازن بشدة ع فعلتها: مالك بس ياندوش ليه الكسوف دا كله 

ندى بخجل : انت طلعت قليل الادب اوى يامازن 

مازن: دا علشان خاطرك بس ياروحى ثم مد يداه ولمس شعرها برفق وحنان : تعرفى انا مكنتش مصدق ان ممكن يجي عليا يوم واكون فيه متجوز انتى جيتى شقلبتى ليا حياتى مفيش واحدة ملت عينى غيرك انتى ياقمرى 

ثم مال عليها وقرب وجهه منها فقالت ندى بخجل شديد :مازن 

قلبها فى خديها ورفع وجهها وقال ببراءة : متخافيش انا كنت هعمل كدا بس 

ثم اكمل كلامه وهو يبتعد عنها قائلا: يلا قومى ياندوش افطرى علشان محضرلك مفاجأة

قفزت ندى بفرحة وقالت :مفاجأة ايه ياميزو 

مازن بتوهان: هاا 

ندى : ها ايه انت مبحلق كدا ليه ثم استوعبت نفسها صرخت بقوة : اطلع برا ياحيوان 

ضحك مازن بشدة: طيب اهدى يلا قومى بقا بدل ما اغير رائيى واجيلك وانا نفسى بصراحة

حدفته بالمخده فى وشه :براااااا 

بعد لحظات خرجت بعد ماجهزت وجدته بالمطبخ بيحضر الفطار ابتسمت بسعادة واقتربت منه قائله: اساعدك ياحبيبى

مازن بحب: لا ياروحى خليكى انا خلاص قربت اخلص

ندى: مش ناوى تقولى بقا اي هى المفاجأة

مازن: ما لو قولتلك مش هتبقى مفاجأة كدا

ندى بزن: علشان خاطرى ياميزو

مازن بتنهيده:هنسافر ياستى نقضى شهر العسل بتاعنا 

ندى بفرحة وتنطيط:بجد طب هنسافر فين

مازن بابتسامة:دى بقا ياستى مقدرش اقولك عليها خليها مفاجأة ويلا خدى الأطباق دى حطيهم ع السفرة علشان نفطر ونلحق الطيارة

ندى بسعادة: حاضر ياروحى

بعد لحظات رن هاتف ندى نظرت باستغراب قائله:دى رحيل

مازن بقلق: ردى عليها يكون فى حاجه

فتحت ندى عليها : رحيل فى حاجه ولا اي خضتينى 

رحيل بابتسامة: لا حبيبتى حبيت اطمن عليكى انتى وميزو 

مازن: كدا يايرى قلقتينى بحسب فى حاجه حصلت

رحيل : متقلقش مفيش حاجه هتسافروا امتى 

مازن :كمان ساعة ونص كدا

رحيل بحب :تمام ياحبايبى تروح وتيجيوا بالسلامة

ندى :يارب ياحبيبتى قاطع كلامها صوت نور 

قائله بمرح:الا قوليلى ياندوش ايه اخبار سهرة امبارح كانت حلوة

مازن بضحك:اه يانور دى كانت أجمل سهرة صحبتك طلعت جامد

ضحكت نور بشدة: طبعا يابنى أمال انت فاكر ان هى جعفر يعنى لا دى بنتنا مفيش اجمد منها

ضمها مازن لحضنه :طبعا يابنتى دى تقول للقمر قوم وانا اقعد مكانى 

ابتسمت ندى بخجل قائله: انتو بتحفلوا عليا بقا

رحيل : ابدا ياروحى سيبك منهم العيال دى المهم خلوا بالكم من نفسكم واستمتعوا بوقتكم يلا سلام.....

جاء صوت ادهم من الخلف قائلا: ارتاحتوا انتو كدا لما كلمتوهم ورخمتوا عليهم

رحيل :ابدا ياخويا هما دول حد يقدر يرخم عليهم 

ادهم بسخرية: اه ما انا عارف

اقترب منه زين : ممكن تخليني اشيل رحيل ياخالو 

ادهم بابتسامة: بس هتبقى تقيلة عليك 

زين :بس انا عايز اشيلها والعبها 

ادهم: طب ياحبيبى ممكن تقعد هنا جمبى وشيلها زى ما انت عايز

زين: حاضر وقعد بجانبه ونظر للطفل بابتسامة جميلة وقام بحملها وظل يلعبها وهى تضحك بشدة

نور بهمس: اقدر ابشرك بمستقبل هايل بين الاتنين دول

رحيل :مش فاهمه 

نور :قصدى بكرا لما يكبروا هيحبوا بعض 

رحيل بابتسامة: ياراجل وانتى عرفتى ازاى

نور بغرور: احساسى بيقولى كدا

ضحكت رحيل :وماله ياحب احنا نطول ان حبيبة عمتو تكون مرات ابنى .....

------------------------------------------------------------

كان يقف أمام غرفة عمه بيحاول يشجع نفسه ليأخذ نفس عميييق جدا ثم تنهد وخبط ع الباب بخفة فتح الباب بعد ما اذن له بالدخول ....

نظر له سليم بضيق وبرود اقترب منه مراد بهدوء وجلس أمامه وتحدث..

مراد بهدوء: اخبارك ايه ياعمى 

سليم ببرود: الحمدلله بخير

مراد: ممكن اتكلم مع حضرتك فى موضوع اذا سمحت

سليم بضيق:موضوع ايه

اغمض مراد عينيه ثم فتحها ثانيا:  رحيل ياعمى 

تغيرت ملامح سليم ولكن تحدث مراد قبل ما يغضب عليه قائلا: عمى انا عارف انى غلط جامد اوى فى حقها وكمان خونت ثقتك فيا بس انا كنت محتاج منك تساعدني وتقف جمبى وتديني فرصة أصلح كل اللى حصل

سليم بحزن: مفيش حاجه بتتصلح يامراد 

مراد برجاء: ارجوك انا محتاج فرصة اخيرة واوعدك انى هحاول ع قد ماقدر أسعدها وافرحها 

سليم: وانا مش قادر اثق فيك تانى يامراد انت كسرت بنتى باللى عملته فيها ومبقتش شايف فى عينيها غير الحزن والكسرة 

مراد بتوسل وعيون دامعه: عمى ارجوك انا بحبها اوى ونفسى تكون مراتى وبجد انا مش هزعلها تانى ولا هجرحها تانى صدقنى انا محتاج فرصة واحدة بس ارجوك وافق وقف معايا واوعدك انها مش هتزعل ابدا فى حياتها او ان هى تنزل منها دمعة ومش هتشوف فيها هى السعادة والفرحة والحب..

انا دلوقتى طالب ايدها منك 

سليم بحده: طب لو ما وفتش بوعدك

مراد: اعمل فيا ما بدالك حتى لو هتقتلنى بس ارجوك وافق وانا والله هعوضها وهكون ليها السند والضهر والزوج والحبيب وهتكون ليا كل حياتى ....

سليم بابتسامة:ماشى يامراد دى اخر فرصة ليك تصلح كل حاجه انا وافقت بس علشان خاطر الأطفال لان مش هاين عليا يفضلوا متشتتين بينك انت وامهم 

مراد بفرحة حضنه بقوة :شكرا شكرا ليك ياعمى انا هعمل المستحيل علشان توافق عليا .....

عند رحيل كلمت رهف واتفقت ان هما هيخرجوا يجيبوا شوية طلبات..

كانت رهف تنتظر رحيل فى الاسفل اقترب منها هشام ونظر لها باعجاب كانت ترتدى فستان طويل محتشم باللون الزهرى وعليه الحجاب مما جعل ملامحها هادئة وبريئة كأنها ملاك نازل من السماء 

هشام بلطف: اخبارك ايه ياانسه رهف

رهف برقة: الحمدلله بخير وحضرتك 

هشام بابتسامة: كويس بس بلاش حضرتك دى بتحسسنى انى عجوز قوليلى هشام وبس

رهف باعتراض: لا مينفعش

هشام: ومينفعش ليه

رهف بتوتر بسبب نظراته لها: كدا وخلاص بقا 

ضحك هشام : ياستى ينفع وربنا قوليلى هشام من غير حضرتك اتفقنا

رهف بخجل: اتفقنا ، ظل يتحدث معها نظرة لها باعجاب انه لطيف حقا وشكله وسيم اوى وكان الاخر يرمقها بنظرات الإعجاب..

جاءت رحيل لهم قائله: يلا يارهوف انا جهزت

هشام: رايحين فين ياريرى

رحيل بابتسامة: هنجيب شوية طلبات لزين وزينة وهشترى شوية حاجات ليا

هشام: تمام تحبوا اوصلكم 

رحيل : معنديش مانع دا لو انت فاضى

هشام بمرح: دا لو انا مشغول افضيلك نفسى ياعسل

ضحكت رحيل:طب يلا ياحنين يلا ياخويا علشان ما نتاخرش 

وذهبوا الى الخارج....

كانت تسير فى المول لفت انتباهها محل هدايا رجالى

رحيل :رهف روحى انتى وهشام هاتوا اللعب وانا هدخل اشترى حاجه من هنا 

رهف: حاضر بس ما تتاخريش ثم ذهبوا وتركوها 

دلفت الى المحل 

العامل: تحت امرك يافندم

رحيل:عندكم برفيوم رجالى بس يكون نوعه حلو

العامل: طبعا يافندم احنا لسه وصلنا النهاردة مجموعات حلوة جدا ومميزة من الخارج 

رحيل : طب ورينى كدا بعد مده من الزمن اختارت نوع جميل وهادى جدا ثم خرجت بعد ما دفعت الفلوس

كانت تسير ولكنها شعرت بحركة غريبة خلفها حاولت تتغاط عنها ولكن شعرت بان حد وراها يتبعها خافت قليلا لكنها تحلت ببعض الشجاعه ثم التفت خلفها 

بعدها الدنيا اسودت فى وجهها .....

بعد فترة فاقت رحيل وكانت تجلس ع كرسى ومربوطة بشدة نظرت حولها كانت الغرفة ضلمة حاولت تتحرك ولكنها كانت مربوطه جامد خافت اوى ودمعت عينيها ودعت ربنا بان ينقذها حاولت تصرخ بقوة 

لحظات ودلف شخص إليها نظرت له بصدمة وقد تسارعت دقات قلبها بخوف والدموع تنهمر من عينيها بشدة.........يتبع شاركونى ارئكم..

تكملة الروايه اضغط هناااااااا 

اكتب ف بحث جوجل (مدونة قصر الروايات) 

تابعونا على قناة التليجرام ليصلكم اشعار بالنشر من هنااااااااااا

الرواية كامله من البدايه من هنااااااا