رواية رحيل البارت الاول 1بقلم شيماء ال سليم
رواية رحيل البارت الاول 1
الشخصيات
بطلة القصة رحيل الالفى: فتاة عمرها ٢٢ عام خريجة ادارة أعمال ، صاحبة العيون الواسعه الزرقاء اللامعه وذو بشرة بيضاء وشعر احمر نارى بطول ضهرها ،فتاة دلوعه جدا من عيلة غنية ومعروفه.
البطل مراد الالفى : ابن عم البطلة عمره ٣٠ عام ، شاب رياضي طويل وعريض و عيونه رماديه وذو شخصيه حاده يهابه الجميع ويدير شركات عائلته وصارم فى افعاله.
افراد العائله الالفى
الجد وهدان: شخصيه حنونه جدا رغم صارمته صاحب ٧٠ عام.
سليم والد رحيل : متزوج من صفا ولديه ٣ اولاد ويحب
اولاده جدا بس لا يهتم لامورهم ، ويسمى ابنته بوحيدتى ولكنه مشغول دايما بأعماله.
الزوجه صفا : سيدة جميلة جدا ولكنها تعشق الخروجات والسهرات مع اصدقائها وتهتم بالمظاهر فقط.
أدهم : شخص وسيم ذو شخصيه حاده تتشابه بشخصية مراد ويدير معه شركات العائله عمره ٢٩ عام وبيكره النساء .
مازن: تؤام رحيل شخصيه مرحه جدا ولديه ملامح جميلة يشبه اخته الى حد كبير ولديه نفس لون العيون.
حمزة والد مراد : اخو سليم الوحيد ويحب اخاه جدا ويعمل معه.
زوجته حنان: سيدة حنونه جدا مع اولادهاوينطبق عليها فعلا اسمها.
الابنه نور: فتاه جميلة جدا وهي بيضاء وذات عيون بنى واسعه وشعر اسود فحمى ومميز صديقة وابنة عم رحيل الوحيدة عمرها ٢٢ عام واخت مراد الوحيدة.
هشام : ابن عمة مراد ورحيل واهله متوفيين فى حادثه ، واتربى مع جده وهو الصديق الثالث لمراد وادهم .
الفصل الاول
فى قصر كبير جدا وتحديدا فى غرفة بطلتنا ،تدخل الدادة كى تيقظ رحيل من نومها .
الدادة: رحيل رحيل يلا يابنتى قومى
رحيل: دادة بالله عليكى سبينى نايمه شويه لسه بدرى
الدادة وهى تشيل الغطاء من عليها قومى جدك مستنياكى تحت علشان تفطرى معاه
رحيل بنوم :انا مش عايزة افطر انا عايزة انام
الدادة: كفاية نوم وقومى بقا تعبتينى معاكى
رحيل بزهق : حاضر حاضر انا قايمه اهو ، قامت دخلت الحمام واخدت شاور كى تفيق.
الكل مجتمع ع سفرة الطعام، الجد : هى رحيل اتاخرت كدا ليه
سليم: هتلاقيها نازلة دلوقتى يابابا
الجد: لا انا طالع ليها اشوفها ، لو عايزين تفطروا افطروا انتو لكن انا مش هاكل اى حاجه من غيرها ،وهو يقوم يسمع صوت كعب ينظر اتجاه الصوت يرى حفيدته الجميلة تنزل مع ع السلم وكانت ترتدى فستان ازرق بلون عيونها وقصير ، تنظر رحيل لجدها وعلى وجهها ابتسامة رائعه .
اتجاهت رحيل الى جدها وتقبل يداه صباح الخير يا احلى جدو فى الدنيا
الجد بابتسامة: صباح النور والورد عليكى ياحبيبتى
نور بزعل مصطنع: ولما هى حبيبتك انا ابقى ايه ان شاء الله هو كل حاجه رحيل
الجد بحنيه : انتو الاتنين حبايب قلبى واميرات القصر ومفيش اغلى منكم عندى.
نور ورحيل بابتسامه واسعه ذهبوا لكى يحضنوا جدهم ويقبله يداه.
رحيل ونور : واحنا بنحبك اوى ياجدو
مازن: ايه ياجدو هو انت معندكش غير البنتين دول اللى كل شويه تحب فيهم طب وانا والشبااب الغلبانه دى ملهوش حته من حبك
الجد: اسمها حته انت بقيت بيئه اوى
مازن بصوت عالى: مين دا اللى بقا بيئه ياعنيه
سليم بغضب: اخرس ياحيوان احترم جدك واياك تكلمه بالطريقه دى
الجد : سيبه انا عارف انه بيهزر بس هو هيفضل بيئه بردو
مازن: ياجدو بقا
الجد: عايز ايه
مازن: عايز سلمتك ياعسل ياحلو
الجد بضحك: عسل وحلو والله انا مش عارف اقولك ايه مجنون وربنا
مازن: مجنون علشان بحبك ياجدو
هشام : حبك برص اخرس بقا صدعتنى يااخى
مازن : مش عارف هشومه عايزة منى اي لو تخليها فى حالها وتسكت احسن
هشام بغضب: هشومه طب والله يامازن الكلب لو ما سكت لقوم اديك حتة قلم يلوحك
مازن بردح: نعم ياعنيا نعم يادادى نعم ياحبيبى تدى مين بالقلم هو انت فاكرانى هسكلتلك
هشام وهو يقوم انت اللي جبته لنفسك يامازن الكلب ولسه هيقوم
ادهم لهشام: اقعد سيب الحمار ينهق ومالكش دعوه بيه
مازن وهو ينظر لاخيه بصدمه: انت بتبيع اخوك علشان الحيوان دا بقا دا اخرتها
رحيل: هي تحضن مازن محدش له دعوه بمازن حبيبى وتقبله من خد وتضرب هشام ع كتفه وهى تغفل عن العيون الرمادية التى تنظر لها بغضب بسبب لمسها لابن عمته.
مراد : وهو يقوم من ع السفرة انا ماشى على الشركة ياجدو عايز حاجه وقبل يداه
الجد: لا يابنى ربنا معاك
مراد وهو يتجه الى الخارج يقول لاولاد عمه وابن عمته خمس دقايق والاقيكم ورايا عاالله حد منكم يتاخر هتبقى ليلته سوده ع دماغه.
مازن بهمس لهشام: هو بيقول الكلام دا لمين
هشام: لينا ياخويا يلا وراه بدل مايعمل مننا بطاطس محمره
ادهم ينظر لهم وسخرية: بطاطس مخمره بس دا لو اتاخرنا هيعمل مننا شاورما
رحيل بلا مبالاه: مالكم خايفين منه كدا ليه وعاملين له حساب ع ايه ياعنى
هشام: اسكتى ياختى ما اللى ميعرفش يقول عدس
نور : لا هو فعلا شكله مازن بهت عليك بقيت تقول حاجات غريبه زيه
مازن: بس ياماما روحى العبى بعيد
نور بغضب: وانت مالك يارخم انت
ادهم بغضب: بس انت وهى يلا خلينا نروح نشوف ورانا ايه مش ناقصه هى شغل عيال، مشى وسبهم واتجه الى الشركة.
تكملة الروايه اضغط هناااااااا
اكتب ف بحث جوجل مدونة قصر الروايات
تابعونا على قناة التليجرام ليصلكم اشعار بالنشر من هنااااااااااا
تعليقات
إرسال تعليق
فضلا اترك تعليق من هنا