رواية رحيل البارت الثانى 2 بقلم شيماء ال سليم

رواية رحيل البارت الثانى 2 بقلم شيماء ال سليم 

رواية رحيل البارت الثانى 2 

فى شركة الالفى 

يدخل مراد فرع الشركة الرئيسي بكامل هيبته ورجولة كاملة لا تليق الا به يلقى الموظفون عليه التحية وتلاحقه نظرات منها المحبة ومنها الحاقدة ،يستقل بالمصعد الخاص له الى الطابق الذى يوجد فيه مكتبه ،يخرج من المصعد ويتجه الى المكتب وتقابله السكرتيرة الخاصه بالمكتب.

سوزى باحترام: صباح الخير يافندم 

مراد بجدية: جبيلى قهوتى وأوراق الصفقة الجديدة على مكتبى فورا

سوزى: حاضر يافندم

يدخل ذلك المكتب الواسع ويجلس على مقعده وبعد قليل من الوقت تدخل السكرتيرة بفنجان القهوة وبيداها الاخرى الملف الخاص بالصفقة

سوزى بدلع: اتفضل يافندم تأمر بأى حاجه تانيه حضرتك 

مراد بجديه : لا واتفضلى على مكتبك ولما يجي ادهم ابعتيه

سوزى :حاضر انا تحت امرك

تخرج وهى تتمايل بمشيتها على أمل انها تلفت انتباهه ،ثم يلتفت لها مراد وينظر لها باشمئزاز .

بعد لحظات يدخل هشام المكتب كالعاده من غير ما يدق الباب

هشام : صباح الخير ياكابتن

مراد بغضب خفى: مش قولت كذا مرة انه فى زفت نخبط عليه قبل ماندخل

هشام: هو انا داخل عند غريب دا مراد ابن خالى حبيبى

مراد: ابن خالى وحبيبى دا من امتى الكلام ده

هشام بكل اريحيه:من زمااااااان اوى بس انت مش حاسس

مراد: ولاه اتظبط انا بدات اشك فيك

هشام بضحك: ياعم مش للدرجاتى حب اخوي وربنا

مراد: يارب صبرنا ع الرخم دا هو والتاني 

مازن وهو يدخل عليهم بسرعه :ايه دا انا سمعت حد بيجيب فى اسمى

ادهم من وراه وهو يخبطه ع دماغه كويس انك عارف انك رخم 

مازن : هو انت يابنى حد قالك انى مش اخوك ليه بتعملنى كدا انت واللى قاعد هناك دا دى مابقتش عيشه

هشام بتمثيل مضحك: لو مش عجبك طلقنى اه طلقنى 

مازن: اه ياااختاه قوليله لو مش عاجبه يطلقنى

ينظر لهم مراد بقرف من طريقة كلامهم

ويقول: مش هنسترجل بقا ولا ايه يااستاذ مازن انت والزفت هشام

هشام ومازن ينظروا له بغضب وفى وقت واحد قصدك ايه ان احنا نسوان 

مراد: اه بالضبط ما هو ميعملش الحركات دى غير النسوان، لسه هيتكلموا ويردوا عليه تدخل السكرتيرة وهي تقول بدلع : مستر مراد نسيت اقول لحضرتك ان فى اجتماع مهم اوى النهاردة الساعة خامسة 

مراد: تمام اتفضلى انتى دلوقتى

هشام ومازن بفم مفتوح وهما ينظرون لها بسبب لبسها الفاضح وشكلها الجذاب

مازن بغزل: اوبا مين الجامدة دى

هشام: دى اجمد من الجمدان ياابا دى صاروووخ 

ينظر لهم ادهم بقرف 

ليقول مراد: انت يازفت انتو وهو مش هتبطلوا ام القرف وكلامكم المقرف دا

مازن : مش تقول انك مشغل المزة دى هنا انا اول مرة اشوفها

هشام: وانا وربنا 

مراد بغضب وزعيق: قوم من هنا يازفت منك له ومشفش وشكم هنا خالص انتو فاهمين بدل ما اعمل معاكم حاجه تزعلكم يلاااا برا

مازن بخوف: ياما دا بيتحول 

هشام بنفس الخوف: هي عينيه اسودت كدا ليه 

مازن: قوم بسرعه قبل ماياكلنا ، وخرجوا يجروا بسرعه من المكتب

ادهم: يضرب كف ع كف ياحول الله يارب العيال اتجننت 

مراد: علولى الضغط ربنا يسامحهم

ادهم: الله يكون فى عونك مش عارفه انت مستحملهم ازاى 

مراد بجديه : المهم عملت ايه فى الصفقة 

ادهم بثقه :طبعا كسبناها مش محتاجه كلام بس

مراد: بس ايه

ادهم: عادل مش هيسكت المرادى انت خسرته الصفقه دى كمان ودا غير الصفقات التانيه اللي خسرها بسببك وخايف يعمل حاجه او ياذى حد من عيلتنا

مراد: يعمل اللي يعمله دا جبان اصلا وميقدرش يعمل اى حاجه ومتقلقش مش هيقدر يقرب من حد يخصنى علشان لو عملها عارف ان هتبقى فيها موته

ادهم: تمام ربنا يستر انا هقوم اروح مكتبى

مراد: تمام.

فى النادى تجلس رحيل برفقة اصدقائها

ندى: هتعملوا ايه قررتوا تطلعوا معانا الرحله ، بتكون الصديقة التلاته المقربه لرحيل وتعبترها اختها وهى فتاة طيبة جدا وخجولة .

نور: لسه مش عارفين 

ندى: يعني ايه مش عارفين

نور: لسه مقلناش لجدو أو لبابا 

ندى: حاولوا تكلموهم لان خلاص مبقاش فى وقت والرحله يوم الخميس الجاي مفضلش غير يومين بس

نور: انا خايفه اقول لبابا أو أن مراد يرفض ما انت عارفه ان مراد طبعه صعب وغير كدا بيخاف علينا ومستحيل يوافق

ندى: خلى رحيل تكلم جدكم وهو مش بيرفض ليها اى طلب وهيوافق ع طول وطبعا محدش هيعرضه ولا اي يا رحيل

رحيل وهي تنظر لها بلا مبالاه:امممم هحاول ابقى اكلم جدو

مرام بخبث وهى تنظر لرحيل: اه صح دا سامر طالع معانا هو مقلش ليكى يارحيل

تتظاهر رحيل ببعض البرود: لا قالى ما انتى عارفه انه مابيخبيش عنى حاجه 

مرام: اه طيب انا قولت اديكي خبر بردو لأحسن تكونى مش عارفه

ندى بخبث: وانتى يامرام الاستاذ حسن بتاعك مش جاى ولا اي اه صح نسيت انه مش هايجي لان خطوبته الخميس الجاى

مرام بصدمه: انتى قولت اى خطوبة مين

ندى بنفس الطريقه: خطوبة حسن مش دا اللى انتى كنتى بتكلميه

مرام بغضب خفى : مكنش بينى وبينه اى حاجه اصلا انتى بتقولى اى

نور: امال كنتى بتكلميه ليه

مرام بغضب : عادى يعنى كنت بسلى وقتى مش اكتر وبعدين محدش يدخل فى اللي ملهوش فيه او فى حياتى وبعمل ايه ومابعملش ايه ماشى وذهبت وتركتهم

نور بصت لها بقرف واشمئزاز 

ندى : احسن ان هى مشيت 

نور: كائن بارد ومستفز والله احسن انه سابها ما هى واحده مش مظبوطه وكل يوم مع واحد شكل

رحيل: نور اسكتى مالناش دعوه بيها

ندى: مالك يارحيل حاسه ان فيكي حاجه من ساعة ما الزفته دى اتكلمت

رحيل : هى عرفت منين ان سامر رايح الرحله اذا كان هو مقالش ليا انا اللى بكون حبيبته لأحسن يكون بيكلمها وع علاقة بيها وبدأت تقلق وتخاف من ان يكون سامر بيخونها مع مرام هي بتحبه بشده 

ندى: رحيل شيلي الأفكار دى من دماغك هى شكلها بتعمل كدا علشان توقع بينك وبينه

نور:  ايوة ندى كلامها صح 

ندى وهي تنظر خلف رحيل: مش دا سامر 

نور: اه شكله جاى علينا ، رحيل ممكن تبقى هادية ومتخليش كلام الزفته يسيطر عليكى، اومات رحيل لها راسها بالايجاب 

سامر: اخباركم ايه يابنات

ندى ونور احنا زى الفل

سامروهو ينظر لرحيل ويشعر ان بها شئ ، حبيبتى مالك فى حد مزعل القمر دا، لم ترد رحيل عليه ولا تنظر له من الأساس، نظر لندى ونور بمعنى هو حصل حاجه

قامت ندى وهي تجذب نور : يلا يانور تعالى نجيب حاجه نشربها وذهبت وتركتهم

قامت ندى وهي تجذب نور : يلا يانور تعالى نجيب حاجه نشربها وذهبت وتركتهم

سامر :مالك يا رورو مش بتردي عليا ليه 

رحيل بغضب: انت ليك علاقه بمرام

سامر بعدم فهم: مش فاهم قصدك ايه

رحيل:اصل الهانم بتقول انك حاجز للرحله مع الشيلة وهى عرفت منين اذا كان الاستاذ مقالش ليا وانا اخر واحده اعلم بانك طالع معاهم

سامر :والله ابدا انا كنت عاملها مفاجأه ليكي وكنت لسه هقولك ان انا حجزت ليا وليكي لكن معرفش هى عرفت ازاى 

رحيل : والله المفروض أصدق انا كدا

سامر بحب ويمسك يداها: اه هتصدقى لان حبيبك وبتثقى فيا وانتى عارفه انى مابخبيش عنك اى حاجه غير لو كنت عامل ليكي مفاجأه متزعليش منى ارجوكى انتى عارفه انى بحبك 

رحيل بخجل : خلاص ماشي مش زعلانه

سامر بخبث: ولو زعلانه نصالحك بردو هو احنا عندنا اعز منك ياروحي

اكتفت رحيل بابتسامة خجلة ولم ترد، جاءت ندى وهي تضحك : ايه ياعصافير الحب اتصالحتوا ولا اي

سامر بضحك: ع اساس اننا كنا متخاصمين دى رحيل روح قلبى

نوربضحك: ياراجل ياعيني ع الحب

ندى: اه ياقرمط ياللى ملقتش حد يحبك ياقرمط اوعدنا يارب

نور بصوت عالى قليل: يااارب يااختى انا وانتى ف يوم واحد

ضحكت رحيل عليهم بصوت عالى ضحكة أظهرت غمازتها المميزة التى أعطت لها شكل مبهرة وزداتها جمالاً.

تكملة الروايه اضغط هناااااااا 

اكتب ف بحث جوجل مدونة قصر الروايات 

تابعونا على قناة التليجرام ليصلكم اشعار بالنشر من هنااااااااااا