رواية رحيل البارت الثامن8 بقلم شيماء ال سليم

رواية رحيل البارت الثامن8 بقلم شيماء ال سليم 

مدونة قصر الروايات 

رواية رحيل البارت الثامن8 

الفصل الثامن 

دلفت رحيل الى غرفة ابنة عمها وجلست بجوارها 

رحيل : ها ياستى كنتى عايزانى فى ايه بقا

نور بحزن وهى تنظر بعيد عنها كى لاتلاحظ عيونها الذى انتفخت من كثرة البكاء احست رحيل بانها بها شئ واقتربت منها اكثر

رحيل بقلق: نور مالك ايه دا انتى كنتى بتعيطى

نور دموع بتحاول تخفيها: لا مش بعيط

رحيل: لا كدابة بتعيطى وحتى شوفى الدموع اللى بتحاولى تخبيها قوليلى مالك ايه اللى زعلك بس

تذكرت ماحدث معها ثم انفجرت فى العياط مجددا وارتمت فى حضن صديقتها ..

رحيل وهى تربت ع ضهرها بحنان: اهدى ياحبيبتى علشان خاطرى حصل ايه خلاكى تعيطى بالشكل

نور ببكاء وبصوت متقطع: انا قلبى واجعني اوى يارحيل ومش قادرة استحمل وجعه

رحيل بقلق: من ايه بس ياروحي ، وابعدتها عنها قليلا احيكلى مالك

نور بدموع: انا غبيه اوى انا بوصت كل حاجه

رحيل: انا مش فاهمه حاجه منك

نور:انا بغبائى روحت واعترفت لاخوكى وقولتله ان انا بحبه

رحيل بصدمه: ايه انتى بتهزرى صح

نظرت لها نور بدموع: لا مش بهزر

رحيل بهدوء : طيب ممكن تهدى وتقولى كل اللى حصل وهو كان رده ايه عليكى ، روت نور لها كل ماحدث معاها هى وادهم..وأكملت بحزن اكيد طبعا شايفنى واحده رخيصه بتعرضها نفسها عليه لكن انا والله بحبه

رحيل: بطلى هبل ادهم عمره ما يفكر فيكى كدا وهو عارف أخلاقك كويس اذا كان هو اللى مربيكى وأكملت بمرح دا انتى كنتى ع طول من صغرك لازقه فيه ومكنتيش بترضى تبعدى عنه ولما عمتو كانت تيجى تاخدك كنتى بتقعدى تعيطى وتقولى لا انا عايزة دومى وهو لما كان بيلاقيكى كدا كان بيفضل مخليكى معاه ويقعد يقول محدش يزعل القمر دا تانى فاهمين

افتكرت نور طفولتها وابتسمت ...

تنهدت رحيل: بصى يانور ادهم بسبب اللى حصل معاه سبب له صدمه كبير وساب جواه اثر لحد دلوقتى 

انتى فاكره ان هو مبسوط بحياته دى ابدا والله هو خايف اللى حصل يتكرر تانى ويكسره هو عايز بس يحس بالأمان ويطمن انه مش هيحصله اللى حصل تانى وانتى مش فاهمه كدا وكمان انتى اتسرعتى باللى عملتيه 

نور بحزن: انا كنت خايفه ليحب واحده غيرى ويضيع منى 

رحيل : ياختى اتنيلى هو ادهم اصلا بيدى فرصه لواحده تقرب منه دا لما بيشوف ست كأنه شاف عفريت 

هقولك ع حاجه مش انتى نفسك يحبك ويكون ليكى

نور بسخريه: أمال انا بتنيل بقول ايه من الصبح عماله اقول بحبه وبعشقه وانتى جايه تقولى معرفش ايه

رحيل : بطل تريقه واعملي اللى هقولك عليه وانتى هتكسبى

نظرت لها نور بانصات: قولى ياحكيمة زمانك

بعد لحظات 

نور بضحك يخربيت عقلك يارحيل انتى عايزة ادهم يقتلك ويقتلنى معاكى

رحيل بغرور:لا تقلقي اعملى اللى بقولك عليه بس واللى انتى عيزاه هيحصل وبكرا تقولى رحيل قالت

نور :طب ومين اللى هيتبرع ويعمل كدا 

رحيل بتفكير:مش عارفه بس هنلاقى وصمتت قليلا بس انا عرفت مين هيعمل كدا 

نور : وياترى مين اللى امه دعيله 

رحيل وهى تقف وتجذبها من يداها: تعالى وانا هعرفك مين هو ...

بعد لحظات ...

مازن بزعيق: لاااا يارحيل قولت لاااااا

رحيل تحاول تقنعه:يابنى اسمع منى بس والله مش هيحصل حاجه

مازن بخوف : رحيل انتى اتجننتى انتى عايزة تموتينى

رحيل بضيقه: وايه اللى هيموتك يعنى ياسى مازن ماتخلص بقا وبطل بررروود

نور بأمل: علشان خاطرى ياميزو 

نظر لها مازن قائلا وهو يشاور ع اخته :طب دى وعارفين انها مجنونه ومحدش بياخد ع كلامها هتعملى انتى كمان زيها 

رحيل بنرفزة: مازن متخلنيش اتعصب عليك وهتعمل اللى بقولهولك سامع

مازن: يارحيل ياحبيبتى اللى بتقوليه دا مستحيل يعنى ايه عايزانى اتشارك معاكم فى الجريمة دى علشان الاستاذ البارد التانى يغير ويحس ع دمه ويحب الهبله دى وافرض عملنا كدا وهو بقا بسلامته اتهور وخلص عليا اعمل ساعتها ايه انا بقا

رحيل: متخافش هو مش هيعملك حاجه

مازن بدهشه: ياراجل ع اساس انك تايهه عن اخوكى يعنى دا عليه ايد مقولكيش بتلسوع  ثم وضع يداه ع قفاه بطريقة مضحكة

ضحكت رحيل عليه :بتلسوع وانت عرفت ازاى

نظر لها بضحك: مجرب ياختى مجرب ومحدش قالى

نور برجاء والدموع تتصاعد فى عيونها: وافق يامازن علشان خاطرى بقولك 

مازن صعبت عليه نور : خلاص خلاص انتى هتعيطى موافق ياستى وأمرى لله

نور بفرحة: بجد ياميزو هز راسه بالايجاب

رحيل بابتسامة: شاطر يامزاميزو

مازن بمرح: عالله يضمر فيكم بس وأخرج من الخطة دى بدون إصابات

رحيل : يبقى خلاص اتفقنا تعالوا اقولكم بقا الخطة هتمشى ازاى......

بعد مرور ساعات من الوقت كانت تجلس رحيل بغرفة أخيها ادهم تنتظر رجوعه من الشركة  

دلف ادهم الى غرفته وشاف  اخته تجلس ع السرير وتفتح ألبوم الصور الخاص بطفولتهم اقترب منها وجلس بجوارها وقبل رأسها ومسد عليه بحنان 

ادهم بابتسامة: بتعملى ايه ياريرى هنا

رحيل بحب أخوى: كنت مستنياك ياحبيبى 

ادهم بتفكير: امممممم مستنيانى اكيد فى حاجه

رحيل بعبوس : هو انا يعنى مينفعش اجى أقعد مع اخويا شوية

ابتسم ادهم: لا طبعا ياروحي انتى تيجى فى اي وقت هو انا عندى كام اخت يعنى غير بنوتى الجميلة رحيل 

ابتسمت رحيل بسعادة واحتضنته:تعرف يادومى انا بحبك اوى انت ومازن بجد انتو احسن اخوات فى الدنيا دى كلها ربنا يديمكم ليا وتفضلوا دايما سندى

ادهم بحب أخوى:  ويديمك لينا ياعمرى انتى وتفضلى منورة دايما حياتنا 

ابتعدت عنه رحيل وقالت بتوتر قليل: ادهم انا عيزاك فى موضوع 

ادهم بضحك: انا عارف ان الحضن دا مش ببلاش

رحيل :بطل رخامه بقا

ادهم بابتسامة: حاضر قولى بقا فى اي

رحيل: هو انت ليه رافض نور 

ادهم قام وقف وتظاهر بعدم فهم: يعنى ايه مش فاهم قصدك 

رحيل : ادهم انت فاهم قصدى كويس متحاولش تهرب

ادهم بتنهيده : رحيل لو سمحتى انا مش حابب اتكلم فى الموضوع  دا

رحيل:لا ياادهم هنتكلم ولازم نوصل فى المشكلة دى لحل

ادهم بزهق: مشكلة ايه ها لو قصدك ع نور انا مفيش بينى وبينها اي حاجه ولو هى بتحبنى دا مش ذنبي

رحيل: وانا مش هتكلم ع نور دلوقتى انا هتكلم ع مشكلتك انت

ادهم بضيق:وانا معنديش مشاكل وممكن تتفضلى تسبيني لوحدى من فضلك

رحيل: لا يا ادهم مش هسيبك غير لما اخلص كلامى معاك ، مشكلتك ان لسه الماضى مقصر عليك ومش قادر تنسى او تتخطى اللى حصل علشان كدا انت مش عايز تدى فرصة لحد يدخل حياتك خايف ان اللى حصل يتكرر تانى مع اى ست مع ان مش كل الستات زى بعضها ومش كلهم زى البنت اللى كنت انت خاطبها وكمان انت عارف ان نور مش زيها ولا عمرها هتكون كدا لأنها مش خاينه

ادهم بخنقه: رحيل لو سمحتى كفاية

رحيل :لا مش كفاية ياادهم انت مش شايف نفسك بقيت عامل ازاى حتى الضحكة اللى مكنتش بتفارق وشك مابقتش اشوفها غير قليل اوى وبتبقى مش طالعه من قلبك انت فاكر انى مش ملاحظة حزنك وزعلك اللى بتحاول تداريه ليه انت سيبك نفسك فى دايرة الماضى حاول انك تخرج نفسك منه لأنك أنت الوحيد اللى هتبقى خسران 

ادهم بحزن واضح : انتى فكرانى انى محاولتش يارحيل غصب عنى انا مش قادر انسي الخيانه اللى تعرضت ليها من اكتر انسانه حبيتها فى حياتى وكنت بحاول ع قد ماقدر اعمل كل حاجه تفرحها وتسعدها كانت لما بتطلب اى حاجه كنت بجبهالها ع طول كنت لما بس اشم خبر انها نفسها فى حاجه كنت بعملها ليها من قبل ما تطلب كنت بحاول افرحها بأى طريقه انا حبيتها بطريقة محبتهاش لحد قبل كدا عمر ماحد منكم هيحس باللى مريت انا بيه ، ثم اكمل بدموع محدش منكم جرب شعور ان يحب حد وكان بيجهز فرحه وكل حاجه ويكتشف قبل الفرح بيوم ان حبيبته بتخونه مع واحد تانى لا ومش اى واحد دا كان صاحبى مش قادر اوصفلك قد ايه انا اتوجعت مش عارف اوصفلك وجعى يارحيل شاور ع قلبه انا حاسس بنار هنا نار لو خرجت من جوايا هتحرق كل اللى حواليا بجد انا موجوع اوى وانهار بالعياط..

اقتربت منه رحيل منه بحزن والدموع تغرق وجنتيها وأخذته بالحضن وأخذت تربت ع ضهره بحنان 

رحيل بدموع:علشان خاطرى اهدى انا اسفه مكنتش اعرف انك شايل كل دا جواك ياحبيبى حقك عليا انا اسفه اوى ثم اخذت تمسح دموعه وتقول كفايه بالله عليك دموعك بتوجعنى انا مش مستحمله اشوفك كدا 

نظر لها بدموع وحزن كبير بداخله ولا يقدر ع التحدث

بعد لحظات نجحت رحيل بانها تهدئه قليلا..

اجلسته رحيل ع طرف السرير وجلست بجانبه وبدأت تتحدث قائله بحزن ع اخيها: انا عارفه اللى مريت بيه صعب بس قولى انت شايف اللى انت فيه دا الحل اكيد لا هتفضل تتوجع طول ما انت لسه بتفكر فى الماضى عارفه انه جزء مننا وعمره ما هيتنسى بالسهوله دى بس لازم نتعايش معاه ونتخطاه ومنخليهوش يأثر علينا لأن كدا انت هدمر نفسك ومش هتقدر تعيش حياتك بشكل طبيعى حاول انك تدى نفسك فرصه بأنك تشوف حياتى مع حد بيحبك بجد ويقف جنبك ويبقى سند ليك حاول انك تدى فرصه بانك تقرب من نور ع فكرة انا عارفه انك اوقات بتفكر فيها انت جواك مشاعر ناحيتها بس بتحاول تخبيها او تتغاطى عنها علشان خايف مع انك عارف ان عمر نور ما هتجرحك ابدا لأنها بتحبك بجد انت فاكر انى مش واخدة بالى من نظراتك ليها وانك نفسك تقرب منها صدقنى ياادهم انت لو فضلت خايف كدا هتخسر نور كمان وهترجع تندم 

أركن خوفك ع جنب وخد خطوة وصدقني كل حاجه هتتعالج مع نفسها وهتتخطى كل حاجه حصلت معاك قبل كدا 

ابتسم لها ادهم: تفتكرى هقدر

رحيل بابتسامة جميلة:طبعا هتقدر انا واثقه فيك

ادهم بتفكير :هحاول يارحيل هحاول 

ضمته إليها بحب أخوى: اتفقنا يادومى ثم ابتعدت عنه واقفه اسيبك انا بقا ترتاح ثم اكلمت بضحك وانا كمان هروح ارتاح لان انا تعبت معاكم النهاردة جدا دا انتو عيلة كئيبه المفروض اخد من كل واحد منكم بيعيط ويخليني اعيط معاه فلوس اه وربنا انا بتعب معاكم ياجدع

ضحك ادهم ثم تحدث معاها وهو ينظر لها بامتنان:  شكرا ليكى يارحيل بجد شكرا 

رحيل بحنيه :ع ايه بس انت اخويا ومفيش شكرا ما بين الأخوات يلا تصبح ع خير

ادهم :وانتى من اهله ياحبيبتى 

بعد مرور اسبوع كانت تجتمع العائله معا 

هشام بخبث:  اه صح يامازن مقولتليش يعنى انك رايح  تخطب 

نظر له صدمه : هو الكلام دا ليا انا

سليم بعدم فهم: مين دا اللى رايح يخطب

هشام بدهشه: ايه دا ياخالو انت متعرفش ان ميزو هيخطب وراح اتفق مع ابو العروسه

نظر سليم بغضب لابنه: انت يازفت الكلام دا صح 

مازن: وربنا معرف حاجه انا زى زيك 

هشام بخبث: ياولاه ياكداب بطل كدب هتدخل النار حدف

مازن بضيق:ماتبطل ياحريقه انت عايز تولع الدنيا وانت قاعد وبعدها نظر لابوه وبعدين يابابا ياحبيبى انا عمري ما اعمل كدا ويوم لما احب اخطب مش هعمل اى حاجه او هاخد اى خطوة غير لما اقول لحضرتك واستاذنك واستشيرك الاول

سليم: ونعمه الادب والأخلاق 

الجد بدهشه: ايه يامازن الرزانه والعقل اللى انت فيهم دول لا بجد ابهرتنى 

مازن بمرح: علشان تعرف بس ياحجوج ان حفيدك مش قليل بردو 

ضحك الجد عليه: طبعا يابنى دا انتو أحفاد وهدان الالفى مينفعش حد فيكم يبقى قليل 

حمزة: اكيد يابابا بس مازن اشك فيه

مازن بردح: وليه بقا ان شاءالله مشبهش انا ولا مشبهش ياحبيبى دا انا احسن منهم كلهم وبعدين اللى يغير مننا يجي يعمل زينا

هشام بضحك: فى ايه يامازن انت هتردح ولا ايه وبعدين مين دا اللى هيغير منك اصلا بلا نيله

حمزة بضحك لأخيه:  انا عارف انك اكيد فى اليوم دا مسمتش الله علشان كدا ابنك بقا بالشكل دا

مازن بغمزة لعمه:اكيد نيته مكنتش صافيه ياحمزة صح

ضحك حمزة: ايوا صح انت صح 

ضرب سليم كف ع كف : والله انتو عيله مجنونة ومتخلفة صبرنى يارب عليهم

مازن لحمزة: شوفت اخوك بيدعى علينا 

حمزة : استنى كدا هو انت بتدعى عليا يابن ابويا مكنتش دى الاخوه

سليم بنفاذ صبر: استغفرالله العظيم يابنى هو انا كلمتك 

انا قايم احسن مش ناقصه فقعة مرارة هى

حمزة لمازن: ماله دا مش طايقنا ليه

مازن: سيبك منه هو أصلا مش طايق نفسه هيجى يطقنا احنا

حمزة بهمس له : ع رايك محدش بقى يطيق نفسه اليومين دول ياخويا مش عارف ايه الناس دى، نظر لهم الجد بقلة حيلة....

لتكملة الرواية 

تكملة الروايه اضغط هناااااااا 

اكتب ف بحث جوجل (مدونة قصر الروايات) 

تابعونا على قناة التليجرام ليصلكم اشعار بالنشر من هنااااااااااا

الرواية كامله من البدايه من هنااااااا