رواية حب يتخطى الزمن الفصل السابع عشر 17بقلم ياسمين المصطفى
رواية حب يتخطى الزمن الجزء السابع عشر 17
رواية حب يتخطى الزمن البارت السابع عشر 17
بارت 17
أتُريد الحب..؟! نعم..
من منا في هذه الحياه لا يُريده يأتيك الحب في مكان مُعين وفي زمان مُعين دون أي مقدمات فجأه تصبح أسير لعنه أحدهم غير قادر علي فك هذه اللعنه التي أصابت قلبك واوقفت عقلك عن التفكير وفجأه تصبح عَبد يتلذذ بكلمات ملكك المتوج علي عرش قلبك الذي أصبح يعشقه حد الموت وتجعل كلماته اوتار قلبك تتراقص وتتمايل يمينا و يسارا..
والأن قُل لي أتريد الحب..؟!
اللعنه علي الحب.
ـــــــــــــــــــــــــــــــــــــــــــــــــــــــــــــــ
فى فيلا العسيلى ⛪
آسر رن على سليم:...... الو
سليم: خير يا اخويا لسه فاكر إن ليك صاحب تسأل عليه؟
آسر: انا نسيتك اصلا........ مجتش ليه؟
سليم: بس وربنا امبارح كان يوم اسود من قرن الخروف.
آسر: ليه؟ ايه اللى حصل؟!
سليم: خبطت ف بنت بالعربيه اللهى يتقطع لسانها.
آسر بضحك: هههههههههه شتمتك ولا أيه 😂؟!
سليم: خساره لسانها ف شكلها اللى زى القمر.
آسر: اوباااا انت وقعت..... تعالى نتغدا بره.
سليم: انت مجنون يالا؟؟ العمليه معداش عليها غير كام يوم بس.
آسر: تعالى علشان مش هقدر اسوق.
سليم برجاء: آسر بلييز ناس كتيير ضاعت من حياتى مش عايزك تكون واحد منهم 🥺
آسر أبتسم: متقلقش عليا انا كويس اوى هستناك سلام 👋.
سليم بقله حيله: سلام 😊
ـــــــــــــــــــــــــــــــــــــــــــــــــــــــــــــــــــــــــــــــــــــــ
ف مقر شركات العسيلى 🏬
بعد مرور ساعات طويله.
كان يتابع عمله بحرفيه شديده ويدرس المشاريع الجديده
السكرتيره: المندوبه اللبنانيه وصلت مسيو حمزة.
سامر برق عينه وشاور لها تخرج.
حمزة ضحك ورجع بضهره لوراء واغمض عيناه براحه: مش عارف انت مالك بيها
سامر بغل: عملالى عقده كرهتنى ف لبنان كلها.
حمزة بضحك: ليه دا حتى لطيفه.
سامر: لطيفه يبقى تقابلها انت لكن انت لا....... انا فرحى خلاص قرب وكل شويه ميرنا تشوفها معايا تطلع جنونها عليا وانا مش ناقص. انت سنجل وملكش حد يغير عليك انا مال امى تطلع عينى وعين امى بسببها ليها 😒
حمزة: ربنا يخلهالك يا صاحبي... وبعدين انت مالك سنجل ولا غيره انت هتنق فيها
سامر بأبتسامه: عقبالك يارب..... ثم اكمل بهروب.... انا انت افتكرت العماير اللى فاضلها يومين وتتسلم.... سلام.
حمزة ضحك على منظره وحركاته الطفوليه: هجيب آسر يقابلها دا على رأى سامر ملهوش حد... لكن انا معكنن ع حبيبتي ولو طبت فجأه وشافتنا هتعكنن اكتر والدنيا هتخرب.
ــــــــــــــــــــــــــــــــــــــــــــــــــــــــــــــــــــــــــــ
عند حلا ف جامعتها 🏣
يارا: الحمد لله الامتحان عدى على خير.
حلا : ايوه والله كنت خايفه منه اوى الامتحان ده.
يارا: تعالى نتغدا ف اى مكان كده كده ف فرق تلات أيام بين الامتحانين.
حلا: عايزه اروح علشان متأخرش وسليم يقلق.
يارا: يا اختى ياختى تروحي اى بقالنا كتير مخرجناش سوا قال تروحي قال.
حلا: يلا وامرى لله.
ودخلوا فندق فخم به مطعم حلو 🏨
يارا: هتطلبى اى يا حلا؟
حلا: مليش نفس.
يارا سابت المنيو وبصتلها: حلا انتى لسه زعلانه من اللى حصل ؟!
حلا بشرود: لا يا يارا عادى...... انا نسيته وربنا يخليكى ليا انتى وسليم ي رب.
يارا: يا رب ي حبيبتي ي رب.
حلا: طيب اى مش هتطلبى الاكل.
يارا: تمام.... وطلبوا الاكل..... رجلى وجعانى اوووى اللهى ينشك ف قلبه البعيد..
حلا ضحكت جامد وافتكرت صاحبتها وهى بتحكيلها اللى حصل معاها.
يارا بغيظ: كملى انتى ضحك وانا هروح الحمام واجى.
حلا: اوك.
… فلاش باك 🎬…
نزلت يارا واختها سجى وصديقتها اروى راحوا المول.... وبعد فتره ليست قصيره.
يارا بتعب: حرام عليكي يا بنتى والله عندى امتحان بكره.
سجى: خلاص خلصت.
يارا: تمام انا هخرج وانتوا خلصوا وتعالوا ورايا. انا مليش ف الجو بتاعكم ده.
اروى: اوك.
خرجت يارا من المول جرى تاخد نفسها لحد ما جات عربيه واصطدمت بها.
لم يكن الاصطدام جامد فلم تتأذى كثيراً.
يارا من وسط بكاءها: ااااه يا حماره يا حيوانه يا بنت الحمار 😢😭😭
نزل من سيارته: انتى كويسه؟!
يارا برقت عينيها: يخرب بيت جمال اهلك انت طالع من روايه إيه؟ هو ده وقته.... انت واحد مش واحده؟ طيب نعيد من تانى.... اااه يا حمار يا حيوان يا ابن الحماره.
صدمه حلت عليه وهو لا يستوعب ما يسمع آلان: مين ده؟ 😳يا بنت المجنونه انتى؟
يارا: إحترم نفسك يا حيوان.
سليم وعنيه بطلع شرار نار: مين الحيوان دا ي بت؟!
يارا: ف حد هنا غيرك يا احلى اخواتك؟
سليم: بت انتى احترمى نفسك....
يارا ببكاء: لسه هتدينى درس ف الاحترام كمان يا حيوان.
خرجت سجى واروى وظلوا يبحثوا عنها وذهبت اروى ف اتجاه وسجى ف الاتجاه المعاكس حتى وجدتها ملقاه ع الارض فزعت: يارا حبيبتي ايه اللى عمل فيكى كده ؟؟
يارا ببكاء وما زالت على الارض شاورت على سليم
سجى: عملت فيها ايه؟!
مسح على وشه بغضب: واحده طالعه بتجرى اعمل ايه انا؟ خبتطها بالعربيه.
سجى بأحراج: احم انا اسفه.
يارا: بتتأسفيله ليه هو اللى متخلف وماشى يخبط فى خلق الله.
اتعصب جداً وظهرت عروق رقبته من الغضب ولكن حاول التحكم بنفسه.
سجى: بس اسكتى خالص مش عايزه اسمع صوتك..... معلهش ي اخ ممكن بس نروح المستشفى
سليم: اه طبعا..... ثم اكمل بخبث: هتقدرى تمشى ولا اشيلك انا ي حلوه؟!
يارا بصدمه وهى تقول ف سرها: يا ريت.... تشلنى ايه يا متخلف انت؟ انا كنت. بنت اختك؟!
باااااااك.
على الجانب الآخر
الجارسون: اهلا وسهلا آسر باشا.... ازيك يا سليم باشا نورتونا.
الاتنين: بنورك يا راجل يا طيب.
آسر: انقذنى واقع من الجوع.
سليم: حاضر يخرب بيتك..... هتاكل ايه؟
آسر بغيظ: هناكل جاموسه 🐃..... ما تنجز يا سليم.
سليم ضحك : طيب... طيب وطلب سليم الاكل واستأذن... هروح الحمام.
آسر: اوك.
مشى سليم متجه نحو الحمام لحد وان.... تو... ثرى.
يارا: اااااااه ورفعت وشها وهى وسليم ف نفس واحد: انت؟؟؟؟!
سليم: انتى؟؟؟!
يارا: انت بتراقبنى ولا ايه؟
سليم. خبط كف على كف: القدر يا قمر.... ودخل الحمام وسابها هتولع من الغيظ.
يارا ف نفسها: يالهوى مستفز بس قمر..... ايه اللى بقوله ده استغفر الله العظيم واتوب اليه... ودخلت الحمام.
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
آسر قاعد على الترابيزه وبتصفح فونه.
وفجأه سمع صوت عالى بالمكان التفت ليجدها هى بتتخانق مع آحدى الزبائن
حلا لأحد الزبائن: لا بقولك ايه انا مش زى البنات اللى انتى شايفهم دول او بتتعامل معاهم وبعدين المكان دا محترم يا ريت تحترم نفسك وبلاش القرف اللى انت بتعمله دا.
راجل الخليجى: شو بيكى يا مُزه... كل الحكايه انى بقولك رح اقعد جارك شويه... تعى معى ولا تعصبى حالك وانا بعطيكى ياللى بديك اياه.
حلا: ابعد ايدك عنى مش عايزاك وإلا هعملك فضيحه هنا ونادت بأعلى صوت.... يا امن... يا امن.
الراجل الخليجى: ليش شو فيه يعنى اللى كنتى عم تتطلعى فيه دا احسن منى؟!
جات عليها يارا: ف اى يا حلا وصوتك عالى كده ليه وليه الناس ملمومه.
لسه هتتكلم امسكها الراجل الخليجى من يدها بقوه واجلسها على الطاوله.
آسر راح وقف قدام الراجل مثل الجبل الصامد: هى مش قالتلك مش عايزاك ولا تعرفك اصلا ولا انت مش بتفهم؟!
الراجل شاور للحراسه بتاعته وبدأت المعركه بين آسر وحراس الراجل الخليجى اتى على الصوت سليم رأى آسر يقاتل بدأ بالضرب معاه وهو لا يعلم ماذا يحدث او مع من المشكله ودبت معركه عظيمه تم تدمير المطعم الفخم بأكلمه والفتيات تصرخ وتجرى ف اماكن مختلفه
طحن آسر وسليم جميع من كانوا حولهم ف غمضه عين ولم يصيبهم اى خدش رغم الحاله التى كان عليها وهو تعبان..
سليم لآسر: انت كويس؟!
آسر وهو يهز رأسه: بخير بخير.
سليم: اى اللى حصل دا انا سايبك مكملتش خمس دقائق.
آسر: بعدين.. بعدين روح بس شوف حق الخساير دى وعوضهم وانا هستناك ف العربيه علشان تعبت.
سليم: ماشى ي صاحبى
يارا سابت حلا ع الطاوله وذهبت لجلب الماء والمناديل لها.
سليم ذهب لمدير الفندق للتكلف بالخسائر 🏨
آسر لحلا: انتى كويسه.؟
حلا: اه الحمدلله شكرا لحضرتك جداً
آسر: العربيه اهى تعالى اوصلك.
حلا: لا انا مبركبش مع حد غريب انا هأخد تأكسى.
آسر بلامبالاه: غريب!! فتح باب العربيه الخلفى لها: اركبى.
انا مش بستأذن سعادتك انا بنفذ على طول.
حلا ببعض التوتر: صاحبتى.
آسر: صاحبتك جايه اهى. اركبى.
كادت ان تفتح الباب الخلفى حتى اغلقه آسر بقوه ووقف بوجهها.
آسر: انا مش السواق اللى دادى جابهولكم.... اركبى قدام.
ركبت حلا وهى تشعر بالخوف الشديد... وجاءت يارا وركبت بالخلف بدون اى كلمه.. وطول الطريق صمن مريب.
وصلها لبيتهم وفتح لها الباب حتى نزلت ونزلت يارا وذهب ف صمت
حلا جرت وراه بسرعه: يا افندم يا استاذ.... استنى طب اسمك طيب.. يخرب بيتك فرز اول ف الجمال... يادى النيله انا مش كده استغفر الله العظيم رب العرش العظيم واتوب اليه.
يارا: بابا بيرن واكيد هيموتنى انا ماشيه بس متنسيش تحكيلى اللى حصل بالملى
حلا بشرود: حاضر.
(للتوضيح حلا متعرفش إن آسر دا هو صديق طفولتها ولا تعلم انه رفيق اخوها لانها ولا مره قابلته كن بعدما كبروا إلا صدف تجمعهم هما الاثنان فقط حتى وقت الحادث لم تراه كانت مغيبه عن الوعى على عكسه هو عارف هى مين وتعينله اى كويس اوى )
ــــــــــــــــــــــــــــــــــــــــــــــــــــــــــــــــــــــــــــــــ
ف مكان آخر
مجهول 1:تمام احنا كده كده ضامنين خروج شذى.
مجهول 2:شذى هتعرف ازاى اننا عايزينها مش ممكن بعد ما شافت العذاب عنده عامل ازاى تنسحب من اللعبه.
مجهول 1 بثقه: طول ما هى واثقه إن سليمان هو اللى قتل ابوها عمرها مهتتخلى عن تارها خلاص الشر كبر جواها. حمزة العسيلى عمره ما لمس واحده اصلا.
مجهول 2: يا رب اللى بنعمله دا ميروحش هدر.
مجهول 1:لازم نبدأ ف الخطه الجديد.
مجهول 2: وعصام؟!
مجهول 1 بغموض: هيخرج.
ــــــــــــــــــــــــــــــــــــــــــــــــــــــــــــــ
ــــــــــــــــــــــــ
ف البيت عند فريده 🏰
مخاصماك وابعد عنى انا مش طيقاك
_ تليفونك بيرن يابنت الهـ ـبله انتى فين
فريدة: انا فى المطبخ ياست الكل بغسيلك المو(وقبل ماتكمل كلمها كان الطبق اللى فى ايديها مكسور ١٠٠ حته )
_ الام (بزعـ ـيق)ياشيخه حسبى الله انا طلبت منك حاجه اطلعى بررررررررررررا
فريده بتطلع تجرى على واضتها قبل مامامتها تمسكها
فريدة: اى يا ست الكل براحه دانا حتى بساعد(وقبل ما تكمل كلمها كان الشبشب فى دماغها )
فريدة: تسلمى يا مرات ابوى
لقيت تليفونها خلص رن ورجع يرن تانى باسم سندى وكان سامر اخوها.
فريدة.: الو
سامر: اى ي هبله متأخره عقبال ما تردى ليه؟
فريدة: كنت بغسل المواعين يا اخويا.
سامر بصدمه: هاااا.... مين معايا... اوعى اكون غلط ف العنوان.
فريدة بغيظ: ليه مستغرب ليه: هو انا مش ست بيت شاطره ولا ايه.
سامر بضحك: لا طبعا انتى ستهم... سامحنى ي رب على الكذب اللى ع المسا ده..
فريدة: ماشى ي اخويا بكره نشوف ست الهانم بتاعتك هتعمل ايه.
سامر برومانسيه: مش عايزها تعمل حاجه خالص كفايه عليها انها شايله قلبى دى ميرى قلبى دى ابعدى انتى بس عنها البت مش قدك.
فريدة بغيظ: روحوا اولعوا انتوا الاتنين ف بعض. وحبوا ف بعض بعيد عنى مش ناقصه مُحن هى.
انفجر سامر من الضحك على طفلته.
فريدة بحنيه: تدوم 😊
سامر بضحك: وتغسل الهدوم.
فريدة: ماشى ي بابا المهم كنت متصل ليه؟
سامر: اصل انا فاضى ومش لاقى حد ارغى معاه ميرنا نايمه وحمزة ف اجتماع مع البت الملزقه ومفيش غيرك اللى فاضيه.
فريدة وعيونها تطلع نار: يعنى ايه... اقصد حمزة بيعمل ايه؟
سامر: عنده اجتماع مع مندوبه لبنانيه بس ايه مُزه آخر حاجه.
فريدة بغيظ: وسايبه لوحده ليه معاها.... ااا اقصد يعنى وانت مش ف الاجتماع ليه.
سامر: اصل ميرى بتغير عليا منها وبيصادف الحظ انها بتيجى ف الوقت اللى هى موجوده فيها هنا وبيحصل مشاكل من هنا لأبعد حد.... واخوكى مش قد مشاكلها ونكدها.
فريدة بغيره: طيب روح الاجتماع يا سامر واقف معاهم وعيب لما تسيب صاحبك مع واحده ملزقه ذى دى وإلا هتصل على ميرنا دلوقتى واعرفها انها ف الشركه واخليها تيجى تعملك فضيحه بجلاجل.
سامر: لا وعلى ايه هروح هروح.... وبعدين انتى مالك نبره صوتك اتغيرت ليه.
فريدة: مفيش يلا روح الاجتماع سلام.
سامر بأستغراب: سلام.. دا انا عايش وسط مجانين ربنا يكملنى بعقلى.
اغلقت فريدة الخط: ماشى ي حمزة بقى بتتسرمح من ورايا بتستغل عدم وجودى ف الشركه...... وبعدين هو اصلا معبرنى او.... ف بينا حاجه.... انا ليه خيالاتى بعيده اوى كده.... واكلمت ببكاء. يا رب لو مش ليا شيل حبه من قلبى مش هقدر استحمل عذاب اكتر من كده.
ــــــــــــــــــــــــــــــــــــــــــــــــــــــــــــــــــــــــــــــــــــــــــ
مر يومان.
ف الحديقه الاماميه للفيلا كان يجلس آسر وسليم وانضم لهم حمزة.
حمزة: مساء الخير.
آسر: مساءنا عسل ملزق ف السندوتشات.
سليم: يخرب بيت الفاظك يا شيخ.
آسر: انتو ناس معقده انا مالى بيكم.؟
حمزة ضربه بالقفا: مبقتش معقد انا كده صح؟
آسر حط أيده على قفاه: ربنا ينتقم منك يا حمزة يا ابن ام حمزة... سيبهالكم مخضره.
ولسه هيمشى لقى باب الفيلا يفتح على مصرعيه.
آسر بجنون: سااااااااامر
حمزة: انا بشك إنك اخويا والله.
سليم ضحك 😂: ولا يمدلك بصله ولا لعيلتكم اصلا.
حمزة ضحك: اكيد غلطوا فيه اصل دا مش ممكن يكون اخويا ابداً
نزل من سيارته وحضن آسر وهو مبسوط: انت اخو المعقد اللى هناك. ده؟
آسر بوجع: ااااه سامر ايدك والجرح.
سامر: اسف
آسر: ولا يهمك يا معلم.... هو متبرى منى اصلا.
سامر وهو بيشاور على حمزة وسليم وهما بيتكلموا ومندمجين ف الحديث ضحك: بيتفاوضوا على ايه دول مش بطمن لما بشوفهم مع بعض.
آسر ضحك بصوت عالى: سيبك منهم احنا بالنسبالهم فشله.
سامر بصدمه: إحلف 😳!!
آسر لسامر: اى رأيك نروح نقضى اسبوع اجازه. مصيف.
سامر عجبته الفكره: معاك حق ياااض وبالمره نفك جو بدل الشغل اللى فيه ديما دا. تعالى نقولهم.
وعرضوا الفكره على حمزة وسليم ووافقوا على شرط يخلصوا البنات امتحاناتهم ويطلعوا كلهم جمعه عائليه.
آسر: وابقى نقول للباشمهندس احمد ييجى معانا .
سامر: معاك حق يالا ولا وبقيت بتفكر اهو احمد دا اللى شبهنا وبنضحك سوا ابقى قولوا ييجى معانا.
واتفقوا على كل حاجه.
وقضوا سهرتهم ضحك وهزار وتحدثوا ف عده امور مختلفه
ــــــــــــــــــــــــــــــــــــــــــــــــــــــــــــــــــــــــــــ
وانتهى البارت بسلام انا بطول البارت ع قد ما اقدر علشان اعوضلكم فتره الغياب الطويله
اتمنى يعجبكم احبائى ف الله ♥
تعليقات
إرسال تعليق
فضلا اترك تعليق من هنا