رواية شهد الفهد من الفصل 11الي الفصل 15بقلم شهد أحمد
#الحاد_عشر_الثاني_عشر
*_في الصباح اثناء تناول الطعام*_
الجد : شهد فين
سما : في اوضتها منزلتش النهاردة
الجد : سعدية ي سعدية
سعدية : نعم ي بيه
الجد : اطلعي شوفي شهد هانم صحت ولا لأ لو صحت خليها تنزل تفطر معانا او طلعيلها فطار زي ما تحب
سعدية : حاضر
*_في غرفة شهد*_
شهد وهي تتحرك في الغرفة ذهابا وايابا : ياربي معرفش اعمل ايه ع اقدر افضل ساكتة ومتكلمش مع حد فيهم اكيد هنسى واتكلم
سعدية وهي تطرق الباب : شهد هانم وفتحت باب الغرفة
سعدية : اسفة ي هانم مكنتش اعرف انك صاحية كنت جاية اصحيكي
شهد : عادي ي سعدية ولا يهمك وبعدين قولتلك مليون مرة اسمي شهد واخذت تتحرك في الغرفة مرة اخرى
شهد وهي تتحرك بعد ان تذكرت ما فعلته وانها تحدثت مع سعدية ونظرت الى سعدية التي تنظر اليها بصدمة وفرحة : اوبس يخربيت غبائي ....سعدية مش هتقولي لحد صح
سعدية : لولولو
شهد وهي تضع كفها ع فم سعدية : اسكتي هتفضحيني انا مش عاوزة حد يعرف هزيل ايدي بس اوعي تزغرطي تاني
سعدية بحزن : ليه كدا بس قوليلهم ع تفرحيهم
شهد : هقولهم اكيد بس مش دلوقتي ثم نظرت الى سعدية
شهد : سعدية اوعي تقولي لحد ازعل منك
سعدية : لا متقلقيش محدش هيعرف خالص
شهد : والله انا قلقت بعد متقلقيش دي
سعدية : طب انزل اقولهم ايه هما كانوا عاوزينك تفطري
شهد بتفكير : انزلي وقوليلهم اني نازلة وراكي
بعد مغادرة سعدية الغرفة
شهد : انا لازم اخليهم يندموا حتى لو عرفوا انهم غلطانين بس لازم اخد حقي ثم غادرت غرفتها بعد انا توضأت وادت فرضها واتردت ثيابها (اسكتي الله يخليكي دا انتِ عيوطة ومبتعرفيش تقولي كلمتين ع بعض😂😂😂)
*_ع السفرة*_
الجد بحنان : تعالي اقعدي ي حبيبتي صباح الخير
ولا يوجد رد من شهد لإكتمال حيلتها
مايا : عاملة ايه دلوقتي
اومأت شهد برأسها ك دليل ع انها بخير ثم نظرت الى سما لتطمئن عليها
شهد وهي تشاور ع قدم سما
سما بفهم : تمام الحمدلله حاجة بسيطة
وكان الشباب ينظرون الى شهد بألم وندم وهي لم تنظر الى اي منهم
بعد قليل
شهد كتبت ع هاتفها رسالة وهي انها تود الذهاب الى الحديقة وارسلتها الى جدها
الجد : ماشي ي حبيبتي براحتك
واتجهت شهد نحو الحديقة
شهد : يالهوي ايه دا معتش قادرة هموت واتكلم .... الله الورد دا حلو اوي ثم تذكرت شهد كلام سما وان هذا الورد مِلك الفهد ولا احد يستطيع ان يقترب منه
شهد بعند : و ايه يعني هخاف منه يعني ثم عزمت امرها واتجهت نحو هذه الازهار الرائعة التي تفوح منها الرائحة الطيبة وكانت بتتحرك وسط الورود وتغني بصوتها العذب الذي يسحر من يسمعه (مش عذب اوي يعني بس بتحب تغني هنسكتها يعني مينفعش طبعا😂😂😂)
فهد وهو متجه نحو الازهار ليسقيها قبل ذهابه الى الشركة
فهد : ايه دا مين ال دخل هنا واخذ يتبع فهد الصوت حتى وصل الى مصدر الصوت ورأى شهد تعبث في زهوره الخاصة
فهد بعصبية : بتعملي ايه هنا و ازاي تدخلي المكان دا اصلا
شهد : وانت مالك براحتي (يخربيتك فضحتي نفسك )
فهد بسخرية وفرحة : الله وكمان طلعتي بتتكلمي اهو اومال عملالنا فيها خرسة ليه
شهد بنفاذ صبر : اه بتكلم وانا ال عملت كدا ع اخليكوا تندموا
فهد : امممم و ايه كمان
شهد : وادخل المكان ال انا عاوزاه دا بيتي زي ماهو بيتك
فهد : ما كان امبارح مش بيتك ايه ال حصل
شهد بإستفزاز: ملكش دعوة انا حرة
فهد : مش خايفة افضحك واقولهم انك طلعتي بتتكلمي
شهد : وتقول انت ليه اذا كنت انا هقول اصلا
فهد : يعني ايه
شهد : يعني انا مبتهددش
فهد : اوووه دا انت طلعتي جامدة بقا
شهد : اه جامدة وكانت تتحدث وهي تنظر الى الازهار ولا تعايره اهتمام ثم نظرت اليه واكملت كلامها
شهد : وبعدين ااااااااااه
رأته يحمل مسدس ويصوبه نحوها
فهد : بتصوتي ليه مش كنتي جامدة من شوية وبعدين دا انا بجربه بس يعني
شهد : ها ومين قالك اني خايفة اصلا انا مبخفش غير من ال خلقني
فهد ببرود : كلام جميل حيث كدا بقا نجرب المسدس نشوفه حقيقي ولا لعبة ثم سحب الزيناد ليطلق النار ولكن
مايا : شههههههههد
نظر كل من شهد وفهد بخضة
مايا بدموع : انتِ بتتكلمي صح انا سمعتك بتتكلمي قولي اه
شهد : اهدي ي
مايا : ااااااااه مش مصدقة بجد الحمدلله تعالي معايا يلا ع نفرحهم
وسحبت شهد من امام فهد الذي ابتسم ابتسامة نصر بعد ذهابها لأنه كان يعرف انها تتحدث
Flash back
كان فهد يفتح باب غرفته لينزل لتناول الطعام ولكن سمع صوت يأتي من غرفة شهد واخذه فضوله وجعله يذهب لسماع هذا الصوت وعندما اقترب سمع شهد وهي تتحدث مع سعدية وعلم حيلتها
Back
تحرك فهد الى الشركة وذهبت مايا الى الداخل وهي ممسكة بيد شهد
مايا بصراخ : ي جدوووو ي سمااااا جااااسر مروااااان
جاسر : ايه بتصرخي كدا ليه
مايا : شهد اتكلمت
مروان : اتكلمت ازاي يعني
مايا : والله بجد طلعت برا وسمعتها وهي بتكلم فهد
سما وهي تتحرك نحو شهد : ويييييييييي الحمدلله يارب
جاسر بفرحة وشك: هي غريبة شوية انها تتكلم بسرعة كدا بس الحمدلله
مروان : اسكت انت الحمدلله انها اتكلمت واكمل بأسف : شهد بالله عليكي تسامحيني انا عارف اني زعلتك جامد بس انا اسف
شهد : خلاص سامحتكوا انتوا مهما كان اخواتي برضو
مايا وهي تحتضنها : ي روووحي ع التسامح
سما : اوعي سبيها شوية ع احضنها انا كمان ولا اكمني بقيت بعرج يعني تيجوا عليا
مايا : لا صعبتي عليا تعالي احضني
واخذوا يمرحوا وكان الجد يقف وينظر لهم بفرحة
ومر اليوم ع جميع الابطال بفرحة
*_في اليوم التالي*_
شهد : الحمدلله انا شبعت ولازم اروح الكلية بقا ع متأخرش
الجد : ربنا معاكي اوعي تتأخري يلا ي جاسر روح معاها
جاسر : لا مش رايح في مكان انا تعبان روح انت ي مروان
مروان : انا ورايا مشاوير مهمة جدا مش هعرف اروح
مايا : وانا عندي رسمة لازم ارسمها
سما : انتوا عارفين ان رجلي متعورة
الجد : وفهد في الشركة وانا معتش بقدر اسوق عربيات
شهد بدموع : خلاص ي جدو مش مشكلة هروح انا لوحدي انا معايا العربية
الجد : تمام ي بنتي روحي ربنا معاكي
وذهبت شهد الى الكلية وهي تبكي
شهد وهي تدخل الكلية وتتحدث مع نفسها : خلاص ي شهد عادي هما فعلا مشغولين مش هيعطلوا نفسهم عشانك يعني
اسر : بتكلمي نفسك ليه
شهد : ها ازيك ي دكتور اسر
اسر : دكتور تاني ي ستي انا تمام الحمدلله بس مرديتيش برضو بتكلمي نفسك ليه
شهد : لا عادي بس مكسوفة شوية ع اول يوم وكدا
اسر بحب: لا متقلقيش ولو احتاجتي اي حاجة انا موجود
شهد بتوتر : تمام شكرا لحضرتك عن اذنك انا بقا ع المحاضرة الاولى متضعش
اسر : اتفضلي
شهد بعد ان غادرت
شهد : هوووف الحمدلله هربت منه ياربي مش عاوزاه يكلمني بقا ع متحصلش مشاكل كفاية ال حصل ثم دخلت الى المحاضرة الاولى وتعرفت ع زملاء كثيرين وانهت محاضراتها
*_في السيارة*_
شهد ببكاء: وحشتني اوي ي بابا اول عيد ميلاد مش هتحتفل بيه معايا وتجبلي الدبدوب بتاعي
وذهبت الى محل هدايا وقامت بشراء دب كبير لتستعيد ذكرياتها وتتخيل ان هذا الدبدوب من والدها
وصلت شهد امام الڤيلا ودخلت ولكن كان الظلام يعم المكان
شهد : يادي الرعب ال احنا فيه هي ناقصة ايه الضلمة دي واكملت بخوف مايا ي سما جدووو
وفجأة
سيربراااااااااايز
شهد : ااااااه في ايه ايه
سما بضحك : اهدي اهدي
شهد بعد ان نظرت الى الڤيلا ورأتها مليئة بالزينة والبالونات
شهد : وااااو الڤيلا شكلها تحفة اوي ع مين الحفلة دي
مايا : عشانك
شهد بصدمة : عشاني انا
جاسر : ايوة مش النهاردة عيد ميلادك ولا ايه
شهد بدموع : الله بجد
مروان : بتعيطي ليه هو السيربرايز معجبكيش
شهد : لا بالعكس عجبني خالص بس انا مكنتش متوقعة انكوا تكونوا فاكرين
مايا : احنا نقدر ننسى اليوم ال اتولدت فيه اجمل بنوتة في الدنيا
سما : من ساعة ما قولتلنا و احنا بنلعب مع بعض و احنا فاكرين ومقررين اننا نعملك سيربرايز واتفقنا مع جاسر ومروان وعملنا بس جدو ملوش في الجو دا طبعا ف استنينا لما ينام وعملنا ها ايه رأيك يارب يكون عجبك
شهد : عجبني جدا والله ربنا يخليكوا ليا
جاسر : طب يلا بقا ع نطفي الشموع
سما بإستفزاز: نطفي الشموع ولا تاكل تورتة
جاسر : وانتِ مالك بتدخلي ليه حد وجهلك كلام
مروان : بس انت وهي يلا ي شهد طفي الشموع
مايا : استني استني
شهد : ايه
مايا : غمضي عيونك واتمني امنية الاول
شهد وهي تغمض عيونها : امممم اتمنيت
سما بمرح: طبعا احنا مش فضوليين ومش هنسألك اتمنيتي ايه
شهد : اتمنيت انكوا تفضلوا معايا ع طول ومنزعلش من بعض خالص
كلهم : ان شاء الله
جاسر بمرح : طب مش هناكل بقا ولا ايه
سما : مفجووووع
جاسر : بس بس متتكلميش انتِ ع الفجعة بالله عليكي
شهد : هو مش المفروض تأكلوني بقا ولا ايه
مروان : ليه اتشليتي
شهد بضحك : دبش اوي
مايا : افتحي بوقك يلا همممم
سما : افتحي بوقك تاني يلاااا
مروان وهي ممسك بقطعة كبيرة من التورتة : والله ما حد اكل التورتاية دي غيرك
شهد وكانت لسة هتعترض لقت التورتاية لبست في وشها
شهد : حيواااان
مروان بضحك : استني استني لازم صورة وانتِ كدا منظرك تحفة والله قمر ي نااااس اضحكي كدا
شهد : والله لازم تبقى قمر زيي
مروان : ولد حمادة عيب انا اكبر منك
شهد وهي تجري : ولو
مروان : عيب ي شوشو كدا
شهد وهي مازالت بتجري وراه : دلوقتي بقت شوشو
مايا بضحك: جدعة اوعي تسيبيه انتقميلي
مروان : اسكتي ي بت
شهد : مسكتك انت بتجري مني
مروان : انا لأ مبجريش خالص هو انا قدك برضو ي كبير
شهد : والله
مروان : طبعا
شهد وهي ترجع بيدها التي توجد بها التورتة الى الوراء لكي تحدفها ع مروان كان فهد يدخل من باب الڤيلا وحدفت شهد التورتة وقام مروان بالنزول الى اسفل وارتمطت بوجه فهد
مروان بهمس : ينهار اسود
شهد بنفس الهمس : هو اسود بس دا كل الالوان هو انا لو جريت هيحصل حاجة
مروان : بنصحك انك تجري لأن تقريبا فهد بيتحول
فهد بزعيق : ايه ال بيحصل هنا دا
سما : اهدى بس ي فهد
فهد : اهدى ايه وزفت ايه بقول ايه ال بيحصل
شهد : دا.....
فهد : هشششش انتِ تخرسي خالص انتِ حسابك تقل معايا اوي
شهد : لا مش هخرس وهتكلم براحتي و بعدين ان شاء الله هدفع الحساب ع ميتقلش عليك وضهرك يوجعك
ضحك جميع الواقفين في صمت
فهد : انا هطلع فوق وانزل خمس دقايق وانزل الاقي القرف دا كله اتلم وصعد ال غرفته
شهد بنرفزة : بني ادم بارد مبيحبش يشوفني فرحانة لازم يعكنن عليا كدا بس يلا اتعودت عادي المهم تعالى ي مارو كل الحتة دي من ايدي
مروان بتصديق : ايه الحنية دي هاتي
شهد : اتفضل وقامت بتلطيخ وجه
مروان : غداااارة
شهد : تستاهل ما انت السبب
واخذ الجميع يضحك وقاموا بتنظيف المكان بمساعدة الخدامات ومر اليوم ع الجميع بسعادة
_________________________
بعد مرور عدة اسابيع
شهد : معتش قاااادرة الدكتور دا ممل بطريقة رهيبة
لما : عندك حق والله
رنا : بس شرحه حلو
انچي : لا وعسول كمان
سيلا : بلا قرف هو في اعسل من دكتور اسر قمر الجامعة دا
(دي الشلة ال شهد اتعرفت عليها وبقوا اصحاب)
شهد : خلصتوا رغي ومعاكسة
سيلا : اه خلصنا الحمدلله
شهد : طب ايه هنكمل باقي المحاضرات ولا ايه
سيلا : بسم الله الرحمن الرحيم كدا انا لو هموت كدا مش متحركة من هنا غير لما احضر المحاضرة دي محاضرة اسورة برضو
رنا : طب بس بس ع هو جاي علينا اهو
اسر : ازيكوا ي بنات
البنات : الحمدلله ي دكتور
اسر : احم شهد لو سمحتي عاوزك في مكتبي هروح وتعالي
شهد : تمام
لما بعد مغادرة اسر : عاوزك في ايه ها ها
شهد : وانا ايش عرفني منا قاعدة معاكوا اهو
سيلا : يبختك ي بنتي والله
شهد : طب اتلمي انا هروح اشوف عاوز ايه وجاية
رنا : ياريت تفتحتي الساوند ريكوردر وانتِ جوا ع نعرف الاحداث بالظبط ع طبعا ع ما توصلي هتكوني نسيتي هو قالك ايه
لما : اوعي تنسي ي زهايمورة
شهد : بس ي خفيفة انتِ وهي هروح بسرعة واجي باااي
الجميع : باي
*_في مكتب اسر*_
شهد طرقت الباب
اسر : ادخل
شهد : السلام عليكم
اسر بإعجاب : وعليكم السلام اتفضلي ي دكتورة
شهد : حضرتك كنت عاوزني في ايه
اسر بتوتر : بصراحة كنت كنت عاوز اقولك
شهد : في ايه ي دكتور قلقتني
اسر : شهد
شهد : نعم
اسر : انا......
وقاطع حديثهم طرق الباب
اسر بضيق : اتفضل
_دكتور اسر العميد عاوز حضرتك ضروري
اسر : تمام انا جاي....معلش ي شهد انا مضطر امشي دلوقتي تقدري تتفضلي وهبقى اكلمك بعدين
شهد : تمام عن اذنك
اسر بضيق بعد مغادرتها : يا ربي كنت لسة هقولها يخربيت كدا
_______________________
لما : ها قالك ايه
شهد : مقالش حاجة
رنا : ازاي يعني
شهد : واحد اجا قاله ان العميد عاوزه
سيلا : طب وبالنسبة للفضول ال هيموتني دا
شهد : عادي اكيد هنعرف انا هروح انا بقا ع معتش قادرة
رنا : وانا كمان يلا
لما : استنوا خدوني معاكوا
انچي : وانا كمان هروح
سيلا : هتسيبوني لوحدي
انچي : مش انتِ ال عاوزة تحضري المحاضرة اشربي بقا
سيلا : انداااااال
_______________________
*_في المساء*_
طق طق طق
شهد : اتفضل
الجد : عاملة ايه ي حبيبتي
شهد : الحمدلله
الجد : والكلية عاملة ايه
شهد : جميلة خالص واتعرفت ع بنات كتيييير
الجد : ربنا يفرحك ي حبيبتي
شهد وهي تقبل خده : ربنا يخليك ليا ي اجمل كد في الدنيا
الجد : طب بمناسبة الفرحة دي بقا عاوزة اقولك حاجة
شهد : اتفضل ي جدو
الجد : جايلك عريس
شهد : ههههههههههه
الجد بإبتسامة: بتضحكي ع ايه
شهد : مش متخيلاني عروسة وكدا وبعدين انت لحقت تزهق مني
الجد : انا لو عليا مش عاوز اسيبك والله بس مش يمكن العريس يعجبك...مش عاوزة تعرفي مين
شهد : مين
الجد :
شهد بصدمة : ايه
#الثالث_عشر_الرابع_عشر
الجد : اسر
شهد بصدمة : ايه
الجد : ايه مالك اتصدمتي كدا ليه
شهد : لا مفيش مستغربة بس
الجد : طب انتِ ايه رأيك
شهد : هو يعني محترم وطيب وعسول
الجد بضحك : انتِ متفقة معاه ولا ايه
شهد بإحراج : لا لا والله ي جدو هي الكلمة طلعت غصب عني مقصدش
الجد : عادي ي حبيبتي حتى لو متفقين ماهو طبيعي يكون معرفك
شهد : لا بس هو مقاليش حاجة
الجد : ع العموم هو جاي بكرة ع يطلب ايدك وتقعدوا مع بعض وتتعرفوا وكدا لو مش عاوزاه يجي هكلمه اقوله ميجيش
شهد : لا خليه يجي
الجد بضحك مرة اخرى : شكلك واقعة ي قطة كفاية عليكي كدا احمريتي بما فيه الكفاية انا هروح انام تصبحي ع خير
شهد : وحضرتك من اهله
بعد خروج الجد من الغرفة
شهد بفرحة: انا لازم اكلم البنات ع اعرفهم
شهد ع جروبهم : بناااااااااات عندي خبر ب مليون جنيه
كلهم : قولي بسرعة
شهد : جايلي عريس
سيلا : لولولولولولي
رنا : اخيرا هلبس فستااااان سواريه
لما : ياربي مش مصدقة اخيرا واحدة من الشلة هتتخطب
انچي : طب الخطوبة امتى بقا ع نلحق نجهز نفسنا
شهد : ايييييه اهدوا انا لسة بقولكوا جايلي عريس لسة محصلش اي حاجة وبعدين مسألتوش مين هو يعني
كلهم : مين
شهد : حذروا فزروا
رنا : فهد ال مبيطقيش
لما : ايوة اكيد هيتجوزها وبعد ما يتجوزها يعترفلها بحبه و يقولها انه كان بيحبها من زمان ومخبي عليها وكان بيعمل معاها كدا ع محدش يلاحظ وشغل الروايات دا بقا وااااو
شهد : بس ي مهزأين
سيلا : طب قولي يلا مين
شهد : اسر
سيلا بدراما : خياااااااااانة ياريتك ما قولتي اخص مطمرش فيه المحاضرات ال حضرتهالو كنتوا كلكوا بتمشوا الا انا لا اخص بجد
انچي بضحك : تستاهلي احسن ع بعد كدا تبقي تروحي معانا
سيلا : يلا حصل خير عيل ملزق اصلا مش استايلي ولا ذوقي لا
شهد : اتلمي ي بت ملزق في عينك
لما : اوعا هي الصنارة غمزت ولا ايه
شهد : اممم تقريبا
انچي : وهلبس سواريه وهيلز وهييييصة
شهد : هو جاي بكرة وبصراحة انا عاوزاكوا تكونوا معايا انا عارفه انه لسة تعارف وكدا بس انا مكسوفة اوي ومش عارفه هعمل ايه
لما : من الساعة 6 الصبح هتلاقينا عندك
رنا : احنا نطول نيجي لقمر الشلة ونشوفها وهي عروسة كدا
انچي : محدش هيختارلك الدريس ال هتلبسيه غيري
سيلا : والميكب عليا
شهد : اخوااااتي
لما : يلا نامي بقا ع هنيجي نقرفك من بدري
شهد : مستنياكوا تصبحوا ع خير وقامت بغلق الفون وذهبت الى سريرها لكي تفكر وتتخيل بفرحة شديدة ماذا سيحدث في الغد
*_في مكتب الجد*_
الجد في الهاتف : هات جاسر ومروان وتعالولي في المكتب
فهد ببرود : خير
الجد : لما تيجوا هتعرفوا
وقام بإغلاق الخط وجاء الشباب الى الجد
جاسر : خير ي جدو
الجد : عاوز اكلمكوا في موضوع
مروان : اتفضل
الجد : شهد
فهد : مالها
الجد : جايلها عريس
فهد بغيظ : مين
الجد : اسر
فهد بغيظ اكثر وهو يضغط ع قبضة يده : وهي موافقة
الجد : انا كلمتها ولقيت في قبول من ناحيتها وبصراحة جاسر شاب محترم وابن ناس وهيخلي باله منها
جاسر : عندك حق ي جدو
مروان : حدد ميعاد يجي فيه
الجد : اه هيجي بكرة يطلب ايديها ايه رأيكوا
جاسر : انا عن نفسي موافق
مروان : وانا كمان بس طبعا اهم حاجة رأي شهد لما يجي بكرة يقعدوا مع بعض وتكرر
الجد : تمام وانت ي فهد
فهد بخبث : ال تشوفه ي جدي
الجد: تمام كدا هيجي بكرة ع الساعة 7 عاوزكوا تكونوا موجودين يلا اتفضلوا
وصعد كل منهم الى غرفته
*_في مكان اخر*_
_هتعرف تعملي ال قولتلك عليه
:هو صعب بس هحاول بس هنحتاج امضتها
_تمام اهم حاجة تخلص بسرعة
:حاضر
*_في اليوم التالي*_
سما : ششششششهههههدددددد
شهد : ايه يخربيتك
مايا : مش عيب لما تكوني عروسة ولسة نايمة لحد دلوقتي
شهد : ي شيخة عروسة ايه وزفت ايه انا عاوزة انام
رنا وهي تدخل من باب الغرفة : تنامي مين يماما يلا ي حبيبتي قدامنا يوم طويل
لما : يلا ي غيبوبة لما الضيوف يمشوا تبقي نامي
شهد : وانا لسة هستنى دا كله مش قادرة افتح عيوني
انچي : شكلك نفسك تاخدي شاور وانتِ ع السرير
سيلا : وماله نخليها تاخد شاور
شهد : وربنا لو نقطة ماية جت عليا ل هنام وابقوا شوفوا مين هيقابله بقا
سما : طب خلاص خليكي شطورة وقومي يلا
شهد : اوف حاضر
بعد مرور عدة ساعات
شهد : ها شكلي حلو
سيلا : قمر والله
لما : جميلة اوي بجد بس انا مش فاهمة ليه مش راضية تحطي حاجة ع وشك
شهد : انا بحب اكون بطبيعتي مبحبش الميكب انا
رنا : ع راحتك المهم انك في كل الحالات مزة
انچي : حصل جدا
سما وهي تدخل من باب الغرفة : دكتورتنا القمر خلصت ولا لسة
شهد بإبتسامة : اه خلصت ايه رأيك
سما : قمراية طبعا
مايا وهي تركض الى غرفة شهد : اجا اجا
شهد بتوتر : انا خايفة
انچي بمرح : لا مبيعضش
شهد : بس ي رخمة
سما : اهدي كدا ي شوشو الموضوع بسيط خالص يعني واكملت حديثها بمرح واسأل مجرب
واخذوا يتحدثون ويمرحون ويتخيلون ماذا سيحدث
*_بعد عدة دقائق*_
طق طق طق
شهد : ادخل
الجد : عروستي الحلوة خلصت
شهد : اه ي جدو
الجد : طب تعالي يلا ي حبيبتي
شهد : ماشي
وغادرت مع جدها
سيلا : احنا هنفضل قاعدين كدا ولا ايه
مايا : بينا ع السلم
كلهم بمرح : اشطا يلا
شهد وهي تنزل ع السلالم
شهد بهمس : جدو
الجد بنفس الهمس : نعم
شهد : هو جاي لوحده
الجد : اه جاي ع يتكلم معاكي النهاردة بس ويشوفك موافقة ولا لأ ولو وافقتي هيجيب اهله ويجي
شهد : ماشي
ووصلوا الى المكان الذي يجلس فيه اسر ولكن شهد لما ترفع رأسها من الارض وكانت تستمع للحديث في سكوت تام
جاسر بهمس : اومال فين فهد
مروان : معرفش مشوفتوش النهاردة
وقال اسر بجدية في وسط الحوار
اسر : انا يشرفني اني اطلب ايد الانسة شهد
_مش عيب عليك لما تيجي تخطب واحدة متجوزة
الجميع بصدمة : نعم!
فهد : مش عيب عليك لما تيجي تخطب واحدة متجوزة
الجد بزعيق : ايه ال انت بتقوله دا ي فهد
فهد ببرود : بقول الحقيقة شهد مراتي.....وياريت ي استاذ اسر تتفضل برا بهدوء بدل ما اعمل حاجة مش هتعجبك
انسحب اسر بهدوء من الڤيلا وهو ينظر الى شهد بنظرات حسرة
الجد : ممكن تفهمني ايه ال انت عملته دا
فهد : عملت ايه
الجد : اتكلم معايا عدل ايه ال انت هببته دا ازاي شهد مراتك انت هتستهبل
فهد : اتفضل اقرأ الورقة دي وهتشوف
الجد : نهاركوا اسود انتوا متجوزين عُرفي فهميني ايه ال بيحصل هنا دا ي شهد
شهد وهي تبكي بصمت ولا تستطيع الكلام
فهد : استنى ي جدي هي متعرفش اي حاجة عن الورقة دي
الجد : ازاي يعني انت اتجوزتها من غير ارادتها
فهد : لا انا مأخدتش رأيها اصلا انا قررت اني هتجوزها واتجوزتها
شهد ببكاء شديد : انت ايه ي اخي انت ايه ليه بتعمل فيا كدا و ايه الورقة دي وازاي عملتها وانا معرفش اي حاجة اصلا والمفروض الجواز ميتمش غير لما امضي وانا معملتش اي حاجة ولا مضيت يبقى ازاي
فهد بإستفزاز : لما تتكلمي مع جوزك توطي صوتك وانتِ بتتكلمي ع العموم هحاسبك بعدين ع انتِ لسة مش متعودة بس ثانيا بقا انتِ متسألنيش ازاي المهم انه حصل
شهد : ربنا ينتقم منك انا بكرهك بكرهك من كل قلبي والورقة دي هتتقطع انا مستحيل اهيش مع واحد زيك وكفاية اوي منظري الدكتور بتاعي ال كان هيبقى خطيبي وكانت ستطلع الى غرفتها
فهد : استني ... عاوزك تطلعي تجهزي نفسك وتغسلي وشك كدا ع المأذون جاي ع يكتب كتابنا بس شرعي ياريت متتأخريش عيب الراجل يفضل قاعد
شهد : ع جثتي ي فهد
فهد ببرود : لا مش ع جثتك ولا حاجة هتتجوزيني وانتِ عايشة عادي ولو مش موافقة ف هخطفك وهتجوزك برضو يعني كدا كدا هتجوزك فخليها تكون برضاكي بدل ما تكون غصب عنك متتأخريش بقا
وصعدت شهد الى غرفتها مع صدمة الجميع
الجد بحسرة : تعالى ورايا ع المكتب
فهد : اتففضل ي جدي
مروان بعد ذهابهم : انت فاهم حاجة
جاسر : خالص
*_في المكتب*_
فهد : قبل ما تقول اي حاجة ي جدي انا اسف ع ال انا عملته دا بس مكنش ينفع غير اني اعمل كدا
الجد : ليه وانت مبتحبهاش
فهد : ع انا عاوز كدا مش لازم اكون بحبها
الجد : الورقة ال معاك دي هتقطعها ي فهد و مفيش جواز هيتم
فهد : هيتم ي جدي ولو متمش زي ما قولت برا هخطفها واتجوزها
الجد بزعيق : يعني ايه ي فهد يعني كلامي مبيتسمعش هتكبر عليا وتمشي كلامك عليا
فهد : العفو ي جدي بس انا بقول لحضرتك ال هيحصل بس
الجد : وانا مستحيل اسيبهالك
فهد : هتسيبها لمصلحتها....ومتخفش مش هأذيها بس المهم انها تكون معايا ومحدش تاني ياخدها
الجد : انا مش عارف دماغك فيها ايه بس اقسم بالله ي فهد لو شهد حصلها حاجة لهندمك ومش هيهمني انك حفيدي ولا هيهمني اي حاجة انت فاهم
فهد : فاهم ياريت تطلع تخليها تنزل بقا ع المأذون زمانه جاي عن اذنك
الجد بعد ذهابه : استر يارب
*_في غرفة شهد*_
شهد : انا مستحيل انزل ولو ضغطوا عليا اكتر من كدا هموت نفسي
سما : ع خاطري ي شهد اسمعي الكلام
مايا : فهد عصبي وبينفز ال في دماغه وهيخطفك فعلا لو موافقتيش اهدي كدا و يلا انزلي لما نشوف ايه ال هيحصل
شهد : قولتلكوا مش نازلة
رنا : شهد ونبي بقا اسمعي الكلام احنا مرديناش نمشي ونسيبك اهو زي ما طلبتي
لما : عارفين انه صعب عليكي انك تجوزي اكتر واحد بتكرهيه بس احنا خايفين عليكي
سيلا : ومنعرفش لو خطفك هيرجعك لينا تاني ولا لأ
انچي : اهدي كدا ي حبيبتي وانزلي ونشوف هيحصل ايه
طق طق طق
سما : اتفضل
الجد : ممكن تطلعوا وتسيبونا لوحدنا شوية
مايا : اكيد يلا ي بنات
شهد بعد مغادرة البنات : هتسبني ليه ي جدو دا بيكرهني وعمره ما هيحبني وممكن يقتلني
الجد : ي بنتي انا عارف فهد اكتر من نفسي هو عمره ما يأذيكي هو ممكن مبيحبكيش بس دا لسبب تاني مسيرك هتعرفيه لكن عمره ما يفكر يعملك حاجة وحشة
شهد : بس ي جدو انا مستحملاه في البيت بالعافية وكل ما نتقابل لازم يحصل بينا مشكلة ازاي نتجوز ازاي
الجد : عارف انه صعب عليكي بس انزلي معايا ونشوف ايه ال هيحصل وربنا يسهل وحتى لو اتجوزك انا اكدتلك انه عمره ما هيأذيكي ممكن تتجوزوا فترة وبعد كدا تطلقي لأننا لو موافقناش دلوقتي هينفذ ال في دماغه وانا خايف عليكي ي بنتي وفهد عنيد
شهد: ي جدو بس......
الجد : ريحيني ي بنتي واسمعي الكلام وثقي فيا انا عارف اني هاجي عليكي بس صدقيني كله ع مصلحتك
شهد بدموع : هغسل وشي ونازلة
الجد وهو يقبل رأسها : ربنا يهديكي ي حبيبتي
بعد مرور وقت
فهد : اتفضل ي شيخنا
بعد دقائق
المأذون : بارك الله لكما وبارك عليكما وجمع بينكما في خير
فهد وهو يهمس لشهد : مبروك ي عروسة
شهد وهي تنظر ليه بكره : بكرهك
فهد ببرود : القلوب عند بعضها ي شهودتي
فهد : نورتونا ي جماعة والله معلش بقا طولنا عليكوا بس حقيقي نورتونا استأذنكوا بقا هاخد عروستي
الجد : ع فين
فهد : ڤيلتي ال في الساحل....مش هنقضي الهاني مون ولا ايه
شهد : مش متحركة من هنا
فهد : لا هتتحركي واعتراض كمان وهتشوفي مني وش مش هيعجبك
نظرت شهد بخوف الى جدها فنظر اليها نظرة تطمأنها
الجد : هتقعدوا قد ايه
فهد : ع حسب...يلا بقا ي عروستي ع منتأخرش
واخذ شهد في وسط صدمة الجميع وعدم استوعابهم للذي حدث بعد مغادرة اصدقاء شهد
سما : يعني هما كدا اتجوزوا خلاص
مايا : واخدها ومشي كمان
جاسر : انا دماغي وقفت
مروان : الله يبخته هو انا مينفعش اتجوز بسرعة كدا
الجد بصوت جهور : اخرسوا وكل واحد يطلع ع اوضته يلا
*_في الطائرة الخاصة لفهد*_
فهد : مش هنبطل عياط بقا ولا ايه
شهد :.......
فهد : لما اكلمك تردي عليا
شهد : لا مش هبطل عياط في حاجة
فهد : لسانك دا هيتقص ان شاء الله
شهد : ياريت تقتلني بالمرة ع اخلص ماهو انا مش هطيق افضل قاعدة معاك طول العمر كدا
فهد : طول العمر قلبك ابيض اوي دا هما شهرين بالكتير واول ما ازهق منك هطلقك
شهد بإنفعال : انت ايه ها انت مستحيل تكون بني ادم انت مبتعرفش تعمل اي حاجة غير انك تجرحني وبس وكل دا لسبب انا معرفوش اصلا ولا ليا اي ذنب فيه اقتلني وريحني ي اخي ياريتك ما شوفتكوا ولا عرفتك
فهد بحنية وقد لان قلبه عندما رأها تبكي هكذا اخد يحرك يده ع كتفها : طب ممكن تهدي
شهد بصراخ: ابعد عني
فهد وعاد الى قسوته مرة اخرى : بت مش ع ساكتلك تزيدي فيها اقسم بالله لو صوتك علي عليا تاني هزعلك واكمل بصوت هادي وانا زعلي وحش جدا وواحدث رقيقة زيك مش هتقدر تستحمله فنهدى كدا ع مش عاوز ازعلك ي عروستي
بعد مرور ساعات
*_في الڤيلا*_
فهد : ها ايه رأيك في الڤيلا عجبتك
شهد في نفسها : زي الزفت
فهد : بتقولي حاجة
شهد : مبتنيلش
فهد : طب اطلعي يلا ع الاوضة ع وراكي شغل كتير
شهد : نعم شغل ايه
فاد : انتِ مش شايفة الڤيلا مش نضيفة ازاي امال مين هينضفها
فهد : انت هتستهبل عاوزني انضف الڤيلا دي كلها وبعدين ازاي مفيهاش خدم اصلا
فهد : قولتلك مش عاوز طولة لسان وبالنسبة للخدم ف اظن احنا مش هنحتاج خدم وبعدين ما انتِ موجودة اهو
شهد : قصدك ايه
فهد بهدوء : قصدي انك من النهاردة هتكوني خدامة عندي
شهد : ومين قالك بقا ان انا هسمع كلامك
فهد : لا هتسمعي ع لو مسمعتيش هتزعلي
شهد : طب وال....ااااااااااااه
#الخامس_عشر
شهد : ااااااااااه
فهد بخضة : في ايه ي بت بتصوتي كدا ليه
شهد : الحق الحق فااااار
فهد : كل دا ع فار واكمل وهو يخيفها دا في اوضة فوق مليانة فران وصراصير واقولك الاجمل كمان فيها تعابين
شهد : ي ماااااامي انا عاوزة اروح بالله مشيني من هنا بص هخدمك برضو وكل ال انت عاوزة بس في الڤيلا ال هناك بلاش دي
فهد : تؤ تؤ انا عاوزك تجمدي كدا دي لسة البداية
شهد بدموع : ممكن اسألك سؤال
فهد : هو مش ممكن بس انا هشفق عليكي واخليكي تسألي
شهد : انت اتجوزتني ليه
فهد : ع اذلك
شهد : طب ليه
فهد : خلاص بقا ع مصدع ومبحبش الاسئلة الكتير
شهد : طب ليه مسبتنيش اتخطب لأسر وكنت همشي ومعتش هتشوف وشي ليه تفرقنا و احنا الاتنين كنا بنحب بعض
فهد بعصبية وهو يمسك ذراعها : لو سمعتك جبتي سيرته تاني هقتلك انتِ فاهمة
شهد ببكاء : .......
فهد بعصبية اكتر : فااااهمة
شهد : فاهمة
فهد : انا نازل عاوز الڤيلا دي تكون بتلمع خلال ساعة لو الساعة خلصت قبل ما تخلصي هتشوفي هيحصلك ايه سلام ياااا....عروستي
شهد بصوت واطي : ربنا ياخدك
فهد بإستفزاز وهو يغادر : هكون جوزك هناك برضو
وبدأت شهد في التنظيف وهي تبكي بشدة
_________________________
مالك : ارتحت كدا يعني
فهد : اوي
مالك : وهتعمل فيها ايه بقا
فهد : انا حاليا سايبها تنضف الڤيلا
مالك : تصدق بالله انت معندكش ريحة الدم
فهد : عارف
مالك : في حد يخلي الملاك دي تشتغل خدامة وتنضف دي تقعدها كدا وتقعد تتفرج عليها
فهد وهو يعطيه لكمة : اتلم ي حيوان وانت بتتكلم عن مراتي
مالك بتألم : يحرقك ايدك تقيلة لولا انك عريس جديد بس كنت وريتك ازاي تمد ايدك ع ظابط
فهد : طب انا ماشي ي عم الظابط
مالك : في داهية
فهد : حاسس اني عاوز اضرب تاني
مالك : مع الف سلامة
فهد : ايوة كدا ناس متجيش غير بالعين الحمرة
*_عند شهد*_
شهد : اووووف معتش قادرة اتحرك ضهري اتكسر عقبال ضهرك ي بعيد وتمشي زي الاحدب كدا وافضل اتريق عليك وانت طويل واهبل كدا هيبقى شكلك مسخرة واخذت تضحك عسل ي شهودي عسل فكي عن نفسك محدش واخد منها حاجة
فهد : ما شاء الله اتهبلتي من اول يوم وبتكلمي نفسك
شهد : اعوذ بالله
فهد : ايه شوفتي عفريت
شهد : والله لو شوفت عفريت فهيكون ارحم من اني اشوفك
فهد : اممممم .... لا بس براڤو عليكي الڤيلا نضفت خالص طلعتي شطورة
شهد بغرور : عارفه
فهد : طب بقولك ايه
شهد بهمس : اتنيل
فهد : نعم
شهد : قول
فهد : قومي حضريلي الحمام بسرعة ع بعدها تعمليلي مساچ ع ظهري بيوجعني خالص
شهد : نعم ي اخويا
فهد : لا انا مش اخوكي انا جوزك ومش كل شوية هفكرك
شهد : مساچ ايه دا ان شاء الله ال هعمله
فهد : مشوفتيش انتِ الاوضة ال جوا ال مليانة زيوت دي
شهد : ايوة شوفتها
فهد : هي دي اوضة المساچ...يلا بقا اطلعي حضري الحمام وبعدين هدخل اخد شاور انزل الاقيكي ظبطي الدنيا وسخنتي الزيوت ال بتتسخن وعملتي كله اشطا ؟ اشطا
شهد وهي تغادر من امامه : اشوف فيك يوم
_________________________
جاسر : يعني انا دلوقتي عاوز افهم ازاي فهد وشهد اتجوزوا وهما مبيطيقوش بعض
مروان : وازاي فهد قدر يكتب الكتاب وشهد بتقول انها ممضتش ع حاجة
سما : طب وليه اخدها الڤيلا بتاعته ومشاها من هنا
مايا : اكيد بيعذبها وبيطفي السجاير في قفاها
جاسر : بطلي غباء فهد مبيشربش سجاير
سما : ي عيني عليكي ي شهد هتتمرمطي ي حبيبتي
الجد : ممكن تخرسوا
مروان : طب سؤال ي جدو معلش انت كنت عارف
الجد : لا
مروان : امممم
سعدية وهي تقاطعهم : في واحدة واقفة برا و بتقول انها عاوزاك في حاجة مهمة ي حاج وعمالة بتزعق مع الرجالة ال برا ع مش راضيين يدخلوها
الجد : مين دي
سعدية : معرفش
_اوعى بقا سبني
_والله ي حاج حاولت امنعها بس هي طلعت تجري
الجد : تمام سيبها واتفضل انت
الجد : انتِ مين وعاوزة ايه
مروان بصدمة : انتِ
اسيل : ايوة انا
الجد : مين دي ي مروان انت تعرفها
اسيل : طبعا يعرفني مش عاوزه يعرف مراته ام بنته
الجد : مراته !!!!
_________________________
*_في غرفة المساچ*_
فهد : سخنتي زي ما قولتلك
شهد : وانا ايش عرفني اي ال بيتسخن
فهد : ياربي تعالي دا ال بيتسخن وبيتحط لمدة دقيقتين واخذ يشرح لها ماذا ستفعل
فهد : فهمتي
شهد : مش اوي بس ما علينا
فهد وهو يخلع التيشرت : ابقي اغلطي في حاجة كدا
شهد بخضة وهي تنظر الجهة الاخرى : يخربيتك انت بتعمل ايه ي حيوان انت
فهد : لسانك دا هيتقص ان شاء الله ثانيا بعمل ايه فأنا عقبال عندك كدا هعمل مساچ فأكيد مش هعمله من فوق التيشرت
شهد : قذر
فهد : انجزي يلا
شهد وقد بدأت وكانت تضربه
فهد : خفي ايدك شوية
شهد : هو انا كدا لو مش عاجبك فمش عاملة
فهد : طب انا قولت كلمة
شهد : هخاف انا كدا مثلا
فهد وهو ينهض
شهد : خلاص خلاص بهزر معاك ايه مبتهزرش
فهد : ايوة كدا اظبطي و يلا روحي جيبي الزيت
شهد وكانت تاركة الزيت ع النار وذهبت لتحضره
شهد : بيتحط ازاي دا بقا
فهد : نزلي شوية ع ضهري وبعدين ادعكي
شهد : كدا
فهد : اااااااااااااااااه
يتبع
تكملة الروايه اضغط هناااااااا
تعليقات
إرسال تعليق
فضلا اترك تعليق من هنا