رواية هوس اربعيني الفصل الأول والثاني والثالث والرابع والخامس 1_2_3_4_5بقلم نوره

رواية هوس اربعيني الفصل الأول والثاني والثالث والرابع والخامس 1_2_3_4_5بقلم نوره

1

زين ابن عم عمر : والله عمر وحشني بجد .. انا مبسوط انك عرفت ترجعه مصر..

الحج حسن : رجعته مصر وهجوزه كمان استنى عليا  بس..

زين بضحك : عمر ويتجوز لا دي شيلها من نفوخك ..مستحيل عمر يعملها .

الحج حسن : هتشوف هجوزه وافرح بيه.

زين : والله ياحج لو عرفت تقنعه بالجواز يبقى انت سرك باتع ..بس هقولك اه مش هيقبل يتجوز عشان متتعبش روحك..

ليضربه الحج حسن بخفه بعصاه وقال بضحك : بس يابن نجيه كفايه تحبطني انا قلت هجوزه يعني هجوزه..

زين بضحك وهو يبتعد عنه حاضر حاضر اه هسكت ياحج  بس على فكره بقى نجيه دي تبقى بنتك ..

نهض خلفه بمزاح امشي ياولا وبطل مناهده..

هرب منه زين بضحك ماشي هروح اشوف اللي ورايا بقى ..وانت عيش مع احلامك ياحج..

لينهض الحج حسن خلفه هادرا نهارك مش معدي يابن نجيه..ليجري الاخر من امامه..

*******

شروق صلاة النبي عليك النهارده  ياعمي شايفه انك بقيت احسن بكتير .

محمود ده كله بفضلك يابنتي .

شروق بابتسامه حانيه الفضل فضل ربنا وانت زي ابويا .

محمود بضيق ياريتك كنتي بنتي بدل  الواد اللي سود وشي قدامك..ووطى راسي قدام الخلق

شروق بحزن حاولت اخفائه بابتسامتها: راسك طول عمره هيفضل مرفوع ياعمي ... ان هروح اشوف مريم بتعمل ايه..

محمود : ربنا ياخده ويريحني منه..

شروق متدعيش عليه ياعمي ربنا يصلحه انا مش زعلانه منه..

محمود :بعد كل اللي عمله معاكي..

شروق اسر يفضل ابو بنتي ياعمي وميهونش عليا يحصله حاجه حتى لو اتطلقنا ..

محمود :ربنا يكملك بعقلك يابنت الاصول ..ليرن هاتفها وتتغيير ملامح وجهها للضيق..

محمود في ايه مالك يابنتي..

شروق بارتباك مفيش ياعمي انت ارتاح انا هروح اشوف مريم..

محمود استنى هنا ده عمك مش كده ..

لتنزل دمعتها الساخنه على وجنتها وتتهرب هرجعلك كمان شويه ياعمي..لتسرع الى الخارج تاخذ نفسا عميقا وتجيب على الهاتف وووو

******

لولا : هترجع مصر يابيبي ..

عمر وهو يوقع بعض الاوراق امامه دون الاكتراث لتلك التي تلتصق به.. ايوا النهارده طيارتي..

لولا مش هتاخدني معاك اتعرف على عيلتك..

رمى عمر القلم بهدوء ونظر اليها وهي تحرك يديها بجرأه على لحيته لتجلس بحجره وتحيط عنقه بذراعيها وتتكلم بهمس انا هحجز معاك..

ابعد ذراعيها عنه بابتسامه بارده لينهض ويجبرها على النهوض من حجره وقال : من اول ما تقبلنا كنت صريح معاكي اووي مش كده..

نظرت اليه باستفهام..

ليكمل حديثه وهو يتجه الى الجاكيت يحمله ويقول: انا هفهمك عشان باين اوووي انك مش مركزه ولا فهمه علاقتنا عامله ازاي بصي انا من اول يوم قلتلك انا مش بتاع جواز ولا بتاع عرفني على اهلك ولا بتاع تعالى اتعرف على بابا وماما فهمتي اظن اني كنت صريح معاكي جدا مش كده..

احتقنت الدماء بوجه الاخرى لتنظر اليها بضيق..هامسة بتلعثم وهي تقترب منه ارادت احتضانه يابيبي ان..

لكنه ابتعد عنها وقال ببرود اظن احنا سهرنا وخرجنا مع بعض وصرفت عليكي وقضينا وقت جميل... كفايه لحد كده..

لتقول بصدمه انت انت بتقول ايه..

اللي فهمتيه يالولا سلام ليغادر وهي تركض خلفه برجاء عمر استنى ارجوك استنى بس انا اسفه ..لكنه لم ينظر اليها حتى ليكمل طريقه متجاهلا ندائاتها..

******

على الهاتف

شروق لا ياعمي جواز مش هتجوز انا هربي بنتي ..

عم شروق احنا سايبينك طول الفتره الي فاتت بمزاجنا انما دلوقتي خلاص في عريس متقدملك وانا موافق وبكرى من الصبح هجيلك ارجعك اسكندريه..

شروق بدموع مش راجعه ياعمي ومش هتجوز انا هربي بنتي وخلاص الكلام..

عم شروق عاوزه تمشي على حل شعرك يابنت صابر عايزه تجيبلنا العار..

ليزداد بكائها وشهقاتها عار ايه ياعمي انا بشتغل وبصرف على روحي وعلى بنتي من تعبي حتى ورثي ماطلابتش بيه مع انا بابا كتب كل حاجه باسمي بس انا ساكته ومسحتمله عشان تسيبوني فحالي بس.

عم شروق بحده بتعاييريني يابنت صابر ماشي انا جايلك بكرى وهجيبك من شعرك وهتتجوزي الحج عطيه ورجلك فوق رقبتك وبنتك ارميها للراجل العايب جدها محمود سيبيه يربيها..

ببكاء ياع.... ليغلق الهاتف بوجهها ..لتجلس وتبكي حظها العاثر ولا تعلم مالذي ينتظرها من الله جبر الخاطر...

********

شروق ببكاء مش هسيب بنتي لو هموت..

رحاب بعد الشر عليك اهدي كده وصدقيني هنلاقي حل.

شروق :حل ايه وعمي بكرى جاي وناوي عالشر ربنا يسامحك يااسر ليه عملت فيا كده ليه وانا ضحيت بكل حاجه عشانك.

رحاب ربنا ياخده مش يسامحه انتي ناسيه عمل فيكي ايه رماكي وانت لسه حامل وعروسه مكملتيش ست شهور وراح سافر ومش بس كده اتجوز عليكي وقهرك..

شروق بدموع كفايه يارحاب والنبي كفايه انا فيا اللي مكفيني..

رحاب لا مش كفايه ياشروق انت لازم تفتكري كل حاجه وحشه عملها فيكي متنسيش الوجع اللي عشتيه بسببه .

شروق بدموع انت فكراني ناسيه مش ناسيه بس عشان مريم كل حاجه تهون يارحاب..

رحاب بحزن على صديقتها طيب اهدى انا اسفه ربنا يخليهالك وتفرحي بيها يارب ..كل هذا الحديث يسمعه محمود وهو يشعر بغصه على هذه الفتاه الصغير التي اصبحت ضحية لابنه دون ذنب منها سوى انها احبته بصدق..ليحمل هاتفه وووو

*****

اسيل اخت عمر  بسعاده اسرعت اليه واحتضنته  : ابيه عمر حمدالله عالسلامه..

عمر ضمها اليه بشوق الله يسلمك والله وكبرتي وبقيتي عروسه..

اسيل بخجل : وحشني والله يابيه.

عمر وانت اكتر..بس هما فين جدي وباقى العيله..

جدي بمكتبه..لتهمس له وابيه حسام والعقربه مراته طلعوا من شويه..

ليهمس لها عمر بضحك هي العقربه لساها عقربه..

اسيل بضحك لا دي بقت تعبان .ليبعثر شعرها بمزاح هامسه لمضه..هروح اشوف جدك عشان وحشني جدا..

اسيل ماشي وانا هطل ابلغ ابيه حسام انك وصلت..

وقبل دخوله مكتب جده استقبلته ندى زوجة اخيه..

ندى حمدالله عالسلامه ياعمر وحشنا

عمر ببرود الله يسلمك يامرات اخوي .

ندى رايح فين..

عمر وانت مالك خليكي فحالك ..ليمشي ويتركها تشعر بالغيظ..

********

في صباح اليوم التالي في منزل الحج حسن علام..

ايقظ الحج حسن عمر باكرا وأخذه معه بالسيارة.

عمر بتثاؤوب مش هتقول رايحين فين ياجدي بالوقت ده.

الحج حسن بابتسامه رايحين نخطبلك..

عمر بضحك وده وقت الهزار ياحج..

الحج حسن انا مبهزرش وزين كمان هيحصلنا هتاك..

عمر بصدمه لا لا لا انت بتهزر صح ليأمر السائق بالتوقف لكن الحج حسن امره بان يكمل طريقه..

عمر انت جايبني عشان تحطني تحت الامر الواقع  على فكره ياجدي انا مش عيل ولا ست عشان اتغصب على حاجه انا مش عايزها .

الحج حسن ومين اللي قالك ان العيال والستات بس اللي يتغصبو مافي رجاله كتير جدا متعرفش صالحها فين..

عمر بعناد جدي والله هحرجك مع الجماعه وهرفض البنت ووقتها شوف ازاي هتتصرف..

الحج حسن اعملها وصغر جدك قدام الناس ياعمر صغرني انا اتصلت وطلبت البنت وهما موافقين..يبقى خلاص واي كلمه تانيه منك.. هتبرا منك لحد ماموت..

عمر بعد الشر عليك ياجدي بس انت عارف انا مش بتاع جواز ولا عايز اتجوز..

الحج حسن :لكن هتتجوز عشاني مش كفايه خسرت ابوك .. واخوك حسام اللي مش راضي يتجوز على مراته اللي بقالها سنين ولسه مفرحتنيش بحتت عيل .

عمر بغيظ وانا ذنبي ايه طيب..

الحج حسن انت شوف العروسه الاول وبعدين اعترض..

لتتوقف السياره امام مشاجره في الشارع..

كانت شروق يجرها ابن عمها من حجابها وهي تبكي وتتوسل له بان يدعها دون جدوى وابنتها الصغيرة  وعمها محمود يجريان خلفها يحاولان تخليصها..

كانت عمر ينظر بصدمه الي هذا المنظر حتى قاطعه الحج حسن وهمس له  شايف البنت دي هي اللي هتبقى مراتك شوف هتدافع عنها ازاي..ووووووو 

يتبع....

2

حاول ادهم ابن عم شروق ادخالها السيارة بالغصب لكنها رفضت الانصياع له ليرفع يده واراد صفعها ليتفاجأ بعمر يمسك يده ويقول بهدوء : تؤ تؤ تؤ مينفعش راجل محترم زيك يمد ايده على ست وبنص الشارع دي حتى تبقى عيبه فحقه..

ادهم بغضب : وانت مالك..

عمر : تصدق صح انا مالي . بس برضو مينفعش تمد ايدك على ست في الشارع واحنا كرجاله نسكت ونعديها كده.

ادهم بقولك اي اطلع من نفوخي مش فايقلك..

عمر  يعم صلى عالنبي واهدى وكل حاجه تتحل بالرواق..

لتفلت شروق نفسها منه بصعوبة وتسرع لاحتضان ابنتها ..

اراد ادهم اللحاق بها ليقف عمر امامه على فين يابطل..

ادهم وانت مال امك..

تصاعدت الدماء الى  رأسه فور ذكر الاخر لوالدته ليقول بغضب وهو يثبت راس ادهم بيديه الاثنتين انا هقولك مال امي ليضربه برأسه مرتين متتاليتين حتى سقط الاخر ارضا .

في هذه اللحظه وصل زين الى المكان ليسرع الى عمر بقلق انت كويس 

عمر بابتسامه  ..ليفتح ذراعيه لصديقه والا زمان ياصاحبي وحشني .

ليفتح ذراعيه الاخر بابتسامه حبيبي ياعمر نورت مصر..

كل ذلك امام صدمه شروق والعم محمود من برود الاثنين وابتسامه الحج حسن..

اما ادهم فقد انسحب وهو يشعر بالدوار ويلقي تهديداته على مسمع شروق التي شعرت بالخوف منه..بتتحامي بالك****هما دول اللي ماشيه معاهم ياب**** جبتلنا العار والله ماهسيبك يا**** ليغادر وهو يتوعد..

محمود بتجاهل حمد الله على سلامة البيه ياحج .

الحج حسن الله يسلمك.

شروق حملت طفلتها متناسية حالتها المزريه لتقترب من عمر الذي مازال يضحك ويمزح مع زين ..

شروق متشكره يابيه ..

التفت عمر ليدقق بملامحها البريئه عيناها اللتان تشبهان حبتي البندق وقد جفت دموعها على وجنتيها الورديه و شفتيها المتكرزه وقد نزل منها بعض الدماء لقد قابل كثيرا من النساء لكن تلك النظره االلطيفه لم يراها من قبل ابدا.

ليلكزه زين بخبث ايه ياعمر رحت فين..

عمر استعاد وعيه بسرعه ليقول بابتسامه العفو معملتش الا الواجب..

محمود اتفضلو ياجماعه اتفضلو ... شروق يابنتي اعملي للحج حسن وضيوفه حاجه يشربوها ..

شروق وهي تحاول جمع شتاتها ثواني يا عمي .

بعد مدة استئذن محمود وذهب لكي يتفقد شروق .

محمود سيبي القهوه انا هعملها وخشي ضبطي روحك  والبسيلك هدمه عدله.

شروق اضبط روحي ليه..!؟.

محمود اعملي زي مابقلوك متعانديش..

شروق مش افهم الاول..

محمود حسن بيه جاي يطلبك لابنه..

شروق بصدمه ايه  لتكمل بدموع حتى انت ياعمي عايز تخلص مني..انا مفضلش ليا حد بالدنيا دي بعد.موت ابويا وامي يارب يارب ياخدني ويرحيكم مني..

محمود بتعب  انا بعمل كل ده على شانك انتي وبنتك..

شروق عشنا عاوز تدخل راجل غريب بحياتنا ياعمي طب ليه كده انا قصرت بحاجه .

محمود بتعب بلاش مناهده ياام مريم واسمعي الكلام..

شروق لا ياعمي كله الا دي جواز مش هتحوز انا فضل اربي بنتي  ومش هجيبلها جوز ام..بعد اذنك ياعمي وابقى ودع ضيوفك واعتذر منهم قلهم معندناش بنات للجواز

محمود ياشروق يابنتيي ... لكنها اسرعت الى غرفتها تبكي بقهر على حالها 

*****

عند عمر عجبك كده يازين جدك بيحطني تحت الامر الواقع.

زين رفع يديه باستسلام انا ماليش دعوه منك ليه.

عمر بتبعني يازين ماشي حسابنا بعدي تلاقيك متفق معاه من الاول..

حسن يابني اسمع الكلام والله مش هتلاقي زي البنت دي تستحملك وتتحمل قرفك .

عمر بصدمه قرفي ليه انشاء لله شايفني بعمل ايه ..عجبك كلام جدك ياسي زين..

زين بضحكه حاول اخفائها على فكره جدي معاه حق انت داخل الاربعين واللي بعمرك عيالهم بطولهم..

عمر متقول الكلام ده لنفسك يازين..

زين بضيق مالكش صالح بيا ياعمر احنا نتكلم عنك دلوقتي ابعد عني احسن للكل..

الحج حسن البنت غلبانه وجوزها هجرها هي وبنتها وطلقها وراح اتجوز..وهي عايشه على شان بنتهم يعني مالهتش لافوته ولا طلعه من الشغل للبيت ومن البيت للشغل مالهاش بالسكه الشمال .

عمر كمان كمان ياجدي متطلقن شايفني ناقص حاجه عشان توقعني الواقعه السوده دي..

الحج حسن وقعه سوده دي ظفرها برقبتك يابن سامح..

عمر وانا اتجوز مطلقه وعندها بنت ليه وانا بنات مصر وبلاد براا هيموت بس عشان ابص فوشهم..

الحج حسن بنات الدنيا دي كلها بكفه البنت دي بكفه لوحدها بكرة لما تعاشرها هتعرف اقصد ايه.

عمر  خلاص قررت اني اتجوزها يعني.

الحج حسن باصرار ايوا.

عمر وانا مش هتطوزها ومن بكرى هرجع المانيا وابقووو خططوا برحتكم بعد اذنككم.

استنى هنا ياعمر بقلك استنى..

لكنه تجاهل نداء جده وغادر .

الحج حسن حصله يازين وحاول تقنعه ..

زين حاضر  هروح اشوفه..ليسرع الاخر خلفه..

دخل محمود بتعب واضح..البنت رافضه الجواز يابيه..

الحج حسن وعمر رافض كمان .

محمود انا برأيي نسيبهم براحتهم شروق صعبت عليا قوي وانا ميهونش عليا ازعلها..

الحج حسن مينفعش ياحسن احنا لازم نجوزهم عمر محتاجلها زي مهي وبنتها محتاجين له..

يابيه ما عمر بيه رافض هتغصبه ..

الحج حسن متقلقش هيوافق انا همشي دلوقتي ومستني منك مكالمه تبلغني فيها بموافقه شروق.

محمود ان شاء الله يابيه هحاول بس مش هوعدك..

الحج حسن لا اناةعايزاك توعدني وبالليل هجيب عمر عشان كتب الكتاب..

محمود بصدمه اي الثقه دي كلها يا بيه..

الحج حسن دي ثقه بربنا انه يصلح حال الاتنين انا ماشي واشوفك بالليل.

صعد الحج حسن سيارته واتصل بزين الذي اجابه فورا.

الحج حسن بغضب: قل لعمر يحصلني عالبيت فورا والا اقسم بالله هتبرا منه ..ليغلق الهاتف ويأمر السائق بالعوده الى المنزل

لم يمضي وقت طويل حتى وصل عمر الى المنزل بضيق واتجه الى مكتب جده ليأمره باغلاق الباب والدخول وبعد مضي ساعه  لا احد يعلم مالذي حدث داخل المكتب ليخرج عمر وجده الذي نادى العائله واخبرهم بألخبر المفرح الذي نزل كالصاعقه على البعض

الحج حسن النهارده بالليل كتب كتاب عمر وبعد اسبوع الفرح..

ليصدم الجميع وهما يعرفوان بان عمر لايمكن ان يرضخ بسهوله هكذا..

اسيل بسعاده الف مبروووك ياابيه ده احلى خبر سمعته بكل حياتي..

عمر بابتسامه باهته الله يبارك فيكي ياحبيبتي..

زين احتضنه مبرووك ياصحبي واخيرا هتعملها...

عمر عقبالك يازين..

زين بضيق ربت على كتف صديقه 

ليقترب منه الحج حسن هامسا دلوقتي اعمل زي ماوعدتني روح اقنعها بالجواز ياعمر عشان خاطر جدك..

نظر اليه عمر بضيق حاضر ياحج هروح ..

ليستأذن من الجميع الذين بدأوا بترتيباتهم للفرح بزواجه ويغادر.

*******

محمود انت عارفه اني ايامي بقت معدوده بالدنيا دي

بعد الشر عليك ياعمي.

دي الحقيقه يابنتي مش عايز اموت وانا قلقان عليكي ويلي عمك وابنه وويلي بنتك اللي مش هتعرفي تربيها لوحدك والا اسر اللي ممكن يرحع يللخبطلك كل حياتك..

اسر صفحه وكويتها ياعمي مش ممكن ياثر عليا تاني عشانوحرحني جرح مش هيعرف يداويه ..وان كان على بنتي انا باشتغل واعرف اصرف عليها واربيها احسن تربيه..

وعمك وابنه االي مش عتقينك انت شفتي بعينك ازاي جرجرك بالشارع قدام الخلق لو متدخلش عمر بيه كنت دلوقتي متجوزه راجل قد ابوكي يابنتي عمر بيه هيخافظ عليكي ويحميكي صدقيني .

متتعبش روحك ياعمي جواز مش هتجوز لا حج عطيه ولا عمر بيه ولت غيرهم..

متتعبيش قلبي معاكي انت عارفه كويس ان عمك وابنه مش هيسبوكي فحالك..

شروق بغصه ياعمي ا...ليقاطعهم رنين الجرس ..

فتحت شروق لتصدم برؤيت عمر يقف امامها ..

عمر احم السلام عليكم..

شروق بضيق وعليكم السلام اهلا بحضرتك..

محمود اهلا اهلا يابني اتفضل..

عمر بجديه بعد اذنك ياعمي ممكن اكلم مدام شؤوق لوحدنا..

محمود اكيد يابني بعد اذنك اروح اشوف مريم نظرت شروق الى العم محمود تمنعه من المغادره لكنه تجاهلها ودخل الى غرفته وووو

عمر انا عمر علام وجاي اطلبك للجواز.

شروق انا اسفه بس مش عايزه اتجوز

ابتسم عمر بهدوء ولا انا عاسز اتجوز على فكره بس.

يتبع...

شروق :افندم..!؟

عمر بابتسامه بصي انا مش عايز اتجوز ولا بفكر بالجواز خالص بس عايز اخلص من زن الحج حسن ..

شروق : انت شايف ان ده سبب مقنع وطبيعي يخليك تطلبني للجواز.

عمر بحرج : اكيد لا ..ليصمت لثواني ثم يكمل وانت شايفه ان رفضك للجواز وانت جميله وباين عليك لسه صغيره ده طبيعي.

شروق :انا عايزه اربي بنتي وجربت الجواز وفشلت فيه..ومش عايزه اكررها تاني.

عمر : وانا عايز افضل طير حر مااتربطش بست طول عمري وكمان عايز اخلص من زن جدي..

شروق : في مليون ست غيري ليه انا..

عمر ليه انتي انا هقولك ... هي زي كفتين الميزان انت محتاجه راجل يقف جمبك ويحميكي انت وبنتك ، وانا عايز ست تبقى واجهه اجتماعيه ليا ومتخافيش مش هطالبك باي حقوق ..علاقتنا هتبقى بحدود..كل واحد يقدم للتاني احتياجاته وبس ..

شروق : وانا مش موافقه حضرتك..

عمر مهو مش بمزاجنا .. انا لو عليا متجوزش ابدا وافضل حر بس انت شايفه الوضع اللي احنا فيه انا عايز ارضي جدي وانتي العم محمود مش هيعرف يحميكي جدي بلغني انه عند ورم بالدماغي النهارده هو معاكي وبكرى ممكن لأ.

امتلأت عيناها بالدموع لتقول بغصه ربنا يديله طولة العمر ..والأعمار بايد ربنا..

عمر انا اسف مقصدش ادايقك بس ده واقع بكرى ممكن يرجع ابن عمك ومفيش حد هيعرف يدافع عنك النهارده انا كنت هنا بالصدفه ويا عالم بكرى هيحصل ايه

شروق.....

عمر بصي يابنت الناس انتي وبنتك هتبقوا بحمايتي واول ماتحسي نفسك مش محتاجالي انت وبنتك او اني بدايقك اطلبي الطلاق وكل حي يروح لحاله..

شروق .....

عمر قلتي ايه..

شروق انت عايز تتجوزني انا بالذات ليه. 

عمر اولا الحج حسن هو اللي اختارك ثانيا لو هتجوز جواز تقليدي اكيد مراتي هتقرفني شك ومراقبه ونكد فانا عايز اتجوزك وكل واحد يعيش حياته ليصمت قلقل ويقول بتحذير بس متتعديش على حدود احترامي ..

شروق افندم...!!؟؟

عمر لو فكرتي بيوم انك تعيشي حياتك ومحتاجه راجل بحياتك تصارحيني ومتعمليش حاجه تهنيني كراجل وانتي على اسمي..

نهضت شروق بانفعال مش انا اللي بعمل كده يافندم انت ازاي تتكلم معايا كده..

عمر نهض هو الاخر انا اسف بس احنا لازم نوضح كل حاجه مابينا عشان الحياة اللي هنعيشها مع بعض..

وانت مين اللي قالك اني هوافق..

مهو مفيش حل تاني...ياتوافقي على جوزاتك مني وانا مش هجبرك على حاجه وليكي كامل حريتك بس بالحدود اللي متجيش على كرمتي كراجل..وهتكوني بحمايتي..

يا تتحرمي من بنتك وتتجوزي الراجل اللي جابهولك عمك بالغصب ..مفيش حل تاني والقرار ليك.بقلم نوره عبد الرحمن 

جلست شروق بحيرة دموعها تجمعت في عينيها وتشعر بغصه تخنقها ليجلس الاخر مقابل لها ..ويقول بهدوء.

بصي انا مش هقولك هسعدك والكلام ده انا اللي عليا اني هحميكي وامن ليك عيشه كريمه لحد مابنتك تكبر وتتخرج من الكليه وكل طلباتك هتبقى مجابه بس بالمقابل عايز ست تحافظ على اسمي بغيابي قبل حضوري..

وكوني متأكده انه محدش يعرف يهوب نحيتك وباي لحظه هتطلبي انك تتحرري من العلاقه دي انا هديكي حريتك. قلتي ايه..

شروق....

عمر نهض بهدوء وقال هنجي بالليل نكتب الكتاب واي حاجه انت عايزاها اطلبيها وهتكون عندك..بعد اذنك

شروق استنى...

وقف عمر والتفت اليها... والاخرى تفرك يديها بتوتر وحرج ..

عمر سمعك اتكلمي.الروايه بقلم نوره عبد الرحمن

شروق انا انا مش مش عععايزه يعني يكون يعني..

عمر اتكلمي من غير كسوف وقوللي عايزه ايه.

شروق انا عايزه يعني يكون جواز على ورق بس..

عمر بابتسامه : بصي هعذرك عشان مش عارفاني كويس انا راجل مبحبش اغصب حد على حاجه هو مش عاوزها وبالاخص في العلاقه .. انت عايزه جواز على ورق وانا معنديش مشكله حاجه تانيه والا امشي.

شروق...

عمر طيب بعد اذنك انا هبلغ الحج حسن وانتي كلمي العم محمود..

اومأت برأسها بايجاب وهي تشعر بالحيره من اسلوبه المسيطر على الحديث وكيف تكلم وقرر دون ان يدع لها المجال للنقاش..هدوءه بروده كل ذلك يجعلها امام اشارات استفهام كثيره

****

مساءً تم كتب الكتاب بسلام في اجواء يسودها الهدوء اما شروق فقد تسلل الحزن بداخلها وهي تتذكر يوم زواجها الاول الأحلام التي كانت تحلم بها لتهبط دمعه سرعان مااخفتها ورسمت ابتسامه مصطنعه .

الحج حسن الف الف مبروك ياولاد عقبال ماتفرحوني لما تملوللنا البيت عيال..

فتحت شروق عينها بضيق لتنظر الى عمر الذي تجاهل نظرتها و قبل راس جده الله يبارك فيك ياحج عقبالك..

الحج حسن بضحك انت مش هتعرف تبطل هزار ..

عمر بضحك مش جوزتني خلاص هبطل بقى.

الحج حسن مظنش يابن سامح..

زين مبروك ياعمر ..

عمر ربنا يبارك فيك عقبالك .

زين..

اقترب عمر من شروق وقبل جبينها وسط صدمتها لتحاول الابتعاد لكنه امسك يدها وضغط عليها لتتوقف هامسا خلي اليوم يعدي عشان محدش يحس بحاجه..

وقفت بغيظ منه لينزل هو لمستوى مريم ذات الاربع سنوات التي تمسك بثياب والدتها وتنظر بفضول لما يحدث. مسح شعرها بهدوء وقال :الجميل ده اسمه ايه..

مريم بابتسامه بريئه مريم..

عمر عندك كم سنه ياحلوه..

اشارت الصغيره اليه باصابعها الاربع لتقول دول..

عمر بضحك ماشاء الله ربنا يخليكي .

بصي انتي سيبك من الكيك والحلويات دي كلها ..في حاجه حلوه جايبهالك هتعجبك اوويي بس هي فين فين ..مش عارفه وديتها فين..

مريم بطفوله وحماس حاجة ايه..

ليخرج قطعة شوكلاته من جيبه اهي هي دي..

مريم الله انا بحبها اوويي مش كده ياماما ..

ابتسمت شروق لطفلتها الصغيره وهي تجذب ابنتها اليها ..ليوقفها عمر بمزاح استني هنا هتاكليها كلها لوحدك..

مريم لا هدي لماما حته عشان هي بتحبها كمان مش كده ياماما

عمر طب وانا مش هتديني حته صغيره ااااد كده هو..

مريم مممم بس مش هتكفيني..

عمر بضحك يبقى خلاص المره الجايه هجيب حاجه تكفينا احنا التلاته محنا بقيني عيلة اطفال بنحب الشكولاته كلنا..

شروق بحرج متشكره ياعمر بيه..

عمر بهمس اخر مره اسمعك تقولي بيه دي انت فاهمه ..

شروق بس ان..

عمر انت مراتي قدام الناس كلها كلمة بيه دي تشيليه من لسانك ماشي..

اومأت برأسها لينتبهوا للعم محمود والحج حسن الذين حددو موعد الزفاف بعد يومين مما صدمهما..

عمر مش قلنا اسبوع ياجدي..

الحج حسن هتفرق بايه اسبوع والا يومين انا عايز افرح بيك بسرعه..

زين بس مش هنلحق نعمل فرح زي مااتفقنا. 

شروق بحرج فرح ايه انا مش عايزه فرح .

الحج حسن يابنتي عمر ابن ابني البكر وانا عايزه افرح بيه..

شروق بس ياحج انا....

محمود خلاص يابنتي سيبيهم يفرحوا بابنهم..

نظرت الى الارض بضيق ..

الحج حسن زين يابني انا هعتمد عليك عايز فرح الناس تفضل فاكراه سنين.

زين باستعجل والله ياجدي يومين مش هلحق بس هحاول ..

عمر نهض من مكانه احنا نمشي بقى ياحج..بقلم نوره عبد الرحمن

الحج حسن ماشي يابني يلاا بينا..

اخرج عمر مبلغ من المال ووضعه امام شروق ..

ليقول احنا متكلمناش عن المهر ده مبلغ صغير تشوفي انتي محتاجه ايه وهاتيه ولو نقص عليكي حاجه كلميني.

شروق بس بس ده كتيرر اوي .

عمر لا كتير ولا حاجه اساسا احنا نسينا نتكلم بالمهر وده حقك ليستئذن يغادرون..

********

مر اليومين بانشغال الجميع بالتحضير للزفاف ارتدت شروق فستان بسيط مع حجاب يغطي شعرها بسبب اصرار صديقتها رحاب على ارتدائها للفستان وبدت كملاك بالفستان الابيض الرقيق..

اما عمر فقد ارتدى بدلة سوداء وكان يستقبل اصدقائه برحابة صدر ويجيب على اسئلتهم الكثير كيف استطاعت فتاه انت تدخلك قفص الزوجيه .

كانت الأنظار كلها منصبه الى شروق يريدون معرفة من التي خطفت عمر علام وجعلته يكسر قاعدته ويتزوج..والجميع اشاد بجمالها البسيط وملامحها البريئه..وهناك من ينظرن إليها بحقد وغل ويحاولن فهم هذا السر الذي جعله يلين ويقبل بالزواج فعمر قابل فتيات اجمل بكثير من شروق ..لماذا اختارها هي ..؟؟

اما الصغيره مريم فقد تولت مهمة الاعتناء بها اسيل في هذا اليوم..بالرغم من انظار شروق القلقه المنصبه على ابنتها لكنها اطمئنت عندما راتها مع اسيل تبتسم وتلعب ببرائه وراحه..

لتصدم فور رؤيتها لعمها وابن عمها يقتحمان المكان في تلك الاثناء جاء عمر ليقف بجانبها تشبثت بذراعه بخوف منهما وهي تختبئ خلفه بخوف..

عمر اهدى متخفيش..

شروق بخوف هههما جاييين للللليييه ....

ليقترب عمها منها ترتسم على وجهه ابتسامه خبيثه متظاهرا بالود والسعاده الف الف مبروووك يابنتي..

لتصدم فور سماعها له وووووو

يتبع

4 

وضع يده على كتفها ليجذبها اليه وتلتصق به وسط صدمتها.

عمر اهلا اهلا يا ابو ادهم اتأخرتوا اوووي..

عم شروق الطريق كان زحمه الف مبروك ..

عمر الله يبارك فيك عقبال ادهم ان شاء الله..

كان ادهم ينظر اليهم بغيظ لكن والده كان يحاول تهدئته كل ذلك وسط صدمت شروق التي لاتعلم ماالذي يحدث ..

هنئها عمها وادهم وابتعدا لينخرطا في حفلة الزفاف..

شروق رفعت رأسها لتنظر اليه وسط صدمتها حتى استعادة وعيها لتجد نفسها تلتصق به ويده خلف كتفها ابتعدت بسرعه بحرج..

عمر في ايه ..

شروق عمممييي اايهه االلييي جاابه هنا..

عمر وضع يديه في جيبه ليقول بهدوء انا روحت وعزمته..

شروق عزمته كده ببساطه..

عمر بضحك امال بصعوبه ..

شروق انا مبهزرش انت ازاي اقنعت عمي وبقى هادي كده..

عمر على فكره انت مستهونه بيا جدا ينفع كده..

شروق مكنش قصدي بس بس ازاي اقنعت عمي وبقى كده..

عمر بهدوء اتكلمت معاه بهداوه واقنعته بجوزتنا وهو معترضشش..وانا عارف انك حابه حد من عيلتك يحضر فرحك..

شروق بشك بسهوله كده..

عمر اه بسهوله وسيبك من جو التحقيقات دي واتبسطي النهارده...

شروق افندم..

عمر ابتعد عنها واتجه الى اصدقائه ليقول لها بقولك اتبسطي باليوم ده وبلاش تفكري بحاجه ومدام انت على اسمي متسيبيش حاجه تقلقك ..

وقفت تراقبه بذهول من تصرافاته وثقته المفرطه وكيف له ان يقنع عمها بنسيان امر زواجها من الحج عطيه والموافقه عليه كزوج لها عدا ذلك نظرات ادهم الحاقدة لها تزيد خوفها اضعاف مضاعفه لتقاطعها رحاب..اي ياشروق مش هتقومي ترقصي معانا..

نظرت اليها بغيظ سيبيني فحالي يارحاب رحاب .تصدقي انك قفله ..

شروق مش فايقالك سيبيني بقى..

رحاب طبعا مش فايقالي بتفكري بجوزك اللي زي القمر اهو ربنا عوضك باللي احسن من اسر بمليون مره.

شروق بتحذيرر :رحااااب انتي عارفه اللي فيها..وبلاش تجيبي سيرت اسر تاني.

رحاب خلاص خلاص اتكتمت اهوو..بس قوليلي مين الشب المز ده اللي مع جوزك.

شروق قصدك مين. 

رحاب ده اللي جمب جوزك ابو بدله رمادي ..ده زي القمر هو متجوز والا لا يارب يكون لا.

شروق بضحك وانت مالك بيه..

رحاب اصل حبيته يابنتي انتي سامعه بالحب من اول نظره انا حبيته.. شايفاه.. يجنن يهبل ده خطف قلبي من اول ماعيني جت عليه..

شرووق حيلك حيالك اهدي شويه .

رحاب انتي تعرفيه اوعي يكون متجوز..

شروق مش عارفه ده ابن عمت عمر ده اللي اعرفه واسمه زين..

رحاب وكمان كمان اسمه زين ..خلاص خلاص ياشروق انا عايزه ده والنبي عشان خاطري..

شروق بضحك اتهدي يابنتي انتي نازله السوق وتختاري اسكتي فضحتينا ..

رحاب عشان خاطري عايزاكي تعرفي هو متجوز او لا مش بتقولي ابن عمة جوزك يبقى خلاص هاتيلي قراره..

شروق اتهدي فضحتينا..

لترمش رحاب بعينيها وهي تراقب زين بهيام..هتهد والله بس تجبيلي قراره قلبي بيضرب جامد يابنت ياشروق لما ببيصلي والمصيبه مش معبرني خالص..

شروق : اتقلي عشان يعبرك..

رحاب مش هعرف يابنتي اصل الواد خطف قلبي.

ليقترب منهم العم محمود وقبل رأسها الف مبروك يابنتي

شروق باختناق الله يبارك فيك ياعمي..

دلوقتي اطمنت عليكي وعلى بنتك وهموت وانا مرتاح

شروق بدموع بعد الشر عليك ياعمي ربنا يديك طولت العمر ليقاطعهم عمر اي ده هو في عروسه تعيط يوم فرحها ينفع كده ياعم محمود زعلت عروستي ليه..قال كلماته وهو يمسح دموعها لتبتعد الاخرى بضيق من بروده ومحاولاته للتقرب منها.

العم محمود حقك عليا ..بس مش هاين عليا فراقها..

عمر فراق ايه ياعمي انت فاكرني هبعدهم عنك..هجبهملك كل يوم لحد ماتزهق وتطردنا بنفسك.

محمود ربنا يخليك يابني ويسعدك..

ليقاطعهم الحج حسن مش كفايه ياعرسان وتطلعوا تريحوا .

عمر اه والله ياحج اليوم كان متعب اوووي..

ليمسك يدها والاخرى ترتعش بخوف من جرأته معها وبدأ الخوف يتسلل اليها.

لتهمس له بتوتر ااننا هروح اجيب مريم.

عمر مريم هتبات عند اسيل النهارده.

شروق مينفعش مش هتعرف تنام من غيري..

عمر خلي الليله دي تعدي يابنت الناس وبكرى يحلها حلال..

شروق طيب بس اكلمها بس ثواني..

عمر طيب ماشي هنعدي عليها الاول..

شروق متشكره بس تعرف تسيب ايدي وتبعد شويه.

عمر بضحك وهو يجذبها اليه اكثر اعرف بس مش عايز..

شروق افندم ...!!؟؟

عمر انا لازم اعمل كده عشان الناس بتبص علينا..واولهم عمك وابنه..فاهدي كده وبلاش عناد..

استسلمت له وهو يقودها نحو مريم..ودعت طفلتها وهي تلقي على مسامع اسيل التوصيات للاهتمام بابنتها ..لكن مريم كانت سعيده مع اسيل وتشعر بالامان معها حتى انها تعلقت بها كثيرا مما طمئن شروق..

ودع عمر وشروق الجميع وصعدا الى غرفتهما..

فور دخولهما الغرفة ارتمى عمر على السرير بأريحيه..ليقول بتعب اليوم كان متعب جدا.

نظرت اليه شروق بتوتر من بروده وهدوئه كيف له ان يكون هادئ هكذا .

عمر واقفه كده ليه..

شروق..

عمر مش عايزه تريحي ...

شروق افندم..

عمر يا بنتي انتي ليه كده .. فكي شويه..

شروق مش فاهمه..

نهض عمر واقترب منها لتبتعد بتوتر لكنه اخذ يقترب منها بهدوء حتى التصقت بالخزانه لتغمض عينيها بخوف وتقول بارتباك انت وعدتني متنساش وعدك.

سمعت ضحكته الساخره..ليقول وهو يمد يده الى حجابها يزيحه ليتناثر شعرها الذي خطف انظاره بالونه الكستنائي شرد بها لثواني ليتسفيق عليها وهي تبعده واضعة كلتا يديها على صدره تبعده عنها تقول بارتباك اايييه اللللي اانتت ببتعممله ده..انت ..انت مش قد كلمتك على فكره..انت وعدتني..

عمر بضحك و انا عملت ايه يعني وعلى فكره بطلي الطريقه دي معايا بلاش تستفزيني ..انتي فاكراني ايه..

شروق انت انت الللي بدأت تقرب مني ونسيت وعدك..

عمر بضحك وسخريه اقرب منك ليه ان شاء الله شفتيني حاولت ابوسك او اعمل حاجه معاكي بالغصب مثلا..

شروق.....

عمر اخذ نفس طويلا و قال انا عايزك تاخدي راحتك وبلاش الحجاب وانتي بؤضتك عشان احنا هنعيش مع بعض الحكايه مش يوم او يومين..

شروق انا مرتاحه كده..

عمر وانا مش مرتاح وشايفك قافله على نفسك بسببي ماشي.. وبلاش تعندي وتعترضي على كل حاجه..

شروق....

عمر بصي يابنت الناس انا عايزك تتطمني وتاخدي راحتك ..

اومات براسها بحرج ..ليكمل حديثه تمام ودلوقتي انتي حابه تنامي فين..

شروق افندم..

عمر هو انتي كل حاجه مستغرباها..بسالك هتنامي فين..

يعني ايه هنام فين ..

عمر السرير واسع تحبي تنام معايا.

شروق بمقاطعه طبعا لا... اكيد لا..

عمر اهدى انت قلقانه كده ليه.مقولتش حاجه على فكره..

شروق....

عمر ماشي انتي هتنامي عالكنبه اللي هناك..

فتحت عينيها على مصرعهما من بصدمه ليكمل بضحك اكيد مش هسيب سريري الدافي عشانك كفايه نتشارك الاوضه بتاعتي...

شروق وانا مطلبتش كده..

عمر بضحك عنيكي فضحاكي على فكره المهم ..روحي غيري ونامي عشان بكرى يوم طويل..

شروق...

عمر في ايه تحبي اساعدك تغيير..

شروق انت انت ايه...لتصمت 

عمر بلاش تأتأه والنبي ..عشان مش فاهمه منك حاجه..

شروق انا هروح اغير ..

عمر استني..وقفت لتنظر اليه .

عمر الحمام من هنا واه بكرى الصبح البس قمصي نوم جميل كده.

نظرت اليه ووجنتيها اكتست بالحمره لتقول بتلعثم انت ايه اللكلام ده..

عمر ببرود وهو يتجه الى. الخزانة ليخرج له ملابس ..مش عشاني عشان احنا ببيت عيله واختي ومرات اخويا هيجولك من النجمه وانتي اكيد مش حابه تحطيني بموقف محرج..

شروق بحرج بس بس انا انا مابلبسش الحجات دي وماشتريتش حجات من دول..

عمر ببرود مفيش مشكله تلبسي المره دي عشاني وحكاية انك مشتريتيش بصي عندك الشنطه الصفرا اللي فوق فيها قمصان اختار واحد منها والبسيه ليكمل بابتسامه مستفزه وغمزه بكرى الصبح عايزك تكوني مزه..

شروق بانفعال ايه طريقة الكلام دي ..

عمر بضحك معلش هتتعودي على كلامي مع الوقت انا هطلع اغير براا وانتي خودي راحتك.. ليغادر الاخر وهو يفرك وجهه محاولا السيطره على نفسه وهو يتذكرها بذلك الفتسان الابيض شعرها ملامحها كل شيء بها يجذبه اليها..اخذ نفس عميقا ومسح شعره يحاول ان يهدئء من نفسه لاول مره يشعر بالانجذاب لفتاه هكذا..

اما شروق فقد بدلت ثيابها بسرعه واتجهت الى الاريكه تحاول ان تنام...

لم يمضي وقت طويل حتى استقر عمر في سريره وغرق بالنوم هو الاخر ..

******

صباحاً استيقظ عمر باكرا مسح وجهه واتجه الى الحمام ليغتسل لكنه نظر اليها ووجدها غارقة بالنوم اقترب منها لثواني دقق بتفاصيلها شعرها المنثور على وجهها لم يستطيع منع نفسه اكثر ازاح خصلات شعرها بهدوء ولاحظ شامة تستقر مقدمة عنقها جذبه منظرها الجميل وهي تزين عنقها ليقترب منها اكثر اراد تقبيلها انفاسه اخذت تتسارع وهو ويحاول السيطره على نفسه لاول مره يرغب بفتاه هكذا ..

حتى شعر باحد يقف خلف الباب..اغمض عينيها بضيق..ليحمل شروق التي استيقظز برعب وارادت الاعتراض لكنه دفن وجهه بعنقها يستشعر بقربها ليهمس لها بانفاسه الحاره في حد واقف براا وانت نايمه هنا اهدى شويه لحد مايمشي...همست الاخرى بارتباك ارجوك ابعد عني والنبي بلاش تقرب مني كده ونزلني ..

انزلها حاولت الابتعاد بسرعه لكنه جذبها اليه..ليقول بصوت مسموع وهو يحيط خصرها امبارح كانت اجمل ليله عشتها بكل حياتي ياروحي..

فتحت عينيها على مصرعيهما ليكمل حديثه عايز اخدك واهرب بيكي ايه رأيك نروح شهر عسل بحاله لوحدنا ايه رايك هااا..

الاخرى كانت مصدومه مما تسمعه..ليبتعد عنها والاخرى تاخذ انفاسه المتوتر بصعوبه..اتجه الى الباب بسرعه ليقول انا نازل ومع فتحه للباب... وجد ندى تسترق السمع وووووو

يتبع...

ضم ذراعيه الى صدره  وهو يراقب ندى تهرب بعيدا من موقفها المحرج نفخ بضيق وعاد الى غرفته ليجد شروق تريد الخروج من الغرفه..

عمر على فين..

شروق وهي تغطي شعرها  هروح اشوف بنتي.

عمر وهو ينظر الى الساعه انتي اتهبلتي بنتك بالوقت ده..عارفه الساعه كام  .

مشت نحو الباب لتقول ماليش دعوه انا هروح اشوفها ليمسك يدها..عمر استنى هنا انا بكلمك وبعدين مالك مكشره كده ليه..

ابعدت يده بعنف  متلمسنيش..

ابعد يديه عنها ماشي بس اهدي وقولي مالك انا عملت حاجه زعلتك..

انفجرت به شروق باختناق وغصه لتقول اخر مره تقرب مني كده..اخر مره ياعمر متنساش احنا اتفقنا على ايه ولو فاكر اني هاخاف اطلق تاني انت بتتوهم انا اتجوزتك باتفاق وعشان بنتي وانت وعدتني انك هتكون سند ليا مش مش لتصمت قليل  وتكمل مش تستغل المواقف عشان عشان..

عمر عشان ايه و انا عملت ايه عشان كل ده..

شروق يااااه شايف نفسك معملتش حاجه..انت ازاي تشيلني وتتتتت..

عمر و ايه اتكملي سمعك.

شروق انت مستفز اووي ليه.

جلس عمر بهدوء  لو ملاحظه بقالك ساعه بتتكلمي وبتعلي صوتك وبتغلطي وانا ساكت يبقى  مين فينا المستفز ..ا

شروق يوووه  انت  هتحط الحق عليا كمان..

عمر لا هحط الحق عليكي ولا عليا ..الللي حصل من شويه كان لازم يحصل وانا معملتش حاجه غلط ولا اتجاوزت معاكي ليكمل بسخريه اوعي تفتكري اني هموت عليكي لا صحصحي ياحلوه انا الف بنت تترمي تحت جزمتي مش هتيجي عليكي اساسا انت مش نوعي ومستحيل افكر بيكي اتهدي بقى وبلاش مشاكل.

شروق شعرت بالضيق من اهانته لها لتقول انا هروح اشوف مريم..

عمر بانفعال لاول مره استني عندك..

وقفت بخوف من نبرته الحاده ..

ليغمض الاخر عينيه محاولا انا يهدئ وتكلم بهدوء مينفعش تخرجي من الاوضه دلوقتي مريم نايمه عند اسيل اطمني عليها.

شروق....

نهض عمر واقترب منها ليقول انا اسف مكنش عندي حل تاني انتي كنتي نايمه عالكنبه وكنت لازم اتصرف بسرعه عشان شكلي ميبقاش وحش .. متزعليش حقك عليا..

شروق بدموع متعملش كده تاني..

عمر بابتسامه اي ده هو انت بتعيطي  تصدقي  انا وحش عشان خليتك تعيطي طب اي رأيك اصالحك..

شروق افندم..

عمر بضحك ميروحش فكرك لبعيد هصالحك بطريقه حلوه ليتجه الى الدرج بجانب سريره..

شروق بقلق مش زعلانه ومش عايزه اتصالح..

عمر يابنتي مترفضيش النعمه..ليخرج قطعه شوكلاته اهي دي اللي هتخليكي تفكي وتروقي..

شروق ابتسمت رغما عنها ..

عمر بصي اهو انا عارف البنت طالعه لامها روقتي لما شفتي الشوكلاته

شروق بابتسامه انت فاكرني عيله .

عمر اعوذ بالله ...مش فاكرك متاكد انك عيله...حتى لو عندك بنت..ليكمل هاااا بقى خلاص صافي يالبن.

شروق ابتسمت 

عمر انا دايما بقول الشوكولاته دي مفعولها جامد ..اتفضلي ياستي..

شروق متشكره مش عايزه..

عمر يابنتي دي  في حد يرفضها ..اللي يرفضها ده يبقى فقري..

شروق كتر خيرك..

عمر هو انتي كل حاجه تتقمصي كده ..

شروق انا عايزه اشوف مريم..

امسك يدها ليجلسها لكنها ابتعدت بضيق..

عمر مالك يابنتي هو انا هاكلك..

تعالي نقعد شويه لحد مايعدى الوقت عشان اسيل انا عارفها مش هتصحى بالوقت ده..

شروق انا عايزه اطمن على مريم. 

عمر اطمني هتصل بالشغاله تروح تشوفها اتهدى بقى عالصبح .

شروق افندم..

عمر لاااا انتي بجد كده كل حاجه افندم ابقى اتعودي بسرعه عالوضع ده عشان مانتعبش مع بعض.. على فكره احنا هنسافر شهر واختاري المكان اللي يريحك..

شروق لا انا هفضل هنا.مش هسافر..

عمر لا مهو مش بمزاجك احنا لازم نسافر لفتره كده عشان تتعودي عالوضع ده وكمان تاخدي راحتك  ..

شروق مش هسيب بنتي وعم محمودد

عمر  اكيد مريم هتروح معانا  مش هنسيبها..وعم محمود هوديكي تشوفيه هو شهر مش هنطول يعني..

شروق بس ..

عمر مبسش انا عايزك تتعودي عالوضع ده واحنا هنا مش هناخد راحتنا اديكي شفتي من شويه حصل سوء فهم مابينا وانتي عارفه اني كنت مجبر على اللي عملته..

شروق كنت تعرف تعمل ايه حاجه غير غير.لتصمت..

عمر مش هنبطل نتكلم بالحكايه دي وبعدين مخطرش ببالي حاجه تانيه وعموما انا اعتذرت يبقى خلاص..والا انتي شكلك طمعتي وعايزه الشوكولاته اللي شايلها لمريم ..

لتضحك الاخرى..

عمر اهو طلعنا نعرف نضحك وضحكتنا جميله كمان .

شروق احم ..هو احنا مش هنروح لمريم .

عمر بضحك يووووه شكلك مش هترتاحي الا لما اللي بالبيت كلهم يتكلموا عليا يابنتي هو في عروسه تخرج صبحيت عرسها اهدي شويه وهنروح نشوفها ماشي..

اومأت براسها بايجاب..

عمر هو فين قميص النوم مش اتفقنا امبارح..

احمرت وجنتيها ونظرت الى الارض..

عمر مالك يابنتي البسيه بس عشان شكلنا ميبقاش وحش.

شروق بارتباك معلش انا مرتاحه كده.

عمر نسوان العيله  بعد شويه هيجوا يشوفوكي كده ينفع..طب بالذمه ينفع..

نهضت شروق بارتباك معلش انا مرتاحه كده ..

عمر ممممممم ماشي ياشروق هنشوف اخرها معاكي ايه..

شروق....

عمر بتحذير  هخش اخد شور سريع  مش عايزك تطلعي من هنا ماشي..عشان هنطلع مع بعض ليكمل بضحك الحكايه مش ناقصه فضايح..

اومأت الأخرى براسها ليقول بمزاح محنا لذلذ وجمال  لما بنسمع الكلام امال بنعند ليه..

*******

زين الووو 

......

زين مين معايا..؟؟

......

زين مش عايز تتكلم بتتصل ليه.. ليقفل الخط بغضب ويرمي هاتفه على السرير..مسح شعره بضيق واتجه الى الحمام ليغسل وجهه ضرب الحائط بيده ليقول بغضب ليه ..ليه ..انا بيحصل معايا كده لييييه..

ليجلس على الارض وواضع رأسه بين يديه يأخذ انفاسه بصعوبه والذكريات تتوافد اليه...

حتى أتاه اتصال اخر لينهض بسرعه ويجيب بلهفه. 

زين مين معايا..

الحج حسن انا يابني هو انت لسه نايم.

زين مسح وجهه بضيق لسا صاحي دلوقتي..

الحج حسن طيب يابني تعالى عشان تفطر معانا العيله كلها هنااا..

زين ماشي ياحج هعدي عليكم..

الحج حسن مال صوتك يازين انت تعبان..

زين بمراوغه ومزاح مفيش .. هو عاريسنا عامل ايه ياحج بيض وشنا والا لا..

الحج حسن بضحك لسه مخرجش من اوضته باينه حب الجواز..

زين ربنا يهديه ياحج هقفل انا وهعدي عليكم كمان شويه

الحج حسن ربنا معاك..

اغلق الخط ليرتمي على السرير ويتنهد بتعب

*****

خرج من الحمام يجفف شعره ..صدره عاري .. ويغطي نصفه السفلي بالمنشفة..

شروق كانت تحضر ثيابها لتلتفت فجأه وتصدم به هكذا لتقول بارتباك انت انت ازاي ازاي ..

عمر وهو يقف امام المرأه يوليها ظهره ازاي ايه رتبي كلامك وبعدين اتكلمي..مش هفضل اركب كلامك على بعضه عشان افهمه

شروق بانفعال ازاي تخرج كده..

عمر كده اللي هو ازاي 

شروق كده كده مش مراعي ان معاك حد بالاوضه..

عمر انا مراعي جدا .

شروق بس انا مش..ليقاطعها بتجاهل اجهزي بسرعه عشان ننزل وبعدين هنتكلم بالحكايه دي مش فاهم مكبره الحكايه كده ليه.

شروق نظرت اليه بصدمه من اسلوبه المستفز..

ليكمل مش عايزه تاخدي شور والا ايه عشان انا هغير هدومي لو حابه هغير قدامك  معنديش مشكله.

لتلتقط الاخرى ثيابه وتذهب بسرعه الى الحمام وتقفله من الداخل بالمفتاح ليبتسم بسخريه على خوفها منه..

مر اليوم بسلام على الجميع اخبرهم عمر برغبته بالسفر لقضاء شهر العسل كان الحج حسن سعيدا جدا وهو يرى محاولات عمر للتقرب من شروق ..ودعت شروق رحاب والعم محمود وسافرت ومع اصرار الجميع على بقاء مريم وعدم ذهابها معهم الا ان عمر اصر على اخذها مما اشعر شروق بالامان معه قليلا  ..

وبالفعل سافرا الى الغردقه .

وعندما وصلوا الى غرفة الفندق كان الوقت متأخرا جدا.

كانت مريم نائمه وعمر يحملها بعد رفضه لجعل شروق تحملها ليضعها على السرير ويقول بمزاح المره دي عشان مريومه هسيبلكم السرير تناموا عليه

شروق بابتسامه لانها شعرت باهتمامه بمريم متشكره ياعمر..

عمر بمزاح متتعوديش على كده اول مانرجع البيت السرير ليا..ماشي

لتبتسم له الاخرى ..

عمر طب انا هروح اتمشى شويه...

شروق بالوقت ده. 

عمر اه منا بسهر مش متعود عالنوم بدري تصبحي على خير ولو احتجتي حاجه كلميني..

شروق وانت بخير..

خرج عمر وهو يشعر بالضيق بعد ان كان حرا طليقا دون قيود اليوم مرتبط بامرأه ولديها طفله اي حياة هذه التي الا اليها يتذكر جده الحج حسن وكلماته له..لماذا يدفع هو ثمن خطأ جده..

مضى الليل سريعا النوم جافى شروق وعمر الاثنان ..

عاد عمر بعد صراع طويل مع افكاره ليجد مريم غارقه بالنوم اخذ ثيابه وجلس ينتظر خروج شروق من الحمام لاكنها تأخرت طرق الباب ولم تجبه  نادى عليها بهدوء ولم يجد جوابا شعر بالقلق ليفتح الباب ويصدمه ب....

يتبع

تكملة الروايه اضغط هناااااااا