رواية ياسمين الشام الفصل الأول والثاني1_2 بقلم نورا

 رواية ياسمين الشام الفصل الأول والثاني1_2 بقلم نورا

رواية ياسمين الشام الفصل الأول والثاني1_2 بقلم نورا

1

في المطعم في الاسكندريه..

هبه الله يخربيتك انتي هببتي ايه..المدير عايزك فوق ..

ياسمين بتوتر انا والله ماعملتش حاجه..

هبه اطلعي شوفيه بسرعه اكد عليا اول ماتوصلي تطلعيليه..

ياسمين حاضر حاضر هغير البس هدوم الشغل واطلع له ربنا يستر..

وبعد فتره وقفت امام باب مدير المطعم فهي تعمل نادلة هناك..ليسمح لها بالدخول..وجدت المدير يجلس مقابل المكتب ويجلس على كرسي المكتب شاب في آخر الثلاثينيات.

ياسمين حضرتك طلبتني يا استاذ سامح..

سامح بخوف من نظرات ذلك الشاب ايوا تعالى الاستاذ عايزك في حاجة مهمه..

ياسمين حاجه ايه..

قاطعهم صوت ذلك الشاب..

تقدر تتفضل ياسامح وانا هندهلك لو عوزت حاجه..

اسرع سامح بالخروج ليترك ياسمين مع ذلك الشاب..

=اتفضلي..

ياسمين معلش مرتاحه كده في حاجه حضرتك..

=ايوا بس اتفضلي اقعدي عشان نتكلم..

جلست بتوتر من نظراته..اتفضل حضرتك..

الشاب انتي تعرفي ادهم السيد..

ياسمين لا حضرتك..

=ازاي مش انت الممرضه اللي بتهتمي فيه بالمشفى..

ياسمين ايوا تقصد عمو ادهم ماله هو كويس انا سيباه بالليل مفيهوش حاجه..

=لا هو كويس الحمد لله..

ياسمين طب الحمد لله.

انا ببقى ابنه..محمد ادهم السيد..

ياسمين اتشرفت بحضرتك بس لسه مش فاهمه حاجه هو اشتكى مني .. لاسمح الله قصرت بحاجه.

محمد لا خالص بالعكس عملتي اللي عليكي واكتر.. بس انتي عارفه انه النهارده هيخرجوه من المستشفى ..عشان بقى احسن..

ياسمين ايوا عارفه الحمد لله على سلامته..

محمد الله يسلمك قالها وهو يضع يديه على المكتب ويلعب بالقلم 

بصراحه انا جيلك بحاجة تخصه..

ياسمين حاجة ايه حضرتك..

محمد انا عرفت انك رافضه تجي تهتمي بيه بالبيت..وهو مصر عايزك انتي..

ياسمين حضرتك اناعندي شغل والتزامات زي منتا شايف ..شغلي بالمشفى ..وهنا بالمطعم وعدا مذاكرت اخواتي..انا اسفه مش هقدر بعد اذنك..

محمد استنى هنا انا لسه مخلصتش..

ياسمين حضرتك عايز ايه..

محمد انا عارف ظروفك كلها وكمان مقدرها..

ياسمين بعد اذنك اروح اشوف شغلي..

محمد هديكي ضعف مرتبك بالمشفى وهنا بس تفضلي تهتمي ببابا..

ياسمين مش فاهمه..

محمد انتي عارفه انه راجل كبير بالسن ومحتاج ونس وحد يداريه..مش اكتر من كده

ياسمين بس حضرتك انا قولت قبل كده عندي التزماتي ..

محمد وانا مش همانع ..

ياسمين افندم..

محمد بصي هو اتفاق بسيط جدا انا عارف انك ملتزمه ومتدينه و مترضيش تقعدي مع راجل غريب عشان كده عايز اخطبك لبابا..

ياسمين بصدمه انت بتخرف بتقول ايه..

محمد زي مسمعتي..

ياسمين بضحكه ساخره حضرتك عارف..ان بباك قد بابا ..لاا قد بابا ده ايه ده قد جدي...

محمد وايه المانع..

ياسمين المانع اني مش موافق واظن مش هتغصب عليا..لتتجه الى الباب وسمعت صوته دوى المكتب..

محمد هدفع المبلغ اللي انتي عايزاه..

ياسمين مش هتشتريني لتكمل طريقها ليوقفها صوته

محمد سفر باباكي وعلاجه هتكفل فيه. 

ودراست اختك واخوكي لحد ميخلصوا كليه هتكفل فيها وهجيبلك بيت ليهم قريب من بيتنا عشان تقدري تشوفيهم كل يوم..وكمان سياره وسواق..قولتي ايه..

ياسمين......

محمد ابتسم بجانب شفتيه بانتصار فكري كويس ده الكارت بتاعي..بس اعرفي اهم حاجه راحت بابا ولو عرفت انك زعلتيه بحاجة كل اللي هعمله ليكي هيروح ف ثانيه..اتفضلي خدي الكرت بتاعي..

ياسمين..

وضع الكرت بهدوء في جيبها ليغادر ويتركها بصدمتها..ليعود على فكرة النهاردة انتي اجازه تقدري ترجعي البيت تفكري براحتك..

لم تستطع التفوه بكلمه وقفت وتنصمت مكانها ..لتنتفض عندما سمعته يغلق باب المكتب ويغادر ببرود..

اما محمد ركب السيارة مع صديقه عمر ..

عمر انت متاكد من اللي انت بتعمله. 

محمد عايزني اعمل ايه يعني بابا بيحب انها تهتم فيه..وانت عارف بابا وضعه عامل ازاي وانا مش هقدر ازعله..مفيش حل غير كده..

عمر بس البنت صغيره على باباك..

محمد هو هيتجوزها بجد انت كمان انا عايزها ونس ليه بس..

عمر بس كمان البنت بني ادمه ومحتاجة راجل بحياته..

محمد مش انت قولتلي انها متربيه..ومحترمه

عمر انا قولت كده بس كمان حرام كده..

محمد ولا حرام ولا حاجه وبعدين انت مقولتليش ايه اللي حصل لما حاولت معاها ..

عمر اه فكرتني هقولك..

فلاش باك💫

ياسمين ممكن تقرب ها اوشوشك بحاجة مهمة.

عمر صديقه محمد بغمزه بس كده عنيا ليكي..

دنى منها لتهمس له..شايف المطعم ده في كاميرات بكل مكان واكيد اتصورت وانت بتحاول تتحرش بيا ..عشان كده ابعد عن طريقي خالص وخليني اشوف شغلي وبلاش مشاكل لاحسن يمين بالله لاندمك عالساعه اللي عرفت فيها طريق المطعم ده..واشتكيك واخرب بيتك واعملك قضية تحرش..لتبتعد بهدوء ترتسم ابتسامة على وجهها تحب تاخد حاجه كمان يافندم

ابتلع ما بجوفه بتوتر وأومأ لها بلا..

لتبتسم له بعد اذنك..وذهبت لتكمل عملها...

باك 💫

عمر ده اللي حصل..

محمد كويس امال انت خايف من ايه..

انا مش خايف بس انت شايف كده مش حرام يعني..

محمد لا مش حرام انت بس خليها توافق 

يتبع...

2

ادهم اتجننت يامحمد انا بقولك هجوزك البنت وانت تروح تخطبها ليا..

محمد انا مش هتجوزها يابابا بعدين ايه المشكله انك تتجوزها مش انتا عايزها تهتم بيك...

ادهم بتحذير محمد .

محمد على فكره انا عرضت عليها مش اكثر مجبرتهاش على حاجه..

ادهم .ليه انا بقولك هجوزهالك تقوم تخطبها ليا.و

محمد  وانا اتجوزها ليه..

ادهم عشان ابوك عايز كده.

محمد انا مجوز يابابا وبحب ومراتي وبعدين مين دي عشان اتجوزها انا دي مشغلهاش خدامه عندي..

ادهم محمد دي احسن منك ومن اللي خلفوك..

محمد بتذمر يابابا…

ادهم اخرس تروح تعتذر من البنت لا يمين بالله لانت ابني ولا اعرفك..

محمد واعتذر منها ليه..

ادهم عشان هتبقى مراتك..

محمد مش هيحصل يابابا وانا خطبتهالك وابقى اجوزها انت...بغمزه اقلها تبسطك وتنسيك المرض..

ادهم بتعب انت ..انت قليل الادب.. انا انا معرفتش اربيك ..

محمد بقلق وخوف  بابا ..بابا مالك.اهدى ..اهدى. طيب اهدى ..انا اسف ..اسفه والله مقصدش. .دكتور..دكتور..لياتي الدكتور ومعه الممرضات ..واخرجوا محمد خارج الغرف..

وبعد لحظات كان يجوب الممر ذهابا وايابا قلقا على والده..

خرج الطبيب..ليسرع اليه

محمد طمني يادكتور بابا .عامل ايه.

الدكتور انا بلغتك قبل كده بلاش يتعصب..عشان صحته..اىحمد لله دلوقتي بقى احسن ..واديته حقنه هينام ويرتاح..

محمد الحمد لله شكرا يادكتور.

الدكتور العفو بس مينفش الانفعال ليه ..

محم. حاضر يادكتور حاضر ..

الدكتور بعد اذنك تقدر تخش تشوفه..دخل غرفة والده ....نظر الى والده ليجده نائماً..قبل راسه وخرج في الممر..

واتصل مرارا لكن دون اجابه..حتى اجابة عليه..

محمد ايواا ياحبيبتي بقالي كتير باتصل مش بتردي..

ناديه معلش كان عندي مؤتمر طبي.عايز حاجه..

محمد اي اللي عايز حاجه وحشتيني ..مينفعش..

ناديه لا ينفع وانت كمان بس انت عارف اني مشغوله جدا..عشان كده مقدرتش ارد..

محمد طيب ايمتا هترجعي انتي وحشتيني اوي اوي..

ناديه وانت وحشتني والله بس انت عارف ظروف الشغل..معلش ياحبيبي بيندهولي..هكلمك بعدين

محمد بضيق طيب ماشي سلام..

ناديه سلام..

في اليوم التالي.في شركة محمد .اعلن هاتفه عن ورود مكالمه..

محمد كان منشغل بالملفات والاجتماع..ولم يجب. 

انتهى الاجتماع ليسمع هاتفه اجاب.

محمد ايوا..مين معايا..

ياسمين بتوتر..انا..انا ياسمين..

محمد بنصر اهلا اهلا ازيك عامله ايه.

ياسمين بارتباك اللحمد لله..

محمد بخبث اي سر المكالمه الجميله دي. 

ياسمين ممكن اشوفك..

محمد اممممم.نظر الى الساعه .. ماشي انا عندي ساعه فراغ انت فين..عشان اجيلك..

ياسمين انا في المستشفى ..

محمد طيب ماشي سلام التقط مفاتيح سيارته وغادر الشركه..

في المشفى كانت تجلس بالحديقه شاردة الذهن تفرك يديها بتوتر…

حتى سمعت صوت هاتفها لياتيها صوته البارد انتي فين.

ياسمين انا في جنينه المشفى..

محمد ايوا شفتك ..لتراه يقترب منها ..

جلس بجانبها بهدوء ..اتفضلي عايزه ايه..

ياسمين انا موافقه ..

محمظ رفع حاجبه موافقه..

ياسمين هزت رأسها..

محمد طب كويس..يلاا بينا.

ياسمين على فين ..

محمد هنكتب الكتاب ..

ياسمين بتوتر دلوقتي..

محمد ايوا..اه نسيت عايزه تطمني على حقوقك ..متخفيش..

ياسمين عضت على شفتيها لتحاول الا تبكي..فهي تشعر بالانكسار الان لكن ليس باليد حيله والدها يصارع الموت ..واخوتها مازالوا صغار ..

محمد ماشي ماشي..هنكتب عقد وتمضي عليه اتفقنا..

ياسمين عقد ايه..

محمد مش عايزه تضمني حقك ..هنكتب عقد يضمنلك حقوقك كلها..

ياسمين مش فاهمه..

محمد مش مهم اتفضلي خلينا نروح محامي عشان نتفق..وانا هتصل ابلغهم بالشركه يأجلو الاجتماعات..

اومأت برأسها ومشت معه بهدوء..

عند المحامي..بعد فتره كانت تنتظر في الخارج ومحمد في الداخل مع المحامي..وتم توقيع عقد يضمن حقوقها..وامر محمد المحامي بجلب ماذون وشهود ليخرج المحامي..ويدعهم لوحدهم.

ياسمين عمو ادهم فين..

محمد بسخريه وانتي عايزه عمك ادهم فأيه.

ياسمين مش مش لتصمت وتنظر الى الارض..

محمد ببرود مش عمك ادهم اللي هيتجوزك...

نظرت اليه باستغراب..

محمد ..انا..اللي هتجوزك..

ياسمين بصدمه ايه..

يتبع..