رواية طوق نجاه الفصل الأول والثاني 1_2بقلم مرام محمد
رواية طوق نجاه الفصل الأول والثاني 1_2بقلم مرام محمد
بقى انت فرحانلي بطولك وشويه العضلات النفخ دي يا ابو جلابيه وعمه طب خد حدفته مرام من بلكونه شقتهم بالبيض في وجوه مباشرتاً.
نظر لها بغضب هادر ووجهه المتسخ بالبيض وعيونه تنط منها الشرار اخفضت رأسها سريعا الى الاسفل وهي تقول احيه شافني.
جاءت لها ولدتها:-
بتعملي ايه يا منيله على عينك مستخبيه ليه .
جاءت لتنظر من سور البلكونه رأت بائع السردين ملطخ بالبيض وكله غضب ويتوعد لها لولا هذا صديقه يهدئ فيه.
والدتها يخرب بيتك يا مقصوفه الرقبه بقى تجيبي البيض من تحت الفراخ تحدفيه في وش الناس .
مرام وهي تجري الى الداخل وامها ممسكه بأبو ورده وتجري وراءها.
مرام :-الله يا ميار هو اللي بيستفزني، كل شويه يقولي بس يابت بس يا شاطره يا عسوله محسسني ان انا في كي جي 2 ،دا غير الازعاج والصداع اللى هو عاملُه.
امسكتها ولدتها اخيراً من شعرها الطويل الذي تعمله على شكل ضفاريتين مثل الاطفال ما تولعي انتي وهو في ستين داهيه انا بتكلم على البيض يا بنت الكلب كنا هنعمل به كيكه.
صرخت مرام اه شعر يا ميار سيبيني.
ميار:- مش كفايه يا معفنه بتعملي اللي اسمه ماسك ده على شعرك بالبيض.
مرام :-يا ماما ده مفيد جداً في بروتين للشعر طبيعي.
ميار:- جاتك القرف يقرفك غوري يا بنت الجزمه من وشي ابو شكلك.
في الاسفل.
خالد:- اهدى بقى يا قاسم عيله وغلطت خلينا في اللي احنا فيه.
لا يعرف قاسم يتمالك نفسه من قمه غضبه من تلك الفتاه التي من يوم ما جاء ليبيع السردين في شارعهم وهي مشاغبه وتفقده عقله.
خالد:- خلاص بقى يا قاسم هديت حيلي يا اخي يعني هتروح تضرب عيله وتسيب الهم اللي ورانا كلها يومين وهنقدر نجيبهم.
زفر بضيق وهو يتوعد لها.
في حين كان خالد يكتم ضحكته بالعافيه:-
تعال بس اغسل وشك الاول .
لكمه قاسم في وجهه بقوه غور يا خالد من وشي الساعة دى انا دماغي ضاربها الدم لوحدها .
خالد ممسك بواجهه بألم الله يخرب بيت ايدك مرزبه يا قاسم جاي تتشطر عليا انا وحته عيله علمت عليك .
برزت عروقه بغضب وعينيه حمراء :-
لولا ان انا بس مركز مع الناس دي عشان نخلص من المهمه دي انا كنت قتلتها وخلصت منها هي وامها.
-------------
دنيا :-يخرب بيت عقلك يا مرام تاني بتاع السردين تاني.
مرام وهي في حاله هستريه من الضحك بس المره دي لو شفتيه والبيضه بتلبس في وشه مش قادره من كتر الضحك والله انا بكتشف مواهبي طلعت بعرف انشل ههه .
دنيا :-اه يا حلوه اضحكي دلوقتي واتبسطي علشان لما يمسكك هيطلعه على دماغك .
مرام بكبرياء:- هيطلعوا على دماغ مين يا ماما انتي ناسيه ان انا بتعلم دفاع على النفس بقى لي اسبوع ولا ايه.
دنيل :-بنفاذ صبر من صديقاتها ام نص عقل هذه .
اسبوعين مين دا انتي لو فضلتي عمرك كله تتدربي ولا هتعرفي تعملي معاه
حاجه ده لو نفخ فيكي هيطيرك ضلفه الباب المتحركه دي..
دخلت والدتها ميار اليهم قاعدين حاطين بوزكم في بوز بعض بتحكوا في ايه يا خايبه منك لها وسايبين نتيجه الثانوي ما بتسالوش عليها عايزه اطمن يا عالم يا بارده...
مرام:-يا مامااا لسه ما ظهرتش وبعدين نروح فين هي هتظهر على النت هجيبها وانا هنا.
دنيا:- ايوه يا طنط ما تقلقيش نفسك كده.
مرام :-وهي تربع رجليها على الكنبه بغرور وبعدين يا ست الكل انتي مستهونه ببنتك ولا ايه ؟ان شاء الله طب على طول مرام وهي تتنهد حالمه طب تجميل او جلديه اي حاجه فيها عناية بالجمال ههه.
ميار:- والله يا روح امك وهتعالجي اللي هيجيلك بايه بوصفات البيض بتاعتك يا جايفه يا معفنه.
دنيا وهي تنظر الى مرام بشمئزاز بتعملي وصفات بيض يع والزفاره؟
مرام:- بس يا بت انتي اش فاهمك.
ميار:- هو طب اسنان زي ما ابوك الله يرحمه كان عايز يا مرام غير كده هجيبك من شعرك يا زفته.
مرام بتذمر:-عارفه يا ماما لو ما دخلتش كده هروح اشتغل ميك اب ارتست ها.
حدفتها ميار بابو ورده في وجهه قومي يا بنت الجزمه المواعين على الحوض بتناديكي قال ميكاب ارتست قال.
دنيا بهروب :-طب استاذن انا بقى يا جماعه.
ميار وهي تضع القدم فوق الاخرى على فين يا بنت نهى ادخلي يا اختي مع صاحبتك واحده تدعك والتانيه تشطف والبوتاجاز يكون بيلمع وارضيات المطبخ تبقى فله شمعه منوره.
ذهبوا البنات بقله حيله الى المطبخ ويبرطمون في سرهم.
امك دي مفتريه اوي يا مرام .
مرام :-الله يسامحه ويرحمه بابا بقى هو اللي ساب كل الستات اللي في الدنيا وماسك في دي.
في اليوم التاني الساعه العاشره ونص صباحا صوت الميكروفون سردين يلا السردين اخذت تتقلب يميناً وشمالاً بانزعاج وهي تضع المخده فوق راسها لتمنع الصوت ولكن دون فائده قامت بغضب من نومها وحياه امك يا ابن الزفره ليتعلم عليك النهارده كمان.
قامت اتجهت الى المطبخ وفتحت الثلاجه وجدت بيضتان امسكتهم فجاء لها صوت اخيها مروان الذي يبلغ من العمر ثمان سنوات اتفزعت مرام فوقع البيض على قدميها اعااا،.
مرام وهي تنظر الى مروان بغيظ عاجبك كده خضتني قلت دا ماما.
مرام وهي تنظر الى البيض المسكوب على قدميها خلاص بقى ما لكوش نصيب انكم تبقوا على وشه النهاردة هلمكم واحطكم على شعري.
كان اخاه الصغير ينظر اليها بشمئزاز ..
مرام:- بتبصلي كده ليه ياض وبعدين الوليه امك فين.
اخوها و هو ما زال ينظر اليها بشمئزاز قال:- نزلت تشتري سردين علشان الغداء مرام وهي تشد في شعرها الوليه دي عايزه تموتني ناقصه عمر انا ما بحبش السردين يا ناس.
دخلت والدتها وفي يدها كيس السردين عنك ما طفحتي يا ام اون.
مرام بتذمر:-يا ماما حرام عليكي احنا مش لسه واكلين اول امبارح سردين وامبارح عدس.
ميار:- طيب ما انا اهو ست كريمه وعملتلك تنوع امبارح.
مرام وقد طفح بيها الكيل:- يا ماما اطلعي هاتي فرخه من اللي انتي مربياهم على السطح دول ومخللاهم كأنك بتغيظينا بيهم .
ميار:- اخرسي.. ميار وهي ترفع سببتها في وجه مرام اياك تجيبي سيرتهم تاني يا حيوانه ثم نظرت الى قدم مرام.
فخافت مرام جاءت لتاجري تزحلقت في زلال البيض امسكتها امها بالشبشب اشبعتها ضرب والاخرى تصرخ اه حرام عليكي يا ماما ده انتي لو مرات ابويا مش هتعملي فيا كده.. لا لا لا ما تضربيش على التوتا بتوجع يا ميار.
________________
الساعه 2 ظهرا.
مرام:-الو ما تخلصي يلا يا دنيا علشان كابتن ديما هتهزقنا على التاخير ده.
دنيا:- ما انتي على طول بتتهزئي ايه الجديد يعني.
مرام:- لا ما انا خلاص قررت اوضع لنفسي كرامه.
دنيا"- اوضع!!! ماشي يا مرام انا هطلع من شقتي استناك اهو واخلصي انتي يلا .
مرام:- اشطا يلا.
خرجت مرام من غرفتها وهى تنادي على والدتها يا مياااار يا مياااار وهى تكتم انفاسها من رائحه السردين الذي تقليه والدته.
بتزعقي على ايه يا متخلفه انتي هو انتي فاكره نفسك في الشارع ولا ايه ؟عايزه ايه اخره صبري؟
مرام وهي تقترب منها وتقرصها من خدها بمداعبه ميار يا قمر يا عسل انتى بنتك حبيبتك عايزه منك 100 جنيه ميار بصوت جامد هتعملي بيهم ايه احتضنتها مرام وقبلتها من خدها وامسكت يديها بهدوء لكي تضمن انها لن تنضرب هتغدى انا ودنيا بره بعد التدريب يا نبع الحنان يا....
ميار:- بس بس خلاص روحي خدي من البوك اللي على الترابيزه عندك.
مرام:-والله احلى ميار في الدنيا وقبلتها من خدها.
ميار:- 100 واحده بس يا مرام انتي فاهمه.
مرام وهي تذهب حاضر يا مامتي فتحت البوك واخذت 200 جنيه وهي تبتسم بخبث مع السلامه يا ميار فتحت الباب شقتها وجدت صديقتها دنيا هي الاخرى تدلف من شقتها انهم اصدقاء وجيران في نفس العماره وشقتهم قصاد بعض
دنيا بمعاكسة:- ايه عود البطل ده اللي هيمشي معايا كده في الشارع.
كانت مرام جميله جداً ساحره صغيره كانت ترتدي ملابس سوداء رياضيه مجسمه بأكمام طويله تظهر عودها الجميل وكوتش ابيض وتحمل شنطة مستلزماتها على ظهرها وشعرها الحرير الطويل الذي يصل الى بعد ظهرها بكثير كانت رفعاه على شكل ذيل حصان بلونه العسلي المايل الى الذهبي.
مرام:-والله انتي اللي قمر يا دنيا يلا يا صاحبي الحلو اللي رافع معنوياتي.
دنيا:-يلا يا حبيبتي.
وهم نازلين اوقافتها دنيا الراجل بتاع السردين اللي رشقتي البيض في وشه لو شافك هيعلقك.
مرام وهي ترفع صوتها هيعلق مين يا ماما هي سايبه ولا ايه لو جه جنبي انا عارفه كم حركه هيعرفوه قيمته هو وعضلاته النفخ دي.
بقلم /مرام محمد
دنيا:- مرام الله يخليكي احنا مش عايزين فضايح في الحاره احنا هنمشي على طول من غير ما نلفت انتباهه.
قالت مرام بكل فخر يلا يا دنيا يلا يا حبيبتي انتي شكلك لسه ما تعرفيش صاحبتك لحد دلوقتي معاكي الوحش مرام محمد بعون الله.
خرج الفتيات من باب العماره وهم يتحدثون فجأه احست مرام بيد قويه طوقت على يديها وجذبتها ناحيه سياره موجوده في الشارع حاصرها هذا الشاب بينه وبين السياره وهو ممسك بيديها اعلى راسها وينظر اليها بغضب كالجحيم وعيونه الحاده و حجبيه السوداء السميكة المعقوده .
كل تفكير مرام في هذه اللحظه هو هذا الوضع المخجل وقربه منها بهذا الشكل.
قاسم بصوته الرجولي الحد:- لعبتي في عداد عمرك يا شاطره.
ارتعبت الفتاه المسكينه (قال وحش قال )وكل ما كان بيديها هي ان تصرخ ولكنه كان الاسرع عندما كمكم فمها بيده كانت تحاول التخلص وهي تتحرك بوجهها بمعنى الرفض.
اخذت دنيا تصيح فيه سيبها لو سمحت ما ينفعش كده.
ولكنه كان لا يرى ولا يسمع اي شيء فقد كان تائه في عينيها المذعوره الواسعه بلونها الاخضر المائل الى اللون الزيتوني ورموشها الكثيفه وجفنها الذي يكسوها لون احمر من شده بياض بشرتها ازاح يده عن فمها بهدوء وهو ما زال تائه ويتاملها جيدا بانفها الصغير واحمرار خدودها الطبيعي وشفتها المنتفختين بشكل مغري افقته من شروده بصرخها المزعج العالي.
بقلم /مرام محمد
جاء في هذا الوقت صديقه خالد جذبه بعيداً عنها وقال، ايه اللي انت بتعمله ده يا قاسم؟ثم اخرج خالد هاتفه وفتحه على مقطع فيديو خد شوف اللي بيحصل هناك .
اندماج قاسم فى الفيديو .
بخالد"-وجه نظره الى هذه التي كانت تستجمع انفسها بصعوبه ودموعها المغرقه وجهها ،احنا اسفين يا انسه على اللي حصل ويا ريت برده تخليكي في حالك احنا مش فاضيين لشغل العيال ده قال بتهديد المره الجايه انا اللي مش هرحمك، مفهوم؟.
كادت مرام ان ترد عليه بغضب ولكن جذبتها دنيا من يديها وهي تمشي ماشي يا استاذ واحنا كمان اسفين واشارت دنيا الى توك توك في هذه الحاره اوقفته يلا يا مرام يلا،
كان قاسم وخالد يعطينهم ظهرهم وهم مندمجون في هذا الفيديو ويتحدثون بجديه، فهذه العنيده لم تمشي هكذا دون ان تاخذ حقها امسكت شنطتها بيديها ورفعتها ونزلت بها بكل قوتها على ظهر قاسم وركبت التوك توك سريعا وصاحب التوك توك ما زال واقف ينتظر ماذا سيحدث.
مرام بانفعال الى صاحب التوك توك:- وحياه امك!!! ما تجري يا ابن الهبله لو مسكنا هيفرمنا اتحرك التوك توك سريعا.
بقلم /مرام محمد
وتركت قاسم الذي تغلي بداخله البراكين يا بنت**** انا قاسم جمال القاضي تقف قصاده حته عيله وحياه امك جحيمك هيبتدي من النهارده.. فماذا سيحدث؟
2
خالد:-قاسم طلع البنت من دماغك دي شكلها دماغها لسعه واحنا عندنا شغل مهم.
قاسم بغضب وعيون حمراء وصوت جحيمي هي اللي جابته لنفسها ووقفت قدام قاسم جمال القاضي .
خالد وهو يضرب كف على كف طالما حطيتها في دماغك كده يبقى الله يرحمها حاول خالد ان يهدئ قاسم لانه يعلم صديقه ويعلم مدى قسوته ويرى الفتاه صغيره ولا تقوى على افعال هذا الخبيث، قال بصوت هادي وعقلاني بلاش يا صاحبي اللي انت بتفكر فيه البنت شكلها صغير وغلبانه كفايه البنات اللي في حياتك ويا سيدي لو على اللي عملته اعتبرها سيدرا اختك الصغيره وغلطت.
قاسم بصوت عالي وتحذير :-خالد خليك بره الموضوع ،البنت دي حسابها معايا تقيل وهعلمها الادب فما توقفش في طريقي عشان ما تزعلش ،مش حته عيله تقف قصاد قاسم جمال القاضي وتحط عينها في عينه روح امها لازم تدفع ثمن جرائتها دي.
خالد بقله حيله لانه يعرف ان قاسم عنيد الى الغايه :-ماشي يا قاسم باشا ممكن نركز دلوقتي في اللي احنا فيه.
قاسم :-هم خلاص كده وقعوا وهيسلمو النهارده وهجيبهم ولاد الكلب دول واحد واحد.
_________________
دنيا:- يخرب بيت عقلك يا مجنونه اقسم بالله يا مرام انا جبت اخري منك وهي تقلدها بسخريه معاكي الوحش مرام وانا بتدرب دفاع عن النفس وهو مش هيقدر يعمل لي حاجه وانتي كنت زي الفرخ المبلول وهو ماسكك زي حرام الغسيل.
مرام بنرفزه:- الحيوان الجبان ده هو اللي خدني على اخوانه وبعدين الحركه دي ما كنتش اتمرنت عليها وفضي بقى يا اختي السيره دي عشان بتخليني هنفجر، ثم نظرت الى سائق التوك توك ما تشغل يا ابني اغنيه بدل الملل ده حتى الواحد ينسي خلقه اهله دى.
دنيا:- انتي كمان لكي نفس تسمعي اغاني يا برودك يا شيخه.
السائق بسخريه:- اشغل اغنيه ايه يا كابتن مرام الوحش ضربتهم مرام فجأه بالحقيبه على دماغه:- خفه دم اهلك دي مش ناقصاها يا خفيف.
مسك الراجل راسه بالم اه كده برده يا وحش ده انا بهزر معاك.
مرام طب المره الجايه الضربه بغيبوبه على طول وهوقعك من التوك توك واسرقه منك.
خلاص خلاص ايه يا حاجه الافترا ده.
مرام:- بتبرطم تقول ايه؟
= بخوف ولا حاجه بقول اشغل اغنيه ايه .
مرام بغرور شغل اغنيه بطل الكوكب وحش الكون على التيك توك دي اجمل بنت.
اشتغلت الاغنيه واخذت مرام تصفق وتغني معها .
دنيا بخبث :-بقول لك ايه يا وحش الكون انا حاسه كده ان دي بدايه قصه الحب اللي هتبدا زي الروايات .
مرام :-حجه اهدي وما تطبقيش رواياتك الحمضانه دي عليا واكملت بكبرياء وبعدين دا مش من مستوايا بائع السردين انا يا حبيبتي هبقى دكتوره ان شاء الله ويوم ما ادخل حد في حياتي يكون نفسي مستوايا دكتور ظابط كده يعني.
دنيا برفعت شفاه بسخريه"- مستواك!!! يا بنت ميار.
مرام بثقه :-ايوه مستوايا يعني انتي ترضيهلي دكتوره مرام متجوزه بائع السردين ويا ريته حتى كان بيبيع حاجه تانيه غير السردين اللي ما بكرهش في حياتي قدُ .
دنيا:- هههههه
_________________
بعد مرور ايام
خالد:- دماغك سم يا قاسم باشا كده خلصنا عليهم هم وكل الوكر بتاعهم بمنتهى السهوله.
كان جالس بهيبته وهو مرتدي بدله سوداء وينفخ دخان سجائره السمينه ببرود .
اكمل خالد بخبث:- كده بقى خلصنا من الحاره والسردين والتنكر يعني ما فيش لزوم نروح هناك تاني نشوف القضيه التانيه بقى يا حضره الظابط.
نظر قاسم في عيون خالد بحده وبمكر:- قلت لك ما تدخلش في الموضوع ده يا خالد.
_________________
مرام بنداء وصوت عالي من الفرح:- يا ماماااا يا ماماااا كانت ميار تصلي وهي تنتهي وتسلم من صلاتها ثم نظرت الى مرام بحده هتعقلي امتي وتبطلي تخضني كده يا بنت الجزمه.
ذهبت اليها مرام واحتضنتها وهي تقبل جبينها وهي تقول بفرحه وحماس نجحت يا ماما وجبت 99% .
ميار:- بجد الف مبروك يا نور عيني اكملت بجهل يعني حلو ده ولا ايه ولا ايه؟ هيدخلك طب اسنان؟
مرام:- يا ماما بقول لكي 99 % يعني ادخل اي قسم انا عايزاه مش اسنان بس واكملت بابتسامه حالمه بس انا قررت اكون دكتوره تجميل .
نظرت اليها والدتها وهي تضع يدها على خدها وتطالعها بحده ممزوجه بسخريه:- تجميل ايه يا روح امك بنت انتي حلم ابوك لازم يتحقق.
مرام:- بس يا ماما قالت ميار بجديه والنبره لا تقبل النقاش الكلام منتهي يا يا مرام هو طب اسنان يعني طب اسنان.
مرام وهي تحاول اقنعها يعني يا ماما بذمتك ده شكل دكتوره اسنان او شكل واحده عقله اصلا او جد، وبعدين انا شايفه ان انا وجهة لعيادات التجميل بحلاوه امي دي ههههه.
ميار سخرية وهي تقلد ضحكته ههه،بإمارة عمك مدحت العطار اللى محدش منفعهو غيرك بالوصفات بتاعتك المقرفه دي .
مرام :-وهي تضع سببتها في وجه ميار بطريقه مصطنعه ميار مسمحلكش تقللي من جمال المبهر انا حلوه اصلا من الاساس بس انا بحب اهتم بنفسي وهي ترفع شعرها الى اعلى بعيد عن وجهها وقد تناست موضوع الجامعه اسكتي يا ميار عملت حته وصفه للشعر جابته على ملا وشه طب بذمتك بصي مش هو كان اللي عند اخر ظهري وهي تلتفت لوالدته شوفي عدى ال ههههه ازي.
ميار:-هههه اه تصدقي يا بت يا مرام وصفه ايه دي؟
مرام حاجه بسيطه خالص يا مامتي معلقتين قرنفل على معلقتين روزماري عليهم كوبايه ميه سخنه نقعتهم 24 ساعه وبعدين حطيتهم في بخاخه فاضيه كانت عندي وكل يوم قبل ما انام ارش على شعري، ها بقى يا ماما علشان خاطري تجميل او حتى جلديه.
ميار بطريقه مصطنعه مسكت قلبها:- اه قلبي يا مرام اه هموت حرام عليكي يا بنتي انتي عايزه تموتيني.
جاء اخيها الصغير مروان وهو يجري على والدته ويبكي ماما يا ماما ما تموتيش.
مرام بدموع وقلق على والدتها:- خلاص يا ماما والله هدخل طب اسنان، اهدي وفوقي عشان خاطري.
مروان وهو يبكي يا ماما.
ميار نظرت الى مرام بنصف عين يعني خلاص يا مرام طب اسنان.
قبلتها مرام من وجنتيها وهي تحضنها طب اسنان بس قومي يا ماما عااا.
دفعتها ميار بشده فوقعت مرام، مرام وهي تحاول ان تستوعب اية الصحه دي يا ميار شكلك كنتي بتشتغليني ولا ايه؟
ميار وهي تجذبها من شعرها بقى يا بنت الجزمه اقول لك خدي 100 واحده يومها تاخدي 200 لييييه .
مرام :-يعني يا وليه يا ظالمه جايه تفتكري دلوقتي،اه سيبيني وحياه عيالك يا شيخه اه، مرام وهي تنظر الى مروان ما تقول لامك حاجه يا عجل انت صفعها بالقلم هو الاخر وهو يتكلم بغضب وصوته الطفولي:- اوف يا شيخه قرفنا منك.
مرام وهي تحاول الافلات من والدتها خلاص جوزوني وانا اوعدكم مش هتشوفوا وشي تاني، واخيرا هربت مرام من قبضه والدتها وهي تجري ناحيه غرفتها .
والدتها بصراخ:-عايزه تتجوزي يا مقصوفه الرقبه انتي لسه قدامك مشوار يا حبيبتي لازم تبقي دكتوره قد الدنيا.
مرام :-والله يا ماما انا مش بتاع علام ولا شغل وهدت حيل انا عايزه اتجوز واعيش انا وقره عيني على حب في حب.
ميار:- طب يا ستي شاديه ارجعي لعقلك بدل ما اجي افتحهلك .
مرام :-اهدي يا ميرو يا حبيبتي ده انا بهزر معكي، طب انا هدخل اشوف البنت دنيا عملت ايه هي كمان.
_________________
في قصر اقل ما يقال عليه قمه من الفخامه والرقي والجمال قصر عائله القاضي يوجد اللواء جمال وهو يجلس بهيبته وهو لا يروق له سماع هذا الدلع الذي يصدر من فتاه ترتدي فستان ازرق لبعد الركبه كب من غير حمالات يظهر اعلى صدرها وظهرها بشكل مستفز وملامحها الجذابه الى الغايه ولم لا وهي تخضع لكثير من عمليات التجميل من شد الوجه ونفخ الشفايف وحتى تجميل اسنان كل شيء فيها عباره عن تجميل حتى جسد'ها لم يسلم من التجميل تحدثت الى زوجه جمال القاضي ريهام الست الشيك الهادئه هايدى :-والله يا طنط انا ما شفته من يجي 10 ايام ولا سال عليا ولا اي حاجه وكل اما ارن عليه يكنسل عليا فورا.
جمال بجديه:- ما تنسيش ان خطيبك اكفاء ظابط شرطه يا هايدي ومش فاضي للعب العيال بتاعك ده اهدي عليه شويه.
ريهام :-والله يا جمال هو مزودها وهي عندها حق لازم يسال ويهتم بعروسته شويه ما تزعليش يا حبيبتي انا هكلمه .
هايدي :- يا طنط انا ببقى عايزه اروح له في شغله اتكلم معاه وجها لوجه بس اخر مره رحت له زعق فيا جامد وطردني وخلى شكلي وحش قدام القسم كله.
جمال وهو يبتسم بسخوريه على هذه الفتاه عديمه الكرامه التي لا تعرف في حياتها غير المناظر والاموال فقط قام ووقف عن اذنكم انا داخل ارتاح شويه علشان صدعت.
بعد ان خرج امسكت ريهام يد هايدي ما تزعليش نفسك يا حبيبتي هو طالع لابوه بس عايزه اقول لك يعني يا هايدي نصيحه ممكن.
هايدي بتهكم :-
اوف كورس اتفضلي يا طنط.
ريهام:-
يا حبيبتي قاسم مش بيحب طريقه الحصار بتاعتك دي وبعدين لبسك ومكياجك الاوفر ده بيخلوه يتضايق منك.
هايدى:-
هو قال لك حاجه ولا ايه يا طنط.
لا يا حبيبتي ما انتي عارفه قاسم ما بيتكلمش مع حد نهائي بس انا ام و بفهم ابني من نظره من غير ما يتكلم.
قامت وهي تظفر بملل و تتجه ناحيه الباب اوك يا طنط هعمل بنصيحتك بس عمره قاسم معلق على لبسي ولا على مكياجي ولا حتى بيسالني انتي خرجتي فين او مع مين او سهرت فين .... مضطرة امشي دلوقتي علشان اروح البيوتي سنتر اظبط نفسي علشان هنسهر بالليل انا واصحابي عن اذنك.
ريهام وهي تتعجب لامر هذه الفتاه وتضرب كف على الاخر بقول لها بلاش مكياج اوفر تقول لي راحه راح البيوتي سنتر وسهر والله يا ابني انا ما انا عارفه انت بالي نفسك بالهم دا ليه.... بس غريبه يعني مش طبيعه قاسم ان هو يسمح لحد في حياته باللبس والمسخره اللي هي عاملاها دي.
_________________
خبطت ميار على غرفه مرام.
ميار:-
مرام يلا يا حبيبتي عشان نلحق ميعادنا.
فتحت مرام غرفتها خلصت اهو يا ماما يلا.. انا بس هودي مروان عند دنيا.
ميار :- ماشي يا حبيبتي عقبال ما تبقي دكتوره كده وتكشفي عليا انتي بدل ما انا متشحططه كده عند الدكاتره بدروسي دي.
مرام:-
ان شاء الله ...وهي تمازيحها بس هتدفعي حق الكشف يا ميرو .
ميار
هتدفعي امك حق الكشف اشوف فيك يوم يا مرام واحد يظبطك ويربيك بدل ما انا ما عرفتش اربي.
ضحكت مرام :-
مش هدفعك حاجه يا ماما انا بس بنكشك ...وبعدين مين ده اللي يظبطني اللي هيدخل في حياتي امه داعيه عليه اصلا ً.
_________________
قاسم:-
ايوه يا فتحي ايه اللي عندك احكي.
فتحي:-
ايوه يا باشا البنت اللي انا برقبها خرجت هي وامها .. هم دلوقتي عند دكتور أسنان.
قاسم بهدوء:-
تمام خليك وراها كل تحركاتها تكون عندي.
فتحي:-
تحت امرك يا باشا.
عند الدكتور
مدام ميار عادل حسني.
ميار
ايوه يا بنتي.
= اتفضلي يا مدام دور حضرتك.
قاموا ميار ومرام الى غرفه الكشف.
مرام بصوت هامس لوالدتها
اسم ده ولا معزوفه موسيقيه يا حلاوه اسمك ياما.
ميار بسخرية :-ياما!! ما انت واحده معدومه الرقة.
فاقو من همسهم على صوت الدكتور الهادي لوسيم صاحب العيون الزرقاء
اتفضلوا ،
ايه المشكله وهو ينظر مرام .
ميار "-
انا يا حبيبي دروسي وجعاني كنت حاشيهم قبل كده والحشوه وقعت.
= طب اتفضلي حضرتك .
وهو عينيه لا تشيح عن مرام التي كانت تنظر وتتعرف على الغرفه وعلى الادوات الطبيه للأسنان بسرحان بعد.
ان نظر طارق على اسنان ميار تمام احنا هننضف كويس النهارده وهتجي لي بعد يومين اعمل لكي الحشو .
قامت مرام من على الكرسي وهي تتفقد الادوات جيداً وتمسك الاشياء وتتفحصها.
طارق الذي ما زال ينظر اليها بشرود ميار بصوت هامس لطارق حلوه مش كده ؟
هذا طارق راسه بايجاب وهو ما زال شارد فيها وخصوصا عندما انفكت كعكه شعرها التي كانت تعقدها الى الاعلى وينزل منها بعد الخصلات المتمرده على وجهها فعندما اندسل شعرها بلونه وطوله على ظهرها والبعض على وجهها اصبحت فاتنه اكثر بملامحها الجميله وبشرتها شديده البياض.
ميار بنفس الهمس:- قدمت السنه دي في طب اسنان هتبقى دكتوره اسنان زيك وتيجي تساعدك بعد الجواز وتعملوا مركز طبي كبير لعلاج الاسنان والله يا ابني انا ما كنت ناويه اجوزها خالص غير اما اطمن ان هي بقت دكتوره بس انت ارتحيلك لله في الله ليقين على بعض اوي وفيكم شبه من بعض نفس البياض وعينيها ملونه زيك صح انت عينك زرقه وصحيح انا مش عارفه احدد لون عين بنتي لحد دلوقتي بس هتجيبوا عيال اجانب بحلاوتكم دي.
طارق بسرحان:-اممم هخطب....
فاق من حالته عندما سمع صوت الاشياء التي تنكسر من على مكتبه.
مرام وهي تنظر اليه بصدمه:- صلى على النبي يا دكتور ميار متكلفة بحق الحاجات اللى اتكسرت .
ذهب طارق اليها وهو يزعق فيها
ايه اللي انت عملتيه ده.
رفعت مرام سببتها في وجهه:-
انت بتزعق ليه ياض.
طارق:- ياض!!! ما تحترمي نفسك يا بنت انتي.
ميار:- بت مين ياض يا ملزق انت هتعمل نفسك علينا دكتور ولا ايه ولا علشان شكل عمرو يوسف يعني بحلاوتك دي.
طارق:-
هو بجد انا شكله في ناس كتير على فكره قالتي كده.
انسجمت مرام معه اه والله تقول فوله وانقسمت نصين هو انت اخوه التؤام ولا ايه .
ابتسم طارق لها ونسى ادواته المتكسره وتناسى والدتها التي تنظر اليهم بخبث .
لا انا ما اعرفوش اصلا غير انه ممثل طارق وهو مزال ذاهب معها الى عالم اخر ومبتسم يعني انا شكلي حلو عاجبك؟
مرام تلقائيه :-لا
طارق بدهشه :-ايه!!!
مرام:-
انا اصلا مش بحب عمرو يوسف ده دمه يلطش زيك كده.
عض طارق على شفتيه بغيظ ووجه نظره الى والدته التي كانت وما زالت تتابعهم، هاجي النهارده بالليل اشرب معكم شاي.
ابتسمت ميار تنور يا دكتور .
مرام هي تنظر اليهم بعد فهم وعصبية وحد قال لك ان احنا فاتحينها قهوه يا بابا ولا ايه ما تشرب في بيتكم.
طارق بنفاز صبر:- قهوه ايه!!؟ افهم بس انتي نجحت في الثانوي ازاي وجبت طب بدماغك المهلبيه دي، ثم قال في سره شكلها هبله وهتتعبنا معاها ،جايه اخطبك وبعدين اتجوزك يا استاذه مرام.
بلمت مرام بصدمه واندهاش.
طارق هتفضلي فاتحه بقك كده كتير.
ادركت مرام الموقف وخجلت ووضعت وجهها الذي اشتعل احمر الى الاسفل .
ميار بتعجب:- هي مرام بنتي بتتكسف يا ولاد جديدة عليا دي.
-------------------
قراءه طارق الفاتحه على مرام وحددهُ ميعاد الشبكه بعد اسبوعين.
-------------------
وبعد يومين.
مرام :-هتتاخرو يا ماما؟
ميار:- لا يا حبيبتي هنطمن على خالتك وجايين ان شاء الله النهارده.
مرام:- تيجوا بالسلامه سلميلي على خالتو ،ثم نزلت لمستوى مروان وهي تداعبه في وجهه حبيب قلب مرام هيجيبلي حاجه حلوه وهو جاي ؟همست في اذنه عيط للوليه دي طول الطريق عايزاك تجيبلي شنطه كبيره مليانه حاجه اتفقنا .
مروان بطفوله :-اتفقنا .
مرام:- بيس يا مان.
مروان وهو يرفع يده بيس يامان.
ميار :-بسبس ايه يااختي انتي وهو ما تيلا يا ابني عشان نلحق نقعد مع خالتك شويه ،وانتي يا مرام خلي بالك من نفسك يا حبيبتي وخلي دنيا تيجي تقعد معاكي.
مرام:- ما تقلقيش يا مامتي وراكي رجاله مع السلامه.
-------------------
فتحى:-
الو ايوه يا باشا امها واخوها خرجوا دلوقتي.
كان يجلس على مكتبه ينفث دخان سجائره وتحيطه هاله كبيره من دخان هذه السجائر ابتسم بخبث:-
مكالماتك دي جايه في وقتها يا فتحي لسه مخلص مهمه وقاعد فاضي، طفى سجائره، خلينا نتسلى شويه.
فتحي:- عاش يا باشا ما فيش مهمه بتدخلوها انت وخالد باشا الا لازم تتم بنجاح وتعلم على المتهمين وحوش الداخليه عاش.
قاسم:- وانت كمان هقول لك على مهمه يا فتحي وعايز اقول لك عاش بس مش دلوقتي .
قام واخذ جاكيت بدلته من على المقعد وارتداه وذهب الى مشاغبتهُ.
وصل عند شقتها وخبط الباب .
مرام في الداخل كانت تاكل :-هي البنت دنيا لحقت تيجي ده كانت قايله هتعمل شاي لابوها الاول وبعدين تيجي قامت مرام لتفتح الباب بفمها الممتلئ بالاكل بشكل مضحك وملابسها التي كانت عباره عن سلوبته بيتي مجسمه وشعرها المنسد وراءها فتحت الباب فوجدت رجل جذاب بعيون بني كلون القهوه وشعر اسود كثيف وبشره برونزيه ولكن وجهه حد الى الغايه بجسد رياضي تكاد بدلته تنفجر من ضخامه كتلتهُ العضليه ظلت ثواني تحدق فيه وهي فاتحه فمها الذي ما زال يملأهُ الطعام ثم حاولت بلعه سريعا وحاولت تداري احراجها.
مرام:- احم حضرتك عايز مين؟
قاسم:-
كان ينظر اليها بعيون تلمع بها الخبث والتوعد قال بسخريه واستغراب:- حضرتك!!! طب بعيدا عن الادب دا اللى انتى متعرفيش عنه حاجة ،معقوله ما عرفتنيش؟
مرام :'لا ده انت شكلك مش متربي بقى وعايز تاخد على دماغك يلا يالا اتكل على الله ،كانت مرام على اعصابها من هذا الرجل ومن نظراته الحادة الخبيثه وطريقته حاولت تتذكره ولكن لا تتذكره نفخت بملل وسخريه :-لا والله ما عرفتكش يا نجم اتكل على الله بقى وهوينا ،قالت اخر كلمه بقرف، وكادت ان تقفل الباب في وجهه ،ولكن امسك الباب قبل ان تقفله وصوتي مش فاكراها برده طب عاميه وقلنا ماشي عشان الجلابيه والعمه والشنب كمان طرشه.
قالت مرام وهي تحاول الاستيعاب انت بتاع السردين!!!؟؟
خافت مرام منه كثيراً حاولت قفل الباب سريعا ولكنه كان الاسرع عندما وضع قدميه بين الباب ودفعها الى الداخل ،ودخل وقفل الباب جيداً.
وقبل ان تصرخ وضع يده على فمها، حاولت هي ان تنفذ حركه من حركات الدفاع على النفس التي تتدرب عليها فمدت يدها سريعا وبشراسه لتضغط على مناطق الضعف في رقبته وقبل ان تصل لرقبته، بسرعة بديهه امسك يداها الا ثنين سريعا بيد واحده ويداه الثانيه ما زالت تكتم فمها واخذ يقهقه عالياً مستفزاً اياها اكثر:- والله عجبتني حركات الدفاع عن النفس دي بس للأسف مش هتعرفي تنفذيها معايا، حاولت ان يتركها بشراسه واخذت تركله في قدمه بقوه .
قاسم:-
ابتسم بسخريه قلت لكي ما تحاوليش....
هسيبك بس مش عايز اسمع صوتك المزعج ده فااااهمه؟ لو سمعت صوتك المقرف المزعج دا هي طلقه في نص دماغك ونريح البشريه كلها منك الى الابد، هزت راسها سريعاً بمعنى موافقة، تركها وابتسم لها بسخريه وهو يمد يده ليلمس شعرها شطوره خليكي مطيعه احسن لك.
ابعادته عنها بعنف سريعاً وصرخت في وجهه:- انت بني ادم مستفز وحيوان وشبه السردينة المعفنه وحياه امك اللي ما عرفتش تربيك ل تدفع تمن الهبل اللي بتعمله ده غالي اوي .
امسكها من عنقها بغضب :-هي كده بقي جابت اخرها وحياه امك يا زباله لعيشك بقيت حياتك عينك مكسوره مش هتعرفي ترفعيها في حد تاني.
يا ترى هيحصل ايه؟
تعليقات
إرسال تعليق
فضلا اترك تعليق من هنا