رواية طوق نجاه الفصل السادس عشر 17بقلم مرام احمد
رواية طوق نجاه الفصل السادس عشر 17بقلم مرام احمد
نظرت له بشمئزاز وقالت بسخريه:- واد... وحته ...وبيو'لع ...ايه دا يع بيئة اوي لا ما ينفعش نتجوز.
قاسم :-وحياه امك!!! انتي مش عايزاني يا مرام وبتتلككي وانا مش عايزك تيجي على نفسك ولا حاجه انا ماشي.
ولفه وجهه بحزن وكاد ان يمشي ولكن اوقفته بصوتها الباكي :-على فكره انت رخم ..
قاسم: بتعيطي ليه طيب دلوقتي انتي عايزه ايه؟
مرام :-عايزاك تحس بيا انت ما بتفكرش غير في نفسك وبس.
قاسم بسخوريه على كلامها:- ايوه مش فاهم عملت ايه يعني للكلام دا.
مرام :-ااانت ما عملتش حاجه بس انا والله خايفه ومتوتره اصل انا عمري ما كنت مرات حد قبل كده... وبعدين انا مش بتاع مسؤوليه ... ومش بحب اسيب ماما ومروان ابداً.
قاسم بحنان:- مرام انا بحبك و بعشقك فوق ما تتخيلي والله ما تخافي مني وبعدين مامتك تبقى زي امي ومش هسيبها هنا لوحدها هتيجي معانا هي ومروان مش انتي بتحبي ريهام وسدراه وانكل جمال وعبير.
ايماءت برأسها بهدوء.
قاسم كان بداخله مستغرب من نفسه هل وصل به الحال للمسايسه والتحايل وكأنه يراود طفلتهُ الصغيره المدلله والغريب انه على قلبه مثل العسل. قاسم:' طيب مش عايزه نكون كلنا مع بعض في بيت واحد.
ايماءت برأسها بمعنى نعم.
قاسم:- عارفه نكتب الكتاب دلوقتي واخدك الملاهي وهجيب لك كل اللي انتي عايزاه هقعدلكي يومين من الشغل يا ستي وهعمل لكي كل اللي في نفسك يلا بقى..
مرام :-اااانا كنت عايزه اقول لك حاجه الاول...
قاسم:- قولي...
مرام:- بحبك اوي....
وقبل ان يتحدث او يستوعب تركته وركدت الى الداخل ابتسم على حركاتها وذهب خلفها.
رأى خالد وجابر ممسكون بالمأذون الذي يريد ان يذهب .
خالد:- استهدى بالله سيدنا الشيخ ما هو انت هتجوزهم يعني هتجوزهم لأنهم مش مضمونين وكل شويه ماسكين في خنا'ق بعض واحنا عايزين نخلص بقى.
قاسم:-خلاص كله تمام احنا هنكتب دلوقتي.
خالد وجابر وهم يصفرون بمشاكسه.
خالد"- يا قاسم يا جامد ..
جابر :-عملتها ازاي دي يا بطل..
مروان بطفوله:- عسان هيوديها الملاهي انا سفتهم وهم بيتكلموا.
انفلت الكل ضحكين.
مروان:-وقالها يا زبادي بالفلواوله ما تجيب لي يا واد منك حته انا عايز زبادي بالفلواوله من معاكي يا مرام .
مرام بخجل وهي تتكلم من تحت اسنانها :-اكتم يا ابن ميار فضحتني هجيب لك اكتم.
ومن هنا لم يتحكم احد في ضحكته.
خالد:- ههه مش قادر اتخيل قاسم يوصل بالحل لدرجه دي هههه.....
جابر وهو يقهقه بأعلى صوته:- دا احنا شكلنا هنشوف العجب من قاسم بعد زبادي بالفراوله ما تجيب لي يا واد منك حته دى قهقههه....
ريهام:- جرا ايه يا رخم انت وهو ما يغازل عروسته زي ما هو عايز خليكم في حالكم يا سنجل يا بائس عارفكم غيرانين من ابني...
قاسم بغيظ:- تصدقوا بالله انا اللي غلطان اني جبتكم معايا شويه عرعر.
_________
بعد كتب الكتاب قام قاسم وهو ينظر لها بسعاده وحب مرام قامت بتوتر وخوف هي الأخرى وهي تبتعد الى الخلف.
مرام:- جرى ايه يا يلا اقف مكانك انا عارفه اللي هيحصل دلوقتي وتقولي بقى حضن كتب الكتاب ومراتي والجو دا عند امك لا مؤاخذه يا ريري.
ميار باحراج:-معلش يا ريهام يا اختي اصل ما عرفتش اربي منك لله يا شيخه فضحتينا .
خالد بمرح :-ما تزعلش يا قاسم تعالى احضنك انا ههههههه.
جابر بهمس لخالد:- امال دول هيعملوا ايه يوم الفرح ههه....
خالد بهمس:- صاحبك هيمشي يشد في شعره منها.
لقد وصل لقمه غضبه من هذه الحمقاء وفي لحظه كان ينتشلها بيديه القويه وحملها وهو يذهب بيها الى الخارج.
مرام بفزعه :- عاااا يا ابن المجنونه نزلننني....
مرام وهي تنظر الى الموجودين:- انتو بتضحكوا على ايه الحقوني لم تتلقى ردا من احد.
مرام:-عااا نزلني .....حاج جمال اقوله ينزلني.
جماله ويضحك عليهم :-لا والله واحد ومراته ما ليش اتدخل انا ...
ريهام بخوف :-ما تعملش فيها حاجه يا قاسم ونزلها.
ميار:- اسكتي والنبي يا ريهام سيبيه يربيها مش هوصيك يا قاسم يا حبيبي.
آخذها وذهب .
قاسم وهو يستحلف له :-انا تخلي منظري زباله وتحرجيني قدام اهلي واصحابي طب وحياه امك لربيك.
انزلها امام سيارته.
مرام بخوف:- مش قصدي يا سوسو والله حط نفسك مكاني واحد عايز يحضنك هتعمل ايه و...... ابتلع باقي كلامها في قب-له عاشقه ملتهفه.
دفعته بيدها بعيداً عنها وتحاول التخلص منه ولكن لم يتأثر بها ابداً وما زال كما هو يتمعن اكثر بقبلته ولم يترك شفتها الا لاحتياجها للتنفس قال هو يلهث:- هعمل كده..
كانت تقف فاتحه فمها بعدم استيعاب وهي ترتجف من فعلته ووقا'حته معها الى هذا الحد.
قاسم وهو مبتسم على منظرها بتسليه وهو يشاور بيده امام عينيها ليفقها من صدمتها:- هتفضلي فاتحه بوقك كده كتير ...
ثم جذبها تحت ذراعه تعالي بس اركبي الاول و....لم يكمل كلامه عندما دفعته وذهبت راكضه الى منزلها وهي تبكي عاااااااا.
كان ينظر لها بعدم استيعاب ثم ذهب خلفها وامسكها من زرعها ليقفها .
قاسم:-راحه فين!!!؟
ضر'بته في صدره وهي تبكي.
مرام:- انت قليل الادب لازم افضحك قدامهم كلهم فوق والله لاقول لأمك وابوك عليك .
جذبها قبل ان تذهب. قاسم :-انتي راحه تقولهم ايه !!؟
انتي مجنونه وبعدين مش معقوله ليفل الوحش في البراءه والغباء دا انتي مراتي دلوقتي يعني......
قطعته مرام :-خلاص يا عم مش عايزه اتجوز انت ما اتربيتش اصلاً وقليل الادب...
فهذا الوقت جاء لهم خالد وجابر الذين نزلوا وهم يضحكون بقوه على حديثهم.
جابر وهو يشاور له بصباعه بمرح :-عملتلها ايه يا قليل الادب انت ها ههههه.
اكمل وهو يغمز له بعينيه بخبث:- قول.. قول ما تتكسفش عملتلها ايه؟
تنهد قاسم بغضب وهو يتكلم من تحت اسنانه :-التلاث قضايا اللي في المكتب عندي هتشيلهم كلهم لوحدك يا جابر عشان تبطل تستظرف بعد كده .
خالد بخوف:- احم... طب بعد اذنكم يا جماعه همشي انا بقى ...الحمد لله لحقت نفسي كنت لسه هحفل.
جابر:- متهزرش يا عم قاسم تلات قضايا ايه الا اشيلهم لوحدي ولا انت علشان ابوك لواء يعني محدش عارف يكلمك .
قاسم:- اه يا ظريف هو افترا بقى ومفيش حد عارف يكلمني هتعمل ايه يعني، قال جملته الأخيره وهو يشمر اكمام قميصه.
جابر وهو يبتعد عنه بخوف:- لا وحياه ابوك يا صاحبي ايدك تقيله بلاش ضر'ب، وذهب راكضاً.
مرام بخوف منه هي الأخرى وهي تتراجع للخلف:- ايه!!!؟ متبصليش كده يا عم انت والله بخاف وهعيط اوي ومفيش حد يعرف يسكتني.
قال بنبره جاده:- تعالي ورايا واخلصي.
وذهب ناحيه سيارته وهي وقفت مكانها بتوتر تنظر الى الأعلى وهي تشاور عقلها ان تركض سريعاً قبل ان يلحق بها .
قاسم بحده:-لو عملتيها وطلعتي هجي اجيبك من شعرك تعالي احسنلك.
مرام بخوف:- ااانا اصلاً جايه اهو ما كنتش بفكر اطلع على فكره خالص...
فتح لها الباب في الامام بغضب مرام بخوف من هيئته:-اانا هركب ورا...
قاسم بتهد'يد :-هي ثانيه واحده وان ما ركبتيش حالاً ما تلوميش غير نفسك.
مرام:- سيبني اركب ورا لو سمحت.
قاسم:- كان زمان يا مدام و يلا اخلصي.
مرام ببراءه:- ماشي هركب اهو بس صالحني الاول واتحايل عليا شويه علشان مش عايزه احس ان انا ما بجيش غير بالتهديد.
انفلتت ضحكته رغماً عنه على براءتها وعفويتها:- انا مش عارف هاصالحك على ايه بس خلاص متزعليش.
مرام:- وانا مستحيل اقبل اعتذارك ده انا زعلانه منك ها وبعدين انت مش معترف انك غلطان ومش حاسس بندم على قله ادبك من شويه يبقى هقبل اعتذارك ازاي.
قاسم:-انتي هتشتغلي نفسك ولا ايه اركبي يا مرام اخلصي ربنا يهديكي ما تنسيش ان انا بقيت جوزك.. وفرحنا بعد اسبوعين.
مرام :-طب صالحني الاول .
قاسم بهدوء:- اركبي وانا هصالحك يا حبيبه قلبي.
ابتسمت له بحب :- ماشي ...بس انا خايفه اركب جنبك.
قاسم:- قسماً بالله يا مفتريه ما حد على وجه الأرض كله قدر يعمل معايا كده ولا يوصلني للحاله دي غيرك انتي.
مرام :-هو انا عملت ايه؟ وحاله ايه اصلاً؟
قاسم بسخريه:- عملتي ايه!!؟؟ حاله شلل وجلطه بس يا ملاك.... اركبي بقى علشان انا حاجز لك الملاهي كلها لكي لوحدك تعملي اللي انتي عايزاه طول الليل يا روحي.
ابتسمت له وركبت بفرحه يلا ننطلق هييي.
قاسم :-ههه يا مجنونه.... الناس كلها بتكتب كتابهم ويخرجوا في مكان رومانسي وهادي واحنا شغل الاطفال ده مش هيسيبنا ابداً.
مرام :- ايه مش عاجبك ولا ايه؟
قاسم:- اي حاجه منك على قلبي زي العسل والله انا بقيت اعمل حاجات عمري في حياتي ما كنت اتخيلها.
مرام بعفويه:- ربنا يخليك ليا انت اللي عسل.
اوقف العربيه على جانب من الطريق وبدأ يقرب منها بشوق تراجعت برأسها للخلف بخوف وتوتر.
مرام ؛-في ايه؟
امسك يداها وقبلهم الف مبروك يا حبيبتي مبروك عليا انت يا احسن حاجه حصلت لي في حياتي.
ثم تنهد بعمق وارتياح :-شكراً يا رب على هديتك العظيمه دي الحمد لله.
ادمعت عينيها بتأثير من فرحتها :-عمري ما كنت اتخيل انك تطلع سو كيوت كده يا كتكوتي.
تلاشت ابتسامته وتهجم وجهه باندهاش:- متظبطي يا بت انتي في ايه! اكمل بستنكار، انا سو كيوت وكتكوت هي دي اخرتها تخيلي حد كده يسمعك في القسم والمجر'مين اللي بتعامل معاهم هيبقى شكلى ايه .....
مرام :-الله مش بقولك كلام حلو يا سوسا.
_________________
بعد اسبوعين
كانت تقف في غرفه موجوده بالأوتيل الذي سيقوم فيه حفل زفافها على حبيبها وهي تلف بالفستان بفرحه كبيره.
مرام:- واو الفستان تحفه اوي.....
كان موجود معها في الغرفه والدتها وريهام وخالتها وسدراه ودنيا وعلياء صديقتها وعبير ومروان اخيها الصغير كلهم ينظرون لها بفرحه وسعاده وكلهم اجمعوا على جمالها وهم يباركون لها .
مرام:- انا بجد بحبكم كلكم اوي ربنا يديمكم في حياتي نعمه.
ريهام :-طب يلا يا عروسه العريس بقى رانن عليا يجي ميت مره مش قادر يصبر ههه.
ميار بتحذير:- مرام تخليكي عاقله يا حبيبتي وانتي قاعده في الكوشه بلاش شغل المهرجانات والهبل اللي بتعمليه ده.
ريهام:- لا اسمعي كلام مامتك يا مرمر علشان قاسم ما بيحبش كده واحنا عايزين الليله دي تعدي على خير.
دنيا بهمس :-مين دي اللي تبقى عاقله ربنا يسترها الليله دي.
مرام:- في ايه يا جماعه لا في ايه بجد انا اصلاً مش بتاعت كده ما تخافوش اوي .
ميار بسخريه:- مش بتاعت كده مين يا عينيا دا انتي بتاعت ابو كده يا اختي خليكي جدعه يا مرام انا نبهت عليك وكلنا قلنالك وحذرناك جوزك عصبي واحنا مش عايزين فضا'يح.
مرام :-إلا انا بشوف الأمهات في الليله دي بتحضن بناتها وتعيط والجو دا هو انا مش مأثره فيكم ولا ايه؟
ميار:- مأثره علينا يا حبيبتي... دا انا هخلي جوزك يمضي لي دلوقتي ان البضاعه المباعه لا ترد ولا تستبدل.
مرام:- وعلى رأيي مش عارفه مين كده الست دي امي شقيانه طول عمرها ما شالتش غير همي وانا اخر صبرها.
ريهام:- ههه لا هي مش قصدها يا مرام هي بتعمل كده بس علشان هي اصلاً هتيجي تعيش معانا هي ومروان يعني مش هتبعدي وتوحشيها ولا حاجه.
ميار:- لا اجي فين يا اختي انا مش هتحرك من شقتي.
ريهام :-ليه بس كده يا ميار تعالي اقعدي معايا وكمان قاسم مصمم.
ميار:- ميصحش يا ريهام وانا ما باخدش راحتي غير في بيتي ما تزعليش مني يا اختي ما ينفعش.
رن قاسم على والدته .
قاسم:-متخلصوا يا ماما في ايه كل ده؟
ريهام:- خلصنا اهو يا حبيبي ونازلين .
ريهام :-يلا يا حبيبتي..
كادت ان تخرج ولكن تفاجئت بوالدتها تحتضنها بشده وهي تبكي.
مرام بتأثير:-وهي تحتضنها بقوه ما انتي طلعتي امهات اهو يا ماما.
ميار:- كل ده من ورا قلبي يا نور عيني كنت عايزه ابان جامده وما عيطش بس ما استحملتش ربنا يفرحك ويسعدك يا قلب امك.
_________________
تنزل مرام من على الدرج هي وجمال الذي اوصلها الى قاسم تحت فرحه مرام ان ربنا عوضها بهذه العائله الطيبه وكلهم يحبونها وهي تحبهم،
أبتسم لها قاسم وكأنه اليوم حصل على مكافأته من هذه الدنيا فوجودها بجواره بالنسبه له طوق نجاه ينجو به من العالم فهي الوحيده على كوكب الارض من تشعر قلبه بالفرحه وتشعره بحلاوة الدنيا.
ابتسمت له بهدوء ثم زادت بسمتها اكثر واكثر :-والله كنت ناويه ابان تقيلةوجامده وكده بس مش عارفه انت طالع مز اوي يا سوسو.
ضحك جمال بقوه:- يا بختك بيها يا قاسم مش هوصيك عليها يا ابني والف مبروك.
قاسم:- الله يبارك فيك يا بابا.
امسك يداها الاثنين وقبلهم فامتلأت القاعه باصوات الصفير والتصقيف العالي من اصدقاء قاسم وهم يحيونه.
قاسم :-مش هستنى لما الفرح يخلص بحلاوتك دي يا باشا.
جمال :- احم انا لسه واقف على فكره ههه.
ثم اخذها وذهب وجلسو كانوا اجمل عريس وعروسه ملفتين ومشدين للانتباه من وسامتهم وتناغمهم مع بعض.
قاسم بغمزه :-بس ايه الحلاوه دي كلها يا عسل.
مرام وهي مبتسمه بخجل:- ميرسي... انت أعسل.
قاسم:-أعسل !!لا ما شاء الله انتي في فنون الرد معندكيش ياما ارحميني بس اي حاجه مقبوله منك يا عم بحلاوتك دي.
اشتغلت الأغاني الشعبيه وأغاني المهرجانات في القاعه.
مرام بحماس:-ايوه بقى ....تعال نرقص يا سوسو.
قاسم:- تبقي تعمليها وتقومي من مكانك يا مرام علشان ساعتها هتلاقيني بسقف على وشك.
مرام بتذمر :- اوف يا اخي حرام عليك بقى مش ده يوم فرحي علشان خاطري يا سوسو .
جابر الذي فاجئهم:- سوسو!!!! ثم انفلت من الضحك قاسم باشا بقى سوسو....طب يا سوسو الف مبروك.
قاسم وهو يسلم عليه بتهكم :-عقبالك يا رزل.
جابر:- يا سلام... وابقى جوجو هههه.
خالد بتسليه :-مبروك يا سوسها ...
قاسم :-عن ابو اشكالكم الرزله دي حلوا عن دماغي بقى وقعدوا في جنب مش عايزه اشوف خلئاقكم دى النهارده خالص.
ثم نظر الى مرام التي ترقص وهي جالسه وتشكل بيدها على اغنيه (سيبك اللي خلع
كان فقري ومش وش دلع
اتشقيت بالارض اتبلع
راح من بعدينا فين.
توقفت سريعاً بخوف من نظراته الغاضبه.
جلس جوارها .
مرام :-ما هو مش معقول اقعد ساكته كده طول الفرح انا نفسي ارقص زي كل العرايس الله اشمعنا انا.
قاسم بغمزه :-علشان بغير يا باشا لما نروح ارقصيلي انا لوحدي براحتك.
شهقت من جملته الأخيره:-يا نهار ابوك اسود عايزني ارقصلك يا قليل الادب عيييب .
قاسم :- قومي يا بت انتى مفيش فرح بأم لسانك دا عيب ترقصي لجوزك ومش عيب ترقصي قدام امه لا اله الا الله كده عادي.
مرام:- خلاص اسكت بقى ما تتكلمش معايا تاني علشان مخا'صماك.
خالد لجابر:- الحق بيتشاكلو حتى وهم قاعدين في فرحهم.
جابر:- لا انت تقلق لو لقيتهم حلوين مع بعض انما ده العادي بتاعهم.
خالد:- صاحبك كمان شويه هيولع فيها وفي الفرح كله.
قاسم بغضب :-ما هو انا مش جايب عروسه من شارع الهرم اتر'زعي مكانك وانتي ساكته.
مرام:- ماشي يا قاسم خليك فاكرها اكملت في سرها بووومه.
بعد ان انتهى حفل زفافهم .
ميار:- انا مش فاهمه اوتيل ايه اللي يقعدوا فيه اربع ايام دا انا كنت عايزه اشوف بنتي بكره.
ريهام:- معلش هم اربع ايام بس وهيرجعوا وتشوفيها.
_________________
في غرفه الأوتيل عند قاسم ومرام
قاسم :-فكيها بقى يا قلبي.
مرام :-لأ انا زعلانه منك اوي على فكره
اقترب منها:- وانا والله ما يهون عليا ازعلك ابداً.
امسك يداها:- بتحبني؟!
نظرت اليه بابتسامه:- بحبك اوي بص انا ما بعرفش اقول كلام حلو وكده او اعبر عن اللي جوايا اوي بس هي كلمه واحده دلوقتي خاطره في دماغي.
كان يستمع اليها وهو ذاهب معها الى عالم اخر من فرحته.
مرام:- انت طوق نجاه بالنسبه ليا بحس معاك اني قويه وليا ضهر وسند في الدنيا ديه.
قاسم:- نفس اللي بفكر واحس بيه كل ما اشوفك انتي طوق نجاه بروحك وقلبك الطيب لما بشوفك سعادت الدنيا كلها بتدخل قلبي كده تلقائي.
اكتب ف بحث جوجل مدونة قصر
الروايات
تابعونا على قناة التليجرام من هنااااااا
الرواية كامله من البدايه من هنااااااا
تعليقات
إرسال تعليق
فضلا اترك تعليق من هنا