رواية شهد الفهد الفصل السادس عشر والسابع عشر16_17 بقلم شهد أحمد
#السادس_عشر
الجد : مراته !
اسيل : ايوة مراته وحامل في بنته
مايا بعصبية : ايه الهبل ال انتِ بتقوليه دا المفروض ان احنا نصدقك يعني
اسيل : والله مش عاوزين تصدقوا براحتكوا بس الورقة دي تثبت ال انا بقوله
الجد : الكلام دا صحيح ي مروان
مروان :.......
الجد : رد عليا
مروان : ايوة
مايا بدموع : ايوة ايه
مروان : مراتي
مايا : انت بتقول ايه
مروان بتنهيدة : بقول الحقيقة
وصعدت مايا الى غرفتها وهي في صدمة
الجد : تعالوا ورايا ع المكتب
________________________
فهد : ااااااااااااه
شهد : يالهوي يالهوي ضهرك بيطلع دخان اعمل ايه اعمل ايه والله مأخدتش بالي انه لسة ع النار اعمل ايييه
فهد بصراخ اكبر : اتنيلي اعملي اي حاجة مش قادر مش حاسس بضهري
شهد بدموع : طب اعمل ايه مش عارفه احط عليها ايه طيب
فهد : في كريم وراكي للحروق جيبيه بسررررعة
شهد : حاضر حاضر
فهد : يخربيتك ي شيخة
شهد : بيتي هو بيتك اسكت بقا مش عارفه ادور ....اهو اهو لقيته وبدأت في وضع الكريم ع ظهره
فهد : بالراحة
شهد بدموع : معلش ... اسفة والله مكنش قصدي
فهد : اخرسي مش عاوز اسمع صوتك
شهد : قولتلك مبعرفش انت ال اصريت
فهد بعصبية : قولتلك اخرسي
شهد بدموع : ا انا خلصت
فهد بوجع : تعالي ساعديني ع اقوم
شهد : حاضر
وقامت شهد بمساندة فهد
شهد : انت تقيل يخربيتك ايه دا متسندش جامد كدا
فهد بوجع : طلعيني واتصلي ع الدكتور بسرعة مش قادر
شهد وهي تشعر بالذنب : حاضر ساعدني بس
وقامت بمساعدته حتى وصلوا الى الغرفة
فهد : جيبي فوني بسرعة
شهد : اهو
فهد : امسكي فتحته اهو اتصلي بالدكتور هتلاقيه متسجل دكتور......
شهد : حاضر
وبعد انهاء المكالمة
شهد : هيجي ع طول
فهد بتعب : تمام
شهد بعطف: طب اجبلك اي حاجة تلبسها
فهد : مش هقدر البس حاجة حاسس ان ضهري بيولع
شهد ببكاء : يعني عجبك كدا كان لازم تصمم يعني
فهد : هششششش اخرسي
شهد بهمس : هش في عينك انا غلطانة اصلا اسفوخس عليك انسان متكبر ومعندوش دم
فهد : بطلي برطمة وانزلي تحت ع تفتحي للدكتور لأن مفيش حد في الڤيلا غيرنا زي ما انتِ عارفه
شهد : طيب
________________________
الجد : عاوزة افهم ايه الكلام دا بقا وامتى حصل
اسيل : كنت معاه في الرحلة بتاعة دهب وفضل طول الرحلة يعاكس فيا ويحاول يقرب مني بس انا هزأته وساعتها قالي طب تعالي نتجوز عُرفي بس انا رفضت طبعا واكلمت بتمثيل وهي تبكي وبعدها اجا اعتذرلي وقالي نبقى اصحاب وافقت وجابلي كوباية عصير وطلع فيها مخدر بعدها بقا خلاني ابصم ع الورقة وحصل ال حصل
الجد بصدمة : انت عملت كدا
مروان : ايوة
الجد وقد صفعه صفعة قوية : مكنتش اتخيل انك تبقى زبالة كدا
اسيل بدموع : انا مش عاوزة اي حاجة غير انه يتجوزني بس حتى لفترة صغيرة وبعد كدا يطلقني
الجد : البنت ال في بطنك دي هتبقى من احفادي مستحيل تتربى برا البيت دا
الجد : سعدية ي سعدية
سعدية وهي تدخل : ايوة ي بيه
الجد : خدي المدام ع فوق وجهزليها اوضة نضيفة
سعدية : حاضر اتفضلي ي مدام
وقاموا بمغادرة الغرفة
مروان : ايه ي حج مش كدا ايدك تقيلة
الجد : معلش بس كان لازم الموضوع يمشي تمام وتصدق بس ايه البت دي دا كنت قربت اصدقها
مروان : بس صعبانة عليا تصدق متعرفش ي عيني انها هتتمرمط
الجد : طب يلا انت بقا ع محدش ياخد باله
*_في غرفة اسيل*_
اسيل : خلاص اتفضلي انتِ
اسيل بعد مغادرة سعدية الغرفة : واااو انا هنام في الاوضة دي لوحدي شكل الدنيا هتضحكلك ي سيلا....اما اتصل عليه اطمنه
اسيل : ايوة ي باشا كله تمام وكلهم صدقوني وبالذات الراجل الكبير دا
_حلو اوي شدي حيلك كدا دي لسة البداية
اسيل : تمام ي باشا شخلل جيوبك انت بس وانا معاك
_مادية حقيرة
اسيل بمياعة : هههههه تربيتك ي باشا باي بقا
_________________________
شهد : ها ي دكتور
الطبيب : حرق سطحي محتاج يتغير عليه كل يوم بس وهيبقى تمام وهجيبله ممرضة ع تغيره ع الجرح كل يوم
شهد بتسرع : لا لا انا دكتورة هغيره ع الجرح انا
فهد بإستفزاز : معلش اصل المدام بتغير شوية
الطبيب بإبتسامة : ربنا يخليكوا لبعض والف سلامة عن اذنكوا وذهبت شهد مع الطبيب ثم عادت الى فهد مرة اخرى
شهد وهي تجلس بجانبه : تعالى يلا ع احطلك الكريم
فهد : بدأتي تحني ولا ايه
شهد : لا والله بس دي مهنتي ومهنتي بتفرض عليا اني اساعد اي مريض مش حضرتك بس
فهد : مش انتِ السبب اصلا
شهد : محدش قالك تصمم انا ال اعملك مع اني قولتلك مبعرفش السبب طالع منك وعائد اليك
فهد : طب اخلصي يلا وبالراحة وانزلي جبيلي اكل ع جعان
شهد : انا مطبختش
فهد : ودا ليه ان شاء الله
شهد بنرفزة : يعني انا كنت هنضف الڤيلا دي كلها واطبخ كمان لا وسيادتك جيت من برا وقولتلي واكملت وهي تحاول تقليده اطلعي حضريلي الحمام وبعدين هتعمليلي مساچ واديك اتحرقت وانا معاك من ساعتها عندي عشرين ايد انا ولا عندي عشرين ايد
فهد : خلااااااااااص ايه بالعة راديو انجزي اطلبي اوردر
شهد : هتطفح ايه
فهد : اظبطي ي بت انتِ مش ع مش قادر اقوملك مسيري هقوم ولو قومت متلوميش الا نفسك
شهد : خلصت الحمدلله هتطفح ايه بقا
فهد : اي حاجة غير ال هتطفحيها
شهد : وافرض ال انا هطفحه انت نفسك فيه
فهد ببرود : كفاية انك هتاكليه دا لوحده يخليني اكرهو حتى لو بعشقه
شهد وهي تستعد للذهاب : تمام اطلب انت لنفسك بقا
فهد وهو يسحبها من يدها ويضعها ع السرير : بتقولي حاجة
شهد : بقولك عاوز تاكل ايه ع انا جعانة اوي
فهد : عاوز.......
شهد : حاضر سبني بقا ع اعرف اتكلم
#السابع_عشر
سما : طب انتِ بتعيطي ليه دلوقتي
مايا ببكاء : يعني انتِ متعرفيش ليه
سما : ي حبيبتي احمدي ربنا انه كشفه قبل ما تعترفيله او تقوليله اي حاجة
مايا : مكنتش متخيلة انه يطلع كدا يعني انا بحبه دا كله ومش راضية اتكلم ولا اقول حاجة ومستنياه هو ينطق ع كنت حاسة ان هو كمان بيحبني لكن لأ طلع متجوز ومراته حامل كمان مش قادرة اصدق بجد
سما : مايا انا مشش عاوزاكي تضعفي ولا تبينيله كدا وبعدين لو كان ليكوا نصيب في بعض اكيد ربنا كان هيخليكوا تقربوا من بعض وتكونوا من نصيب بعض لكن خلاص وربنا مبيجبش حاجة وحشة ولا ايه
مايا : اكيد ممكن تطلعي وتسبيني لوحدي شوية
سما بتنهيدة : حاضر
________________________
شهد : عاوز البيتزاية دي في حاجة
فهد : دي بتاعتي حضرتك ولا انتِ مش اخدة بالك
شهد : اخدة اخدة بس انا كنت عاوزة ادوقها بس
فهد : ع فكرة انا ال تعبان والدكتور كان لسة هنا بيكشف عليا انا
شهد : ايوة يعني بطنك بتوجعك
فهد : لا
شهد : يبقى خلاص انت زي القرد اهو وضهرك ال بيوجعك والدكتور مقالش تتغذى ولا حاجة هو كريم وهتدهنه وخلصنا وانا كمان هتبرع وادهنلك يبقى نسكت بقا وتجبلي البيتزاية بتاعتك ع انا لسة جعانة
فهد : مانتي لسة اكلة اتنين چامبو و اتنين كريب جت ع حتة البيتزاية بتاعتي
شهد : الله اكبر ايه قول ما شاء الله وبعدين دول مش حاجة يعني دا انا بتسلى فيهم بس ومش انت ال سايبني جعانة طول النهار
فهد : خلاص خدي حتة اهي واسكتي
شهد بفرحة : حبيبي والله
فهد : نعم
شهد بإحراج : لا مقصدش هي بتتقال كدا والله لأي حد
فهد : نعم يختي لأي حد ازاي يعني
شهد : يعني لصحباتي لأي حد هو طلع مني رد سريع ومفاجئ كدا ع فرحت بس
فهد : طب خلصي يلا ع عاوز انام
شهد : حاضر بس هو انا هنام فين
فهد : هنا
شهد : هنا ازاي يعني
فهد : هو انتِ متعرفيش
شهد : لا معرفش والله
فهد : مش احنا متجوزين
شهد : اه
فهد : يبقى هتنامي فين
شهد : فين
فهد : ع السرير
شهد : طب وانت هتنام فين
فهد : اكيد ع السرير برضو
شهد : نعاااام ي اخويا انت هتستهبل بقولك ايه خد البيتزاية بتاعتك اهي مش عاوزة منك حاجة
فهد بعصبية : لأخر مرة بحذرك انك صوتك يعلى عليا
شهد : ا اسفة بس انت ال بتقول كلام مش حلو
فهد : انا غلطان اترمي في اي داهية
شهد : طب انام فين الڤيلا كبيرة وشكلها يخوف
فهد : اتصرفي
شهد بدموع : ماشي
فهد : استني
شهد بفرحة وهي تمسح دموعها : ايه
فهد : اقفلي الباب وراكي
شهد بأسف : حاضر
________________________
طق طق طق
مروان : مين جاي دلوقتي ونهض لفتح الباب
اسيل : هاي
مروان : نعم
اسيل بمياعة : ايه ي مارو هتسبني واقفة ع الباب كدا دا انا مراتك برضو
مروان : جاية عاوزة ايه
اسيل : وجشتني وعاوزة اقعد معاك شوية
مروان : مش وقته انا عاوز انام
اسيل : طب .....قاطعها مروان وهو يغلق الباب في وجهها
اسيل : ماشي ي مروان الكلب انا هوريك ولم تلتفت لتلك التي كانت تقف وتستمع الحوار من البداية
مايا لنفسها : طب ماهو بيعاملها وحش اهو يبقى ازاي اتجوزها الموضوع دا في حاجة غلط ولازم اعرفها
_______________________
شهد : هي دي ڤيلا ولا بيت رعب ڤلته ترعب شبهو لا بس جامدة الصراحة الديكورد بتاعها جامد جامدة زيه برضو هعهعهع انتِ في ايه ولا ايه ي زفتة انتِ شوفي هتنامي فين بدل ما انتِ بتكلمي نفسك وهتتهبلي انا من ساعة ما جيت وانا بكلم نفسي اصلا ربنا ينتقم منك ي بعيد خلتني مجنونة ع اخر الزمن وفجأة انقطع التيار الكهربي وهي تتحدث مع نفسها
شهد : لا لا بجد هو يوم باين من اوله اعمل ايه
بهمس مخيف : هتعملي ال هقولك عليه وبس
شهد برعب : انت انت مين
_مس لازم تعرفي انا مين المهم تنفذي وبس
شهد : اعوذ بالله من الشيطان الرجيم اكيد دي تخيلات ع انا بخاف من الضلمة بس اكيد يارب
_بصوت غليظ : هههههههههه
شهد ببكاء : بس بس اسكت
وظل الصوت يتكرر حتى عاد التيار الكهربي فجأة وكانت شهد تجلس في الارض وهي منكمشة في نفسها وكادت ان تنهض ولكن رأت خيال كبير وضخم ينزل من اعلى الدرج فسقطت ع الارض مغشيا عليها من شدة الفزع
________________________
*_في الحديقة*_
جاسر : سما
سما : نعم
جاسر : بتعملي ايه في الوقت دا
سما بتنهيدة : بشم شوية هوا
جاسر : اممم
سما : وانت جاي تعمل ايه
جاسر : بتمشي برضو
سما : اممم
جاسر : قلدونا بقا
سما : ......
جاسر : ايه ي بنتي مالك
سما : مستغربة
جاسر : مستغربة من ايه
سما : من كل ال بيحصلنا دا
جاسر : وانا اوي
سما : ازاي شهد وفهد اتجوزوا بالسرعة دي واخدها ومشي ومش عارفين بيعملها ايه دلوقتي ومروان ال طلع متجوز ومراته حامل كمان لا وجت قعدت معانا في الڤيلا وحتى من غير ما تتأكدوا هي فعلا مراته ولا لأ افرض الورقة دي مضروبة اصلا
جاسر بجدية : عارفه المشاكل دي كلها هتتحل امتى
سما بإنتباه : امتى
جاسر : لما نتجوز
سما : عارف انا غلطانة اني بتكلم مع واحد زيك
جاسر : فكي ي بنتي كدا الدنيا مش مستاهلة كله هيبقى تمام وبعدين انتِ ال عمالة تقولي فهد اتجوز ومروان اتجوز معتش غير جاسر الغلبان هو ال عاوز يتجوز
سما : اتجوزتك عقربة
جاسر : عقربة ليه وانتِ موجودة ي حبيبتي
سما : حبك برص اوعى من وشي
جاسر : خدي هنا ي بت طب هقولك طيب
سما : مش عاوزة اسمع تصبح ع خير
جاسر : وانتِ من اهلي ي قمري
سما : ي بااارد
البارت انتهى
تكملة الروايه اضغط هناااااااا
تعليقات
إرسال تعليق
فضلا اترك تعليق من هنا