رواية هوس اربعيني الفصل 26_27_28_29

رواية هوس اربعيني الفصل 26_27_28_29_30بقلم بقلم نوره

اسرع نحوها عمر مش زي مانتي فاكرة صدقيني..

شروق بدموع اهلي مات..وا ازاي ياحج انت قتل.تهم ازاي وليه.

الحج حسن بحزن صدقيني يابنتي دي حادث..ه والله ..كنت سايق العربيه وشردت وخب.طت عربيتي بالعربيه بتاعتهم ..

شروق ازاي .. ازاي وانا عايشه معاكم بنفس البيت.كل الوقت ده ازاي ..

عمر اسمعيني.هفهمك كل حاجه ده قضاء وقدر انتي بس اهدي.

شروق بانفعال مش عايزه اسمع مش عايزه اسمع حاجه ولا عايزه اعرفكم تاني لتغادر مسرعه..

الحج حسن بتعب حصلها ياعمر .

عمر بقلق انت كويس ياجدي..

الحج.حسن حصلها ياعمر انا كويس..

بس ياحج..

بقولك حصلها انا بخير..

حاضر يا حج حاضر..

تبعها عمر لكنه لم يستطيع اللحاق بها

عمر بضيق ده اللي ناقص ياعمر هو ده اللي كان ناقصك..راحت فين دي ..

بحث عنها عمر بكل مكان ولم يجدها بدأ القلق يتسلل داخله ..

ذهب الى منزل العم محمود لكنها لم تكن هناك..وذهب ليسال عنها رحاب بعد ان اخبره زين بان مريم هناك لكنها لم تكن هناك ايضا مما أصابه بالجنون اين يمكن ان تذهب ولم تسأل على ابنتها…

اتصل بالرجل الذي امره بمراقبة ادهم ليخبره بان ادهم لم يخرج من الفندق الذي هو فيه ولم يزوره احد.

كان الجميع يبحث عنها زين والحج حسن الذي امر جميع رجاله بالبحث عنها

اما عمر بعد ان بحث عنها بكل مكان قرر ان ينتظرها في سيارته أمام منزل العم محمود و رحاب..

حتى رأها في وقت متأخر من الليل تمشي بتعب نحو منزلها لينزل من السياره بقلق ..

عمر كنتي فين..

شروق تجاهلته….

عمر انا بكلمك.

شروق ارادة الذهاب لمنزل رحاب لتاتي بمريم لكنه اوقفها..

عمر سيبيها دي نايمه بلاش تصحيها..

لم تناقشه واتجهت الى منزل العم محمود وفتحت الباب ودخلت ليتبعها عمر بقلق فهي تبدو بحاله سيئه جدا..

عمر امسك ذراعها شروق انتي كويسه..

شروق ابعدت يده لتقول انا تعبانه وعايز انام..

عمر طيب ماشي بس انتي كنتي فين..

شروق بهدوء بعد اذنك عايزه انام .

عمر شروق سيبيني افهمك اللي حصل..

شروق ببرود مريب مش وقته ياعمر ..انا تعبانه..

عمر احتضن وجهها بكفيه سلامتك من التعب ياروح عمر .

ادارت وجهها عنه ببرود واتجهت الى السرير لتنام ..

زاد قلق عمر عليها لكنه قرر تركها حتى الصباح..

ليستلقي بجانبها ويحتضنها من الخلف ..

اما شروق لم تقاوم ليهمس لها بعد ان ازاح شعرها انا هفضل جمبك مهما حصل مش هسيبك … والوقت ده هيعدي بخيره وشره صدقيني بس انتي متعبديش تاني..

شروق…

حل الصباح

استيقظ شروق على رائحة حر.يق…

لتنهض بفزع واتجهت الى حيث اخذتها الرائحه ..لتصدم بعمر في المطبخ يعد الافطار لكنه قد احرق البيض..

عمر غندما رأها قام بحك مؤخرة راسه بحرج كنت حابب اعملك فطار.

ظهرت ابتسامه بسيطه على شفتيها على مظهره وهو يرتدي مريول الطبخ…وقد أحرق البيض وهو يحاول تخبئتة بحرج…

عمر شكلي بقى وحش اوووي مش كده..

شروق حاولت اخفاء ابتسامتها..لتعود الى الغرفه ..ليتبعها عمر..

على فكره في فطار تاني مش واقفه عالبيض يعني..

شروق…

عمر مش كفايه ونتكلم بقى..

شروق نتكلم بايه ..

عمر باللي حصل ..

شروق…

عمر امبارح كنتي فين..

شروق بكدب وارتباك واضح..كنت كنت مخنوقه وحبيت افضل لوحدي..

عمر بشك بس كده..

شروق ..ايوا

عمر مش مخبيه عني حاجه..

شروق لا انا مبكدبش مش زي بعض الناس..

عمر احنا مكدبناش احنا بس كنا عايزين نلاقي وقت مناسب..

شروق مناسب ايه وانت خلتني ابقى مراتك وانت عارف اني مش ممكن اقبل بعيله بينهم حد ق..تلي اهلي..

عمر بانفعال مقت..لهمش قلتلك جدي مقت..لش حد..

شروق انا سمعته بودني

ليقاطعهم طرقات على الباب..

نهضت شروق بسرعه دي اكيد مريم ورحاب..

عمر استني خلينا نخلص كلامنا..

لكن شروق تجاهلته واتجهت لتفتح الباب لترى الحج.حسن..يقف أمامها.

الحج حسن مش هتقوليلي اتفضل.

شرووق …

عمر اتفضل ياجدي اتفضل..

دخل الحج حسن وجلس على الاريكه .

كانت شروق تقف بعيدا عنه وترمقه بنظرات كارهه.

الحج حسن انا عارف انك كارهاني ومش طايقه تبصي فوشي. بس مهما كان انا راجل قد ابوكي ..لا قد ابوكي ده ايه انا بعمر جدك. .

شرووق..

الحج حسن اظن من حقي اتكلم وابرر موقفي عشان انا امبارح سبتك براحتك ومرضيتش اضغط عليكي بس عندي كلام لازم تسمعيه ..

شروق.

الحج حسن انا كنت بزور قب.ر ابني ابو عمر عشان كانت سنويته وكان قلبي وجعني عليه وعلى عمر اللي رافض يرجع البلد واستقر بالغربة شردة بحاله وعلى فكره كانت باباكي هو اللي مستعجل بالسواقه خب..طت العربيه ووقفت عربيتي بسرعه لكن جت شحنه كبيره وخب.طت عربية باباكي .. انا محصليش حاجه نزلت من العربيه والناس التمت حاولينا عشان نخرج اللي كانو فيها كانوا والدتك ووالدك..

نزلت دموعها بقهر ..

وجذبها عمر إليه يحاول تهدئتها..

الحج حسن الناس خرجت والدتك كانت تو..فت ..

أما والدك…كان لسه فيه الروح وكان بيردد كلمات بنتي شروق هتفضل لوحدها بنتي ..

حاولت اقرب اسمع بيقول ايه ..مسك يدي وقالي شروق لوحدها متسبهاش .. امانه فرقبتك مالهاش حد بالدنيا دي وبعدها ات..وفى..

وانا بعدها اتعالجت من الحادثه ورحنا عند عمك وحلينا المشكله بس كلام ابوكي مفارقنيش ابدا..

زادت شهقاتها ليجذبها عمر الى صدرها ويجلسها على الاريكه..

الحج حسن سالت عليكي وعرفت حكايتك وعرفت كمان ان ابوكي وامك يومها عرفوا ان جوزك طلقك وجولك وهما خايفيين عليكي اووي وعشان كده ابوكي كمان مكنش مركز بالسوقه .

طول المده دي حاولت اساعدك من بعيد اتصحبت مع محمود الله يرحمه عشان اعرف اكون حمبك .

لحد ماعرفت ان عمك بقي يجيليك ويض..ربك وعايز يجوزك..بعدها كان لازم اعمل حاجه اتصلت بعمر وحكتله حكايتك ..وانا متاكد من اخلاقك وتربيتك منا اربع سنين وانا معاكي خطوه بخطوه وعارف عن حياتك كل صغيرة وكبيرة ..وقلت لنفسي ..انتي وعمر هتعوضوا بعض ..وده كل اللي حصل..

نهضت شروق .بس انا مش لعبه عندك تجوزني حفيدك عشان ترضي ضميرك..

الحج حسن انا جوزتكم عشان ده الصح ودي وصيت ابوكي وضميري راضي عشان اللي حصل ده مش بأيدي ده قضاء وقدر..

شروق ببكاء انسحبت الى غرفتها..

أراد.الحج.حسن اللحاق بها..

عمر سيبها ياحج.هي لما تهدى هتستوعب الللي قلته..

الحج حسن خد بالك منها يابني..

عمر متقلقش..

*******

أمام المشغل..

زين رحاب..

رحاب أنت استحليتها يازين بيه كل شويه تنطلي بالمشغل..

زين عاوز اكلمك..

رحاب وانا معنديش كلام بعد اذنك.

زين امسك ذراعها بحده بقولك هكلمك مش هخطفك..

رحاب سيب ايدي و ازاي تكلمني كده..

زين شكلك مش بتفهمي غير كده..

رحاب لا والله.

زين لا حول ولا قوة الا بالله يابنت الناس هما كلمتين مش هعطلك..

رحاب..

زين فتح باب السياره.ممكن تدينا فرصه بس نتكلم عشان انت مش نايم من امبارح .

نفخت رحاب بضيق ولكن كان لديها رغبة بسماعه لتركب السياره ابتسم زين واغلق الباب بسرعه واتجه ليقود السياره ..ليأخذها لأحد الكافيهات…

زين مكان عام زي ماطلبتي وناس ومفيش حاجة تقلقك..

رحاب سمعاك ممكن تختصر..

شبك.زين اصباع يديه ببعضهما على الطاوله عايز اعرف رفضتيني ليه

رحاب…

زين اظن ده من حقي..

رحاب بسخريه اه من حقك ..ومن حقك كمان تخطب وحده وتعلق والتانيه والله اعلم كم وحده بحياتك تاني..

زين انتي تقصدي ايه مش فاهم..

رحاب اسيل ..انا شفتكم بعيني وهي تبو..سك بالجنينه..

زين بصدمه ايه الكلام الاهبل ده اسيل زي اختي الصغيره..

رحاب يل بسخريه او واضح من واللي شفته ..والبو.سه اللي بينكم كانت بريئه اووي

نفخ زين بضيق وهو يحرك قدمه بتوتر ليقول بعد صمت لم يدم طويلا..بصي يابنت الناس انا هقول اللي عندي اسيل زي اختى واللي حصل كان سوء فهم منها وانا بحاول على قد ما اقدر اصلح سوء الفهم ده ..ولو كان في حاجه بينا مكنتش اتقدمت عشان اتجوزك انتي ماكنت خطبتها مهي بنت خالي وانا احق بيها..

رحاب بشك وانت عايزني انا ليه..وايه هو سوء الفهم اللي حصل....

زين عايزك انتي ليه عشان انتي مناسبه ليا متساليش ازاي لاني انا مش عارف اساسا بس حاسس انك البنت اللي بحلم بيها..

رحاب ايه هو سوء الفهم.االلي مابينكم

زين دي حاجه مالهاش علاقه بعلاقتنا انا وانتي انتي ليكي عليا الصراحه وانا بقولك اهو مفيش بحياتي اي ست واسيل والله العظيم اختى ومبفكرش بيها ابدا..ولا ممكن افكر بيها ..

رحاب..

زين انا هنسى كل اللي حصل وهنسى رفضك واعتبري عرضي بالجواز لسه ساري عشان انا مش هلاقي احسن منك ..ياريت المره دي تفكري كويس وياريت مره تانيه قبل ما تاخدي فكره غلط عني باي موقف او حكايه كانت اسأليني وانا هكون صريح معاكي زي دلوقتي..

رحاب.. …

زين فكري كويس انا شاريك ..مش هوعدك هخليكي اسعد وحده بالدنيا ..بس هعمل اللي عليا عشان تفضلي مبسوطه معايا..

**********

على الهاتف..

شروق لا عمر محسش بحاجه ولا عارف اني كنت عنددك امبارح.

……

شروق هجيلك النهارده..

…....

شروق لا اطمن محدش هيحس بيا ..اساسا انا وعمر هننفصل متخفش

كان عمر يستمع لحديثها بصدمه وووو

يتبع

هوس اربعيني 27

عمر كنتي بتكلمي مين ..

نهضت شروق بارتباك كككووونتت ببككللمم بكلم ..

عمر ايوووا بتكلمي مين..

شروق رحاب كنت بكلم رحاب..

امسك ذراعها بعنف كدابه..كنتي بتكلمي مين .

شروق سيب ايدي وانت مالك بكلم مين..

عمر بحده لاخر مره بسألك كنتي بتكلمي مين..

شروق قلتلك بكلم رحاب .

عمر ماشي رحاب ماشي ليدفعها على السرير وياخذ الهاتف..

عمر افتحي الموبايل.

شروق ايه الاسلوب ده وانت مالك بموبايلي ..

عمر شروق متجنننيش وافتحي الزفت

شروق مش هفتحه..

امسك شعرها بعنف مش فتحاه وحياة امك..

شروق بدموع اه سيبني ..بقولك سبني..

عمر افتحي الزفت ..

شروق ..

عمر شدد بقبضته على شعرها افتحي الزفت مش عايز اتجنن عليكي..

فتحت شروق هاتفها بالم….ليدفعها الاخر ويقلب بالهاتف..

حتى وصل لاخر مكالمه ولم يكن رقما مسجلا ..ليرن عليه ..

ويصدم بادهم يجيبه.

ادهم الوووو..

عمر …

ادهم الووووووو الوووو شروق..بتتصلي ليه..

اغلق عمر الهاتف ليرميه على الارض ويكسره..

انتفضت الاخرى بخوف وتراجعت الى الخلف..

اغمض عمر عينيه بألم ..ونظر اليها والى خوفها…

ليقول اخر حاجه كنت اتخيلها انك تكوني خاينه ..

شروق عمر انا …

قاطعها عمر بحده انت اييهه..اييهه انتي ازاي بالرخص ده ازاي…

شروق انهمرت دموعها …

عمر طول المده اللي فاتت كنت فاكر انك مجبره على طلب الطلاق عشان خايفه من حاجه انا معرفهاش كنت متمسك بيكي عشان بحبك وكنت فاكر انك حاسه بحاجه تجاهي كل حاجه فيكي كانت بتقولي انك بتميلي ليا ..انما دلوقتي اتاكدت انك كنتي عايزه الطلاق بجد …واني عبيط لما حبيتك وسلمتك قلبي..

تنهد بالم وغصه مش ممكن اقبل تكون مراتي خاينه ومغصوبه على العيشه معايا..

شروق اسمعني …

عمر انتي طالق ياشروق قالها وغادر وتركها وهو يشعر بروحه تسحب منه..

جلست على الارض وبدأت تبكي بحرقه وقهر…

دخلت سلوى والدة رحاب بعد ان شاهدة عمر يخرج وعلامات الغضب مسيطره عليه..

لتصدم برؤية شروق منهارة على الارض..اسرعت اليها .

سلوى في ايه يابنتي مالك عملك حاجه..عملك ايه..بتعيطي ليه..

رفعت شروق وجهها وهي تبكي بقهر عمر…عمر طلقني ياخالتي..لتحتضنها سلوى اهدى يابنتي كل حاجه هتتصلحه اهدى..

شروق مفيش حاجع مش هتتصلح مش هتتصلح … اللي وجعني انه طلقني وهو فاكرني خاينه ياخالتي ..فاكرني خاينه…

سلوى استهدى بالله وقومي اغسلي وشك..وقوليلي ايه اللي حصل بالضبط وكل حاجه ولها حل..

شروق نهضت بشهقات وووو…

******◇◇◇◇◇*******

مساءً نزلت شروق من سيارة اجره والتقت بأدهم صعدت معه بالسياره واخذها معه

ادهم مالك.

شروق بغصه اللي عايزه حصل عمر طلقني..

ضحك ادهم بنصر ده خبر بمليون جنيه .

شروق هتوفي بوعدك وتسيبنا فحالنا بقى..

ادهم هو انا جيت ناحيتك ..

شروق متحاولش حتى تشوف بنتي ياادهم ولا تقرب مننا والا اقسم بالله هقفلك انا وساعاتها هنسى انك ابو بنتي..

ادهم بسخريه واتعلمني نهدد كمان..

شروق مش بهدد انا بفعل لو خلفت بوعدك ياادهم انا خلاص مفضلش ليا الا مريم..وهحرق الدنيا دي كلها على شانها..

ادهم كل ده عشان حبيب القلب طلقك..منا هنا وممكن نرجع..

شروق لو اخر يوم فعمري مش هرجعلك ياادهم ..

ادهم ماشي نبقى نتكلم بالموضوع ده بعدين..

شروق لابعدين ولا قبلين….انا هتنازل عن البيت ومش عايزه اشوفك تاني اساسا همشي من البلد دي واسبهالك مخضره..

ادهم تمشي تروحي فين..

شروق مالكش دعوه..

ادهم واضح انا لسانك طول اوووي الفتره اللي غبتها عنك..

شروق قصدك عنيا بدات تشوف بوضوح ..

ادهم اعدلي كلامك معايا ومتنسيش نفسك..

شروق انت اللي خود باللك من كلامك عشان والله مش هتنازل عن البيت وانت عارف ان ده حقي..

ادهم ماشي ياشروق نروح المحامي ونبقى نتفاهم بعدين..

شروق اول مااتنازل مش عايزه اشوف خلقتك..

اوقف السياره امام مكتب المحامي ليقول ماشي ياشروق انزلي خلينا نخلص من حكاية البيت دي..وانا هحصلك..

صعدت شروق الى مكتب المحامي.

اما ادهم اتصل باحد واخبره..

ادهم عمر طلقها……

……

ادهم دلوقتي بقى عايز اللي وعدتيني فيه.

……

ادهم لا مش هيرجعها عشان باين انها خناقه جامده اوووي ..

….

ادهم مدام اللي حصل عاجبك يبقى تزودي المبلغ شويه..

…..

ادهم هو ده الكلام اللي يتسمع…انا هخلص حكاية البيت وابقى اكملك عشان نتفق…سلام دلوقتي..

صعد لمكتب المحامي وجهز الاوراق وهمت شروق بتوقيعها لتشعر بيد تمسكها وتمنعها..رفعت نظرها لتجده..

شروق بصدمه عمر..

عمر بتعملي ايه..

شروق انا كنت كنت بب..

عمر اخذ الاوراق ومزقها انتي تنجري قدامي ومتتكلميش..

ادهم ايه شايفها سايبه انت مش طلقتها خلاص…

جز عمر على اسنانه بغيظ اابعد عن طريقي…لادفنك مكانك..

ادهم امسك يد عمر سيبها وامشي من هنااا..يلااا

لم يشعر ادهم بنفسه الا وبثانيه كان ملقى على الارض وعمر ينهال عليه بالضرب بشده وبدأ يخرج جام غضبه عليه..

شروق وقفت بصمت لاتعلم مالذي تفعله ولكنها سعيده لوجود عمر بجانبها الان…

تدخل المحامي ليحاول ايقافه ..لكن عمر لم يتركه حتى تركه لا يستيطيع الحراك..ليبتعد عنه ويبزق عليه ويقول يا***** اخر مره اشوفك معاها…

لينظر الى شروق التي انكمشت على نفسها ولكن قلبها يتراقص فرحاً..

ليجذبها من ذراعها معه ويغادر المكتب..

شروق عمر ا..

عمر بحده مسمعش صوتك …

شروق…..

*******◇◇◇◇◇********

اسيل زين وحشتني اووي بكلمك مش بترد ليه..

زين بحده ابيه زين يااسيل..ابيه..

اسيل زين انت زعلان مني.

زين اقترب منها زين معرفش ازعل منك انتي اختي الصغيره يااسيل..

اسيل بس انا مش اختك يازين …انا انا بحبك والله بحبك

زين بحده …

اسيل ….

يتبع…..

******◇◇◇◇◇*******

زين بحده اسيل …

اسيل انتفضت اسيل بخوف وهي تنظر اليه..

تنهد زين بضيق وحاول ان يهدئ ياحبيبتي وانا كمان بحبك وبحبك اوووي كمان..

اسيل بجد يازين بجد بتحبني..

زين ايوووا بحبك ..انتي كبرتي على ايدي .كنت بشوفك وانتي بتكبري انتي اختي اختي اللي بحيبها...وعشان كده هقولك حاجه محدش يعرفه..

اسيل بابتسامه حاجه ايه..بقلم نوره عبد الرحمن

زين انا هتجوز بنت حبيتها وعايزك تحضري للفرح وتهتم بيه بنفسك عشان يبقى فرح ميتنسيش.

اسيل بدموع حاولت كبتها انتتتت ببتتهززرر صح يازين انت عاوز تبعدني عنك بس ..مش كده قول انك مابتحبش حد عشان خاطري..

زين اسيل ..

اسيل بدموع هو انا وحشه يازين هو انا مش بتحب ..

زين مين قال كده انتي وحشه طبعا لا انتي زي القمر..

اسيل اومال ليه ليه بتعمل كده..

زين اسيل اللي انتي فيه ده مش حب دي مشاعر مؤقته وهتعدي ..

اسيل لا يازين انا بحبك بجد..

زين ياحبيبتي بكرى مع الوقت هتتاكدي ان مشاعرك دي مش حب اللي انتي فاهمها لا انتي بتحبيني زي عمر وحسام

انزلت اسيل نظرها بانكسار وخيبه وحرج من رفضه لها..

**********◇◇◇◇◇*********

شروق متسمعش صوتي ليه انا عايزه اعرف انت جيت هنا ازاي..وايه اللي عرفك مكاني

عمر دفعها داخل المصعد وصعد بجانبها..

شروق ايه الاسلوب ده ياعمر..

عمر متطلعيش جناني دلوقتي واخزي شيطاني..

شروق لا مهو مش بمزاجك تتحكم بحياتي.

نظر اليها عمر بحده..

شروق تتصنع الشجاعه..ايه في ايه بتبصلي كده ليه..

عمر اخزي شيطاني ياشروق..

شروق رفعت سبابتها بوجهه بتحدي انتي اللي مالكش بحياتي تاني انت فاهم ..انت مش طلفتني خلاص يبقى تبعد عني ..نه..ابتلع كلماتها بقبلة عنيفه وهو يثبت يدها بيده ويحيط خصرها بيده الاخرى .بقلم نوره عبد الرحمن

فتحت عينيها بصدمه وهي تحاول ابعاده ..لكنها لم تستطيع..

ابتعد عنها وهو يأخذ انفاسه بسرعه ..

لتسحب الاخرى كميه كبيرة من الهواء لتنظر اليه وتضربه بكلتا يديها انت اجننت اجننت ياعمر ازاي تعمل كده ازاي..

في تلك اللحظه فتح باب المصعد ليخرج عمر واتجه الى السياره وتتبعه الاخرى ..

شروق انت عارف اللي عملته ده اي ده حرام انا مش مراتك انت فاكرني ايه هااا فاكرني ايه..

فتح باب السيارة بهدوء لكي تصعد لكنه جذبته من كتفه انا بكلمك بصلي.كان ينظر حوله حتى تاكد بانه لا يوجد احد بموقف السيارات.

شروق انت فاكرني ايه فاكرني وحده من البنات بتوعك ..انت وا. قاطعها وهو يحيط خصرها مرة اخرى ويقبلها بشغف وهي تحاول ابعاده ليبتعد وينظر داخل عينيها…بقلم روايات نوره عبد الرحمن

شروق بدموع حاولت ابعده لكنه كان متمسك بها وهو يحيط خصرها بتملك..

شروق اللي بتعمله ده حرام حرام ياعمر انا مش هسامحك..

عمر وضع جبينه على خاصتها ايه الحرام في ان راجل يبوس مراته..

دفعته بكلتا يديها بعنف لتصرخ به انت مجنون انت مش في وعيك الصبح طلقتني ودلوقتي جاي تقولي مراتي انت ايه متعرفش ربنا..

عمر عدل ثيابه ومسح شعرها بهدوء ليقول ببرود واضح انك انتي اللي متعرفيش الشرع وربنا بيقول ايه..

نظرت اليه بصدمه لتقول بسخريه وهتحرف الدين كمان لاا والله انت قادر..

عمر ببرود انتي متعرفيش ميقعش الطلاق عالست الحامل ياهانم.

شروق نظرت اليه بصدمه..

عمر فتح باب السياره بهدوء اركبي..

شروق انت عرفت منين ..كدب انا مش حامل

جذبها عمر ليصعدها بالسياره. هنتكلم بالحكايه دي بعدين عشان بنتك مستنياكي..

صعدت شروق بصمت بجانبه اما عمر فقد فظل الصمت ايضا حتى وصلوو الى منزل العم محمود..

عمر انزلي..

شروق…..

عمر مالك .

شروق طلقني..

ضحك عمر بسخريه ان كنت متمسك بيكي زمان عشان بحبك فدلوقتي متمسك بيكي اكتر عشان ابني او بنتي اللي جواكي..

شروق بانفعال مش انا خاينه يبقى طلقني ياعمر..

عمر بانفعال ايوووا خاينه ياشروق.

نظرت اليه بصدمه ..

عمر انتي فاكره الخيانه انك تنامي مع راجل غير جوزك بس..

لا ياهانم الخيانه لما تكلمي راجل غريب وجوزك ميعرفش حتى لو كان ابو بنتك....

الخيانه لما تبقى حامل وتخبي ده على جوزك ..

الخيانه لما تتصرفي من دماغك الج*** دي ومش معرفه جوزك بحاجه..بقلم نوره عبد الرحمن

الخيانه لما تتنازلي عن حقك وحق بنتك عشان خايفه و فاكره جوزك ضعيف ميعرفش ياخد حقك…

كفايه عليكي كده والا اكمل..

شروق…..

عمر البيت اللي هتتنازلي عنه ده مش من حقك تتنازلي عنه عارفه ليه عشان دي تبقى خيانه لعم محمود اللي وثق بيكي..وامنك على حق بنتك الغلبانه..

انك تتنازلي عن حق بنتك عشان المشاكل تخلص انتي بكده بتزودي المشاكل. وتدي لل***** الحق بانه يهددك ويستغلك اكتر واكتر…

شروق..

عمر اطلعي شوفي بنتك…

نزلت شروق دون التفوه بكلمه فقط دموعها تنهمر بصمت..

امسك عمر يدها استني…

نظرت اليه بضعف..

تنهد الاخر بقلة حيله ومسح دموعها بهدوء متشيليش هم حاجه..وانا جمبك وكل حاجه هتتحل..بقلم نوره عبد الرحمن

شروق بشهقات انا اسفه …

عمر جذبها واحتضنها ليقول المره دي مش هسامحك ياشروق عشان وجعتيني اووووي..

ابتعدت عنه ونظرت اليه بالم..

عمر متبصيش ليا كده ومتخفيش انا مش هسيبك وهفضل جمبك لأخر العمر..بس بلاش تتصرفي من دماغك تاني ماشي..

هزت رأسها..بهدوء..

عمر روحي شوفي مريم .. واهتمي بنفسك ليضع يده على بطنها ويبتسم وخدي باللك منه وبلاش تفكري كتير..عشان ميطلعش نكدي زيك.

ضحكت شروق بغصه….

************◇◇◇◇◇◇**********

صعدت شروق لشقتها لتصدم بوجود مائده من الطعام..

لتخرج اليها فتاه في سن الثلاثين..

البنت انتي شروق هانم..

شروق هزت راسها انتي مين..

البنت انا نعمه عمر بيه جابني هنا عشان اهتم بيكي واخد بالي منك ومن مريم..

شروق هزت راسها بابتسامه اهلا وسهلا..

نعمه اتفضلي عشان تتعشي..

شروق معلش ماليش نفس..

نعمه بابتسامه لا لا لا ده عمر بيه هيزعل اوووي هو اللي اشترى الحجات دي ونبه عليا لازم تتعشي..

شروق..مريم فين..

نعمه مريم اكلتها ونيمتها متقلقيش..اتفضلي اتعشي ياهانم عشان عمر بيه هيزعقلي..ترضيها تقطعي عيشي .

شؤوق جلست على المائده..ماشي يانعمه اتفضلي كلي معايا.

نعمه لا ياهانم مايصحش..

شروق يبقى مش هاكل اتفضلي كلي وكلميني عنك شويه..

نعمه حاضر

**********◇◇◇◇◇◇◇***********

بعد مرور شهر لم يزور به عمر شروق ابدا ولم يتصل بها وكان يتجاهلها…

وتم تحديد زفاف زين ورحاب وسط سعادة رحاب الكبيره.

وحزن اسيل وقهرها…

في الصباح الباكر

عند شروق

نعمه مالك ياهانم مكشره كده ليه..

شروق مفيش..

نعمه لا فيه انتي فاكراني مش حاسه بيكي..

شروق ….

نعمه انتي زعلانه عشان عمر بيه مش بيزورك مش كده..

شروق هو لسه بيتصل بيكي يسال عليا..

نعمه والله ياهانم كل يوم الصبح وبالليل بيتصل يسال عليكي بس ينبه عليا انك متعرفيش..

شروق انا مش فاهمه هو بيعمل معايا كده ليه..

نعمه وياهانم انا شايفه حبه ليكي ومتاكده انه بيحبك وبيخاف عليكي بس يمكن زعلان منك او حاجه…

شروق واللي بيزعل مابيسألش كده ده بقاله شهر مقاطعني..

نعمه طب متيجي نعمل حاجه تخليه يتحرك..

شروق حاجه زي ايه ..بقلم نوره عبد الرحمن

نعمه هقولك بس تنفذي كل اللي هقولك عليه..

شروق هزت راسها بس بسرعه عشان نلحق نروح عند رحاب عشان بتتصل من الصبح متنسيش ان النهارده فرحها..

نعمه بخبث مش ناسيه ياهانم واراهنك النهارده هيرجعلك ويتمنى رضاكي..

شروق بحماس ازاي …..

********◇◇◇◇◇◇◇********

عمر كنت عارف اني هلاقيك هنا..

حسام عمر......

عمر اظن انك خدت وقت كفايه عشان تفضل لوحدك ودلوقتي انا عايز اعرف مالك ..

حسام ...

***********◇◇◇◇◇◇**********

زين في شقته يجهز ويحضر نفسه لهذه اللليله ليلة زفافه وهو يدندن بعض الاغاني...

حتى سمع طرقات على الباب نهض وهو يظن بانه عمر...

زين اتأخرت اوو ليصدم بمن تحتضنه وتقبلها وتجذبه الى الداخل ووووووو

حسام ايه علاقتك بندى..

عمر بصدمه انت بتقول ايه..ايه علاقتي بندى يعني

حسام بغصه انتو بجد كنتو بتحبو بعض

عمر حب ايه انت تعرف عنى كده ..انا ممكن اخونك يااخويا ..

حسام انت سبتها عشاني ياعمر..

عمر لا ياحسام لا مش كده ندى كانت وحده من اللي عرفتهم زمان والله العظيم علاقتنا متعدتش الحدود والله محصلش حاجه مابينا..

حسام...

عمر حسام اخويا بصلي انت مصدقني مش كده..

حسام اومال سافرت ليه بعد جوازي منها..

عمر بصدمه انت مش مصدقني ياحسام

حسام..

عمر ماشي ياحسام ماشي انا لما عرفت انك بتحبها سبتها بس هي فضلت مصممه عايزه تكمل معايا ولما رفضتها بدأت تديك امل وتقرب منك لما اتخنقت معاها عشان تبعد عنك قالتلي بالحرف انها هتفضل معاك عشان تبقى قريبه مني..

حسام نظر الى الارض بغصه..

عمر لما شفت حبك ليها معرفتش اعمل ايه واتصرف ازاي حاولت افهمك انها مش مناسبه ليك بس حبك ليها كان عامي عنيك وقلبك..عشان كده بعدت ..وسافرت .قلت لنفسي يمكن تتعدل وتقدر قيمتك وقيمة حبك ليها لما ابعد ....

بس للاسف هي ر****ومقدرتش حبك ليها ابدا...

حسام وماقلتش ليا ليه..

عمر حاولت حاولت ياحسام بس الفرحه اللي بعنيك لما اتخطبتوا حبك ليها وكلامك عن فرحتك بيها منعتني..ولما بلغتك انها مش مناسبه ليك انت تمسكت بيها اكثر..

حسام بشك يعني انت مش بتحبها..

عمر احب مين ياحسام ندى..اللي زي ندى مش ممكن احبها دي وحده مستغله وبتحب نفسها عايزه توصل للي هي عايزاه انشالله تدوس على اي حد..انت عارف اي ست مكانها كانت هتقدر الحب اللي انت قدمتهولها وتنسى اي حد تاني..

بس هي للاسف معرفتش قيمتك ..وبالنسبه للحب كلكم عارفين ان عمر مكنش يعرف الحب ابد ولا حب في كل حياته..ولما هيحب ..هيحب انسانه هتحافظ عليه وعلى بيته..وتكون عارفه حدودها كويس..

حسام..

امسك عمر كتف اخيها. حسام انت مصدقني مش كده ليصدم عمر بعينا حسام مليئتان بالدموع..انت بتعيط يا حسام..بتعيط عشان وحده متستاهلش ..

حسام بس انا حبتها..

عمر وهي مقدرتش الحب ده..

حسام..

عمر الدنيا فيها بنات اصول وبرقبتها كمان متوقفش على وحده متعرفش فيمتك ..وصدقني هتلاقي اللي تقدرك وتعرف قيمتك بس انت بص حوليك كويس وهتلاقي اللي هتصونك..

مسح حسام دموعه محاولا تغيير الحديث انت جيت هنا ليه..

عمر عشان النهارده فرح زين وعايزين نكون جمبه باليوم ده..

حسام مش هعرف اشوف حد ياعمر .

عمر لا ياحسام انت هتجي معايا ومش هتفضل قافل على نفسك كده الشركه محتجاك وبتنهار وانا مش هعرف اديرها لوحدي وجدك قلقان عليك اوووي ..ده غير زين اللي مش عايزيين نسيبه لوحده باليوم ده انت عارف انه وحيد ومالوش حد..

حسام...

عمر اعرف اسالك حاجة..

حسام اكيد ياعمر..

عمر انت عرفت بحكايتي مع ندى ازاي..

حسام مش مهم..

عمر لا ياحسام مهم انا لازم اعرف..

حسام سمعتها تكلم صحبتها بالموبايل..لما مريم بنت شروق اتخطفت..

عمر......

********◇◇◇◇◇********

زين ابعدها عنه بصدمه سهى..

سهى وحشتني. يازين وحشتني اوووووي.

زين شعر بانقباضة قلبه تزاحمة بقلبه جميع تلك المشاعر التي كبتها طوال هذه السنوات عندما رأها...

زين انت ازاي..قاطعته وهي تحتضنه وتقبله بشوق للحظه كاد ان يستسلم وينجرف معها بهذا الجنون حتى عاد لرشده ليبعدها وحاول تمالك نفسه..

سهى بضيق مالك يازين مش مبسوط انك شفتني..

ابتعد عنها زين وجلس على الكرسي بهدوء..

سهى مالك يازين ..انت لسه زعلان مني ..على فكره بقى انا جايه اصالحك.ونرجع نبدا من جديد...

زين مش زعلان منك ياسهى ولا مبسوط ولا عندي اي مشاعر ناحيتك ..

سهى زين انا...

زين كويس انك جيتي عشان النهارده فرحي عالبنت اللي اخترتها وحبيتها ومنه تنورينا وتحضري الفرح..

سهى انت بتقول ايه ..اي الكلام اللي بسمعه ده ..

زين عروستي مستنياني ومش عايز اتأخر عليها..

احتضنت سهى وجهه وقالت بضعف زين انا سهى انا حبيبتك. هتتخلى عني بسهوله كده لما رجعت وعرفت غلطي عايز تعاقبني كده..

شعر زين بغصه بداخله فهو حقا لديه مشاعر تجاهها ولكنه قرر ان يبدأ من جديد حياة مستقره وهانئه. بعيد عن الانانيه ..

ابعد يديها بهدوء انت هتفضلي صديقه عزيزه وزي اختى غير كده ..مفيش حاجه تربطنا ..

سهى زين..

زين بعد اذنك ياسهى مش عايز مشاكل مع البنت اللي اخترتها..

سهى بدموع واهون عليك يازين ..اهون عليك تعمل فيا كده..

زين بغصه منتي عملتي فيا اكتر وده اختيارك من الاول وانا معترضتش..مترميش دلوقتي اللوم عليا..

سهى ليه عشان ايه كل ده عشان كنت عايزه اكون فنانه مشهوره.تعمل كل ده...

زين عشان فضلتي المهنه دي عليا يا سهى عشان انت وجعتيني لما سافرتي واخترتي التمثيل على حياتنا مع بعض دلوقتي جايه ليه..

سهى عشان اصلح كل حاجه اديني فرصه ...فرصه وحده بس..

زين للاسف مينفعش دلوقتي ..بعد اذنك انا لازم انزل دلوقتي.

سهى زين..

زين لو حابه تحضري الفرح دي دعوى تنورينا..

وقفت بصدمه تنظر الى بروده الذي لم تعتاد عليه معها...

سهى بدموع زين انا لسه بحبك وعارفه انك بتحبني..

زين.....

*********

مساء وسط تجمع جميع الاصداقاء والعائلة والفرح بزفاف رحاب وزين..

كانت السعاده تملأ قلب رحاب وعينيها تتراقص فرحا...وقد وصلت لمبتغاها وتزوجة من وقعة اسيرة حبه...

اما زين فهو مرتبك بسبب ماحدث معه صباحا..

رحاب ايه الجمال ده ياشروق..

شروق بابتسامة مش اجمل منك ياحبيبتي .... بس ايه عملتي اللي في دماغك واتجوزتيه..

رحاب بتوتر وسعاده اسكتي ياشروق انا لسه مش مصدقه نفسي بصي ايدي بتترعش ازاي ومتوتره ومش عارفه اتلم على بعضي..

شروق بضحك باين عليكي .... كل ده هيروح اول مايتقفل عليكم باب واحد....

رحاب بخجل انتي بتوتريني اكتر بالكلام ..

شروق بسعاده الحمدلله واخيرا شفتك عروسه..

رحاب وانتي عامله ايه مع عمر لسه متعصب منك..

اطرقت شروق راسها بحزن....

رحاب انتي حبيتيه ياشروق..

شروق مش عارفه يارحاب ..كل اللي اعرفه اني بحب بصته ليا بحب اهتمامه بيا..عارفه يارحاب من ساعة مابابا وماما فارقوني..وانا حاسه اني لوحدي بالدنيا دي ومفيش حد.جمبي وبيسندني. لحد ماظهر عمر بحياتي ..خلى لحياتي طعم ولون بقيت مابخافش من حاجه ...دنا بقيت قويه حتى عليه هو... من ساعت مادخل عمر حياتي وانا حاسه بحجات جميله اول مره احسها...وعمري محستهاش مع حد تاني..

رحاب كل الحجات دي .... اومال طلبتي الطلاق ليه..متقوليش عشان ادهم بيهددك عشان انا متاكده ده مش سبب كافي يخليكي تطلبي الطلاق...

شروق عندك حق ادهم مش هو السبب ..

رحاب اومال ايه..

شروق فاكره يوم ما كنا بالمزرعه وادهم خطف مريم..

رحاب ايووواا

شروق يومها وادهم واخدني عند مريم بالعربيه...

فلاش باك☄

ادهم شوفي ال**** عمر اللي اخترتيه عشان يربي بنتنا..

اخدت شروق هاتفه لتصدم بعمر وندى تقبله ..

شروق بغصه رمت الهاتف اليه كدب ده كله كدب ياادهم..

ادهم بسخريه ده حتى مرات اخوه مش عاتقها عايزاه يبقى عليكي انتي ..

شروق ببكاء كفايه ..كفايه..

ادهم انا مش ممكن اسيب بنتي تتربى على ايد رجل معندوش ذرة اخلاق زي ده..

باك ☄

بجد ساعتها معرفتش اعمل ايه اتصدمت يارحاب حسيت بقلبي هيوقف من الصدمه ازاي ازاي عمر يعمل كده و مع مرات اخوه ازاي كنت هتجنن ..لما رجعنا عمر انا اصريت عالطلاق بس هو كان متمسك بيا اوووي

بس انا مكنتش طايقاه ولا طايقه ابص فخلقته وكمان اللي زاد الوجع وخلاني مش طايقاه لما عرفت ان عم حسن السبب بموت اهلي..

رحاب بس ده قضاء وقدر ياشروق واللي حصل حكمه من ربنا وبعدين مش ابوكي هو اللي موصي الحج حس بيكي ...انما حكاية عمر ومرات اخوه دي الصرحه عندك حق بيها بس جوزك باين عليه مالوش بالسكه دي ..انتي مش قولتي انه كان صريح وواضح ومعرفك ان ليه علاقات كتيير من اول جوزكم ..طب مفكرتيش ليه يسيب الستات اللي حوليه كلها ويبص لمرات اخوه دي حاجه مش داخله دماغي..

شروق معرفش كل اللي اعرفه اني اتجننت لما شفتها تبوسه..

رحاب وايه اللي اتغير دلوقتي..

شروق حسام اخوه..

رحاب حسام ماله اوعي تكوني قلتي لحسام حاجه اوعي ياشروق..

شروق لا طبعا .. انا مش كده بس هو كلمني وفهمني الحكايه وعرفني ان عمر مالوش ذنب وانه طلق مراته خلاص وانها عايزه تخرب حياتي مع عمر..هو سمعها تتكلم بالموبايل..

رحاب بصراحه حسام صعبان عليا اوووي.

شروق ربنا يعوضه ويرزقه باللي احسن منها..

رحاب يارب..وانتي هتعملي ايه مع جوزك..

شروق مش عارفه لسه بس انا كرامتي مش بتسمحلي اعتذرله واطلب اننا نرجع..

رحاب كرامة ايه ده جوزك..

شروق جوزي اه بس انا اتعلمت من جوازتي من ادهم مش لازم اتنازل عن كرامتي..

رحاب انتي بتشبها عمر لادهم ياشروق ده بينهم فرق بعد السما عن الارض..لتقاطعهم تمارا..

تمارا ايه هتفضلوو ترغوو كتيرر العريس مستني تحت على نار..

عاد التوتر يسيطر على رحاب..

شروق احتضنتها ماتجمدي يابنتي ايه اللي حصلك..

رحاب خايفه معرفش ليه..

تمارا بابتسامه متخفيش زين هعرف ينسيكي الخوف ..هو طول عمره حنين مع الكل مابالك بقى بالبنت اللي حبها واختارها عشان تبقى مراته..يلاا ياحبييتي..

شروق هي اسيل فين..

تغييرت ملامح رحاب للضيق ..

لتجيبها تمار معرفش لسه مجتش تلاقيها لسه بتجهز منتي عارفاها..

********◇◇◇◇◇◇*********

اسيل كانت تسجد في غرفتها وتبكي بمراره ..وتشكو لربها..

اسيل يارب ..انا عارفه اني غلطت بحجات كتير عارفه انك مش راضي عني..بس يارب ماتعاقبنيش بالشخص الوحيد اللي حبيته..يارب انا حبيت زين حبيته اوووي خليه يبقى من نصيبي يارب لو كان فيه الخير ليا ..ولو مكنش فيه الخير ساعدني يارب اني انساه وصبرني على فراقه..صبرني اني اشوف ست تاني جمبه يارب ماليش غيرك...قالت كلماتها واجهت بالبكاء..ولم تلاحظ من كان يراقبها بصمت وقلبه يتمزق على حفيدته الصغيرة ..وليس بيده حيله ليساعدها...

ولاول مره ترتدي اسيل فستان طويل ومحتشم ووضعت القليل من مساحيق التجميل ونثرت شعرها على كتفيها واتجهت الى الاحتفال بقلب منكسر..

**********◇◇◇◇◇◇**********

زين همس لها بود زي القمر

انزلت رحاب نظرها إلى الأرض بخجل.

زين مش هتقوليلي وانت كمان والا لبسي مش عاجبك..

رحاب...

زين بضحك مش متعود عليكي ساكته كده مالك النهارده..

رحاب بتوتر وصوت يكاد لا يخرج مفيش..

زين مكسوفه ياعروسه.

رحاب....

زين بهمس بقولك اهو انبسطي دلوقتي وخلي الكسوف لحد مانفضل لوحدنا..

اشتعلت وجنتيها حمرة لتتهرب بنظرها الى صديقتها التي تركتها لوحدها ..لكن الصدمه عندما وجدت فتاه تحتضن زين وتبارك ليه..

فتحت رحاب عينيها بوسعهما بصدمه كانت جميله جدا لتنظر الى زين الذي بدا عليه الارتباك..

سهى الف مبروك يازين..

زين بتوتر الله يبارك فيكي عقبال عندك..

سهى بهمس قريب ان شاء الله من الشخص الوحيد اللي حبيته..

نظر زين الى رحاب التي كانت ستنفجر عليه بغضب لكنه تدارك الامر ليجذبها اليه بابتسامه احب اعرفك دي رحاب اجمل واحسن صدفه بحياتي عروستي وان شاء الله هتبقى ام ولادي..

ابتسمت رحاب له وهي تنظر اليه بحب ليكمل اما دي سهى زميلتي بالمدرسه من زمان اوووي واحنا صحاب.

ابتسمت وهي تهز راسها بهدوء اما الاخرى بادلتها الابتسام بغيظ واستأذنت ..

رحاب بتوتر انت متعود عالستات تبوسك وتحضنك عادي يعني..

زين بابتسامه محاولا تفادي اسألتها احنا بدأنا نغيير والا ايه.

رحاب نظرت الى الارض بحرج..

زين بهمس بلاش الكسوف ده عشان بتبقي اجمل بكتير وانا مش هتحمل اكمل الفرح وهاخدك واهرب بيكي..

رحاب ابتسمت بخجل وحاولت التهرب هي هي شروق فين..

زين سيبك النهارده من اي حد وركزي معايا انا وبس..

*********◇◇◇◇◇*********

تامر شروق هانم..

شروق نظرت خلفها لتصدم بالرجل الذي رأته بالفندق..اتفضل حضرتك..

تامر مش فاكراني والا ايه انا تامر عميل دائم عند عمر بيه

شروق ابتسمت بتحفظ اهلا وسهلا ..

تامر ايه يامدام انتي كل يوم بتحلوي اكتر من اللي قبله..

شروق بحرج وتهرب لو حابب تشوف عمر تلاقيه هناك لتشير الى مجموعه من رجال الاعمال يجلسون على طاولة كبيره لكن عمر لم يكن معهم..

تامر لا منا شفت عمر بيه..بس حبيت اسلم عليكي..

شؤوق اهلا بيك بعد اذنك

تامر استنى حضرتك ..

شروق افنددم..

تامر ده كرتي بيه كل ارقام تلفونات لو احتجتي ايه حاجه وعمر بيه مش موجود..اتصلي بيا وهكون عندك بثواني

شروق بحده وانا هعوز ايه ليقطعها عمر بحده وهو يخطف الكرت من يده هتعوز ايه وهي مرات عمر علام..

تامر بارتباك عمر بيه انا انا بس كنت كتت..

عمر انت كنت خارج عشان انا قفلت منك دلوقتي و ثواني بس لو شفتك قدامي مش هعرف اتحكم بنفسي وانت عارف كويس عمر لما يتجنن هيحصل ايه..

تامر عمر بيه متفهمنيش غلط انت بس..

عمر بحده غووووورر من هنا وخد باللك لحد دلوقتي ماسك نفسي عشان انت ضيف عندي..

ليتدخل احد اصدقاء تامر ويجذبه بسرعه ويستأذن..

التفت عمر الى شروق بحده وانتي بتعملي ايه ياهانم واي ال*** اللي حاطاه على وشك ده

شروق بخوف من نظراتته انا انا...

عمر بهمس مخيف انتي تاخد بعضك وتروحي والسواق مستنيكي تحت..

بس ده فرح صاحبتي وانا مش هروح لحد مااا..

هتروحي ياشروق هتروحي والا..

شروق بعناد مش هروح ياعمر هو ايه كل حاجه هتتحكم بيها...مش هسيب صاحبتي باليوم ده

جذبها اليه بعنفه ماشي ياشروق يبقى مش هتتزحزحي من جمبي لحد ماالفرح يخلص..

كانت نبضات قلبها تزداد وتشعر بالدفاءئ كلما جذبها اليه بتملك اكثر..وهو يمشي نحو زين ورحاب..

عمر ايه يازين مش كفايه بقى وتاخد عاروستك وتطلع بيها.

زين بابتسامه احم ...والله انا كنت هموت واقول كده ..

عمر بابتسامه احتضن زين الف مبرووك يااخويا وربنا يسعدكم..

التصقت رحاب بشروق ..

شروق اجمدي يابنتي ايه ده..

رحاب بهمس انا خايفه ياشروق خايفه اوووي..

شروق متخفيش وخدي نفس كده واطلعي مع جوزك..

...

والدة رحاب لزين خد بالك منها يازين دي عنيا اللي بشوف بيها ابوها مات وكانت حتته لحمه ردت ليا الروح عشان هي من ريحته بلاش تزعلها يابني..

امسك زين يدها وقبلها في عنيا ياامي متخفيش..

سلوى بهمس بالراحه عليها هي اه لسانها متبري منها بس والله قلبها قلب عيل عنده خمس سنيني..

زين متقلقيش..

سلوى بشويش عليها يابني خدها بالهداوه..

زين متقلقيش..والله هحطها بعنيا..

سلوى وا..

شروق بحرج لتنقذ زين ايه ياخالتي مش كفايه ونسيب العرسان يطلعووا..

سلوى بدموع ربنا يسعدكوا ويهنيكو ياولاد..

لتقترب من ابنتها..وتحتضنها ربنا يسعدك يابنت ويكتبلي اشوف ولادك قادر ياكريم..

امتلأت عينا رحاب بالدموع ..

ليتقدم نحوها زين ويجذبها اليه بهمس مش عايز اشوف دموعك وخاصه باليوم ده ..

هزت رحاب رأسها وهي تشعر بالتوتر من قرب زين لها لياخذها ويغادر..

*********◇◇◇◇◇◇********

كان عمر يقود سيارته بسرعه جنونيه وشروق معه بعدما ارسل مريم ونعمه مع السأئق..

عمر بانفعال ازاي ياهانم تسمحي لل***** يكلمك كدهه.

شروق.....

عمر بغضب ده بيديكي رقم موبايله كمان.

شروق...

عمر اتكلمي قولي حاجه بس ماشي ياشورق ماشي نوصل بس وحسابك هيكون معايا جامد نظر اليها ليجدها تمسك بطنها وتتألم اوقف السياره برعب..

عمر بخوف مالك..

شروق بألم بطني ياعمر بطني وجعاني جامد.مش قادره..

عمر طب طب اتحملي اتحملي هوديكي مستشفي..

شروق مش قادره ياعمر مش قادره ..

عمر شغل السياره...انا اسف متزعليش مني انا اتعصبت عليكي ..اهدي ان شاء الله خير..

شروق صرخت بألم اه مش قادره ياعمر ..

عمر....

**********◇◇◇◇◇***********

كانت تجلس على السرير تفرك يديها بتوتر

زين جلس بجانبها بود هتفضلي كده كتير..بقلم نوره عبد الرحمن

رحاب انا مرتاحه كده..

زين طيب مش هتكلي حاجه..

رحاب بتهرب مش جعانه..

زين طيب مش هتغيير عشان ننام..

رحاب بحرج لا كده كويس..

زين بابتسامه هو لسانك الطويل اختفى راح فين .

رحاب....

زين وضع يده على كتفها طب ايه رأيك اساعدك تغيير الفستان ده انا حاسس انه مضايقك ..

نهضت بارتباك لا كده كويس.. لكنه جذبها ووووو

يتبع....

30 فصل جديد عشان التفاعل كان حلوو

زين بتفهم انتي خايفه..

رحاب ابعدت نظرها عنه بخجل وقلبها ينبض بعنف…

زين حرك يده على وجنتها بهدوء لتشعر بقلبها سيخرج من مكانه..متخافيش مني انا مش ممكن اعمل حاجه غصب عنك..

رحاب …

زين انتي مابتتكلميش ليه..

رحاب انا انا عاوزه اخش الحمام اغير..

زين بابتسامه حانيه مش قبل ما تفكي شويه...

رحاب هو هو انت مش هتخرج عشان تغيير..

زين اخرج فين …مش دي الاوضة بتاعتني..ليكمل بابتسامه انتي شكل الخوف مأثر عليكي ..بس على فكره انتي ناسيه اني جوزك..

رحاب انا انا مش مش..

زين حرك يده على شعرها وبدأ يلعب بخصلات شعرها وهو مستمتع بخجلها الذي يجذبه اليها اكثر..انتي مش ناوي تفكي بقى..

رحاب انا هروح عشان. قاطعها وهو يعتليها ووووووو

*********◇◇◇◇◇◇◇********

عمر بقلق طمنيني يادكتوره هي كويسه..

الطبيبه متقلقش حضرتك المدام كويسه وعرفنا نوقف النزيف..

عمر بصدمه نزيف نزيف ايه..وهي عامله ايه طمنيني ..

الطبيبه اهدى اهدى حضرتك هي والبيبي بخير متقلقش بس ممكن تكون تعبت شويه وجالها النزيف …

عمر طب طب هي كويسه اعرف اشوفها..

الطبيبه حضرتك كويسه والله كويسه انا اديتها مثبت للحمل وعرفنا نوقف النزيف وتقدر تخرجها من دلوقتي لو حابب..

عمر مفيش خطوره عليها انتي متاكده..

الطبيبه بابتسامه والله مفيش اي خطوره واضح انك بتحبها اوووي يابختها ..

عمر بحرج بعد اذنك هشوفها ..

خرجت شروق وهي تعدل ثيابها بتعب..وتشعر بالسعاده عندما سمعت حديثه مع الطبيبه وخوفه عليها

اسرع عمر اليها بخوف اازاي تقومي كده استني اقعدي هنا هجيب كرسي متحرك ..

شروق بتعب مفيش داعي اعرف امشي لوحدي.

عمر تمشي لوحدك فين استني ..

شروق ياعمر والله انا كويسه

نفخ عمر بضيق انتي عنيده كده ليه ليحملها وسط صدمتها…

نزلني ياعمر عيب كده احنا وسط الناس..

عمر مش هتسكتي بقى كفايه خضتي عليكي..

شروق …..

بعد مرور بعض الوقت ..في السياره..وعمر كل ثانيه يسالها بقلق انتي كويسه ..

شروق والله كويسه ..اطمن

اوقف السياره..ونظر اليها وامسك يدها انا اسف..

شروق بتعتذر ليه..

عمر عشان اتعصبت عليكي زعقتلك ..وانتي ملكيش ذنب..

شروق انا اللي غلطت مكنش لازم اتكلم معاه وانت نبهتني منه قبل كده.

عمر مكنتش عايز اتعصب بس معرفتش اسيطر على نفسي.. بس خلاص انا اوعدك اني مش هزعلك تاني..

شروق ابتسمت بحب ليقبل باطن كفها بس انتي خدي بالك من نفسك ماشي..

هزت رأسها بأيجاب بابتسامه…

***********◇◇◇◇◇◇◇◇*********

زين هتفضلي كده كتير..

كانت رحاب تدفن وجهها بالوساده ..

زين أزاح خصلات شعرها تلفح انفاسه الساخنه عنقها ليهمس لها ماتجي نعيد اللي عملناه من شويه..

ابتعدت عنه بحرج وهي تغطي نفسها بالملأة..

ليضحك على مظهرها ويقول مش عشان حاجه عشان نتعود وننسى الكسوف..

حاولت النهوض بوهن لكنه منعها ليقول على فين احنا مش اتفقنا ليخطفها الى عالمهم الخاص ووو..

*******◇◇◇◇◇◇*********

نعمه مالها شروق هانم يابيه..

عمر وهو يضعها على السرير تعبت شويه .

نعمه بصدمه نظرت الى شروق وتشير اليها بمعني ايه اللي حصل..

عمر من النهارده عايزك تهتمي بيها اكتر..و من بكرى تحضري حاجتكم عشان هنرجع القصر.

شروق بس م..

عمر بمقاطعه مش عايز اسمع اي اعتراض ماشي ..ثواني وراجع..وانتي يانعمه مريم فين..

نعمه نيمتها يابيه..

عمر كويس انتي تقدري تروحي تنامي ..النهارده انا اللي هاخد باللي من شروق اتسعت ابتسامة شروق ..

نعمه وقفت بصدمه وهي تشاهده يتجه الى المطبخ لتقترب من شروق ..

نعمه شفتي لما سمعتي كلامي بدأ يهتم بيكي ازاي د..

شروق مالحقتش اعمل اللي اتفقنا عليه عشان اتخانقنا. وبعدها جالي نزيف بس الحمدلله عدت على خير..

نعمه يامصيبتي والعيل كويس انتي كويسه..

شروق اه الحمد لله عدت على خير

نعمه الحمد لله ..بس انتي شايفة عمر بيه خايف عليكي قد ايه وبيحبك..شايفه حبه ليكي مش قلتلك ياهانم هو بيحبك

هزت رأسها بابتسامه..

نعمه طب هروح عند مريم عشان تاخدو راحتكم..ولو عوزتي حاجه اندهيلي

اومأت شروق برأسها.

عاد عمر وجلس بجانبها اقترب منها وضع يده خلف كتفها ليجذبها اليه

عمر وحشتيني..

رفعت رأسها وهي تنظر اليه انت بجد بتحبني

عمر بابتسمامه وهو يمسح شعرهع بحنو لا بهزر…لينظر اليها هو ده سؤال يتسأل

شروق اومال مسألتش عني كل الفتره دي ليه دانتا حتى مكلفتش نفسك تزورني مره وحده بس....

عمر ده عتاب والا عشان وحشتك..

شروق انزلت نظرها بحرج..

عمر حرك يده على خدها انتي ناسيه ان نومك تقيل…

شروق نظرت اليه بتسأل ….

عمر كنت بجليك كل يوم اخر الليل وانتي نايمه واخدك بحضني زي كده ليقترب منها ويقبل جبينها ومن ثم عينها لينتقل لجانب شفتيها..وكنت ببوسك كده وانتي نايمه ومش داريه بحاجه..

شروق بغيظ بتهزر مش كده..

عمر تؤ..بأمارة صحن الليمون والملح اللي كل يوم بالقيه جمب سريرك..

شروق بحرج نظرت الى الارض..

رفع وجهها إليه ليقول فرصه تانيه نديها لبعض ايه رأيك..

شروق….

عمر وحشتيني اووووي..

شروق يعني عايزني اصدق انك مكنتش تروح عند ستات بالفتره دي ..

عمر بضحك ستات ايه انا قلتلك قبل كده اكتفيت بيكي..

بس نعقل كده و من غير جنان..ضحكت شروق ..

عمر الله اهووو الوش الحلو ده والضحكه دي وحشوني اووي….

*******◇◇◇◇◇◇********

بعد مرور اسبوع.من الاحداث الهادئه والسعيده على الجميع

في منزل عمر علام

الجميع يودع نجيه وتمارا بعد ان قررا العوده..

نجيه لشروق سامحيني يابنتي انا جيت عليكي اوووي..

شروق محصلش حاجه ياخالتي انتي زي والدتي بالضبط واناوالله ماشفتش زي طيبتك بالدنيا دي كلها..

نجيه احتضنتها بحب والله وانتي طيبه اوووي و تتحبي اوووي..

الحج حسن يعني خلاص هتمشووو على كده ..

تمار ودعت جدها معلش ياجدي الشغل منتا عارف شغلي كله هناك..

عمر اقلها افضلو لحد مايرجع زين وعروسته.

نجيه ربنا يسعدهم ويهنيهم بس البنت اتاخرت على شغلها وهي جت عشان تحضر فرح زين وترجع واجازتها خلصت هنبقى نزوركم تاني..

عمر طيب بعد اذنكم هستأذن اخد تمارا نتكلم شويه..

شعرت شروق بالقلق والغيره وهي تراقب نظرت عمر لتمارا ..

نجيه في ايه ياابني ..

عمر ثواني بس ياعمتي مش هعطلكوا..…لينظر الى تمارا مممكن تحصليني على الجنينه..

مشت تمارا خلفه بقلق..

اما شروق دون تفكير اسرعت الى الشرفه لتراقبهما بغيره شديده..

تمارا بحرج في ايه ياعمر..

عمر انتي عارفه اني بحبك اوووي مش كده..

تمارا…….

عمر……..

*********◇◇◇◇◇*********

في الفندق .

زين اتأخرت عليكي مش كده ..بس نزلت جبتلك دي…كان يحمل هدية مغلفه بيده

كانت تجلس على الاريكه تحرك قدمها بطريقه هستيريه…ولم تنظر اليها حتى..

جلس زين بجانبها وجذبها اليه عارف حبيبتي متعصبه عشان اتأخرت عليها مش كده..

ابعدته عنها ونهضت باختناق لتجهش بالبكاء ..

زين بقلق بتعيطي ليه ..مالك..في حد حصله حاجه..انتي كويسه

رحاب انت ازاي بالقذاره دي…

زين بحده رحاااااب..

رحاب….

يتبع……

تكملة الروايه اضغط هناااااااا

اللي عاوز البارت الجديد يعمل انضمام من هناااااا

اكتب ف بحث جوجل مدونة قصر الروايات

الرواية كامله من البدايه من هنااااااا

قصر الروايات

القائمة الرئيسية

الصفحات

تابعنا من هنا

رواية هوس اربعيني الفصل 26_27_28_29_30بقلم بقلم نوره

أخر المواضيع من قسم : قصص حديثه

تعليقات

إرسال تعليق