رواية عشق تحت ظل القمر البارت الثالث والرابع 3_4بقلم ايمان رافت
رواية عشق تحت ظل القمر البارت الثالث والرابع 3_4بقلم ايمان رافت
البارت: 3
.................
ولاء: هو انتا يا ايقونه التحرش
عدي: لا لو سمحت ايقونه التحرش ده حمدي الوزير ده قدوة الجميع عارفه الشيطان وليث وادهم الكلاني والنمر والفهد وكل دول التلامذه بتوعو لكن انا لسه تحت التدريب حط عدي ايدو علي الشاش الملفوف وقال: بس شكل كده في معلومه نسيت اسجلها من الدرس
وهنا ضحكت ولاء فهم ريان الي حصل
ريان: بقا هيا دي الي فتحتلك قرونك
عدي: لو سمحت اديني هبتي قدامها
ولاء برفع حاجب: مالها دي مشبهش ولا مشبهش
عدي: دا انتي صاروخ ارض جو بحر يابس الكوكب الارضي وهنا فاض بريان وطلع سلاحه وظهرت ملامح الرعب علي. وجه ولاء وشعر عدي بها فنظر لريان وهنا اخفي ريان مسدسه
ريان: احكيلي كل حاجه تعرفيها عن أمل حسن وازاي اتعرضت للحادثه دي
ولاء: بص يا باشا بشوات مصر بصلي على النبي كده البت أمل دي صديقه. الطفوله نعرف بعض من واحنا صغرين عشان كنا جران ولما كبرنا قررنا نخش كليه السون وهيا كانت متميزه جدا وبتعرف تتكلم تلت لغات بطلاقه وفيوم واحنا راجعين من الكليه قالتلي تعالي يا بت اولاء نجيب چيلاتي
ريان: هيا قالتلك چيلاتي
ولاء: اوماال بس انا قولتلها خلينا نجيب كوكاكولا قالتلي لا انا عايزة چيلاتي لقينا واحد علي الناحيه التانيه من الطريق بيبيع چيلاتي وهيا بقا معديه هوب طخ عربيه خبطتها
وانا بقا شيلتها زي شوال البطاطس وفضلت اجري اجري لحد ما وقفت مصدومه من الي انا شايفاه لقيت كلاب كتيره اوي قمت مسكت أمل من ايد والايد التانيه طلعت السلاح وطخ طوخ طيخ وقضيت على المجرمين وهنا تحققت العداله عدي بتشويق: وبعدين ولاء: فضلت اجري لحد المستشفي بس اي بقا فتحت التلاجه الي هناك وهنا كانت الصدمه عدي بحماس: اي اي. ولاء: ملقتش الكوكاكولا بتاعتي وهنا طلع ريان السلاح ووجهو لراسها: اقتلها دي ولا احرقها ولا اعمل اي
عدي صفر : الله يخربيتك اسطوره جامده يابت عظمه علي عظمه
وهنا انحنت الاء بتواضع: شكرا شكر
عدي: اي الجزء الحقيقي بقا
ولاء: بعد ما تخبطت الا سعاف جت بس كده
دخلت الخادمه فجاءه: ريان بيه الحق
..................
في مكان في سكن الطالبات في جامعه كاليفورنيا في اميركا كانت تنام نوم عميق وتشبه الملاك النائم بشعرها الطويل الناعم وهدوئها وبشرتها البيضاء وهنا قام احد بدلق كوب ماء علي وجهها
وفاء: اعااا بغرق المدرسه بتغرق اعااا
وقعت تغريد من شده الضحك: ههههههه مش قادره
بصت وفاء لتغريد بغضب و ابتسمت ابتسامه خبيثه ودخلت الحمام وبعد دقائق قامت بدلق اكبر دلو علي تغريد
تغريد: اعااااااااا مبعرفش اعووم
وهنا غرقو الاثنين في الضحك.
تغريد: الحمدلله بكره هنوصل لبلدنا ام الدنيا
وفاء: أمل وحشتني اوي
تغريد: وولاء كمان وحشني العيش المحروق بتاعها
وفاء: غياب بعد اربع سنين
تغريد: نفسي نتلم من تاني كلنا
وفاء: متقلقيش ويلا عشان نحضر الشنط تغريد: يلا
.....................
ريان: في اي
الخادمه: البنت الي فوق فاقت وعايزه باباها وولاء
ريان جري علي الاوضه وشافها فضل يتامل عنيها الي شبه البحر أمل بصتله كتير وقالت: انتا مين وانا بعمل اي هنا
ريان: انا ريان وانتي عملتي حادثة وفضلتي في غيبوبه لمدة شهرين
أمل: وبابا وماما فين وولاء
ريان: بابا وماما ماتو وولاء هجبهالك وهنا كان الخبر كالصاعقه وانهارت في البكاء تنفي بما قاله
نزل ريان تحت وقال: انا قولتلها ان اهلها ماتو وهفهمكو بعدين اطلعي يا ولاء فوق ولو عرفت انك قولتلها حاجه طلع مسدسه ساعتها هفجرلك دماغك دي
ولاء بخوف: حاضر حاضر
ولاء طلعت وعدي اتكلم مع ريان
عدي: لي قولتلها كده
ريان بحجه: عشان ده الي لازم يحصل لان لو رجعت لبيتها مرات ابوها هتحاو تأذيها تاني وهنا فهم عدي ان ريان مش عايز أمل تمشي
عدي: مش خايف لو عرفت اي الي هيحصل
ريان: متقلقش يا صاحبي هحاول معرفهاش
عدي: وولاء ريان: هنخليها معاها وهنا حضن عدي ريان بشده وبعدين بعد وقال: اصل كنت بطمن علي حرارتك هكتبلك حبت ادويه كده
ريان بغمزه: حرارتي برضو
ضحك عدي ومشي عند أمل
ولاء جريت عليها وحضنتها أمل: مش هشوفو تاني بابا مش هشوفو تاني ملحقش حتي يودعني مشي فجاءه وعليت شهقاتها وعندما كان يمر ريان سمع شهقاتها شعر بطعنه في قلبه طعنه مريره وذهب لغرفته
ولاء: هما في مكان احسن دلوقتي وانا معاكي اهو مش هسيبك ولا انا مش ماليه عينك ها قولي اعترفي ضحكت أمل وسط بكا ئها وجاء اتصال لولاء
أمل: مين
ولاء: دي تغريد
ولاء: الو يا سيد اشطا يا كلبه البحر الي مبتسألش
تغريد: طب ليه الغلط ده طيب ده انا حتي هفرحك واقولك خبر حلو
ولاء: اي هوا
تغريد: تدفعي كام
ولاء: اه يا ماديه يا حقيره
تغريد بضحك: انا جايه بكره الصبح انا ووفاء
هنا صوتت ولاء بفرحه
أمل: في اي
ولاء: تغريد ووفاء جاين بكره
قامت أمل وفضلت هيا وولاء يرقصو علي السرير بفرحه ونسيت امل حزنها لان ولاء جديره تخرجها من اي حزن
ولاء: بصي هنيجي نستقبلكو بكره
تغريد: طبعا اومال مين الي هيشيل الشنط
ولاء قامت بقفل الخط في وجه تغريد
أمل: احنا هنمشي من البيت ده امتي
ولاء: لما حالتك تتحسن
امل: تعالي نروح بيتك
ولاء: استني خمسه وهرجعلك ولاء راحت لريان وقالتلو
ريان: مش هيحصل الا لما تخف وتتحسن
ولاء: بس هيا رافضه
ريان: انا طالعالها
دخل ريان الغرفه
ريان: محدش هيمشي الا لما تتحسني
أمل: وانتا مالك انتا يا الي شبه الارنب
وهنا نظر لها بغيز: الي انا قولته يتنفذ وعلي العموم احنا في مكان شبه صحرا عشان مهما مشيتي مش هتوصلي في اي حته وسابها ومشي وهيا بطلع نار من ودانها
ولاء قالت لريان: اخواتنا هيوصلو من امريكا بكره ولازم نستقبلهم
ريان: هبعت حد يستقبلهم
ومشي ريان عمل تيليفون
ريان: الو يا عدي
عدي: ولاء حصلها حاجه
ريان: ربنا يخدكو في تابوت واحد يا اخي
عدي: ياخدني انا ويسبها هيا دي الي في الحته الشمال وبعدين اهون عليك يا سونه يا خاين
ريان: يارب صبرني
ريان: بقولك كلم اخوك حسام واخويا مالك يطلعو علي المطار بكره
عدي: لي
ريان: عشان هيجيبو اخوات أمل وولاء من هناك نازلين من امريكا بكره
عدي: تمام طب هما حلوين
ريان: راحت فين ولاء والي في الحته الشمال
عدي: دايما بتفهني غلط انا بتكلم علي حسام الي مشافش خمس ثواني تربيه
ريان: طالع زي اخوه نعمل اي بقا ربنا يصبرني عليكو ومخلص منكو في اسرع وقت
عدي: بس تصدق البت ولاء مخلتنيش اكملها بقيت الاغنيه بس خساره فيها
دانا اصلا فنان
سمت عدي صوت صفاره الهاتف
اليوم التالي في المطار استووببب استنو بارت 4
............
رواية عشق تحت ظل القمر
البارت الثالث والرابع بقلم ايمان رافت
لبارت 4
.......................
في المطار
مالك: الو يا عدي احنا هناك
حسام بمقاطعه: قولو هما مزز ولا، ضربه مالك في كتفه
حسام: الله مش بنعاين البضاعه
مالك: منك لله يا اخي كشفت راسي ودعيت عليك يا بعيد
عدي: بص هما بنتين الاولي اسمها تغريد والتانيه اسمها وفاء تستنوهم وتكتبو علي يافته اساميهم وهما هيجو
مالك: تمام سلام
حسام صفر جامد: يا تستفان قاليي يخربيت البنتين الصاروخ ارض جو بحر يابس
مالك: اهدي كده احنا جاين نستقبل ضيوف ونرجع
حسام: يا محطم الخواطر حد يشوف الرز بالبن ويسيبه الا البت الي رافعه شعرها علي شكل كحكه اموت واشوفو مفرود
مالك غمض عينه ورفع صباعو بتحذير: اياك تتحرك من هنا، لسه بيفتح عينو ملقاش حسام حرك راسو بيأس من صاحب عمرو الي عمر ما هيتغير ابد حسام هو حسام ميشوفش بنت الا لما يديها عنوانه، علي الجانب الاخر نزلت تغريد ووفاء من الطياره ووقفو في المطار
تغريد: فين البت أمل هيا وولاء ام راس كلبه
وفاء: تلاقيهم قربو يجو
تغريد: دا احنا بقالنا ساعتين واقفين ماشي اما وريتك يا ولاء الكلب انتي وامل
وهنا شعرت تغريد بشئ يجذب التوكه الي في شعرها 🎀 وهنا انسدل شعر تغريد الاسود الطويل الناعم وشهقت ثم نظرت وجدت شاب اكتر من وسيم بعيناه العسليتين التي تميل للاخضر وشعره الكثيف الاسود وكان حسام ولكن كانت تستشيط غضبا مما فعلو وعندما رائها حسام سرح غي جمالها الي ميتوصفش عينيها الخضراء وملامحها الطفوليه وطبعا شعرها الي سحرو فجاءه فاق لما لقاها متعصبه جري ومعاه التوكه 🎀 وهيا بتجري وراه ولفو المطار كلو وفي الجانب الاخر وفاء واقفه بهدوئها وفاء لاحظت اليافته الي مكتوب عليها اساميهم وخدت الشنط وراحت علي مالك وهنا مالك لاحظ فتاه زي الملاك جايه عليه ركز علي ملامحها الملائكيه الهاديه وشعرها البني الطويل وعنيها العسلي فاتح وفضل متأملها لحد ما فاق علي ايديها الي بتلوحلو
وفاء: اهلا انا وفاء الي اسمي مكتوب علي اليافته وصحبتي تغريد بس تغريد مشغوله حبتين وهنا كانت الصدمه عند مالك لانه لو علم ريان بما فعلو عدي سيدفنه وقتي قال مالك: انا اسف جدا علي الي صاحبي عملو في صاحبتك بس هو طبعو بيحب الهزار وكده
وفاء : هو ده صاحبك
ريان: ولا اعرفه قصدي للاسف اه
وهنا جائت تغريد: يا حيوانه سيباني مقطوع نفسي ورا الواد ابن الملزقه ده وانتي وقفالي بتتشقطي
وفاء: لا والله ده انا حتي ، قاطعتها تغريد: متحاوليش تتداري فعلتك القذره ابدا انا مصدومه فيكي اهئ اهئ وهنا سمعت تصفيق وتصفير نظرت وجدته حسام: الله عليكي يا فنانه كنتي فين من زمان عظمه على عظمه يا بت
وهنا جريت تغريد ورا حسام تاني وفجاءه مالك سحب حسام من لياقته حسام: لو سمحت اديني هبتي قدام المزه بتاعتي
مالك: انتا عارف المزه دي تبقي مين يا خويا
حسام بصوت البكاء: اوعا تقول
مالك: هو الي في دماغك
حسام: احيه ده ريان هيشقني نصين ويقطعني بسكينه تلمه
مالك: اعتذر ومش هتتقطع، وهنا تدخلت تغريد: انتو مين
مالك: احنا جاين تبع أمل وولاء وجينا ناخدكم نيابه عنهم
تغريد بخضه: هما فيهم حاجه
مالك: لا خالص هما الي طلبو منا نيجي ، حسام متدخل
حسام: انا اسف علي الي عملتو بالله عليكي احيات عيالك يا شيخه متقولي لريان هيشقني نصين، وهنا ابتسمت تغريد بشر.: حيث كده شايف الشنط دي وشاورت علي شنط كتير
حسام بلع ريقه: نعم نعم انتي اتجننتي
تغريد بتمثيل: ااه ضهري وجعني من الجري ااه يا با
حسام: واحده مستفزه، راح حسام وشال الشنط
وفاء: حرام يابنتي كتير عليه
تغريد: خلاص شيلي انتي
وفاء مسرعه: لالالا انا مالي، وهنا ضحك مالك، علي سارقه قلبه بجمالها البرئ
علي الجانب الاخر.......
ولاء وامل في الغرفه ذهبت ولاء لتبحث عن شئ تاكله وتركتب الباب موارب وكانت أمل تجلس تفكر ماذا سيحدث لها لاحقا وخرجت عن تفكيرها عندما وجدت كلب ضخم يدخل وينظر لها بشر وهنا صرخة أمل هزت اركان القصر مما افزع ريان
امل: اعاااااااااا كائن متوحش، قرب ريان من الاوضه ليري ما حدث ولكن سمع أمل وهيا تقول
امل: امشي يا كلب يا ابن الكلب، دخل ريان فجاءه امل متسرعا: والله ما قصدي عليك انا قصدي علي ده والله، نظر ريان للكلب الحارس وقال: رالف out خرج الكلب ونظر لامل الي تبتسم ابتسامه بلهاء
قال ريان: متخافيش طول مانتي هنا محدش هيقدر يأذيكي، حست امل بالاطمأنينه في كلامه
أمل بامتنان: شكرا علي استضافتنا في بيتك لحد ما اتحسن
ريان: ده بيتك خدي رحتك في وغمز وقال بصوت هامس وممكن افكر في حكايه انك متمشيش من هنا دي، وخرج ولكن لم تستمع له لان صوته مكنش واضح... عند ولاء، ولاء كانت في عالم اخر امام الثلاجه. ولاء: انا بحلم دانا لازم اصفي ام التلاجه دي، وظلت تاكل الكثير وهنا دخل عدي بهدوء كي لا تشعر ونظر الي البيچامه الطفوليه التي يوجد عليها رسمه كيتي وشعرها علي وضع ديلين حصان وفجاءه قفلت باب التلاجه ونظرت وجدت عدي اتفزعت وكانت هتقع ولحقت نفسها
عدي: يخربيتك فصيله اللحظه دي كنت مستنيها من زمان انك تيجي تقعي وامسكك وافضل مبحلق فيكي شويه وانتي تبحلقي وشغل الافلام الهنديه ده
ولاء بصتلو بغضب: انتا لو اخر واحد في الدنيا مش هخليك تلمسني يا متحرش،
عدي بهمس بجانب اذنها : هتبقي ملكي
ولاء كانت في عالم تاني وفي مشاعر اول مره تحسها، لاحظ عدي وقرب منها وخد الفرولايه الي كانت في ايديها وكالها وبصلها وضحك ومشي
ولاء: هو كان بيقولي انا كده وبعدين فاقت وراحت تجري وراه ووقفته
ولاء: عمري ما هبقي ملك حد يا دكتور البهايم حتي لو كنت اخر واحد في العالم
عدي بضحك : هنشوف والايام هتسبت
ولاء بتحدي: هنشوف
....... ......
عند تغريد هيا ووفاء في عربيه حسام ومالك جنبو
تغريد: ياسواق يا شاطر ودينا القناطر
حسام: حرام عليكي بطلي صداع بدل ما اخيطلك بوقك ده
تغريد: ااه يا ضهري ياما
حسام: حقك عليا غني براحتك
تغريد: ايوه كده مبيجوش غير بالعين الحمراء
حسام في سره: اما وريتك يا تغريد
في الجه الاخري مالك سرحان في وفاء الهاديه
وبعد ساعه وصلو
....... تغريد: ياناااااس يا هوو أموله يا ولاء، امل سمعتهم هيا وولاء وجريو حضنوهم
أمل: وحشتونا اوي
تغريد: اخيرا هنتلم
ولاء: محدش هيفرقنا تاني مهما حصل
وطلعو علي الاوضه كلهم وفضلو يتكلمو عن مغامرتهم
علي الجانب الاخر.. ريان: خليكم هنتعشا كلنا سواء النهارده رد حسام مسرعا: موافق، ورد مالك: موافق
جاء اليل وبعد العشاء ذهب الجميع لغرفهم في غرفه وفاء وتغريد
تغريد كانت واقفه في البلكونه بتلعب في التيليفون ووفاء راحت تشرب وتدور علي حاجه تاكلها، تغريد شافت حسام تحت البلكونه حدفلها ورقه
تغريد مسكت الورقه وبتقرائها: انزلي قابليني في تاني اوضه علي الشمال عشان عايز اعتذرلك علي الي حصل الصبح تغريد نزلت وراحت هناك لقيتها اوضه الحمام السباحه
تغريد خافت عشان مبتعرفش تعوم
تغريد: يا كائن يالي هنا انتا يالي اسمك حسام
فجاءه حسام زقها في حمام السباحه وفضل يضحك وقال: انا اسف اطلعي بقا لو حدك وسابها ومشي
،، وفاء كانت بتدور علي تغريد وقابلت مالك.: متعرفش تغريد فين
مالك: لا ، جه حسام بعد نص ساعه ، وفاء: متعرفش تغريد فين
حسام: عند حمام السباحه
وفاء: ينهار اسود دي مبتعرفش تعوم
حسام قلبه انخلع وحس لاول مره بالخوف وقال: تغريد.........
تكملة الروايه اضغط هناااااااا
تعليقات
إرسال تعليق
فضلا اترك تعليق من هنا