رواية طوق نجاه الفصل الخامس والسادس 5_6بقلم مرام محمد
رواية طوق نجاه الفصل الخامس والسادس 5_6بقلم مرام محمد
5. طوق نجاه
غير مستوعبه هذا الحد من القذاره.
ثم قام قاسم وهو يخلع قميصه ويقفل الشباك ولم ينتبه اليها، وضعت يداها على فمها وعنيها متسعه وهي غير مستوعبه:- استغفر الله العظيم يا رب ايه القرف ده ربنا يحرقك يا شيخ.... جاءت دنيا من خلفها والله يا ست مرام هو احنا جايين الحفله علشان تقعدي لوحدك في البلكونه.
مرام:ها في ايه يا بنتي خضتيني.
دنيا :-هو احنا جايين نتبسط مع علياء ولا انتي جايه تقعدي لوحدك هنا تعالي تعالى .. وسحبتها من يداها.
بعد ان قفل قاسم الشباك ولم ينتبه الى مرام، توجه الى هايدي وهو ينظر اليها بمكر :-مبسوط منك اوي يا هايدي علشان عرفتي تدخليني من غير ما حد ياخد باله.
هايدي بدلع :-اصل انت طلباتك اوامر يا سومي، ثم قامت وقفت واتجهت اليه بدلع واغراء ووقفت امامه وهي تنظر اليه بابتسامه انا ما اقدرش ارفض لك طلب ولو طلبت مني ايه هعمله لك ده كفايه ان انت مخليني مش محتاجه حاجه واكملت وهي تمد يداها تلامس وجهه نفسي في عربيه اوي يا بيبي زي لميس وشاهيند ا صاحبتي يرضيك يفضلوا يضايقوني ويبقوا احسن مني وبابا زي ما انت عارف ماسك على ايده اوي رغم اللي هو فيه ده بس بيستخسر فيا كل حاجه .
نظر اليها ببرود نتكلم في موضوع العربيه ده بعدين يا هايدي مش هتجيبي لي حاجه اشربها ولا انتي بخيله؟
هايدي:- اه سورى نسيت تحب تشرب ايه؟
قال بخبث وعيون ماكرة:-هشرب من اللى انتي تحبي تشربى منه.
هايده بضحكة خليعه:-هههه يبقى شنبنيه.
-------------------
علياء بعيون لمعت فيها الدموع علشان خاطري يا مرام انتي ودنيا خليكوا شويه انتم عارفين اني ما ليش غيركم انتم عوضي عن اهلي اللي مسافرين ومش هاممهم حاجه في حياتهم قد الشغل والبيزنس وازي يكبروا اكتر وانا بالنسبه لهم ولا حاجه ايوه عايشه في قصر وخدم ولبس ماركات ومصاريف بالهبل بس على طول حاسه بالوحده والخوف انا عمري ما كنت مبسوطه في حياتي غير لما انتوا دخلتوها.
مرام وهي تمسح دموعها وتحتضنها وانضمت اليهم دنيا ايضاً.
مرام"- بت بومه اقسم بالله كتله نكد طالع لها ايدين ورجلين ،اخرجتها من احضانها وهي تمسح لها دموعها دموعك دي غاليه عندي اوي يا علياء اوعي تبكي ابداً وانا معاكي اقولك على حاجه احنا هنسهر معاكي لحد ما انتي تزهقي وتقولي لنا امشوا واكملت بمرح ويا ستي لو على ميار اهي علقه تفوت ولا حد يموت .
_________________
هايدي:- اتفضل يا روحي كاسك ،مد يداه اخذ منها الكاس .
قاسم :-عايز كوبايه ميه اشرب .
هايدي:- اوكيه يا روحي ثواني هجيب و هاجي.
بعد ان تأكد انها خرجت اخرج من جيبه انينه صغيره بها سائل ووضع منه قطرات في كأسها واخفاها في جيبه سريعا عندما عادت.
هايدي"- اتفضل يا بيبي.
تناول منها الماء امسك يداها واجلسها بجواره وجلب لها هذا الكاس اشربي يا حبيبتي وهو يمشي يده الاخرى على شعرها تناولت كأسها وهي تنظر اليه بنظرات اغراء ومن ثم اصبح الدوار يداهمها والرؤيه اصبحت مشوشه لديها وقالت بصوت واهن وهي تضيع يداها على مقدمه راسها، قاسم.... انا.. ولم تكمل كلامها حتى اغلقت عينيها وذهبت في النوم بسبب تأثير المنوم الذي وضعه لها قاسم .
قام من جوارها وهو يرتدي قميصه وقال بسخريه معلش بقى يا حلوه انتي اللي هتدفعي اخطاء ابوك تاجر الهير'وين اقترب منها وامسك وجهها في يده وهي نائمه لا تدري بأي شيء، ثم قال ما هو اكيد مش واحده زيك اللي هتشيل أسمي ده انا حتى اقرف اقرب منك او المسك اصل ما بحبش الحاجه المكشوفه المتاحه الملموم عليها دبان ثم خرج من غرفتها واتجه الى مكتب الشيمي حاول يفتح الباب ولكنه وجده مغلق اخرج من جيبه شيء ليفتح به الباب عامل حسابي لكل حاجه يا شيمي ونهايتك قربت فتح الباب ودخل مكتبه اخذ يبحث على جهاز اللاب توب والفلاشات الخاصه بشغله وجد احد الادراج مقفوله بالقفل ولكنه فتحه ايضاً بشيء موجود معه ابتسم بانتصار عندما وجد هذا الجهاز بالفلاشه.
دنيا:- عاجبك مشيتنا دي نص الليل يا مرام عملتي فيها شهمه وصاحبه صاحبتها والله انا خايفه ادخل بيتنا ابويا هيموتني.
مرام:' امشي وانتي ساكته يا عديمه الاحساس ما عندكيش قلبي يا بت انتي مش شايفه البنت كانت عامله ازاي.
دنيا:-ماشي يا مرام ابقي هاتي شويه الاحساس بتوعك دول وتعالي اضربي مكاني ....
فجأه اتفزعوا بقوه عندما استمعوا لصوت شباب يمشون وراءهم، امسكو يد بعدهن بقوه وهم يرتجفون دنيا بخوف وصوت هامس مرام امشي وما تبصيش وراكي وبلاش حركات الجنان بتاعتك دي..
مرام :-جن لما يلخبطك امال انتي عايزاني اسكت لهم.....
شاب 1بثماله:- ايه دا قمرين ماشيين لوحدهم بالليل....
شاب2:- جذب يد دنيا وقال هتيجوا يا قطتين معانا بالذوق ولا.....
وقبل ان يكمل كلامه كانت مرام خبطاه في مقدمه راسه بالحجر الذي التقته من على الارض، امسك راسه بألم وهو يتفحص يده:-
دم يا بنت ال......
هجم عليها الشاب الثاني ما بلاش شقاوه يا بت انتي ما تبوظيش الدماغ اللي انا عاملها.... وامسك معصم يداها بقوه يجذبها ولكنها بسرعه وقوه افلتت يداها منه بحركات الدفاع على النفس التي تتمرن عليها وسريعاً مدت قدماها اوقعته ارضا وهربوا سريعا ولكن قاموا الشباب ثانيه بغضب وعيد يجرون ورائهم فامسكوهم صرخوا مرام ودنيا بصوت عالي لكي احد يساعدهم او ينقذهم وفي لحظه كان الشبان مرميان ارضاً فنظرت مرام بصدمه ودهشه ما ان رأته قاسم.
شاب ملقي على الارض سايح في دمه والشاب الثاني مسح الدم الذي ينزف من فمه وانفه وقام وقف بتألم ثم طلع مطو'ه وقال بثما'له :- ابعد بدل ما اشق_ك وامشي علشان المز'تين دول يلزموني.... نظر قاسم اليه بهدوء ما قبل العاصفه وقرب منه بثبات فمدى الشاب يديه بهذا السلاح الذي يحمله في يده وكان يريد قت`ل قاسم.
فصرخو دنيا ومرام .
مرام:حاسب يا قاسم.
فهذا الوقت كان مسك قاسم يد الشاب التي فيها السلاح وضغط عليها بقوة حتي وقع منه السلاح، ثم لكمه بقوة وغضب فى وجهه عدات لكمات حتى سقط مغشى عليه.
قاسم وهو ينظر الى مرام بغضب وقال بصوت هادر ايه اللي ممشيكي دلوقتي يا محترمه في نص الليل.
مرام وهي تنظر اليه بشمئزاز واحتكار وهي تتذكر عندما رأته من البلكونه.
قاسم بحده.
ايه اتخرستي ايه اللي يخلي بنات تمشي دلوقتي في نص الليل ها؟
دنيا كانت دموعها نازله وترتجف ومرام ما زالت على نفسي نظرات الاستحقار لفت وجهها وذهبت وتركته دون ان ترد عليه او تعيره اي اهتمام فغضب اكثر وذهب خلفها جذبها بقوه من يداها لما اكلمك تردي عليا ومتلفيش وشك وتمشي.
نزعت يداها من يده وقالت بحده وانت مالك انت انا مش مجبوره ارد عليك اصلاً.
قاسم:-لا مجبوره وغصب عنك ولما تتكلمي معايا تتكلمي عدل فاهمه وبعدين بدل ما تشكريني بتقل ادبك وانا لسه مخلصك من الحيوانات دي....
قالت باستحقار وبرود :-حيوانات زيك بالضبط كده......
لم تشعر بأي شيء بعده غير بصفعه قويه على وجهها حتى احست ان رأسها طارت من على عنقها من شده الصفعه فصرخت بقوه اه ه ه...
دنيا وهي تحتضن مرام التي كادت ان تسقط،.
دنيا :-ايه اللي انت عملته ده حرام عليك... مرام انتي كويسه ؟
مرام وهي تمسح الدم الذي نزف من انفها وفمها مرام بصوت هامس من الألم أسألتك دايماً غبيه وبتجي في اوقات اغبى اه ه دي مش ايد بني ادم دي...
نظر اليها بغضب وتحذير وعيون ثاقبه ثابته اخر مره تقل ادبك يا بت انتي عشان لو اتغيت عليكي مش هتنفعي..
وهي ما زالت تبكي من الألم الصفعة..
واكمل هو بسخريه وبعدين النطع اللي انتي مخطوبه له فين و سايبك ماشيه على حل شعرك ازاي كده؟
مرام بذهول وهي تنظر اليه باستفهام انت عرفت منين اني مخطوبه اصلاً؟
تنهد بنفاذ صبر:- اخلصي اتزفتو اركبوا علشان اوصلكم ...
مرام بسخريه نركب معاك انت؟ طب امشي بكرامتك بدل ما امشيك من غيرها، وتلقائي وضعت يداها على وجهها لتحمي نفسها قبل ان يصفعها مره ثانيه.
اخذ نفسه واخرجه بغضب ثم نظر الى دنيا روحي اركبي العربيه.
دنيا:- يلا يا مرام...
مرام بعند:- على جثتي....
وجه كلامه الى دنيا بحده قتلك روحي اركبي.
دنيا برجفه :-حاضر....
حاضر وذهبت وركبت سيارته نظرت اليها مرام باندهاش وصدمه :-يا واطيه يا جبانه ،ثم نقلت نظرها عليه وبعند اكبر بردو مش هركب معاك ،تحرك ناحيتها بهدوء مريب وهو يحرك عنقه يميناً وشمالاً ليصدر صوت طرقعه تراجعت للخلف برعب حقيقي وهي تبتلع ريقها بصعوبه وبدموع:- والله لو ضربتني تاني......
ولم تكمل كلامها ولم تشعر بأي شيء بعدها.....
يا ترى حصل ايه؟
وحابين مرام تكون مع طارق ولا مع قاسم؟ اكتبولي في الكومنتات....
6. طوق نجاه
قالت بدموع:- والله لو ضربتني تاني....... وبعدها لم تشعر بأى شيء غير انه اقترب منها بسرعه وخفه وامسك عنقها وضغط على شريان في رقبتها جعلها تنام فهذه الحيله هو متمرن عليها و يلجأ اليها في بعض الاحيان في شغله ثم حملها بين يديه قبل ان تسقط .
قاسم :-انتي اللي دماغك جزمه استحملي بقى وما ان حملها حتى شعر بكهرباء تسري في جسده تجاهل هذا الشعور وذهب بها الى سيارته .
دنيا بقلق ودموع تلقلقت في عينيها ايه دا انت عملت فيها ايه؟
صمت ولم يرد عليها دخلها بجانب دنيا في الخلف بهدوء وهو ينظر اليها بنظرات غير مفهومه وعينيه تتأمل كل انش في وجهها بشرود افاق من شروده على صوت دنيا:- هي حصل لها ايه عملت فيها ايه؟ مرام ردي عليا.
قال بجديه وهو يقفل باب السياره ويذهب ليركب في الامام هي كويسه ما تقلقيش لما نوصل هتكون هي فاقت اخذ يسوق سيارته.
قاسم :- ايه اللي ممشيكم لوحدكم في وقت زي دا؟.
دنيا :-غصب عننا والله كله بسبب مرام اصلاً .
قاسم باهتمام :-بسببها ازاي يعني؟
دنيا :-ابداً اصل لنا واحده صاحبتنا وقصت له دنيا ما حدث.................
ارتسمت ابتسامه على وجهه رغماً عنه على براءتها وبرغم من جنانها إلا انها تمتلك قلب نقي لين فلاحظت دنيا ابتسامته وهي تتابعه من مرأه السياره قالت بخبث ممكن تشغل اغنيه سميني عاشق مجنون سميني واحد مغرم..... احم اصل مرام بتحبها اوي.
نظر اليها بحده من المرآه الاماميه .
دنيا بارتباك :-احم.. خلاص مش مهم حضرتك .
في اليوم الثاني
ميار:-منورانا والله يا سميه وازي صحتك يا اختي دلوقتي عامله ايه؟
سميه اخت ميار:- يا ريتني كنت عملت العمليه دي من زمان الحمد لله ارتحت كتير.
ميار:- بركه يا اختي حمد لله على سلامتك.
سميه وهي تمسك يد ميار انتي اللي مالك بقى يا حبيبه اختك صوتك قلقني يوم ما كنت بتكلميني في التليفون.
ميار وقد هزمت كل القوه التي تمثلها امام الجميع دائما ودموعا التي لا تتوقف عن النزول التفتت بنظرها في اركان البيت وعلى غرفه مرام تحديداً لكي تتأكد ان لا احد يسمعها انما مروان كان في درسه .
ميار ببكاء :-جالي في المنام يا سميه.
سميه بقلق:- هو مين يا ميار يا اختي احكي.
ميار :-محمد جالي وابن الكلب اللي قتله ده بيخنق فيه تاني وهو ياحبت عيني متكتف مش عارف يعمل حاجه غير انه بيقول مرام لا مرام لا وبعدين قمت من الحلم مفزوعه وقلبي مقبوض.
سميه:- يا حبيبتي يا اختي اهدي وادعي له بالرحمه.
ميار :-هو انا ببطل ادعي له ولا انا بنساه اصلاً بس محمد اكيد في حاجه مضايقاه وانا خايفه على مرام اوي هو كان بيقول مرام لا مرام لا أكيد ده ليه معنى بس انا مش عارفه ايه هو.
صمتو عندما جاءت مرام .
ميار مسحت دموعها سريعا وتصنعت الجمود والقوه كالعاده وقالت بغضب اهلاً يا غيبوبه اسمعي يا بت انتي ايه اللي حصل ليله امبارح ده انا مش هعديه بالساهل كده.
سميه: في ايه يا ميار ما بالراحه على البت تعالي يا حبيبه خالتك لما اسلم عليكي تعالي.
مرام كانت ما زالت ترتدي فستانها واثار النوم تظهر عليها والارهاق تقدمت لتسلم على سميه وهي شارده ولا يوجد اي تعبير على وجهها فقد كانت تفكر في هذا الشخص الغامض.
ميار بغيظ :-مش عاجباني يا مرام انتي مش مظبوطه.
فاقت مرام من شرودها على كلمات والدتها:-
في ايه يا ماما انا ما عملتش حاجه صاحبتي بتمر بظروف صعبه ومحتاجاني وانا سهرت معاه شويه مش جريمه يعني.
سميه احتضنت مرام ما خلاص بقى يا ميار سنه سنانك على البت ليه اهدى.
مرام :-انا هروح عند دنيا شوية وجايه.
ميار بحده:- يا شيخه اتنيلي اغسلي وشك الاول ولا غيري هدومك ولا افطري.
قامت مرام متجهه الى غرفتها خلاص يا ماما انا هرن عليها تيجي لي.
ميار :-شايفه بنفسك يا سميه عيله بارده وهتجلطني.
وبعد وقت قصير جاءت دنيا قفلت مرام باب الغرفه باحكام ثم اتجهت سريعا وجلست امام دنيا .
ها احكي لي بقى ايه اللي حصل امبارح.
دنيا:- ههه عشت وشفت حد قدر يكسر عنادك يا مرام .
مرام بغيظ وسخريه ههه يخرب بيت رخامتك ما تتنيلي تحكي الهلف ده اعمل ايه .
دنيا:- ولا حاجه لما لقاكي عاندتي وقفلت دماغك وعامله فيها استرونج ومان وهتقرفيه ريح دماغه ونيمك لما ضغط على حاجه كده في رقبتك وبعدين ركبك العربيه ووصلنا.
مرام بغضب :-شالني؟؟؟؟
هزات دنيا رأسها بخوف:- ايوه..
مرام بغضب:- الحيوان..
في اليوم الثاني
فتحي:- ايوه يا باشا انا رجعت اراقب البنت تاني زي ما انت قلت لي.
قاسم بغضب وحده"- اخر مره يا فتحي تقول بت فاهم اسمها الهانم حتى اسمها ما تقولوش .
فتحي وهو مبتسم تحت امرك يا باشا وربنا يتمم بخير ....احم بس يعني عندي خبر هيضايق حضرتك.
قاسم:- في ايه انطق.
فتحي :-الواد الدكتور خطيب الهانم دا جاء عندهم امبارح بالليل وسمعنا صوت زغاريت طالع من بيتهم يا باشا بس انا ما سكتش يا باشا لأن كان جاي هو واهله وكان شكلهم متوترين وهو قاعد يحفظهم وهو طالع لشقتها اللي هيقولوا فانا شكيت فيهم لما نزلوا رقبتهم وعرفت انهم مش اهله ولا حاجه ده مأجرهم يا باشا يمثلوا انهم اهله.
قاسم بغضب:- وهي غبيه ما بتصدق اسمع يافتحي عايزك تعرف لي كل حاجه عنه وعن اهله عايز ملف كامل فيه كل حاجه عنهم ويكون قدامي النهارده.
فتحي:- اعتبره حصل يا باشا .. .. واكمل بخوف بس في خبر تاني يا باشا أقول؟ ؟
قاسم بغيظ:- عملت ايه مصيبه هانم تاني.
فتحي:- الواد الدكتور هيجي النهارده ياخدها ويخرجوا مع بعض يا باشا بعد العصر كده.
قاسم بغضب :-خمس دقائق ورقمها يكون عندي يا فتحي اخلص واي جديد تبلغني بيه.
فتحي :-بسيطه يا باشا رقمها وصفحتها على فيسبوك كمان يكونوا عندك.
كان هو جالس على مكتبه مستشاط غضباً ثم جاء له عاصم.
عاصم:- يا باشا؟؟
نظر له قاسم والشر يتطير من عينه.
قاسم:- باشا ايه ما تخلص يا زفت تتكلم على طول انت هتنقطني.
عاصم بخوف:- اللواء جمال باشا عايزك في مكتبه حالاً.... ثم ضحك ببلاه ههه ابوك عايزك يا باشا.
قام وقف ببرود وهدوء مصطنع:- ماشي يا عاصم اروح له بس قرب لما اقول لك حاجه .
قرب عاصم منه بسلامه نيه على الفور:- ايوه يا باشا؟
لكمه قاسم بقوه في فمه بغيظ.
عاصم:- اه اه ليه كده بس يا باشا، وهو يضع يده على فمه الذي ينزف قال بألم دي تالت سنه يا باشا لحد دلوقتي وانا لسه ما دخلتش دنيا.
قاسم بحده :-غور يالا بدل ما اخليه صف اسنانك كله انت هتحكيلي قصه حياتك ولا ايه.
عند مكتب اللواء جمال القاضي.
نفخ بضيق ثم طرق الباب.
جمال:- ادخل..
دخل ونظر اليه بعيون كلها كره وحقد وقال بحده:- عايز ايه؟
جمال بقوه:- لما تتكلم مع اللواء بتاعك تتكلم عدل واحترم ان انا ابوك وإلا اللي هعمله مش هيعجبك يا قاسم.
قاسم اخذ نفس واخرجه بغضب:- تمام يا جمال بيه حضرتك عايزني في ايه .
جمال بحده :-معاملتك مع امك تتعدل احسن لك يا قاسم انا بعدي لك كتير لكن معاها واستوب مش هسمح لك.
قاسم بحده وغضب اكتر :-الست دي مش امي دي واحده خاينه خانت اختها وموتتها بحسرتها.
قام جمال بغضب وامسكه من تلابيب قميصه اخرس يا حيوان الست دي اللي ربتك من وانت عندك ثلاث شهور وخليتك شحط كده.
قاسم بغضب:- وانا ما كنتش عايزها تربيني ولا تبقى في حياتي اصلاً انا كنت عايز امي اللي ماتت بسببكم هي اللي تربيني.
جمال حرر قبضته من على قميصه يا ابني حرام عليك انت ليه مش عايز تفهم انت فاهم الموضوع غلط وعمتك حكت لك الموضوع بطريقه غلط علشان طول عمرها بتكره ريهام.
جاء له رساله من فتحي برقم مرام.
قاسم:- والله يا سياده اللواء ده مش مكان نتكلم فيه وبالنسبه بقى لمراتك فخليها ترتاح هي مش هتشوف وشي تاني ثم قال بسخريه سلام.
وتركه وخرج ذهب الى مكتبه وهو غاضب اخذ يدخن سجائره ورن عليها.
مرام وهي تجلس في كافيه الجامعه هي وعلياء ثم جاءت لهم دنيا.
دنيا:- انا لقيت الحقوق كئيبه زوغت وجيت اقعد معاكوا النهارده.
ثم رن هاتف مرام ايه ده رقم غريب!!.
دنيا بغيظ ما تشوفي مين يا بتاع دكتور طارق السمج هو واهله.
مرام:- حسابي معاكي بعدين لما ارد الاول يا جبانه.
الو مين ؟
قاسم بغضب:- اسمعي يا بت انتي تروحي من جماعتك على بيتك ولو رجلك خطت بره البيت تاني هكسرهلك .
تعليقات
إرسال تعليق
فضلا اترك تعليق من هنا