رواية اشواك الماضي الفصل السادس6بقلم يارا عبد العزيز

روايةاشواك الماضي  الفصل السادس6بقلم يارا عبد العزيز

روايةاشواك الماضي  الفصل السادس6بقلم يارا عبد العزيز

اشواك الماضي

الفصل السادس

تميم بصلها بتفكير و خبث:- الشرطة شوية و هيجوا ياخدوا اقوالنا احنا الاتنين و هيسألوكي اذا كنتي انتي معايا بمزاجك ولا غصبن عنك

رؤى كانت بصله بأنتباه كمل تميم بجدية:- عايزاك تقولي ان جوزانا و وجودك معايا بمزاجك و بس كدا 

رؤى كانت لسه هتتكلم بس قاطعها خبط الباب

كامل :- ادم صاحبك برا جاي ياخد اقوالك

كمل و هو بيبص لرؤى :- و معاه احمد و عاصم الدمنهوري

تميم :- خليهم يدخلوا يا ابويا

دخل ادم و معاها اتنين عساكر بالاضافة الى عاصم و احمد اللي دخلوا معاهم ، قعد ادم على الكرسي اللي جنب سرير تميم

ادم :- احمد الدمنهوري بيتهمك انك خطفت... اخته و اتجوزتها غصبن.... عنها و بتعذبها.... 

تميم ببرود:- محصلش انا و رؤى بنحب بعض جدا و اتجوزنا 

احمد بغضب :- دا كداب.... بقاله شهر خاطفها و بيعذبها.... و الصور اللي معايا تشهد على دااا

تميم :- الصور دي متفبركة و اهي صاحبة الشأن قدامكوا اهي اسألوها 

بص الجميع لرؤى اللي كان باين عليها التوتر

رؤى :- تميم معاه حق انا معاه براضي و بحبه و الصور دي مش أنا اللي فيها

عاصم بغضب مفرط و هو رايح عند رؤى و كان هيضربها.... :- انتي بتقولي ايه يبت انتي

تميم قام بغضب و تعب و وقف قدامه و هو ماسك كتفه من الوجع.... :- بقولك ايه انا ساكت ليك و لابنك من الصبح لكن انك تعلي صوتك على مراتي أو حتى تحاول تضربها..... دا اللي مش هسمحلك بيه

ادم :- اهدى يا تميم و تعال استريح انت تعبان

تميم بعصبية:- انت مش شايفه ؟!!!!!

ادم :- اهدى لو سمحت يا عاصم بيه

تميم اتنهد و حاول يتحكم في عصبيته و بص لرؤى اللي كانت خايفة بشدة:- انا اللي ضربت.... نفسي بالغلط احمد ملوش دعوة باللي حصلي هو كان بس بيهوش عشان عايز اخته و انا اللي ضربت.....

الكل بص لتميم بأستغراب و عاصم و احمد فهموا تصرف رؤى

ادم بأستغراب من تصرف تميم:- تمام هنسيبك ترتاح دلوقتي

احمد و هو خارج بص لرؤى :- لو مهددك... متخافيش و قولي الحقيقة و ملكيش اي دعوة بيا متضعيش نفسك يا رؤى 

رؤى بعدت بنظراها عنه و هي بتحاول تتحكم في دموعها

احمد راح عندها و خدها في حضنه:- متخافيش مش هسيبك معاه كتير اخوكي هيخلصك.... و دا وعد مني

رؤى كانت لسه هتعيط بس تميم بعد احمد عنها بغضب 

خرجوا كلهم من الاوضة و مبقاش فاضل غير تميم و رؤى ، رؤى اول اما خرجوا فضلت تبكي بشدة كان قدامها طوق نجاة ليها من عذاب... تميم بس فضلت اخوها و مستقبله على نفسها فضلت تبكي بشدة و تميم كان بيتقطع.... على حالتها

رؤى ببكاء و هي بتضرب..... تميم:- حرااام عليك انت استحالة تكون بني ادم

مسك ايديها و قيد حركتها و بص في عيونها و اتكلم بحدة :- اللي انتي حاسة بيه دلوقتي أو اللي هم حاسين بيه ميجيش نقطة في بحر وجعي.... انتوا متستهلوش انكوا تعيشوا مبسوطين ابدا انا بكرهكوا.... كلكوا

رؤى صرخت في وشه بغضب :- انا عملتلك ايه انا حتى كنت اول مرة اشوفك يوم ما خطفتني.... دمرت... حياتي كلها انا معرفش اللي بينك و بين احمد عشان تعذبني.... كدا لولا ان اخويا هو اللي ضربك.... كنت هتمنالك الموت..... عشان انا استريح من ظلمك ليا انا اللي بكرهك.... و مش طايقاك و انت لو عندك ذرة رجولة.... واحدة بس تطلقني.... انت بتاخد حقك على حسابي على حساب بنت لسه صغيرة و مش ادك لانك شخص ضعيف.... 

قام تميم بغضب و مسكها.... من شعرها بكل قوته و ضربها.... بالقلم.... فضلت تصرخ.... بشدة و خوف من تحوله عليها

دخل كل اللي موجودين على صوتها

كامل بغضب :- سيبها يا تميم انت اتجننت.... بتمد يدك على مرتك

بعد كامل رؤى عن تميم لانه كان هيموتها..... في ايديه

تميم بغضب :- محدش يدخل ما بيني و ما بين مراتي لو كان ابوكي دلعك و اثر في تربيتك فأنا موجود

كامل ضرب.... تميم بغضب مفرط:- لا دا انت اللي محتاج تتربى من اول و جديد

توحيدة:- خلاص يا كامل 

كامل بغضب :- اسكتييي انتي مش عايز اسمع صوت حد خالص فتحي خدهم كلهم على البيت يلا بسرعة مش عايز حد هناا 

فتحي:- اهدى يا اخويا تميم برضوا تعبان و لسه تحت تأثير المخدر اللي خده اكيد مش واعي لي اللي بيعمله

كامل :- قولتلكوا اخرجوا يلا 

 خرجوا كلهم و. مفضلش غير تميم و كامل                

                      ★****************★

استغفر الله العظيم الذي لا اله الا هو الحي القيوم و اتوب اليه 🤎

فاطمة كانت بتشرب ميه من فلتر كان موجود في المستشفى و بالتحديد قدام عيادة النسا لاحظت بنتين قاعدين 

:- اعمل ايه في المصيبة اللي انا فيها دي

:- متقلقيش انا اعرف دكتور بيعمل عمليات اجهاض.... هنروح عنده و نزله..... اسمه عادل المهدي انا اعرفه هو كويس جدا و فيه كذا واحدة عملت عنده

فاطمة مشيت من جانبهم و هي بتفكر في الكلام قاطع تفكيرها صوت توحيدة

توحيدة:- يلا يفاطمة احنا مروحين

فاطمة مكنتش مركزة معاها و كانت بتفكر في الكلام اللي سمعته

توحيدة:- فااااااطمة انتي يبت

فاطمة :- هااا نعم يا ماما

توحيدة:- بقولك يلا هنروح

                   ★****************★

لا اله الا الله 🤎

كامل :- لحد امتي هتفضل كدا يا كبير اختك يا قدوة

تميم بغضب :- هي اللي اتخاطت حدودها في الكلام و معملتش حساب حتى اني جوزها

كامل :- و دا يديك الحق ترفع... ايديك عليها لحد امتى البنية هتفضل بتتعذب.... بسببك

تميم بغضب :- انت ليه واقف في صفهم و انت عارف كويس اوي اللي انا عانيته بسببهم

كامل :- انا واقف مع الحق و اللي انت بتعمله دا ميرضيش ربنا ترضى ان اختك يتعمل فيها اكديه فكر يا تميم فكر عشان انت بدأت تتخطى حدودك و بعد اكديه انا هنسى انك ولدي و انا اللي هقف قصادك

قال كلامه و خرج من الاوضة و ساب تميم اللي بدأ يكسر.... في كل حاجه قدامه لحد ما الدكاترة دخلوا و ادوله حقنة مهدئة

                         ★*************★

اللهم صل وسلم وبارك على سيدنا محمد وعلى اله وصحبه اجمعين 🤎

في العربية رؤى كانت قاعدة في حضن توحيدة و بتعيط تحت نظرات الاستغراب من فاطمة

توحيدة:- خلاص يحبيبتى اهدي اكديه هتتعبي

رؤى بطفولة و شهقات :- انا بكرهه هو واحد رخم و مؤذي.... خلوه يطلقني... انا مش عايزة اعيش معاه تاني

توحيدة و هي بتطبطب عليها :- طب اهدي اهدي يبنتي

فاطمة حطيت راسها على كتف امها و الدموع نزلت منها بتلقائية و هي بتفتكر تصرفات ايمن معاها

توحيدة:- مالك يبنتي

فاطمة بحزن :- مفيش

توحيدة :- كان مستخبلنا فين دا كله بس يا رب 

                         ★*************★

سبحان الله العظيم 🤎

في المساء في القصر رؤى كانت قاعدة تعيط في اوضتها حسيت انها عطشانة ، خرجت من الاوضة و مريت من قدام اوضة فاطمة كانت لسه هتمشي بس سمعت صوت جاي من الاوضة دخلت الاوضة لاقيت فاطمة ماسكة بطنها بألم شديد

رؤى بخوف :- انتي كويسة

فاطمة بغضب :- اه كويس و اخرجي من هنااا يلاااا انا عايزة ابقى لوحدي

رؤى بخوف :- لا انتي باين عليكي تعبانة اوي انا هروح اصحي طنط توحيدة

فاطمة بخوف :- لا لأ متصحيش حد انا كويسة

كملت و هي بتحط ايديها على بؤوها و بتدخل الحمام و بتستفرغ

رؤى :- لا انتي بجد مش طبيعيه طب تعالي نروح المستشفى انا هروح انادي لحد

فاطمة مسكت ايد رؤى بخوف شديد و اتكلمت ببكاء:- لا ابوس.... ايديك انا مش عايزة اي حد يعرف اني تعبانة ابوس... ايديك متقوليش لحد انا شوية و هبقى كويسة

رؤى بصيت جانبها على الأرض لاقيت حاجه وقعت من جيب فاطمة وطيت و جابته لاقته اختبار حمل 

رؤى :- انتي حامل

فاطمة بخوف شديد:- دا مش بتاعي و يلا اطلعي برا و متقوليش لحد اني تعبانة

رؤى :- هو انتي متجوزة و مش عايزة جوزك يعرف انك حامل

فاطمة بغضب و بكاء:- لا انا مش متجوزة

رؤى بصدمة :- بس بس انتي حامل ازاي ؟!!!!!! 

فاطمة ببكاء و هي مش قادرة تتحكم في نفسها حضنت رؤى بقوة:- هو هو ضحك عليا و انا مش عارفه اعمل ايه

بدأت رؤى تطبطب على فاطمة و فاطمة بدأت تحكي كل حاجه حصلت معاها

رؤى :- طب نقول لطنط بس

فاطمة بخوف:- لا ابوس... ايديك لو عرفوا ممكن يدبحـ..وني..... فيها انا هتصرف بس متقوليش لحد

رؤى :- طب اهدي اهدي و حاولي ) تعالي نامي و ارتاحي انا. هاخد انا اختبار الحمل دا هرميه عشان محدش يشوفه و انتي اهدي ماشي

فضلت رؤى قاعدة جنب فاطمه لحد اما فاطمة نامت ، خرجت رؤى من اوضة فاطمة و راحت اوضتها و فضلت تفكر لحد اما ذهبت في نوم عميق 

                       ★****************★

سبحان الله وبحمده 🤎

كانت الساعه حوالي تلاتة قبل الفجر و رؤى كانت نايمة في اوضتها هي و تميم لوحدها و فجأة دخل واحد الاوضة و هو بيتسحب و بص لرؤى اللي كانت تايهة في النوم و و

يتبع

تكملة الرواية اضغط هنااااااااا

 اكتب ف بحث جوجل مدونة قصر الروايات 

الرواية كامله من البدايه من هنااااااا

تابعونا على قناة التليجرام منهنااااااا