رواية شهد الفهد من الفصل الأول إلى الفصل العاشر بقلم شهد أحمد
رواية شهد الفهد الفصل 1_2_3_4_5_6_7_8_9_10
_ش ه د
_شهد بعياط:نعم ي بابا
وائل بتعب :عاوز اقولك ع سر ي بنتي لازم تعرفيه وعاوزك تسامحيني قبل ما روحي تطلع للي خلقها
شهد بإنهيار : متقولش كدا ي بابا بعد الشر عليك
وائل : مش وقته ي حبيبتي اسمعيني انتِ مش بنتي
شهد : ايه ازاي يعني مش بنتك
وائل : زي ما بقولك كدا في يوم كنت رايح اصلي الفجر
Flash back
وائل : انا رايح اصلي الفجر ي غادة عاوزة حاجة
غادة : سلامتك ي حج متتأخرش
وائل فتح وجاي يخرج لقى طفلة ملفوفة في بطانية ومحطوطة قدام الباب وفوقيها جواب
Back
وائل : البنت دي كانت انتِ والجواب كان مكتوب فيه اننا ناخدك ونربيكي وكانت ست ال كتباه واترجتنا فيه اننا منوديكيش ملجأ وكمان كانت كاتبة عليه اسم عيلتك وقالت لما تكبري نقولك عليهم وانتِ كنتي شبه الملاك واحنا مكناش بنخلف فأخدناكي وربيناكي وسميناكي شهد
شهد بصدمة : ان انا مش مستوعبة ال انت بتقوله دا ي بابا طب طب ازاي
وائل : سامحيني ي بنتي اني مقولتلكيش بس مقدرتش اقولك ع متبعديش عني وخاصةً بعد ما مامتك ماتت بس اجا الوقت انك تعرفي عيلتك عايشة في القاهرة ومن اكبر العائلات فيها عيلة الدمنهوري جدك اسمه احمد الدمنهوري روحيله ي بنتي عشان اكون مطمن عليكي وانا في قبري
شهد : لا ي بابا انا مش هروح في مكان وانت هتبقى كويس وهتطلع من المستشفى وهنروح بيتنا
وائل : ....
شهد بعياط : بابا انت مبتردش عليا لي بااااابااااااا
الدكتور دخل وشال الاجهزة و قالها البقاء لله
شهد : لا لا متقولش كدا هو كويس هو بس بيحب يهزر معايا كدا
الدكتور : اهدي ي انسه وادعيله ربنا يرحمه
شهد : با با وفقدت الوعي
بعد ما صحت لقت نفسها في اوضة ومتركبلها محلول
شهد : ان انا فين وبابا وافتكرت ال حصل باباااااا سبتني لي انا مليش حد غيرك
الممرضة : استهدي بالله كدا حرام ولازم تخفي بسرعة ع نطلع تصريح دفن
شهد بعياط : حا حاضر
بعد مرور اسبوع
شهد قاعدة في اوضتها بتلم هدومها
شهد : انا لازم اروح لعيلتي ال بابا قالي عليها دي معتش ينفع اقعد هنا لوحدي
واخدت حاجتها واتجهت للقاهرة وسألت ع عيلتها وطبعًا عشان هما عيلة كبيرة ومشهورة عرفت توصلهم بسرعة
شهد بزهول وهي واقفة قدام الڤيلا : اي دا معقول عيلتي عايشة هنا
الحارس : نعم ي انسه عاوزة مين
شهد بإرتباك : لو سمحت انا عاوزة اقابل الحاج احمد الدمنهوري
الحارس : انتِ اخدة معاد
شهد : ها لا بس انا لازم اقابله ضروري
الحارس نده ع واحد من الخدم ودخلها وشهد في زهول من جمال الڤيلا ووسعها ومكنش في حد موجود
شهد : هو انت هتخليني اقابله
الراجل : ايوة هدخل اقول للحاج هو في مكتبه وهو يقول تدخلي ولا لأ
شهد : تمام
دخل الحارس وطلع قالها ادخلي
شهد دخلت وهي خايفة ومش عارفه تقول اي
الحاج احمد وهو حاطط وشه في ورق : ايوة ي بنتي عاوزة اي
شهد : .......
الحاج احمد رفع وشه : مبتتك ....انتِ
اكمل ولا لأ
#الثاني
الحاج احمد رفع وشه : مبتتك...انتِ مش معقول مش مصدق عنيا وحب يتأكد الاول : انتِ انتِ مين ي بنتي
شهد : انا حفيدتك ي جدو
الحاج احمد : انتِ مين قالك وجيتي هنا ازاي
شهد وحكتله ال حصل
الحاج احمد : تعالي في حضني ي بنتي
شهد كانت خايفة ومكسوفة في الاول بس بعد ما حضنته حست بالأمان كأنها حاضنة باباها
شهد بعياط وهي في حضنه : انا تعبت اوي ي جدو طب انا لي بيحصلي كدا لي بابا وماما سابوني ال هما مطلعوش بابا وماما اصلًا ازاي طلع عندي عيلة وفين بابا وماما الحقيقين انا معتش فاهمة حاجة
الحاج احمد : مش مهم ي بنتي المهم انك رجعتيلي بالسلامة وكل حاجة هتعرفيها في الوقت المناسب لو تعرفي انا بدور عليكي بقالي قد اي
شهد وهي بتمسح دموعها زي الاطفال : يعني انت كنت تعرفني ي جدو وشوفتني وانا صغنتوتة
الحاج احمد بضحك : ايوة طبعًا ي حبيبتي دا انتِ مولودة ع ايدي وبعدين كفاية كدا بقا وتعالي اطلعك ترتاحي شوية وبعدين هعرفك ع اعمامك وولاد اعمامك
شهد : ماشي ي جدو يلا
خرجوا من المكتب والحاج احمد نده ع واحدة من الخدامات
_ي سعدية
سعدية: نعم ي حاج
الحاج احمد : طلعي شهد في اي اوضة فاضية من ال فوق وتكوني منضفاها كويس ع ترتاح فيها شوية
سعدية : امرك ي حاج بس هي مين دي
الحاج احمد : هتعرفي شوية كدا
سعدية : ماشي تعالي ي شهد
وطلعت شهد ع الاوضة وكالعادة انبهرت بشكلها وبجمالها وغطت في ثبات عميق
في مكان اخر
_فين الزفت ال ماسك الحسابات اندهولي
_حا حاضر ي فندم
_اهدى ي فهد مش كدا بالراحة ع الموظفين
فهد : اهدى اي وزفت اي انت مش شايف ال بيعملوه ي جاسر كدا هيضيعوا الشركة وهيخسرونا ملايين
جاسر : لا ان شاء الله مفيش خساير ولا حاجة اهدى بس
فهد : ما تبطل البرود ال انت فيه دا ي اخي
جاسر بعصبية : انا لو متعاملتش بهدوء كدا مع الموظفين يبقى محدش هيرضى يقعد في الشركة دقيقة واحدة بعصبيتك دي انا ماشي وخرج جاسر ورزع الباب
تن تن تن
فهد :ادخل
الموظف : نعم ي فندم حضرتك طلبتني
فهد : يبرودك ي اخي انت مش عارف انت هببت اي
الموظف : حصل اي ي فندم انا مش فاهم حاجة
فهد : اتفضل خد الورق دا وشوف في اي
الموظف بخوف بعد ما قرأ : انا اسف ي فندم والله معرفش دا حصل ازاي
فهد : انا ميهمنيش دا حصل ازاي انا يهمني دلوقتي ان الورق دا يتظبط وحالًا انت فاهم
الموظف : فاهم ي فندم عن اذنك
_________________________
بعد مرور ساعات
شهد قامت من النوم وسمعت الباب بيخبط
شهد : مين
الحاج احمد : انا ي حبيبتي افتحي
شهد : اتفضل ي جدو
الحاج احمد : البسي ي بنتي انا قاعد مستنيكي تحت ع زي ما قولتلك اعرفك ع عيلتك
شهد : انا خايفة ي جدو خايفة ميحبونيش او ميتقبلونيش
الحاج احمد : متخافيش ي بنتي انا معاكي اهو وبعدين كلهم طيبين اوي وهيحبوكي
شهد : حاضر ي جدو هلبس ونازلة
تحت في الرسيبشن
الحاج احمد وكلهم متجمعين : انا عاوز اقولكم ع حاجة مهمة
كلهم : خير ي حاج اتفضل
في الوقت دا نزلت شهد وهي لابسة فستان لونه موڤ وعليه طرحة بيضة فيها ورد نفس لون الفستان (كانت قمر يعني)
الكل بزهول : مين دي ع عكس فهد ال مكنش مركز معاهم اصلًا كان مركز مع الملاك ال واقف
الحاج احمد قام وحاوط دراعها : دي تبقى شهد...شهد عامر الدمنهوري
الكل بصدمة : نعم !!!
اما عند فهد مفاقش من سرحانه غير لما سمع الاسم دا
فهد بصدمة وبصوت غير مسموع : مستحيل !
#الثالث
الحاج احمد : دي شهد عامر الدمنهوري
اعرفك ي شهد
دا عمك باسم ودي مراته آيات ودا ابنه جاسر وبنته مايا
ودا عمك امجد ودي مراته شيرين وبنته سما
ودا عمك سليم ودا ابنه مروان
ودا بقى فهد ابن عمك ايمن الله يرحمه ودي مامته علياء
شهد بهمس : جدو هما بيبصولي كدا لي
الحاج احمد بنفس الهمس : ع هما مستغربين بس وكمان ع مكنوش يعرفوا ان عندهم بنت عم قمر كدا
شهد بإبتسامة وهمس مرة اخرى : طب اروح اسلم عليهم
الحاج احمد : ايوة يلا بس استني افوقهم
الحاج احمد بزعيق : في اي بتبصوا كدا ليه
كلهم رجعوا لطبيعتهم تاني وشهد بدأت تسلم عليهم
شهد : احم...ازيك ي طنط علياء
علياء : ها الحمدلله ي بنتي
وسلمت عليهم كلهم وبعدين جدها قالها اطلعي فوق يلا وهندهلك شوية كدا ع نتعشى
شهد بإبتسامة : حاضر ي جدو
*_بعد ما طلعت*_
احمد : مالكم هتفضلوا متنحين كدا كتير
(انا هكتبوا بعد كدا احمد وانتوا خليكوا عارفين انه الحاج احمد بتاعنا عادي 😂😂)
سليم : ازاي جبتها منين
امجد : بعد السنين دي كلها
باسم : ما تفهمنا ي بابا ساكت لي
احمد بعد ما حكالهم ال حصل
علياء : مش معقول بجد
احمد : اي ال خلاص مش معقول ي علياء دي حفيدتي زي ما دول كلهم احفادي ومينفعش ناخدها بذنب باباها وانا بحذركم لو اي حد ضايقها هعمل حاجة مش هتعجبكوا دا كله والاحفاد مش فاهمين حاجة
*_ما عدا الفهد الذي لو اقترب منه احد في هذا الوقت كان سينقض عليه ويفترسه*_
جاسر : والله ي جدي انا مش فاهم حاجة بس البت قمر اوي
مروان بضحك : عندك حق ي واد ي جاسر والله جامدة فعلًا
فهد : اي ال خلاها حلوة يعني وطلع ع اوضته
صح نسيت اوصفلكوا شهودة 😂😂(عندها 20 سنة وفي كلية طب وهي ولا قصيرة ولا طويلة 157سم متوسطة يعني وبشرتها بيضاء اللون عندها غمازة في خد واحد عيونها سودة عادي مش زرقة والبطل هيسرح في امواج عيونها الزرقاء زي اي رواية مليش انا في الكلام دا وشعرها كستنائي وطويل وفرفوشة ومرحة كدا هي خجولة حبتين بس اشطا يعني وكفاية كدا ع طولت عليكوا يلا نكمل😂)
جاسر : عادية اه
مروان : دا مطلعش عصبي بس لا دا اعمى كمان
احمد : طب يلا ي اخويا منك ليه كل واحد ع اوضته
جاسر بمرح : من عنينا ي حاج دا انت تؤمر دا كفاية القمر ال انت جبتهولنا دا وطلع يجري قبل ما يتهزأ
_____________________
ع السفرة
جاسر : الا قوليلي ي شهد انتِ في كلية اي
شهد بكسوف ورقة : انا في كلية طب
مروان بمرح: كمان يعني قمر و دكتورة ربنا يحميكي ي بنتي والله
سما : فعلًا قمر اوي بسم الله ما شاء الله
مايا : اي ي شباب امسكوا الخشب هتحسدوا البنت
وبدأوا الشباب يتفاعلوا مع بعض وطبعًا كلنا عارفين ما عدا فهد
في وسط الحديث
فهد بحدة : انا شبعت عن اذنكوا
الجد : استنى ي فهد انا عاوزك في مكتبي
فهد : حاضر ي جدي اتفضل
_______________________
البنات طلعوا جنينة الڤيلا يقعدوا فيها ومعاهم شهد
مايا : اي رأيك
شهد بزهول : حلوة اوي اوي بجد انا بعشق الورد وبالذات الورد الچوري الاحمر دا
سما : دا فهد ال زرعه بيحبه اوي برضو ومانع اي حد انه يلمسه
شهد : انا حساه مش طايقني خالص من ساعة ما جيت ولا حتى عبرني ولا اتكلم معايا زي الباقي
سما : معلش هو تلاقيه عصبي كدا ع طول بس طيب اوي والله وحنين وقمور كمان
شهد : ولا قمور ولا حاجة دا بارد
مايا : خلاص سيبوكوا من فهد و يلا نلعب
(مايا عندها 19سنة وفي كلية اعلام وسما عندها 20 سنة وفي كلية هندسة )
شهد : هييييييي يلا هنلعب اي خلاويص ولا لا يلا نلعب كورة او اقولكوا يلا نركب عَجلة عندكوا عَجل
مايا وسما بضحك : انتِ طفلة اوي
شهد : منا عارفه يلا نلعب بقا
سما ومايا : يلا
______________________
في المكتب
الجد : فهد متخدهاش بذنب باباها هي ملهاش دعوة بحاجة
فهد : ازاي ي جدي ملهاش دعوة ازاي ماهي بنته
الجد : برضو ملهاش ذنب انها بنته انسى ي فهد انسى يبني
فهد : انسى اي ي جدي انسى ان ابوها قتل ابويا !!!!
#يتبع
___________________________________
#الرابع
فهد بزعيق وصوت عالي : انسى ان ابوها قتل ابويا
احمد : وطي صوتك ومتنساش انك بتكلم مع جدك مش مع موظف من ال عندك في الشركة
فهد : انا اسف ي جدي بس حضرتك بتقول حاجة مستحيل تحصل انا مستحيل انسى انه خلاني اتحرمت من ابويا وانا لسة عندي 6 سنين بسبب طمعه وقسوته انا تقريبًا نسيت شكله لولا الصورة ال معايا بس هي ال بتفكرني بيه انا عارف انها ملهاش ذنب بس برضو هي بنته وكل ما اشوفها هفتكره وافتكر ال عمله
الجد : هي اتحرمت من اهلها كلهم مش من باباها بس ي فهد اه كان ليها عيلة تانية بس مهما كان دي عيلتها برضو ف استهدى بالله يبني وعاملها زي مايا وسما اكنها اختك دي من ساعة ما جت وانت مبصتش في وشها
فهد : حاضر ي جدي هحاول عن اذنك وخرج من المكتب
الجد : ربنا يهديك يبني
______________________
*_في الجنينة*_
شهد بضحك : خلاص معتش قادرة دا انتوا طلعتوا مسخرة
مايا : بس بس اسكتي بضحكتك ال هتودينا في داهية دي
شهد : الله وانا مالي ي لمبي مانتوا ال بتضحكوني
سما : يلا ي ستي اي خدعة
شهد ومايا: طب يلا نكمل لعب مين القمر ال هتجري ورانا
سما : لا مع نفسكوا انتوا انا معتش قادرة اجري
شهد : ع خاطري بليز بليز بليز بليز بليز
سما : خلااااااص هجري وامري لله
شهد باستها من خدها : هيييي طلعتي اشطر كتكوت والله يلا وان تو ثري ولسة بتلف لقت نفسها خبطت في حيطة
(ايوة ايوة هو ال انتوا بتفكروا فيه فهد هو الحيطة دي 😂😂😂)
شهد : اااااااه ..... اي ي عم انت ما تفت... بصت لقت فهد باصصلها بعصبية..... شهد بخوف وهطل في نفس الوقت 😂😂:اوبا والله ان انا اسفة مكنش قصدي انا انا كنت بلعب وسما كا كانت هي بتجري ورايا وهما ال زقوني وانا مليش دعوة بأي حاجة
فهد متكلمش وزقها ومشي
سما : اي ي بنتي مالك كنتي شبه الكتكوت المبلول كدا ليه
شهد : انتِ مش شايفة ي بنتي كان بيبصلي بعصبية ازاي وهو شبه الحيطة كدا اصلًا لا وكمان مغرور اي دا مستحملينه ازاي
البنات ضحكوا عليها وبعدين دخلو الڤيلا وكل واحدة طلعت ع اوضتها وسما لبست و راحت مشوار
_______________________
*_في عربية الفهد *_
فهد لنفسه : ي ترى ال انا بعمله دا صح ولا غلط
عقله : ايوة صح انت مغلطش في حاجة خليك مطنشها ومش طايقها كدا
قلبه : اسكت انت ... لا كدا غلط هي ملهاش ذنب في اي حاجة وبعدين في حد ينفع يعاقب حد ع ذنب هو معملوش وبعدين دي شبه الملاك
عقله : متسمعش كلامه ي فهد
فهد : هوووس اسكتوا انتوا الاتنين وبعد شوية تفكير
فهد : لا انا لازم اعذبها شوية الاول ع الاقل احس بشوية راحة وانا باخد حقي وحق ابويا منها
*_وانطلق بسيارته الى الشركة*_
______________________
*_في الڤيلا*_
شهد كانت في اوضتها وحاطة الهيد فون وعمالة ترقص الباب خبط وطبعًا شهد مش سامعة حاجة فجأة الباب اتفتح وكانت مايا
مايا : اااااه شهد اتخضت وشالت الهيد فون مايا كملت :خيانة لا مش قادرة ابص مش قادرة بترقصي من غيري اخص هي دي الاخوة
شهد وحدفت فيها المخدة : حيوانة خضتيني
مايا : سوري ي شوشو كنت بضحَّك معاكي
شهد : بضحَّك ! وماله عاوزة اي ي اخرة صبري
مايا : لا انا اول نظمي او نصه يعني هعهعهعهع (بقلش ي جماعة عادي 😂🙈)تعالي اقعدي معانا تحت شوية
شهد : اي ي بت الخفة دي مين قاعد تحت
مايا : كل ستات البيت قاعدة طرية كدا يعني
شهد بضحك : طب اطلعي ي هبلة وانا هصلي وجاية وراكي
مايا : اشطا متتأخريش
شهد اتوضت وادت فرضها ولبست دريس وطرحة ونزلت
شهد بمرح: سمو عليكوا ازيكوا ي قمرات
شيرين بضحك : نيجي فيكي اي
شهد بمزاح : حبيبتشي والله
علياء : حبيبتشي !!لا لا معلش انا عاوزة شهد بتاعة اول يوم البنت الكيوت الهادية الرقيقة
شهد : اي ي لولو منا هادية وكيوت اهو وبعدين انا كنت بستهبل اصلًا ع كنت مكسوفة بس لكن انا اساسًا اساسًا صايعة قديمة
آيات : كدا اتأكدت انك من احفاد البيت دا
شهد : وانتِ كنتي شاكة ولا اي ي توتو
آيات : بصراحة اه اصل مفيش حد في العيلة حلو اوي كدا
شهد : اخجلتم تواضعنا حقيقي
مايا بشرشحة : نعم مالك ي طشنط ( مش عارفه اكتبها ازاي فمتدققوش ) هي اه البت حلوة شوية بس يعني انتِ مش اخدة بالك من جامدة الجامدين فورتيكة الفراتيك ال قاعدة قدامك دي ولا اي وشاورت ع نفسها😂
آيات : طنط مين ي متخلفة انا مامتك
مايا : مامتي اي بس دا انتِ لو لاقياني ع باب جامع كنتي هتحبيني اكتر من كدا
آيات : طب قومي من هنا بقا وسلاح الام ال كلنا عارفينه لزق في وشها
مايا : مش بقول لاقياني ع باب جامع يلا ربنا ع الظالم
آيات : والله هقوملك
مايا : اي ي ست الكل بهزر معاكي اي ي رمضان مبتهزرش
آيات : لا يختي مبهزرش
الحوار دا كله في وسط ضحكات جميع الجالسين وفضلوا يتكلموا كتير مع هزار ومرح شهد ومايا الذي لم ينتهي
_______________________
*_في الشركة*_
جاسر رن الجرس ع السكرتيرة تدخل
السكرتيرة : نعم ي فندم
جاسر : وحشتيني
السكرتيرة : !!!!
#الخامس
جاسر : وحشتيني
السكرتيرة : اتلم ي فندم احنا في الشركة
جاسر بمرح : اتلم و ي فندم مع بعض في نفس الجملة طب تيجي ازاي دي ي سمسمتي
سما : مش انا قولتها
جاسر : اه
سما : يبقى تيجي عادي
(حاضر مستغربوش هقولكوا سما وجاسر مخطوبين وبتشتغل معاهم في الشركة وهي السكرتيرة بتاعة جاسر )
جاسر : ممكن اقولك كلمة
سما : اتفضل
جاسر : انا مشوفتش ارخم منك
سما : انا غلطانة اني محترماك وبقولك اتفضل انا غلطانة من الاول اصلًا اني دخلتلك انا طالعة
جاسر مسك ايديها : طب استني بس كنت عاوز اقولك حاجة
سما : طب اوعى ايدك ي شبح ع هتوحشك
جاسر : شبح !!! انتِ بقيتي سرسجية كدا لي فين سما الكيوت ال انا اعرفها
سما : لا ماهو انا بتحول وبالذات لما بتعصب فمتحاولش تعصبني بقا
جاسر : لا اذا كان كدا ماشي معتش هعصبك
سما : كنت عاوز اي بقا
جاسر : اي رأيك نتعشى برا النهاردة
سما : هسأل بابا وفهد واقولك
جاسر : سألت بابا وموافق انما تسألي فهد لي بقا منا زيي زيه
سما : تؤ تؤ فهد ابن عمي اه بس بعتبره اخويا الكبير وصحبي وحبيبي وكل حاجة
جاسر : نعم يختي حبيبك مين حبك برص انا مش مالي عينك ولا اي
سما بضحك : يوغتي عليها غيورة ي ناس انا بهزر ياسطا في اي
جاسر : ايوة كدا اظبطي وبعدين اي ياسطا دي وهو بيزقها اطلعي برا ي سما اطلعي برا انا غلطان
سما : طب متزقش طه
جاسر بعد ما طلعت بإبتسامة : مجنونة والله بس قلبي
______________________
*_في جنينة الڤيلا*_
مايا قاعدة بترسم مروان
مروان : اي ي بنتي ضهري اتكسر بقالي ساعة قاعد
مايا : اهدى قربت اخلص اهو
مروان : لا وربنا منا قاعد دقيقة واحدة كمان دا انا قاعد بقالي 3 ساعات ياريت يجي بفايدة بس
مايا : بص اظن مفيش اجمد من كدا
مروان : مين دا
مايا : دا انت
مروان بغمز : اي دا هو انا قمر كدا
مايا : ها اه لا...انا ال رسمي حلو
مروان : اممممم انتِ شايفة كدا
مايا : انا مش شايفة غير كدا
مروان : طب معلش بقا الرسمة دي تلزمني وطلع يجري
مايا بزعيق : ولااااااا خد هنا استنى اخلصها طيب
مروان وهو بيجري : لا مش انتِ مش شايفة اني قمر خلاص بقا
مايا : خلاص بقا هاااات
وفضلوا يجروا لغاية اما دخلوا الڤيلا
مايا : ااااااااه مرواااان
مروان بخوف طلع يجري عليها ونزل لمستواها: في اي اي ال حصل
مايا : وقعت بسببك رجلي بتوجعني مش قادرة اقوم اااااه
مروان : طب اهدي اهدي بس وقومي معايا كدا
آيات وشيرين اجوا يجروا : اي ال حصل ي ولاد
مروان : مفيش حاجة كنت بجري انا ومايا ورا بعض ووقعت
مايا وهي ماشية : عجبك كدا انت السبب وهوبا اخدت منه الرسمة وطلعت تجري هاهاها واخدتها منك وضحكت عليه وطلعتله لسانها
مروان : ي جزمة بتضحكي عليا وانتِ زي القردة هاخدها برضو وطلع من الڤيلا وهو بيضحك
آيات : مجانين والله
شيرين : عندك حق والله بس لايقين ع بعض
آيات بضحك : فعلًا
_______________________
*_في المساء اثناء تناول العشاء*_
احمد : انتِ جبتي ورقك من الكلية ي شهد
شهد : ايوة ي جدو بس لسة مقدمتش هنا هبقى اروح بكرة اشوف كدا
احمد : تمام فهد هيبقى يجي معاكي
فهد بصدمة : اروح مع مين انا مش فاضي جاسر او مروان يروحوا
مروان : اشطا انا معنديش مانع هو انا اطول اروح مع دكتورتنا القمر
مايا بصتله بغيظ من غير ما حد ياخد باله
شهد بإبتسامة : ميرسي ي مروان ربنا يخليك
احمد : صح فكرتني هما فين جاسر وسما
امجد : جاسر اخدها وراحوا يتعشوا برا النهاردة
احمد : تمام انا خلصت اكل الحمدلله متنساش بقا ي فهد هتروح مع شهد بكرة فهد كان لسة هيتكلم بس شهد قاطعته
بإعتراض : لا ي جدو انا هروح لوحدي
احمد : انا قولت كلمة اسمعي الكلام فهد هيجي معاكي سمعت ي فهد
فهد بغيظ : حاضر ي جدي
وخلصوا عشا وكل واحد طلع ع اوضته
_____________________
*_في مطعم فاخر*_
جاسر : وحشتيني هنا ينفع طبعًا
سما بكسوف : مينفعش اوي برضو
جاسر : اومال المفروض اقولها فين ان شاء الله
سما : لما نبقى نتجوز وابقى مراتك ابقى قول براحتك لكن طول ما احنا لسة مخطوبين متقولش اي حاجة ولا كلام حب ولا وحشتيني وممنوع اللمس و...
جاسر : ايييي لي الظلم دا
سما : مش ظلم ولا حاجة دي حاجة ربنا ال قالها ودي ضوابط الخطوبة ولازم نلتزم بيها ع ربنا ميزعلش مننا ومتتعودش ع خروجنا مع بعض دا انا لولا بس كلهم غصبوا عليا اني اجي معاك مكنتش جيت
جاسر بعصبية : يعني انتِ جاية معايا غصب عنك
سما : وطي صوتك ي جاسر لا مش حكاية كدا انا بقولك عادي يعني
جاسر : تمام ي سما يلا نروح
سما كانت جاية تعترض بس لقت واحدة ملزقة كدا جت عليهم وحضنت جاسر وقالت بدلع : جسورة وحشني
جاسر : !!!!!
#السادس
بدلع : جسورة وحشني
سما بصتلها بقرف وصدمة في نفس الوقت
جاسر مكنش طايقها بس حب يغيظ سما
جاسر : ميرا عاملة اي
ميرا : انا تمام الحمدلله بس فينك كدا معتش حد بيشوفك لي ومعتش بتخرج معايا
سما بغيط وهي بتتكلم بإستهزاء : اخص عليك ي جسورة معتش بتخرج معاها
ميرا بإحراج : مش معايا انا يعني كنا بنخرج احنا والشلة
جاسر : معلش ي ميرو عارف اني مقصر معاكوا بس وعد هخرج معاكوا المرة الجاية ابقي ابعتيلي معاد الخروجة بس وانا هاجي ع طول
ميرا : اشطا هبقى اكلمك بس هو انت غيرت رقمك ولا لسة هو هو
جاسر بغمز : لا هو ال معاكي
ميرا : اوكي ي جسورة باي
جاسر : باااي .... احم كنا بنقو سما ! يخربيتك انتِ روحتي فين
ودفع الحساب وطلع يجري
جاسر بجري: سماااا سماااا
سما : امشي وملكش دعوة بيا
جاسر : طب اهدي بس معتش قادر اج ي يخربيتك اي مركبة عجل في رجلك
سما بزعيق : قولتلك ملكش دعوة بيا انا هروح لوحدي
جاسر واخيرًا وصلها : نف..نفسي اتقطع مش قادر اي ي بنتي دا انتِ لو في سباق مش هتمشي بالسرعة دي
سما : محدش قالك تيجي ورايا روح للملزقة بتاعتك دي
جاسر بضحك : اممم انني ارى عين تغار
سما : انا هغير من البت الملزقة دي ...دي شبه البرص الجعان
جاسر : دي صحبتي عادي والله مفيش حاجة و عادي يعني مشافتنيش من زمان و جت تسلم عليا
سما : دي حضنتك ! ماهي لو سلمت بإحترام ماشي لكن اي قلة الادب دي لا وانت حنين اوي وكنت بتحضن بزمة اكن ال قاعدة معاك دي كيس جوافة وبعدين لما هي صحبتك رقمك بيعمل اي معاها
جاسر بمرح : مش بقولك احنا صحاب ولما كانت بتحتاج حاجة كانت بتكلمني يعني دي بت بتاعة مصلحتها اصلًا وانا مبطيقهاش
سما : ايوة باين جدًا فعلًا انك مبتطيقهاش
جاسر بضحك : والله ي بنتي مبطيقها انا عملت كدا ع اغيظك بس وحصل
سما : ها...انا مش متغاظة اصلًا
جاسر : اومال لو متغاظة كنتي هتعملي اي
سما : متوهش وتدخل في مواضيع تانية انت كدا مبتحترمنيش لما تحضن واحدة وانا قاعدة معاك دا اسمه اي يعني
جاسر : ماهو انتِ لو سايباني احضنك مكنتش هحضن حد تاني الله
سما : تصدق انت واحد سافل ومهزأ وانا غلطانة اني واقفة اتكلم معاك اصلًا وبص احنا مننفعش لبعض ودبلتك اهي وكانت لسة هتقلعها
جاسر بزعيق : سمااااااا لو قلعتي الدبلة هزعلك
سما : الله يفضحك الناس هتتفرج علينا وبعدين انا بهزر في اي اندمجت في الدور بس والدبلة المهزأة مش راضية تطلع اصلًا
جاسر : ايوة كدا اظبطي وبالنسبة للدبلة فأنا ال قايلها متطلعش بغمز وهي شطورة وبتسمع الكلام
سما في نفسها : جتك القرف فيك وفي دبلتك
جاسر : بتقولي حاجة ي حبيبتي
سما : مبقولش وبعدين قولتلك متقوليش كلام حلو اي حبيبتي دي
جاسر : عندك حق اي حبيبتي دي انا هروح اقولها ل ميرا بتحبها مني اوي
سما : ولااااا اتعدل كدا
جاسر بضحك : مش بقول غيورة يلا تعالي ع نروح
سما : لا انا عاوزة اتمشى
جاسر : اشطا يلا وهبقى ابعت حد يجيب العربية
_______________________
*_عند شهد*_
قاعدة في اوضتها بتقرأ رواية وخلصتها وكانت عطشانة بتبص جنبها لقت ازازة الماية ال في اوضتها فاضية
شهد : ياربي مش قادرة انزل اوف ...سعدية ي سعدية ..مبتردي لي دي كمان هنزل تشرب بقا وامري لله
نزلت المطبخ
شهد : اي الضلمة دي نورت النور وفجأة ااااااااه
فهد : اي مالك شوفتي عفريت
شهد : ها لا انا اتخضيت بس ع الدنيا كانت ضلمة
فهد :.....
شهد في نفسها : بني ادم بارد ومستفز وشربت ووقعت شوية ماية غصب عنها وكانت طالعة من المطبخ بس فهد كان طالع قبلها
فهد وهو طالع اتزحلق في الماية ال وقعتها : ي كسفتك ي حااازم شكلك بقا نيلة ي فهد
فام وقف بسرعة وبص ع شهد بعصبية لقاها واقعة في الارض من كتر الضحك
شهد بضحك : مش قادرة والله هموت ههههههههههه
فهد : اسكتي
شهد :ههههههههههه
فهد : قولتلك اخرسي
شهد اتخضت وقامت وقفت وعيونها دمعت
شهد : اسفة بس انت ال كان منظرك يضحك
فهد قرب منها وبصوت عالي : مانتي السبب انتِ السبب في كل حاجة حصلتلي ولسة هتحصلي انا بكرهك بكرهك من كل قلبي
شهد بعياط : لي...لي بتكرهني كدا انا عملتلك اي كل دا ع شوية ماية وقعتهم عادي يعني غصب عني من ساعة ما شوفتني وانت مش طايقني لي بتعمل كدا
فهد : انا بكرهك من قبل ما اشوفك حتى وهفضل اكرهك لحد اخر يوم في عمري
شهد بعياط : انا ال بكرهك ي فهد وبكره اشوفك وعارف كمان النهاردة اوحش يوم في حياتي عشان وقفت واتكلمت معاك وطلعت تجري ع اوضتها
فهد : والله لهندمك ي شهد
_________________________
عند جاسر وسما كانوا وصلوا للڤيلا وطلعوا وكانوا واقفين قدام باب الاوض
جاسر : عجبتك الخروجة
سما : اممم مش اوي
جاسر : ي راجل
سما : ايوة وزي ما قولتلك اعمل حسابك معتش في خروج نهائي
جاسر : لو مش هتخرجي معايا يبقى مفيش خروج خالص
سما : وانت مالك اخرج ولا لأ ملكش تتحكم فيا اصلًا بني ادم بارد ومستفز وقليل الادب لا وكمان عاوز يتحكم فيا قال مفيش خروج خالص قال
جاسر وهو بيقرب : اممم دا انتِ طلعتي حلوة اهو وبتعلي صوتك
سما : انت بتقرب لي ارجع ع هصوت والم عليك الڤيلا كلها
جاسر وهو مازال يقترب : هوريكي مين ال قليل الادب
سما : مين قال كدا هو انت في في احترامك
جاسر وهو مازال يقترب وسما تبعد : انا بارد
سما وخبطت في الحيطة : اتقالت غصب عني انا ال باردة
جاسر : ومستفز كمان
سما : لا دي بصراحة اه ابقى كدابة لو قولت لأ
جاسر : انا بتحكم فيكي
سما : انت تتحكم براحتك مش خطيبي وهتبقى قرة عيني قريب
جاسر : براڤو عليكي كدا احبك
حد اجا من وراهم واتكلم بحدة : اي ال بيحصل هنا دا !!!!!!
#السابع__الثامن
اي ال بيحصل هنا دا !!!
سما زقت جاسر وطلعت تجري
جاسر : والله ي جدي محصلش حاجة احنا كنا بنتكلم عادي
الجد : ازاي تقرب منها كدا وهي ازاي تسمحلك ب كدة اصلًا هي مش مراتك انتوا لسة مخطوبين والمفروض تحافظ عليها ومتقربش منها ع ربنا يبارك في علاقتكوا ولا اي ي استاذ جاسر
جاسر : اسف ي جدي مش هتتكرر تاني
الجد بحدة : لو الموضوع دا اتكرر تاني مش هيحصل كويس وهي حسابها معايا بعدين
جاسر بسرعة : لا لا ي جدي هي ملهاش ذنب دي مبتخلينيش اقرب منها خالص ولا حتى بتخليني اقولها اي كلمة متزعلهاش ي جدي ونبي
الجد بإبتسامة حاول اخفائها : بتحبها اوي كدا
جاسر : اوي اوي ي جدي والله
الجد : خلاص مش هكلمها ولا هقولها حاجة المرادي بس زي ما قولتلك لو اتكررت تاني هتزعلوا مني انتوا الاتنين
________________________
سما بتحاول تاخد نفسها بصعوبة : يالهوي زمان جدو هيقول عليا اي دلوقتي اه ي جاسر الكلب يالهوي لو جدو قال لبابا هيبقى منظري اي قدامه وكملت بدموع يارب والله انا اسفة سامحني بس هو ال قرب وانا مكنتش عارفه اعمل اي ماشي ي جاسر ماشي والله لهوريك
______________________
شهد بعياط : لي يارب بيحصل فيا كدا لي كل ما افرح يحصل حاجة تزعلني لي فهد بيكرهني كل الكره دا انا معملتلوش اي حاجة ولا عمري شوفته قبل كدا ازاي انا السبب في كل حاجة حصلتله
ثم ذهبت في سبات عميق من كثرة البكاء
_______________________
*_في الصباح اثناء تناول الافطار*
شهد : الحمدلله انا شبعت
الجد : شبعتي اي ي شهد انتِ اكلتي حاجة
شهد : اه الحمدلله معتش قادرة انا هستأذن انا بقا
الجد : ع فين
شهد : هروح اقدم في الكلية
الجد : اه صح طب يلا ي فهد
شهد : لا ي جدو بعد اذنك انا مش هروح مع البني ادم دا
فهد : ومين قالك اصلًا اني هاجي معاكي
الجد بعصبية : يعني اي ي فهد هتكسر كلمتي
فهد : لا ي جدي بس.....
شهد بمقاطعة ودموع : ونبي ي جدو خلاص ع خاطري انا ال مش عاوزة اروح معاه انا عاوزة اروح لوحدي بعد اذنك
الجد بجمود : خلاص ي شهد اعملي ال انتِ عاوزاه بس مش هتروحي لوحدك البنات هيجوا معاكي ع جاسر ومروان في الشركة من بدري وعندهم شغل كتير ثم نهض وذهب الى مكتبه قائلا : هاتيلي القهوة بتاعتي في المكتب ي سعدية
سما : انا خلصت اكل الحمدلله هقوم البس ع طول اهو
مايا : وانا كمان
ونهض الجميع ولم يتبقى سوى شهد وفهد
فهد : حلو اوي دور البريئة ال انتِ عملتيه دا
شهد : انت عاوز مني اي
فهد : هتعرفي قريب يا....يا شهد واستعد للذهاب ثم عاد قائلًا ببرود: واه صح دور البريئة طلع كويس وجاب نتيجة مع جدي ورحمني من المشوار معاكي ف حابب اشكرك والله ع رحمتيني من اني اجي معاكي واشوف وشك طول الطريق
شهد بتحاول تتماسك : ميشرفنيش اني اروح مع حد زيك اصلًا بكرهك
فهد ابتسم بإستفزاز : مش اكتر مني وذهب الى شركته وهو بكامل اناقته
_______________________
*_امام الڤيلا*_
شهد : سما
سما بمرح : قلبها
شهد : نينينيني بطلي محن اممم انا عاوزة اسوق انا
سما : بتعرفي
شهد : اه بابا كان علمني
سما : تعرفي اني مبسمحش لحد يسوق عربيتي
شهد بزعل : خلاص مش لازم
سما : انا قولت مبسمحش لحد هو انتِ حد ولا اي دانتِ قلبي واكملت الحديث وهي تفتح باب السيارة : اتفضلي ي اميرتي العربية ملكك
شهد : انا قولتلك قبل كدا اني بحبك
سما : من غير ما تقولي انا اتحب اصلا
شهد بضحك: تبًا لتواضعك
مايا : الشمس كلت نفوخي هتفضلوا ترغوا كتير
شهد : لا خلاص يلا اركبوا ع منتأخرش
______________________
*_في الشركة*_
_في واحدة برا عاوزة تقابل حضرتك ي فندم
مروان : مين دي وعاوزة اي
بيري : بتقول اسمها اسيل وعاوزة تقابل حضرتك ضروري
مروان : تمام دخليها اما نشوف مين دي
اسيل : بقالي ساعة واقفة برا والزفتة دي مش راضية تدخلني هو في اي وبعدين انت مطنشني كل دا ومبتسألش عليا لي
مروان : افندم اي ال حضرتك بتقوليه دا انتِ تعرفيني
اسيل : انت بتهزر انت متعرفش انا مين
مروان : لا والله مش فاكر فكريني
اسيل وهي تخرج ورقة من حقيبتها لا اتفضل اقرأ دي كدا يمكن هي ال تفكرك
مروان بصدمة : اي دا!!!!
_______________________
*_في سيارة سما*_
كانت سما ومايا يتحدثون وشهد في عالم اخر
مايا وهي تحرك كفها اما وجه شهد : هاااااي روحتي فين
شهد : ها انا موجودة اهو
سما : مالك كدا من ساعة ما ركبنا وانتِ مش مركزة معانا خالص
شهد : لا انا تمام مفيش حاجة
مايا : متأكدة
شهد بحزن : ايوة
مايا : طب حيث كدا بقا شغليلنا الفلاشة دي نشوف بتقول اي
سما شغلت الفلاشة وجايت اغنية نشيد العاشقين
شهد : تعرفي اني بحب الاغنية دي اوي
سما بغمز: بحس بيكي
كلهم غنوا مع الاغنية
شهد : صاحبة الصون والعفاف
سما وهي بتبص لشهد وبتقرصها من خدودها : احلى واحدة في البنات
مايا وهي ناطة ع كتف شهد : ال عمري ما قلبي شاف زيها في المخلوقات
شهد : تسمحيلي برقصة هادية
سما : تسمحيلي بقربي منك
مايا : حلم عمري تكوني راضية عن وجودي بس جمبك
هما التلاتة : يا خلاااصة الجمال ي نشيد العاشقين ي اجابة عن سؤال كان شاغلني من سنين كان سؤال عن مين حبيبتي مين هتبقى اساس حكايتي و الاجابة كانت انتِ انتِ كنتي غايبة فين (سوري ي جماعة بس انا بحب الاغنية اوي لو متعرفوهاش اسمعوها هتعجبكوا اوي بجد 😂💙)
شهد : ربنا يخليكوا ليا بجد انا بحبكوا اوي
سما : احنا اكتر والله
مايا : لا معلش انا اكتر منك
سما : لا انا اكتر
مايا : لا انا اكتر
شهد وهي بتبصلهم بضحك : خلاص اهدوا انا بحبكوا اكتر وبعدي........
مايا بصريخ : حااااااسبي ي شهد
شهد بصت قدامها بسرعة وحاولت تمسك فرامل بس......... #يتبع
_____________________________________________
مايا : حاسبي ي شهد
شهد داست فرامل في اخر لحظة بس كانت خبطت شاب
كلهم نزلوا يطمنوا ع الولد دا
شهد بخوف ودموع:ا انت كويس والله مكنش قصدي
الشاب : خلاص ي آنسة محصلش حاجة انا كويس اهو
مايا :طب نروح المستشفى
سما : ايوة يلا لحسن يكون في كسر أو حاجة
الشاب وهو بيقف : انا كويس والله مفيش اي حاجة انا وقعت من الخبطة بس وبعدين الخبطة كانت خفيفة ثم ذهب بنظره إلى تلك التي لم تكف عن البكاء
الشاب : ي بنتي اهدي كفاية عياط انا كويس اهو والله وأكمل بمرح ليجعلها تضحك : خايفة عليا اوي كدا دا لو اختِ هي ال خبطتني كان زمانها نزلت قالتلي احسن تستاهل
شهد : ها لا انا مش خايفة عليك انا خوفت تكون مت أو حاجة و اروح انا في داهية
الشاب بإحراج : احم اي الكسفة اااا ع العموم حصل خير انا اسمي اسر وبشتغل معيد في كلية الطب وانا كدا هتأخر ع المحاضرة بتاعتي ممكن تبطلي عياط بقا ع امشي
شهد : اي دا بجد
اسر : بجد
سما : طب كويس اننا قابلنا حضرتك ع شهد كانت جاية تقدم في الكلية ومكناش نعرف حد
اسر : مين فيكم شهد
شهد وهي بتسمح عيونها : انا
اسر : طب ممكن لو خلصتي عياط يلا ع نشوف موضوع التقديم دا
شهد : هتساعدني وانا لسة خبطاك
اسر : ايوة شوفتي انا طيب ازاي
فون سما رن وراحت ترد وبعدين رجعت تاني
سما : شهد انا آسفة اوي بس انا هضطر امشي عشان حصلت مشكلة كدا في الشركة
شهد : لا عادي ولا يهمك روحي وانتِ كمان ي مايا روحي يلا
مايا : لا طبعا هسيبك ازاي يعني
شهد : ي ستي يلا بس شكلك تعبانة اصلا فخلاص روحي انتِ وانا هخلص واجي اه وكمان خدوا معاكوا العربية ع سما متتأخرش و أستاذ اسر معايا اهو وقال إنه هيساعدني
مايا : بس ....
شهد بمقاطعة : مبسش اسمعي الكلام وروحي يلا
مايا : ماشي ع راحتك
شهد ودعت البنات ودخلت الكلية مع أسر
________________________
مروان : دا عقد جواز عُرفي
اسيل : لا وكمان حضرتك العريس شوفت ازاي
مروان : بت اتكلمي عدل وقولي اي الورقة دي وازاي دا حصل وانا اتجوزتك امتى ان شاء الله
اسيل : لا ي استاذ مروان انا هسيبك انت تفتكر براحتك بس حوار انك ناسي دا مش داخل عليا وانا ميهمنيش الكلام دا كله باي يا .....مارو
*_بعد ان غادرت*_
مروان بصدمة : ازاي انا اول مرة اشوفها انا لازم اعرف مين البنت دي وكمان لازم اعرف فهد
_______________________
مجهول : ها عملتلي ال قولتلك عليه
اسيل : كله تمام ي باشا وشكل الحوار دخل عليه مشوفتش شكله كان مخضوض ازاي
مجهول : هو دا المطلوب تعالي النهاردة بعد المغرب عشان تاخدي المبلغ ال اتفقنا عليه
اسيل : هو دا الكلام سلام ي باشا
_______________________
*_في الكلية*_
شهد : ميرسي بجد ي دكتور تعبتك معايا
اسر : ع اي ي بنتي انا معملتش حاجة
شهد : ازاي بس دا حتى حضرتك اعتذرت عن المحاضرة وجيت معايا ع تخلصلي الورق بجد متشكرة جدا
اسر : ي بنتي قولتلك متشكرينيش وبعدين اي حضرتك و ي دكتور ما تشيلي الالقاب احم اي رأيك نبقى صحاب
شهد : اممم هو انا مبصاحبش بس يعني حضرتك الدكتور بتاعي ولسة مساعدني ف ماشي موافقة
اسر : طب بما اننا بقينا اصحاب بقا تسمحيلي اعزمك ع الغدا النهاردة
شهد : لا ي دكتور ميرسي جدا بجد انا هروح ع متأخرش الساعة جت 5
اسر : ماهو مش هينفع تمشي وانتِ كدا انتِ شكلك مأكلتيش حاجة من الصبح
شهد : معلش ي دكتور لازم ارو.....
اسر : هششش مفيش اعتراضات يلا
شهد : تمام ي دكتور يلا
اسر : ي اي
شهد : ي اا...اسر
________________________
مروان : هي دي كل الحكاية وانا مش قادر افكر ولا عارف اعمل اي
فهد : شكل حد زاقق البت دي عليك و اكيد حد من اعداءنا يبقى اكيد مفيش غيره
مروان : تفتكر
فهد : انا بدي احتمال الله اعلم بس انا هجيب معلومات عن البت دي واشوف كدا ولو طلع هو ال باعتها فعلا يبقى خطته لازم تكمل
مروان : قصدك اي
فهد : هبقى افهمك بس في الوقت المناسب انا هكلم مالك يشوف نظامها كدا
************
فهد : لوكا واحشني
مالك : ي شيخ يخربيت دلعك دا
فهد بضحك : انت تطول ان فهد الدمنهوري يدلعك اصلا
مالك : يخربيت الغرور وبعدين ي سيدي مش عاوزك تدلعني
فهد : مش وقته الكلام دا عاوزك في حوار مهم
مالك : قول ولو في ايدي اني اساعدك فتمام
فهد : لا هتساعدني اصلها حاجة سهلة عليك بالنسبة لشغلك يعني مش انت ظابط جامد وكدا بقا ولا اي
مالك : ايوة طبعا بس في اي قلقتني
فهد : في بنت عاوزك تجبلي معلومات عنها ضروري
مالك : بس كدا اعتبره حصل عاوز اسمها بس وتاريخها كله يهكون عندك
فهد : اسمها اسيل ...........
_______________________
*_في مطعم فاخر*_
اسر : الاكل عجبك
شهد : جدا ميرسي كتير بس انا لازم اروح بقا ع الوقت اتأخر
اسر : تمام يلا
*_امام المطعم*_
شهد : انا همشي انا بقا
اسر : هتمشي لوحدك ازاي
شهد : هطلب اوبر
اسر : لا مينفعش طبعا اركبي يلا هوصلك
شهد بعصبية: لا بقا كدا كتير مش عشان قولت نبقى صحاب وانا وافقت وجيت معاك مطعم يبقى خلاص كدا اجي معاك ازاي يعني هي هيصة
اسر : اهدي في اي انا بس خايف عليكي مينفعش تركبي لوحدك وكمان الساعة 7 والدنيا ضلمت هقلق عليكي
شهد : اوف منا قولتلك من الاول هروح قبل ما الدنيا تضلم كان لازم مطعم يعني
اسر : خلاص ي انسة شهد انا ال غلطان اطلبي اوبر براحتك وبعدين انا جبتك المطعم ع كان شكلك تعبان جدا وكان لازم تاكلي حاجة عن اذنك واتحرك ناحية السيارة
شهد بتفكير بعد ان تحرك من امامها : اي ال انا عملته دا يخربيت غبائي يعني الراجل خايف عليا وانا اقوله كدا اتفو عليا بجد وكمان انا بخاف اركب اوبر لوحدي كان لازم اعمل فيها خضرة الشريفة يعني ثم ركضت حتى وصلت اليه.
شهد : اسر استنى بس
اسر : افندم
شهد : ااااااااا
اسر : انتِ موقفاني عشان تقولي كدا
شهد : لا احم انا اسفة
اسر : تمام
شهد : اي ال تمام بقولك اسفة وبعدين انا والله مكنش قصدي بس عشان الوقت اتأخر وانا اول مرة انزل لوحدي ومش عارفه الطريق اوي ف اتعصبت عليك فسامحني
اسر : خلاص تمام محصلش مشكلة
شهد : احم طب انا بخاف اركب اوبر لوحدي
اسر بضحك: طب ما كان من الاول اتفضلي اركبي يلا
شهد : شكرا
*_في السيارة*_
اسر : ممكن اسألك سؤال
شهد : اتفضل
اسر : انتِ مرتبطة
شهد : لا بس اشمعنا بتسأل السؤال دا
اسر : ها لا عادي
وفجأة
شهد : اي دا هي العربية وقفت لي
اسر : مش عارف هنزل اشوفها كدا
اسر نزل يشوف العربية ورجع لشهد تاني
اسر : البطارية عطلت
شهد : ايوة يعني هنعمل اي دلوقتي في المكان ال احنا فيه دا
اسر : مش عارف
شهد : يااااربي ع الحظ مش لو ركبت اوبر كان زماني وصلت دلوقتي
اسر : وهو انا ال منعتك انا ال قولت وكمل وهو بيقلدها انا بخاف اركب اوبر لوحدي
شهد : اتريق اتريق اصلها ناقصة وكمان الفون بتاعي فصل يعني مش هعرف اكلم حد يجي يلحقنا
اسر : استني هشوف انا كدا هحاول اكلم حد
اي دا فوني فين اوبس شكلي نسيته في المطعم
شهد : كملت هنعمل اي بقا دلوقتي انا عاوزة افهم
اسر : مش قدامنا حل غير اننا نقعد في العربية ونستنى اي حد يعدي ونشاورله
شهد : وافرض محدش عدى وبعدين انت شايف الطريق ساكت ازاي
اسر : طب انا ذنبي ايه يعني ان شاء الله حد هيجي ان شاء الله
_______________________
الجد بعصبية : ازاي تسيبوها لوحدها وهي متعرفش حد هنا ولا تعرف المكان
مايا بعياط : ي جدو والله انا قولتلها هفضل معاكي هي ال مرضتش وخلتني اروح مع سما
مروان وجاسر وهما داخلين الفيلا : دورنا عليها في المكان ال حوالين الجامعة وملقيناهاش
الجد بحسرة : يعني ايه شهد كدا ضاعت دا انا ما صدقت لقيتها
سما بدموع: متقولش كدا ي جدو زمانها جاية ان شاء الله وفهد زمانه بيدور عليها وهيلاقيها
_________________________
فهد : ياربي بقا راحت فين دي كمان وانت مالك ي فهد خايف عليها كدا ليه احسن يارب تكون ضاعت ع كل ما بشوفها بفتكر الماضي.......لا لا مش عاوزها تضيع انا انا بفرح لما بشوفها ايه ال انا بفكر فيه دا هو دا وقته يارب الاقيها بقا
في مكان اخر
شهد : انا زهقت بقا و مفيش حاجة راضية تعدي
اسر : متفكريش بس ورجعي الكرسي لورا وبصي ع النجوم كدا هترتاحي اوي
شهد : احنا لو كنا في وقت غير الوقت و مكان غير المكان كان زماني قتلتك
اسر : اهون عليكي
شهد : ببرودك دا اه هتهون عادي
اسر : طب اسمعي الكلام بس وبصي للسما
شهد : ماشي اما نشوف اخرتها
اسر : ها شايفة ايه
شهد : يعني باصة للسما هكون شايفة ايه يعني اكيد نجوم وقمر ولا انت شايف حاجة تانية
اسر بصلها بهيام : اممم شايفك
شهد بخجل : شايفني ازاي يعني
اسر : شهد بصراحة انا عاوز اقولك حاجة
شهد : اتفضل
اسر : شهد انا من ساعة ما شوفتك وانا...
شهد : اسر الحق دي عربية صح صح بص كدا عربية والله
اسر بسرعة : ايوة عربية انزلي بسرعة نوقفها
شهد واسر وقفوا في نص الطريق
اقف اقف استنى بالله خدنا معاك
فهد : اي دا في ايه ممكن تكون هي ..... وابتسم ببلاهة :دي هي فعلا
ثم فتح باب السيارة ونزل بهيبته
شهد : بجد شكرا جدا لي......فهد!!!
#التاسع_____العاشر
شهد : فهد!!
اسر : ابو الفهايد ازيك واحشني والله
فهد : بخير ي اسر الحمدلله
شهد : هو انتوا تعرفوا بعض
اسر : ايوة طبعا فهد دا صديق الطفولة وكان دايما يدافع عني وينقذني ومازال واجا لحقنا اهو بس هو انتِ تعرفيه منين
فهد بجدية : شهد تبقى بنت عمي
اسر : ايه الصدفة الجامدة دي بس كويس والله هتوصلنا بقا ولا اي
فهد وهو ينظر الى شهد : اركبوا
في السيارة
فهد وهو يتحدث في الهاتف : متخافش ي جدي هي معايا اهي
في الجانب الاخر
الجد : الحمدلله الف حمد وشكر ليك يارب
باقي الاحفاد: ها ي جدو لقاها
الجد : اه الحمدلله ومعاه في العربية وزمانهم جايين
نعود الى سيارة فهد
اسر : انت ايه ال جابك من الطريق دا
فهد : يعني بقولك بنت عمي اكيد كنت جاي ادور عليها
اسر بإستغراب : ايه دا هي عايشة معاكوا في نفس البيت فهد : ايوة
وظلوا يتحدثوا ولم ينتبهوا الى تلك التي كانت شاردة بذهنها ولم تتفوه بكلمة
اسر وهو يحرك كفه امام وجها : هاااي روحتي فين ساكتة ليه من ساعة ما ركبنا دا فهد زي ابن عمك يعني
شهد : ها لا مفيش حاجة تعبانة بس شوية
اسر بخضة: بجد مالك نطلع ع المستشفى
فهد بغيظ : وانت مالك خايف عليها كدا ليه
اسر : مش صحبتي لازم اخاف عليها وبعدين كل دا حصل بسببي ممكن الاكل ال اكلناه في المطعم يكون تعبها
فهد في نفسه :صحبتك وكمان اكلتوا مع بعض في مطعم دا انتِ يومك اسود
شهد : لا لا ي اسر انا كويسة مفيش حاجة انا تعبانة ع عاوزة ارتاح بس
وتحرك الفهد بسيارته وودع صديقه امام منزله واتجه الى الڤيلا دون ان ينطق بكلمة واحدة مع شهد ولكن كان يسوق السيارة بأقصى سرعة من شدة غيظه
شهد بخوف: بالراحة شوية
فهد : اخرسي
شهد بدموع : حرام عليك انا بخاف لما السرعة بتزيد كدا
فهد ووصل امام الڤيلا واوقف السيارة بسرعة مما جعل شهد ترتطم بالجزء الامامي للسيارة
فهد بعصبية : كنتي بتعملي ايه معاه
شهد ببكاء: مكنتش بعمل حاجة
فهد : ايوة مكنتيش بتعملي حاجة فعلا اومال مين ال كان قاعد معاه في العربية امي
شهد : اي الاسلوب ال بتتكلم بيه دا
فهد : انا هوريكي الاسلوب دا دلوقتي
وتحرك من السيارة ورزع الباب بقوة وانزل شهد وحكم قبضته عليها متجها الى الڤيلا
شهد بصراخ : اوعى حرام عليك بتوجعني
فهد : قولتلك اخرسي
ودخل بها الڤيلا وسط دهشة الجميع
الجد بعصبية : فهد ايه ال انت بتعمله دا ماسكها كدا ليه وبتزعق ولا عامل لكل ال واقفين احترام
فهد : ما انت متعرفش الهانم كانت فين
شهد : والله مكنتش في مكان ي جدو
الجد : فهد اهدى وفهمني ايه ال حصل ولقيتها فين
فهد : الهانم دايرة تتسرمح ولقيتها مع اسر صحبي في عربيته
الجد بصدمة : انتِ ي شهد
شهد : والله ي جدو هو كان بيوصلني بس والعربية عطلت بينا
الجد بزعيق : و ايه ال يركبك العربية مع واحد غريب اصلا
شهد : انت مش واثق فيا ي جدو
الجد : مكنتش متخيل انك تبقي كدا
سما : استنى ي جدو متظلمهاش شهد عمرها ما تعمل كدا
مايا : الولد دا واحنا رايحين الصبح شهد خبطته بالعربية بس هو طلع كويس يعني وقصت له ما حدث
شهد ببكاء شديد : وبعد ما مشوا ساعدني في التقديم وبعدين كنت تعبانة ومأكلتش حاجة من الصبح وطلب مني انه يعزمني ع الغدا انا كنت رافضة والله بس انا فعلا كنت تعبانة جدا وهو اصر وبعدين روحنا اتغدينا وبعد ما خلصنا الوقت اتأخر ومرداش يخليني اركب اوبر لوحدي ف ركبت معاه والعربية عطلت بينا بس والله هو دا كل ال حصل
فهد : وموضوع انك صحبته بقا دا ايه ان شاء الله
مروان : صحبته!!!
جاسر: مش مصدق معقول تطلعي كدا
مروان : وكنت سايب اختك معاها كويس والله انهم رجعوا ي ترى كنتي بتعملي اي بقا قبل ما تجيلنا
شهد ببكاء : حرام عليكوا ايه ال انتوا بتقولوه دل انا مش مضطرة ارد عليكوا بس هرد ع جدو يفهم لما طلب مني اننا نروح المطعم انا كنت رافضة زي ما قولت كدا ف هو قالي اعتبرينا اصحاب واسمحيلي اعزمك وكان لسة مساعدني فقولتله ماشي وروحت معاه مجرد كلمة اتقالت يعني
الجد : خلاص ي شهد ال حصل حصل
شهد وهي متجهة ناحية الجد : جدو والله صدقني هو دا كل ال حصل انا معملتش حاجة غلط انا مش كدا انتوا ممكن لسة متعرفونيش بس انا عمري ما افكر اني اصاحب و عمري ما ركبت مع حد غريب بس الظروف حكمت بكدا ممكن اكون غلط بس والله مكنش قصدي ولو كنت ركبت اوبر في الوقت دا مكنتش اعرف كان ايه ال ممكن يحصل بس ع العموم انا معتش قاعدة هنا وهطلع الم هدومي وامشي مكنش ينفع اجي من الاول اصلا انا مكاني مش هنا وهو كمان متخافوش ع سما ومايا لحسن يبقوا زيي ولا حاجة انا همشي واعتبروني مجتش بس انا مش هسمح ان حد فيكوا يجي ع كرامتي او يجرحني بالطريقة دي ثم تحركت سريعا الى غرفتها
سما : ليه كدا ليه كل دا هي غلطت فيه لعلمكوا بقا شهد دي مفيش في احترامها انتوا متعرفوهاش محدش فيكوا يعرفها قدي اصلا
مايا : فعلا وبعدين طب منا لما تعبت قبل كدا الدكتور بتاعي وصلني ليه معملتوش كدا ساعتها
جاسر : ها لا تفرق انتِ كنتي تعبانة
مايا : لا متفرقش ي جاسر متفرقش هي هي
سما : حرام عليكوا بجد ليه تجرحوها كدا مش كفاية اتحرمت من اهلها زمان ودلوقتي كمان وبعد ما حست بالأمان بينا تعملوا معاها كدا بس والله ما هسيبها تمشي ولو مشت همشي معاها
واتجهت نحو غرفة شهد وهي ومايا
وكان جميع الواقفين ضميرهم يأنبهم واولهم ذلك الفهد الذي اخذ سيارته وتحرك بها
*_في الغرفة*_
شهد ببكاء شديد : يارب بقا يارب انا معتش قادرة استحمل انا ليه بيحصل فيا كل دا نفسي افرح واحس بالأمان يارب انا معرفش انا هروح فين دلوقتي ساعدني ثم نهضن واحضرت الحقيبة واخذت تلم اغراضها
سما ومايا وهما يطرقان الباب : ممكن ندخل
شهد بدموع : اتفضلوا
سما : انتِ بتعملي ايه
شهد : زي ما انتِ شايفة بلم هدومي انا معتش ينفع اقعد هنا
مايا : دا بيتك
شهد بدموع : لا مش بيتي البيت ال اتهان فيه واتجرح بالشكل دا ميبقاش بيتي
مايا وهي تضمها : شهد اهدي ع خاطري متعيطيش والله دموعك دي غالية علينا اوي
سما وهي تنضم للحضن : انتِ اختنا لا اكتر من اختنا كمان و احنا بنحبك اوي والله
شهد : وانا بحبكوا اوي بس انا لازم امشي
ثم اخذت حقيبها واتجهت الى الطابق الارضي من الڤيلا
سما : شهد ع خاطري خلاص بقا قولتلك مش هتروحي في مكان
مايا وهي تسحب حقيبتها وشهد تتحرك : شهد خلاص بقا اسمعي الكلام لو مشيتي من هنا هنمشي معاكي
شهد : تمشوا ليه دا بيتكوا لكن مش بيتي
الجد : محدش هيروح في مكان
شهد : بعد اذنك ي جدو انا لازم امشي
الجد : قولت محدش هيتحرك من هنا وبعدين دا بيتك زي ماهو بيتهم
شهد بعصبية: لا مش بيتي بيتي منين دا ها من ساعة ما جيت وانا بتهان وبتجرح مشوفتش يوم حلو انا من ساعة ما اتولدت وانا مشوفتش يوم حلو الاول ماما سابتني وبعدها بابا تطلع عندي عيلة ال من ساعة ما جيت وهما مش طايقني مفيش غير البنات هما بس ال بيحبوني هنا حتى انت ي جدو صدقته وشكيت فيا
الجد بحنية وهو يتجه نحوها ويضمها نحو صدره : اهدي ي بنتي انا كنت هموت من الخوف عليكي حتى اسأليهم انتِ مش مجرد حفيدتي دا انتِ حتة من قلبي عاوزة تحرميني منك ي شهد
شهد : كلكوا شكيتوا فيا حتى جاسر ومروان ال كنت بعتبرهم اخواتي
مروان بندم : حقك عليا مكنتش اقصد ازعلك بس فهد هو ال فهمنا الموضوع بطريقة غلط
جاسر : سامحينا والله مكناش نقصد
الجد وهي يحتضن حفيدته : خلاص ي بنتي هما اعتذرولك اهم وعرفوا غلطهم
شهد : ........
الجد هو يحرك شهد وهي في حضنه : شهد مبترديش ليه ثم اخرجها من احضانه لتسقط ع الارض مغشيا عليها
الجد بزعيق : حد يطلب الدكتور بسرعة
جاسر : حا حاضر
سما بدموع وهي تخبط ع وجهها : شهد فوقي
ثم حملها جدها وصعد بها الى غرفتها واتى الطبيب وفحصها ثم خرج ليخبرهم ماذا بها
الجد : خير ي دكتور
الطبيب : .......
الجد : ايه!!!
الطبيب : عندها انهيار عصبي ودا ممكن يأدي لإنها متقدرش تتكلم لفترة
الجد : ايه طب طب نعمل ايه ي دكتور والفترة دي هتكون قد ايه
الطبيب : لو حالتها النفسية بقت حلوة هتتحسن بسرعة وممكن تقدر تتكلم بعد اسبوع بالكتير وحمدالله ع السلامة
الجد بحسرة : الله يسلمك
دلف الجميع لغرفة شهد وكانت تتساقط من عيناها الدموع وهي تجلس ع السرير
مروان بدموع : شهد انا اسف والله سامحيني عارف ان كلامي جرحك بس والله مكنتش اقصد انا كنت متضايق ومصدوم ساعتها
شهد : ........
جاسر بدموع ايضا: انا اسف اني شكيت فيكي وخليت دموعك دي تنزل سامحيني انتِ غالية عندنا اوي
سما : ايوة والله وبنعتبرك اكتر من اختنا
مايا بدموع : شهد انتِ مبترديش علينا ليه
مروان : انتِ زعلانة مننا جامد صح طب ردي ومعدناش هنزعلك تاني
الجد : اطلعوا برا
مروان بدموع : بس.....
الجد بزعيق: قولت كله برا
بعد مغادرة الجميع
الجد : طب مش هتردي عليا ي شهد دا انا جدو انا اسف ي بنتي اسف اني شكيت فيكي بس سامحيني وال....
شهد : ليه
الجد بصدمة : انتِ بتتكلمي
شهد : ايوة بتكلم وانا ال قولت للدكتور يقولكوا كدا ع كلهم يحسوا بالذنب ويعرفوا انهم غلطوا وجرحوني
الجد : كلهم عرفوا انهم غلطوا سامحيهم بقا وانا هروح افرحهم واقولهم
شهد : لا ي جدو لا مش عاوزة حد يعرف
الجد : ليه ي بنتي
شهد : كدا ي جدو ومتخلينيش اندم اني اتكلمت قدامك
الجد : خلاص ع راحتك بس هتفضلي كدا لحد امتى
شهد : لما ال في دماغي يحصل بس انا عاوزة اعرف حاجة واحدة بس ليه فهد بيعمل معايا كدا
الجد بتنهيدة : هتعرفي في الوقت المناسب
شهد : وهيجي امتى الوقت المناسب دا
الجد وهو يتحرك من مكانه : قريب ....انا هسيبك بقا ع ترتاحي تصبحي ع خير وذهب بعد ان قبَّل رأسها وغطت شهد في سبات عميق من شدة التعب
________________________
مالك : في ايه ي فهد مش ع بعضك من ساعة ما قعدت ليه
فهد : خايف
مالك : من ايه
فهد : خايف تكون مشت
مالك : هي مين
فهد : شهد
مالك : شهد مين ي بني ما تتكلم عدل انت هتنقطني ايه الحوار
فهد : شهد بنت عمي ال مات
مالك : الله يحرقه ما كان ما راح وبعدين ما تمشي انت مزعل نفسك ليه
فهد : ع انا السبب انا جرحتها اوي وهي ملهاش ذنب في حاجة
مالك : ولما انت عارف انها ملهاش ذنب جرحتها ليه
فهد : انا لما لقيتها مع اسر في العربية كنت هتجنن ومقدرتش امسك نفسي وقولت ال قولته بقا
مالك : طب هي ايه ال ركبها العربية مع اسر وانت قولتلها ايه
فهد : مالك انا مش قادر اتكلم لو سمحت
مالك : تمام ع راحتك
فهد : عرفتلي مين البت ال اديتك اسمها دي
مالك : ايوة عرفت ومراقبها بقالي فترة انها بتكلم واحد ع طول
فهد بشك : مين دا اسمه ايه
مالك : سليم الرفاعي
فهد : ي ابن *****
مالك : انت تعرفه
فهد : سليم الرفاعي المنافس بتاع شركتنا وواحد من اكبر اعداءنا
مالك : طب هتعمل ايه
فهد : هبقى اشوف الموضوع دا بس مش وقته انا هروح بقا سلام
مالك : فهد انت شكلك حبتها
ذهب فهد ولم يرد عليه
_________________________
*_في الڤيلا*_
فهد : مالكم قاعدين كدا ليه
ولم يلقى رد من احد منهم
فهد : مبتردوش ليه بقول في ايه
جاسر : وعاوزنا نرد ليه مش انت السبب في كل ال حصل
فهد ببرود : وهو ايه ال حصل
مروان : ال حصل ي استاذ ان بعد ما مشيت شهد اغم عليها والدكتور قال انها عندها انهيار عصبي خلاها فقدت النطق
فهد بصدمة : ايه
سما : زي ما سمعت كدا
مايا بعياط: حرام عليك والله فهمتهم الموضوع غلط وخلتهم يجرحوا فيها انت السبب منك لله
صعد فهد الى الطابق العلوي متجها الى غرفة جده طرق الباب واذن له الجد بالدخول
الجد : عاوز ايه
فهد : شهد مالها
الجد : وانت مالك مش انت السبب
فهد : مش وقته الكلام دا هي بجد فقدت النطق
الجد بتأنيب : ايوة وبسببك
فهد : طب هو انا ممكن ادخلها
الجد : لا طبعا زمانها مش طايقاك والدكتور قال لازم نفسيتها تتحسن ع ترجع تتكلم
فهد : هي زمانها نايمة هدخل اطمن عليها بس واطلع ع طول
الجد : قولتلك لأ مش هعرضها للخطر ع خاطرك
وذهب فهد دون انت يتفوه بكلمة متجها الى غرفة شهد نعم فإنه عنيد ويحقق نا يقوله ولا يسطيع احد ان يوقفه
فهد : انا اسف يارب بس انا عاوز اطمن عليها سامحني وفتح الباب ودخل الى الغرفة وكانت شهد نائمة
فهد وهو ينظر اليها ويتأمل ملامحها : اول مرة اشوفك من قريب كدا انتِ طلعتي حلوة اوي بجد عارف انك مش هتردي عليا طبعا مش لإنك نايمة ع انتِ اكيد زعلانة مني وكمان مش هتعرفي تتكلمي بسببي برضو بس انتِ برضو ال ضايقتيني ايه ال يخليكي تركبي معاه في وقت زي دا لوحدك بس انا انا انا اوف انا اسف عارفه انا اول مرة اعتذر لحد بس انا شكلي كدا حبيتك بجد زي ما مالك قال واكمل حديثه بتنهيدة تصبحي ع خير ي ملاكي
واخذ ينسحب من الغرفة بهدوء حتى لا تستيقظ او يراه احد ولكن حدث ما كان لا يتوقعه واوقع الفاظة التي توجد في غرفة شهد
اخذت شهد تتحرك في السرير ولكن لم تستيقظ فهي نومها ثقيل
فحمد فهد ربه وذهب مسرعا من الغرفة ولكن رأته سما وهو خارج من الغرفة
سما : انت كنت بتعمل ايه جوا
فهد : ملكيش دعوة واتجه الى غرفته بسرعة
سما في نفسها : يالهوي لا يكون عمل فيها حاجة انا لازم ادخل اطمن عليها
ودلفت سما الى الغرفة ولكن
سما : ااااااااااه
وهذه المرة استيقظت شهد من شدة الفزع ولكن لم تنطق واتجهت سريعا اليها واجتمع الجميع في غرفة شهد ما عدا فهد
الجد : ايه ال حصل
سما ببكاء : معرفش انا دخلت الاوضة لقيت الفاظة دي واقعة ومأخدتش بالي ودوست عليها
اخذت شهد تتفحصها ببكاء دون ان تتفوه بحرف
سما بدموعة وهي تتألم : خلاص خلاص انا كويسة يلا نطلع من هنا شهد مينفعش تعيط كدا ع صحتها ونفسيتها
الجد : اسندوها وتعالوا يلا ع نعقم الجرح دا
جاسر : حاولي تقومي معايا
سما بوجع : مش عارفه مما جعل شهد تزداد في البكاء
جاسر : طب انا اسف معلش ي جدو بس انا لازم اشيلها
سما : ايه ال انا بتقوله دا مينفعش وقبل ان تكمل حديثها كان قد حملها جاسر وذهب بقا
مايا وبعد ان ذهب الجميع : خلاص ي شهد اهدي هي كويسة و يلا كملي نوم وقبلتها من وجنتها وذهبت
في الخارج
سما : اااااااه
جاسر : اهدي بقا ع نطهر الجرح
سما : بتوجع اوي
مروان : غريبة بس ايه ال وقع الفاظة دي
سما : فهد
مايا : فهد ازاي يعني
سما : شوفته خارج من اوضة شهد ع كدا دخلت اطمن عليها
الجد بعصبية : يعني كسر كلمتي
مروان : يعني انت كنت عارف ي جدو وسبته يدخلها الاوضة افرض كانت صحت وشافته
الجد بحدة: طلب مني يدخلها يطمن عليها بس انا رفضت بس كسر كلامي ودخلها برضو
جاسر : انت قولت ايه يطمن عليها
سما : طبيعي اكيد حس بالذنب ودخل يطمن لما عرف انها فقدت النطق بسببه
مايا : معقولة فهد دخل يطمن عليها
الجد : ما خلاص بقا خليكوا في ال انتوا فيه
سما : حاسب ي زفت ايدك بتوجع
جاسر : وانا اعملك ايه يعني مش بطهرلك الجرح كمان مش عاجبك وبعدين خلاص انا خلصت
سما : شكرا
جاسر : العفو و يلا نطلع ننام قطعتينا الخلف ي شيخة كل دا صوت
سما : حاضر بعد كدا هصوت بالراحة ع حضرتك تخلف
جاسر : يلا ي باردة
سما : مش اكتر منك
وكان يقف مروان ومايا الذين كانوا يضحكون بسبب توم وچيري الذان يشاغبان في بعض امامهما
مايا : ياريت لو خلصتوا تهزيق في بعض نطلع يلا
سما : يلا تعالي اسنديني
جاسر بغمز : طب ما تيجي اشيلك انا
سما : اوعى ي حيوان
جاسر : مش عاوز اشيلك اصلا لنا صعبان عليا مايا ال ضهرها هيتكسر وهي بتطلعك دي
سما : ملكش دعوة
فضحك الجميع وذهب كل منهم الى غرفته
يا ترى ما الذي سيحدث في الصباح هذا ما سنعرفه في البارت القادم😂
تكملة الروايه اضغط هناااااااا
_________________________
تعليقات
إرسال تعليق
فضلا اترك تعليق من هنا