رواية غدر صديقتي الفصل الرابع والخامس والسادس بقلم نجلاء اسماعيل
رواية غدر صديقتي الفصل الرابع والخامس والسادس
4
ميار بصدمه: الاكل ببلاش ازاي مي قالتلي انه بفلوس وغالي وانا مش هعرف اشتريه وجابتلي على حسابها
اسر: مي تاني؟؟ وبعدين بقا ف البت دي انا هطردها خلاص
ميار: لا لا تطردها اي حضرتك انا مش قصدي اتدخل بس هتطردها لي
اسر: كدابه وبتدخل ف ال ملهاش فيه مش فاهم اي دا
ميار: ممكن تكون بس نسيت او متعرفش ولا حاجه
اسر: متعرفش اي دي بقالها سنين شغاله هنا بس واضح ان الموضوع دا موضوع غييره
ميار بإبتسامه: مي وتغيير مني انا؟ حضرتك متعرفش مي دي دا المفروض انا ال اغيير عمتا هروح شغلي
اسر: تمم اتفضلي
في مكتب ميار
ميار: ي ترى مي لي كدبت عليا ف موضوع الاكل معقول تكون بتغيير مني فعلا زي م استاذ اسر قال
الباب خبط
ميار: ادخل
مي: ميار انا اسفه انا نسيت والله حوار ان الاكل ببلاش افتكرت ف جيت اقولك ان الاكل ببلاش ومش بفلوس
ميار: بس انتي قولتي هتجبيلي على حسابك
مي: م انا قولتلهم يحطوا على حسابي من المرتب بعدين لما افتكرت روحت قولتلهم متزعليش مني
ميار: ازعل من اي انا اتصدمت بس ان الاكل هنا غالي كدا
مي: هنروح مع بعض صح؟
ميار: اه انا فاضلي نص ساعه
مي: اي دا نص ساعه اي مش الشغل 12 ساعه زيك زيي؟
ميار: لا استاذ اسر قالي ان الشغل 8 ساعات بس وان اول م هو يمشي انا كمان امشي
مي بغل: وي ترى بقا مرتبك كام على كدا شويه هلاهيل؟
ميار: لا طبعا هلاهيل اي مرتبي 15 الف
مي: نعم؟؟؟؟؟ 15 الف
ميار: ف اي انتي مرتبك مش زيي؟
مي بتمثيل: يبنتي استغربت الرقم انا مرتبي 20 علشان كدا استغربت انتي ازاي سكرتيره خاصه وبتاخدي المبلغ دا
ميار: عادي ال 15 دول يكفوني وزياده عمتا انا هخلص اهو ومروحه هتروحي معايا ولا قاعده ل وقتك؟
مي: هروح استأذن استاذ اسر واجي
في مكتب اسر
مي: استاذ اسر هو انا ممكن امشي مع ميار بدري النهارده؟
اسر: لي في حاجه ولا اي؟
مي: لا بس ميار تعبانه شويه وكمان مش معاها فلوس تروح ف علشان متروحش مشي ف هروح معاها علشان ناخد تاكسي واحد
اسر: تمم روحي وابعتيلي ميار عايز اقولها حاجه ف الشغل
مي: حاجه اي؟
اسر بعصبيه: وانتي مالك انتي حاجه اي اطلعي برا
خرجت مي وهي بتشتم ف ميار وف اليوم الاسود ال خدتها معاها فيه الحفله
مي: ميار استاذ اسر عايزك قبل م تمشي
ميار: تمم هروح اشوفه
خرجت ميار لمكتب اسر وخبطت ودخلت
ميار: استاذ اسر حضرتك طلبتني
اسر: اه كنت عايزه اديكي الملف دا تخلصيه ف البيت والف سلامه عليكي ولو محتاجه اي فلوس قولي عادي كدا كدا بقيتي موظفه هنا يعني من حقك تطلبي فلوس
ميار: بس انا مش تعبانه ومعايا فلوس الحمدلله
اسر: الموضوع مفيهوش احراج ي ميار
ميار: احراج اي حضرتك انا معايا فلوس والله ومبلغ كمان ومش تعبانه فعلا
غمض اسر عينه واتنفس بعصبيه: تمم ي ميار روحي بس هيكون في عربيه من بكرا هتيجي تاخدك من قدام البيت وترجعك تمم؟
ميار: تمم ي استاذ اسر عن اذنك
خرجت ميار وقابلتها مي
مي: كان عايزك ف اي؟
ميار: كان بيعرض عليا فلوس وقالي الف سلامه عليكي
مي بتوتر: وانتي قولتيله اي
ميار: هقوله اي يعني قولتله ان معايا فلوس ومش تعبانه
مي: غبيه غبيه انتي مفكره كان هيديكي 100ج ولا اي دا كان هيديكي مبلغ يغبيه
ميار: انا مش بشحت ي مي وجيت اشتغل علشان ممدش ايدي لحد
مي: طب امشي يختي امشي
خرجوا مي وميار ووقفوا تاكسي وبعد م وصلوا قدام البيت
مي: ادفعي انتي ي ميار اصل فلوسي خلصت
ميار: حسابك كام لو سمحت
السواق: 100 ج
طلعت ميار ال 100ج ادتهاله ونزلوا
مي: متقلبيش وشك كدا نطلع وهاخد من ماما واديكي ال 100ج
ميار: مش زعلانه ي ميار والله بس ال 100ج دي كنت هجيب بيها ل ماما حاجه
مي: يعني اي كنت هدفع انا حق التاكسي كله؟
ميار: اكيد لا يعني بس انا كنت هركب ميكروباص واوفر لحد م اقبض
مي: لا يحبيبتي انا مش بركب ميكروباصات انا
طلعوا ع السلم وقدام باب الشقه
مي: ياللا باي ي ميوره
ميار: باي
دخلت كل واحده فيهم شقتها
في شقه مي
مي: شوفتي ي ماما روحت لقيت ميار هناك بتقدم على شغل واشتغلت من اول يوم انا متأكده انها اتمرقعت عليه
والدة مي: يختي اتنيلي اسمعي انا خلال أسبوع عايزه ال اسمه اسر دا يجي يخطبك فاهمه ولا لا وبعدين تعالي هنا مش قولتلك اتدلعي عليه
مي: والله ي ماما دخلتله المكتب وقربت منه وهو قالي مينفعش هنا ف الشركه وزعقلي وقالي ف الحلال
والدة مي: طب ولما هو عايزك ف الحلال مجاش لي
مي: قالي مستني الوقت المناسب وانا بصراحه مش عايزه اضغط عليه
في شقه ميار
ميار: انا اسفه ي ماما معرفتش اجيب اكل النهارده ممكن ناكل عيش ب شاي وخلاص
والدة ميار: لي الفلوس خلصت منك؟
مي وقفت تاكسي وكنت مفكره هنقسم الحساب مع بعض بس خلتني دفعت ال 100ج ال معايا ومعرفتش اتصرف
والدة ميار: مش مهم يحبيبتي المهم هتروحي بكرا ازاي
ميار: استاذ اسر قالي ان في عربيه هتيجي تاخدني وتجيبني كل يوم
والدة ميار: طب الحمدلله ادخلي غيري هدومك على م اعملنا كوبايتين شاي علشان ناكل
ميار: حاضر ي ماما
في شقه مي
مي: انتي عامله اكل اي النهارده
والدة مي: جمبري
مي: حلو دا هغير واجي اكل
والدة مي: طيب خلصي
في فيلا اسر العزيزي
اسر: والله زي م بقولك كدا ي ايه البت قمر وعجباني من يوم الحفله وعايز بصراحه اخطبها
ايه: طب ربنا يقدم ال فيه الخير مستني اي
اسر: مستني بس اعرفها وتعرفني اكتر
End flash back
فاقت من شرودها على صوت عربيه بتخبطها ووقعت ع الارض
الناس كلها اتلمت حواليها وبدأوا يطلبوا الإسعاف وبعد دقايق كانت الإسعاف وصلت وخدوها وراح معاها صاحب العربيه وكام شخص من ال حضروا الحادثه
احمد: هي كويسه ي دكتور
الدكتور: منقدرش نقول اي حاجه دلوقتي هتدخل العمليات ادعولها
احمد: ي رتني م بصيت جمبي ي رتني
الموبايل رن
احمد: الو مين حضرتك
-انت ال مين
احمد.........
يتبع...
#_غدر_صديقتي
5
احمد: حضرتك صاحبة الموبايل دا عملت حادثه وهي دلوقتي ف مستشفى ******
اسر في خلال دقايق كان ف المستشفى
اسر: هي فين ميار فين
احمد: اهدى حضرتك هي ف العمليات دلوقتي
اسر: اي ال حصل وانت مين
احمد: حضرتك انا كنت ماشي بالعربيه لقتها قدامي مقدرتش اتفادى وخبطتها وجبتها ع المستشفى على طول
اسر بعصبيه: انت ال خبطتها انت ال خبطتها وبدأ يضرب فيه
الدكاتره بدأوا يتلموا
دكتور منهم: اهدوا ي ساده احنا في مستشفى مينفعش كدا
اسر: ادعي من قلبك انها تقوم بالسلامه والا موتك هيكون على ايدي
Flash back
يوم جديد
في شقه ميار
ميار: ها ي ماما البس اي النهارده مش عارفه
والدة ميار: البسي بنطلون جينز وتيشيرت ي ميار
ميار: امممم ماشي
دخلت ميار طلعت بنطلون اسود وتيشيرت اسود اشترتهم جديد وفردت شعرها وخرجت
والدة ميار: ربنا يحميكي ي حبيبتي
ميار: ياللا هنزل العربيه تحت
خرجت ميار لقت مي ف وشها
مي: نازله الشغل؟
ميار: ايوا اكيد
مي: تعالي نروح مع بعض
ميار: معلش ي ميار للاسف السواق جاي ياخدني
مي: سواق؟؟؟؟
ميار: ايوا سواق استاذ اسر قالي ان السواق كل يوم هياخدني الشغل ويرجعني
مي بغل: امممممم طيب هاجي معاكي ف العربيه
ميار: مش عارفه ي ميار ممكن استاذ اسر يتضايق استني هتصل اسأله
وطلعت موبايلها واتصلت
ميار: الو ايوا ي استاذ اسر هو ينفع مي تيجي معايا ف العربيه؟
اسر: للاسف لا ي ميار دي عربيه خاصه ب السكرتيرة
ميار بأسف: تمم ماشي
وقفلت
ميار: قال لا مينفعش علشان دي عربيه خاصه ب السكرتيرة
مي: عادي يستي ياللا انزلي نتقابل هناك
نزلت ميار ودخلت مي بيتها تاني
مي بغل وحقد: باعتلها عربيه ست ميار الشحاته بقا عندها سواق
والدة مي: ومروحتيش معاها لي
مي بحقد: علشان دي عربيه خاصه ب السكرتيرة
والدة مي: اقطع دراعي ان مكانش فيه بينهم حاجه البت دي طلعت صايعه ويعيني عليكي اسمعييي ادخلي غيري هدومك والبسي حاجه اقصر من كدا ومفتوحه واول م تروحي تدخلي على مكتبه وتهبي فيه ازاي ميبعتلكيش انتي كمان عربيه فاهمه ولا لا
مي: حاضر ي ماما
دخلت مي تغير هدومها
والدة مي: انا هوريكي ي ميار انتي وامك ماشي
نزلت مي راحت شغلها تحت نظرات الاشمئزاز من كل الناس بسبب لبسها ال مش مقبول ف منطقتها ولكن هي فسرت النظرات دي على انها إعجاب ومشيت رافعه راسها ومبسوطه
في الشركه
ميار: استاذ اسر شكرا اوي على العربيه
اسر: بتشكريني على اي دا طبيعي ف شركتنا ميار بإحراج: استاذ اسر كنت عايزه اسأل حضرتك على حاجه يعني
اسر: تمم اتفضلي
وصلت مي الشركه وكانت داخله بكل ثقه ورافعه راسها ل فوق اول م وصلت طلعت على مكتب اسر وبدون أي استأذان فتحت الباب ودخلت
اسر بصدمه: انتي ازاي تدخلي كدا وازاي متخبطيش اي هي زريبه
مي بدلع: كنت عايزه اكلمك ف موضوع وبصت ل ميار وكملت: على انفراد
تحت نظرات ميار المستغربه ازاي بتتكلم كدا وكأن في بينهم حاجه
اسر بعصبيه بيحاول يداريها: هو في بيني وبينك انفراد اساسا؟
مي بدلع: اسر لو سمحت
اسر: روحي انتي مكتبك ي ميار دلوقتي
ميار: حاضر
وخرجت
اسر: اتفضلي ي ست مي ي اللي مش بيجي من وراكي غير المصايب
مي بدلع: لي ي اسر بتقول كدا
اسر بعصبيه وصوت عالي: اسر اي يبت انتي اتجننتي ولا نسيتي بتكلمي مين ولا انت ضاربه حاجه قبل م تيجي ولا اي
مي: انا بحبك ي اسر
اسر بدأ يضحك بصوت عالي: بتحبي مين معلش بصي ي مي انا طول عمري مبحبش اعمل فرق طبقات بس هتتعدي حدودك معايا نهايتك هتكون وحشه اوي وهطردك برا الشركه دي خالص انتي هنا مجرد عامله بوفيه كنتي عامله نضافه وعلشان بس ابوكي جيه اتحايل على ابويا خليتك عامله بوفيه هتكتري معايا وهتقلي أدبك هوريكي وش اسر العزيزي التاني فاهمه ولا لا
مي بعياط: فاهمه
اسر: ودلوقتي اتفضلي اطلعي برا مشوفش وشك غير ف البوفيه وي ريت لو شوفتيني ابقي داري نفسك اه صحيح انا حذرتك قبل كدا بسبب لبسك العريان دا لو جيتي كدا تاني مش هدخلك الشركه دي خالص مش عارف اصلا اهلك بيسيبوكي تنزلي كدا ازاي اتفضلي برا
خرجت مي وهي بتمسح دموعها بعصبيه وجريت على الحمام
دخلت غسلت وشها وبدأت تهدى جددت مكياجها وخرجت
غيرت لبسها ل لبس الشغل وبدأت تشتغل
منه: استاذ اسر كان بيزعقلك لي ي مي
مي: بيزعقلي انا؟ مين قال الكلام دا
منه: مين قال اي يبنتي الشركه كلها سمعت صوته وهو بيزعق معاكي
مي: لا عادي متشغليش بالك
جيه وقت البريك والكل اتجمع علشان ياكل
ميار قعدت لقت مي بتقعد معاها على نفس الترابيزه
ميار: انتي كويسه؟
مي: اه بتسالي لي
ميار: اصل سمعت استاذ اسر بيزعقلك وبعدين
قاطعتها مي: اه زعقلي علشان لبسي لانه قالي كذا مره انه مش بيحب يشوفني كدا
ميار: لي هو في بينكوا حاجه؟
مي: لا لسه في فتره التلميحات هو بيلمحلي كتير انه بيحبني
ميار: اه ربنا يقدم ال فيه الخير
بدأوا يجيبوا الاكل بس مي خدت بالها من حاجه
وبصوت عالي: اي ال بيحصل دا؟؟؟؟
يتبع....
#_غدر_صديقتي
6
مي بصوت عالي: بتحطي اكل ف كيس لي ي ميار
ميار بدموع: انا انا خدت
قاطعتها مي: لي ي ميار كدا الاكل هنا ل الشركه بس عايزه اكل زياده بسبب قلة الفلوس قوليلي لكن لي تسرقي
ميار بعياط: انا مبسرقش مبسرقش ي مي واعدلي كلامك
مي: والله يعني دا انا شيفاكي بعيني وانتي بتحطي اكل ف الكيس احنا بناكل هنا بس انتي واخداه لي بقا
اسر بصوت عالي: انتي مالك ي مي؟؟ بتحشري نفسك لي ف اللي ملكيش فيه هي كانت شركة ال جابوكي؟ انا ال باعت ميار تاخد الاكل دا ليكي فيه؟ بقولك اي انا جبت اخري منك اطلعي برا
مي: اسر انا
قاطعها اسر بصوت عالي وعصبيه: اسمي استاذ اسر واقسمبالله المره الجايه م هرحمك اطلعي برا الشركه ومشوفش وشك هنا تاني انا غلطان اني عطفت عليكي برااا
جريت ميار على مكتبها وفضلت تعيط على حالها مكانتش عارفه هتوريهم وشها تاني ازاي بسبب فقرها طلبت من اسر انها تاخد اكل زياده وهو قالها تاخد ال هي عايزاه بس مي فضحتها فضحتها قدام الشركه كلها وخلت كله بيتكلم عليها
الباب بيخبط وبيدخل اسر
اسر: انا اسف ع ال حصل تحت دا
ميار بعياط: حضرتك ملكش ذنب
اسر: طب خلاص بطلي عياط مش عايز اشوف دموعك
ميار بتوتر: اي؟
اسر بتوتر اكتر: انا اسف مش قصدي بس كان قصدي يعني مش بحب اشوف حد بيعيط
ميار: حاضر
حاولت ميار تهدى وترجع ل شغلها واسر خرج لمكتبه
مي كانت وصلت بيتها
مي بعياط: طردني ي ماما طردني
والدة مي: طردك لي وبسبب مين اي ال حصل
مي: ميار دخلت اتمسكنت عليه وقالتله انها مش حابه تشوفني ف الشركه بعد م دخلت عليه لقيته حاضنها ف مكتبه وف الآخر طلعوا على علاقه ببعض وطلعت انا المغفله
والدة مي: شوفي الصايعه طب انا هتصرف
قامت ام مي وخبطت على شقه ميار
والدة ميار: ايوا جايه اي دا ام مي وحشاني والله ادخلي
والدة مي: ادخل اي بقا دا كان زمان قبل م بنتك تعمل عملتها الو***ه دي
والدة ميار: عملت اي بنتي وبعدين ادخلي مينفعش نتكلم ع الباب كدا
والدة مي: بنتك كانت عارفه ان اسر بيه كان يخطب بنتي ومع ذلك لفت عليه وخطفته منها خطافه الرجاله
والدة ميار بصوت عالي: اي ال بتقوليه دا يست انتي خطافه رجاله اي م تعدلي كلامك وتفهميني ف اي
والدة مي: الحكايه وما فيها ي ام ميار ان بنتي دخلت على بنتك وهي ف حضن اسر بيه ف الشركه ولما ميار خافت من الفضيحه قالتله يطرد مي قام طاردها علشان متفضحش علاقتهم ف الشركه
والدة ميار: انتي شكلك كبرتي وخرفتي انا بنتي اشرف م الشرف وال يقول عليها كلمه اكله بسناني ياللا عن اذنك
وقفلت الباب ف وشها
في شقه مي
والدة مي: قفلت الباب ف وشي بنت ال.... م طبعا لازم تعمل كدا م هما مش لاقيين اللقمه ف م صدقوا لقوا فلوس جريوا عليها زي الكلاب انا هوريهم هخلي سمعتهم تسمع ف المنطقه كلها علشان يحرموا يبصوا ل ال ف ايد غيرهم تاني
بعد ساعات كانت خلصت ميار شغلها واستأذنت ومشيت وصلتها العربيه لحد البيت
طلعت ميار وكانت داخله مبسوطه اوي لانها جابت اكل النهارده
والدة ميار: اهلا ب الست ميار
ميار: اي ي ماما ف اي اي الوش دا؟؟
والدة ميار: ممكن افهم اي ال بينك وبين صاحب الشركه؟
ميار: اي ال بتقوليه دا ي ماما هيكون بيني وبينه اي ؟؟؟
والدة ميار: مي جت قالت إنها قفشتك ف حضنه ف مكتبه ولما خوفتي من الفضيحه قولتيله يطردها
ميار بصدمه: اي مي قالت كدا؟؟؟ وانتي صدقتي ي ماما؟
والدة ميار: لا صدقت ولا مصدقتش احنا محيلتناش غير سمعتنا ي بنتي بلاها شغل خالص اتفضلي افتحي موبايلك ابعتي رساله ل صاحب الشركه دا انك مش هتروحي تاني وبعدين هاتي موبايلك
ميار بعياط: انتي بتعامليني لي وكأني غلطانه كل دا ومش مصدقه امال لو مصدقه عايزه تخليني اسيب الشغل وكمان تاخدي موبايلي؟
والدة ميار: هو دا ال عندي والله
ميار بعياط: ماشي ي ماما بس افتكري انك ظلمتيني لمجرد انك سمعتي منهم هما بس وانتي عارفه كويس اوي ان دا ميطلعش مني
طلعت موبايلها وبعتت ل اسر وبعدين ادت الموبايل ل مامتها
خدت منها الموبايل وقفلته
ميار: الاكل دا انا جبته النهارده وكلي حضرتك انا مش جعانه
ودخلت اوضتها وقفلت الباب وقعدت تعيط
والدة ميار: سامحيني ي بنتي بس مقدرش اعمل غير كدا احنا ناس على قد حالنا
في فيلا اسر
اسر كانت وصلته الرساله فتحها وهو مصدوم وبدأ يتصل ب ميار بس موبايلها مقفول استغرب اوي من ال حصل ومن العصبيه كسر الموبايل
في شقه مي
مي: كويس ان هي كمان سابت الشغل بت متصنعه
والدة مي: ولسه هتتفاجئي من ال هيحصل الصبح
مي: شكرا ي ماما انك جبتيلي حقي
يوم جديد
صحيت ميار ومامتها على صوت الباب
والدة ميار: ايوا جايه
لبست اسدالها بسرعه وفتحت الباب
والدة ميار: ايوا ي عم محمد
عم محمد ( صاحب العمار): بعد اذنك ي ام ميار فضيلي الشقه علشان عايزها قدامك لحد بليل
والدة ميار: هنروح فين بس ي عم محمد اديني يومين طيب اكون شوفت مكان تاني
عم محمد: لا معلش فضولي الشقه كفايه سيرتكوا ال على كل لسان وبنتك خطافة الرجاله
والدة ميار بصدمه: اي؟؟؟
ووقعت غايبه عن الدنيا
ميار بصدمه: مامااااا
يتبع....
تكملة الروايه اضغط هناااااااا
تعليقات
إرسال تعليق
فضلا اترك تعليق من هنا