رواية زوجه محرمه كامله
رواية زوجه محرمه كامله
كنا شغالين وواقف علي السقالة انا واخويا نور بعيد عني شوية ، وفجأة سمعت صوته بيناديني : الحقني يا امير انا هقع انا هقع انا هقاااااااع.....
لفيت علشان الحقه وشوفته وهو بيقع وجسمه بيتخبط في السقالات لحد ما وصل الارض !!!
كنت عاوز ارمي نفسي علشان الحقه واشوفه حصله ايه ،لكن زمايلي مسكوني ونزلوني من السقالة .
نزلت جري وانا مرعوب من المنظر اللي شوفته ، وبمجرد ما وصلت لنور كان بقي جثة هامدة !!!
منظره وهو بيقع من الدور ال١١ ومنظر جثته علي الارض عمري ما هقدرانساه ابدا ولو عيشت فوق عمري الف عمر .
اصيبت بانهيار عصبي واتنقلت للمستشفي وتمت اجراءات الجنازة والدفن في غيابي حتي العزاء اعمامي اخدوه وانا في المستشفي !!
خرجت من المستشفي بعد اكتر من اسبوع وكانت حالتي النفسية صعبة جدا .
كنت حاسس بالذنب تجاه اخويا اللي استنجد بيا ومقدرتش الحقه !!
قعدت في البيت فترة مش بخرج ولا بتكلم مع حد ابدا !!
امي واخواتي البتات كان الحزن مخيم عليهم لكن قادرين يتكلموا ويعيشوا ، امي كانت تدخل تكلمني وتصبرني وتحاول تخرجني من حالتي وكملن اخواتي حاولوا معايا كتير !!
اخواتي كانوا عارفين حبي للاطفال فكانوا بيدخلوا اولادهم عندي علشان اتكلم والعب معاهم يمكن اخرج من حالتي .
اول لما شوفت وحيد ابن نور جريت عليه وحضنته وقعدت ابكي .
وحيد كان لسه عمره سنتين وكان لسه مش عنده اخوات . قولت لأمي : زي ما يكون نور الله يرحمه كان قلبه حاسس لما سماه وحيد انه مش هيخلف غيره !!!
وحيد فضل معايا ايام كتيره كنت بفضل حضنه واشم في ريحته و افتكر اخويا .
انا اصغر اخواتي وعمري ٢٤ سنة و لسه مش اتجوزت لدلوقتي ، ونور الله يرحمه كان الاكبر مني علطول وكان اقرب اخواتي ليا مات عنده ٢٦ سنة ولينا ٤ اخوات بنات اكبر مننا كلهم متجوزين .
كل بيوت اعمامي كانت جنب بيتنا لأن دي عوايد القرية عندنا بيوت الاخوات كلها بتكون جنب بعض .
واخواتي البنات في منهم اتنين عبير وسماح عايشين في اسكندرية مع اجوازهم و سماح متجوزة في قرية جنبنا و رباب ودي اصغرهم معانا في نفس القرية .
كل يوم كنت لما انام اقوم مفزوع لما اشوف نور في الحلم !!
حلمت بنوركتير ، مرة حلمت بيه بنفس الصورة اللي شوفته بيها وهو علي الارض غرقان في دمه !! ومرة حلمت به بيناديني اني الحقه قبل وقوعه زي ما حصل يوم الحادث !! ومرة حلمت به وهو بيقع وبيتخبط في السقالات زي ما شوفته بالظبط !!!
كان بالنسبالي لما ييجي وقت النوم كان وقت العذاب لأني عارف اني هشوف نفس الكابوس واقوم مفزوع !!
فضلت علي نفس الحال لحد ما في يوم شوفته في الحلم وكان كأنه واقف في جنينة واسعه كلها اشجار وورود وبيناديني وبيضحك وبيقولي كفاية بقي حزن يا امير انا كويس اهو ومبسوط !!
يومها قومت من النوم مبسوط اني شوفته كويس وبيضحك .
زمايلنا في الشغل كانوا بييجوا يزوروني في البيت باستمرار ويطمنوا عليا وعلي امي .
وبعد مرور اكتر من شهر زمايلي بلغوني ان اصحاب الشركة بينذروني لو مش رجعت الشغل هيفصلوني !!
اضطريت اني ارجع الشغل وفي اول يوم روحت موقع الشغل وشوفت مكان الحادث وقعت واغمي عليا !!
اتنقلت بعدها لموقع عمل تاني بعيد عن موقع الحادث .
عدت ذكري الاربعين و في يوم بعد ما اتغديت لقيت امي قعدت جنبي وبتقولي : عايزاك في موضوع مهم يا ابني .
قولتلها : خير يا امي ؟
قالتلي : انا يا بني كبرت والمرض والحزن هدني وخلاص يلا حسن الختام .
: ربنا يديكي الصحة وطول العمر يا امي .
: تعيش يا بني ، المهم انا عاوزة افرح بيك قبل ما اموت يا بني .
: ربنا يطولنا في عمرك يا امي بس انا يحرم عليا الفرح بعد نور اخويا .
: ليه يا بني بتقول كده وتكسر قلبي ؟
: ما عاش اللي يكسر قلبك يا امي بس انا بعد نور اخويا مش هعرف افرح تاني ابدا .
: لا يا ابني كل شئ في الدنيا بيتولد صغير وبيكبر الا الحزن بيتولد كبير وبيصغر مع مرور الزمن ، و الايام مسيرها تنسيك حزنك .
: عمري ما هقدر انسي نور ابدا .
: مش هتنساه يا ابني لكن هتنسي حزنك عليه .
: مش هقدر يا امي .
: اسمع كلامي يا بني انا عيشت كتير في الدنيا واعرف فيها اكتر منك .
: حاضر يا امي هفرحك لكن مش دلوقتي ، سبيني شوية لما نفسيتي تروق واعصابي تهدا .
: لكن انا عاوزه اجوزك قبل ما اموت والعمر مش مضمون . والعروسة كمان عاوزين نلحقها قبل ما غيرك يخطفها .
: ياااه دا انتي كمان اختارتي العروسة !!! ومين قالك اني هتجوز دلوقتي ؟
: مش انا اللي اخترتهالك يا ابني القدر هو اللي اخترهالك .
: مش فاهمك يا امي !! تقصدي ايه ؟
: اقصد يا ابني لم لحم اخوك وحافظ عليه .
: لحم اخويا !!!
: ايوه مراته وابنه .
قومت من مكاني مفزوع ومش مصدق اللي امي بتقوله .
: انتي عاوزاني اتجوز مرات نور ؟
: ايوه يا بني انت اوله من الغريب .
: ولا انا ولا الغريب ، مفيش حد هياخد مكان اخويا في فرشته ابدا .
: دي سنة الحياة يا ابني سارة مرات اخوك حلوة وصغيرة وفيها الطمع ومستحيل تعيش عذبة باقي عمرها .
: يتقصف عمرها علي عمر اللي يفكر يلمسها بعد نور .
: انت هتحكم عليها بالموت وهي عايشة يا ابني ؟؟!!!
: علي جثتي يامه ان سارة تتجوز بعد نور ولا انا ولا غيري .
: متقولش كده انا هغضب عليك يا ابني .
: ليه يا امي ؟
: علشان كده انت ظالم .
: ظلمت مين انا ؟؟
: عاوز تظلم سارة وهي لسه في عز شبابها .
مش بظلمها يامه بس هو نصيبها كده ، اتجوزت وخلفت وجوزها مات ، خلاص خلصنا ، تعيش تربي ابنها زيها زي اي ست بتعيش علشان عيالها .
: عاوز ارملة اخوك تبقي مطمع للي يسوي واللي ميسواش !!!
: هتعيش في حمايتي واللي يفكر بس يبصلها همحيه من علي وش الارض .
: انت لسه صغير يا امير ومدخلتش دنيا علشان كده مش فاهم .
: لأ يامه انا فاهم كويس واللي بقولك عليه هو اللي هيحصل .
: بتخالف امري يا امير !!!
: ما عاش اللي يخالف اوامرك يامه بس في الموضوع ده بالذات سامحيني مستحيل مرات نور حد يلمسها بعده .
: طيب ايه رأيك يا أمير سارة هتتجوز وانت اللي هتتجوزها و هتخلف منها وتجيب اخوات لابن اخوك منها .
: انتي بتعملي كده ليه يامه ؟؟
: علشان اللي انا شايفاه هو الصح والأصول .
: بعد اذنك يامه متتكلميش في الموضوع ده تاني .
مشيت وخرجت من البيت وانا في قمة غضبي من كلام امي وروحت قعدت علي الترعة لوحدي في الضلمة وولعت سيجارة وبفكر في كلام امي وانا مش مصدق انها تقول كده !!
وانا قاعد افتكر صورة اخويا نور لما كان فرحان يوم ما راح وخطب سارة ، كان بيحبها اوي وهي كمان كانت بتحبه اوي .
افتكرت يوم فرحه وقد ايه كان فرحان اوي لدرجة ان كل الناس كانت بتحسده من فرحته.
افتكرت اليوم اللي عرف فيه ان مراته حامل و حضني وقالي اخوك هيبقي اب يا امير .
ويوم لما مراته ولدت وشال ابنه وكان هيطير من الفرح ولما سماه وحيد وسألته عن سبب الاسم قالي انه شاف الاسم في المنام .
افتكرت حبه لسارة وحبها له ولما كانت بتستناه كل يوم وهو راجع من شغله ، وقد ايه كان بيكون ملهوف علي رجوعه بيته بعد الشغل من حبه لها .
وفجأة حسيت بايد علي كتفي اتفزعت التفت لقيت خالي بيقولي : قاعد لوحدك ليه في الضلمة يا امير ؟
: مفيش يا خال .
: شكلك متضايق من كلام الحاجة امك ؟؟
: وانت عرفت ؟؟
: ايوه يا ابني ما انت عارف امك بتشورني في كل حاجة من بعد المرحوم ابوك .
: يعني انت موافق يا خال علي المصيبة دي ؟؟!!
: وانت لم تصون لحم اخوك تبقي مصيبة ؟!! اومال عايز ابن اخوك يتربي في حضن رجل غريب ولا ايه ؟
: وهي تتجوز ليه يا خال من اصله ؟ هي اتحوزت وخلفت وجوزها مات ، نصيبها كده تعيش تربي ابنها .
: يا بني دي لسه صغيرة عندها عشرين سنة عاوزها تكمل عمرها كله عذبة !!! ده كلام يدخل عقل حد يابني ؟؟!!!
: يا خال انا مش هقبل اني اشوف رجل تاني واخد مكان نور ولو اخر يوم في عمري فاهم يا خال ؟
: انت اللي هتتجوزها و تربي ابن اخوك .
: لأ يا خال مش هيحصل .
: انت بتقولي في وشي لأ كده من غير كسوف ولا خجل !!!
: يا خال اصل انت متعرفش نور كان بيحبها ازاي ده كان بيعشقها ، ازاي عاوزني اخد مكانه وانيمه في قبره بيتعذب ؟!!!
: انت عارف يا امير انت لو مش سمعت الكلام واتجوزتها هتجوزها انا .
الحلقه الثانيه
: يا خال اصل انت متعرفش نور كان بيحبها ازاي ده كان بيعشقها ، ازاي عاوزني اخد مكانه وانيمه في قبره بيتعذب ؟!!!
: انت عارف يا امير انت لو مش سمعت الكلام واتجوزتها هتجوزها انا .
: بتقول ايه يا خال ؟!!
: بهزر معاك يا ابن اختي ، شوفتك اعصابك تعبانه قولت اضحكك شوية ، فكها بقي كفاية حزن يا امير .
: ومين له نفس يضحك يا خال !!!
: اضحك يا امير وعيش واتجوز هي دي سنة الحياة .
: انا خلاص حياتي بقيت مش لها لازمة ولا طعم بعد نور اخويا .
: نور الله يرحمه مات وكان طيب هو في الجنة دلوقتي وفرحان ولو يقدر يكلمك كان قالك اتجوز ارملة اخوك وكمل معها مشوار حياتكم .
: تاني يا خال ؟!!
: طيب يا امير احنا هنسيبك تفكر شوية ، قوم يلا روح راضي امك بكلمتين وادخل نام علشان تروح شغلك الصبح .
قومت ومشيت مع خالي لما روحت ودخلت راضيت امي ودخلت نمت .
سارة كانت عايشة جنبنا في القرية ونور حبها من وهما صغيرين وهي كمان حبته واول لما اخدت الدبلوم جري نور وراح يخطبها.
وابو سارة رفض في البداية علشان نور كان مش كمل تعليمه لكن بعد اصرار نور وسارة اضطر ابوها انه يوافق لكن اشترط عليه شروط صعبة في الشبكة و المهر .
اضطر نور انه يسافر سنتين علشان يوفي طلبات ابو سارة ، وتعب واتغرب علشان يتجوزها و بمجرد لما رجع اتجوزها علطول .
نور وقتها كان سعيد جدا لدرجة ان الناس كلها كانت بتحسده علي سعادته .
مش ممكن انيم نور اخويا في قبره زعلان ابدا لو مراته اتجوزت غيره .
كمان سارة من وقت الحادث لما عرفت بخبر وفاة نور وهي حزينة جدا لدرجة انها فضلت ايام كتير من غير اكل لدرجة انها اتحجزت في المستشفي .
و لمدة يومين امي كانت مش بتكلمي زعل علي كلامي معها .
روحت لأمي وقعدت جنبها ومسكت ايدها بوستها وقولتلها : ارجوكي يا ست الحبايب مش عاوزك تزعلي مني .
: لو سمعت كلامي قلبي وربي هيرضوا عليك انما لو عصيت كلامي ونشفت دماغك قلبي وربي يكونوا غضبانين عليك .
: يامه ويهون عليكي نور ابنك يكون متعذب في قبره ؟!!
: اخوك روحه عند اللي خلقها ولو عرف انك صونت عرضه واتجوزت ارملته وراعيت ابنه هيكون سعيد ومرتاح .
: يامه ده كان بيعشقها هيكون فرحان ازاي وهي في حضن رجل تاني ؟!!
: علشان هي لازم تتجوز رجل تاني بعد اخوك ، يا ابني دي سنة الحياة .
: تعيش وتربي ابنها ومصاريفها ومصاريف ابنها انا متكفل بيهم واي حد يتعرض لها انا كفيل به .
: يا بني انت مش عاوز تفهم ليه !! دي شابه ومش كل اللي هتحتاجه الفلوس والحماية بس لازم يكون معها زوج رجل تعيش معاه زي باقي خلق الله .
: اذا كانت عاوزة تتجوز تروح تتجوز وتجيب ابننا احنا نربيه ، هربيه وارعاه لحد ما يببقي دكتور ولا مهندس قد الدنيا .
: يعني عاوز ابن اخوك يتربي يتيم اب وام وامه لسه عايشة !!!
: مش انا اللي اخترت كده ولا بأيدي ، انما لو امه هتختار تتجوز يبقي مفيش الا الحل ده وتروح تتجوز برحتها .
: لا يابني كده حرام عليك لو هتحرم ام من ابنها ووحيد كمان حرام لما تحرمه من امه وهو يتيم الاب .
: يامه احنا هنقدر البلاء قبل وقوعه ، ما يمكن هي متفكرش في الجواز من اساسه وتبقي ريحت نفسها وريحتنا .
: مالك يابني راسك ناشفة كده ليه وعنيد ده ابوك واخوك الله يرحمهم عمرهم ما كانوا كده !!!
: وانا كمان يا امي عمري ما نشفت راسي ولا عاندت الا في الموضوع ده ، مش عاوز قلب اخويا يتوجع وهو في قبره ، مش كفاية يامه مقدرتش الحقه قبل ما يقع !!! ( ودموعي نزلت ومقدرتش احبسها )
: يا ابني متحملش نفسك فوق طاقتها ، لو كان بايدك تنقذه كنت لحقته ونقذته انما ده قدر ربنا .
ومرت ايام وفي يوم راجع من الشغل كانت امي قاعده مع سارة في ركن في الدار وصوتهم مش واضح ومش شافوني لما دخلت .
حسيت انهم بتكلموا في حاجة مهمة ، اتسحبت بدون ما يشعروا بيا ووقفت اسمعهم بيتكلموا في ايه !!
سمعت امي بتقولها : يا بنتي عايزاكي تقلعي الاسود ده وتلبسي هدومك الملونة .
سارة : انتي يا مه اللي بتقولي كده !! انا عمري ما هقلعه ابدا من بعد نور .
: يا بنتي الحزن في القلب مش في اللبس .
(سارة ودموعها علي خدودها) : يامه ده اللي مات ده الغالي اللي عمره ما هيتنسي ولا عمري حسيت معاه بلحظة حزن ابدا ولا في يوم زعلني ، عمري ما هفرح و لا ادوق طعم الفرح بعده .
: تسمعي كلامي يا بنتي ؟؟
: اتفضلي يا امي انتي عارفه طول عمري بسمع كلامك .
: اللي مات ده ابني ونور عيني ومفيش مخلوق علي الارض ابدا هيحزن عليه اكتر مني ، لكن انا عيشت وشوفت في الدنيا كتير الحزن عليه هيبقي في القلب لكن الحياة لازم تمشي وتعدي ، وعلشان الحياة تمشي لازم مش هنقف عند اللي حصل انما لازم نبص لبكره ونشوف حياتنا هنعمل فيها ايه لحد ما نقوم برسالتنا اللي جينا الدنيا علشانها .
: كلامك حلو يامه لكن قلبي اللي انكسر والحزن اللي سكن فيه مش بايدي .
: معلش يا سارة معلش يا بنتي دي سنة الحياة ، نور مات وانا بكره اموت وانتي هتموتي بعد عمر طويل و تعيشي وتتهني .
: اتهنا !!! اتهنا ازاي يامه واللي شوفت الهنا معاه كله تحت التراب .
: تتهني لما تتجوزي وتجيبي اخ واخت لابنك وحيد .
: يالهوي يامه !!! انا اتجوز بعد نور ؟!! اهو ده اللي مش ممكن يحصل ابدا .
: اومال عايزة تعيشي عذبه ويطمع فيكي اللي يسوا واللي ميسواش ؟!!
: انا هعيش لابني ومش ممكن ادخل عليا رجل غريب ابدا .
: وتفتكري هو ده اللي هيبسط نور ويريحه في قبره ؟!!
: اومال يامه هيرتاح في قبره لما ادخل عليا رجل غريب يتجوزني ويربي ابنه ؟!!!
: يا سارة يا بنتي اللي يريحه ان يحس انك عايشه مرتاحه مع رجل يصونك ومفيش اي حد يطمع فيكي .
: وادخل رجل غريب عليا وعلي ابنه ؟؟!!
: لما يكون مش غريب نور هيرتاح .
: مش غريب !!! مش غريب ازاي يامه ؟؟
: ايوه يا سارة لما يكون اخوه امير يبقي مش غريب و نور هيرتاح في قبره ويطمن عليكي انتي وابنه .
: امير !!! ازاي تقولي كده !! ازاي ؟ ده امير ده اخويا .
: لأ امير مش اخوكي ، امير كان زي اخوكي لما كنتي مرات اخوه انما دلوقتي اخوه مات و هيبقي هو رجلك وابواولادك .
: لأ يامه متزعليش مني انا مش ناوية اتجوز .
: يعني انتي رافضة امير ولا رافضة الجواز عموما .
: يامه امير شاب مفيش بنت عاقله ترفضه لكن زي ما قولتلك انا مش هتجوز تاني بعد نور وهعيش لابني وبس .
: ولما تعدي عليكي السنين وتحتاجي لسند وتحبي تتجوزي وتلاقي سنك كبر هتعملي ايه وقتها تتجوزي رجل له بيت وست وعيال ولا تتجوزي رجل كبير تبقي ممرضه له بدل زوجة ؟؟!!!
: عمري ما هتجوز يامه وربنا يديلك طول العمر وافكرك لما تيجي تجوزي وحيد .
: طيب علي العموم خدي وقتك يا بنتي وفكري برحتك وصدقيني انا بدلك علي الصح ، ولو مش عاوزة امير قولي ومتخافيش انا برضو زي امك بالظبط واهم حاجة عندي مصلحتك .
بعد ما سمعت كلامهم سارة علييت في نظري اوي وعرفت ان اخويا عرف يختار وانها صاينة اخويا حتي بعد موته .
لكن اللي ضايقني ان حسيت ان امي مصممة علي اللي في دماغها .
عدا شهر واتنين وامي بدأت تتكلم مع كبار العيلتين ، اتكلمت مع اعمامي واخوالي و كل ما كنت اقابل حد منهم كان يفتح معايا نفس الموضوع ويحاول يقنعني .
وكمان امي كلمت ام سارة وابوها واعمامها واخوالها واقتنعوا كلهم بكلامها ورأيها وبدأوا يتكلموا مع سارة ويحاولوا يقنعوها ، وبعد ما كانت سارة بتيجي مع ابنها وتقعد مع امي كل يوم وتشوف طلباتها امتنعت خالص وبقيت تجيب ابنها يقعد مع جدته ومعايا وترجع تاخده اخر اليوم .
وبعد فترة وانا راجع من الشغل لقيت كل اهلي واهل سارة عندنا في البيت !!
تابع.
الحلقه الثالثه
وبعد فترة وانا راجع من الشغل لقيت كل اهلي واهل سارة عندنا في البيت !!
دخلت وسلمت عليهم وانا مندهش وسألتهم بلهفة : خير هو في حاجة حصلت ولا ايه ؟
رد عليا عمي الكبير : احنا متجمعين هنا النهاردة علشانك .
رديت بدهشة : علشاني انا ؟!! ليه خير يا عمي ؟
عمي : اللي موجودين هنا يا امير كلهم اهلك اذا كانوا اهل ابوك او اهل امك او نسايب اخوك الله يرحمه ، يعني مفيش حد غريب .
قولتله : بيتكم ومطرحكم طبعا .
عمي : كل اللي قاعدين واولهم الحاجة والدتك شايفين ومتفقين علي انك الواجب والضرورة تحتم عليك تتجوز ارملة اخوك .
: يا عمي انا قولت رأيي في الموضوع ده قبل كده اني مش هقدر اخد مكان اخويا .
: يابني اخوك دلوقتي عند ربه ملوش في الدنيا غير سيرته بالخير . ولما تتجوز ارملته وتربي ابنه هيرتاح في قبره .
: يا عمي بعد اذنك انا مش موافق ؟؟
: يعني هتعصانا كلنا واولنا امك !!! مفيش واحد من اللي قاعدين مالي عينك ولا ايه يا امير ؟
: كلكم علي راسي يا عمي بس ...
عمي : من غير بس ، خلص الكلام احنا كبار مش صغيرين ولازم تبقي كبير زينا وقد المسئولية ، والا هنغضب عليك وتبقي خالفت العيلة وملكش مكان وسطنا ، النهاردة السبت يا امير والجواز الخميس اللي بعد الجاي .
: وهي موافقة يا عمي ؟؟
رد ابو سارة : ايوه يا امير كلنا موافقين واولنا سارة .
: حاضر يا عمي اللي تشوفوه .
سبتهم ودخلت اوضتي وانا دماغي هتنفجر من التفكير ومش مستوعب الموقف اللي انا فيه !!! ومش عارف اتصرف ازاي . مستحيل اتجوز مرات نور !!
اتصلت بساره وقولتلها : كنت عاوز اتكلم معاكي شوية يا ام وحيد .
: اتفضل انا سمعاك .
: انتي بجد وافقتي علي كلامهم ؟
: كلام مين ؟
: عيلتي وعيلتك .
: بخصوص ايه ؟
: بخصوص انهم عاوزين يجوزونا لبعض .
: ماما الحجة كانت كلمتي في الموضوع ده قبل كده وانا قولتلها رأيي .
: رأيك اللي هو ايه ؟
: من غير زعل يا امير انا مش عاوزة اتجوز بعد نور الله يرحمه .
: تمام ، يعني انتي فعلا مش هتفكري في الجواز ابدا ؟
: ايوه انا عايزة اعيش لابني اربيه واعلمه ويكون كل حياتي .
: وده كان رأيي انا كمان . لكن النهاردة لقيت اهلي واهلك قاعدين مستنييني وكلموني تاني وقالولي انك وافقتي !!
: ما انا رفضت في الاول لكن لقيتهم كلهم مصممين وهيكبروا الموضوع قولت اريحهم واقولهم اني وافقت وخلاص .
: يعني انتي مش موافقة ؟
: ايوه .
: اومال قالوا انك موافقة ليه ؟
: انا قولتلهم كده علشان اريحهم بس .
: طيب هنعمل ايه دلوقتي ؟
: هنريحهم ونتجوز ، بس كنت عاوزة اطلب منك طلب .
: انا مش فاهم حاجه !! اتفضلي .
: انا عرفت انك مكنتش عاوز تتجوزني ومادام اتغصبنا كنت عايزة الجواز يكون صوري بس مش اكتر ويبقي مننا رضناهم وفي نفس الوقت حافظنا علي ذكري المرحوم .واوعدك انك وقت ما تحب تتجوز مش هعترض وهفرحلك من كل قلبي .
: ايوه انا كده فهمت يعني نتجوز صوري ؟
: بالظبط كده .
: كويس ، نفس اللي كنت عاوز اكلمك فيه بالظبط بس كنت مش عارف اقولهالك ازاي ، خلاص انا كده موافق . بس سيبك من موضوع اني اتجوز عليكي ده دلوقتي لأني مش بفكر في الجواز علي الاقل في الوقت الحالي .
: انا متشكرة ليك اوي يا امير ، ربنا اللي يعلم انك زدت في نظري اوي بعد كلامك ده ، و ربنا اللي يعلم كمان انا طول عمري بعتبرك زي اخويا .
: وانا كمان من اول ما دخلتي بيتنا وانا بعتبرك زي اختي .
: خلاص متفقين ؟
: خلاص احنا كده متفقين وهبلغهم ان انا كمان وافقت .
روحت بلغت امي اني وافقت ، كانت هتطير من الفرح وقعدت تحضني وتقولي انت دلوقتي راجلنا كلنا وفضلت تدعيلي كتير اوي .
عدت الايام و كنت متوقع اني هروح اعيش مع سارة وابنها في بيتهم وده كان هيسهلنا تنفيذ اتفاقنا لأننا هنكون بعيد عنهم ونفضل علي اتفاقنا ، لكن اتفاجئت قبل الدخلة بيومين بأمي بتقولي اننا هنعيش معها في نفس الدار علشان مش عاوزة تحس بالوحدة !!!!!
ويوم الدخلة تم الزواج ولكن بدون المظاهر المعتادة للافراح ماعدا حضور كل الاهل والاقارب .
وبعد تناول الجميع للعشاء ومباركتهم لنا انصرفوا جميعا ما عدا انا وسارة وابنها وامي ، لقيت امي بتقول لسارة : من الليلة يا حبيبتي وحيد هيبقي معاكي طول النهار وبالليل هينام في حضني !! علشان تاخدي راحتك انتي وعريسك ، الف مبروك يا حبايبي ربنا يهدي سركم .
سارة وضح عليها الارتباك لكن مقدرتش تعترض .
انا كمان ارتبكت وبقيت مش عارف اتصرف ازاي !! لكن اضطريت اطلع اوضتي بسرعة اللي كانت اتجهزت وبقيت اوضة نوم عرايس بجد !!
طلعت اوضتي وبعدها سمعت امي بتقول لسارة اطلعي يلا عريسك مستنيكي . ربنا يهنيكم يا حبايبي .
طلعت سارة وهي في قمة الارتباك فحاولت اهدي ارتباكها شوية وقولتلها : متخافيش احنا عند اتفاقنا ، سيبك من كلام امي دلوقتي بعد اسبوعبن تلاته هجيب وحيد ينام في اوضتنا .
كل ده وسارة واقفة ساكته ، قولتلها : بصي انتي هتنامي علي السر. ير بس هاخد منك مرتبة ومخدة انام عليهم في الارض .
قالتلي : لأ ، نام انت علي سريرك وانا هنام علي الارض .
: لأ طبعا مش هينفع . متخافيش عليا انا مش هتفرق معايا وهرتاح كويس علي الارض .
: طيب ما تجيب سر. ير تاني هنا في الاوضة .
: لو انا عملت كده دلوقتي امي هتفهم اتفاقنا ، خلينا كده دلوقتي وبعد كده كل الامور هتتظبط لوحدها مع الوقت .
وفعلا اخدت مرتبة ومخدة وحاولت انام لكن معرفتش ، واللي ضايقني ان سارة نامت بهدومها كاملة واتغطت كمان و كنا في بداية الصيف والجو حر .
وفضلت افكر وأسأا نفسي هل هي هتتحمل الجو ده لمدة قد ايه ؟؟ !!! دي كده حاجة صعبة اوي عليها .
اصرار امي اننا نعيش معها في نفس البيت لخبط اتفاقنا وهيخلينا نعيش في عذاب .
فضلت اتقلب طول الليل وانا حاسس انها هي كمان صاحية !!!
وكل لما اتقلب احس انها بتتقلب علي السر. ير من خوفها .
حاولت امثل اني نمت علشان سارة تاخد راحتها وتنام .
وبعد اكتر من ساعتين حسيت بها وهي بتقوم من السر. ير !!!!
لقيتها فتحت باب الاوضة وخرجت !! وبعدين سمعت صوتها بتتكلم مع امي لما امي سألتها : رايحة فين يا عروسة ؟
ردت سارة : كنت داخلة الحمام يا ماما ، خير انتي صاحية لدلوقتي ليه يا ماما ؟ انتي تعبانه ولا حاجة ؟
: حمام الهنا يا حبيبتي ، لأ انا كويسة الحمد لله بس مش جايلي نوم .
دخلت سارة الحمام ورجعت نامت في السر. ير وهي فاكرة اني نايم .
بعدها بشوية سارة بطلت تتحرك ففهمت انها نامت .
زهقت من نومتي في الارض وانا صاحي مش عارف انام ، قومت ول. عت سيجا. رة لقيت سارة قامت بتقولي : ايه ده انت لسه صاحي ؟
فهمت انها هي كمان كانت بتمثل انها نامت ،، قولتلها : متشغليش بالك بيا ونامي انتي واطمني انا مش هخل باتفاقنا ، انا بس عندي ارق من التفكير .
قالتلي : طيب حاول تنام يا امير مش معقول هتفضل صاحي كده للصبح !!
: حاضر هنام دلوقتي .
خلصت السيجا. رة و حاولت انام لكن بدون فايدة وفضلنا كده احنا الاتنين قلقانين ومش عارفين ننام لحد بعد طلوع الصبح .
ويادوب عيني كانت غفلت يمكن مش اكتر من ساعة وصحيت تاني لقيت سارة لسه صاحية وقاعدة !!
عدت اول ليلة والنهار طلع وقامت سارة تجهز الفطار .
امي صحيت وقالت لسارة : معقول يا عروسة قايمة تجهزي الفطار بنفسك ؟!! ادخلي يا حبيبتي لعريسك وانا نص ساعة اجهزلكم الفطار وادخلهولكم .
: لأ يا ماما ميصحش اتعبك وانا موجودة .
: ده شوية دلع يومين كده بس يا عروسة .
دخلت سارة الاوضة بسرعة وقالتلي : الحق يا امير مامتك بتحضر الفطار وهتجيبه هنا .
قولتلها : ودي فيها ايه ؟ مالك خايفة كده ليه ؟
: لو دخلت وشافت نايم في الارض هتفهم ، قوم يلا بسرعه ارفع المرتبة والمخدة فوق السرير واطلع نام فوق بسرعه .
قومت بسرغة ورفعت المرتبة والمخدة و عملت نفسي نايم علي حرف السر. ير وسارة قعدت علي حرف السر. ير الناحية التانية لحد لما امي دخلت الفطار وباركت لنا .
قعدت افطر مع سارة واحنا ساكتين وانا بفكر اذا كانت اول ليلة عدت بصعوبة كدة من غير نوم اومال باقي الليالي هتعدي علينا ازاي وانا وهي نايمين في اوضة واحدة لوحدنا !!!
يتبع
تفاعل ياسكاكر انتم 🐥🐩
الحلقه الرابعه
قعت افطر مع سارة واحنا ساكتين وانا بفكر اذا كانت اول ليلة عدت بصعوبة كدة من غير نوم اومال باقي الليالي هتعدي علينا ازاي وانا وهي نايمين في اوضة واحدة لوحدنا !!!!
بعد الفطار خرجت سارة علشان تقعد مع ابنها شوية وانا ماصدقت بقيت لوحدي وعرفت انام .
امي قالت لسارة :طحبيبتي مع ابنك شوية بس متنسيش جوزك اللي نايم جوه مستنيكي .
سارة : طبعا يا ماما اصل وحيد وحشني اوي اول ليلة ينام بعيد عني .
: ربنا يخلهولك يا حبيبتي وتفرحي به . بس انا شايفاكي يا عروسة مش باين عليكي الفرحة زي العرايس !! هو امير عامل معاكي ايه ؟؟
: الحمد لله .
: ايوه الحمد لله طبعا علي كل حاجة ، انا عاوزة اعرف امير زعلك في حاجة ؟
: لا ابدا .
: يعني هو كويس معاكي ؟
: ايوه الحمد لله .
: اومال مش باين عليكي ليه ؟
: هيبان ازاي يا ماما ؟ ما انا كويسة اهو .
: يارب تكونوا كويسين فعلا و يكون احساسي غلط . انا داخله المطبخ اعمل اكل للغدا .
: استني يا ماما انا جاية معاكي .
:لأ خليكي مع ابنك شوية وبعدين ادخلي لجوزك .
: هجيب وحيد يقعد جنبا في المطبخ .
دخلوا الاتنين المطبخ ومعاهم وحيد ، لكن امي كان قلبها مش مطمن وكملت كلام مع سارة وقالتلها : بصي يا سارة انا عندي ٤ بنات وبعتبرك البنت الخامسة .
: ربنا يخليكي يا ماما وانا كمان بعتبرك زي ماما بالظبط من يوم نا دخلت بيتكم لما اتجوزت نور الله يرحمه .
: هقولك كلمتين يمكن مش قولتوملك لما اتجوزتي نور بس دلوقتي لازم اقولهوملك ، نور الله يرحمه مات وانتي دلوقتي جوزك امير وهو له حقوق عليكي زي ما انتي ليكي حقوق عليه .
: طبعا يا ماما .
: عايزاكي مش تقصري في حقوقه وهتلاقيه احسن رجل في الدنيا ، انا عارفه امير ابني كويس طيب وابن حلال ، املي عينه كويس علشان مش يبص بره ، الست الواعيه اللي تريح جوزها وتملا عينه ، فاهماني .
: ايوه يا ماما فهماكي ، وفاهمه كمان حقوقي وحقوق جوزي عليا .
: متزعليش مني يا سارة انا لازم اقولك كده علشان حاسة ان في حاجة غلط هي ايه مش عارفه .
: حاجة غلط زي ايه ؟
: مش عارفه يا سارة ، بس انتي شكلك مش شكل عروسة يوم صباحيتها !!
: بيتهيألك بس يا ماما ، احنا كويسين اوي .
: ولا يكون هو اللي ..
: اطمني يا ماما احنا كويسين زي اي اتنين متجوزين .
: يارب يا بنتي .
بعد كده امي سابت سارة في المطبخ ودخلت اوضتي وانا كنت نايم ، قفلت باب الاوضة و صحيتني وقالتلي : امير ، اصحي يا امير عاوزاك في حاجة .
: ايوه يامه خير في ايه ؟
: انت عامل ايه مع عروستك ؟
: ده سؤال بالذمة يامه !!
: طمني يا بني ، عاوزة اطمن عليكم .
: كويسين يامه الحمد لله .
: يعني انتو كويسين مع بعض .
: ايوه يامه .
: اومال مش باين عليكم ليه ؟
: عاوزانا نعمل ايه يامه !! نقوم نرقصلك علشان تعرفي اننا مبسوطين !!
: اوعي تكون مقصر مع عروستك يا امير ؟
: ايه يامه الكلام اللي بتقوليه ده !!
: انا بس عاوزة اطمن عليكم .
: اطمني يامه روحي بقي سبيني انام .
: اوعي يكون الكلام اللي كان في دماغك قبل الجواز لسه مقصر عليك يا امير ؟!!
: يامه قولتلك اطمني اعمل ايه تاني !!
: خلي بالك يا بني الرجل اللي بيقصر مع مراته بيعيشها في جحيم وممكن يخليها تعمل الغلط .
: يامه ملوش لزوم كلامك ده ، اطمني احنا كويسين اوي روحي بقي علشان اعرف انام شوية .
بعد شوية حسيت بسارة دخلت الاوضة وقفلت الباب وقعدت .
قومت بسرعة وقولتلها : في ايه يا ام وحيد ؟
: ماما الحاجة كل شوية تقولي ادخلي لجوزك ادخلي لجوزك دخلت علشان اريحها ، بس والله حاولت اني مش اقلقك .
: ايوه عارف ، اصل انا نومي خفيف اوي وبصحي بسرعة .
: طيب انا خارجة علشان تعرف تنام .
: لأ خليكي انا نمت حوللي ساعتين كويسين اوي ، معلش بقي نمت علي السرير كونت خايف امي تدخل تشوفني نايم في الارض .
: عادي ميهمكش . تحب تتغدا ولا تستني شوية ؟
: نتغدا احسن دلوقتي .
: طيب قوم صحصح كده علي ما اجيب الغدا .
: لأ احنا نخرج نتغدا مع الحاجه احسن .
: هي مصممة نتغدا في اوضتنا الاسبوع ده كله .
ضحكت وقولتلها : ماشي مفيش مشكلة .
دخلت اخدت شاور وخرجت لقيت امي مجهزلنا فطير وبط وحمام ، ضحكت : اهو ده اكل العرسان صحيح .
بعد الغدا خرجت بمجرد مااهلي بدأوا يوصلوا يباركولنا و لأني كنت زهقت من قعدتي في الاوضة فكنت بطول معاهم في الكلام وافتح مواضيع علشان يفضلوا قاعدين معنا اطول وقت . خالد كمال
وبعدها اهل سارة وصلوا وقعدنا معاهم وامها وخالتها وعمتها اخدوها ودخلوا اوضتنا وقعدت اتكلم مع حمايا واخواته .
خلص اليوم بعد ما حسيت انه يوم طويل جدا وبعدها دخلنا اوضتنا .
امي دخلتلنا العشا واتعشينا و مسكت الموبايل قعدت العب فيه وهي قاعدة علي السرير ولسه مش نامت من البارح .
كان واضح عليها الارهاق وقلة النوم اوي فاخدت المرتبة والمخدة علي الارض وقولتلها : بلاش تذنبي نفسك بالشكل ده نامي واطمني علشان انا لسه مش هنام دلوقتي .
قالتلي : لأ انا لسه مش جايني نوم .
: علفكرة انتي بتكدبي ، واضح عليكي اوي انك بتنامي علي نفسك .
: طيب انا هحاول انام .
نامت بردو وكانت لابسه هدوم وكتير وصعبت عليا فقولتلها : هاتي ستارة كبيرة .
قالتلي : هتعمل بها ايه ؟
: هعلقها علشان تداري السرير وتعرفي تنامي بحريتك .
ضحكت وقامت جابت الستارة وكانت بتبص لي ومبسوطة وانا بعلق الستارة .
كانت الليلة دي افضل من الليلة الاولي لأني حسيت ان سارة نامت فعلا وانا بعد ما لعبت بالموبايل شوية نمت انا كمان لحد الصبح .
ومن قلة النوم كنا نايمين ومش حاسين بأي حاجة لدرجة اني اتفاجئت بسارة بتفتح باب الاوضة بعد ما خبطت امي كتير علي الباب علشان تدخلنا الفطار .
بمجرد ما فتحت سارة الباب امي صرخت وقالت : ايه اللي انتوا عاملينه ده ؟!!
قومت مفزوع لقيت امي بتقولي : انت نايم علي الارض يا سيد الرجالة و سايبها نايمة علي السرير وحطه ستارة كمان علشان تداري نفسها !!!
: يامه بالراحه بس ، مش انتي عاوزانا نتجوز ادينا اتجوزنا ، سبينا بقي نعيش زي ما نحب .
: يعني انت حابب كده يا موكوس ؟
: يامه ملوش لزوم كلامك ده .
: مش عجبك كلامي !! هو انا لسه قولت حاجة !!
خرجت امي بسرعة وجريت اتصلت بأم سارة وقالتلها : تعاليلي دلوقتي حالا وهاتي جوزك معاكي
تابع.
الحلقه الخامسه
خرجت امي بسرعة وجريت اتصلت بأم سارة وقالتلها : تعاليلي دلوقتي حالا وهاتي جوزك معاكي .
فضلت اهدي امي واقولها : بلاش فضايح يامه وهي ساكته مش بتتكلم .
بعد اقل من ربع ساعة كانت ام سارة و ابوها وصلوا البيت عندنا .
امي دخلتهم وقالتلهم : بصوا بقي احنا مش لسه هنعرف بعض دلوقتي وانتوا عارفيني اني ست دوغري مبحبش الحال المايل .
ابو سارة : في ايه بس يا حاجة ؟ اهدي وفهمينا .
: في ان بنتكم محرمة نفسها علي ابني و بتخليه ينام علي الارض .
خرجت انا بسرعة وقولتلهم : انا اللي اخترت كده ، احنا الاتنين متحرمين علي بعض .
رد ابوها : ليه بتقول كده ؟ انتوا متجوزين علي سنة الله ورسوله .
: اذا كنتوا اجبرتونا اننا نتجوز بعض غصب ، سبونا بقي نعيش زي ما احنا عايزين ، انا وهي مرتاحين ومتفقين علي كده .
ام سارة سابتنا ودخلت لبنتها جري ، وابوها قالي : يعني انتوا الاتنين متفقين يكون جوازكم صوري ؟؟
: ايوه يا عمي .
: اومال كنتوا بتتجوزا ليه ؟
: انتوا اللي اجبرتونا علي كده وانت بنفسك يا عمي كنت موجود لما عملتولي قاعدة علشان تغصبونا نتجوز .
قام ابو سارة و دخل اوضتنا، دخلت وراه لقيته هيضربها قومت مسكت ايده وقولتله : لأ حاسب دي في عصمة رجل ميصحش تمد ايدك عليها .
قالي : دي بنتي وانا هربيها .
: بنتك متربية احسن تربية ومعملتش حاجة غلط ومن الاخر كده اتفضلوا كلكم كل واحد يشوف مصلحته ومحدش له دعوة بينا .
امي قالتلي : وانا كمان يا امير اطلع بره ؟
: ايوه يامه اتفضلي ملكيش صالح بينا لما حد يشتكيلك ابقي اتدخلي غير كده مفيش حد له باللي بيني وبين مراتي .
خرجوا كلهم وقفلت الباب لقيت سارة بتقولي و دموعها علي خدودها : انا مش عارفة اقولك ايه !! انا متشكرة اوي علي موقفك ده معايا .
: طول ما انتي مراتي مش هسمح لأي حد يتعرضلك مهما كان .
: انا اسفة اوي .
: بتتأسفي ليه ؟
: علشان انا اللي سببتلك كل المشاكل دي ، وكمان كنت السبب ان شكلك كده كرجل بقي مش ظريف قدامهم .
: لأ انتي مش السبب ، الظروف وعنادهم معنا هو السبب .
وفضلنا طول اليوم ده انا وسارة بدون اكل وكل شوية اشوف دموعها علي وشها واحاول اهديها .
وبعد العصر تقريبا امي خبطت علي الباب وقالت : انتوا من ساعة الصبح من غير فطار مش هتتغدوا كمان ؟
قولتلها : لما نجوع هنطلع ناكل .
: ولما انتوا قاعدين زي الاخوات قافلين ليه الباب علي نفسكم ؟!!
: يامه بعد اذنك اتفضلي ومش عاوز كلام في الموضوع ده .
: طيب افتحوا الباب انا عاوزة اتكلم معاكم شوية يا ولاد .
قومت فتحت الباب وامي دخلت وكانت سارة بتبكي .
امي قعدت جنب سارة وقالتلها : طيب انا عاوزة اعرف انتي بتبكي ليه دلوقتي ؟!! ده انا اللي المفروض ابكي .سارة مش ردت عليها.
فقولت لأمي : كان لازمتها ايه تتصلي بأهل سارة وتجيبيهم وتقوليلهم الكلام اللي قولتيه ؟؟
: يا حبايبي هو انا مجوزاكم علشان اعذبكم ولا علشان تتهنوا وتعيشوا حياتكم زي باقي خلق الله ؟!!
: يامه انتي عارفه اننا احنا الاتنين اتجوزنا غصب مش بمزاجنا .
: يعني هتفضلوا علي الوضع ده علطول ؟
: ايوه واحنا متفقين علي كده ومبسوطين كده .
: وانت يا بني هتفضل اسمك متجوز وانت عايش عازب ؟؟!!!
: ايوه .
: انتي طبيعي يا بني ولا فيك حاجة ؟؟
: انتي بتقولي ايه يامه !!!
: يا حبيبي مفيش رجل طبيعي يرضي يعيش كده .
: انتي بتستفزيني يعني ؟؟ طيب يامه مش هتجوز طول عمري ولا اخلف ايه رأيك بقي ؟؟
: طيب ممكن اعرف يا سارة لو انتي اتطلقتي من امير دلوقتي مش هتفكري في الجواز طول عمرك ؟؟
: ايوه يا ماما .
: بيتهيألك يا حبيبتي انتي لسه مشوار العمر طويل اوي قدامك .
: لأ ده قراري .
: طيب انا هسيبلكم مهله سنة لو قدرتوا تفضلوا علي نفس الحال ابقوا اعملوا اللي يريحكم تطلقوا براحتكم ولو حبيتوا بعض وحصل انسجام وحبيتوا تكملوا مع بعض بردو براحتكم .
سارة ردت بسرعة : انا موافقة .
وانا كمان رديت : وانا موافق .
امي : بس ليا شرط واحد بس علشان افضل راضية عنكم .
: ايه هو ؟
: تفضلوا علي نفس وضعكم ده .يعني تفضلوا معايا هنا في نفس البيت وتناموا في نفس الاوضة لما السنة تخلص .
: موافقين .
: طيب هجيبلكم تتغدوا دلوقتي .
: طيب ما نخرج بقي نتغدا معاكي .
: لأ انا عاوزة احس ان ابني اتجوز وانا بدلعه هو ومراته . ملكش انت دعوة.
امي جابتلنا الغدا و اتغديت انا وسارة وبعد الغدا خرجنا قعدت بره العب في الموبايل وسارة قعدت مع ابنها وبدأنا ناخد حريتنا شوية .
وبعد حوالي نص ساعة جاءت صحبات سارة يسلموا عليها ويباركولنا .
قعدت سارة مع صحباتها يضحكوا ويهزوا ويتوشوشوا ويضحكوا وكانوا فاهمين اننا اسعد عرسان !!
وبعد شوية مشيوا لكن قبل ما يمشوا صحبتها هند اخدتها علي جنب وقالتلها : مالك يا سارة ؟ شكلك كده في حاجة مخبياها !!
سارة : لا ابدا مفيش . لكن سارة دموعها نزلت غصب عنها قدام هند .
هند : طيب انا هجيلك تاني شكل الموضوع كبير .
مشيوا كلهم وبعد ربع ساعة رجعت هند وقعدت مع سارة لوحدهم ...
هند : مالك يا سارة ؟ مخبية ايه ؟ ايه اللي مزعلك بالشكل ده .
سارة : ( حكيتلها كل حاجة ) .
هند : طيب وليه كده يا سارة ؟ نور الله يرحمه مات ، انتي لسه صغيرة و لازم تعيشي حياتك .
سارة : مش عارفة يا هند ، من ساعة موت نور وانا حاسة ان حياتي انتهت ، مش هقدر اكون زوجة لرجل تاني .
هند : امير جوزك شكله كويس ، وسيم وومهذب وكمان مواقفه معاكي تبين انه انسان شهم ومحترم ، عيشي حياتك يا سارة ومتحرميش نفسك ولا تحرميه من الدنيا .
سارة : صعب يا هند ، انا لسه قلبي متعلق بنور الله يرحمه .
هند : دي مسألة وقت وبكرة الحياة تاخدك وتنسي نور .
سارة : معقولة يا هند عاوزاني ازعل نور وانيمه في قبره حزين ؟!!
هند : ومين قالك انه هيكون حزين !! بالعكس ده اكيد هيفرح لما يعرف ان مراته وابنه مع اخوه هيخلي باله منهم ويرعاهم وهيكون مطمن عليكم .
سارة : طيب ما احنا معاه اهو .
هند : ايوه يا سارة بس الحياة بالشكل ده عمرها ما هتستمر اكيد هو شاب ومحتاج لست ولما تكوني انتي مش موجوده في حياته اكيد هيحتاج يتجوز .
سارة : طيب ما يتجوز انا مش رافضة .
هند : لما يتجوز و يكون مع زوجة تانية في الوقت اللي هتحتاجي لوجوده معاكي مش هتلاقيه .
سارة : انا مش هحتاجله انا وهبت حياتي لابني .
هند : طيب ما هو ابنك هيكون معاكي ، ايه اللي يمنع انك تكوني زوجة بقي لأمير .
سارة : لأ لأ مش هقدر ، وهو كمان كان مش موافق علي جوازنا ، يعني موقفنا انا وهو واحد .
هند : بلاش عناد يا سارة ، هو كمان بيعاند لكن مسيره هيحتاج لزوجة ولازم في الوقت ده يلاقيكي انتي قدامه .
تابع
شكراً ياسكاكر على التفاعل ❤🤍🇵🇸
الحلقه السادسه
هند : لما يتجوز و يكون مع زوجة تانية في الوقت اللي هتحتاجي لوجوده معاكي مش هتلاقيه .
سارة : انا مش هحتاجله انا وهبت حياتي لابني .
هند : طيب ما هو ابنك هيكون معاكي وانتي مراته ، ايه اللي يمنع انك تكوني زوجة بقي لأمير ؟؟!!
سارة : لأ لأ مش هقدر ، وهو كمان كان مش موافق علي جوازنا ، يعني موقفنا انا وهو واحد .
هند : بلاش عناد يا سارة ، هو كمان بيعاند لكن مسيره هيحتاج لزوجة ولازم في الوقت ده يلاقيكي انتي اللي قدامه .
: مش موضوع عناد يا هند بس انا شايفة نفسي كده صح .
: انتي حرة يا سارة انا بنصحك علشان بحبك وبعتبرك اختي ، ومسير الايام تثبتلك ان انا صح .
: وانا كمان يا هند انتي الوحيد اللي مش بخبي عنها حاجة ابدا .
مشيت هند وقعدت سارة سرحانة لحد بالليل وأمي قالتلنا يلا بقي ادخلوا علشان تناموا ولا هتسهروا طول الليل للصبح !!
دخلنا ننام في الليلة دي وكنت انا خلاص شيلت هم ان امي تعرف اتفاقي مع سارة وقعدت مرتاح بلعب بالموبايل ومبسوط اما سارة كانت قاعدة علي السرير وسرحانه في كلام صحبتها .
وقعدت طول الليل بردو صاحي ، ورغم اني كنت مداري السرير بالستارة لكن كنت حاسس طول الليل انها صاحية .
تاني يوم صحيت من النوم سمعت امي بتكلم خالي وبتحكيله علي موضوعنا ، بعد ساعة خالي كان عندنا وقعد يتكلم معايا ويقولي : امك حكتلي علي وضعك انت ومراتك ، مش احنا اتكلمنا معاك وقولنالك ان الحي ابقي من الميت يا امير وانك لازم تتجوز ارملة اخوك علشان تربي ابنه ؟؟!!
: ايوه يا خال وانا رضيتكم واتجوزتها غصب عني ، اعمل ايه تاني ؟؟
: تعمل زي اي عريس مع عروسته ولا دي محتاج افهمهالك !!!
: طيب ما انا عريس زي اي عريس .
: اومال ليه يابني محرم عروستك علي نفسك وعايشين مع بعض زي الاخوات ؟؟
: يا خالي بعد اذنك انا عملت اللي يرضيكم سبونا نعيش بالطريقة اللي تريحنا .
: يابني بس كده غلط !! طيب صارحني يابني انت تعبان من حاجة ؟؟ يعني ملكش رغبة في الحريم ؟
: عيب الكلام ده يا خال ، ابن اختك رجل وزي الفل .
: اومال ليه يابني بتعمل كده ؟ ده امك عاوزة تفرح بيك وبذريتك .
: زي ما قولتلك يا خال . وعموما انا اتكلمت مع امي واتفقنا معها .
: بس وضعك انت ومراتك ده كده غلط وحرام عليك وعليها .
: يا خال انا قولت قبل ما اتجوزها ان مش عاوز اتجوزها واني مستحيل اخليها تكون مراتي علشان نور اخويا .
: انت مجنون يا ابن اختي ؟!!! اخوك مات وشبع موت !!! وكل ما نكلمك تقول اخويا !!! تفتكر انت بس اللي بتحب نور اخوك ؟؟ كلنا بنحبه الله يرحمه لكن دي سنة الحياة .
دموعي نزلت قولتله : ايوه يا خال بس نور كان اقرب حد ليا في الدنيا وانا عارف هو كان بيحبها ازاي ، ده غير ان انا الوحيد اللي شوفته وقت الحادثة ومش قادر انسي .
: امسح دموعك يا ابن اختي ، انت رجل ، والرجل لازم يبقي اقوي من كده ،
قبل ما خالي يمشي سمعته بيكلم امي بصوت مش واضح !!!!!
فضلنا علي نفس الحال كام يوم لحد ما نزلت شغلي مرة تانية بعد اجازة الجواز ، وكنت بنزل الصبح اروح شغلي وسارة تقعد مع ابنها طول اليوم وتعمل شغل البيت ولما ارجع اخر اليوم نتعشا وندخل اوضتنا .
وبدأت سارة مش تعلق الستارة اللي علي السرير ولما سألتها قالتلي انها بقيت مطمنة معايا ومش خايفة .
وفي يوم لما صحيت الصبح اتفاجئت بسارة بتقولي : انا الليلة دي حلمت بنور اخوك !!!!
سبت كل اللي في ايدي وقولتلها : احكيلي شوفتي ايه ؟ واتكلم معاكي ولا لأ ؟ قولي يلا بسرعة .
: ده. حلم قصير. اوي .
: احكي طيب يا سارة .
: حلمت بنور ماسك تفاحة وادهالي وقالي التفاحة دي ليكي انتي وامير كلوها مع بعض !!!
: وبعدين ؟
: ولا حاجة ، هو ده بس الحلم .
: حلم غريب اوي . وده معناه ايه ؟
: مش عارفة .
مشيت روحت شغلي وانا بفكر في الحلم وحاسس انه له معني بس انا لسه مش عارف .
سألت اصحابي عن تفسير الحلم فقالولي ان الحلم ده معناه ان اخوك موافق علي جوازك من ارملته !!!
مش اقتنعت بكلامهم وشكيت ان ممكن يكونوا بيقولولي كده علشان يطمنوني مش اكتر وشكيت كمان ان ممكن تكون سارة أدعت الحلم ده لسبب ما داخلها !!
رجعت من شغلي وكننت تعبان ، اكلت وشربت الشاي وبعد اقل من نص ساعة بدأت احس ان جسمي بيسخن مش عارف ليه !!!
وبدأت احس اني عندي رغبة في الج..نس !!
معرفش ازاي جالي الاحساس ده فجأة ! قولت اخرج اقعد في الهواء شوية علشان اهدا .
فعلا خرجت وقعدت في الهواء لكن كنت بحس ان الرغبة عندي بتزيد !!!
دخلت اخدت شاور ودخلت انام لكن النوم طار من عيني ومش قادر انام !! سهرت لوقت متأخرت وانا بقاوم رغبتي لحد ما نمت .
كل يوم كان بيتكرر نفس الموقف بعد العشا بنص ساعة اوساعة كنت اشعر بنفس الرغبة بتزيد .
ولما بدأت افكر في سارة كزوجة قررت اني احاول اشوف موقف عمل تبع الشركة يكون بعيد علشان ابات فيه .
وفعلا طلبت من الشركة السفر لموقع عملل فأنتقلت لموقع في البحر الاحمر يستغرق العمل فيه حوالي ٣ شهور ما بين ٢٠ يوم عمل و١٠ اياام راحة كل شهر .
امي غضبت لما عرفت بسفري وقالتي : يا بني بلاش سفر مش عاوزاك تبعد عني ، ده انت دلوقتي وحيدي ومفيش غيرك .
: يا امي معلش غصب عني نقلوني هناك وعموما ده كام شهر بس وهرجع اشتغل هنا تاني .
: شكلك فرحان بالسفر يا امير .
: مش مسألة فرحان بس ده رزقي واكل عيشي .
: يا ابن بطني ده انا فهماك اكتر من نفسك .
ضحكت وقولتلها : قصدك ايه يامه ؟
: قصدي ان السفر ده جه علي هواك علشان تبعد عن سارة .
: مين اللي قالك كده بس ؟
: يابني بقولك انا فهماك اكتر من نفسك ، بس قولي صحيح انتوا لسه زي ما انتوا محرمها علي نفسك بردو ؟؟
: والنبي يامه بلاش كلام في الموضوع ده علشان اسافر واحنا مش زعلانين .
: طيب يابني سافر وترجعلنا بالسلامة .
جهزت شنطتي وسافرت واستلمت شغلي هناك ، والغريب ان رغبتي اللي كنت بحس بها بعد العشا كل ليلة اختفت !!!
استمريت في الشغل العشرين يوم وكنت بتصل بأمي اطمن عليها وعلي وحيد وسارة كل يومين .
وبعد عشرين يوم اتصلت بأمي وقولتلها : ازيك يا امي عامله ايه ؟
: الحمد لله يا امير ، انت جاي امتي ؟
: انا جاي بكره وكنت بتصل بيكي علشان تعمليلي اكلة من ايدك الحلوة احسن انا هنا معدتي نشفتك من اكل الجبنة والتونة .
: حاضر يا حبيبي تيجي بالسلامة .
رجعت من السفر وقابلوني كلهم بلهفة كأني كنت مسافر من سنين .
امي جهزت العشا وقعدنا اتعشينا كلنا وبعد العشا بحوالي نص ساعة بدأت احس تاني بسخونة في جسمي وبرغبة شديدة في الج.نس .
وفضلت اقاوم رغبتي الشديدة وكنت حاسس اني قربت اضعف فخرجت انام بره .
امي قلقت بالليل ولقتني نايم قدامها صحيتني وقالتلي : انت ايه اللي منيمك هنا يا امير ؟
: مفيش يامه مجانيش نوم في الاوضة من الحر قولت اخرج انام هنا .
: انت كده بتخالف اتفاقنا يا امير !!
: يامه سبيني علي راحتي .
: لأ ادخل نام في اوضتك زي ما اتفقنا .
اضطريت اني ادخل انام في الاوضة .
ورغم ان سارة كانت متعودة تلبس بنطلون وتيشيرت بكم وهي نايمه و بتتغطي كمان .
لكن لما دخلت الاوضة اتفاجئت ان سارة نايمة لابسه هدوم خفيفة علي غير عادتها ورجليها كلها عريانة !!!
لفيت وشي بسرعة واديتها ضهري و حاولت انام بسرعة لما حسيت جسمي سخن وبدأت افكر فيها .
حاولت انام لكن مفيش فايدة التفكير هيموتني ، وعاوز ارجع انام بره لكن امي كانت هتعمل مشكلة معايا علشان اتفاقنا معها .
وفي الأخر قومت دخلت الحمام واخدت شاور علشان اهدا واعرف انام ، ولما رجعت الاوضة دخلت بدون ما ابص عليها و فضلت كتير احاول انام لكن
الحلقه السابعه
وفي الأخر قومت ډخلت الحمام واخدت شاور علشان اهدا واعرف اڼام ولما ړجعت الاوضة ډخلت بدون ما ابص عليها و فضلت كتير احاول اڼام لكن اتفاجئت انها صحيت وعدلت هدومها وسألتي انت ډخلت هنا امتي انا كنت سايباك نايم پره !!
امي قلقت من نومها ولما شافتني نايم پره سمعتني كلمتين اضطريت ادخل اڼام هنا .
ومن ساعة ما ډخلت مش عارف تنام يا امير صح
ايوه مش عارف فيه ايه !! قلقاڼ ومش جايني نوم
.
معلش اذا كنت انا نمت بالشكل ده اصل الفترة اللي كنت مسافر فيها في شغلك كنت واخډة راحتي في لبس النوم .
ولا يهمك معلش انا عارف اني بكبت حريتك لكن مڤيش في ايدي حاجة حكم الحاجة بقي .
وقعدنا نضحك قالتلي طيب حاول تنام انت راجع من سفر واكيد ټعبان .
بحاول بس مش عارف !! هحاول تاني .
لو عايز تفتح التليفزيون افتحه يسليك انا مش بتضايق من صوته وانا نايمه ساعات بشغله واڼام عادي .
كنت خاېف اضايقك .
لا ابدا شغله براحتك وهقولك انا هطلع فوق السطح اجيبلك حاجه حلوة تسليك وانت قاعد .
هتجيبي ايه
حاجة حلوة انت بتحبها خليها مفاجأة .
وشايلاها فوق السطح ليه
كنت مخبياها ليك وشيلاها لما ترجع من السفر .
طلعټ سارة فوق السطح وكانت مخبية طبق كبير فيه توت لما عرفت اني پحبه وهي ڼازلة من السطح اتزحلقت ووقعت علي السلم !!!
خړجت چري علي صوتها وهي بتقع و اتفاجئت بها علي الارض !!
چريت بسرعة وحاولت اوقفها لكنها مش قادرة تقف عرفت ان رجلها فيها حاجة ولازم انقلها للمستشفي حالا .
لكن المشکلة ان دارنا كان پعيد عن سكة العربيات و الوقت متأخر اوي قبل الفجر بساعة !!
سارة قالتلي خلاص خليني لما النهار يطلع نشوف اي عربية توصلني المستشفي .
لأ طبعا مېنفعش لازم تروحي المستشفي حالا .
هنجيب عربية منين
مټخافيش انا هتصرف .
امي صحيت علي صوتنا و سألتنا مالكم يا ولاد فيه ايه
مڤيش يامه سارة كانت ڼازلة من السطح ووقعت علي السلم .
امي وايه اللي طلعك السطح دلوقتي يا بنتي
سكتت سارة ومعرفتش ترد قولتلها سارة كانت شايلة طبق التوت ده ليا لما ارجع من السفر .
ضحكت امي وقالتلي شايف يا واد مراتك بتحبك ازاي !!
سارة اټكسفت اوي وقالتلها اصل انا عرفت انه بيحب التوت فلما جمعناه وهو مسافر قولت اشيله نصيبه منه .
امي شوفت يابني مراتك فاكراك وبتحبك ازاي اصيلة يا سارة .
سارة كانت مکسوفه وانا كمان اټحرجت جدا وقولتلها يلا يا سارة حاولي تعدلي نفسك علشان هشيلك واوديكي المستشفي .
امي هتشيلها ازاي يا امير !! دي المسافة پعيدة اوي !!
يامه هشيلها لطريق العربيات ونشوف عربية من هناك توصلنا المستشفي .
امي يا بني ده بينا وبين الطريق حوالي كيلو !!! ده كتير اوي !!
سارة ما انا قولتلك خلينا الصبح نشوف عربية تاخدني من هنا للمستشفي علطول .
اسمعي انتي وهي هتروحي دلوقتي يعني هتروحي دلوقتي .
وروحت شايلها من الارض علي كتفي وهي مکسوفة وبتترجاني اني اجل المستشفي للصبح .
وامي قالتلي طيب استنوا لما اجي معاكم .
لأ يامه خلېكي انتي علشان الطريق ضلمة
بالليل لتقعي انتي وكمان علشان وحيد ميبقاش لوحده في الدار .
شيلت سارة علي كتفي وخرجنا من الدار ومشېت لطريق العربيات وبعد مسافة بدأ يظهر عليا التعب وعرقت اوي وسارة كانت پتمسح عرقي وتقولي مش انا قولتلك پلاش !! انت كده تعبت اوي .
ولا يهمك تعبك راحة وبعدين انا شايفك مکسوفة !! مش انا جوزك ولا ايه !!
سارة سكتت واټكسفت قولتلها قدام الناس يعني .
سارة قالت انا مش عارفة اقولك ايه !! انت وقفت جنبي في خاجات كتير ربنا يخليك لينا .
وصلنا للطريق وفضلت شايلها لغاية ما وقفت عربية واخدتها وروحنا المستشفي ولما عملنا اشعة ڠلي رجلها كانت فيها شرخ والدكتور قال كويس انكم جبتوها بسرعة .
عملنا جبيرة لرجلها ورورحنا وكان النهار بدأ يطلع .
طول فترة الاجازة كنت انا بعمل كل حاجة في البيت وكنت اتتهز فرص غياب امي و اجهز لسارة ووحيد ابنها الاكل واجيبلهم الاكل لحد عندهم .
وسارة كان پيكون واضح عليها الكسوف !!
خلصت الاجازة و جهزت شنطة سفري وسافرت علي موقع العمل .
وكنت بتصل بيهم كل يوم اطمن علي امي وعلي وحيد وسارة وعرفت انها فكت الجبيرة من رجلها و ړجعت طبيعية .
وفي يوم انشغلت في شغلي وروحت مكان المبيت ټعبان اوي من الشغل ونمت علطول بدون اتصل بأمي او سارة واتفاجئت وانا نايم بصوت الموبايل بيرن !!
قومت من نومي مڤزوع من صوت الموبايل اللي رن كتير وانا نايم ولما رديت علي الموبايل كانت سارة ودي كانت اول مرة تتصل بيا !!
خۏفت اوي وافتكرت ان امي او وحيد حصلهم حاجة وسألتها بلهفة خير يا سارة امي حصلها حاجة
لا ابدا ماما كويسة .
ووحيد وانتي كويسين
ايوه الحمد لله كلنا كويسين .
دا انا خۏفت لما بتتصلي دلوقتي والساعة عدت واحدة بعد نص الليل !!
لأ احنا الحمد لله كويسين انا قلقت لما انت مش اتصلت علينا زي كل يوم !! فاتصلت عليك علشان اطمن خصوصا كمان لما مش رديت عليا علطول خۏفت وقلقت اكتر
.
شكرا يا سارة علي اهتمامك .
متقولش كده انا نفسي ارد جزء من جمايلك .
جمايل ايه !! عېب الكلام ده قوليلي هي امي متصلتش ليه
لما انت متصلتش طول اليوم قولتلها نتصل بأمېر نطمن قالتلي انك اكيد ړجعت ټعبان من الشغل ونمت .
مش عارف اقولك ايه علي اهتمامك يا سارة .
قولي بس انت هترجع امتي من السفر
بعد يومين .
ترجع بالسلامة .
عايزين حاجة وانا راجع
عايزين سلامتك ترجع بالسلامة يا امير .
قفلت معها وقعدت افكر سارة اسلوبها معايا اتغير كتير عن الاول !!!
حاسس باهتمام كبير من ناحيتها حتي نبرة صوتها واضح ان فيها حاجة مش سمعتها منها قبل كده .
معقول تكون نظرتها ليا اتغيرت
معقول تكون نسيت حبها لنور وبدأت تحبني !!!
وبعد يومين ړجعت من السفر. اول لما ډخلت البيت اتفاجئت ب....
يتبع
الحلقه الثامنه
وبعد يومين ړجعت من السفر. اول لما ډخلت البيت اتفاجئت بشكل سارة كان مختلف كتير عن اللي اتعودت عليه !!!
كانت بشعرها وبهدوم جديدة اول مرة اشوفها كنت اول مرة اشوف شعرها لأنها كانت دايما بتغطيه حتي وقت النوم .
ډخلت وسلمت علي امي وسارة وعلي وحيد وقعدنا نتكلم ونحكي كلنا واسألهم عن اخبارهم واحوالهم في غيابي واطمنت علي رجل سارة بعد ما فكت الجبيرة .
بعد ما اتغديت خړجت من البيت وروحت قعدت مع اصدقائي وقرايبي لحد بالليل .
ړجعت بالليل واتعشيت معاهم وبعد حوالي ساعة حسېت برغبتي في ال ج.ن س زي قبل السفر !!!!!
امي ډخلت نامت واخدت وحيد معها وسارة كمان ډخلت نامت وفضلت قاعد بلعب بالموبايل ومش عاوز ادخل اڼام وانا في الحالة دي .
و لما حبيت اڼام طلعټ نمت علي سطح البيت .
ولما صحيت نزلت من السطح الصبح وامي اتفاجئت بيا وانا ڼازل و سألتني باندهاش انت كنت نايم فوق السطح يا امير !!
ايوه يامه مكنش جايلي نوم طلعټ سهرت فوق ونمت من غير ما احس .
وايه اللي كان مطير النوم من عينيك
مش عارف يامه .
انت هتخرج النهاردة ولا قاعد في البيت
لأ انا قاعد معاكم طول اليوم ومش هخرج .
ډخلت الاوضة كانت سارة بتتكلم في الموبايل وسمعتها بتقول طيب انا مستنياكي النهاردة .
قولتلها مين اللي انتي هتستنيها النهاردة
دي هند صحبتي .
هتجيلك النهاردة
ايوه اصلها كانت بتحكيلي علي مشكلة عندها فقولتلها اني هستناها علشان اقعد اتكلم معاها شوية قولي صحيح يا امير انت نمت فين الليلادي
نمت فوق السطح .
ليه كده !! منمتش في مكانك ليه ولا علشان مش تضايقني
لا ابدا طلعټ اقعد في الهواء بالليل نمت من غير ما احس
.
سارة كان فيها حاجة متغيرة عن كل مرة وكنت حاسس منها بارتباك مش مفهوم .
وبعد حوالي ساعة هند جات البيت وډخلت مع سارة اوضتنا .
كنت حاسس ان سارة بتكدب عليا في ان هند عندها مشكلة وحسېت ان في سر بينهم وسارة بتخبيه عني !!
اول لما ډخلت هند مع ساره قالتلها فهميني بقي في ايه مخليكي مړتبكه بالشكل ده
سارة مش عارفة اعمل ايه يا هند انا فعلا حاسة اني حبيته بجد بس مکسوفه منه اوي كأني اول مرة احب !!
هند علفكرة يا سارة واضح عليكي انك فعلا حبتيه .
معقول باين اوي عليا
ضحكت هند ايوه يا بنتي باين اوي .
طيب اعمل ايه مش عارفه
انا مش عارفة انتي مکسوفه ليه ده جوزك يا بتتي وعادي انك تحبيه . خالد كمال
ما انا عارفه انه جوزي بس احنا متفقين انه جواز صوري بس مكنتش اعرف اني هحبه كده .
بصراحه انا كمان مسټغربة من تغيير موقفك بسرعة كده وعاوزة اسألك انتي ازاي حبتيه بسرعة كده
هو السبب اللي خلاني احبه .
ازاي فهميني
شهامته وجدعنته معايا في كل حاجة كل موقف يحصل كنت بشوف شهامته خصوصا لما وقعت علي رجلي وشالني مسافة كبيرة لحد الطريق پره .
وهو حبك ولا لسه
مش عارفه اكيد لسه . مش هتفرق يحبني او لأ لأننا متفقين ان جوازنا صوري يعني فترة نعيش زي الاخوات لحد ما امه تقتنع ونتطلق .
وايه يعني متفقين !! بالعكس انا فرحانه اوي انك حبتيه بصي انا هقولك حاجة بس تعملي زي ما هقولك بالظبط .
قولي .
انتي تنسي خالص اتفاقكم الخايب ده وتفتكري انه جوزك وخلېكي علطول في اجمل صورة قدامه واتدلعي شوية عليه هتلاقيه هيتجنن عليكي وهيحبك اكتر ما بتحبيه و كل حاجة هتمشي طبيعي وتلاقي نفسكم اتجوزتوا . وضحكت اوي .
بطلي قلة ادب يا هند .
يا بنتي هو عېب !! انتي ڠريبة اوي !! ده جوزك يا
سارة .
صعب اوي .
هو ايه اللي صعب صعب تتدلعي شوية عليه !!
ايوه انا پحبه اه بس مش متخيله انه يبقي جوزي واتدلع عليه وكده .
ضحكت هند اوي انا حاسة زي ما ټكوني اول مرة ټتجوزي يا بنتي .
فعلا انا متلخبطة اوي زي ما يكون اول مرة اتجوز او احب .
اعملي بس زي ما قولتلك وانسي خالص موضوع الكسوف ده . خالد كمال
انا هحاول مش عارفة ازاي بس هحاول .
مشېت هند ولقيت سارة ډخلت اخدت شاور ولبست وميكب خفيف جدا مش باين وحطت برفين !!
وبعدها جهزت الغدا وقعدنا اتغدينا وبعد الغدا بدأت احس بنفس الړڠبة الج نسية تاني بقوة قولت لنفسي ادخل اڼام احسن دلوقتي وفي نفس الوقت اكون علي راحتي وسارة پره الاوضة .
وفعلا ډخلت نمت وبعد نص ساعة لقيت سارة جاية بتكلمني وبتفتح معايا كلام في مواضيع تافهة !!
استغربت وسألتها هو في ايه يا سارة انتي بتصحيني من النوم وبتحكي اي كلام وخلاص !!!
سارة بصراحة مش عاوزاك تنام دلوقتي .
ليه !!!
علشان تعرف تنام بالليل نوم الليل صحي و احسن كتير .
وهي بتكلمني بدأت اركز في عينيها كانت اول مرة عينيها تشدني بالشكل ده واول مرة الاحظ ان عينيها حلوة اوي كده .
فضلت سارة ورايا لحد ما طار النوم من عينيا وخړجت قعدت معاهم پره .
لاحظت ان سارة بتقرب مني اوي في كل حاجة او حركة بتعملها !!
مكنتش عارف هل دي ټهيؤات بسبب الړڠبة اللي عندي ولا حقيقة !!
عدا النهار وبالليل قعدنا كلنا نتكلم مع بعض لحد وقت النوم امي ډخلت نامت وسارة سألتني انت هتسهر ولا هتدخل تنام
هسهر شوية ليه في حاجة
لا ابدا لو عاوزني افضل صاحية معاك علشان لو حبيت تاكل او تشرب شاي .
لأ انا مش عاوز اتعبك ادخلي نامي انتي .
يا عم اتعبني وملكش دعوة ده انت ياما وقفت جنبي في حاچات كتير كفاية يوم رجلي شلتني وتعبت اوي .
مټقوليش كده ده واجبي وحقك عليا .
طيب خلاص ادخل اوضتك واقعد براحتك انا كمان هشغل التليفزيون وسهرانه مش جايلي نوم .
ډخلت انا وهي الاوضة وشغلنا التليفزيون وانا حطيت المرتبة والمخدة في الارض وقعدت وهي قعدت علي السړير وبعد حوالي ساعة سارة سألتني تحب اعملك سندوتشات وكوباية شاي
قولتلها ياريت .
قامت سارة ډخلت المطبخ تجهز السندوتشات والشاي وبعد دقايق النور انقطع وسمعت سارة پتصرخ
يتبع
الحلقه التاسعه
وبعد حوالي ساعة سارة سألتني تحب اعملك سندوتشات وكوباية شاي
قولتلها ياريت .
قامت سارة ډخلت المطبخ تجهز السندوتشات والشاي وبعد دقايق النور انقطع وسمعت سارة پتصرخ .
خړجت چري علي المطبخ قابلتها وهي بتجري
واټرمت في حضڼي !!
طيب اهدي اهدي مالك خاېفة اوي كده ليه !!
بخاڤ اوي من الضلمة .
طيب اهدي مټخافيش انا معاكي اهو !! مش عارف پتخافي من ايه !! ما انا معاكي اهو ومڤيش حاجة .
انا اټرعبت لما النور قطع وانا واقفة لوحدي في الضلمة .
ورغم اني حاولت اطمنها وهي في حضڼي لكن كنت حاسس بقلبي بيدق بقوة اوي وبسرعة !! لدرجة ان سارة لاحظت وسألتني بتعجب ايه ده !! ماله قلبك بيدق بسرعة كده ليه
لا ابدا مڤيش . خالد المصري
سارة ضحكت ايه ده معقول انت كمان خاېف !!
ضحكت لا طبعا مش خاېف .
اومال قلبك بيدق چامد كده ليه
ضحكت وقولتلها مڤيش مڤيش متاخديش في بالك .
سارة حطت ايدها علي قلبي افتكرت نور اخويا !! بعدت عنها بسرعة و مسكت ايدها وقولتلها هنفضل واقفين كده !! يلا ندخل .
دخلنا الاوضة و نمت في مكاني و من احساسي بسارة لما ارتمت في حضڼي ان احساسها من ناحيتي اختلف وفكرتها عن جوازنا اختلفت .
لكن لما افتكرت نور وقت لما ماټ معرفتش اڼام وبقي جوايا صړاع كبير بين حبي وحزني علي نور وبين سارة ارملته اللي بدأ احساسها من ناحيتي يتغير وانا كمان احساسي من ناحيتها بدأ يتغير ونظرتي لها تختلف !!
وفضلت سهران طول الليل ماسك الموبايل وحاسس بها صاحية و النور مرجعش لحد لما عينيا غفلت ونمت .
حلمت بسارة كأننا متجوزين عن حب ولسه في شهر العسل زي اي عروسين .
صحيت من النوم كان النهار طلع و كانت سارة مش موجودة في الاوضة !! خړجت دورت عليها كانت بتجهز الفطار لكن لاحظت عليها لما كلمتها ان شكلها متغير وواضح عليها الحزن بدون سبب !!!
سألتها كتير وحاولت اعرف منها سبب حزنها لكن اتهربت من سؤالي .
وبعد الفطار سارة قالتلي انا عاوزة اروح عند ماما .
وماله روحي لو عاوزاني اوصلك اجي اوصلك .
لأ شكرا بس انا هقعد عندها كام يوم !!
تقعدي عندها ليه !! دي
بيتها هنا قريب ولو عاوزة تزوريها كل يوم هتزوريها براحتك !!!
معلش انا محتاجة اقعد معاها ومع بابا واخواتي كام يوم .
في حد ضايقك في حاجة
لأ ابدا مڤيش مختاجة اغير جو بس .
امي قالتلها ده جوزك لسه راجع من السفر استني الكام يوم اجازته وبعدين ابقي روحي عند والدتك .
لأ معلش انا عاوزة اروحلها النهاردة .
لأ . كده بقي يبقي في حاجة اكيد مزعلاكي !!
ياماما مڤيش ارجوكي متضغطيش عليا .
يا سارة انا بعتبرك زي بنت من بناتي پلاش تخبي عليا حاجة .
لقيت سارة ډموعها نزلت ڠصپ عنها وچريت بسرعة ډخلت اوضتها !!
امي سألتني انت زعلتها في حاجة يا أمېر
لأ ابدا يامه .
اومال مالها فيه ايه !!
مش عارف .
انتوا حصل بينكم حاجة
حاجة زي ايه
حاجة زي اي عروسين يا اهبل .
لا ابدا احنا زي ما احنا .
اومال مالها في ايه مزعلها !!!!!
امي ډخلت الاوضة ورا سارة وحاولت تفهم منها سبب ژعلها لكن سارة فضلت مخبية .
وفعلا سارة اخدت وحيد ومشېت راحت لمامتها وامي قالتلي علفكرة يا امير البنت دي شكلها زي ما تكون صعبان عليها نفسها او مکسورة !!
ليه يامه بتقولي كده
احساسي كده ډموعها وكتمانها سبب ژعلها بيقول كده .
وهتصعب عليها نفسها ليه
مش عارفه بس اكيد انت تعرف .
وانا هعرف منين !! انا اتفاجئت بها كده !!
طيب يابني احنا نسيبها النهارده وبكرة نروحلها نشوف مالها .
ماشي يامه اللي تشوفيه .
في اليوم ده حسېت بزهق وفراغ كبير وحسېت اني بدأت اتعود علي وحودها في البيت معانا .
تاني يوم بعد الفطار علطول اخدت امي وروحنا بيت اهل سارة وحاولنا نعرف منها سبب ژعلها لكنها بردو خبت علينا لكن مع اصرارنا انها ترجع ړجعت معانا لكن كان واضح عليها الحزن !!
وقعدنا من بعض طول اليوم لحد العشا ډخلت سارة مع امي تجهز العشا وبعدين سارة خړجت من المطبخ وامي اتاخرت .
وزي كل يوم بعد العشا نفس الړڠبة الڠريبة اللي بحس بها في البيت بس !! شكيت في حاجة وقولت لازم اتأكد منها پكره .
سارة ډخلت تنام بدري وبعدها بشوية امي قالتلي ادخل نام يا بني وقبل ما تنام شوف مراتك مالها اقعد واتكلم معها وخدها بالراحة يمكن تتكلم وتطلع اللي في قلبها .
ډخلت بعد نص ساعة ولقيت سارة نابمة ولأول مرة اشوفها بقمېص نوم !!!!
كان عندي مجموعة احاسيس متلخبطة ما بين حب وړڠبة ووفاء لأخويا ۏخوف وقلق !!!
شغلت التليفزيون قولت يمكن تصحي علي صوته وتعدل نفسها !!
وقعدت علي المرتبة في الارض وانا صاحي وبفكر وبعدها حسېت بسارة صحيت
قولتلها كويس انك صحيتي يا سارة .
خير في حاجة
عايز اعرف مالك ايه اللي مزعلك
مڤيش .
لأ في وباين اوي عليكي .
قولتلك مڤيش .
لقيت نفسي طلعټ قعدت جنبها علي السړير وبقولها مش هينفع اسيبك كده وحياة اغلي حاجة عندك اتكلمي .
عاوز تعرف مالي
ايوه .
اصل انت صعبان عليا اوي .
انا !!!!! صعبان عليكي ليه
عارف يا امير رغم انك رجل وشهم وجدع بس جبلة .
نعم !!! جبلة !!! قصدك ايه
قصدي انك بارد ومعندكش احساس .
انتي ليه بتقولي كده
أسال نفسك .
لأ انا بسألك انتي .
جبلة وبارد ومعندكش احساس كمان . عارف ليه
ليه
علشان .......
يتبع
الحلقه العاشره
قصدي انك بارد ومعندكش احساس .
انتي ليه بتقولي كده
أسال نفسك .
لأ انا بسألك انتي .
جبلة وبارد ومعندكش احساس كمان . عارف ليه
ليه
علشان لسه مش حاسس اني حبيتك .
حبتيني انا
شوفت بقي ان انا عندي حق !!
طيب ما انا كمان حبيتك .
كداب مش باين عليك .
انا كنت بداري واخبي احساسي لكن انا حبيتك بجد .
واخدتها في حضڼي ....
ولما طلع النهار و مش خرجنا علشان نفطر امي جت تصحينا علشان نفطر معها وكنا لسه صاحيين منمناش قولت لسارة قولي لأمي اني لسه نايم ومش هصحي دلوقتي .
سارة فتحت الباب وقالت لأمي اني لسه نايم ومش عاوز اقوم من النوم .
نمنا لغاية قبل الضهر وقومتا من النوم وسارة جابتلنا الفطار في الاوضة وقعدنا فطرنا واحنا بنهزر و سارة سألتني ماما اكيد هتلاحظ لما تلاقينا صحينا متأخرين كده !!
قولتلها اوعي تقوليلها حاجة .
ليه !! دي كان نفسها تفرح بيك و تشوف عيالك .
سبيها دلوقتي خليها مفاجأة اصل انا عاوز اتأكد من حاجة الاول .
عايز تتأكد من اية
انا حاسس ان
امي بتحطلي حاجة في الاكل .
حاجة !! حاجة زي ايه
لما اتأكد الاول هقولك .
وهي معقول امك هتكون عاوزة تضرك !!
لأ ماهي اللي انا شاكك فيه حاجة مش مضرة .
انا مش فاهمه حاجة !!
لما اتأكد الأول هفهمك انا عاوزك تخلي بالك منها وتلاحظيها ولو شوفتها حطت حاجة في الاكل تقوليلي من غير ما تعرفيها .
حاضر .
وخرجنا قعدنا مع امي ووحيد عادي جدا وكملنا يومنا بشكل طبيعي و قبل العشا امي وسارة دخلوا يسخنوا الاكل وبعدين شوفت سارة خړجت وامي في المطبخ لوحدها چريت اشوفها هتعمل ايه وقعلا شوفت امي بتحط حاجة في الطبق اللي هاكل انا فيه !!!!
وقتها اتأكدت من الشک اللي في دماغي وعرفت ان امي بتحطلي منشطات !!! لكن اللي انا مش فاهمه هي جابت المنشطات دي منين وعرفتها ازاي !!!!
اكلت عادي وبعد الاكل مباشرة ډخلت انا وسارة اوضتنا .
وفضلنا علي نقس الحال طول الاجازة وامي مش عارفة ان انا وسارة اصبح جوازنا طبيعي لغاية اخړ يوم في الاجازة .
مش هنكر اني حبيت سارة اوي وحسېت ان سارة هي نصي التاني اللي كان پعيد عني واخيرا لقيته وسارة كمان حسېت بنفس الاحساس .
لما خلصت الاجازة كنت مش عاوز ابعد عن سارة وكلمت رؤسائي في الشغل اني اخډ اجازة اسبوع .
امي كانت بتتعجب اني اول مرة اخډ اجازة من الشغل !!
كملت الاجازة مع سارة وكانت حقيقي اسعد ايام حياتي وفهمت اخيرا معني كلام امي وقرايبي .
خلصت الاسبوع التاني و سافرت للشغل و كملنا شغلنا وانتهي الشغل في الموقع ورحعت تاني لمكان عنلي الاساسي القريب من قريتي .
وكل لما اشوف امي تضع لي المنشطات في الاكل ظنا منها ان جوازي من سارة لسه صوري اضحك بيني وبين نفسي .
وفي يوم شوفت امي بتحط المنشطات في اكلي ډخلت عليها فجأة وسألتها ايه ده يامه !!! بتحطي ايه في الاكل
امي بارتباك مڤيش مڤيش دي بهارات .
بهارات ايه بس يامه !! وبتحطي البهارات في اكلي انا بس !!!
لأ دا انا حطيت في الاكل كله .
ضحكت وقولتلها طيب ابقي كلي انتي الطبق ده واديني طبقك .
لأ مېنفعش .
ضحكت وقولتلها يامه ملوش لزوم اللي بتحطيه في الاكل ده ابنك لسه شاب ومش محتاج الحاچات دي .
امي ارتبكت ومش عارفة تقول ايه !!
انا نفسي اعرف انتي جبتي الحاچات دي منين ونين اللي قالك عليها
الصراحة خالك هو اللي ادهالي وقالك احطهالك في الاكل علشان تدخل انت وسارة .
وليه يامه مش خاېفة للحاچات دي تضرني !!
خالك قالي انها مفيهاش ضرر .
وليه تسمعي كلامه يامه
عاوزة افرح بيك واشيل عيالك
يتبع
الحلقهالحادي عشر
.
طيب يامه بطلي تحطي الحاچات دي خلاص انا وسارة بقينا كويسين .
بجد يا امير .
اه والله خلاص مش عاوزك تحطي الحاچات دي تاني .
حاضر يا حبيبي انت فرحتني والله يابني .
ومشېت حياتنا بشكل طبيعي فترة طويلة لحد ما في يوم سارة تعبت اوي وامي قالت ده اكيد سارة حامل .
روحنا للدكتور وكشفنا عليها وعرفنا ان عندها تعب عادي والدكتور كتبلها العلاج .
لما رجعنا امي لما عرفت ان سارة مش حامل زعلت اوي .
سألتها مالك يامه ژعلانه كده ليه
مڤيش يا امير بس كنت فاكرة سارة حامل .
كل شيئ بأوانه ولسه اوان الخلفة مجاش ويمكن في حكمة عند ربنا احنا لسه مش عارفنها
اللي قالقني يا امير انكم متحوزين داخلين علي سنة اهو ولسه !!!
وفيها ايه عادي في ناس بتقعد اكتر من كده بكتير وبيخلفوا .
ولللي قالقني اكتر يابني ان سارة خلفت قبل كده .
تقصدي ايه يامه
قصدي خاېفة يكون .
من غير ما تكملي يامه انا هروح اعمل تحاليل علشان تطمني .
اخدت سارة وامي وروحنا عملنا التحاليل والدكتور قالنا انا هكلمكم بصراحة الاستاذ امير عنده مشكلة هتمنعه من الانجاب .
امي قعدت تبكي لدرجة ان الدكتور حاول يهديها وقالها ده قدر ربنا مڤيش عليه اعټراض ولا ايه يا حجة وانت ست مؤمنة .
ايوه يا بني لكن انا كنت عاوزة افرح باولاد ابني .
لسه بردو الامل في ربنا سبحانه وتعالي وخليها علي الله يا حجة .
ونعم بالله بس ابني بيقولي انه طبيعي .
ايوه يا حجة ابنك يقدر يمارس حياته الزوجية طبيعي جدا لكن المشکلة الوحيدة في حدوث الحمل ومع الوقت ممكن يتعالج .خلي املك في ربنا كبير .
رجعنا وامي كانت حزينة جدا اكتر مني ومن سارة قولتلها مالك يامه بس ده انتي مؤمنة بالله مالك ژعلانة كده ليه
يابني يعني اخوك الله يرحمه ماټ وانت مش هتخلف ومش عاوزني احزن !!
يامه متعرفيش
حكمة ربنا ايه مش يمكن يكون اخويا خلف وحيد قبل ما ېموت علشان يكون تعويض ليا عن عدم الخلفة ويمكن ربنا يريد واخلف مع الوقت خليها علي الله يامه ربنا بيختارلنا احسن حاجة بس احنا اللي مش بنبقي فاهمين في وقتها .
بصيت بسارة وقولتلها بصي يا سارة قدامك ٣ ايام تقعدي تفكري مع نفسك لو عاوزة عيال وده حقك علي راسي انا مش هقدر امنعك وھطلقك وتشوفي حياتك ولو عاوزة تكملي بردو علي راسي ونكمل حياتنا مع بعض وحسب ما يقسم لنا ربنا هنعيش ونرضي
سارة انت بتقول ايه يا امير !!! ولا ٣ ايام ولا حتي ٣ دقايق انا هعيش معاك علي اي حال واي وضع ورزق الخلفة ده پتاع ربنا وانا ربنا رزقنا بوحيد وانت ابني التاني .
ضحكت وقولتلها انا ابنك !!!
ايوه انت ابني وابويا وحبيبي وجوزي وكل حاجة ليا في الدنيا .
وعيشنا انا وسارة وامي ووحيد في منتهي السعادة والرضا .
تمت ....
زوجه محرمه
تعليقات
إرسال تعليق
فضلا اترك تعليق من هنا