رواية وقعت فى حب خادمتي كامله الجزء الثاني من الفصل الأول إلى الفصل العاشر بقلم فرح القصاص
#البارت_الاول
#وقعت_في_حب_خادمتي_جزء_التاني
بعد مرور سنه
سما كانت قعده وشايله تميم ولميس قعده جمبها
لميس: مامي
سما: نعم يعيون مامي
لميس بطفوله: امتي بقا هيكبر تميم عشان نلعب سوا
سما بضحك: طيب متلعبي معاه دلوقتي
لميس: منا لمه اجي العب معاه بيعيط
وبيدخل عليهم يزن.
لميس بفرحه: باااابييي وبتجري عليه
يزن بيشيلها: اي ده مال ليلو
سما بضحكه رقيقه: عايزه تميم يكبر بسرعه عشان يلعب معاها
يزن: اممم عشان كدا ليلو زعلانه
لميس بتهز راسها بطفوله
يزن بيطلع ايدو من ورا ضهره: طيب شوفتي بابا جبلك اي
لميس بفرحه؛ ده كله ليا
يزن: ايوا كله ليكي
لميس: طيب وتميم
يزن: لمه يكبر شويه هجبله
لميس: بتحضنو انت احلي بابي في الدنيا
يزن: وانتي احلي ليلو عندي
لميس؛ انا هروح اوريهم لي انكل ياسين وطنط قمر
يزن بينزلها: اوكي روحي بس متجريش
لميس وهي بتجري: حاضر.. حاضر
يزن: برضو بتجري
سما بضحك: من فرحتها بس
يزن بيروح يقعد جمبها ويق*بل راسها ويق*بل تميم
سما: اتأخرت انهارده لي
يزن: كان ورايا كام حاله أسعافيه
سما: امممم
يزن: مالك يسما
سما: مفيش
يزن: لا في حد ضيقك او زعلك؟
سما؛ لا ابدا انا جيت من الجامعه طلعت علي اوضتي عشان تميم
يزن: اومال مالك
سما: بابا
يزن: عمي مالو
سما بدأت دموعها تنزل
يزن بقلق ويمسح دموعها: في اي سما قلقتيني
سما بعياط: انت عارف ان بابا بقالو فتره تعبان وعاملنا تحاليل واشاعات ولمه روحنا انهارده لدكتور وشاف الاشاعات والتحليل طلع عنده وبشهقه طلع عنده الكانسر
يزن بتفاجأ: الكانسر؟
سما بعياط: ايوا وقالي حالتو متأخره اوي
يزن بيحضنها: طيب اهدي ان شاءلله هتتحل وعمي هيكون بخير
سما: بابا عايزاني اروح لي بكره
يزن: اصلا مينفعش نسيبه لوحدو احنا هنروح انا وانتي ونجيبه هنا
سما: انا بحبك اويي
يزن: وانا كمان
سما: هي الساعه كام
يزن: 10 لي
سما: لميس منامتش لسه ومدراستها... امسك كدا
يزن: اعملو اي
سما: نيمه عقبال ما انايم لميس وبتطلع من الاوض
يزن؛ انا ورايا شغل بدري فا يلا نام ومتعبش بابا معاك...... وبيدا يعيط
يزن: طيب بتعيط لي دلوقتي خلاص متنمش انا غلطان.. شششش وبيقوم ويفضل يهز في.. امك لبستني انا اليله ماشي يسما
****************************
ياسين: الله جبلك كل دول
لميس: ايوا
ياسين بيشيلها يقعدها علي رجلو: قوليلي بقا عاملتي اي ف المدرسه
لميس؛ معملتش حاجه خد homework بتاعي وجيت مامي ذاكرته معايا
والباب بيخبط
ياسين بيقوم يفتح
سما: لميس عندك ياياسين
ياسين: ايوا.. لميس
لميس: نعم
سما: يلا يالميس معاد النوم
لميس: حاضر.. Good night
ياسين بإبتسامة: Good night
ولسه بيقفل الباب بيلاقي قمر قدامه
ياسين: كل ده بتعملي قهوه وكمان طلعتي من غيرها
قمر ببرود: نفسي اتسدد مش عايزه حاجه
ياسين: في اي يقمر
قمر: مفيش عايزه انام
ياسين بيمسكها من ايدها براحه: قمر مالك انتي كنتي نازله مبسوطه وعادي اي الحصل
قمر؛ سما كانت بتعمل اي هنا؟
ياسين: وانتي مشفتيش ان كان معاها لميس
قمر: ده مبرر؟
ياسين بدون فهم: هو في اي؟
قمر: انت لي مقولتليش ان سما كانت حبيبتك زمان وكنت عايز تتجوزها لا وكمان كنت بتكره اخوك بسببها
ياسين: انتي عرفتي منين؟
قمر: مش مهم عرفت منين انت مقولتليش ليه الحقيقه من الاول لي كدبت عليه
ياسين؛ انا مكدبتش عليكي ف حاجه انا قولتلك ان كنت بحب واحده زمان وحكتلك كل حاجه
قمر بزعيق: بس مقولتش انها سما
ياسين : وطي صوتك الكل نايم
قمر بز*عيق اكتر: لايكون خايف حبيبت القلب تسمع ولا حاجه ..
ياسين بتحذير: قمر انا كل ده بكلمك بهدوء ف عدي اليله احسنلك
قمر: ااه قولي بقا انك لسه بتحبها واتجوزتني عشان متلفتش نظر اخوك عليك
ياسين بيضر*بها بالقلم
قمر وهي وضعه ايدها علي خدها مكان الضر*به
قمر: انت بتضربني عشانها؟؟
ياسين: انا لو مبحبكيش مكنتش اتجوزتك اصلا وبيفتح الباب وهو ماشي بيقفلو جامد بعصبيه
قمر بعصبيه : ماشي يست سما كل ده بسببك انتي
*****************************في الصباح
سما بتدخل الاوضه بتلاقي يزن نايم وتميم نايم علي صدره سما بتتسم وبتروح لعندهم بتشيل تميم بهدوء وتحطو في سريره وبتقرب من يزن تصحي
سما: يزن.. يززن
يزن بيفتح عينه براحه: سما
سما بضحك: ايوا انا
يزن؛ انتي جيتي امتي محستش بيكي
سما: كنت بنايم لميس نمت انا جمبها
يزن: ايوا
سما: طيب يلا قوم اجهز عشان نروح لي بابا
يزن: حاضر .. انتي صحيتي لميس
سما: ايوا والشوفير خدها يوصلها.. يلا قوم انت بس
يزن: بابا كان لي وجهة نظر لمه قالي مش هلاقي زيك
سما بإبتسامة: عشان تعرف بس.. قوم بقا عشان منتأخرش
***************************
سما: هو بابا فين
الممرضه: في اوضته
سما: طيب هو كويس
الممرضه: انا مش هكدب عليكي حالته كل يوم بتسوء عن اليوم الي قابله بس انها حالته وحشه اوي
سما بعصبيه: وانتي لزمتك اييي يعنيييي
يزن: اهدي يسما هي اكيد مش ف اديها حاجه
الممرضه: انا بعمل زي ماالدكتور قالي والله بس هي كانت حالته متأخره اصلا
سما بدموع: ابعدي كدا وبتروح لي اشرف
يزن: متضايقيش منها هي بس متوتره وكدا
الممرضه: لا عادي ده مهما كان باباها
:-
سما بعياط: بابا وبتروح تحضنه
اشرب بتعب: سما انا كويس يحبيبتي متخافيش
سما بعياط: انا مش هسيبك هنا لوحدك هتيجي معانا انا ويزن البيت تقعد معايا
اشرف:لا يبنتي انا مرتاح كدا
سما: مفيش لا هو امر هتيجي معانا وخلص الكلام
اشرف: انا عايز امو*ت هنا في بيتي
سما بعياط اكتر: متقولش كدا يابابا انت هتخف وتبقي كويس ان شاءلله
اشرف: انا عايز اقولك ع سر كنت مخبي عنك وكل مااجي اقولك بتراجع تاني بس خلاص مينفعش اخبي تاني انا دلوقتي يعتبر مفضليش كتير ف الدنيا
سما بعياط: بابا ونبي متقول كدا
اشرف: اسمعيني بس يسما بس اوعي تاخدي اي قرار ف وقت عصبيه
سما: قول يابابا سمعاك
اشرف: مامتك مامتتش مو*ته طبيعيه زي مقولتلك انا كدبت عليكي
سما بدون فهم: قصدك اي يعني اي كدبت عليا اومال ماما ما*تت ازاي
اشرف: حكالها الي حصل
سما بصدمه: ي.. يزن السبب في مو*ت ماما؟؟؟
محرمتكمش من حاجه اهو وعاملتلكم جزء تاني منها 😘+
#البارت_التاني
#وقعت_في_حب_خادمتي_جزء_التاني
سما بصدمه: ي.. يزن السبب في مو*ت ماما؟؟
اشرف بتعب: هو وقتها كان صغير ومكنش قصده ولا واعي لي حاجه كان مجرد طفل
سما دموعها بتنزل: و.. انت..وانت يابابا كنت عارف الحقيقه وسكت لي؟
اشرف: سكت عشانك عشان اقدر اعلمك
سما بعياط: انت سكت عشان نفسك كل الي همك هو الفلوس مش عشاني انا ده انت حتي جوزتني وعافيه للكان السبب اني اتحرمت من ماما
اشرف: انا اسف يبنتي سامحيني
سما بتقوم من جمبه وهي بتعيط وبصوت عالي: اسامحك؟ وانت جي تقولي دلوقتي!! بعد مخلاص اتعلقت بي وبقا عندنا اولاد وبقينا عيله؟؟؟؟ وعايزني اسامحك؟
اشرف: انا مكنتش عايز احكيلك حاجه بس.... وبتقاطعه
سما بعياط: ياريتك مقولت ولا حكيت حاجه ياريتك فضلت ساكت ياريت وبتفتح باب الاوضه بتلاقي يزن قدامها بتزقو بكتفها وبتطلع
اشرف بتعب وبيحاول يقوم: سماااا... سمااا وكان هيقع يزن بيسنده وبيعدله
يزن بدون فهم: هو في اي يعمي
اشرف: روح الحقها يايزن يبني روح وراها
يزن: حاضر وبيطلع وراها فعلا
:-
يزن: سماا استني سمااا
سماا مبتردش وبتفضل ماشيه
يزن بيمد يلحقها وبيمسك ايدها يلفها لي
يزن وهو بينهج: مش بقولك استني مبترديش لي.... وبيلاقيها بتعيط... مالك يسما في اي
سما بتمسح دموعها: مفيش بس عايزه اروح
يزن: هو اي الي مفيش العياط ده كله ومفيش
سما بنرفزه: هتروحني ولا اركب تاكسي؟
يزن: مش هتروحي ف مكان غير لمه اعرف في اي
سما: تمام انا هروح
يزن بيمسكها يرجعها تاني ويفتحلها باب العربيه
يزن: اركبي
سما بتركب ويزن بيلف الناحيه التانيه وبيركب وبيدور العربيه وبيمشي
****************************
ياسين بيدخل اوضه وبيلف ورا بيلاقي قمر واقفه ومربعه ايدها وبتهز ف رجليها
قمر: انت كنت فين طول الليل وكمان رجعلي الساعه 10؟
ياسين: اهه يعني انتي لسه مخلصتيش نكد من امبارح؟
قمر: انا مش بنكد انا بسألك كنت فين وده من حقي اني مراتك
ياسين: كنت سهران مع صحابي
قمر بدموع: ضر*بتني و روحت تسهر مع اصحابك ولا همك حاجه حتي مفكرتش تتصل تطمن عليا ولا حتي فكرت تصالحني منا مش في بالك اصلا
ياسين بيقرب منها وبيمسح دموعها وبيحاوط وجهها بإيدو
ياسين: انا اسف.. بس انتي مكنتيش سامعه بتقولي اي امبارح وانا عايزه اقولك حاجه ان سما ماضي وعدي اما انتي الحاضر والمستقبل بتاعي وكل حاجه ليا خليكي واثقه فيا وفي حبي ليكي
قمر: طيب خبيت عليا لي؟
ياسين: ببساطه لان مش ف بالي الموضوع وكل كان تفكيري هو انتي
قمر: يعني بتحبني ومش بتتسلي بيا
ياسين: اتسلي بيكي؟
قمر: ايوا
ياسين بضحك: احنا متجوزين يقمر يحبيبتي صباح الفل اتسلي بيكي ازاي ولا دي هرموناتك؟
قمر بضحكه رقيقه؛ مش عارفه
ياسين بيمسك خدودها: يلهوي الضحكه دي بدوبني وبيبو*سها من خدها
قمر: طيب انا هروح اخد شاور عشان ننزل نفطر
ياسين: تمام انا هقعد استناكي ننزل سوا
قمر: اوكي مش هتأخر
******************************
سما ويزن بيدخلو البيت
حامد: ايي ده اومال فين اشرف
يزن: مرضاش يجي
حامد: مرضاش لي يسما
سما مبتردش عليه
يزن: سما كلمي
سما: عن اذنكو
حامد: رايحه فين يبنتي مش هتفطري
سما: لا مليش نفس
وهي طالعه علي السلم بتخبط في قمر
قمر: ااهه حسبي يسما
سما بتتجاهلها وبتطلع
قمر: شايف؟
ياسين: اكيد مكنش قصدها يقمر
قمر: انت بدافع عنها برضو
ياسين: لا ولا بدافع ولا حاجه حقك عليا انا هشتكي لي يزن
قمر: انا الي هشتكيلو
ياسين: قمر: بلاش مشاكل
حامد بينظر لي يزن
يزن: صدقني زي زيك معرفش في اي
حامد: طب قوم اطلع وراها اعرف في اي
يزن: حاضر... صباح الخير
ياسين: صباح النور
قمر: يزن قول لسما هي عايزه مني اي بظبط؟
يزن بدون فهم: قصدك اي بي عايزه منك اي؟
ياسين بتغير الموضوع: مش قصدها حاجه سيبك من قمر
قمر: لا اقصدي... اقصدي انها من ساعة منا اتجوزت ياسين وهي بتعاملني وحش ولا اكني ضرتها ولسه دلوقتي خبطاني ف دراعي وهي طالعه وحتي معتذرتش مني عشان قصدها
ياسين بيبرق لقمر جامد
قمر: بتبرقلي لي انا كان لازم اقول لحد يوقفها عند حدها بقا
ياسين في سره: ماشي يقمر
يزن: اكيد انتي فهما غلط يقمر وبعدين انا مصدقش ان سما تعمل كدا وهي خبطتك دلوقتي فا هي مضايقه من حاجه ومش انا الي هوقف سما عند حدها لان هي عارفه حدودها وبيتسم.. وبيمشي ويسبهم
حامد: انا مش عارف سما عامله ليكي اي عشان تحطيها في دماغك يقمر يبنتي... يلا الاكل جاهز
ياسين: اي رايك كدا ارتحتي؟
قمر بعصبيه: هو بيدافع عن مراته وانت منطقتش بكلمه تدافع عني
ياسين: عشان انتي الي غلطانه وقولتي حاجات محصلتش ف استحملي وبيروح ورا حامد وبيقعد علي السفره
ياسين: مش هتفطري؟
قمر بعصبيه: لا نفسي اتسدد وبتطلع اوضتها
حامد: دي مالها دي كمان
ياسين: عرفت اني كنت بحب سما زمان
حامد: اممم عشان كدا
ياسين: اعرف بس مين الي قالها
حامد: معلش يبني مهي غيرانا بقا
ياسين: انا مولقتش متغيرش بس مش كدا افرط يزن صدقها كان هيحصل مشاكل في البيت وهيرجع الماضي تاني واحنا مصدقنا
حامد: معاك حق بس انت الدور والباقي عليك يعني كلمه من هنا ع كلمه من هنا تاخدها تخرجها كدا
ياسين: حاضر يابابا
******************************
تميم كان بيصرخ من كتر العياط.... وسما كانت سرحانه وراحه جايه في الاوضه ومش واكنها مش سامعه ولا شايفه حاجه غير الي قالو اشرف
يزن بيدخل الاوضه علي طول وبيجري علي تميم يشيلو يهدي
يزن بعصبيه: انتي ازاي سايبه الولد يعيط كدا
سما مبتردش عليه ومازلت سرحانه
يزن بشخط وصوت عالي: سماااااااا انااااا بكلمكككككك
سما بتتخض من صوته وبتبصله
يزن بيتعصب اكتر وبيقرب منها وهو شايل تميم علي دراعه وبيمس*كها من ايدها جامد: انتيييي فييييي ايييي بظبطططط
سما: مفيش حاجه بس مخدش بالي كنت سرحانه وبتاخد منه تميم
يزن: سرحانه في اي...انتي مش ساعة مدخلتي لي ابوكي وطلعتي وانتي مش علي بعضك في اي يسما
سما بدموع: لوسمحت يايزن خلينا كدا بلاش نفتح في حاجه عشان خاطري
يزن: سما انا مش هعيدها تاني فيي اي قولي
سما: عايز تعرف في اي؟
يزن: ياريت
سما ودموعها تنزل زي السيل: انت الي ضر*بت ماما بالعربيه يايزن؟
يزن بستغراب: ايي... انتي بتقولي اي؟
رايكم ف البارت يحبيبي👀♥
#البارت_التالت
#وقعت_في_حب_خادمتي_جزء_التاني
سما ودموعها تنزل زي السيل: انت الي ضر*بت مانا بالعربيه يايزن
يزن بستغراب: ايي؟.. انتي بتقولي اي؟؟
سما بعياط وشهقه: بقول انك السبب اني اتحرم من ماما من وانا صغيره اتحرمت منها بدري اوي حتي مفتكرش شكلها كان ازاي اتحرمت من كل حاجه بسببك انت
يزن بندهاش: سما انا مش فاهم انت قصدك اي... بس كل الي اعرفه اني انا معرفش مامتك اصلا وبعدين عربيه اي الي انا خبطتها بيها؟؟
سما بتاخد نفس عميق: بتحكيله الي قالو اشرف
يزن: محصلش كل ده محصلش اصلا انا حته اليوم ده مكنتش في البيت
سما: يعني مش انت السبب في مو*ت ماما؟
يزن: تصديقني يسما مش انا تحديدا اليوم ده انا كنت مسافر في دبي كمان... انت مين قالك الكلام ده؟
سما: بابا هو الي قالي
يزن بندهاش اكتر: ابوكي؟ .. انا معرفش مصلحته اي ان هو يقولك حاجه اصلا محصلتش.. وحتي لو حصلت لي يقولك دلوقتي؟؟؟
سما بتقعد وتمسك رأسها: طيب بابا لي يكدب عليا وترفع وجهها تبص لي يزن بدموع... طيب مصلحته اي انه يكدب عليا ويقولي حاجه محصلتش وخصوصا وهو في الحاله دي؟
يزن يقعد جمبها ويمسك ايدها: انا كمان علمي علمك بس والله يسما انا معرفش اي الي بتتكلمي عليه ده
سما بدموع: انا اسفه بس حط نفسك مكاني هتعرف ان تصرفي مكنش اوفر او انا بكبر المواضيع.. انهارده عيشت اسوء شعور متزعلش مني يايزن
يزن بيخدها في حضنه: انا مش زعلان منك و ده حقك
سما: انا كل الي شاغل بالي دلوقتي لي بابا كدب عليه؟؟ يعني هو هدفه اي من الي قالو ده
يزن: حاولي متفكريش كتير ف الموضوع ده يسما و ركزي ف دراستك عشان خلاص الفاينل قرب
سما بإيتسامه: حاضر
بتدخل عليهم لميس
لميس بعياط: ماامي.. باييي
سما بخضه: لميس.. وبتدي تميم لي يزن وبتقوم لعندها... مالك يحبييتي بتعيطي لي
لميس بعياط وشهتفه: كن... ت و... بور.. يها.... الر... س.. مه... بتا... عتي....ل.. طنط.. قمر.. قاا.. مت...زع..قت..لي.. ف.. يا.. جا.. مد... و.. رمت... الر... س.. مه
(كنت بوريها الرسمه بتاعتي لطنط قمر قامت زعقتلي جامد ورمت الرسمه)
سما بتمسحلها دموعها وتبو*سها من خدها: حقك عليا انا يروحي وانا هكلم طنط قمر واقولها متزعقلكيش تاني
لميس: ماشي
سما: روحي علي اوضتك وانا جايه وراكي
لميس: حاضر
سما: انا مش عارفه قمر لي تز*عق لطفله وخليها تعيط بشكل ده
يزن: خلاص يسما انا هكلمها
سما: لا انا الي هروح واكلمها
يزن: سما قولت خلاص انا هكلمها انا مش عايز مشاكل
سما: انا مش اشوفها بتزعق لي بنتي وتخليها تعيط علي اخرها واسكت لا... وبتخرج من الاوضه
يزن: سمااا.. يسمااااا....وبيهز في تميم..استني بس شويه وهتمسع اصواتهم جيبه اخر الفيلا
:-
سما بتزق الباب اوضتة قمر وتدخل وهي متعصبه
قمر: انتي ازاي تدخلي اوضتي بالطريقه دي معداش عليكي حاجه اسمها ادب واحترم؟
سما: انتي زعقتي لي لميس لي؟
قمر: انا؟.. انا زعقتلها؟ وبتضحك حتي الاطفال بتعرف تكدب وتحور
سما بعصبيه: انا بنتي عمرها مكدبت عليا
قمر: قصدك انا كدابه يعني؟
سما: اه كدابه
قمر بنرفزه: والله روحي ربي بنتك الاول وبعدين تعالي اتكلمي
سما بتقرب منها بعصبيه: انا بنتي متربيه احسن تربيه... وانتي مين انتي عشان تزعقلها؟
قمر: اكون مرات عمها
سما بزعيق: برضو ده ميسمحلكيش انك ترفعي صوتك عليها
قمر بصوت عالي: وانتي وطي صوتك عشان انا كمان بعرف ازعق
سما: انا معرفش البنت عاملتلك اي عشان تعامليها كدا؟ دي كانت بتوريكي رسمه رسمتها ببرائه
قمر: انا قولتلها مشغوله وبرضو مصممه توريهالي
سما: لو كنتي شوفتيها لثواني مكنش هيجرا حاجه مش تقومي تكسري بخاطرها وتزعقلها وتخليها منهار من العياط
قمر: انا معرفش انتي عامله حوار علي اي حتي بنتك طالعه زيك عشان شخط فيها عملت حوار
سما بزعيق جامد: قمررررررر انا بنتي خط احمر انتي فاهمه لو قربتي منها تاني ولا كلمتيها تصرفي مش هيعجبك المره الجايه
قمر: انتي بتهد*ديني؟
سما: انا بنبهك يقمر
:-
حامد: هو اي الصوت العالي ده؟
ياسين: ده صو*ت سما وقمر
حامد: دول شكلهم بيتخانقو.. قوم.. قوم بسرعه
:-
يزن: هو في اي انتو في الشارع اي الزعيق ده؟
ياسين: قمر هو اي الحصل
حامد: في اي يايزن
يزن: اسالهم اهم قدامك
قمر: أسالها هي يعمي في اي...اقتحمت عليا الاوضه مره واحده ونازله فيا زعيق لا وكمان بتهد*دني
حامد: هو في يسما يبنتي
سما: الهانم قمر زعقت لي لميس وخليتها جايه ليا منهاره من العياط لدرجه كانت بتقطع في الكلام وكل ده لي عشان كانت بتوريها رسمه
ياسين: الكلام ده يقمر؟
قمر: انا زعقتلها بس مش بالطريقه الي بتقول بيها وبعدين انتو عايزين اي من واحده كانت خدامه
يزن بصوت جهوري وعصبيه: قمرررررر لحد هنا وتخرسي خلاص مسمعش صوتك انتي فااااهمه انا مدخلتش من الاول مع ان لميس بنتي انا كمان قولت هما حريم مع بعض بس انك تغلطي في سما ده كدا هيبقا فيها كلام تاني لولا انك مرات ياسين كنت هتصرف تصرف مش هيعجبك ولا هيعجب حد..حاجه اخيرها سما هي الهانم الكبيره بتاعت البيت وكمان سلفتك الكبيره يعني تحترميها غصب عندك فااهمه وبيمسك ايد سما وبيخرجو بره الاوضه
حامد: كفايه عليكي يزن لان انا لو كنت اتكلمت كان زمانك مطلقه دلوقتي وبيسبهم ويخرج
قمر: وانت واقف كدا حتي منطقتش بكلمه تدافع عني قدامهم او تسكت اخوك
ياسين بيبصلها بصه قدرت تسكتها خالص
***************************
أميره: انوستي حبيبي
انس: طلامه انوستي وحبيبي يبقا في طلب
أميره: هو مش طلب اوي يعني
انس: اطلبي لراحتك انتي تخدي عيوني
اميره: مش انت وعدني اننا هنروح انهارده لعمي حامد
انس: اهه صح نسيت والله خلاص خليها بكره اي رايك
اميره بزعل: خلاص ماشي
انس: قومي اجهزي هنروح دلوقتي
اميره بفرحه؛ بجد
انس بضحك؛ ايوا والله قومي يلا.. مع ان عارف انك عايزه تروحي عشان سما
اميره: بصراحه وحشتيني اوي اوي اوي
انس: طب هتقومي ولا... بتقاطعه
اميره: لا لا هقوم خلاص
انس: طيب فين مفتاح عربيتك عشان العربيه بتاعتي عايزه بنزين
اميره بصوت عالي شويه: عندك في الشنطه بتاعتي
انس بياخد الشنطه بيدور فيها وبيلاقي المفتاح وبيلاحظ دوا بيخدو
انس: أمي... وبيسكت.. وبقلق دواء اي ده معقول تعبانه ومش عايزه تقولي؟
بيجيب اللاب وبيعمل سيرش علي جوجل
انس بصدمه: لمنع الحمل؟؟؟؟
رايكم يحبيبي 👀♥
#البارت_الرابع
#وقعت_في_حب_خادمتي_جزء_التاني
انس بصدمه: لمنع الحمل؟!!!!
اميره: يلا يا انس انا جهزت خلاص
انس بيقوم وهو ماسك شريط البر شام في ايدو
انس: اي ده؟؟
اميره بتوتر: ان.. انت.. ليقته فين
انس: هعيد السؤال تاني.. ايي دهه عايز جواب دلوقتي
اميره بتبلع ريقها بصعوبه وبدموع: انس.مم.. ممكن بس تهدي وتسمعني
انس بصوت جهوري وبيمسك*ها من دراعها بعن*ف: اهدييييي؟؟ انتي يتخدي بر*شام منع الحمللللل؟؟؟
اميره بدموع: صدقني والله ده عشان مصلحتنا
انس: مصلحتنا؟؟.. يعني ده بتاعك وبتخدي منه
اميره: افهمني ب.... وقبل متكمل كلامها بينزل قلم علي وجهها
اميره: اااهه
انس بيشدها من دراعها: انتي بجد مفيش عندك احساس؟ و انا كل ده فاكر ان دي حاجه بتاعت ربنا و مأجلنا الخلفه لوقت تاني لدرجه شكيت في نفسي!!.. انتي عارفه يعني ايي.. وانتي بكل برود تقوليلي اهدي!!!
أميره بعياط: انا بس مكنتش عايزه نشيل مسؤليه من دلوقتي كنت عايزه نعيش حياتنا الاول
انس: وطبعا ابننا هيكون حمل عليكي ومش هتعرفي تعيشي حياتك عشان كدا بتخدي حبوب منع الحمل.. طيب قوليلي لي مخبيه عليا؟؟؟
اميره بعياط وبشهقه: عشان كنت خايفه من ردت فعلك دي
انس: لو كنتي قولتيلي من الاول مكناش هنوصل لهنا يا اميره
اميره: قصدك اي؟
انس: قصدي انك تروحي علي بيت اهلك اليومين دول لحد ما انا احس نفسي اني اتخطيت الموضوع ده
اميره بعياط اكتر: يعني انت خلاص مبقتش عايزني عشان غلطه؟؟ يعني انت مكنتش بتحبني بقا
انس: انا لو كنت مبحبكيش مكنتش قولتلك تروحي لي اهلك اليومين دول
اميره بشهقه: حا.. ضر ياانس هلم هدومي وهمشي زي منتا عايز بس انا لو مشيت مش هرجع
انس: زي متحبي وبياخد بعضه وبيمشي
اميره بتقعد علي السرير وبتفضل تعيط
****************************
يزن: قولتلك بلاش تروحي من الاول
سما وتحبس دموعها: يعني انت كان عجبك تصرفها مع لميس حتي شوفت كلامها معايا انا معرفش عاملتلها اي بجد
يزن بيلفها لي وبيمسك وجهها بكفوف ايدو: سما انتي هتعيطي
سما بتنزل دموعها: يزن هو انت بتتكسف مني؟
يزن: اتكسف منك لي؟
سما بعياط: يعني اني كنت خدامه وانت دكتور كبير والكل عارفك
يزن بضحك: ده الي مخليكي تعيطي؟
سما: انا بتكلم بجد علي فكره
يزن: انا يبقا معايا واحده بل جمال ده كله واتكسف منها؟ ده انا لو اطول اخبيكي ومخليش حد يشوفك ولا حد يتأمل في جمالك ده غيري انا وتقولي بتكسف منك وبعدين اتكسف من اي انتي ان شاءلله هتخلصي جامعتك وهتتخرجي وهتبقي احلي ضابط شرطه والكل هيعملك الف احساس
سما بتتسم: انا بحبك اويي يايزن بحبك اكتر من نفسي
يزن بيحضنها: وانا بحبك اكتر ياسما
سما: انا حاسه زودها شويه مع قمر
يزن: لي
سما: بفكر اروح اصالحها
يزن: امم والله بجد مفيش زيك ولا زي قلبك الابيض
سما: وهروح بكره لبابا
يزن: روحي اطمني عليه بس مش اكتر يسما
سما بتفكير: طيب
******************************
مازن: مبتردش عليا
ناديم: يمكن مبتردش علي ارقام غريبه
مازن: انا هنزل خلاص بكرهه مش مصدق امتي يجي بكره بجد متحمس اشوفها زمانها دلوقتي كبرت واحلوت اكتر من الاول
ناديم بضحك: خلاص اهو كلها كام ساعه وهتركب الطياره و تروح تشوفها
مازن بحماس: بجد وحشتيني اويي شوف الغيبه دي كلها وحبها في قلبي مقلش بلعكس كان بيزيد بس هل يتري هتفتكرني
ناديم: طبعا هو حد بينسي الطفوله ولا حب الطفوله.
مازن: معاك حق.. يلا بقا عشان الحق الم كل حاجه ومنساش حاجه
ناديم: تمام سلام وهتصل عليك الصبح اصحيك متقلقش
مازن: انا ظابط كل المنبهات اصلا
ناديم بضحك: خلاص ابقي صحيني انت بقا
مازن: ماشي تصبح على خير..وبيمسك الصوره واخيرا جايلك وهشوفك
******************************
سما: عمي شوفت قمر؟
حامد: لي يبنتي في حاجه تاني حصلت
سما بإبتسامة: لا بس كنت حابه اعتذر منها مكنش قصدي اني ازعلها وبذات يزن زودها كمان شويه
حامد بإبتسامة: طول عمرك طيبه وهتفضلي طيبه يسما
قمر: هي مين دي الي طيبه؟
سما بتتلفت وراها: قمر
قمر: خير عملت اي المرادي؟
سما: انا اسفه يقمر مكنش قصدي ازعقلك او ازعلك اصلا
قمر: انتي دايما كدا بجد؟ مبتزهقيش من دور ده.. لا هتزهقي ازاي منه وانتي قدامهم كلهم الملاك البريئ بس الكلام ده تعملي علي يزن وعمي حتي ياسين بس مش عليا انا يست سما
سما: بس انا ولا بمثل ولا حاجه انا جايه وبعتذرك رغم انك انتي كلامك كان دبش وجيت واعتذر منك بس فعلا انتي مينفعش معاكي الكلام ده
قمر: سما انتي... وبتمسك راسها بدوخه
سما بقلق وبتسندها: قمر انتي كويسه
قمر: ابعدي عني ي... وبيغمي عليها
سما بصدمه: قمررر.. قمرررر... يااااسينن.. يززززنننن.... عمييي حاامد
ياسين بينزل علي السلم جري وبيشوف قمر بيجري اكتر ويروح لعندها
ياسين: قمرررر.. قمرر..بزعيق.. انتي عاملتيلها اي؟؟؟
رايكم يحبيبي+تتوقعو مين مازن وبيتكلم علي مين؟ 👀♥
#البارت_الخامس
#وقعت_في_حب_خادمتي_جزء_التاني
ياسين بصدمه: قمررر.. قمررر... وبزعيق.. انتي عاملتي ليها اي؟؟
سما: انا والله ماجيت جمبها
ياسين بيشيلها سما كانت راحه تساعده ياسين بيزقها
ياسين: ابعدي يسما بعد اذنك كفايه لحد هنا... وبياخدها وبيروح بيها علي المستشفي
يزن: في اي يسما كنتي بتنادي بصوت عالي لي
سما: كنت واقفه بكلم مع قمر وبعتذرلها مره واحده اغمي عليها بدون مقدمات
حامد: طب هي فين دلوقتي؟
سما: ياسين خدها علي المستشفى تقريبا
يزن: خير ان شاءلله انا هتصل ب ياسين
سما: بس انا عندي احساس ان قمر حامل
يزن: لي؟
سما: عشان حصل معايا كدا وبعدها عرفت اني حامل
حامد بفرحه: يعني اخيرا هشوف عيال عيالي ويكبرو قدام عيني يااارب يسما يبنتي يطلع احساسك صح
سما بإبتسامة: ان شاءلله يعمي
حامد: رد عليك يا يزن؟
يزن: لا مبيردش
سما: مش هيرد دلوقتي عشان هتلاقي خايف علي قمر
حامد: ايوا صح استني شويه تاني ورن يايزن
يزن: حاضر يبابا
سما: هو انت سيبت تميم لوحدو؟؟
يزن: ايوا منا نزلت علي طول علي صوتك
سما: طب انا طالعه اشوفه بعد اذنكو وبتطلع
:-
يزن: اي ده انتي راحه فين؟
سما: انا قولتلك هروح لبابا
يزن: طب استني انا جي معاكي
سما: لا خليك عشان انت هتفضل مع تميم.. انا هاخد لميس معايا عشان عايزه تشوف جدها
يزن: طيب خلي بالك من نفسكو وانا هتصل بيكو كل شويه
سما: تمام
يزن: وحاولي متكلميش مع ابوكي هو في الحاله دي ياسما ممكن لقدر الله يجرالو حاجه
سما: حاضر
لميس: يلا يمامي انا جهزت
سما بتمسك ايدها: يلا يعيون مامي
لميس: باي يابابي
يزن: باي يروحي... سوقي علي مهلك ياسما
سما: حاضر... سلام
يزن: سلام
***************************
اليس: اميره انتي راحه فين؟
اميره: راحه عند اهلي
أليس: اي ده لي اي الحصل
أميره: اخوكي عايز كدا
أليس: قعدي يااميره انتي هتخدي علي كلام انس
أميره: اه هاخد علي كلام اخوكي بيطردني بس بذوق
أليس: انتي هبله يا أميره هيطرد مراته برضو!!
أميره: اهو طردني وعاملها ابعدي كدا ياأليس خليني الم الي باقي من كرامتي وامشي
أليس بتجري وراها وبتسبقها وبتقفل باب الحديد بتاعت الفيلا من بره
أليس: مفيش خروج ولا بمزاجك ولا بمزاج انس انا قولت مفيش خروج وخلص الكلام
أمير بدموع: يعني انتي لو حصل معاكي نفس الموقف ياأليس هتفضلي قعده؟ حطي نفسك مكاني
أليس بحزن: بلاش انا يا أميره تسأليني السؤال ده بذات
أميره بتمسح دموعها: ماشي بس انا بجد مش هقعد دقيقه هنا ف لوسمحتي ياأليس ابعدي عن الباب
أليس: انا بعيد عنه بس لو عرفتي تطلعي
وبيقاطعهم الخادمه
_أليس هانم تلفون حضرتك بيرن
أليس: هاتي.. روحي انتي
أميره: انس؟
أليس: لا رقم غريب
أميره: طيب ردي شوفي مين
أليس بترد: الو
:-
لميس: انا مبسوطه اوي يمامي اخيرا هشوف جدو اشرف
سما : طيب مطلعيش راسك بره العربيه اوي عشان مقفلش الشباك
لميس: حاضر خلاص مش هطلعها
وفون سما بيرن
سما: اكيد ده يزن مع ان لسه قافل معانا وبتشوف تلفونها... بستغراب اي الرقم ده ومبتردش بيرن تاني وتالت ورابع
سما: يووه مين البارد ده وبترد عليه.. الو مين؟
****************************
حامد بقلق: اتأخرو اويي لي كل ده
يزن: وانا برن مبيردش عليا برضو
وبيدخل ياسين وقمر
يزن بطمأنان: ياسين وبيروح لي
وحامد بيروح هو كمان
حامد: كل ده كنتو فين... وقمر عامله اي قالك اي الدكتور؟
قمر وياسين كانو واقفين مبيردوش
يزن: ياسين.. قمر في اي مالكو بتقلقوني عليكم
قمر دموعها بتنزل تلقائيه
حامد: في اي يبنتي بتعيطي لي الدكتور قالكو اي؟
قمر بتسبهم وبتطلع علي الاوضه
يزن بصوت عالي شويه: في ايي ياياسين مترد علينا
ياسين: الدكتور قالنا ان قمر... وبيسكت
يزن: مالها قمر؟
ياسين بحزن عينه مدمعه: مبتخلفش
رايكم يحبيبي 👀♥
#البارت_السادس
#وقعت_في_حب_خادمتي_جزء_التاني
يزن: مالها قمر؟
ياسين بحزن وعينه مدمعه: قمر مبتخلفش
يزن بتفاجأ: ازاي!! اكيد في حاجه غلط
ياسين بيروح يقعد ويحاوط راسه بأيدو: ياريت يايزن بس للاسف قمر عندها مشكله في الرحم وده سبب انها متحملش ولو حصل وده احتمال بعيد اوي هيبقا في خطر علي حياتها
حامد؛ طيب هي اغمي عليها من اي؟
ياسين: الاعراض بدات تظهر عليها عشان كدا
يزن: طب انت عملت تحاليل واشاعات الاول؟
ياسين: عاملنا كل حاجه يايزن
يزن: طيب روح لدكتور تاني غير ده يا ياسين يمكن في غلط ولا حاجه
ياسين: بتمني يكون في غلط يايزن بتمني ودموعه بتنزل
يزن بيقعد جمبه: في اي ياياسين اجمد كدا اومال مين الي هيقف جنب قمر ويقويها طيب؟ وبعيد مش يمكن فعلا في خطأ في اي حاجه او الدكتور غلطان روح عند دكتور واتنين وشوف خلي عندك يقين في الله وأمان وان شاءلله خير
ياسين بيمسح دموعه: ان شاءلله يايزن ادعيلنا احنا بس
يزن: حاضر بس قوم اطلع لي قمر زمان حالتها مش كويسه دلوقتي المفروض تكون جمبها دلوقتي
ياسين: حاضر وبيقوم يطلع
حامد: انا مش فاهم في اي حياتنا اتعدلت وبقت تمام مره واحده كل حاجه اتقلبت للعكس
يزن: خير يابابا ربنا اكيد لي حكمه في كل حاجه بتحصلنا وان شاءلله كل حاجه هتعدي
حامد: ان شاءلله
*****************************
سما: الو.. مين؟
الممرضه: استاذ سما انا الممرضه بتاعت ولدك
سما بقلق: طيب في اي بابا مالو
الممرضه: استاذ اشرف خالته سيئه جدا ومش عايز ياخد علاجه ولا الكيماوي ولا ياكل ولا حاجه
سما: و اي السبب؟؟
الممرضه: والله معرف رافض كل حاجه وهو دلوقتي بيقول انه عايز يشوفك دلوقتي
سما بقلق اكتر: طيب انا في الطريق و جايه علي طول مش هتأخر.. وبتقفل
لميس: ده كان جدو يمامي
سما: ايوا يحبيبتي.. ارجعي لوره يالميس وبتقفل الشباك وبتربط حزام الامان ليها
لميس بزعل: لي قفلتي يمامي
سما: عشان هزود السرعه ونروح لجدو اسرع مش انتي عايزه كدا
لميس: ايوا.. خلاص ماشي
**************************
ياسين بيدخل الاوضه بيلاقي قمر قعده منهار من العياط ياسين بيقرب منها وبيقعد جمبها
قمر بعياط وتلقائيه بتحضنه
ياسين: قمر اهدي عشان خاطري كفايه عياط
قمر بنهيار: مش قادره ياياسين.. يعني عمري ماهكون ام!! عمري ماهحس بشعور الامومه وبتعيط
ياسين بيطلعها من حضنه وبيمسح ليها دموعها
ياسين: قمر اسمعيني احنا هنروح لدكتور غيرو ولو ده منفعش هنروح لغيرو وغيرو وغيرو
قمر: طيب لو كل قال نفس الكلام؟؟!
ياسين بيسكت شويه وبياخد نفس طويل: يبقا دي إرادة ربنا واحنا نتقبل الواقع
قمر بعياط: انا عملت اي عشان يحصل معايا كدا؟
ياسين: احنا لسه قايلين اي؟ إرادة ربنا هو عايز كدا يبقا اكيد لي حكمه في الموضوع
قمر بتحضنه تاني وبتنظرله
قمر: ياسين هو انت ممكن تتجوز عليا!!؟
ياسين: اي الي انتي بتقولي ده يقمر
قمر بدموع: يعني عشان العيب مني انا وانت تقدر تجيب عيال عادي فا حقك انك تتجوز واحده غيري
ياسين: مستحيل اقدر ابص لوحده غيرك يقمر تقولي اتجوز عليكي؟.. ونفترض ان ده خلاص ومش هتقدري تخلفي في حاجه اسمها تبني يعني في حل برضو.
قمر: يعني عمرك ماهتزهق مني؟
ياسين: مستحيل ازهق او امِـل منك يقمر
قمر: بجد يا ياسين
ياسين: بجد يعيون ياسين ويلا بقا بطلي عياط
قمر: حاضر... اكيد لمه سما تعرف هتشمت فيا
ياسين: يييييي رجعنا تاني لسما في اي يقمر
قمر: مفيش بس انا بقول انها لمه تعرف هتشمت فيا بس
ياسين: ممكن تطلعي سما من دماغك بقا يقمر بجد انا زهقت من كدا
قمر: خلاص خلاص مش هتكلم
ياسين: ياريت
****************************
أليس: الو
:****** *****
أليس: ايوا انا في حاجه؟
أميره بستغراب: مين يااليس
أليس بتشاور ليها بإيدها انها تستني
أليس: انس مالو انس؟؟
أميره بخضه: انس مالو ياأليس
أليس بصوت عالي؛ اييييييي!!!!! انس عمل حاد*ثه
أميره بترمي شنطتها بصدمه: انس عمل حاد*ثه؟؟؟؟
رايكم يحبيبي 👀♥
#البارت_السابع
#وقعت_في_حب_خادمتي_جزء_التاني
اميره بترمي شنطتها بصدمه: انس عمل حاد*ثه؟؟؟
أميره بخضه وجسمها كله بيترعش: حااد*ثه اي يا اليس
أليس: طيب هو في مستشفي اي دلوقتي؟؟... تمام شكرا
اميره بعياط وعصبيه: أليس ردي عليا حاد*ثه اي؟ وهو فين دلوقتي
أليس: عمل حاد*ثه وهو سايق العربيه وهو دلوقتي ف مستشفي*****
أميره بتسمع اسم المستشفي وبتاخد العربيه وبتسوق بأقصي سرعه
أليس: اميره استني اميره... مره واحده بتضحك اويي
عبير: هانم اليس انا خصلت الي طلبتي مني
أليس: برافو عليكي ياعبير مكنوش هيتصالحو غير بالطريقه دي
عبير: اتمني يحصل كدا وتعبنا ميروحش علي الفاضي
أليس: ان شاءلله هيحصل المهم انتي قولتي للصاحب الاوتيل يزينها؟
عبير: ايوا... واتصلت بي انس بيه قولتلو ان هانم اميره تعبت وراحت هناك
اليس: هيييح تمام روحي اعمليلي فنجان قهوه بقا
عبير: حاضر
****************************
سما كانت سايقه العربيه ومزوده السرعه وسرحت
لميس بخوف: مااامي.. مااامي انا خايفه سوقي زي بابي
سما كانت في عالم تاني مش سمعه حاجه
لميس بتبرق جامد وبصو*يت: مااااااااامييييي
سما بتفوق من سرحانها بتلاقي شخص قدامها وبدوس فرامل جامد متلحقش وبتخبطو
سما بتوقف العربيه وبتاخد نفسها بخوف
سما: لميس خليكي قاعده في العربيه متنزليش.. وهي بتنزل تشوف الخبطته
مازن كان بيحاول يقوم
سما بتقرب منه تساعده
سما: انا بجد اسفه اوي مخدش بالي منك تعالي معايا هخدك المستشفى
مازن: حصل خير انا كويس
سما: كويس ازاي راسك بتنز*ف وانا اكيد مش هسيبك كدا وهمشي وكمان انا الي خبطاك
مازن: والله انا تمام مفيش حاجه
سما: لا برضو نروح المستشفي واعالجك هكون اطمن اكتر
مازن: انا ورايا مشوار مهم دلوقتي مش هينفع وبعدين والله انا تمام
سما: المشوار مش هيطير وبعدين انت هتمشي ازاي كدا وانا قولت هتيجي معايا علي المستشفى وخلاص
مازن: شكلك عنيده ومش هتخليني امشي
سما: بظبط
مازن بإبتسامة: تمام هنروح المستشفي عشانك مع ان انا كويس والله
سما: ولو نتاكد
*****************************
أميره بتدخل الاوتيل وهي مستغربه
اميره: انا شكلي جيت مكان غلط وكانت خارجه واحد بيوقفها
الموظف: حضرتك المدام اميره؟
اميره: ايوا انا
الموظف: استاذ انس فوق مستني حضرتك في الغرفه
اميره بلهفه؛ بجد.. طيب هو كويس؟
الموظف: اطلعي وشوفي بنفسك
اميره: رقم الغرفه اي؟
الموظف: 20
اميره: تمام شكرا وبتطلع
:-
اميره بتفتح الاوضه وبتدخل بتلاقي انس قاعد علي الكرسي الي قدامها امير بتجري عليه بخوف ولهفه وبتحضنه وهي بتعيط
انس: اميره انتي كويس
اميره بتطلع من حضنه: انا كويسه انت كويس وحاد*ثه اي الي عاملتها
انس بستغراب: حاد*ثه؟
اميره بتمسح دموعها: مش انت عملت حاد*ثه ونقلوك علي المستشفى؟
انس: لأ.. وانتي مش تعبتي برضو
اميره: لأ... ثانيه وبتنظر لي الغرفه انا فهمت دي أليس
انس: مالها أليس؟
اميره؛ عملت كدا عشان نتجمع انا وانت ونتصالح
انس: اممم
اميره بتقعد جنبه وبتمسك ايدو
اميره: انس انا اسفه مكنش المفروض اعمل كدا وكان لازم اقولك وافهمك قصدي من الاول
انس: وانا اسف يااميره مكنش ينفع اقولك كدا برضو
أميره بإبتسامة: يعني اتصالحنا؟
انس بيشدها من وسط*ها لي: اتصالحنا
اميره: احمم انس الباب مفتوح
انس: اه صح وبيقوم يقفل الباب الغرفه وبيقرب علي اميره
انس: انا مش عارف عامله ليا اي انا كل مااشوفك بنسي كا حاجه وكن مفيش حصلت
اميره بدلع وضحك: سر المهنه بقا
انس: انا بقول نستغل اليوم والجو الرومانسي ده
اميره بخجل: لا انا هروح
انس بيشيلها: محنا هنروح بس مش دلوقتي
********************************
سما: هو كويس يادكتور؟
الدكتور: اه كويس خبطه بسيطه متقلقيش
مازن: قولها يدكتور من الصبح بقنعها اني كويس
سما: ولو بس المهم اطمنت ان مفيش حاجه
مازن: بجد انتي نادره ومفيش منك كتير لو حد مكانك مكنش نزل سأل حتي
سما: دي انسانيه ومش عند بعض الناس وبعدين انا الي خبطك يعني ده من الواجب اصلا
مازن: لا انتي مغلطيش انا الي كنت مستعجل اويي
سما: انا هبقي انتبه بعد كدا وانت كمان خد بالك من نفسك
مازن: حاضر وشكرا مره.. مقولتليش اسمك اي
سما بإبتسامة: انا سما وانت
مازن بتفاجا: اسمك سما؟
سما بضحك: اه لي
مازن: اصل انا كنت مستعجل عشان اشوف حب طفولتي وكدا وكان اسمها سما برضو حتي فيها شبه منك
سما: بجد طب كويس اوي ربنا يجمعكم علي خير
مازن: يارب
لميس: مامي.. مامي
سما: نعم يحبيبتي
لميس: كنت برن علي جدو بس طنط قمر الي ردت وهي سالتي احنا فين وانا قولتلها
مازن: انا كل ده مفكر انها اختك
سما بإبتسامة: لا بنتي وعندي تميم كمان
مازن بندهاش: ماشاءالله بس شكلك صغير عندك كام سنه لو مش هضايقك يعني
سما: لا عادي عندي 21
مازن: يعني انا صح صغيره
سما: ايوا.. انا هروح اخلص الورق بتاع المستشفى وتقدر تطلع بقا
مازن: لا كفايه انا تعبتك معايا
سما: لا عادي ولايهمك
مازن بتفكير؛ زمان سما هي كمان في سنها ياتري هتبقا شبها كدا
***************************
حامد: مالك يايزن
يزن: برن علي سما مبتردش
قمر: انا لسه مكلماهم دلوقتي
يزن: بجد.. طيب هما فين دلوقتي
قمر: خبطت واحد بالعربيه وهي معاه في المستشفى دلوقتي
بزن: ايي خبطت واحد؟؟
ياسين: امتي الكلام ده
قمر: دلوقتي وكنت سامعهم اصواتهم وهما بيضحكو كمان
ياسين بتحذير: قمررررر
قمر: الاه بقول الي سمعته اكدب يعني؟
يزن: بيضحكو ازاي؟
#البارت_التامن
#وقعت_في_حب_خادمتي_جزء_التاني
قمر: ألاه بقول الي سمعته اكدب يعني؟
يزن: بيضحكو ازاي
قمر: معرفش بس لمه كانت لميس بتكلمني كنت سامعه صوت تضحك سما وكان في واحد اصلا مش بعيد تكون بتحور ولا ف مستشفى ولا حاجه وقالت لي لميس تقول كدا وخلاص
حامد بشخط: قمرررررر
يزن وشه بيحمر من العصبيه وبياخد مفتاح عربيه وبيمشي
حامد: يزن... يزن استني.. وبيوجه كلامه لي قمر.. انا عرفت دلوقتي ربنا منعك من الخلفه لي وبينده علي الخادمه.. اعمليلي فنجان قهوه هاتي علي مكتبي
ياسين: انتي مش هتتغيري ابدا؟؟؟
قمر بدموع: هو انا عملت اي يعني لكل ده
ياسين بيمسكها من دراعها بعصبيه: عملتي اي؟؟؟ قولي معملتيش اي ده ممكن يطلقو دلوقتي بسببك انا نفسي افهم سما عاملتلك اي لكل ده لي الحقد ليي؟؟؟
قمر: انت كل مره تقف في صفهم مع ان هما الي بيهنوني وانت تكمل عليا عمرك مابدافع عني زي مااخوك بيعمل مع سما
ياسين بزعيق: عشان انتي غلط كل علي بعضك غلط مبتسبيش حاجه وإلا تمسكيها علي سما و دلوقتي سخنتي يزن عليها وانتي عارفه ومتاكده ان يزن عصبي ود*مه حامي وممكن يطلق سما فيها
قمر: انا كنت بقول الي سمعته
ياسين: انتي كداابه يقمر كدابه مش مصدقك ويارب يزن يكون مصدقك هو كمان
قمر: هو انت خايف عليها كدا ليكون وبيقاطعها
ياسين: انتي عارفه لو حصل وسما ويزن اطلقو محدش هيعاني غيرك
قمر بدون فهم: قصدك اي؟
ياسين: قصدي اني ممكن ارجع احب سما تاني و و وقتها هتخسري كل حاجه حتي ممكن تخسريني يقمر
قمر بدموع وصدمه: انت بتقول اي ياياسين انت عمرك متعمل كدا انت وعدني
ياسين: انا وعدك بس انتي وبسبب تصرفاته الي ملهاش اي معني او سبب انك تعملي كدا غير انك غيرانه منها وهتخليني اعمل
قمر: اغير منها؟؟ انا اغير من واحده كانت خدا... وبيقاطعها بشخط
ياسين: كفاااايه بقاااا كفاااايه انا مليت بجد زهقت من كل شويه تحطيني في موقف بايخ مع يزن بسببك
قمر: يعني انا دلوقتي السبب في كل حاجه
ياسين: اهه السبب ولو مبطلتيش الي بتعملي ده.. وبتقاطعه
قمر: هتعمل اي؟
ياسين: هعمل الي انتي خايفه منه يقمر.. وبابا معاه حق انا عرفت لي ربنا مخلكيش تجيبي اطفال عشان عارف ان احنا مش هنكمل سوا
قمر دموعها بتنزل: ياسين انت بتقول اي؟
ياسين: الي سمعتيه وبيسبها ويطلع بره القصر
****************************
مازن: انا مش عارف اشكرك ازاي بجد علي الي عاملتي معايا
سما بإبتسامة: ده واجبي انا معملتش حاجه زياده
لميس: مامي هنروح لجدو امتي بقا
سما: خلاص رايحين دلوقتي ياليلو
مازن بيمد ايدو: فرصه سعيده يا استاذه سما
سما بتسلم عليه: ميرسي
علي دخلت يزن
يزن عروقه بتبرز في وجهه من العصبيه وبيروح لعندهم وبيمسك مازن من التيشيرت بتاعه بع*نف
سما بخضه وتفاجأ: يززن
يزن بغضب: انت ازاي تتجرأ وتقرب علي سما
سما بدون فهم: يزن سيبه يايزن
يزن بيشخط فيها بعصبيه:اسكتييييييي انتيييييي خاااالصصص لدرجه سما ارتعبت منه وميسان حضنتها بخوف
الممرضه: لو سمحت مينفعش كدا احنا في مستشفى
مازن: انت الي ازاي تشخط فيها كدا وكمان تته*جم عليا انت عارف لو اشتكيت عليك هتاخد كام سنه سجن
يزن بغضب وبيضمن ايدو يضربه سما بتمسك ايدو وبتبعدو عن مازن
سما بعصبيه: انت بتعمل اييي يايزن هو في اي وكمان عايز تضر*به؟؟
يزن: سما ابعدي عن وشي عشان انتي حسابك جاي
سما بدون فهم: حسابي جي هو في بظبط
يزن بيفتكر كلام قمر ولمه دخل لقه سما بتسلم عليه بيتعصب اكتر
سما: انت ساكت لي ممكن افهم في اي؟
يزن بزعيق: سماااا وبيرفع ايدو كان هيضربها مازن بيشد سما لي ورا ويقف هو قدامه
مازن: انت مين عشان ترفع ايدك عليها؟؟
يزن بينظر لي سما ويرجع ينظر لمازن بغل وغيرها زياده: انت ازاي تشد مراتي وراك؟؟
مازن: حتي لو مراتك ازاي تسمح لنفسك ترفع ايدك عليها قدام كل الناس؟؟؟
يزن بعصبيه زعيق: وانت مين انت عشان تعلمني اتعامل مع مراتي ازايييي ورايح يسحب سما من ورا ضهره
مازن بيقف قدامه: لمه هي تقول انها هتروح معاك
يزن: انت شكلك ناوي علي مو*تك انهارده
مازن: معنديش مانع بس برضو مش هتقرب منها غير لمه هي تقول انها موافقه
سما: لو سمحت يمازن متدخلش بينا
يزن: اظن سمعتها
مازن: تمام بس انا حابب اوضحلك حاجه بسيطه لتكون فاهم غلط سما خبطتني بالعربيه وهي جبتني علي المستشفى عشان تعالج الجر*ح والدليل راسي قدامك اهي والمستشفي اهي اسال وكمان احنا في المستشفى
سما بتمسح دموعها وبتمسك ايد لميس وبتمشي
يزن بيطلع وراها
سما: والله لو جيت جنبي ولا قربت مني يايزن لي هلم الناس عليك ومش هقول انك جوزي وانا مجنونه وهعملها والله
يزن: خلاص اهدي بس.. وقبل مايكمل كلامه بتركب لميس عربيتها وبتركب هب وبتسوق تمشي
يزن بيخبط ايدو علي العربيه بتاعته بندم
يزن وبيحرك ايدو علي شعرو بضيق: ماشي يقمر وبيركب العربيه وبيمشي
:-
في القصر بتدخل سما و في ايدها لميس
حامد: سما بنتي حمدالله علي سلامه كونتي فين يبنتي
وبيدخل يزن
سما: لميس اطلعي علي اوضتك قولي للداده تلم هدومك اعقبال ما الم هدومي انا كمان
لميس: لي يمامي؟
سما: مش انتي كنتي عايزه تقعدي عند جدو كتير
لميس: اه
سما: احنا نقعد هناك
لميس: هيييي وبتطلع علي طول
حامد: خير يسما هدوم اي وهو في اي يبنتي فهميني
سما: اسال ابنك يعمي
يزن: مفيش طلوع من البيت يسما
سما بعصبيه: يزن اقسم بالله انا علي اخري تمام
يزن: طب اسمعيني الاول
سما بصوت عالي: اسمع اي اسمع انك كنت هتضر*بني في قدام الناس
علي نزلت قمر ودخلت ياسين
حامد بتفاجا: اي الي سمعته ده يايزن؟ انت كنت هتضر*ب سما
يزن: انا رفعت ايدي بعصبيه بس مش اكتر
سما: انت كمان بتكدب ده لولا مازن وقف قدامك كنت ضر*بنتي
ياسين: اي الي سما بتقولو ده يا يزن؟
يزن بيلاحظ قمر واقفه بعيد شويه
يزن: كويس ان نزلتي يقمر
قمر: لي خير
يزن: انا مليش كلام معاكي وبينظر لي ياسين
ياسين: في حاجه يايزن
يزن: اه في ياسين بعد اذنك قمر ملهاش قعده في القصر من دلوقتي
ياسين: قصدك اي
يزن: قصدي تاخد قمر وتطلعو من البيت
رايكم يحبيبي +يزن تصرفه صح ولا 👀♥
#البارت_التاسع
#وقعت_في_حب_خادمتي_جزء_التاني
يزن: قصدي تاخد قمر وتطلعو من البيت
حامد وسما ببنظرو لبعض بتفاجأ
قمر بصدمه: انت بتقول اي يايزن؟
يزن: اظن كلامي واضح مش محتاج اعيدو تاني
قمر بتنظر لي ياسين ال متكلمش ولانطق بكلمه
قمر: انت سامع اخوك بيقول اي ياياسين اخوك بيطردنا من البيت
يزن: انا مبطردتش اخويا ومستحيل اعملها بس بطردك انتي يقمر وطبعا عارفه لي
سما: يزن فوق لكلامك انت بتطرد مرات اخوك؟
قمر بعصبيه: اخرسي انتي خالص كله بسببك يحر*بايه
حامد: انا لسه كنت هغلط يزن وقولو ازاي يطرد مرات اخوه بس تستاهلي يقمر انتي مينفعش تقعدي معانا
قمر بتروح لي ياسين: شايف اخوك وابوك بيطرودونا عشان الست سما الي انت علي طول واقف في صفهم ضدي دايما بيطرودك من بيتك الي انت اصلا ليك كل الحق في
ياسين بيضر*بها بالقلم: اخرسي بقااا.. كفااايه معاهم كل الحق كل يوم مشكله شكل وبسببك هما صح مينفعش تقعدي هنا لان انتي مستحيل تمو*تي لو معملتيش مشكله وخصوصا بين سما ويزن و دلوقتي بسببك يزن كان هضر*ب سما قدام كل الناس بسببك ولسه حالا رغم الي بتعملي معاها بدافع عنك وبتغلط يزن وانتي بكل بجاحه بتقولي ليها تخرس وكمان هي السبب انا مشفتش زيك ولا هشوف زيك يقمر وانا مش هسيب عيلتي عشانك
قمر: يعني اي؟
ياسين: يعني لمي هدومك وامشي يقمر لحد ماتصحي علي تفسك وتعرفي انك غلط وتفوقي لنفسك البيت مفتوحلك
يزن: عين العقل ياياسين وطبعا الباب هيكون مفتوحلك في اي وقت بس لزم تفهمي غلطك يقمر
قمر بدموع: حتي انت كمان ياياسين وبتمسح دموعها.. علي العموم انا هطلع من البيت مش هرجعه تاني ابدا و ورقت تطلاقي تجيلي
ياسين: طلاق اي؟
قمر: هنطلق
ياسين: انتي عايزه كدا يعني؟
قمر: ايوا... وكانت طلعه
سما بتمسكها: مفيش طلوع من البيت يقمر ومحدش هيمشي من البيت
يزن: سمااا
سما بزعيق: سمااا اي؟ هيطلقو بسببك وانا مستحيل اسمح بجد مش هنكر اني مضايقه لاني انا معملتش حاجه لقمر ولي سبب ال معامله دي بس برضو مستحيل ومن سابع المستحيلات اسمح انها تطلع من البيت بطريقه دي وكمان بسببي هتكون اطلقت وهبقا شايله زنبهم طول حياتي.. وانت يا ياسين بيه ازاي توافق انها تمشي من البيت اي السلبيه بتاعتك دي؟ حتي لو مش موافق علي الي بتعمله ده تحاسبها لا وكمان موافق تطلقو انت متخلف؟؟ وانت يايزن غلطان مش بس قمر مش اي حد يقولك اي حاجه تصدقها انت مش عيل صغيره اي حد يضحك عليك بكلمتين وانت عارف بذات ان قمر بكرهني معرفش السبب بس انت عارف ده ورغم كدا صدقتها يعني مش هي بس الي غلطانه وانت كمان غلطان واكتر منها...وحاجه اخيرا احنا مش ملاك كلنا بنغلط حتي لو هي غلطت مره واتنين وتلاته بس مسيرها هتفهم غلط ها بس مش بطريقه دي وبتنظر لي قمر.. انتي مش هتطلعي من البيت ولا هتطلقي انتي وياسين وده مش بمزاجكو تمام هيكون بمزاجي حتي لو ده هيضايقك المرادي انا الي كلمتي هتتسمع يقمر
قمر بعياط: سما سيبيني
سما بتسبها: بس وريني هتطلعي من البيت ازاي
يزن بينظر ليها وهو مبتسم وبيفتكر لمه قالها نفس الجمله
قمر: هتحبسيني يعني
سما: معنديش اي مانع اعمل كدا
قمر: انتي مفكره لمه تعملي كدا هتندم ان عملت معاكي كدا؟
سما؛ مين قالك اندمي دي حاجه بتاعتك وعموما يقمر بتحبيني او لا ميهمنيش خالص اصل ان عندي حاجه اهم اتشغل فيها وبقولهالك في وشك عشان تبقي عارفه.. وانا بعمل كدا لان انا مش هسمح بحاجه زي دي
ياسين: سما سبيها هي حره تعمل الي تعمله
سما: ممكن تسكت متتكلمش؟
يزن: سما انتي بتغلطي وانا ساكت
سما: انا الي بغلط؟؟ وبعدين هتعمل اي؟ هتضر*بني!؟
وبيقاطع حديثهم صو*ت رصا*صه
حامد: اي ده
الداده بخوف وباين علي وجهها انها مرعوبه ومخضوضه: سما هانم.. سما هانم
سما بقلق: في اي يداده
_بتبلع ريقها: لميس
سما: مالها لميس
يزن بعصبيه: انطقي مالها لميس
_كنت بلم هدومها زي مهي قالتلي سرحت عنها لثواني لقيتها مشيت. قولت انها نزلت ليكو ولمه خلصت سمعت حركه في اوضتة يزن بيه الخاصه بتاعته دخلت ليقت لميس ماسكه المسد*س
سما بصدمه؛ مسد*س؟
_اهه وداست علي الز*ند
يزن: ايييييييي
سما بصو*يت:يلااهيييي لميسسس وبتجري علي الاوضه ويزن بيطلع وراها وقمر وياسين وحامد بيطلعو جري وراها
سما بتفتح الاوضه
وبتلاقي لميس مرميه علي الارض وكله الارضيه د*م
رايكم يحبيبي+و رايكم في تصرف سما
#البارت_العاشر
#وقعت_في_حب_خادمتي_جزء_التاني
سما بتدخل الاوضه
بتلاقي لميس مر*مي*ه علي الارض وكل الارضيه د*م
سما بتصو*ت وبتجري عليها
يزن بيتصدم وبيروح لعندها
سما بعياط: لميس.. لمييييس
يزن: الطلقه جت عند دراعها
سما بعياط: يعني اي
يزن: يعني لازم نروح بيها علي المستشفى فورا وبيشيلها ويجري بيها علي المستشفى
سما بتنزل ورا
حامد: وااائل وااائل
وائل: نعم يحامد بيه
حامد: خدني وراهم علي المستشفى بسرعه يارب استر
ياسين بياخد مفتاح عربيه وبيطلع بره القصر بيركب عربيته
قمر بتوقفه: ياسين خدني معاك
ياسين: خليكي يقمر مش ناقصين توتر اكتر وبيرجع بالعربيه لورا وبيلف يطلع بره القصر خالص وبيمشي
قمر: بقيت انا سبب التوتر والمشاكل بتاعتكو
وكانت دخله القصر
الحارس: هانم قمر في واحد عايز الهانم سما
قمر: هو مين ده
الحارس: معرفش والله بس هو اسمه مازن
قمر بستغراب: مازن!!.. طب دخلو
مازن: اهلا
قمر: اتفضل عايز مين؟
مازن: هي سما موجوده هنا؟
قمر: ايوا
مازن: ينفع تندهالي
قمر: هي مش موجوده دلوقتي
مازن: طيب هي هتتأخر
قمر: للاسف تقريبا مش هترجع انهارده عشان حصل حاد*ثه مع بنتها
مازن بندهاش: بنتها!!!؟
قمر: اهه وهو انت مين يعني تعرف سما منين؟
مازن: انا اكون صديقها من الطفوله
قمر: اااهه طيب اتفضل تشرب حاجه
مازن: وقت تاني تكون سما رجعت
قمر: لا مش معقول صديق سما الهانم الكبيره بتاعت القصر يمشي من غير اي حاجه كدا
مازن بدون فهم: الهانم الكبيره؟؟
قمر: اتفضل بس وانا هفهمك كل حاجه
مازن: اوكي شكرا
قمر: بس غريب سما مجبتش سيرتك خالص
مازن: ماهو انا سافرت بره مصر وكملت دراستي هناك
قمر: ايوااا فهمت
**************************
انس: أميره هاتي الفون بتاعي من عندك
أميره: أليس بعد اذنك ممكن تديلو الفون عشان بعمل الكيك
أليس: حاضر وبتقوم تجيب الفون... اتفضل.. عايزو لي
انس: بقالي كتير اوي متصلتش بي يزن ولا عمي ولا ياسين
أليس: اممم وبتقعد ع الكرسي الي جنبه
انس بيتصل ب يزن مبيردش وب حامد مبيردش برضو
أليس: مبيردوش ولا اي
انس بستغراب: ايوا الاتنين هتصل ب ياسين اشوفه.. وبيصل بي
انس: الو.. ياسين في اي يعم اخوك وعمي مبيردوش لي..... بصدمه وبيقوم يقف... اييي..
أليس: في اي ياانس
انس: طيب اسم المستشفي اي.. بتاعت يزن.. طيب تمام انا جي حالا
أميره يتطلع من المطبخ علي صوته
أميره: في حاجه ياانس
انس: لميس ضر*بت نفسها بالمسد*س
اليس بصدمه وبتضع ايدها علي فمها
اميره بشهقه: ينهار اسود طيب يلا بينا بسرعهه
******************************
بيدخلو المستشفى ويزن شايل لميس وهدومه بقت عباره عن د*م
يزن بصوت عالي: حضرو العمليات بسررررررعههه
وبيحط سما علي السرير والممرضين بيخدوها علي العمليات
سما كانت قعده علي الارض بنهيار
يزن بيقرب منها وبينزل لي مستواها: متخفيش ياسما لميس هتكون كويسه اوثقي فيا ماشي
سما بتهز راسها
يزن بيدخل العمليات
حامد وياسين بيدخلو
بيلاقو سما قاعده منهاره
حامد: سما يبنتي لميس فين
سما: في غرفة العمليات
حامد: ان شاءلله خير يبنتي متقلقيش خليكي واثقه في ربنا وادعي ليها كتير
سما: يارب.. ياارب
ياسين: ان شاءلله هتطلع بسلامه يسما وهتبقي كويسه
سما بعياط: ان شاءلله
بيدخل عليهم انس واميرخ وأليس
اميره: سمااا
سما بتحضنها وهي منهاره
أميره: اهدي يسما اهدي يحبيبتي ان شاءلله هتقوم وهتبقي كويسه والله
سما: يارب يأميره يارب
انس: عمي ياسين.. هو اي الي حصل
حامد: سمعنا صوت رصا*صه مره واحده مكناش نعرف جت منين غير لمه الداده بتاعت لميس وتميم قالت لينا
انس: هي ازاي مهمله كدا
ياسين: معاك حق لمه تطلع بس لميس بسلامه ان شاءلله هيبقا في تصرف تاني
انس: ده المفروض وان شاءلله لميس هتقوم بسلامه
أليس: متقلقيش ياسما لميس بنوته قويه وهتقوم بسلامه
سما: يارب يأليس
:-
بيعدي 5 ساعات
سما كانت راحه جايه بخوف وتوتر
سما: هما اتاخرو كدا لي
ياسين: اهدي بس وهتلاقيهم طالعين دلوقتي
سما: اهدي اي انا مش عارفه اتلم علي اعصابي حتي يزن مطلعش يطمنا انا قلبي مش مطمن
حامد: متقوليش كدا ان شاءلله خير
اميره: هتفضلي راحه جايه كدا هتتعبي
سما: انا مش هعرف اقعد او ارتاح غير لمه يزن يطلع يطمني
انس: هي معاها حق اتاخرو اوي
ياسين: انت بترعبها اكتر
انس: مش القصد بس يعني المفروض حد يطلع يقولنا في اي
وبيقاطع حديثهم يزن بيخرج من العمليات سما بتجري عليه بلهفه
سما: لميس عامله اي دلوقتي يايزن
يزن بإبتسامة: الحمدلله بقت كويسه
سما بفرحه بتحضنه: يعني بقت كويسه دلوقتي
يزن: مش قولتلك اوثقي فيا
سما: طيب اقدر اشوفها؟
يزن: هي دلوقتي تحت تأثير البنج لمه تفوق هينقولها لغرفه تانيه وهناك تقدري تشوفيها
سما بفرحه: الحمدلله المهم انها بقت كويسه ده الاهم
أميره بتحضنها: مش قولتلك يسما هتكون كويسه
سما: ولو ياميره لمه تبقي ام هتفهمي شعوري
أليس بإبتسامة: حمدالله علي سلامتها يايزن انا كنت واثقه طلامه انت الي بتعملها العمليه هتكون كويسه
يزن: الله يسلمك ياأليس
انس بيحضنه: حمدالله علي سلامتها
يزن: الله يسلمك وانت مبتجيش غير ف الحالات دي
انس: ابدا والله بس كنت مشغول الفتره الفاتت
يزن: ربنا معاك.. اي مش ناوي تخليني ابقي خال ولا اي؟
انس: ان شاءلله يايزن كلو بوقته
أميره بتلاحظ سما دايخه: سما انتي كويسه
سما: ايوا بس مش عارفه حاسه اني عايزه... وبتضع ايدها علي فمها وبتجري علي الحمام
اميره بتروح وراها
يزن بقلق: مالها سما
اليس: معرفش والله
يزن: هروح اشوفها انا
***************************
مازن: شكلها مش راجعه انهارده زي مقولتي
قمر: ايوا
مازن: طيب متعرفيش اسم المستشفي
قمر: هما تقريبا ف مستشفى يزن
مازن: يزن؟؟
قمر: اهه لي ف حاجه
مازن: حسيت اني سمعت الاسم ده هو مين يزن
قمر: بيكون جوزها
مازن: طيب هي فين المستشفي
قمر: هبعتلك اللكويشن
مازن: تمام وشكرا جدا علي حُـسن ضيافتك
قمر بإبتسامة: عفوا
*****************************
أميره: سما انتي كويسه انادي لي يزن
سما بتاخد نفسها بتعب: لا لا انا كويسه متقلقيش
أميره: مش عارفه اصدقك
سما: كويسه والله
أميره: متأكده
سما بتطلع: ايوا وبتروح تغسل وشها
يزن بيدخل بهدوا
يزن بصوت منخفض: مالها؟
أميره: فضلت تتأيهه بس مش عارفه لي
يزن: طيب روحي انتي انا هشوفها
سما بتخلص وبتاخد مناديل تنشف وشها وتنظر في المرايه بتلاقي يزن وراها
يزن: مالك يسما
سما بتتلفت لي: انت بتعمل اي هنا؟
يزن: جيت اشوف مالك
سما: انا كويسه واطلع يلا ده حمام حريم... وبعدين لو حد شفنا كدا هيقول اي
يزن: اولا يقول الي يقوله انتي مراتي وثانيا انا قفلت الباب متقلقيش محدش هيدخل
سما: قولتلك اني كويسه مفيش داعي لي ده كله
يزن: لسه زعلانه مش كدا
سما بسخريه: زعلانه؟ انا اصلا مش قادره ابصلك
يزن بيقرب منها وبيمسك ايدها وبيل*مس وجهها
يزن: انا اسف
سما: وكلمة اسف دي هترجع الي حصل
يزن: اكيد لا وانا عارف اني غلط وغلط كبير بس انا بجد ندمان عليه واوعدك عمري ماهفكر مجرد تفكير اعمل كدا تاني
سما: تمام
يزن: تمام اي
سما: تمام يايزن افتح الباب عشان اروح لي لميس زمانها فاقت
يزن: مش هفتح الباب ولا هتمشي من غير متقوليلي انك سامحتيني
سما بتغمض عنيها اوي وبتمسك بطنها
يزن بقلق اكتر: في اي
سما: مفيش بس بطني تعباني اوي وحاسه بشويه دوخه
يزن: طيب تعالي نكشف عليكي
سما: لا مفيش داعي انا كويسه حاجه عاديه من التوتر
يزن: تمام.. ها هتسامحيني
سما: صدقني مش هقدر دلوقتي لاني لسه موجوعه منك يايزن
وبيقاطعهم تخبيط علي الباب
أليس: سماا.. سمااا في واحد عايزك.
يزن بيفتح الباب
أليس بستغراب: انت بتعمل اي هنا يايزن
يزن: مش مهم.. مين ال عايز سما
أليس: معرفش والله
سما: قالك اسمه اي طيب
أليس: لا برضو
سما: طيب هروح اشوف وبيروحو
:-
سما: مين
مازن بيلتفت ليها
سما : مازن!!
يزن بيجز علي سنانه بغيرهه
مازن بتفاجأ: انتي!! انتي سماا؟؟
سما بدون فهم: انا سما اي؟
مازن بيقرب ليها وبيمسك ايدها وبيشوف واحمه عند عروق ايدها
مازن بفرحه وتفاجأ: ده انتي بجد
سما كانت واقفه مش فاهمه حاجه وبتنظر لي يزن بخوف ال كان باين علي وجهه العصبيه وغيرهه
تكملة الروايه اضغط هناااااااا
تعليقات
إرسال تعليق
فضلا اترك تعليق من هنا