رواية غدر صديقتي الفصل الأول والثاني والثالث بقلم نجلاء اسماعيل
رواية غدر صديقتي الفصل الأول والثاني والثالث
شوفتك امبارح وانت معاها
اسر بتوتر: هي مين؟؟
ميار: اممم هي مين سؤال جميل بس للاسف المفروض انا ال اسأله
اسر: ميار انتي بتقولي اي
ميار: حضنتها انا شوفتك ومسكت ايدها ومشيتوا
اسر: ميار انا...
بتقاطعه
ميار: لا لا من غير مبررات دبلتك اهيه
مشيت وهي بتعيط مكانتش شايفه قدامها من العياط كل ذكرياتهم بتمر قدام عينيها
Flash back
حفله كبيره خاصه بشركه العزيزي اكبر شركه ف الشرق الأوسط
كانت واقفه ميار بتتلفت حواليها
اسر: بتلفي حوالين نفسك كدا لي اول مره تيجي حفله؟
ميار بتوتر: انا لا بس صاحبتي مشيت وقالتلي استناها هنا
اسر: انا اسر العزيزي
ومد ايده
ميار: احم اه انا ميار سيد
اسر: امممم معناه انك مش هتسلمي اتشرفت بمعرفتك ي ميار
وسحب ايده
ميار بإحراج: مش قصدي بس بس يعني علشان اول مره اشوفك وانا
اسر: اكيد عندك حق عمتا هروح أقف مع الناس
مشي اسر وهي فضلت سرحانه فيه
اسر شعري بني فاتح شويه عينه عسلي وشه في نمش خفيف دقنه نفس لونه شعره طوله حوالي 180س 25 سنه
مي: اي ي ميار مالك سرحانه ف اي
ميار: كان في واحد هنا دلوقتي واقف كلمني وقال إن اسمه اسر واتكلم معايا ومشي بس شكله حلو اوي
مي بغل: اسر بيه بنفسه كان واقف بيتكلم معاكي؟؟؟ دا انا بقالي اكتر من خمس سنين شغاله ف الشركه عمره م كلمني
ميار: مش عارفه ي مي بس مدلي ايده وانا اتكسفت ومسلمتش وقالي اسمي اسر
مي بغل اكتر: طيب ياللا علشان نروح اتأخرنا
ميار: بس انتي قولتي هتعرفيني على صاحب الشركه علشان اشتغل هنا
مي: قالي بكرا هاتيها ومش هينفع هنا ف الحفله وكدا
ميار بقلة حيله: ياللا
في الطريق
مي: قالك اي بقا استاذ ياسر
ميار بإبتسامه: سألني واقفه لوحدي لي واتعرف عليا وبعدين لما لقاني مسلمتش حسيته زعل ومشي
مي: هتلاقي بس علشان لقاكي واقفه لوحدك ف افتكرك شغاله او جايه تسرقي ولا حاجه
ميار بزعل: اي ال بتقوليه دا ي مي
مي: مش قصدي يبنتي اكيد بس بقولك تفكيره يعني علشان متفهميش غلط او تزعلي من الموقف
ميار: مزعلتش عادي
ميار شعرها بني طويل لحد ضهرها عينها عسلي غامق بشرتها فاتحه طولها حوالي 165س 21 سنه
وصلوا البيت
مي: هبقا اكلمك ي ميوره
ميار: ابقي اطلعي ف البلكونه نسهر
مي: اوكاي باي
كل واحده دخلت بيتها
مي بحقد: مشوفتيش ي ماما كانت بتبصله ازاي وتقولي مدلي ايده واتعرف عليا
والدة مي: اي هتاخده ع الجاهز ولا اي وقال اي انتي كنتي عايزه تشغليها معاكي ف الشركه البسي يختي قولتلك ميار بتحط عينها على اي حاجه تخصك مصدقتيش وبكرا تاخده منك
مي: لا ي ماما متقوليش كدا اسر ليا وانتي عارفه كدا
والدة مي: يبقا بكرا تنزلي تشتريلك كام طقم حلو كدا علشان تلفتي انتباهه بدل م نبص نلاقي ست ميار واخداه
مي: حاضر ي ماما
والدة مي: ومتنسيش تقوليلها ان صاحب الشركه قال مفيش مكان ل ناس جديده
مي: حاضر هدخل انام
ودخلت اوضتها
في شقه ميار
ميار: بعدين مدلي ي ماما بس اتكسفت ومسلمتش راح هو مشي تقريبا زعل بس انا معرفوش هسلم لي
والدة ميار: جدعه انك مسلمتيش وكمان غلطتي لما قولتيله اسمك بس ياللا حصلخير
ميار: انا ي ماما عايزه اشتغل علشان ندفع الايجار بدل م صاحب العماره يطردنا
والدة ميار: انشاءالله تلاقي شغل
ميار: هدخل اوضتي
ودخلت اوضتها
سمعت صوت البلكونه ف دخلت
ميار: اي ي مي بتعملي اي كدا
مي: ولا حاجه بتفرج على كام حاجه كدا علشان نازله بكرا اجيب هدوم
ميار: ماشي يستي
مي: اي رايك تنزلي معايا
ميار بتفكير: مش عارفه
مي بحقد: تعالي بس معايا بدل م اروح لوحدي
ميار: حاضر
ودخلوا وناموا الاتنين
يوم جديد
مي بتخبط: فين ميار ي طنط
والدة ميار: بتلبس
مي: اي كل دا هدخلها
ودخلت
مي: اي ي ميار كل دا بتلبسي امال لو عندك هدوم كتير كنتي خدتي قد اي ف اللبس
ميار بإحراج: خدت دش الاول وكنت بشوف حاجه مناسبه البسها
مي: كنتي تعالي خدي مني
ميار: اكيد لا مش كفايه خدت منك فستان امبارح كفايه اه صح انا غسلته وماما كوته علشان تاخديه
مي: لا لا خليهولك اصلا كدا كدا مش هلبسه تاني وكنت هديه لأي حد محتاج
ميار بإحراج وعينها اتملت دموع: بس انا مفيش مناسبه البسه فيها
مي: يستي خلصي بس البسي
طلعت ميار بنطلون اسود وتيشيرت ابيض
مي: هو احنا كل م هنيجي ننزل هتلبسي الطقم دا
ميار بإبتسامه: بحب الطقم دا اوي
مي بتريقة: بتحبيه ايوا ايوا يعني مش علشان معندكيش غيره عمتا هستناكي برا تكوني لبستي
خرجت مي ووقفت ميار تبص ل الطقم ف ايدها ودموعها نزلت بس مسحتها بسرعه ولبست وخرجت
ميار: ياللا ي ماما هننزل
نزلت ميار ومي
وقفت مي قدام براند كبير اوي
مي: هجيب الهدوم من هنا
ميار: بس المكان دا شكله غالي اوي
مي: اكيد معايا فلوس يعني تعالي
دخلوا وبدأوا يلفوا
نقت مي فستان مفتوح من عند الركبه
ميار: بس دا مفتوح اوي ي مي
مي: هتلاقي عينك فيه بس علشان مش معاكي فلوس بتقولي كدا نقيلك كام حاجه ياللا
ميار: لا لا مش هشتري النهارده
مي: ي ستي نقي وملكيش دعوه
بعد تفكير
ميار: حاضر ي مي اوف
وبدأت ميار تنقي هي ومي
ووصلوا عند الكاشير
مي للكاشير: لا لا حطي دول لوحدهم كل واحد هيحاسب على حاجته
ميار بصدمه..
يتبع..
#_غدر_صديقتي
2
ميار بصدمه: بس انا مش معايا فلوس النهارده وقولتلك مش عايزه اشتري ي مي
مي بتكبر وصوت عالي: طيب مقولتيش لي انك مش معاكي فلوس بدل م احرجتينا قدام الناس خلاص خلاص هدفعلك انا بس ابقي اديهوملي علشان ماما متزعقش
ميار بإحراج ودموع: ماشي ي مي ال تشوفيه
فتحت شنطتها وبصوت عالي نسبيا: يلهوي مش معايا غير حق ال انا جبته ي ربيييي طيب معلش ي ميار ممكن نرجع هدومك وبعدين نبقا نيجي نشتري
ميار بصوت مبحوح: مفيش مشكله ي مي
مي: خلاص رجعي دول هناخد دول بس
خدوا الهدوم وخرجوا
ميار: مكنش ليه لزوم تقوليلي اشتري ي مي انا مكنتش هشتري النهارده
مي: معلش ي ميار صدقيني مكنتش اعرف ان مش معاكي فلوس انا فكرتك مخنوقه من حاجه ف مش عايزه تشتري
ميار: خلاص ي مي حصل خير
مي: طيب تيجي نروح ناكل؟
ميار: لا لا انا مش جعانه عايزه اروح اشوف ماما كانت طالبه مني شويه حاجات
مي: طيب استني هجيب لنفسي اي حاجه أكلها
ميار: طيب ماشي
دخلت مي سوبر ماركت اشترت شوية حاجات وخرجت
مي: معلش ي ميار انا جبت على قد الفلوس ال معايا معرفتش اجبلك حاجه
ميار: يبنتي عادي انا كدا كدا مش جعانه بس ياللا نروح
مي: ياللا
وبدأت مي تاكل قدام ميار ومعزمتش عليها ب اي حاجه
وبعد وقت كانوا وصلوا قدام البيت
مي: ياللا ادخلي انتي انا هغير واروح الشركه على طول
ميار: طيب متنسيش الشغل
مي: متقلقيش مش ناسيه
دخلت كل واحده بيتها
والدة ميار: مالك ف اي
ميار بصوت مبحوح: مفيش حاجه ي ماما
والدة ميار: مفيش حاجه دا اي اقعدي هنا احكيلي ف اي
ميار بعياط: مي كانت رايحه تجيب هدوم النهارده وقالتلي اشتري قولتلها لا مش هشتري النهارده بس هي فضلت تزن وتقولي نقي وملكيش دعوه وف الآخر جينا قدام الكاشير وقالتلي ادفعي وبعدين لما عرفت ان مش معايا فلوس قالتلي خلاص هدفع انا بس لقت مش معاها فلوس كفايه ف رجعت هدومي ال نقتها وكمان طلعنا قالتلي تعالي ناكل قولتلها مش جعانه دخلت جابت ل نفسها حاجات وقالتلي معلش علشان جبت على قد ال معايا ومعزمتش عليا انا فعلا مكنتش جعانه بس حسيت اني قليله اوي ي ماما
والدة ميار: متعيطيش وعد مني بس نخلص من فلوس الايجار وانا هديكي فلوس تجيبي كل ال نفسك فيه وهنزل ادور على شغل النهارده بإذن الله
ميار وبتمسح دموعها: لا ي ماما متنزليش تشتغلي انتي تعبانه وبعدين انا مش زعلانه علشان الهدوم انا عندي هدوم كفايه
والدة ميار بزعل: طيب هتعملي اي دلوقتي
ميار: هدخل افتح نت واشوف شغل يمكن الاقي حاجه كويسه
وقامت دخلت اوضتها مسكت موبايلها وبدأت تدور يمكن تلاقي شغل
في شقه مي
مي بضحك: والله ي ماما احرجتها كذا مره خلتها ف نص هدومها
والدة مي: جدعه يبت خليها تعرف قيمتها علشان متبصش ل حاجه بتاعتك تاني
مي: ياللا انا نازله الشغل
والدة مي: م تدخلي تلبسي فستان اقصر شويه عايزين أسر بيه يتقدم بسرعه
مي: ي ماما انا مهما البس عجباه انتي مبتشوفيش بيبصلي ازاي ياللا نازله باي
في شقة ميار
كانت ميار ماسكه الموبايل بتقلب ف الفيس فجأه لقت قدامها اعلان
(مطلوب سكرتيره خاصه ل شركه كبيره بمرتب 8000 الاف جنيه ساعات العمل 12 ساعه)
من غير تفكير دخلت ميار بسرعه وبعتت ل ال منزل الاعلان وف ثواني كان الرد
-تمم الانترفيو بكرا الساعه 4 العصر منتظرينك
فرحت ميار وخرجت جري ل امها
ميار بصوت عالي: ماماااا لقيت شغل ي ماما لقيت شغل
والدة ميار: الف مبروك يحبيبتي شغل اي
ميار: ف شركه سكرتيره هنزل بكرا أعمل انترفيو وانشاءالله يقبلوني الشغل 12 ساعه والمرتب 8000 جنيه
والدة ميار: الحمدلله يحبيبتي ربنا يرزقك ويوفقك بكرا ي رب
في شركه العزيزي
مي ماشيه بمياعه وبصوت عالي: استاذ أسر
وقف أسر: ايوا؟
مي بدلع: كنت عايزه حضرتك ف موضوع
اسر: ايوا قولي سامعك
مي: ممكن ف مكتب حضرتك طيب
أسر بإستغراب: اتفضلي
ودخلوا المكتب
اسر: خير عايزه اي ي مي
مي بدلع وبدأت تقوم وتقرب من الكرسي بتاعه: يعني كنت هكلم حضرتك ف موضوع خاص
اسر: والموضوع الخاص دا مينفعش وانتي قاعده مكانك وبعدين من امتا في بيني وبينك مواضيع خاصه
مي بتوتر وبدأت ترجع: اصل يعني لقيت حضرتك عايز سكرتيره ف كنت عايزه اقترح نفسي لحضرتك ابقا السكرتيرة الخاصه دي
اسر: للاسف انتي شغلتك هنا ف الشركه ف البوفيه بس ي مي يعني مينفعش ارقيكي ترقيه زي دي وبعدين في واحده جايه بكرا تعمل انترفيو وانشاءالله تتقبل
مي: بس انا
قاطعها اسر: اتفضلي على شغلك وي ريت لبسك يكون متناسق مع شغلك اول مره اشوف عامله بوفيه بتلبس اللبس دا وكمان بتتجرأ وبتطلع ل مدير الشركه
مي: انا اسفه لحضرتك عن اذنك
خرجت مي وهي مش طايقه نفسها
في شقة ميار
ميار: بس محتاجه طقم كويس اروح بيه بكرا واستحاله اطلب من مي هتكسف بصراحه
والدة ميار: بصي يبنتي انا معايا قرشين كنت بحوشهم علشان ادفع الايجار وبما انك انشاءالله نازله شغل ف خديهم ونتفق مع صاحب العماره اخر الشهر ندفع الايجار على بعض
ميار: بس ي ماما
والدة ميار: مفيش بس خدي الالفين جنيه دول وانزلي اشتريلك كام طقم علشان شغلك يحبيبتي
ميار: الفين جنيه هجيب بيهم كلهم هدوم ليا؟
والدة ميار: معلش يبنتي مبلغ قليل عارفه ان سنك دا لازم تجيبي كل يوم بس معلش استحملي لحد م تبدأي ف الشغل وانا اشتغل من البيت وربنا يرزقنا
ميار: انا بحبك اوي ي ماما
وقامت جري ولبست ونزلت تشتري حاجات واشترت ل مامتها شويه حاجات للبيت وطلعت
ميار: بصي ي ماما
والدة ميار: حلوين ي حبيبتي تتهني بيهم
دخلت ميار الهدوم وبدأت ترص الحاجات ف المطبخ وعملت الاكل
ميار: انا جبت فرخه ي ماما قولت بقالنا كتير مكلناش فراخ وعملت الاكل اهو
والدة ميار: ربنا يخليكي ليا ويوقفلك ولاد الحلال ي رب
الباب بيخبط
ميار: ايوا جايه
فتحت ميار
مي: عامله اي ي ميار
ميار: الحمدلله
مي: جيت اقولك ان صاحب الشغل قالي ان مفيش مكان فاضي للاسف واول م يعوزوا حد هيكلمني
ميار: ماشي عادي مش مهم
مي: ياللا هروح انا بقا
قفلت ميار الباب
والدة ميار: غريبه يعني مقولتيش ل صاحبتك على الشغل
ميار: مش عايزه حد يعرف غير لما اتقبل
في شقة مي
مي: مشوفتيش ي ماما وهو بيزعقلي علشان الفستان قصير وقالي مينفعش تنزلي بقصير كدا وكان بيحاول ميبينش غيرته عليا
والدة مي: شوفتي الواد وقع من فستان دا ميت عليكي جدعه يبت عايزين نوقعه فينا بقا علشان يغيرلنا حياتنا دي
مي: ي رب ي ماما ي رب
يوم جديد
صحيت ميار بنشاط
ميار: ماما البس انهي طقم انا جبت طقم رسمي اهو بنطلون كلاسيك وجاكيت وتوب اي رايك
والدة ميار: تحفه عليكي ي حبيبتي من رأيي تعملي بقا ديل حصان لفوق
ميار: كنت هعمل كدا انشاءالله يقبلوني
والدة ميار: ربنا يوفقك يحبيبتي
على الساعه 3 ميار نزلت وركبت واخيرا وصلت قدام الشركه
ميار: ماشاءالله دي كبيره اوي
ودخلت
ميار: كان عندي انترفيو النهارده
البنت: اتفضلي على مكتب المدير
دخلت ميار واتصدمت: انت؟
اسر: معقوله؟؟؟
يتبع....
#
3
اسر: مش انتي ميار ال كانت ف حفله الشركه؟؟
ميار: حضرتك لسه فاكرني
اسر: اه انا مش بنسى المهم انتي جايه تقدمي ع الشغل صح
ميار: ايوا
اسر: تمم المرتب مش زي م مكتوب وساعات العمل برضو مختلفه
ميار بزعل: يعني المرتب اقل؟؟
اسر: لا طبعا احنا يعتبر اكبر شركه ف الشرق الاوسط يعني المرتب ال حاطينه دا وهمي المرتب بإذن الله 15 الف وساعات العمل 8 ساعات بس
ميار بفرحه: بجد انا مش مصدقه
اسر: انتي هتكوني سكرتيره خاصه يعني سكرتيره خاصه ل صاحب الشركه يعني زيك زيي وانا مش موجود هتكوني مكاني لاني اغلب الوقت هسافر واسيبك انتي تتعاملي مع العملاء في الشركه كل حاجه هتبقا في ايدك هتبقي قاعده قدامك جهاز كومبيوتر ومعاكي جهاز لابتوب هتستلميه من اول يوم شغل وهيكون عليه كل حاجه تخص مواعيدي وشغلي وشغل الشركه الحاجات دي محدش يشوفها ولا يعرف عنها حاجه غيري انا وانتي بس هيكون في مقابلات شغل لازم تكوني معايا فيها بصفتك السكرتيره الخاصه هتشتغلي على نظام ال word وتهتمي بكل حاجه عندك اي سؤال؟
ميار: بصراحه لا الشغل دا بالنسبه لي سهل جدا انا درست اداره اعمال وعارفه دا كله وواخده كورسات بس مكلمتهاش
اسر: تمم جميل تقدري تبدأي من النهارده لو حابه
الباب خبط
اسر: اتفضل
دخلت مي وهي باصه ف الارض ولابسه لبس الشغل: القهوه ي اسر بيه
ميار بصدمه: مي؟؟؟؟؟؟
مي وقعت الصينيه من ايدها: انتي بتعملي اي هنا ي ميار مش قولتلك مفيش مكان ل حد جديد
اسر: نعم؟؟ مفيش مكان ازاي يعني انتي مين علشان تقرري في مكان في شركتي ولا لا دا انتي حتت عامله بوفيه وبس
مي: انا انا مش قصدي ي اسر بيه بس..
قاطعتها ميار: عامله بوفيه؟ مش انتي قيلالي انك مديره علاقات عامه هنا؟؟ وكمان قولتي ان كلمتك زي كلمه المدير وانك.. انتي ازاي تضحكي عليا بالطريقه دي
اسر بضحك: مديره علاقات عامه؟؟؟ دا انتي هبت منك ي مي ع الاخر انا لولا ان ابويا موصيني عليكي قبل م يسافر كنت مشيتك من هنا بس تمم حصل خير
ميار دلوقتي تقدري تطلعي ف المكتب ال جمبي ولو في حاجه مش عجباكي تقدري تقوليلي علشان نغيرها
ميار: حاضر ي استاذ اسر
خرجت ميار وتابعتها مي بغل وحقد
اسر:اتفضلي نضفي ال عملتيه وبعدين على شغلك
بدأت مي تنضف مكان م وقعت القهوه وخرجت دخلت على مكتب ميار على طول
مي: كنتي ناويه تقوليلي امتا ي ست ميار انك جايه تشتغلي هنا
ميار: مي متقلبيش عليا الترابيزه انا كنت هقولك اول م اتقبل وبعدين انا مكنتش اعرف ان هي دي الشركه ال انتي شغاله فيها غير لما شوفت استاذ اسر وانتي كدبتي عليا قولتي مفيش مكان وكمان كدبتي ف شغلك لي كل دا؟؟؟
مي بتمثيل: انا مكنش قصدي ي ميار بس انا شغاله بوفيه واتحرجت اقولك وكمان اتكسفت تيجي تشتغلي هنا وتشوفيني
ميار: لي ي مي تتكسفي الشغل مش عيب
مي: متزعليش مني ي ميوره
ميار: مش زعلانه اي رأيك ف المكتب حلو ولا اغير فيه شويه حاجات؟
مي بحقد: حلو كدا مش لازم تغيري حاجه يعني
ميار: انا مش حساه هكلم استاذ اسر يغيرلي اللون دا وكمان المكتب
مي: عن اذنك بقا هروح شغلي
ميار: ماشي ي حبيبتي
خرجت مي وهي متعصبه وجريت ف جمب واتصلت ب امها
مي: جت قدمت على شغل هنا ي ماما بقت سكرتيره اسر وعرفت اني شغاله بوفيه لا واي بتتنك وبتقولي هخليه يغيرلي شكل المكتب علشان مش عاجبني
والدة مي: مش دا ال انا قولته واهو بكرا تاخده منك يختي ع الجاهز ادخلي عنده المكتب ادلعي عليه احنا عايزينه لينا اسمعي لو ضاع من ايدك ع الفلوس ال انا صرفتها دي كلها مش هيحصل كويس
مي: ي ماما مش هيضيع بقولك بيحبني وبيغير عليا
والدة مي: يختي لو بيحبك كان شغلك انتي السكرتيرة بتاعته
مي: انتي فاكره انه معرضش عليا؟ طب والله ي ماما عرض عليا وقولتله لا الناس تقول في بيننا حاجه بلاش وهو قالي مش هيفرق معايا كلام الناس المهم تكوني قدام عيني وبعدين راح قالي قصدي تكوني مرتاحه ف الشغل مش عايز يبينلي انه بيحبني دلوقتي
والدة مي: ادخلي عنده المكتب اتلككي ب اي حاجه اتصرفي البت ميار هتاخده ع الجاهز واحنا مش هنطول حاجه
مي: حاضر ي ماما ياللا سلام
في مكتب اسر
ميار: كنت يعني عايزه اغير لون المكتب وشكله ينفع صح؟
اسر: اه طبعا ينفع دا مكتبك انتي اعملي فيه ال انتي عايزاه
ميار: متشكره جدا ي استاذ اسر وانشاءالله اكون عند حسن ظن حضرتك
اسر بإبتسامه: انشاءالله بقولك ادخلي الناحيه دي كدا هتلاقي مكتب لجوا صغير في ملف لونه ازرق وملف اسود هاتيهم
ميار: حاضر
دخلت ميار تدور بين الملفات
الباب خبط
اسر: ادخل
مي: استاذ اسر
اسر: خير ي مي
مي بدلع: كنت عايزه يعني اعتذر لحضرتك على سوء التفاهم ال حصل من شويه
اسر: لا عادي مفيش مشكله ابقي خدي بالك بس
ميار كانت خارجه بس سمعت صوت ف رجعت شويه وبدأت تسمع
مي: يعني ي استاذ اسر هو حضرتك واثق في ميار علشان تشغلها سكرتيرتك الخاصه
اسر: مش شغلك ي مي دي حاجه تخصني انا
مي: مش قصدي أتدخل بس ميار صاحبتي يعني انا عارفاها اكتر من حضرتك مع احترامي ليك طبعا بس يعني على طول بتطلب مني هدوم وفلوس
اسر: دي حاجه بينك وبين صاحبتك بتحكيهالي لي ي مي انا مش عايز اعرف
مي وبدأت تحس ان ميار موجوده: ي استاذ اسر انا مش بعيب ف صاحبتي انا بحب ميار جدا دي اختي وصاحبتي ومش عايزه حضرتك تتهمها او تفهمها بشكل غلط علشان كدا بقولك ال بينا بدل م حضرتك تزعلها ف يوم انا مليش غيرها
اسر وبدأ يستغرب تغير كلامها ونبرتها بالسرعه دي
ميار بحمحمه: الملفات ي استاذ اسر
مي: ميار انتي هنا
ميار: ايوا ي مي في حاجه؟
مي: لا استغربت بس م تيجي ناكل؟
ميار: ينفع اروح اكل ي استاذ؟
اسر: اتفضلي
خرجت ميار ومي
ميار: شكرا ي مي انا سمعتك وانتي بتدافعي عني قدام استاذ اسر وبتوصيه عليا
مي: حبيبتي انتي اختي ومليش غيرك لازم طبعا اعمل كدا بصي الاكل هنا مش زي برا يعني غالي
ميار: خلاص مش هاكل لما اروح اكل انشاءالله
مي: لا تعالي انا هجبلك وجبه على حسابي
بعد م خلصوا اكل كل واحد راح ل شغله
خلصت ميار الملفات وودتها مكتب اسر
ميار: حاجه تانيه ي استاذ؟
اسر: لا بقولك ي ميار اي رأيك ف مطعم الشركه الاكل فيه كويس؟
ميار بإحراج: ايوا الاكل كويس بس يعني بصراحه
اسر: قولي في اي؟
ميار: الأسعار غاليه اوي
اسر: اسعار اي معلش
ميار: اسعار الاكل
اسر: مين قالك الكلام دا الاكل ببلاش ف الشركه هنا
ميار بصدمه..
يتبع...
تكملة الروايه اضغط هناااااااا
تعليقات
إرسال تعليق
فضلا اترك تعليق من هنا