رواية اكتشفت خيانة زوجي كامله
اكتشفت خيانة زوجي
بعد نص الليل الجو قلب حراره جداا.
وريقي نشف وبدأت افوق من النوم ولقيت نفسي عطشانه.
رفعت جسمي وصحيت من النوم وببص
حواليا ملقتش جوزي محمود جمبي
غريبه يعني أمال راح فين الراجل دي
مش عوايده يسيب السرير ويقوم يعني
دي لو محتاج اي حاجه لازم يصحيني
من احلي نومه عشان اقوم
اجيبها انا ليه . انا عارفه ان كسلي اووي
استنيت شويه قلت أمكن في الحمام
شويه وهيرجع.
الفار لعب في عبي . الراجل شويه يرجع مرجعش أمال راح فين
يكونش طلع بره الشقه
بس إزاي يطلع في وقت زي دي
قمت من علي السرير مهو لازم اعرف راح فين دي بنص الليل.
فتحت باب الاوضه وطلعت
بصيت في الصاله مفيش
وكمان رحت الحمام والمطبخ مفيش
يلهوووي . أمال فين الراجل اختفي ازاي
كدهون يوووه.
مشيت لحد الصاله ووقفت قدام اوضة الضيوف لما سمعت صوت غريب
طالع من الاوضه يامصيبتي..
قربت من فتحت الباب بهدوء وبشويش
واول ما بصيت لقيت محمود جوزي واقف قدام تليفونه هو ومل...... ط. يا مصييييبتي 😱😱
وكان الصوت واضح واحده .
ضغط علي كلون الباب مفتحتش. رجعت
تاني اوضة النوم وانا منهاره مش متخيله منظره هو ومل......ط وبيكلم واحده
بعد الحب دي والعمر دي محمود بيخوني
انا لازم اعرف مين الكلبه اللي بيخوني معاه
ووقتها الحساب عسير..
يووووه نسيت ..
قبل ما اكمل الحكايه هعرفكم علي نفسي
شكرا للكاتب عادل الصعيدي علي سرد قصتي
انا هدير عندي 31 سنه مجوزه بنت جميله ومن عيله محافظه وتزوجت محمود جوزي علي حب وكان زميلي في الشغل وحبينا بعض اربع سنين وبعدها اتجوزني..
الحكايه بدأت لما كنا ساكنين في بيت عيله وبعد سنتين نقلنا شقتنا الجديده
في العماره اللي احنا فيها وخصوصا بالشقه اللي قدامنا اتعرفت علي
أطيب انسانه واجمل قلب شوفته جارتي فردوس وبقينا صحاب اووي
ومش بنخبي حاجه عن بعض
وبعد شهور بدأت الاحظ حاجات غريبه علي جوزي محمود
خصوصا مواعيد روجوعه من الشغل
والخروج كتير .
وفي اليوم الموعود . كانت الساعه واحده بعد نص الليل
قمت من النوم اشرب وطلعت بره اوضتي لما ملقتش محمود جوزي
وسمعت الصوت جاي من اوضة الضيوف
وشفت حاجه غريبه ..
تتبع..
الجزء الثاني
اكتشفت خيانة زوجي
دخلت اوضتي بعد ما شفت محمود بالمنظر دي ودمي بيغلي اوووي
ازاي محمود بعد العمر دي والحب دي كله
يخوني..
طلعت علي سريري واتغطيت وعملت نفسي نايمه وانا مش قادره عيوني تغمض من التوتر والزعل الا انا فيه ..
وعايزه اعرف مين اللي بيخوني معاها جوزي دي
بعد شويه لقيت محمود فتح الباب ودخل
وانا عملت نفسي نايمه ومحمود دي جمب مني ونام بعد ما بص عليا ولقيني نايمه
بعد ما اتاكدت أنام وصوته بدأ يطلع عملت نفسي قايمه اشرب ميه
وببص علي تليفونه ومش لاقياه وواضح انه مخبيه معاه
رجعت مكاني ونمت
والصبح محمود صحي زي العاده وطلع شغله
وانا بعد شوي قمت كنست الشقه ودخلت اوضة الضيوف
انضفها وافتش علي اي حاجه اي اثر من خيانه ليا
او حتي رقم تليفون وقع منه واي حاجه تمسكني خيط ليها الكلبه دي اللي
بيخوني معاها
وعلي الساعه 8 الصبح الباب خبط وكانت جارتي
فردوس فتحت الباب ودخلت
= تعالي اقعدي . تشربي ايه والا اعملك فطار
_ لا فطر خلاص نشرب شاي ونقوم نعمله سوا بالمطبخ .
رحت المطبخ وانا فردوس عشان نعمل الشاي وندردش
= شوفتي اخرتها يا فردوس
_ خير يا حبيبتي في ايه بس
= محمود يا فردوس محمود جوزي بعد العمر دي كله بيخوني
=استهدي بالله ازاي الكلام دي وبعدين متصدقيش اي حد غير لما تتأكدي. خراب البيوت مش بالساهل
_ لا انا شوفته بعنيا يا فردوس شفته بعنيا
= تعالي بس نقعد بالصاله ونشرب الشاي براحتنا
خرجنا انا وهيا من المطبخ وقعدنا بالصاله
= بصي يا حبيبتي كلمة بيخونك دي مش سهله . لازم تاخدي بالك كويس وبعدين شوفتيه ازاي بيخونك
_ امبارح كنت طالعه اشرب ميه من المطبخ لقيت قاعد باوضة الضيوف
واقف قدام تليفونه من غير هدوم وبيكلم واحده
= معقوله حصل دي
_ ايوه يا فردوس والله شفته بعنيا
= طيب اسمعي ومتعمليش حاجه غير لما تعرفي مين دي ولو عرفتي سيبهالي وانا هعرف اجبلك حقك . وخلي بالك تعملي اؤ حاجه مع جوزك كدا والا كدا لحد ما نعرف الحكايه فين
_ وانا هعمل اي يعني يا فردوس بس
= اهدي بس مش يمكن عمل زي واحد مجوز واحده من عيلتنا قال اي نفس اللي زي جوزك بيكلم واحدها في التليفون وبالاخر طلعت من بلد بره مصر وعرفها من الفيس بوك يعني بيتسلي
والبنت قريبتنا فضلت تعاتب فيه لحد ما طلقها وهي قاعده بعيالها ومحدش بيصرف عليهم وهو سابها واجوز
= قصدك اي يا فردوس. يعني ممكن يكون واحده من البتاع دي الفيس
_ معرفش بس بقول الله اعلم . خلينا نعرف مين الاول وبعدها نحكم
= طيب خلينا نشوف
_ المهم انتي فين غايبه ليكي كام يوم يعني مش بتسالي
= قاعده بس المشكله انتي عارفه اختي منال بعد ما أطلقت من جوزها كل كام يوم بتيجي عندي تقعد شويه معايا اهو بتسليني
انتي عارفه جوزي مسافر ومش بيجي غير كل فين وفين
_ طيب يا حبيبتي انا بس بطمن عليكي
= تسلميلي يا روحي . وزي ما قلتلك خلي بالك من نفسك . واصبري لحد ما تتاكدي
_ حاضر . لما اشوف بقي اي هيحصل
= طيب انا همشي ورايا مشوار انا ومنال اختي وابقي أطمن عليكي بالتليفون ماشي
_ خلاص ماشي يا حبيبتي
فردوس قامت وهتطلع من شقتي ورايحه شقتها قبال شقتي وانا واقفه علي باب شقتي مستنيه تدخل شقتها وبعد ما دخلت شقتها
طلعت علي البلكونه ألم الغسيل وانا بلم الغسيل ببص علي بلكونة فردوس
لفت انتباهي حاجه غريبه ....
يا تري ايه الحاجه الغريبه اللي شفتها
هدير ؟
الجزء الثالث والأخير
اكتشفت خيانة زوجي
بعد ما خرجت جارتي فردوس من شقتي وفضلت مستنيه لحد ما دخلت شقتها
دخلت شقتي وطلعت علي البلكونه
وببص علي بلكونة جارتي فردوس كانت في هدوم علي البلكونه وشفت عبابه بيتي
كان جايب زيها من يوم محمود جوزي
ولما سألته لمين دي قالي جايبها لاختي
وخدها وودها
. معقول كان بيكدب عليا والعباية دي لفردوس جارتي
مش عارفه بصراحه وازاي هتاكد انا كدا
حاولت افكر هعمل ايه
وازاي اكشف جوزي واعرف عامل علاقه مع مين وبيخوني..
..
وفضلت افكر في طريقه مش لاقيه لحد ما الضهر اذن
وقمت اعمل الغداء عشان جوزي بيرجع من شغله الساعه واحده
شويه ومحمود جوزي دخل الشقه .
وانا بتابعه بنظراتي وهو ميعرفش اني عرفت انه خاين وبيخوني
ومستنيه لحظه المواجهه معاه..
حضرت الغداء وقعدنا واتغدينا مع بعض علي السفره
وبعد الغداء عملت الشاي وبرضوا التفكير في دماغي وعايز اوصل لحل لغز الخيانه دي
محمود قاعد في الصاله وبيشرب الشاي
شويه وصله صوت شعارات علي تليفونه وفي حد بيراسله
لمحته هو وبيبص عليا من تحت لتحت
وانا اتاكدت كدا انه بيكلمها رسايل
شويه ودخل البلكونه وحاسه انه متوتر
كدا ومش علي بعضه
وماسك الفون وعمال يتكلم رسايل مع حبيبت القلب .
وخايف انا اشوفه ومركز معايا اووي وانا ببص عليه ..
شويه وجرس الباب ضرب
قومت بسرعه افتح الباب ولما فتحت
الباب لقيت منال اخت فردوس جارتي وطالعه بعبايه بيتي نص كم وخفيفه وليها فتحه كبيره من ناحيه الصدر ونص صدرها باين بصيت عليها واتفاجات
يخربيتك انتي ازاي طالعه كدا من الشقه
بصت وقال..
= معلش بس عايزه راسين بصل فردوس نزل مش معايا بالشقه
_ جريت علي المطبخ اجبلها البصل بس لاحظت انها راشه برفان
وكمان عامله مكياج يعني مش بتطبخ
مفيش واحده بالشكل دي تطبخ وطالعه بالمحزق والملصق
طلعت من المطبخ وعطيتها البصل
ولقيت محمود جوزي واقف بنص الصاله ولما طلعت كان ماسك تليفونه بيلعب فيه
بصراحه
وصلني احساس اووي ان محمود بيخوني مع منال
وخصوصا باللبس اللي طالعه بيه وكدبها انها بتطبخ
والا محمود اللي كان واقف في نص الصاله وهيا واقفه علي الباب ..
انا كدا بدأت اتأكد انها هيا ..
وعلي المسا دخلنا ننام انا ومحمود والليل كله بفكر في خطه اعملها
وكمان عماله كل شوي اصحي وابص عليه
وعدي الليل
ومقامش من مكانه
والصبح طلع يروح شغله
وانا علي الساعه سابعه نزلت السوق ورحت اشتريت خط تليفون جديد
وخصوصا بعد ما جاتني فكره اعمل واتس اب جديد وادخل اختبره أمكن يوقع في شر اعماله . جبت الخط من البياع ومردتش اسجله باسمي.
رجعت الشقه وعملت الواتس اب بالرقم الجديد
وبدأت ابعت رسايل لمحمود
واقفل لحد ما بعتله رساله واستنيت الرد
وقلت فيها ..
انت لسه معرفتنيش يا حوده انا غيرت الواتس بتاعي دلوقتي
وفجأه لقيت محمود جوزي بيقولي
_ انتي كل شويه تغيري رقم يا منال ارسي علي رقم
انا معرفتش انطق التاني من الصدمه اللي انا وكنت متوقعها
وفكرت أعمله بلوك لكن رجعت في كلامي
ورنيت عليه فيديوا
وخليته يشوفني قدام عينه
وبعدها قفلت وعملتله بلوك
بسرعه لبست عبايتي بتاعت الخروج
وطلعت علي شقة فردوس وانا مولعه نار ومخنوقه اووي .
اول خبطت علي الباب . واللي فتحت منال
ومن غير ما اشوف قدامي مسكتها من شعرها ونزلت فيها ضرب وجر في الشقه
وفردوس بتحاول تبعدها عني مفيش
لحد ما اتلموا الجيران من صوت الصراخ
وعرفت فردوس ان اختها هيا اللي بيخوني معاها جوزها وخليتها اعترفت قدامها
وجوزي وصل وحاول يمسكني صرخت في وشه
وخدت بعضي وطلعت علي بيت اهلي
واستمريت في بيت اهلي اربع اسابيع وكل يوم يتحايل علينا واحنا نرفض اني ارجع ليه
وبعتزر وعمال يبعت ناس لبابا وبابا يرفض وعايز يطلقني منه ..
ومحمود رافض يطلق
ويعد شهرين اتدخلت الناس مع قرايبي وقرايبه
وقرروا الصلح بينا ابويا واقف بالاخر بعد ما تعبوا معاه
وشرط عليهم ينقل بشقه بعيده عن المكان دي وكمان يكتب الشقه باسمي
وفعلا اشتري شقه وكتبها باسمي
وكانت بمحافظه تاني
ورجعتله وانا رافعه راسي وبرضوا مكنتش صافيه من ناحيته وهو كانت نفسه مكسوره من ناحيتي .
ومع مرور الوقت والايام حسيت انه خلاص رجع لعقله ومشي في الطريق الصحيح
بدأت اتصالح معاه وارجع لطبيعتي في العيشه معاه
وبكدا خلصت الحكايه
انتهت ..
تعليقات
إرسال تعليق
فضلا اترك تعليق من هنا