رواية اشواك الماضي الفصل الثالث و الرابع بقلم يارا عبدالعزيز
رواية اشواك الماضي الفصل الثالث و الرابع بقلم يارا عبدالعزيز
و نزل بقلم..... قوي على وش احمد
احمد بصله بصدمة و غضب و هو بيحط ايده على وشه
عاصم بغضب مفرط:- كل اللي بيحصل في اختك دا بسببك انت السبب اختك بتدفع تمن غلطك يا ريته كان خلص.... عليك ولا انه يعيشنا في العذاب.... دا كله
احمد :- هجيبها هجيبها منه حتى لو فين هجيبها متقلقش
عاصم بغضب مفرط و صوت عالي جدا:- بقالك شهر بتقول نفس الكلام شهر و اختك بتتعذب.... معاه اشد العذاب..... و احنا مش عارفين نعملها اي حاجه عشان مش عارفين نثبت انه هو اللي خطفها.... و مش عارفين مخبيها فين لا انا مبقتش قادر مش عارف المرة الجاية ايه اللى ممكن يحصل يمكن يبعت في مرة صورها و هي مقت لا لأ لأ هو اكيد مش هيعمل كدا
تميم كان قاعد جنب رؤى في الاوضة كان قاعد على الكنبة و مركز معاها و هي نايمة
تميم بثقة:- تعرفي حتى لو عرفوا مكانك مش هيقدروا ياخدوكي لانك مراتي و محدش بيخطف.... مراته هههههه أعلى ما في خيلهم يركبوه بقى
بدأت رؤى تفتح عينيها بألم.... بصيت لاقيته قاعد و بيبصلها ببرود ، قام وقف و هو بيروح ناحية غرفة الملابس
تميم :- حمد لله على السلامه يبنت الدمنهوري شدي حيلك بقى عشان ترجعي النفق تاني
رؤى بدأت تفتكر اللي حصل بخوف شديد حاولت تقوم بس معرفتش من الم... رجليها مكان لدغة.... الحية قامت بعد عناء و راحت عنده كانت هتقع.... بس مسكت في قميصه بصلها بخوف على حالتها و اتكلم بغضب
:- ايه اللي خلاكي تتزفتي.... و تقومي
شالها برفق و اتجه بيها ناحية السرير بصتله و الدموع ملياة عيونها و اتكلمت بخوف
:- مش عايزة اروح هناك تاني هناك المكان بيخوف
كملت و هي بتبص على رجليها:- حتى شوف فيه تعبان لدغني.... و انا كنت هموت.....
اللهم صل وسلم وبارك على سيدنا محمد وعلى اله وصحبه اجمعين 🤎
بصلها و لاول مرة تصعب عليه طريقة كلامها كانت عاملة شبه الأطفال ، طرد كل الأفكار دي من دماغه و حاطها على السرير
تميم:- لو كلتي كويس و خدتي ادويتك مش هوديكي النفق تاني
رؤى بدموع:- عايزة اروح عند بابا أو اقتلني.... و وديني عند ماما مش عايزة افضل بتعذب..... كدا انت ليه بتعمل فيا كدا انا لسه صغيرة و معملتش كل حاجه كنت بتمناها في حياتي
تميم بغضب :- مش عايز كتر كلام ولا وجع دماغ انتي فاهمة و يلا نامي انا هروح انام في الاوضة التانية
رؤى بغضب مفرط:- انت بني ادم معندكش قلب ولا ضمير واحد واطي....
راح عندها بغضب و مسك ايديها بعنف..... :- سيبت القلب و الضمير لا اخوكي يحلوة و اتظبطي و انتي بتتكلمي عشان موركيش اوطى.... ما عندي
بصتله بخوف و هو فضل تايه شوية في عيونها الرومادي قاطعهم صوت رنة موبايل تميم
تميم:- ايوا يا ابويا فيه حاجه ولا ايه
كامل :- امك تعبت و عايزه تشوفك تعال بسرعة
تميم بخوف شديد:- حاضر انا جاي مسافة السكة و هكون عندك .
بص لرؤى بتفكير:- قومي غيري اللي انتي لابسه دااا هنسافر الصعيد يلا
رؤى بصتله بأستغراب شالها بسرعة و دخلها غرفة الملابس:- يلاا بسرعة
قال كلامه و خرج من الاوضة بخوف شديد
رؤى بصتله بأستغراب و اتكلمت بهمس:- دا مجنون دا ولا ايه !!!!!!
بعد فترة من الوقت كان تميم طلع و شال رؤى و حاطها في العربية في الكرسي اللي قدام
رجب :- كامل بيه لو عرف هتبقى مصيبة يا تميم باشا
تميم :- مش هينفع اسيبها هنا من غيري المهم عندي دلوقتي امي لازم اروح اشوفها و كدا كدا ابويا و عمي كانوا هيعرفوا
دا كله و رؤى كانت بصله من شباك العربية بأستغراب و هي اول مرة تشوفه خايف كدا ، ركب العربية و ساقها.... بسرعة جنونية و دا كله تحت نظرات الخوف و الاستغراب منها
رؤى :- انا بخاف من السرعة دي ممكن تبطأ شوية
تميم من غير ما يبصلها ضغط على زرار في العربية و نيم الكرسي اللي قاعدة عليه:- نامي و اسكتي انا مش رايقلك
ضغطت على. الزرار و رجعت الكرسي زي ما كان و اتكلمت بتحدي:- مش عايزة انام انا
تميم بغضب مفرط و صوت عالي خلاها تتنفض:- ان شاء الله عنك ما اتزفتي....
وصل قنا كانت الساعة عشرة الصبح دخل لاقهم قاعدين ما عدا فاطمة كانت في كليتها
دخل تميم و وراه رؤى اللي كانت بتبص للمكان باستغراب
تميم راح عند امه اللي كانت قاعدة على الكنبة و جانبها كامل ، راح قعد قدام امه على الأرض
تميم:- اما مالك انتي كويسة
صباح:- امك بتدلع عملت كدا عشان تجيبك عشان طول الوقت قلقانة عليك
استغفر الله العظيم الذي لا اله الا هو الحي القيوم و اتوب اليه 🤎
تميم:- الكلام اللي بتقوله مرات عمي دا صح طب ليه يا اما كنتي بعتيلي لكن متخوفنيش بالطريقة دي
توحيدة قومته و خدته في حضنها بعمق:- توحشتك اوي يا ابن بطني عامل ايه يحبيبى
قبل ايديها بحب كبير و فضل حضنها بعمق و هو بيطلع كل حزنه جواه و بعدين راح سلم على ابوه و عمه
صباح بصيت لرؤى اللي واقفة بأستغراب:- دي مين دي ؟!!!
تميم خد نفس عميق:- دي مراتي
بصله الجميع بصدمة شديدة و بصوا لرؤى
كامل :- مرتك ازاي
تميم:- مراتي يا ابويا على سنة الله و رسوله
كامل :- انت اتجوزت امتي و بعدين دي صغيره اوي عليك دي تبقى مين
رؤى بتلقائية من غير ما تدرك هي عملت ايه:- انا اسمي رؤى رؤى عاصم الدمنهوري
غمض تميم عيونه بغضب اما الباقي فكأن لوح تلج وقع..... على كل واحد فيهم من صدمتهم باللي سمعوه و فجأة لاقى تميم قلم..... قوي بينزل على وشه من كامل
نورا :- فاطمة انتي متأكدة من اللي هتعمليه
فاطمة بخوف :- مقدميش حل غير كدا يا نورا انا لازم اشوفه و اوجهه و اخليه يكتب عليا انا كدا هضيع يا نورا
نورا:- طب اهدي حاولي ماشي و اتماسكي تحبي اطلع معاكي
فاطمة:- لا انا هطلع لوحدي لو حصلي حاجه قولي لامي و ابويا و تميم اني بحبهم اوي و انه غصبن عني
نورا بخوف:- انتي ليه بتقولي كدا !!!!
فاطمة:- انا هطلع ربنا يستر
طلعت فاطمة و خبطت على باب شقة ايمن
ايمن بنوم:- حاضر جاي اهو
فتح الباب و انصدم بفاطمة واقفة على الباب و الدموع ملياة عيونها
لا حول ولا قوة الا بالله العلي العظيم 🤎
ايمن بضيق و هو بينفخ و بيدخل الشقة:- ايه اللى جابك
فاطمة دخلت وراه و اتكلمت بغضب :- جاية عشان تشوف حل في المصيبة اللي انت حاطتني فيها
ايمن بغضب :- و انا قولتلك اللي عندي و يلا امشي بقى انا مش ناقص وجع دماغ على الصبح
فاطمة ببكاء:- حراام عليك انا عملتلك ايه عشان تعمل فيا كدا انا كل اللي بطلبه منك انك تكتب عليا و تعترف باللي في بطني انا مش عايزة غير كدا
ايمن بغضب مفرط:- يوااااه قولتلك مش عايز كلام كتير و انسي كل اللي انتي عايزاه داا عشان مش هيحصل
بصيت على تربيزة السفرة و بالتحديد على السكينة..... اللي موجوده على طبق الفاكهة اللي قدامها
فاطمة بتفكير :- يعني دا اخر كلام عندك
ايمن و هو بيديها ضهره:- اه و يلا بقى عايز انام
راحت جنب السفرة و خدت السكينة..... و و
يتبع.....
اشواك الماضي
خدت السكينة.... من على طبق الفاكهة و بدأت تتحرك ببطء ناحيته و كل دا و هو مديها ضهره بصلها و كان لسه هيتكلم بس قاطعه لما شاف السكينة..... في ايديها
ايمن بخوف :- انتي هتعملي ايه يا مجنونة انتي
بدأت تقرب منه اكتر و اتكلمت ببكاء:- هقتلك.....
ايمن بخوف شديد:- اهدي هتودي نفسك في داهية
فاطمة ببكاء:- انا كدا كدا ميتة..... اهلي استحالة يسبوني عايشة بعد كل اللي حصل خلاص انا ضيعت و كله بسببك بسببك انت
ايمن بخوف شديد:- شوفي انتي عايزيني اعمل ايه و انا هعمله بس سيبي السكينة..... اللي في ايديك دي
فاطمة:- روح اتقدملي و اتجوزني و اعترف باللي في بطني
ايمن :- حاضر حاضر بس ارمي اللي في ايديك دي
بصتله و هي مرعوبة بشدة و رميت السكينة.... من ايديها و قعدت على الأرض و هي منهارة و فضلت تبكي بشدة
راح ايمن بسرعة و شال السكينة.... من على الأرض
ايمن بغضب :- اطلعي برااااا و مش عايز اشوفك تاني هنااا يلا
فاطمة بصتله بصدمة :- انا عملتلك ايه عشان تعمل فيا كل دا
ايمن دخل اوضته و خرج شوية صور من الكومدينو و راح عندها في الصالة راح قعد جانبها و اتكلم ببرود و سخرية
:- شايفة دول بصي كدا
بصيت فاطمة للصور بصدمة شديدة و حطيت ايديها على بؤوها من صدمتها
ايمن:- لو مبطلتيش تيجي هنا و محلتيش عني الصور دي مش بس هتروح لابوكي و اخوكي لا اهل الصعيد كلهم هيشفوهم انا لحد دلوقتي مش عايز اذيكي.... بيهم بس بعد كدا مش هرحمك.....
بصيت لصور و خدتها منه و قطعتها بوجع شديد و عياط قوي جدا منها و خوف اقوى
ايمن ببأبتسامة سخرية :- عندي منهم كتير اوي براحتك
مسك ايديها بعنف.... و رمها.... برا الشقة و قفل الباب ، فضلت قاعدة في مكانها على السلم قدام باب الشقة و هي بتعيط بقوة حاولت تقوم بعد فترة و هي بتسند على الحيطة قامت و حسيت ان الدنيا كلها بتلف بيها لتفقد توازنها و وقعت.... مغشيا عليها.....
نورا كانت قاعدة في العربية مستنية فاطمة تنزل:- هي اتأخرت اوي كدا لييه انا هطلع اشوفها
طلعت العمارة و انصدمت اما لاقيت فاطمة واقعة.... على الأرض و مغمى عليها
******************
توحيدة جريت بسرعة وقفت قدام تميم اللي كانت خايفة عليه من كامل
توحيدة:- اهدى يا كامل هو معملش حاجه غلط دا اتجوزها على سنة الله و رسوله
كامل بغضب مفرط و صوت عالي ارعب الجميع و خصوصاً رؤى :- هو دا اللي بتفكري فيه !!!!!
انتي مسمعتيش هي قالت هي مين ابنك راح اتجوز و جاب بنت ملاهاش اي ذنب.... و خلاها مراته عشان ينتقم.... اوعي من وشي خليني اربيه.... ابنك محتاج رباية من اول و جديد
توحيدة ببكاء:- لا يا كامل ابوس... ايديك كفاية اللي هو فيه قوله حاجه يا فتحي
فتحي :- خلاص يا اخويا هنتكلم براحة معاه و هنفهم
كامل بغضب مفرط:- مش عايز اي حد يدخل بيني و بين ولدي انتوا فاهمين و اوعي يا توحيده من وشي بدل ما ارمي عليكي يمين الطلاج دلوقتي
تميم بهدوء شد ايد والدته
توحيدة بخوف :- تميم
تميم بصلها بهدوء و هو بيطمنها كمل و هو بيبص لكامل
تميم :- مكنش قدامي حل غير دا ناري.... مكنتش هتبرد غير و انا شايفهم بيتعذبوا.... قدام عيني هي اللي هتعذبهم..... و هتخليهم يحسوا بكل اللي حاطوني فيه
كامل بغضب مفرط:- هي مالها ذنبها... ايه البنية حرام عليك انا و امك رابينك عل اكديه تخطف.... بنات الناس و تعذبهم.... دي اصغر من اختك
تميم بدموع :- طب و انا كان ذنبي... ايه يحرق.... قلبي انا بموت... في اليوم مليون مرة بسببه
كامل :- ارمي عليها يمين الطلاج دلوقتي و رجعها لاهلها
تميم بجدية:- لا يا ابويا انا اسف مش هقدر اسمع كلامك في اللي بتقوله انا مش هطلقها و مش هرجعها لاهلها انا كنت جاي اطمن على امي و خلاص اطمنت عليها و هاخدها و امشي دلوقتي و مش معتب البيت دا غير و انا مبرد ناري.... منهم
كامل :- و انت مفكر اللي انت بتعمله دا صح طب فكر في انك عندك اخت خاف عليها من ان يحصل فيها اللي انت بتعمله في بنات الناس
تميم :- اللي انا بعمله هو الصح يا ابويا عن اذنكوا
مشي من قدامه و راح عند رؤى و بصلها بغضب :- يلااااااا
رؤى :- لا يا عمو متخلنيش اروح معاه دا بيعذبني.... و بيقعدني في النفق لحد اما التعبان لدغني.... و كنت هموت
بصلها الجميع بصدمة بس تميم بصلها بغضب مفرط مسك ايديها بغضب و اتكلم بصوت ارعبها:- بقولك يلاااا
سحبها.... وراه و كان لسه هيخرج من باب البيت بس وقفه صوت كامل العالي
كامل :- استنى عندك لو خرجت براا البيت دا لا انت ابني ولا اعرفك
بصله تميم بصدمة من اللي قاله كمل كامل كلامه بصرامة
:- مش هتطلقها بس هتفضلوا قاعدين هنا معانا لحد اما تطلقها انا عارف ان الجواز دا عمره ما هيستمر انما انك تاخدها معاك و تعيش معاها لوحدك دا اللي انا مش هسمح بيه
تميم بتنهيدة :- تمام
خد تميم رؤى و مشي من قدامهم و طلع اوضته ، دخل بيها الاوضة و رمها... على السرير بقوة
رؤى :- اااه
راح عندها و قعد جانبها و هو بيبصلها بغضب :- ابقي افتحي بوؤك بأي حاجة بتحصل بيني و بينك قدام حد تاني فاكرة النفق هعيشك في عذاب.... اكبر منه
رؤى بدموع :- خلاص انا اسفة و الله مش هقول حاجه تاني بس بلاش النفق ابوس.... ايديك
***************
فاطمة بدأت تفوق و كانت نورا نزلتها العربية بمساعدة بعض الناس اللي ساكنين في العمارة
نورا:- فاطمة انتي كويسة ايه اللى حصلك يحبيبتى
فاطمة ببكاء و هي بتفتكر:- انا خلاص ضيعت... يا نورا ضيعت.... اعمل ايه اموت.... نفسي عشان استريح ولا اعمل ايه
نورا:- يحبيبتى اهدي هنلاقي حل اكيد
فاطمة:- حل ايه دا هددني... بصور لينا مع بعض و قال انه هيفضحني.....
فضلت تضرب.... بأيديها على وشها و هي بتعيط بقوة
نورا:- يفاطمة اهدي هنلاقي حل و الله حاولي تهدي تعالي نروح نعقد في اي كافية و نفكر بس انتي اهدي بالله عليكي عشان متتعبيش
**************
في المساء في الصعيد رؤى كانت قاعدة على السرير و تميم كان قاعد جانبها و فارد رجليه و هي كانت بتبصله من غير ما هو يحس راحت بدون اي مقدمات شيلت السيجارة من بؤوه و رميتها ، تميم بصلها بغضب مفرط و هي بصتله بخوف
رؤى بطفولة:- انا اسفة بس الدخان بيتعبني
تميم:- خدتي ادويتك
رؤى:- لا عشان بتتاخد بعد الاكل و انا لسه ماكلتش
تميم قام من على السرير:- هنزل اقولهم يعملوا اكل و يطلعوه
كان لسه هيخرج و بيفتح الباب لاقى امه واقفة على الباب
توحيدة:- انا جبتلكوا اكل ماكلتوش من الصبح
تميم:- و تعبتي نفسك ليه بس كنتي ناديتي لحد يطلعه
توحيدة:- روح شوف فاطمة من ساعة ما جيت من الكلية و هي قافلة على نفسها باب اوضتها
تميم باستغراب:- ماشي
راح تميم عند فاطمة و توحيدة دخلت لرؤى
**************
تميم ببأبتسامة:- مجتيش سلمتي عليا يعني
فاطمة جريت عليه و حضنته بحب و عمق :- كنت تعبانة شوية انت وحشتني اوي يا ابيه
تميم باستغراب:- مالك يا فاطمة انتي كويسة
بدأت تشم ريحة البرفن بتاعته حطيت ايديها على بوؤها و هي حاسة انها عايزة تستفرغ بعدت عنه و دخلت الحمام بصلها تميم باستغراب شديد و دخل وراها ووو
يتبع.......
تكملة الروايه اضغط هناااااااا
الرواية كامله من البدايه من هنااااااا
تابعونا على قناة التليجرام من هنااااااا
تعليقات
إرسال تعليق
فضلا اترك تعليق من هنا