سكريبت القدر بقلم هاجر العفيفي 1-2-3
: يعني لو طلعت مبخلفش هتطلقني ؟؟
قالتها مريم بخوف شديد
سليم بصلها بغموض وسكت
مريم بزعل : مردتش ليه ياسليم انت بجد هتتخلى عني لو مخلفتش كده بسهوله
سليم : يعني أمي كان عندها حق لما قالت انك مبتخلفيش
مريم بعصبيه : لاء طبعا معندهاش حق هي بتقول كده على أساس ايه اصلا
سليم بغضب : يعني انتي عايزه تفهميني أن أمي بتكذب
مريم : مقولتش كده بس هي إزاى تروح تقول عليا أن مبخلفش وهي اصلا مجتش معايا عند الدكتوره
سليم بسخريه : يعني كلامها صحيح ولا لاء
مريم بتوتر : ل لاء لسه الدكتوره متأكدتش لما الإشعات تطلع
سليم : ماشى
مريم بدموع مكتومه : سليم انت مبقتش تحبني زي الاول
سليم بتنهيده : مريم احنا مبقناش مرا"هقين عشان نفضل نتكلم فى الحب والكلام الفارغ ده اعقلى كده فى حاجات أهم
مريم بصدمة : كلام فارغ ؟؟
سليم قال وهو خارج من الشقه : متستنينيش على الغداء مش هاجي بدرى
قال كلامه وقفل الباب وهي قعدت على الكرسي بحزن من تجاهله ليها وأسلوبه ال اتغير معاها ومبقاش زي الاول
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
ناهد : هو ده ال حصل من ساعة ماجت من عند الدكتوره وهي مش راضيه تقول لحد عملت ايه قولت اكيد طلع عندها العيب ومبتخلفش
حبيبه : مش يمكن ياماما لسه متعرفش النتيجه
ناهد بسخريه : ليه يعني هي هتعرف بعد سنه اسكتي انتي انا فاهمه شغل الخ"بث ده هي فاكره أن هسيب ابني يستناها لحد لما تخلف أو هيفضل جنبها هجوزه ست ستها وتجيبله طفل كده يفرح بيه
حبيبه بحزن : ليه كده ياماما انتي ترضيها عليا
ناهد : بعد الشر يابنتي هو احنا زيها ولا ايه كلمتي خطيبك النهارده
حبيبه : لاء
ناهد : ليه ؟
حبيبه بضيق : قولتلك ياماما انا مش مرتاحه ليه خالص معرفش عاجبكم في ايه
ناهد : خايبه مش طالعه لأمك ليه يابت اصبرى شويه وهتدعيلي
حبيبه اتكلمت فى سرها وقالت : ربنا يستر علينا منكم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
: أستاذ سليم الورق ده عايز يتمضي أستاذ سليم انت معايا
سليم بانتباه : نعم يا ميرنا خير
ميرنا : عايزه حضرتك تمضي على الورق ده
سليم مضي على الورق وهي أخدته وخرجت وهو كان بيفكر فى كلام مريم أن ممكن فعلا يتخلى عنها ولا لاء
اخد حاجته وخرج من المكتب وطلع على البيت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
مريم كانت بتتكلم فى التلفون مع الدكتوره
مريم بدموع وحزن : يعني كده خلاص يا دكتوره مفيش أمل
الدكتوره : انا قولتلك كل حاجه يامريم من غير لف ودوران
مريم بدموع ورجاء : طب بالله عليكي متقوليش لسليم الكلام ده كله
الدكتوره : عايزه تخبي عليه ؟
مريم بحزن : لسه مش عارفه بس انا مش عارفه هجيبهاله ازاى خايفه اقوله انا بفكر معرفوش خالص
الدكتوره : ال يريحك
قفلت معاها التلفون ولسه هتلف لقت سليم بيبصلها بسخريه
مريم بتوتر وبتمسح دموعها : سليم انت هنا من امتي ؟؟
سليم قرب منها بغضب وقال : عايزه تحرميني من الخلفه وكمان تخبي عليا ياجبر"وتك ياشيخه
مريم بدموع: لاء افهمني والله الموضوع أن
قاطعها سليم بغضب وقال : بس اسكتي مش عايز اسمعك تاني كفايه اوي لحد كده كفايه
مريم بخوف : يعني ايه ؟
سليم بجمود : يعني انتي طالق يامريم
مريم بصدمه :
يتبع
شكرا على التفاعل يابنات❤️ البارت الثاني
مريم بصدمه : طلقتني ياسليم
سليم بجمود : اكتر حاجه مبسامحش عليها انك تخد"عيني وانا مقدرش اعيش معاكي بعد كده
مريم بدموع : بس انت محاولتش حتي تفهمني أو بس تديني فرصه
سليم بغضب : عايزه تخبي عليا انك مبتخلفيش وتفضلي تخد"عيني وعايزاني اديكي فرصه
مريم بسخريه : يعني انت اصلا كنت متجوزني عشان الخلفه
يعني عمرك ماحبتني
سليم بعصبية : هو انتي فاكره الجواز كله كلام فارغ من ال فى دماغك انتي عمرك ماهتكوني مسؤوله ابدا احنا مننفعش مع بعض يامريم خلاص كده
مريم ضحكت بسخريه وقالت : صح انت عندك حق احنا مننفعش لبعض هو ده الوقت المناسب ال يحصل فيه كده احسن حاجه عملتها ياسليم بس أوعدك أنك بكره هتندم وبكره مش بعيد
قالت كلامها ودخلت أوضتها ولمت هدومها وكلمت أخوها عشان يجي ياخدها
سليم مكانش بيتكلم ونزل عند أمه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
ملك : رايح فين يا محمد ومالك متعصب ليه
محمد بغضب وهو بيلبس هدومه : الاستاذ فاكر أن ملهاش أهل ده انا هروح اسود عيشته
ملك باستغراب : قصدك على مين
محمد : سليم طلقها من غير ما يرجع ليا ماهو مش راجل عشان يعمل كده جوزتها لعيل
ملك بغيظ : طب وهي هتعمل ايه
محمد بعصبيه : هروح اجيبها وهاخد حقوقها كلها من عينه وهبهدله عشان بس يخلى دمعه تنزل من عنيها
ملك : وهتقعد فين أن شاء الله
محمد بغضب اكتر : ملك اطلعي من دماغي دلوقتي اختي هتقعد معايا هنا ومحدش هيقدر يقبلها
قال كلامه وخرج من البيت ورزع الباب
ملك بغضب : يعني هتيجي تقرفنى انا هنا مستحيل اوافق على المهزله
#هاجر_العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
ناهد بفرحه : لوووولووولى اخيرا هم وانزاح ها بقا اشوفلك عروسه ست ستها بسرعه عشان تجيب منها حتى العيل
حبيبه بزعل : انا معرفش انت عملت كده ازاى ياسليم مش دي مريم ال مكنتش تقدر تستغني عنها ايه ال حصل دلوقتي
ناهد خبطتها فى كتفها وقالت : اسكتي انتي مالكيش دعوه هو عمل الصح كله انتي عايزاه يفضل طول عمره مع واحده مبتخلفش وكمان دي نكديه
سليم بتنهيده : انا داخل ارتاح جوه شويه
قال كلامه ودخل الأوضه
حبيبه بصت لأمها بقلة حيله وفتحت الباب وطلعت عند مريم وخبطت على الباب ومريم فتحتلها وكانت ملامحها جامده وعاديه خالص
حبيبه بقلق : مريم انتي كويسه
مريم ببرود : اه طبعا جدا عامله ايه
حبيبه مسكتها من كتفها وقالت : مريم عيطي ياحبيبتى عشان خاطرى متعمليش فى نفسك كده
مريم ضحكت بسخريه وقالت : مش سليم ياحبيبه ال اعيط عشانه هو خلاص اخد كل حاجه معاه طاقتي ودموعي وفرحتي عارفه انا عمري ما حسيت أن بيحبني ابدا بقالنا 3 سنين انا ال بحاول فى العلاقه دي عشان تكمل إنما هو مكانش حتي بيعطيني كلمه حلوه يمكن ال حصل ده عشان اتحرر منه ووقتها يمكن الاقي ال بيحبني بجد ويحاول عشاني مش انا ال أحاول علشانه انا واثقه ياحبيبه أن ربنا هيعوضني اوي عشان انا عمرى ماظلمته وكنت مخلصه ليه بس هو فى اقل موقف باعني
حبيبه دموعها نزلت عليها بشده لأنها بتحبها جدا وبتعتبرها أختها اخدتها فى حضنها بحزن
مريم بحنان : هتوحشيني أوى ياحبيبه هرن عليكي دايما عشان اطمن عليكي
حبيبه هزت راسها بدموع
وفى الوقت ده الباب خبط وكان اخو مريم دخل أخدها فى حضنه
محمد بجمود : فين سليم
مريم بتوتر : معرفش يلا نمشي وهفهمك كل حاجه فى البيت
محمد بغضب : لسه خايفه عليه بعد ال عمله معاكي انطقى هو فين
حبيبه بخوف : هو تحت و
لسه هتكمل محمد نزل تحت عند سليم
مريم بخوف : قولتيله ليه ياحبيبة أن هو موجود
حبيبه : لازم سليم يعرف أن ليكي ضهر يامريم سليم اخويا بس انتي اختي برضوا ومسمحش يحصلك كده
مريم دموعها نزلت بحب وضمتها وقالت : ربنا يخليكي ليا يا حبيبه انتي احسن حاجه حصلتلى فى البيت ده
حبيبه بتوتر : هسألك سؤال وتقولى الصراحه
مريم : طبعا
حبيبه : انتي فعلا مبتخلفيش ؟؟
مريم بتوتر : ا اه
حبيبه بشك : بعرفك لما تكدبي قولى يامريم الحقيقه
مريم بحزن : سليم هو ال مبيخلفش ياحبيبه بس بالله عليكي متقوليش ليه
حبيبه بصدمه : وساكته وسايبه حقك كده وسيباهم يتكلموا عليكي
مريم بتنهيده : كفايه ان عرفت أن هو مبيحبنيش ال حصل ده ظهر حاجات كتير اوى مكنتش شيفاها
حبيبه بحزن : مريم انا
مريم برجاء : ده سر بيني وبينك ياحبيبه عشان خاطرى اوعديني
حبيبه بقلة حيله: حاضر يامريم أوعدك
وفجأه سمعوا صوت محمد وسليم بيتخا"نقوا
يتبع
شكرا على التفاعل يابنات❤️ البارت الثالث
محمد بغضب : فاكر أن مورهاش رجاله يدافعوا عنها
سليم بعصبية : أختك خدعتنى وكانت عايزه تخبي عليا أنها مبتخلفش ازاى اخليها معايا بعد كده
نزلت مريم وحبيبه فى الوقت ده
مريم بخوف على أخوها : محمد عشان خاطرى ممكن نمشي دلوقتي
محمد : حقوق اختي هتوصلها كلها بكره عشان ميكونش ليا تصرف تاني معاك
سليم : انت بتهددني
محمد : اعتبرها زي ماتعتبرها مش كفايه جوزتها لعيل زيك
ناهد بعصبيه : احترم نفسك ياجدع انت ابني مش عيل ماتشوف اختك المعيو"به قبل ما تتكلم
محمد اتعصب اكتر ولسه هيرد عليها مريم شدته وقالت بدموع : متردش يلا بقا عشان خاطرى
محمد بصله بتحذير تاني وقال : صدقني ياسليم هندمك على ال عملته فى أختي وهاخد كل حاجه تخصها من عينك ويا أنا يا أنت
قال كلامه وبصله باستحقار وشد مريم وشال شنطتها وخرجوا من البيت
حبيبه بصتلهم وضحكت بسخريه ودخلت اوضتها هي كمان
ناهد بغضب : ازاى تسكت ليه كده وحقوق ايه ال عايزينها يعني كمان العيب من عندها وعايزين ياخدوا حقوق يابجاحتهم ده انت
قاطعها سليم بعصبية : كفايه كفايه مش عايز اسمع حاجه تاني انا خارج
قال كلامه وخرج من البيت هو كمان
ناهد بغيظ : ماشى يابنت فردوس انا ال هقفلك انتي واخوكي
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
محمد بحنان : ادخلى ياحبيبتى ادخلى
مريم بإحراج : محمد انا ممكن اروح اي فندق عشان
قاطعها محمد بعصبيه : ايه الكلام الفارغ ده ايه شيفاني مش راجل ولا ايه عايزاني اسيبك تقعدي لوحدك وبيت اخوكي موجود
مريم حضنته بحب وقالت : شكرا على كل حاجه بتعملها عشانى انا بحبك اوى
محمد ضمها بحنان وقال : حبيبتى انا اهم حاجه عندي سعادتك انا مستعد أضحي بكل حاجه من اجلك انتي بنتي قبل ماتكوني أختي يامريم
ملك خرجت فى الوقت ده وقالت بسخريه : حمد الله على السلامه يامريم
مريم بإحراج : الله يسلمك ياملك عامله ايه
ملك : كنت كويسه بس معلش بقا تعب الحمل وكده مش هقدر اوضبلك اوضه ادخلى اعملى ال انتي عايزاه فيها
محمد بص لمراته بغضب بس سكت عشان مريم
مريم : تمام هي فين
ملك شاورت على الأوضه ومريم دخلت الأوضه وقفلت الباب
محمد مسك ايد ملك وقال : عارفه لو معاملتيش اختي كويس هيكون ليا تصرف تاني مش هيعجبك انتي فاهمه
ملك بتعب مصطنع : حاضر حاضر بس سيب ايدي يامحمد انا تعبانه
ساب ايديها ودخل أوضته وهو بينفخ من الغضب
ملك ابتسمت بخبث وقالت : هي لسه شافت حاجه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
عمر بصدمه : طلقتها ؟؟؟
سليم : أيوه
عمر : السبب ايه ؟؟
سليم : علشان مريم مبتخلفش
عمر بسخريه : تصدق انك قليل الاصل
سليم بغضب : عمر انا اخوك الكبير
عمر : هي مش دي الحقيقه يعني اول لما تعرف كده تسيبها ده بدل ماتهون عليها ؟
سليم : الموضوع مش كده بس
قاطعه عمر وقال : بس ايه افرض انك انت ال مبتخلفش هتعمل ايه بقا ؟ كانت هي هتسيبك وتمشي كنت انت برضوا هتفضل بالجبروت ده
سليم بحزن : انا بحب مريم اوى ياعمر وندمان على ال عملته
بس هي كانت ناويه تخبي عليا
عمر : وانت اتأكدت منين مايمكن كانت بتحاول تمهد الموضوع ليك والله تصدق أن احسن حاجه أن هي بعدت عنك على الأقل يمكن تلاقي حد يقدرها
سليم بخوف : قصدك ايه ؟؟
عمر بخبث : أنها هتتجوز بعد كده وتلاقي ال يقدر حبها
سليم : ده مستحيل
عمر : مين أنت عشان تتحكم فيها بعد لما تطلق هي حره خليك انت ماشى ورا كلام ماما سلام
سليم سكت لأن عارف ان كل كلام عمر صح
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
بعد مرور ثلاث شهور
محمد : يزن راجع من السفر النهارده
مريم بابتسامه باهته : يرجع بالسلامه
محمد ضمها وقال بحنان : ايه ياحبيبتى مالك
مريم : مفيش ياحبيبي
محمد : احم يزن كان عايز يطلب ايدك للجواز انا قولتله مش وقته قالي أن هو هينزل ويجرب ويشوف رأيك
مريم : بس العده لسه مخلصتش يامحمد
محمد : حبيبتى انا بقولك ال هو قاله لكن الرأي يرجع ليكي انتي فى الاخر وبراحتك العده فضلها يومين وهتخلص وهو هيكون جهز نفسه عايزه تقابليه ولا لاء ؟
مريم بتنهيده : موافقه يامحمد
(مريم وافقت بسرعه عشان هي عارفه أن مرات اخوها عايزه تخلص منها وكل شويه تقولها كلام يزعلها وكمان بتشغلها فى البيت بحجة أنها تعبانه من الحمل قررت أن هي تجرب لعل الخير يجي فيه)
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
بعد مرور أسبوع
حبيبه : سليم
سليم فاق من سرحانه وقال : نعم
حبيبه : انا راحه كتب كتاب
سليم باستغراب : بتاع مين
حبيبه بتوتر : مريم
سليم بعدم فهم : مريم مين ؟؟
حبيبه : احم مريم ياسليم
سليم بصدمه : نعمممم هي هتتجوز !!!!!
يتبع
ياترى ايه ال هيحصل وسليم هيعمل ايه ومن رايكم مريم عملت الصح ولا لاء ؟؟ تفاعل يابنات
تكملة الرواية هناااااااااااا
اللي عاوز الفصل الجديد يعمل انضمام من هنااااااااااا
تعليقات
إرسال تعليق
فضلا اترك تعليق من هنا