رواية خنت زوجي بالاتفاق مع حماتي. البارت 3-4-5-6الاخير
رواية خنت زوجي بالاتفاق مع حماتي. البارت 3-4-5-6الاخير
ولما سمعت خبط الباب المفاجئ
طلعت الباب ولما فتحت لقيت
قدامي يوسف سلفي
انا استغربت من وجوده في وقت زي دي وحماتي مش موجوده
وغير كدا كانت نظراته ليا حساها مش طبيعيه
بصتله وانا مستغربه وقلت
خير يا يوسف في حاجه
خد نفس وحسيته متوتر
يوسف .
لا مفيش يا مرات اخويا بس كنت عايز اسالك عن امي وافتكرت انها مع مراتي بره في السوق
قال الكلمتين دول وبعدها نزل تحت .وانا قفلت الباب ونزلت
وبنفس الوقت مكنتش مستريحه لنظرات يوسف ليا وحسيت ان جواه حاجه
مش عايز يقولها او يطلعه
بصراحه انا بدأت اندم اني طاوعت حماتي ودخلت في الخطه بتاعتها
وخوفي كمان ان يوسف بسبب هزارنا مع بعض بسبب خطة حماتي يفكرني بقرب منه او هو يفكر فيا بطريقه كدا او كدا
مش عارفه بصراحه بس للحظات حسيت دي في عيون يوسف من نظراته ليا .
شويه ورجعت حماتي من بره هيا وسلفتي
حماتي ندهت عليا عشان انزل اتغدا معاهم
نزلت انا تحت وملقتش مكان غير جمب يوسف سلفي
بصراحه اترددت كتير ومكنتش حابه اقعد جمب منه ع السفره
بس حماتي بصت عليا رحت قعدت
واحنا بنتغدا حسيت مني ضرتي عايزه تقولي حاجه
وبنفس الوقت
يوسف منزلش عيونه من عليا
حتي ومراته موجوده
خلصنا الغداء
ودخلت المطبخ اساعد مرات يوسف في غسيل المواعين
وبعد ما خلصنا ونضفنا البيت تحت
طلعت شقتي فوق
وانا بفتح باب شقتي لقيت ورقه تحت الباب
نزلت واخدت الورقه اللي تحت الباب
وبصيت فيها لقيت مكتوب
خلي بالك من حماتك عايزه تعملك مصيبه احترسي منها .
قريت الرساله دي والقلق سيطر عليا وكمان مش عارفه مين اللي بعت الرساله
وغرضه ايه من الكلام دي
مسكت الورقه وقطعتها ورميتها في الزباله
وفكرت ممكن تكون مني ضرتي وعايزه توقعني مع حماتي ..
قفلت الشقه ودخلت اوضتي عشان اطلع ملابس من دولابي واخد دش
دخلت الحمام وشغلت الميه
وانا بالحمام شفت خيال حد وراء الباب
بصراحه اتخضيت اووي وبسرعه جه في بالي يوسف سلفي
طب ازاي وانا قافله باب الشقه يعني محدش هيعرف يدخل
كملت الشور
ووببص تاني من الزجاج بتاع باب الحمام
لقيت ..😱😱
تتبع..
4
لما شفت خيال ماشي قدامي من وراء الزجاج بتاع الحمام .
جسمي كله اتكهرب واتخضيت ومكنتش عارفه هعمل اي
لو اتهجم عليا وانا بالوضع دي
استنيت شويه مردتش اطلع ومفيش شويه رجع تاني واتمشي قدامي .
قفلت مية الدش بسرعه
ولبست الهدوم اللي واخدها معايا بالحمام
وفتحت الباب بهدوء وجريت علي اوضة نومي
وقفلت الباب بالمفتاح عليا .
شويه وباب شقتي خبطت وسمعت صوت حماتي بتنادي عليا.
طلعت افتح الباب وأنا متوتره وكنت خايفه حتي
حماتي لما شافتني عرفتني من وشي .
حماتي ..
مالك يا بت وشك مخطوف كدا ليه
رديت ..
ااانا لا مفيش عادي
حماتي قطعت كلامي
. ايوه انتي طبعا . امال خيالك يعني
رديت .
لا مش بقصد بس بقولك شكلي كدا يعني
حماتي..
لا واضح في حاجه مالك احكيلي .لو حد مزعلك .اوعي تكوني كلمتي احمد جوزك وزعلك والا حاجه
رديت وانا ببتسم بتصنع..
لا بجد يا حماتي مفيش . انتي بس مهتمه بيا عشان كدا شايفاني متوتره
حماتي ..
هههههههه طيب يارب تكوني بخير .
المهم الاتفاق الا اتفقنا عليه بكره عايزه البنت مني تشوفك انتي ويوسف باوضة النوم فاهمه
بكره هنجهز الخطه تمام مش تنسي ..
حماتي نزلت تحت وسيبتني بحيره شديده
وخايفه من موضوع خطتها دي
ومبقيش عندي ثقه في حد
وموضوع زي دي خطير وخصوصا اني حاسه يوسف نظراته ليا متغيره ..
مش عارفه بقي بكره هيحصل اي .
شويه وافتكرت اني نسيت حاجه ليا تحت وقررت انزل اجيبها بعد ما مشيت حماتي من عندي
وانا نزاله بقي تحت بالصدفه
سمعت حماتي بتتكلم مع سلفتي مرات يوسف وبتقولها ؛
حماتي ..
تفتكري الشيخ بتاعك هيقدر يعملنا تعويذه نعرف نخليها توافق ويحصل اللي احنا عايزينه والا شيخ اي كلام
ردت عليها سلفتي وقالت .
عيب عليكي يا حماتي دي ماما مش بتثق في حد غيره وجربته في عرسان اخواتي البنات ووقعوا ومش خدوش غلوه
يعني من الاخر هو المطلوب دي
انا بسمع الكلام ومستغربه اووي ان في ناس لسه بتعمل السحر والكلام دي
بس المشكله اللي مش عارفها هما يقصدو مين بالكلام دي
معقول تكون مني ضرتي والا المصيبه اكون انا اللي عليها الكلام
زي ما حظرني اللي كاتب الورقه اللي لقيتها
بجد انا محتاره ومش عارف هعمل اي والا اي اللي مخبياه الايام ليا
رجعت بشويش لورا وطلعت فوق لشقتي تاني
تتبع...
5
لما طلعت شقتي فوق لقيت
احمد جوزي اتصل علي تليفوني
وانا تحت ومردتش عليه
مسكت الفون
وحاولت اتصل بيه اكتر من مره .
مردش عليا ولا عبرني.
غريبه اول مره احمد جوزي ميعبرنيش كدا ..
حسيت ان في حاجه بتحصل غلط او في حاجه غريبه انا مش فاهمه اي هيا..
..
شويه وتليفوني رن بصيت في التليفون لقيت رقم غريب اول
مره يرن عليا
في الأول كنت متردده ارد عليه بس لما لقيت الرنه طولت
رديت واول ما رديت لقيت واحده بتكلمني وبتقول
المتصل ..
خلي بالك من البنت وعمتها دول شياطين.
حاولت اعرف مين هيا مرضيتش تقولي هيا مين ولما سألتها تقصدي
مين بالبنت وعمتها
قالت ..
حماتك ومني وخصوصا مني ضرتك دي تبقي بنت اخو حماتك دول عقارب وناس مش سهله ..
انا وقفت
دقايق مصدومه من الا سمعته ومش فاهمه حاجه . انا اول مره اعرف ان مني تقرب لحماتي وكمان بنت اخوها . ازاي وحماتي بتحظرني منها معقوله يكون دي لعبه بتعملها عليا حماتي عشان أصدق كلامها ..
قفلت الخط مع اللي كانت بتتكلمني وقعدت علي السرير افكر في الحكايه دي لحد ما افتكرت كلمه قالتها حماتي لجوزي من سنه وانا بنتعشي
قالت ..
.الايام بتجري والعمر بيجري وبنت الغالي علي الباب
يومها جوزي قعد يضحك وغمزلها انا مكنتش فاهمه حاجه
يبقي اللي بيحصل دي من حماتي خطه عشان
تمشيني انا من البيت ويخلو الجو ليها هيا وبنت اخوها
وانا سارحه وبفكر سمعت خبط شديد علي باب شقتي
طلعت من اوضتي
اجري افتح الباب
واول ما فتحت الباب لقيت ..
تتبع..
6 اخير
خنت زوجي بالاتفاق مع حماتي
جريت عشان افتح الباب
واول ما فتحت الباب
لقيت ايد اتحطت علي وشي وكانت ايد يوسف سلفي .
وشدني علي اوضة النوم بتاعتي وانا بحاول وبعافر عشان ابعد ايده
من علي بوقي
دفعني علي السرير ومسك ايديا وحطها ورا ظهري وبيحاول يقطع هدومي عشان يغتصبني وانا بحاول
ومش قادره ضعيفه قدام قوته كراجل.
وانا بعافر لمحت
حماتي واقفه
قدام باب اوضتي والابتسامه العريضه علي وشها
وشايفه توسلاتي ليوسف
ومش قادره ابعده عني
وبعدها حماتي
اختفت فجأه
وقبل ما يوسف يقطع باقي هدومي فجأه بعد عني
ولقيته وقع علي الارض
وكان جوزي احمد وصل باللحظه ومسكه
وعمال يضرب فيه في وشه .
ويوسف جري منه وهرب لتحت .
واحمد راح وراه وقالي وهو بيجري اللبسي هدومك .
شويه ورجع احمد
وكان في قمة الغضب والضيق
وبصلي وقال ..
احمد.
هو اللي بيحصل . انا كنت شايف امي واقفه بتتفرج وشافتني وجريت لتحت
انا كنت بعيط ومش قادره اتكلم ومرعوبه من الخضه
ضمني احمد بحضنه وفضل يطبطب عليا
لحد ما جمعت قوايا وحكيت الحكايه ليه كلها .
وفهمته أمه طلبت مني ايه لحد ما يوسف اتهجم عليا ..
اليوم دي . حماتي راحت عند اخوها واحمد جوزي اشتري شقه وسكنت فيها لوحدي
وكمان طلق مني عشان اتفقت هيا وحماتي عليا يطلعوني من البيت
ولحد الوقت دي احمد جوزي
رافض يكلم مراته وقطع اخوه يوسف نهائي
وبعد فتره عرفنا ان حماتي كانت عايزه احمد يطلقني ويكتب لمني المحلات بتاعته عشان محدش يورث فيه غيرها ...
تمت .
تعليقات
إرسال تعليق
فضلا اترك تعليق من هنا