رواية فتاه سيئة السمعه كامله البارت 4-5-6 كامله
رواية فتاه سيئة السمعه كامله البارت 4-5-6 كامله
نزلت وروحت قعدت في كافية امام الشركة مباشرة وانتظرت اشوفهم هينزلوا امتي ، اتفاجئت بسمسم نزل بعد عشر دقايق وترك عبد المنعم و ايناس لوحدهم فوق !!!
كنت هتجنن !!! ليه ينزل سمسم ويسيبهم لوحدهم فوق !!! اكيد بيعملوا حاجة وحشة !!!
طيب اتجنن واطلع اشوف بيعملوا ايه ؟؟ اكيد لو رجعتلهم استاذ عبد المنعم هيسألني عن سبب رجوعي وهتبقي مشكلة كبيرة وانا لسه في بدايات الشغل وممكن يكتب تقرير عني يتسبب في ترك العمل .
وبعد حوالي ما يقرب من نص ساعة تفكير وتردد قررت اني لازم اطلع اشوف واعرف اللي بيحصل فوق .
قومت وخرجت من الكافية ولسه هبدأ اتجهة ناحية مبني الشركة شوفتهم نازلين وخارجين هما الاتنين منه .
وقفت استني عبد المنعم يسيبها ويمشي علشان اروح اسألها كانوا بيعملوا ايه فوق لكن المشكلة انها ركبت معاه عربيته ومشيوا !!!
كده بقي بدأت اتأكد أن فيه حاجة غلط بينهم .
لكن انا من كلامي معاها حسيت انها انسانة محترمة ومش بتقبل الغلط . ليه تقبل بالغلط مع عبد المنعم تحديدا !!! ولا يكون في سر بينهم مفيش حد يعرفه بينهم ؟؟ حسيت اني مش فاهم حاجة ابدا .
انتظرت حوالي ساعة واتصلت بايناس .
: مساء الخير يا ايناس رجعتي البيت ولا لسه ؟
: مساء النور ايوه روحت البيت من بدري .
: قعدتوا في الشركة كتير بعد ما مشيت ؟
: لا مش كتير .
: قد ايه يعني ؟
: هو تحقيق ولا ايه يا عز ؟
: لأ طبعا مش تحقيق ، كنت بطمن عليكي بس مش اكتر .
: شكرا يا عز علي اهتمامك .
: كنتوا بتعملوا ايه في الشركة ؟
: تاني يا عز ؟؟!!!
: في اي ؟؟
: انا مش في تحقيق يا عز علشان تسألني كل الاسئلة دي .
: طيب انا اسف اوي ، مع السلامه .
قفلت معاه و انا متضايق اوي لطريقة كلامها معايا ولأني حسيت انها بتحاول تخبي حاجة عني .
بعد حوالي ساعة ايناس كلمتني واعتذرت : انا اسفة يا عز ، انا مش اقصد اضايقك ولا احرجك لكن متزعلش مني اسئلتك استفزتني اوي .
: انا كمان اسف اني اتدخلت في حياتك زيادة عن اللزوم .
: بردو مش عاوزاك تقول كده ، احنا اصحاب واتفقنا نحكي لبعض كل حاجة يعني مفيش اسرار ، كنت بتسأل عن ايه بقي ؟؟
: لا خلاص مش هسأل تاني .
: طيب انا هقولك احنا قعدنا انا واستاذ عبد المنعم و سمسم نص ساعة بعد الشغل كان فيه شوية مشاكل في بعض الورق خلصناها ومشينا .
: وسمسم قعد معاكم لحد ما مشيتوا ؟
: انت بتسأل اسئلة مستفزة اوي .
: علشان انا قعدت علي الكافية استناكي وشوفت سمسم نزل بعد عشر دقايق وبعده بنص ساعة نزلتوا انتم الانتين !!
: انت بتراقبني ؟؟
: لأ مش براقبك طبعا لكن كنت عاوز اطمن عليكي .
: طيب انا هصدقك وهفترض انك فعلا كنت عاوز تطمن عليا لكن بعد اذنك مش تتكرر تاني لأني مش بحب كده .
: اوكي يا ايناس انا اسف .
: سمسم نزل لأنه كان مستعجل و عنده مشوار بعد الشغل و لما خلصنا شغلنا نزلت انا واستاذ عبد المنعم وهو وصلني لحد البيت .
: واضح ان استاذ عبد المنعم جنتل مان اوي مش رضي يسيبك تروحي. لوحدك .
: استاذ عبد المنعم يعتبر اخونا الكبير .
: مفهوم مفهوم .
: البارح كنت انا بحكي عن نفسي وانت بتسمع ، النهارده دوري انا اسمع وانت تحكي عن نفسك .
: لما تكملي انتي الاول يا ايناس وبعدبن احكيلك عن نفسي .
: كنا وصلنا لحد فين يا عز ؟
:وصلنا لحد لما جدتك ماتت وابهاب اتغيرت معاملته معاكي وهددك بالطلاق لو مش بقيتي فرفوشة علي حسب تعبيره وشربتي معاه هو واصحابه مخدرات .
: ايوه صح .
: وبعدين كملي .
: اضطريت بعدها علشان مش ليا حد في الدنيا غيره اني اسمع كلامه واشرب معاهم مخدرات .
: وبقيتي مدمنة ؟
: لأ مش لدرجة الادمان ولكن لما كنت بشرب معاهم كنت بحس اني في دنيا تانية وشبه غايبة عن الوعي .
: وبعدين ؟
: استمرينا علي الحال ده اسبوع او اسبوعين واصبحت حاجة عادية وفي يوم ايهاب طلب مني اني ارقصلهم !!! قومت ورقصت و انا شبه مغيبة ، لكن لما صحيت تاني يوم وافتكرت زعلت من نفسي اوي وحسيت اني مش متجوزة راجل .
: اكيد طبعا معاكي حق لكن المهم انتي عملتي ايه بعدها ؟
: حسيت ان مفيش أمان وان المفروض الانسان اللي يصوني واعيش في حمايته هو نفسه مصدر الخطر عليا .
: اكيد طلبتي منه الطلاق ؟؟
: لا ، كنت لازم ارتب نفسي الاول واشوف هعيش فين وازاي ، استمريت في الحياة معاه حوالي اسبوعين وبعدها طلبت منه الطلاق .
: وخلال الاسبوعين كنتي بتشربي معاهم مخدرات وترقصي له هو واصحابه ؟؟
: للاسف ايوه كنت مضطره .
: وبعدين ؟؟
: خلال الاسبوعين حصل مرة موقف غريب اوي .
: حصل ايه ؟
: رجعت من الشغل في يوم بدري ساعتين ، اتفاجئت بأن ايهاب في البيت وقاعد بيشرب مخدرات مع صبري صحبه .
: وباقي اصحابهم معاهم ؟
: لا كانوا هما الاتنين بس لوحدهم ، ولما دخلت الشقة خرج ايهاب من الاوضة واندهش لما شافني وسألني رجعتي بدري ليه ؟ قولتله حسيت اني تعبانة شوية ورجعت . فقالي الف سلامة عليكي تحبي ننزل نكشف عند الدكتور ؟ قولتله لأ مفيش داعي بعدها شوفت صبري صحبه فأندهشت وسألته انت اصحابك هنا دلوقتي بيعملوا ايه قالي ده صبري لوحده هنا كان معاه سيجارة وطلع يشربها معايا !!!
الاغرب ان ايهاب دخل اوضته وقعد يتكلم مع صبري وكان واضح انهم بيتخانقوا وبعدها ايهاب شوفته نازل لوحده !!!
واتفاجئت بصبري جاي علي اوضتي وانا بغير هدومي !!!
الحلقة ٥
الاغرب ان ايهاب دخل اوضته وقعد يتكلم مع صبري وكان واضح انهم بيتخانقوا وبعدها ايهاب شوفته نازل لوحده !!!
واتفاجئت بصبري جاي علي اوضتي وانا بغير هدومي !!!
: وبعدين حصل ايه ؟
: قفلت الباب في وشه لكنه حاول يفتحه بالقوة وانا نجحت اني اقفل الباب بالترباس والمفتاح ، اتفاجئت بصبري بيقولي من ورا الباب ( افتحي متخافيش ايهاب نفسه عارف ومش هيعمل حاجة )
فهمت من كلامه ان ايهاب كان عاوز يبيع شرفه وشرفي مقابل الفلوس !!!
ايهاب كان ممكن يعمل اي حاجة مقابل الفلوس الا انه يشتغل ويكسب بالحلال !!! بمجرد ما رجع ايهاب ودخل الشقة صبري قاله ( الهانم قفلت باب الاوضة من جوه ). بعدها صحبه صبري نزل وسألت ايهاب انت كنت عارف صحبك ده عايز ايه ؟ رد وقالي احنا علينا فلوس كتير اوي وممكن ادخل السجن وصبري قالي انه هيساعدنا ويسدد الفلوس عننا فكنت عاوزك يا حبيبتي تبقي لطيفة معاه شوية علشان يساعدنا ، بعد الكلام ده كنت لازم اطلب منه الطلاق فورا .
: وطلقك بسهولة ؟
: بالعكس ، ده كان متمسك بيا جدا ولما صممت علي طلب الطلاق اكتشفت الكارثة اللي كنت مش عاملة حسابها .
: ايه هي الكارثة دي ؟
: الكارثة انه كان مصورني في اوضة النوم وهددني انه هينشرها !!!
: ايه السفالة دي !!! معقول يا ايناس كنتي مغشوشة في انسان سافل بالشكل ده !!
: للاسف ايوه .
: وعملتي ايه في المصيبة دي ؟
: كان مفيش حل قدامي الا اني امشي من البيت فورا .
: وروحتي فين ؟
: روحت قسم الشرطة وقدمت فيه بلاغ وقولت كل اللي حصل من اول ما كان بيجيب اصحابه البيت لحد تهديده ليا بالفيديوهات .
: كويس جدا انك عملتي كده ، وبعدين ايه اللي حصل ؟
: للأسف كان مفيش اثبات علي كلامي وطلع براءة لكن علي الاقل قدرت اضمن انه مش هيقدر ينشر الفيديوهات .
: ورضي يطلقك بعدها ؟
: للأسف بردو مش رضي يطلقني فأضطريت اني اخلع نفسي منه .
: اهم حاجة انك قدرتي تبعدي عن الانسان ده ويخرجك من حياتك .
: ايوه لكن هو مش سكت لحد هنا وبدأ يسوأ سمعتي ويتكلم عليا .
: وعملتي ايه ؟
: للأسف علشان انا مش ليا حد مش عرفت اعمل معاه حاجة .
: كنتي المفروض تلجأي لعمك او خالك او اي حد من قرايبك .
: قرايبي مل واحد في حاله ومفيش اختلاط بيني وبينهم .
: كملي يا ايناس .
: المشكلة ان كلام الناس بدأ يطاردني خصوصا اني عايشة لوحدي ، واستمر نفس الحال علي كده لحد دلوقتي .
: ومش فكرتي انك تتجوزي تاني ؟
: لا ، مش عاوزة ، انا خلاص اتعقدت من الجواز .
: لكن انتي شابة وجميلة و دمك خفيف معقول مفيش حد اتقدملك علشان يتجوزك طول الفترة دي ؟
: اتقدملي كتير .
: وكنتي بترفضيهم علطول ؟
: الصراحة في منهم كان مش مناسب فكنت برفض من البداية .
: معني كلامك ان في ناس كانوا مناسبين ومش اترفضوا من البداية ؟
: ايوه فعلا .
: يعني اتخطبتي مثلا ؟
: لأ مش خطوبة بمعني الكلمة لكن تقدر تقول فترة تجربة مش رسمية .
: وبعدين ؟
: كانت دايما التجربة بتفشل في النهاية .
: وايه السبب ؟
: لأن اغلبهم بيكونوا طمعانين فيا .
: ويطمعوا فيكي ليه ؟ انتي علي ما اعتقد مش معاكي فلوس كتير للدرجة اللي تطمع فيكي الناس ؟
: كانوا بيطمعوا فيا انا يا عز .
: ازاي يعني مش فاهم .
ضحكت ايناس بصوت عالي اوي : لأ انت كده اكيد بتهزر .
: ليه مش فاهم .
: يا عز بيطمعوا فيا انا كست شابة وجميلة ومطلقة وعايشة لوحدي يعني اكيد لازم رجالة كتير تطمع فيا .
: ااااه ، فهمت .
: الحمد لله .
: وحصل معاهم ايه ؟
: تفاصيل كتيرة اوي لكن مش مهمة .
: رغم اني كنت عاوز اعرف التفاصيل لكن زي ما تحبي .
: هبقي احكيلك بعدين لو حبيت .
: ارتبطتي بحد من الشغل ؟؟
سكتت ايناس فترة طويلة واتنهدت وبعدها قالت : الصراحة ايوة .
: مين ؟
: لازم تعرف يعني ؟
: لو مش يضايقك .
: حاضر ، هحكيلك .
: قوليلي مين الاول .
: تتوقع انت مين ؟؟
: اتوقع طارق .
تعجبت ايناس وسألت : ليه طارق تحديدا ؟
: مجرد توقع مش اكتر .
: فعلا طارق هو اللي كنت هرتبط به لكن الارتباط فشل .
: قبل ما اعرف فشل ليه عايز اعرف علاقتكم دلوقتي شكلها ايه ؟
: زملاء عمل مش اكتر .
: يعني هو بالنسبالك ..
: زميل مش اكتر يا عز .
: وانتي بالنسبة له ايه ؟
: ده شئ مش يهمني ، كل واحد حر في مشاعره وتفكيره .
: انا اعتقد أنه لسه بيفكر فيكي .
: بردو شئ مش يهمني .
: طيب كملي علاقتكم فشلت ليه ؟
: من الأخر كان طمعان فيا زي غيره .
: لا انا كده محتاج تفاصيل .
: بيتهيألي التفاصيل مش هتفيد كتير .
: معلش اسمحيلي عاوز اعرف التفاصيل لو مش يضايقك .
: عاوز تعرف ايه ؟
: من اول البداية امتي وازاي والنهاية امتي وازاي بكل التفاصيل .
ضحكت ايناس وقالت : ده انت رخم بقي !!!
ضحكت وقولتلها : فعلا انا رخم اوي اوووووي .
: البداية كان من حوالي سنة ونص وكان مر علي طلاقي اقل من سنتين ، طارق كان لسه جاي يشتغل جديد في الشركة واتعرفنا علي بعض زي ما حصل معاك بالظبط .
ضحكت وقواتلها : دي بداية مبشرة بالخير ، يا ريت ما كنت سألتك .
ضحكت ايناس وقالت : لأ متخافش انت حاجة وهو حاجة تانية خالص .
: مش فاهم .
: لما اتعرفنا انا وطارق حصل اعجاب من اللحظة الاولي .
: اعجاب من ناحيتك ولا من ناحيته ؟
: من ناحيتنا احنا الاتنين ، هو اعجب بيا كشابة جميلة و لطيفة وكتير يتمناها و انا اعجبت به لأنه شاب وسيم طويل دمه خفيف وسننا مناسب لبعض .
: طيب لما كان في توافق اوي كده من البداية ليه مش كملتوا مع بعض .
: ما انا قولتلك علشان كان طمعان فيا .وفي سبب تاني انت ناسيه .
: ايه هو ؟
: انا مطلقة انما هو مش اتجوز قبل كده يعني صعب او مستحيل اهله يوافقوا ، وفعلا لما حاصرته وهددته بانهاء العلاقة قالي ان اهله رفضوا لما عرفوا أني مطلقة وقالوله لازم يتجوز بنت مش اتجوزت قبل كده .
: طبعا ده تخلف لكن ما علينا كملي .
: بعد كده كنت فاكرة ان طارق حبني بجد ، لكنه لما لقاني مطلقة وعايشة لوحدي ومش ليا حد كان طمعان انه يقضيها معايا وينبسط بدون جواز او خطوبة او اي التزامات .
: و حصل ايه ؟
: في البداية كنا بنخرج من الشغل نتغدا مع بعض في اي مكان بعدها نتفسح مع بعض لحد بالليل لما كان يوصلني لحد البيت ، وكل يوم كانت الحواجز بينا بتترفع تتدريجيا بدأت بالاعتراف بالاعجاب بعدها الخروج مع بعض بعدها مسك الايد و انا بالنسبالي كنت بقول كل ده علشان نقرب من بعض اكتر مادام مش وصلنا للغلط ومادام نيتنا الجواز .
: ده كان بالنسبالك انتي يا ايناس اننا هو كان بيفكر ان انتي سهلة .
: بالظبط هو ده فعلا كان تفكيره .
: ووصلتوا لحد فين مع رفع الحواجز دي ؟؟
: وصلنا ان في يوم رجعنا متأخر شوية وكانت الساعة بعد ١١ بالليل وطارق وصلني لحد البيت واتفاجئت به بيقولي انه محتاج يدخل حمام ضروري جدا ، الصراحة طلبه كان غريب وانا اتحرجت ارفض فاضطريت اني اوافق .
: وطلع معاكي شقتك ؟
: ايوه .
: كملي حصل ايه ؟
: طلعت انا وهو وكنت في قمة الاحراج وفي نفس الوقت الخوف ان حد من الجيران يشوفنا .
: ودخلتوا مع بعض بدون ما حد يشوفكم ؟
: ايوه دخلنا الشقة وبمجرد ما قفلنا الباب ....
الحلقة ٦
: طلعت انا وهو وكنت في قمة الاحراج وفي نفس الوقت الخوف ان حد من الجيران يشوفنا .
: ودخلتوا مع بعض بدون ما حد يشوفكم ؟
: ايوه دخلنا الشقة وبمجرد ما قفلنا الباب دخل طارق الحمام ولما خرج قالي شقتك جميلة اوي ، انتي مش هتشربيني حاجة ولا انتي بخيلة ؟ رديت قولتله انه لازم ينزل حالا لأنه مش يصح انه يكون معايا وانا مطلقة وعايشة لوحدي بعدها اتفاجئت به بيقرب مني وبيحاول معايا حاولت اصده بهدوء لكن محاولاته معايا زادت لدرجة انه بدأ يبقي عنيف ويحاول يمسكني بالقوة .
: وعملتي ايه ؟
: كان لازم أعلي صوتي واصده بقوة علشان يسكت وينزل وفعلا بعد ما عليت صوتي وصديته بقوة نزل وكان غضبان مني جدا ، وبعد نص ساعة اتصل بيا و كان زعلان جدا وقالي انه كان فاكر اني بحبه واني منتظره الوقت اللي نكون فيه قريبين من بعض !!! وحاول انه يضحك عليا بكلامه المعسول ولكن انا فهمته وقولتله انه مش يفكر انه يعمل كده تاني الا لما نتجوز .
: برافو عليكي انك وقفتيه عند حده .
: ايوه لكن بعد كده هو لما حس ان مفيش مني فايدة في اللي هو عاوزه بعد عني و علاقتنا قلت اوي بعدها وبقي مفيش بينا كلام الا في حدود الشغل .
: واتتي لسه بتحبيه ؟
: انا مش حبيته اصلا كل الموضوع كان اعجاب وتفكير في الارتباط لكن مش وصل لدرجة الحب .
: لكن انا لاحظت انه اتضايق لما كنا بنشتغل انا وانتي مع بعض طول اليوم !! حتي لاحظت انه استأذنك واخدك كلمك علي جنب بره المكتب !!!
: هو من فترة للتانية بيحاول يحسسني انه لسه بيفكر فيا وعاوزنا نرجع تاني .
: وانتي ردك عليه ايه ؟
: يهمك تعرف ؟
: ده لو مش يضايقك .
: ممكن اعرف السبب ؟
: من باب العلم بالشئ مش اكتر .
: ممكن اسألك سؤال وتجاوبني بصراحة يا عز ؟
: اكيد طبعا .
: انت مهتم تعرف كل حاجة عني ليه ؟
: زي ما قولتلك لما لاحظت الهم والحزن اللي كان واضح من كلامك وملامحك واحنا بنتكلم حبيت اعرف السبب يمكن اقدر اساعدك .
: وانت مهتم تساعدني ليه ؟
: عادي .
: قولي بصراحة انت معجب بيا يا عز ؟
لما قالتلي كده كانت مفاجأة غير متوقعة و اتلخبطت في الكلام لكن قولتلها علطول اي حد يعرفك لازم يعجب بيكي .
ضحكت ايناس وقالتلي : انا مش بتكلم عن اي حد ، انا بتكلم عنك انت .
: اكيد طبعا معجب بيكي .
: ممكن افهم ده اعجاب بشكلي ولا شخصيتي ولا طمعان فيا زي غيرك ؟
: اكيد مش طمعان فيكي .
: طيب انا حكيت عن نفسي كتير يا عز ممكن بقي تحكي عن نفسك ؟
: طيب ممكن بكره لأن الساعة قربت من ٣ قرب الفجر وكده ممكن نتأخر بكره تاني ، وانتي شوفتي استاذ عبد المنعم عمل ايه .
: ماشي يا عز تصبح علي خير .
تاني يوم صحيت متأخر لكن مش كتير ولبست ونزلت بسرعة بدون فطار حتي علشان مش اتأخر ، وفعلا وصلت الشغل في ميعادي .
طول اليوم وانا شغال كنت بفكر في كلام ايماس بالليل وكل ما اشوف طارق افتكر كلامها عن انهم كانوا مرتبطين !!!
معرفش ليه كنت مهتم بايناس الاهتمام ده كله ، وفي نفس الوقت كل ما افتكر كلامها عن طارق اتضايق منه اكتر .
معرفش دي بدايات حب او غيرة ولا مجرد تعاطف مع ايناس بسبب ظروفها الصعبة والمعقدة اللي عاشتها !!!
طارق شعر بأن معاملتي معاه متغيرة وبدأت احاول استفزه متعمد واتكلم واضحك مع ايناس كتير اكتر من العادي .
اتفاجئت بطارق انتهز فرصة غياب ايناس بره المكتب وقرب مني وقالي : اقول مبروك ولا لسه ؟
: مبروك علي ايه مش فاهم !!
: اصل شايف انت وصحبتك بقيتوا سمن علي عسل ، نبعت نجيب المأذون ولا هتضربوا ورقتين عرفي ؟؟
: لا يا طارق انا مش اسمحلك تتكلم كده عن زميلتنا .
: انت هتشتغلني يا عز ؟؟ وبعدين انت لسه معرفتش زميلتنا دي لحد دلوقت .
: مين قالك !! انا عرفت شخصية كل واحد هنا في المكتب .
: ده بيتهيألك يا عز ، ده انت باين عليك غلبان اوي .
: ماشي يا طارق غلبان غلبان ، متشغلش نفسك بيا .
: طيب انا هقولك علشان ابقي خلصت ضميري من ناحيتك .
: هتقول ايه ؟
: هقولك الحقيقة ان ايناس دي ((شمال )) بس مش مع اي حد .
: طيب كفاية بعد اذنك الكلام ده عيب .
ضحك طارق وقالي : تصدق انت صعبان عليا اوي .
: ليه ؟؟!!
: دي باين عليها اشتغلتك وقعدت تحكيلك علي جوزها اللي كان عاوز يبيعها لأصحابه و حكاية طلاقها منه وبعد طلاقها طمع الناس فيها وقد ايه كانت هي محافظة علي نفسها ورفضت تتجاوب مع اي حد !! صح كده ؟؟
استغربت جدا انه تقريبا عارف كل الحكاية اللي هي قالتها ليا !!!!!
طارق لما لاحظ علامات التعجب عليا ضحك وقالي : يبقي زي ما انا توقعت حكيت لك القصص والافلام الحامضة بتاعتها دي .
: وهو كلامها ده مش حقيقي ؟؟
: حكاياتها دي كلها الحقيقة فيها مش تزيد عن ٢٠% والباقي كله كدب .
: انت بتتكلم جد يا طارق ؟؟
: بص يا عز احنا شباب زي بعض وانت لك عندي النصيحة ، لو اتنصحت لنفسك مش اتنصحت بردو لنفسك ، لكن ضميري هيكون مرتاح من ناحيتك علشان قولتلك الحقيقة .
: طيب انا هسألك سؤال يا طارق وتقولي الحقيقة وحياة اغلي حاجة عندك .
: أسأل يا عز .
: انت مش حاولت تعمل معاها علاقة وهي صدتك ؟
ضحك طارق بصوت عال اوي ، وكانت ايناس داخلة المكتب ، فسكتنا وغيرنا كلامنا واتكلمنا في موضوع تاني .
وقبل خروجنا من الشغل قولت لطارق : مش هتجاوبني علي سؤالي ؟
: تعالي بعد الشغل نشرب اتنين شاي واحكيلك كل حاجة .
: ماشي هستناك واحنا خارجين .
وفعلا خرجنا من الشغل وقعدنا علي كافية جنب الشغل وبدأ طارق يقولي : انت سألتني اذا كنت عملت معاها علاقة ولا لا ليه ؟
: طيب انت كنت مرتبط بيها ؟
: ايوه .
: وروحت عندها البيت .
: حصل .
: روحت هناك ليه يا طارق وايه اللي حصل ؟
: قولي ايناس قالتلك ايه وانا هقولك الكلام الحقيقي والكلام الكدب ؟
: لا يا طارق انت احكي وانا هعرف مين منكم صادق ومين كداب .
: ماشي يا عز ، انا لما اشتغلت في الشركة دي من حوالي سنتين انبهرت بجمال ايناس و دمها الخفيف بصراحة اعجبت بيها جدا وبدأت اقرب منها اوي وفعلا قربنا من بعض وكنا بنخرج ونتفسح كتير تقريبا كل يوم وفي يوم كنا راجعين وبوصلها لبيتها وعند بيتها قالت انها تعبانة جدا وعندها مغص شديد ، قولتلها نرجع ونروح لأي دكتور قالتلي لا مفيش داعي لكن طلبت مني أساعدها تطلع شقتها ، وفعلا نزلت سندتها لحد ما دخلتها الاسانسير وطلعتها لحد ما دخلتها شقتها فهي عزمت عليا ادخل اشرب حاجة .
: وبعدين ؟
: دخلت الشقة وقعدنا و كانت هي بدأت تتحسن كتير وبعدها قامت تعمل قهوة و بعد ما قدمت لي القهوة دخلت اوضة واتأخرت كتير وفجأة لقيتها ....
تعليقات
إرسال تعليق
فضلا اترك تعليق من هنا