رواية فتاه سيئة السمعه كامله البارت 7-8-9 كامله

 رواية فتاه سيئة السمعه كامله البارت 7-8-9 كامله 

رواية فتاه سيئة السمعه كامله البارت 7-8-9 كامله 

الحلقة ٧

: دخلت الشقة وقعدنا و كانت هي  بدأت تتحسن كتير وبعدها قامت تعمل قهوة و بعد ما قدمت لي القهوة دخلت اوضة واتأخرت كتير وفجأة لقيتهاخارجة بملابس نوم مغرية جدا .

: ايناس ؟؟؟ 

: ايوه ، مستغرب كده ليه ؟!!

: انت بتتكلم بجد يا طارق  ؟

: ايوه ، اومال بهزر معاك !!

: طيب كمل  .

: ايناس بصراحة حلوة وعسولة اوي فمش قدرت اقاوم واستمرت علاقتنا بالشكل ده كام شهر ورا بعض لغاية ما ضميري تعبني وقررت اقطع علاقتي بها .

: انت كنت داخل العلاقة دي جواز ولا تسلية ؟

: انا كنت عارف انها مطلقة وكان مش فارق معايا كتير لأني كنت بدأت احبها واقتنع بيها ولما عرفت انها عايشة لوحدها استغربت جدا لأن ده وضع غريب يطمع فيها الناس!! ولما العلاقة بينا اتطورت بالشكل اللي قولتلك عليه قررت انهي علاقتي بها ، خصوصا لما كلام الناس وجيرانها أكد لي .

: كلام الناس أكد لك ايه ؟

: الجيران عندها كلهم عارفين عنها انها شمال وبتجيب رجالة في شقتها  ، ولولا ان المنطقة اللي عايشة فيها راقية وكل حد فيها عايش في حاله كانوا راقبوها لحد ما مسكوها متلبسه وطردوها .

: انت متأكد يا طارق من الكلام اللي بتقوله ده ؟

: ايوه طبعا وهضحك عليك ليه !! 

قومت انا وطارق من الكافيه وروحت البيت وكنت مش قادر احدد طارق وايناس مين فيهم كداب ومين الصادق ، 

وبعد العشا مسكت الموبايل وفكرت بحيرة اتصل بايناس ولا لأ وبعد وقت قليل ايناس اتصلت عليا : مش اتصلت ليه يا عز ؟

: لا ابدا ، كنت لسه هتصل بيكي حالا .

: اول مرة تتأخر ، كنت دايما تتصل بيا بدري اوي عن كده !!

: لا ابدا مفيش حاجة .

: مالك يا عز فيه ايه ؟

: مفيش حاجة صدقيني .

: لأ ، انت متغير اوي ، انت تعبان او فيه حاجة تعباك ؟؟

: لا ابدا .

: فيه حاجة مزعلاك ؟ 

: لا لا .

: اومال مالك متغير ليه ؟؟!!

: مفيش شوية صداع خفيف مش اكتر .

: طيب خد اي حاجة للصداع .   

: ماشي ، كملي بقي كنا بنقول ايه البارح ؟ 

: اخر حاجة كان عليك الدور انت تحكي عن نفسك .

: ايوه صح افتكرت .

وبدأت اكلمها عن نفسي واحكيلها عن اهم المواقف في حياتي وقضينا الليلة كلها وانا بحكي عن نفسي .

تاني يوم واحنا في الشغل طلبت منها  اننا نتقابل بعد الشغل .

وفعلا خلصنا الشغل وخرجت معها وروحنا اتعشينا مع بعض وقعدنا في مكان هادي وفضلنا نتكلم لحد الساعة ١٠ بالليل .

وفي نهاية اللقاء وصلتها حتي وصلنا  بيتها .

وبعد صعودها لمنزلها بدأت اسأل بعض الجيران عنها وعن سلوكها وللأسف كان رأي الأغلبية مؤيد لكلام طارق !! 

فأكثرهم خجلا قال انها سيدة سيئة السمعة وبعضهم قال انها علي علاقة بشخص بيتردد عليها باستمرار واحيانا بيبات عندها في شقتها ، اما البعض الاخر فقال انها اتطلقت من جوزها ( ايهاب) بسبب انه مسكها متلبسه بخيانته !! ووصل البعض الي القول انها بتبيع شرفها للي يدفع اكتر  وانها بتروح لرجالة بيوتهم واحيانا بييجوا عندها !!!

طبعا كلام الجيران كان سيئ بدرجة بشعة ، اقل ما يمكن استنتاجه هو انها سيدة سيئة السمعة !!! 

بدأت نظرتي لايناس تتغير وافكر في اقامة علاقة مؤقتة معها بغرض التسلية والمتعة ليس اكثر اما فكرة الارتباط والزواج فذهبت ادراج الرياح !!! 

بدأت ازيد من اهتمامي بها ومطاردتها بتليفوناتي صباحا ومساءا وفي كل وقت حتي احيط بها من كل جانب واستحوذ علي اهتمامها لكي تنهي اي علاقة لها مع اي رجل اخر وتبقي لي وحدي .

وحاصرتها ايضا بالهدايا كل عدة ايام اعطي لها هدية حتي شعرت بأن ايناس قربت مني كتير وبدأت اشعر بأني استحوذت علي كل اهتمامها .

فكرت في نفس الوقت اتعرف طليقها ايهاب واعرف اذا كانت ايناس صادقة في كلامها عنه ولا لأ .

وبالفعل قدرت اوصل للمكان اللي كانت عايشة فيه مع جوزها ايهاب وبدأت أسأل الجيران عنه .

بعض جيرانه قالوا ان ايهاب مدمن مخدرات وبيلعب قمار وخسر كل فلوسه اللي ورثها عن والده في لعب  القمار وشرب المخدرات .

وبعض جيرانه قالوا ان ايهاب كان متجوز واحدة وكان بيجيب لها رجالة في البيت وبياخد منهم فلوس .

وبعضهم قال ان ايهاب ومراته اللي طلقها كانوا شغالين في الدعارة !!

وبعضهم قال ان ايهاب طلق مراته بعد حبسها في قضية اداب .

كلام كتير سمعته كان كله بيؤدي لمعني واحد ان ايهاب وايناس كانوا بيديروا شقتهم في اعمال منافية للاداب .

 بدأت افكر ان لازم علاقتي بايناس توصل لاقامة علاقة كاملة معها .

كل يوم نخرج من الشغل ونتغدا مع بعض ونقعد مع بعض في اي مكان هادي واروحها بالليل لبيتها وامشي .

وفي يوم قولت في نفسي لأمتي هتفضل متردد وجبان بالشكل ده !!! بعد ما قولتلها اني بحبها و مسكت ايديها و قربنا من بعض كتير هفضل كده لحد أمتي ؟؟ !!! 

وشجعت نفسي وقررت اني لازم اواجه .   

خرجنا من الشغل وروحنا اتغدينا في مطعم وبعدها روحنا كافيه هادي وقعدنا قعدة رومانسية جميلة جدا لقرب الساعة ١٠ وبعدها اخدتها روحتها بيتها زي كل يوم .

وبعد ما نزلنا من العربية اتشجعت وقولتلها : علفكرة انتي بخيلة اوي .

سألتني بتعجب  : ليه بتقول كده ؟!!

: علشان كل يوم اوصلك لحد البيت ومفيش في مرة تعزمي عليا اطلع اشرب حاجة عندك .

ايناس عيونها لمعت و ابتسمت وقالتلي : انت عاوز تطلع عندي يا عز ؟ 

احترت من صيغة سؤالها لكن ابتسمت وقولتلها : ايوه .

ضحكت ايناس وقالتلي : طيب ، انا هطلع الاول وبعد خمس دقايق اطلع ورايا .

وفعلا طلعت ايناس وانا طلعت وراها ولقتها قاعدة مستنياني .

بعد ما دخلت قالتلي : تحب تشرب ايه يا عز ؟؟

: اشرب اي حاجة من ايدك هتبقي حلوة .

: طيب ثواني هدخل اعملك عصير .

دخلت ايناس عملت اتنين عصير وجات قعدت جنبي و بتبصل ليا وبتبتسم : مالك يا عز ؟ بتفكر في ايه ؟ 

: بفكر فيكي يا حبيبتي .

: طيب ايه رأيك تتفرج معايا علي فيديو هيساعدك اوي في اللي بتفكر فيه !!!!!

الحلقة  ٨ 

: طيب ثواني هدخل اعملك عصير .

دخلت ايناس عملت اتنين عصير وجات قعدت جنبي و بتبصل ليا وبتبتسم : مالك يا عز ؟ بتفكر في ايه ؟ 

: بفكر فيكي يا حبيبتي .

: طيب ايه رأيك تتفرج معايا علي فيديو هيساعدك اوي في اللي بتفكر فيه !!!!! 

اصيبت بحالة ذهول من كلامها ، وقولتلها ماشي .

وبعدها ايناس فتحت الفيديو اتفاجئت انه فيديو متصور داخل شقتها وبيظهر فيه طارق داخل شقتها وبعدها دخل الحمام وخرج وحاول الاعتداء عليها بنفس الاسلوب والتفاصيل اللي ايناس قالتها !! 

اتأكدت وقتها ان طارق كان كداب في كلامه و ايناس كانت صادقة في كلامها وبدأت اتأكد ان كل الكلام اللي سمعته عنها كدب .

لكن في نفس الوقت شعرت بالخجل من نفسي قدامها وفهمت انها فرجتني علي الفيديو ده علشان تثبت لي ان الكلام اللي سمعته عنها كله غلط وفي نفس الوقت لو في تفكيري حاجة من ناحيتها انساها .

قومت وقولتلها في خجل :  انا هستأذن وامشي .

: ليه يا عز هتنزل بسرعة كده ؟!!

: ايوه .

: طيب مش هتشرب العصير .

: نبقي نشرب العصير في مكان تاني .

ابتسمت ايناس : طيب ليه ما نشربه هنا .

: لا ، انا لازم امشي حالا .

وفعلا مشيت من عندها وانا مكسوف من نفسي جدا ، وحسيت قد ايه هي مظلومة وكلام الناس عنها كله كدب .

لما روحت كنت فكرت كتير في كلام  طارق وجيرانها وفي اللي انا شوفته بنفسي واخدت قرار مهم جدا .

اتصلت بايناس وسألتها : تتجوزيني ؟

ايناس اتفاجئت وقالتلي : فجأة كده بدون مقدمات ؟ 

: انتي عارفة اني معجب ييكي من اول ما شوفتك وكل يوم اعجابي بيكي بيزيد .

: ٠ اللي حصل النهارده خلاك تطلب مني الجواز فجأة كده ؟ 

: لأني اتأكدت انك اطهر واشرف واحدة عرفتها طول عمري .

: لكن يا عز انا قولتلك قبل كده اني مش ناوية اتجوز تاني .

: انا عاوز اسألك سؤال واحد بس ، انتي بتحبيني ولا لأ ؟

: مش هنكر اني معجبة بيك ،  ولو مش عاملة كنترول علي قلبي كنت اكيد حبيتك .

: خلاص الغي الكنترول اللي علي قلبك ونبدأ حياتنا مع بعض .

: لاحظ يا عز اني مطلقة وانت مش اتجوزت قبل كده ، يعني اكيد اهلك مش هيوافقوا علي جوازنا  !! ده غير كلام زمايلنا في الشغل !! وكلام الناس كمان !! 

: مش مهم عندي ، المهم اني اقتنعت بيكي وحبيتك وعاوز اكمل حياتي معاكي .

: هتقابلك صعوبات كتير ومشاكل اكتر .

: مش مهم ، المهم عندي اننا نتجوز ونكون لبعض .

: طيب سيبني افكر كام يوم وارد عليك .

: وليه كام يوم ، فكري دلوقتي وقوليلي .

: معلش اديني فرصة كام يوم بس وارد عليك .

وبعدها كنت بتقابل مع ايناس في الشغل لكننا كنا بنتعامل عن بعد مقصود منها !!! لدرجة اني شكيت ان ردها عليا هيكون بالرفض .

حتي لما طلبت منها اننا نتقابل بره الشغل او نتكلم فون او نت رفضت بحجة انها عاوزة تكون بعيد عن اي تأثير وهي بتفكر .

وبعد حوالي ٤ ايام وقبل خروجنا من الشغل بنص ساعة سألتها بصوت منخفض : انتي لسه بتفكري ومش اخدتي قرار ؟؟

قالتلي : استناني بعد الشغل نتقابل واقولك ردي .

خلصت الشغل وخرجنا وروحنا قاعدنا مع بعض في مكان هادي وطول الطريق كنت بسألها وهي بتقولي لما نوصل ونقعد هرد عليك !!

قعدنا وبصت في عيني جامد وقالتلي : بص في عينيا يا عز .

بصيت في عينيها ، سألتني : انت حقيقي بتحبني ؟

: ايوه بحبك .

: من قلبك ؟ 

: شوفي عينيا وهو تقولك ، العيون عمرها ما تكدب .

: عينيكي بتقولي انك بتحبني اوي .

: ولو شوفتي قلبي هيقولك بحبك اوي اوي اوي .

: انا يا عز اتغشيت واتخدعت في ناس كتير ، ولو اتغشيت فيك هتبقي اكبر صدمة ليا طول عمري وممكن مش اعرف اعيش حياتي بصورة طبيعية بعدها .

: وانا اوعدك انك عمرك ما هتشعري انك انخدعتي فيا .

: اوعدني انك هتفضل جنبي مهما حصل وعمرك ما تخوني ولا تبعد عني .

: اوعدك يا روح قلبي .

: روح قلبك مرة واحدة ؟!!!

: روح قلبي وحياتي ونور عينيا .

: ما بلاش يا عز الكلام ده .

: ليه يا قلبي ؟ 

: مش عاوزة اتعود علي الكلام ده اتعلق بيك اكتر وبعدين فجاة مش الاقيك جنبي .

: ليه بتقولي كده ؟ انا هفضل جنبك علطول .

: انا مصدقاك وعارفة ان ده اللي في قلبك ، لكن حاسة اننا مش هنكمل مع بعض وهتحصل حاجة تفرقنا وتبعدنا عن بعض .

: ليه بتقولي كده ؟ 

: مجرد احساس .

: لا ، بلاش الاحساس ده يسيطر عليكي ، اتفائلي خير دايما وان شاء الله مفيش حاجة تفرق بينا ونكمل حياتنا كلها مع بعض .

: يعني مش هترجع تندم وتقول ان ارتباطي بيك كان سبب في مشاكل كتير في حياتك ؟

: ابدا ابدا ، لكن ليا شرط وحيد .

: اي هو ؟

: اسمع منك كلمة بحبك .

: وانت لغاية دلوقتي مش حسيتها في كلامي ؟ 

: انا عاوز اسمعها .

: بحبك .

: وانا بموت فيكي .

: وانا موافقة يا عز اننا نتجوز .

كانت اسعد لحظات حياتي بجد ووقتها ان ده اول حب حقيقي في حياتي وان اللي قبلها كانت مش حب حقيقي .

روحت البيت وكنت طاير من السعادة لدرجة اني بمجرد ما دخلت البيت امي سألتني : خير يا حبيبي مالك في ايه ؟ 

: ماما انا اسعد حد في الدنيا .

: يارب دايما يا حبيب قلبي ، خير يا حبيبي فرحني معاك .

: انا قررت اتجوز .

: ياالف نهار ابيض يا الف خبر ابيض يا مليون مبروك يا حبيبي .

واخدتني امي في حضنها وقعدت تبوس فيا من فرحتها .

امي جريت لوالدي وقالتله اني نويت اتجوز ، وفرحة والدي كمان كانت كبيرة اوي .

بعدها أمي طلبت مني عنوان العروسة علشان تسأل عليها وعلي اهلها !!!!

بدأت اشعر بالخوف والقلق واتغيرت ملامح وشي لأني متأكد انهم لما يسألوا عنها هيعرفوا الاشاعات اللي الناس بتقولها عنها ، ده غير طبعا انهم هيعرفوا انها مطلقة !!!! 

وكان لازم امهدلهم اول صدمة واقولهم انها مطلقة !!!

لكن مش عارف اقولهم ازاي ولا عارف رد فعلهم هيكون ايه ؟؟؟!!!!!

الحلقة  ٩

بعدها أمي طلبت مني عنوان العروسة علشان تسأل عليها وعلي اهلها !!!!

بدأت اشعر بالخوف والقلق واتغيرت ملامح وشي لأني متأكد انهم لما يسألوا عنها هيعرفوا الاشاعات اللي الناس بتقولها عنها ، ده غير طبعا انهم هيعرفوا انها مطلقة !!!! 

وكان لازم امهدلهم اول صدمة واقولهم انها مطلقة !!!

لكن مش عارف اقولهم ازاي ولا عارف رد فعلهم هيكون ايه ؟؟؟!!!!! 

بعد يومين قولت لأمي : كنت عاوز اقولك حاجة يا امي بالنسبة للعروسة .

: خير يا حبيبي ؟

: ايناس علفكرة كان مكتوب كتابها قبل كده .

: بتقول ايه يا عز  ؟؟؟ وليه كده يا بني !!!

: ليه ايه يا ماما ؟ وفيها ايه ؟

: ليه عاوز تتجوز واحدة كانت متجوزة قبلك ؟؟

: ده كتب كتاب بس يا امي  .

: اكيد اللي كان كاتب كتابها اختلا بيها وهما مخطوبين .

: يا امي دي ايناس محترمة اوي .

: بقولك لأ يعني لأ ، مادام انكتب كتابها يبقي اللي كان كاتب كتابها اختلا بيها وحصل بينهم حاجة .

: يا امي انا اقدر احاسبها من وقت ما اتخطبنا .

: يا ابني انت عبيط !!! ازاي تقول كده !!! لازم تبقي اول واحد بالنسبة لمراتك واول راجل عرفته في حياتها .

: وفيها ايه يا امي دي بنت حلال وكويسة و...

: لا يا حبيبي كله الا دي ، لازم تتجوز بنت بنوت وتكون اول فرحتك وانت اول فرحتها يا حبيبي .

 : ما هي بنت بنوت يا امي ، والصراحة انا بحب ايناس وعاوزها .

: وانا بقولك دي بالذات مستحيل اوافق وحتي ابوك مستحيل يوافق .

: ولو قولتلك علشان خاطري يا امي ؟

: علشان خاطرك انا بقول كده وعلشان عاوزة مصلحتك .

: بعد اذنك يا ماما انا مش هتجوز غير ايناس .

قامت أمي وراحت لوالدي وقالتله !!! والدي غضب اوي و قالي : ليه كده يا عز ؟

: ليه ايه يا بابا ؟

: ليه يا حبيبي تتجوز واحدة كانت متجوزة قبلك ؟!!

: ده كتب كتاب بس يا بابا .

: ولو يا حبيبي ، مينفعش ، لازم تتجوز بنت تكون انت اول فرحتها وهي اول فرحتك ، لو كنت اتجوزت قبل كده كنا ممكن نفكر انما انت عمرك نا اتجوزت ولا دخلت دنيا ، يكون اول بختك كده !!!

: يابابا دي انسانة محترمة اوي وبنت حلال وبحبها اوي وهي كمان بتحبني .

: ااه ، ما دام عرفت تحبك قبل ما تتخطبوا يبقي عملت ايه مع اللي كان كاتب عليها وقربوا يتجوزوا ؟!!!!

: يابابا هي انسانه محترمة ومؤدبة وعمرها ما غلطت وعموما انا ممكن  احاسبها بس من وقت ما ارتبط بيها .

: مين يا بني اللي دخل في عقلك الافكار الغلط دي ؟؟!!

: هي دي الحقيقة وهو ده الصح .

: الصح يا بني اللي انا بقولك عليه ، انا اكبر منك بكتير واعرف الدنيا اكتر منك  وبكلمك لمصلحتك .

: لكن انا بحبها ومش هتجوز غيرها .

وانتهي الحوار مع والدي ووالدتي وهما مصممين علي رفض جوازي بايناس !!

ايناس سألتني : انت هتتقدم وتخطبني امتي ؟ 

وضح عليا الارتباك لأني كنت مش عارف اقولها ازاي ان اهلي رافضين .

ايناس لاحظت ارتباكي وفهمت فسألتني : اهلك رفضوا ، صح ؟ 

حاولت اخبي عليها وقولتلها : لأ انا لسه مش قولتلهم .

لكن هي فهمت وقالتلي : انا مش زعلانة لأني كنت متوقعة كده .

: هما بس في الاول كده ، لكن لما يعرفوا اني متمسك بيكي ومصمم اتجوزك هيضطروا انهم يوافقوا .

: انا مش عاوزاك تعمل حاجة غصب عن اهلك يا عز ، ومش ارضي انهم يغضبوا عليك او يزعلوا منك بسببي .

: مش تشغلي نفسك بالموضوع ده ، انا هعرف اتصرف .

: لا يا عز احنا نبعد من دلوقتي احسن .

: اوعي تقولي كده تاني ، انا خلاص قلبي اتعلق بيكي ومش اقدر اعيش من غيرك .

: ماشي يا عز انا هخليني معاك للاخر ، لكن انا عارفة اننا مش هنكون لبعض .

: بعد اذنك مش تقولي الكلمة دي تاني .   

بعد ايام كنت لاحظت ان هدي السكرتيرة دايما بتبص ليا كتير وحاسس ان فيها كلام كتير .

وفي يوم اتفاجئت بهدي السكرتيرة  بتكلمني وبتقولي : كنت عاوزاك يا استاذ عز في موضوع مهم .

: خير اؤمريني يا استاذه هدي .

: لأ مش هينفع هنا ، ممكن نتكلم بعد الشغل ؟؟

: اكيد .

بعد الشغل خرجت مع هدي وروحنا قعدنا في مكان هادي وكنت ملاحظ ان هدي مرتبكة ومش عارفة تبدأ الكلام منين !! 

ضحكت وقولتلها : واضح ان الموضوع كبير اوي .

هدي : بصراحة انا حاسة كده لكن اتمني اكون فاهمة غلط .

: يعني ايه ؟ وضحي كلامك اكتر .

: انا حاسة ان فيه لعبة كبيرة اوي بتتلعب عليك يا عز .

: لعبة ؟!! لعبة ايه ؟ 

: مش عارفة ، لكن حاسة ان فيه لعبة كبيرة عليك .

: لعبة من مين ؟ وضحي اكتر يا هدي ارجوكي .

: لعبة بيلعبوها عليك ايناس وطارق .

: بتقولي ايه ؟؟

: زي ما بقولك كده .

: انتي ليه بتقولي كده ؟؟

: انت مش مصدق كلامي ؟

: الصراحة ايوة مش مصدق .

: هقولك لكن عاوزاك مش تزعل من كلامي .

: قولي .

: ايناس عرفت تضحك عليك وتفهمك انها بتحبك .

: لا لا ، مش اسمحلك تقولي عليها كده ، ايناس بتحبني وانا كمان بحبها ونعتبر في حكم المخطوبين .

: اسفة تبقي قدرت تضحك عليك يا عز  .

: يلا نقوم يا هدي انا غلطان اني خرجت وقعدت معاكي .

: هنقوم نمشي ، لكن الاول افهم كلامي كويس .

: كلام ايه اللي افهمه يا هدي ؟!!

: ايناس وطارق مرتبطين ببعض من زمان ولحد النهاردة مع بعض .

: انتي جبتي الكلام ده منين ؟    

: اول لما طارق اشتغل في الشركة اتصاحب علي ايناس وارتبطوا بعضها علطول وكل الشركة عرفوا انهم مرتبطين وكنا فاكرين انهم هيتجوزوا بسرعة ، لكن بعد فترة انفصلوا عن بعض قبل ما يتجوزوا وكل فترة يرتبطوا كام شهر وبعدين ينفصلوا وهكذا .

: وبعدين ؟؟

: وهما لحد دلوقتي كده ، و لحد قبل ما انت تشتغل في الشركة بفترة بسيطة كانوا منفصلين ولما انت اشتغلت معانا انا لاحظت ان ايناس بدأت ترمي شباكها عليك لكن في نفس الوقت هي وطارق كنت بلاحظ انهم هما الاتنين مع بعض لكن بعيد عن عينينا .

: تقصدي ايه يا هدي بأنهم مع بعض ؟

: معرفش تطور علاقتهم لحد فين لكن عارفة ومتأكدة ان في علاقة بينهم .

: انا هعمل نفسي اني مش سمعت حاجة منك علشان مش ازعل منك وبعد اذنك دي اخر مرة تدخلي في شئوني يا استاذة هدي .

وضح علي هدي انها غضبت من كلامي لكن كان مش غضب بس !! ده غضب ممزوج بحزن !!! وظهرت دموع في عينيها لكن حاولت تداريها وقالت : انا اسفة ، لكن كان مينفعش اشوف ناس بتلعب عليك واسكت ومش اتكلم لكن اوعدك بعد كده مش هتدخل في شئونك ابدا ، انا اسفة يا استاذ عز .

وقامت هدي علشان تمشي بعد ما بدأت دموعها تنزل .

بصراحة صعبت عليا اوي وحسيت اني كنت قاسي معاها زيادة عن اللزوم فقومت علشان اهديها واعتذرلها .....

تكملة الرواية هنااااااااااااا