رواية فضيحة في مدرسة بنات ثانوية كامله

رواية فضيحة في مدرسة بنات ثانوية كامله 

رواية فضيحة في مدرسة بنات ثانوية كامله 

في مدرسة بنات ثانوية في احدي البلاد العربية 

طالبة من الطالبات راحت الحمام ولما فتحت باب الحمام اتفاجت ان ارضية الحمام مليانة دم وشافت قطعة قماش مرمية عالارض وبارز من  تحتها شئ غريب؟؟ 

البنت جالها فضول عاوزة تعرف ايه ده اللي تحت القماشة 

واول ما رفعت القماشة كانت الصدمه شافت منظر يقشعر له الابدان جنين واضح انه لسه مولود بس ولا كان بيعيط ولا بيتحرك.. الطالبة انصدمت وطلعت بسرعة من الحمام وراحت للادارة وبلغت المديرة عن اللي شافته..

انا عاوزة ابلغ عن حاجة

خير يا بنت في ايه؟؟؟

في الحمام شفت بيبي ودم بيبي

براحة بس شفتي ايه 

في الحمام بيبي لسه مولود مبيتحركش 

المديرة مكنتش مستوعبة البنت بتقول ايه فراحت الحمام عشان تشوف بنفسها 

واول لما شافت المنظر اتخضت جامد ازاي ده حصل ومين دي اللي ولدت في الحمام  ؟؟

وخلت واحده من الفراشات تكشف عالطفل تشوفه 

عايش ولا لا بس للاسف الطفل كان متوفي 

وقتها المديرة ارتبكت واتصلت بالشرطة لانها الموضوع كده فيه جريمة..

اول حاجة جت بالها انها ممكن تكون مدرسة من المدرسات الحوامل اللي بيشتغلوا في المدرسة

المدرسة كان فيها مدرستان حوامل المديرة سالت عليهم وطلبت استدعائهم

واحده كانت في الشهر الرابع وديه تم استبعادها لان الطفل المولود كان جنين مكتمل والتانية كانت في الشهر التامن ولسه مولدتش  

وصحتها كانت كويسة وواقفة وبطنها قدامها..

المديرة احتارت طيب مين اللي عملت كده وازاي تولد في الحمام بدون دكتور ولا ادوات طبية اكيد واحدة وراها مصيبة..

وقتها امرتهم انهم يقفلوا باب المدرسة بسرعه عشان اللي عملت كده متهربش علي ما الشرطة توصل وتحقق في الموضوع

وبسرعة الخبر انتشر في المدرسة وحصلت حالة هرج ومرج وذهول من الجميع المدرسات والطالبات وحتي الفراشات الكل كان مستغرب ازاي ده حصل ومين اللي عملت كده؟؟

الشرطة وصلت والمديرة حكت لهم اللي حصل بالتفصيل

وراحوا بسرعة عند الحمام وشافوا المنظر واتاكدوا ان الطفل متوفي فقالوا للمديرة الطفل متوفي كده في شبه جنائية هنجيب الادله الجنائية ونحقق في الموضوع وطبعا ممنوع اي حد يخرج من المدرسة ووقفوا عساكر برا

  الشرطة اتواصلوا مع احدي المستشفيات وجابوا طبيبة عشان تفحصهم كلهم واحدة واحدة 

ابتدوا الاول بالفراشات وبعدين المدرسات وبعدين الطالبات..

بس ملقيوش اي حاجة غريبة والكل طلع سليم

(فضيحة في مدرسة بنات ثانوية الجزء الثاني)

وقتها الشرطي طلب انهم يفتشوا الفصول ممكن يكون في بنات مانزلوش ولا حاجة..

ولما فتشوا المدرسة عشان يتاكدوا ان كل الطالبات موجودين..

 اكتشفوا ان في طالبة كانت مستخبية في الفصل ومنزلتش ..الشرطة قالت لها انتي مستخبية ليه  انتي اللي عملتي كده؟؟

البنت ارتبكت جدااا وقالت لا انا معملتش حاجة انا بس محرجة واخدوها للطبيبة عشان تكشف عليها  ولما الطبيبة كشفت عليها لقتها سليمة  كلهم احتاروا طيب مين اللي عملت كده؟؟

 لحد ما واحدة من الفراشات قالت لهم ان في بنت مستخبية في غرفة الفراشات تحت الطاولة وشكلها تعبانة جدا ووشها مصفر واول ما شافتني اترعبت اظن ان هي دي..

الشرطة قالت للمديرة خلاص ادخلي انتي وحاولي تتكلمي معاها وافهمي منها كل حاجة

اول ما دخلت المديرة عندها البنت كانت منهارة ومرعوبة ..وطبعا مكنش في اي مجال للشك ان هي اللي عملت كده..

المديرة معرفتش تاخد وتدي معاها فاتضطريت انها ترجع لرجال الامن  عشان يتصلوا علي الاسعاف لان البنت كانت حالتها صعبة..

و اخدوا البنت علي المستشفي وعملوا لها كل الفحوصات والاجراءات الازمة..

ولما استعلموا عنها عرفوا ان البنت مش متزوجة لسه صغيرة اصلا عمرها 16 سنة ..

فرجعوا اللوم علي كل المدرسات والوكيلات وكل المسئولين في المدرسة  ازاي بنت صغيرة في العمر محدش لاحظ عليها ابدا  اعراض الحمل مع ان البنت كانت بتداوم في المدرسة كل يوم حاجة غريبة فعلا..

المدرسات قالوا احنا بصراحه مشوفناش حاجة غريبة عليها.. ملاحظنش اي شئ

و بعد ما فاقت البنت لان كان عندها نزيف وكانت في المستشفي بداوا يحققوا معاها

قالولها قولي لنا مين اللي عمل فيكي كده انتي اتخطفتي قبل كده ولا حصلك حاجة؟

لا خالص

يعني انتي عارفه مين اللي غلطي معه

لا معرفش 

يا بنتي اعترفي لازم اللي عمل كده يتحمل نتيجة غلطه معاكي 

في البداية كانت خايفة ومش عاوزة تعترف  بس لما ضغطوا عليها قالت لهم بصراحة كنت اعرف حد من زمان بس معرفهوش اوي يعني  وحصل بنا علاقة..

رجال الامن استغربوا ازاي متعرفيش الشخص وانتي بتقولي ان حصل بينك علاقة؟؟

يا بنت اعترفي متخافيش لازم اللي عمل معاكي كده يتعاقب متتحمليش انتي الغلط كله انتي عارفة ان الطفل اتوفي وكده ممكن تدخلي السجن اعترفي احسن..

البنت بصت للظابط وكانت متوترة جدا شكلها كانت عاوزة تعترف بس رجعت في كلامها

متخافيش لو الشخص ده مهددك ولا حاجة احنا هنحميكي و هناخد كل الاجراءات ضده و كل شئ هيبقي بسرية تامة.. 

البنت مرضيتش برضه تعترف فقالوا لها طيب قولي ازاي كنتي بتروحي المدرسة وانتي حامل ؟

ازاي خبتي بطنك وهي بتكبر عن المدرسة وعن اهلك ؟؟

بصراحة لما كنت بروح المدرسة كنت بلبس مشد علي بطني وكنت بربطه جامد 

وكنت بلبس لبس واسع  عشان اخبي اي حاجة

بحيث اني مخليش بروز بطني واضح بزيادة

لحد ما في اليوم ده حسيت بالم فظيع لا يحتمل وانا في الفصل 

فاستاذنت المدرسة اني اروح الحمام

وحصل اللي حصل ..

قالولها طيب ازاي حصل اللي حصل الطفل كان حي ولا اتولد ميت؟؟

قالت ايوه كان عايش .. قالوا انتي اللي قتلتيه

لا والله ما قتلته بصراحة وقتها كنت في الحمام ومرعوبة وقاعدة انزف فقومت شيلت المشد اللي كان علي بطني وغطيت بيه الطفل ومكنتش عارفة انه هيختنق ويموت والله مكنت اعرف..

قالوا طيب مش هتعترفي بقي مين الشخص اللي عمل معاكي كده؟

هو حد اعرفه قريب مني..

مين طيب؟؟.. معرفش

يا بنتي قولي متغلبناش

سكتت.. قالولها خلاص احنا كده هنتطر نتواصل مع اهلك ونبلغهم

احنا كان عاوزين نحل الموضوع بشكل سري عشان اهلك مياذوكيش بس مفيش فايدة انتي مش راضية تعترفي؟؟

( فضيحة في مدرسة بنات ثانوية الجزء الاخير )

الشرطة قالت لها خلاص احنا كده هنتطر نتواصل مع اهلك ونبلغهم

احنا كان عاوزين نحل الموضوع بشكل سري عشان اهلك مياذوكيش بس مفيش فايدة انتي مش راضية تعترفي؟؟

لكن البنت مكنش فارق معاها ان اهلها يعرفوا ولا لا.. 

اميرة امها متوفية وعايشة مع ابوها .. ابوها رجل قعيد علي كرسي متحرك وعندها اخت واحده متجوزة واخ بيدرس في جامعة برا البلد ومسافر حاليا..

وبلغوا ابوها ان بنته في المستشفي .. الاب قلق جدااا وطلب من اختها وجوزها ياخدوه لهناك...

ووصلوا اهلها وقبل حتي ما الشرطة تحكي لهم اي حاجة ؟؟

البنت صرخت وقالت هو ده هو ده !!

اهلها كانوا مستغربين جدا ومش فاهمين في ايه!!

الشرطة قالولها مين؟

اميرة قالت هو ده اللي عمل كده وشاورت علي جوز اختها؟؟

اختها قالت احمد!! احمد عمل ايه؟؟ 

الشرطة حكت لهم اللي حصل ..

اختها قالت لا طبعا مستحيل جوزي يعمل كده انتي كدابة؟؟

انتي اكيد عملتي كده مع الشاب اللي تعرفيه فاكرة لما قفشتك بتكلميه وخفتي وقولتلي مش هكلمه تاني بس اوعي تقولي لبابا؟؟

اميرة قالت لها : لا انا مش كدابة اقسم بالله جوزك اللي عمل كده والولد التاني انا فعلا قطعت علاقتي بيه من زمان ومفيش اي حاجة حصلت بيني وبينه..

جوز اختها قال والله العظيم ما عملت حاجة اي الكلام اللي انتي بتقوليه ده؟

وقتها رجال الامن شكوا ان البنت ممكن تكون كدابة وغلطت مع حد تاني وبتتبلي علي جوز اختها..

بس البنت اصرت بشده ان هو اللي عمل كده..

فالشرطة قررت تستجوب جوز اختها علي جنب عشان يتاكدوا..

انت اللي عملت كده؟؟

قالهم مستحيل مفيش اي علاقة بيني وبينها انا جوز اختها وهي بالنسبة لي اختي الصغيرة استحالة اعمل كده..

المهم فضل ينكر ومش راضي يعترف ابدا

قالوا له خلاص قالوا الميه تكدب الغطاس هنعملك تحليل دي ان ايه.. ونطابقها مع الطفل المتوفي ولو طلع ابنك فعلا صدقني هنتاخذ معاك  اقصي الاجراءات الصارمة بس لو اعترفت دلوقتي ووفرت علينا وقت هتاخد حكم مخفف..

بعد ما قالوا له كده احمد خاف واعترف فعلا وقال لهم : ايوه بصراحة حصل بيني وبينها علاقة بس هي مرة واحده.. غلطة وندمت عليها .. البنت دي كانت بتتقرب مني دايما وتحاول تغريني وتتدلع عليا وحاولت كتيررر اتمالك نفسي بس انا في الاخر راجل وضعفت اي حد مكاني كان هيعمل كده ..بس هي مقالتليش ان حصل حمل.. وممكن تكون عملت كده مع حد غيري برضه ..  

ولما سالوا البنت قالت لهم كداب اقسم بالله كداب.. الكلام ده محصلش عمري ما اتقربت منه بالعكس كنت بحاول دايما اعمل حدود بيني وبينه حتي اختي لاحظت اني مش طيقاه صح يا اختي ؟..

اختها مردتش وكانت مصدومه وبتعيط

اميرة قالت: والله العظيم هو اللي اعتدي عليا رغما عني.. ومفيش اي حد لمسني غيره..

طيب ده حصل فين ما انتي عايشة مع والدك؟؟

احمد كان بيجي يزورنا كتير لانه بابا كان بيوكله ببعض الاعمال الخاصة بشغل بابا ..

وفي يوم من الايام مكنش في حد في البيت

بابا راح يعمل فحوصات طبية واختي كانت معاه..

واحمد جيه البيت واتحجج  انه محتاج ورق مهم لشغل بابا..

 وحصل اللي حصل واغتصبني رغما عني وهددني وقالي والله العظيم لو قولتي لابوكي ولا لحد هدمر اسرتك بالكامل.. انا ممضي ابوكي علي ورق يوديه في داهيه تخيلي ابوكي المشلول ده وهو بيقضي بقية حياته في السجن.. وليا معارف برا ممكن يخلصوا علي اخوكي واطلق اختك واخد فلوسكم وارميكم في الشارع..

وقتها خفت منه جدا وسكت.. ومن وقتها وانا مبقتش ابدا اقعد في البيت لوحدي عشان ميستغلش الفرصه تاني بس للاسف مع الايام اكتشفت اني حامل وخفت جدا برضه اقول لحد او اقوله لحسن يقتلني وحصل اللي حصل..

وفي النهاية الشرطة اتاكدت بالادلة ان كلام البنت صح وانه فعلا كان ممضي ابوها علي اوراق مزورة تدخله السجن.. وان الطفل ده منه هو.. 

وتم القبض علي احمد واتحاكم بتهمه الاعتداء علي قاصر واخد 10 سنين سجن..

واميرة كمان اخدوها للمحكمة واتحاكمت بتهمة قتل نفس.. لكن المحكمة شافت ان اميرة كانت ضحية ولم تتعمد قتل المولود كل الحكاية انها خافت واتصرفت بغير وعي.. 

فتم تبرئتها واطلقوا سراحها.. 

لايك ومتابعة للصفحة لمزيد من القصص الحقيقية المشوقة 

اولا شكرا لكل متابعي القصه 

ثانيا هذه القصة من وحي الخيال لم تبد للواقع بشي بس نعتبرها عبرة ونتعلم ننها❤💞تحياتي