رواية مذكرات حبيبة البارت الثالث والرابع كامله
رواية مذكرات حبيبة البارت الثالث والرابع كامله
مذكرات حبيبة
الحلقة ٣
الصراحة دياب انقذ حياتي لأني بالفعل كنت ممكن اموت .
حسيت وقتها انه انسان شهم وجدع وأني كنت فهماه غلط .
وفي المستشفي عرفت ان الحمل نزل وحصل لي اجهاض .
ورغم ان جمال وامه كانوا السبب في اللي حصل لي لكن حملوني انا المسئولية وكل ما حماتي تكلمني كانت تعايرني أني السبب في الاجهاض وموت اول حفيد للعيلة !!
أما جمال فبعد ما بدأت أخف واسترجع عافيتي قالي : منك لله ، ده اللي كان في بطنك كان ولد وكان هيكون اول حفيد للعيلة ضيعتي فرحتنا !!
: وانا اعمل اي ؟؟ امك اللي كانت دايما مش رحماني من شغل الدار كله ومهما اقولها تعبانه مفيش فايدة .
: مش انا قولتلك قبل كده متجبيش سيرة امي علي لسانك يا بت ؟!
: منها لله هي السبب .
وفجأة اتحول جمال لوحش وفضل يضرب فيا بأيديه ورجليه وكنت هموت في ايده لولا اللي انقذني منه أبوه اللي دخل علينا بسبب صراخي بصوت عال !!
الحياة كانت سودا قدام عينيا وللأسف مفيش جنبي أي حد يقدر يخرجني من اللي انا فيه !!
فكرت أموت نفسي واخلص من حياتي لكن تراجعت في أخر لحظة وخوفت من عقاب ربنا .
فكرت أني أهرب من البيت والقرية كلها لكن كنت هروح فين واعمل ايه وانا عمري ما خرجت بره المركز بتاعنا ولا اعرف ايه شكل الدنيا بره !!
فكرت أني أموت جمال علشان اخلص منه ومن أمه وارجع اعيش في بيت ابويا تاني لكن خوفت ادخل السجن وأكمل حياتي جوه سجن معرفش هخرج منه ولا لأ !!
كان الأمل الوحيد قدامي أني اتطلق بعد وقت قد أيه معرفش ، لكن أملي الوحيد كان في الطلاق !!
بدأت أحاول اضايق جمال علشان يطلقني وكنت علطول ارد عليه بصوت عال وارد علي أمه واحيانا مش بنفذ اي حاجة يطلبوها مني !!
لكن جمال كان بيرد علي افعالي دي بالضرب والأهانة .
وفي يوم زهقت وقولتله : طلقني ، انا بكرهك !! لو عندك دم طلقني !!
وكان رده عليا : مش هطلقك و مدام بتكرهيني هتعيشي هنا معايا خدامة ليا ولأهلي وبردو مش هطلقك !!
مشاعر الكره ناحية جمال وأمه زادت جوايا لكن كنت مش عارفة اعمل اي !! فمنعت الكلام نهائي !!
وفضلت مش بتكلم مع جمال ابدا ، لما بيطلب مني الأكل كنت بجهز واقدم له الاكل بدون كلام ولما ييجي الليل ويتقفل علينا باب واحد كنت بنزل انام علي الأرض علشان اكون بعيد عنه !!
ورغم كل ده كان بردو بياخد حقه الشرعي مني بالقوة ويقولي لازم تحملي تاني علشان يخلف ويفرح ابوه وامه .
كنت بعمل نفسي مش سمعاه لكنه كان بيعمل كده غصب عني ولما كنت بصده واحاول أمنعه كان بيضربني بقوة لدرجة أنه احيانا كان بيربط ايديا علشان معرفش امنعه !!
ومن البهدله والتعب اللي كنت بشوفها قررت أني مش أمنعه تاني علشان يقل الضرب والبهدلة فيا اللي كنت حاسة أني هموت بسببها !!
وسبحان الله عدت شهور كتير بدون حمل !! وكل ما كان يعدي شهر ويعرفوا أني مش حملت كنت بسمع منهم كلام بيدبحني ويسم بدني !!
وبسبب العناد بيني وبين جمال منعني ازور اهلي نهائيا وبقيت عايشة في الدار خدامة له ولأهله وممنوع عني الخروج وكأني عايشة في سجن !!
كانت ساعات الليل والنهار بتعدي عليا كأنها سنين طويلة مش عايزة تتحرك وتمشي .
نسيت اقول ان كان عند أهل جمال دار تانية وسط الارض الزراعية و علشان كلنا عايشين في الدار الكبيرة كنا بنستخدم الدار التانية في تربية الطيوم وتخزين الحبوب .
كان أسعد وقت عندي لما اروح الدار التانية أكل الطيور وانظف لهم لأني كنت ببعد عن جوزي وحماتي .
كنت كل يوم استني الساعة اللي هروح فيها أكل الطيور وكأني هخرج من السجن .
وفي يوم عرفت من كلامهم أن دياب اخوه الأصغر منه هيخطب ويتجوز .
فرحت أوي بالخبر ده يمكن اكتر منه هو شخصيا واكتر من أمه !!
وكانت فرحتي لأن وجود زوجة لابنهم التاني معايا هيكون معناه اننا نقسم شغل الدار بينا احنا الاتنين .
أخيرا التعب والذل والقهر اللي انا عايشاه هيقل عني شوية !!!
وكمان ممكن عروسة دياب تبقي صاحبة ليا وتخف عني الضغط و الخنقة اللي عايشة فيها !!
وبعد أيام دياب خطب بنت اسمها شهد وفعلا كانت طيبة ورقيقة اوي ولما كلمتها حسيت بارتياح قوي لها واننا ممكن نكون اصحاب .
وعدا كام شهر وانا بعاني من قسوة جوزي وافتراء حماتي وأسوأ الكلمات اللي كنت بسمعها منهم بسبب عدم حدوث حمل مرة تانية !!
اثناء الفترة دي كنت براقب نظرات دياب لي واللي قلت كتير خصوصا بعد خطوبته وارتباطه بشهد .
لحد يوم فرح دياب ، كنت أسعد واحدة في الدنيا لأني حسيت أني ممكن ألاقي حد يقلل من الضغوط اللي عليا ويكون ونيس لي في وحدتي !!
ونفس اللي حصل معايا حصل مع شهد مرات دياب !!!!!
اللي حماتي استلمتها من يوم الصباحية وبدأت تمارس عليها دور الحما بأبشع صوره !!
لكن شهد كان حظها احسن مني شوية لأنها لقيت شريكة لها في اعمال الدار .
لكن بدأت ألاحظ علي شهد انها كل يوم بتكون فرحانة وسعيدة ودايما كنت بشوف دياب بيعاملها معاملة كويسة جدا ودايما يضحك معها بعكس جمال جوزي اللي كان دايما بيعاملني بقسوة وعنف !!
مش هنكر أني حسيت بغيرة من شهد وقولت في نفسي " ليه شهد جوزها بيعاملها كويس جدا وانا جوزي بيعاملني بقسوة شديدة ؟!! " .
كان نفسي يكون.. متابعه للصفحة الشخصية بعد اذنك جوزي جمال زي أخوه دياب ويعاملني كويس ويضحك معايا زي ما اخوه دياب بيضحك مع مراته .
بدأت اقعد واتكلم مع شهد كتير وبقينا اصحاب و اصبح وجودها في الدار اللي بيهون عليا الايام ، لكن حماتي كانت دايما تحاول تبعد بينا .
وبعد اقل من شهرين حمايا مرض مرض شديد وبعد ايام قليلة مات .
بعد موت حمايا اتغيرت كل حاجة في الدار وحصلت خلافات كبيرة بين جمال جوزي واخوه دياب واخواتهم الأصغر عاطف وعماد !!
وقسموا الارض بين الاربع اخوات وأخد جوزي نصيبه من الارض وقرر يبيعه علشان يبدأ مشروع خاص بعيد عن شغل الارض والفلاحة .
لكن دياب قرر يحتفظ بالارض ويشتغل في الفلاحة في ارضه وارض اخواته عاطف وعماد القصر اللي امهم كانت وصية عليهم .
جمال اشتري سيارة نقل وشغلها في نقل الخضار والفاكهة من الاراضي للأسواق .
وبعد فترة قصيرة بدأت احوالنا المادية تتحسن كتير .
واستمرت حماتي في معاملتي بنفس القسوة ويمكن أشد .
وفي يوم حماتي طلبت مني اقوم بكل شغل البيت وحدي
مذكرات حبيبة
الحلقة ٤
: حصل اللي حصل بقي ، بس زي ما قولتلك كده لازم تقول لأمك تلم لسانها ومتجبش سيرة اهلي تاني .
اول ما سمعني قولت كده راح رمي طبق الاكل في وشي وقام يضربني بايديه ورجليه لكن المرة دي كان مفيش حد يمنعه عني !!
حتي أمه واخواته وشهد مرات اخوه كلهم كانوا بره الدار .
ومن كتر الضرب وقعت اغمي عليا ومش حسيت بنفسي الا في المستشفي !!
وفي المستشفي عرفنا اني كنت حامل في بداية الشهر التاني وحصلي اجهاض !!
و لما كانوا بيكتبوا محضر باللي حصل لي وسألوني " وجوزي موجود " : مين اللي ضربك ؟
: مفيش حد ضربني يا بيه ، دا انا اللي وقعت لوحدي .
: انتي متأكدة ؟ ولا عايزة تداري علي الشخص اللي ضربك ؟ " ثم نظر الي زوجي " !!!
: متأكدة يا فندم ، انا اللي وقعت وانا نازلة علي السلم .
جمال بص لي بتعجب لأنه كان فاكر اني هنتهزها فرصة و هقول للظابط أنه ضربني ، واندهش جدا لما داريت عليه وقولت أني وقعت من السلم !!!!!
لكن كانت صدمة فقدان الحمل شديدة علي جوزي وبمجرد ما بقينا وحدنا ولأول مرة كنت اشوفه بيبكي ولأول مرة كان يكلمني كويس وقالي : معلش حقك عليا انا اسف !!
اندهشت منه بشدة وفضلت ساكتة مش قادرة انطق ولا عارفة اقول اي !!
جمال حزن اوي علي الاجهاض التاني خصوصا انه هو كان السبب فيه !!
وفي نفس الوقت عرف أني بنت أصول لما داريت عليه و مش قولت انه ضربني وانقذته من السجن رغم ان كان في ايدي اقول انه ضربني واحبسه علي الأقل كنت انتقم لنفسي من افعاله معايا !!
حماتي لما عرفت بأجهاضي بمجرد أنها شافتني صرخت في وشي وقالتلي : منك لله ، حرام عليكي ده تاني عيل تنزليه ، بتسقطي نفسك ليه ؟! مادام مش عايزة عيال من جوزك عايشة معاه ليه ؟
رديت عليها : انا مش سقطت نفسي ، ده نصيب ." و بردو داريت عليها ومش قولتلها ان ابنها ضربني وأنه السبب " .
قام جمال وقالها : كفاية يامه حرام عليكي كده !! انا اللي ضربتها وسقطت من ضربي فيها !!
بعد اليوم ده جمال معاملته معايا اتغيرت كتير وبدأ يعاملني بانسانية اكتر وعرف انه كان غلطان في حقي لما كان بيعاملني بقسوة .
ومع معاملته الحسنة ليا بدأت مشاعري من ناحيته تتغير كتير .
مش هقول اني حبيته علشان مش اكون كدابة لكن علي الاقل مشاعر الكره والاشمئزاز اللي كنت بحسها من ناحيته انتهت وبدأت اقبله كزوج وبعد شهرين تقريبا حصل حمل تاني .
ولأول مرة كنت احس بالسعادة لما عرفت أني حامل لأني كنت بدأت افكر أني اكمل حياتي معاه .
ولأول مرة جمال يمنعني من الشغل في الدار نهائيا حتي ميعاد الولادة ، لدرجة انه كان احيانا بيقوم بتنظيف الدار بنفسه !!
عدت الايام وحسيت ان الكابوس اللي كنت عايشة فيه بدأ ينتهي .
لكن يبدو أن الفرح مش له مكان في قلبي !!
وفي يوم لقيت أختي الصغيرة جاية تجري وبتبكي ولما سألتها : بتعيطي ليه يا بت حصل اي ؟
قالتلي : ابوكي مات يا حبيبة .
وكانت صدمة موت ابويا كبيرة اوي عليا !!
لكن اللي خفف من الصدمة هو موقف جمال معايا وحسيت أني ليا ضهر وسند تاني بعد ابويا الله يرحمه .
بعد موت ابويا اعمامي طلبوا بحقهم في ميراثهم منه لأنه كل خلفته بنات .
لكن كانت المفاجأة لما عرفنا ان ابويا كان كاتب الارض وكل ملكه باسمي انا واخواتي البنات .
اعمامي غضبوا لما عرفوا بكده وقاطعونا نهائي وقالوا من النهاردة انسوا ان لكم اعمام وخلي الارض والفلوس تنفعكم !!
وبعد ايام قليلة سلفتي شهد مرات دياب ولدت بنت وكانت المفاجأة لما عرفت ان دياب وشهد عايزين يسموا بنتهم حبيبة علي اسمي !! لأن شهد حبت الاسم بسبب حبها ليا لكن اللي رفض كانت حماتي !! واجبرتهم يسموا البنت داليا .
جمال كمان كان مندهش علشان اخوه ومراته عايزين يسموا بنتهم علي اسمي رغم الخلافات الكبيرة اللي موجودة بين الأخين !!
وبعد حوالي شهرين انا ولدت تؤام وجوزي سماهم عمر وعمار .
زادت المشاكل والغيرة بين جمال ودياب !!
من ناحية علشان جمال ربنا رزقه بولدين صبيان اما دياب ربنا رزقه ببنت !! ده غير أن جمال جوزي رزقه كان واسع وكتير بعد ما اشتري السيارة النقل واشتغل عليها وكان دخله كبير بالنسبة لأخوه دياب اللي كل شغله كان في فلاحة الارض !!
وقبل ده كله دياب كان بيغير من اخوه جمال لأنه كان عينه مني لأني كنت اجمل واحلي من مراته بكتير !!
وبسبب الغيرة والحسد العين صابت جوزي وحصلت له حادثة كبيرة بسيارته النقل وكان هيموت فيها !!
جمال حصلت له اصابات كتير ومنها كسور وجروح ده غير أن السيارة حدث فيها تلفيات كبيرة كانت نتيجتها انها احتاجت صيانة واصلاح أخدت كل الفلوس اللي معانا !!
اصدقاء جمال نصحوه يبيع السيارة بعد الحادث ويستبدلها بغيرها بسبب التلفيات والاصلاحات الكتير اللي اتعملت فيها .
لكن أحد اصدقاؤه المقربين أشار عليه ببيع السيارة واستبدالها بسيارتين اخرتين بنظام التقسيط !!
الفكرة سيطرت علي تفكير جمال وبدأ يحلم أنه لما يكون عنده سيارتين دخله ورزقه هيزيد كتير ويسدد اقساط السيارتين من ايرادهم !!
ظل جمال يحلم بأمتلاك السيارتين وتحقيق دخل كبير منهم وظل يرسم احلام بأنها هتكون خطوة في طريق أنه يكون معلم كبير عنده اسطول من السيارات و السائقين !!
بالفعل قام ببيع السيارة وعندما ذهب لدفع ثمن السيارة كمقدم لسيارتين احتاج لبيع شبكتي الذهبية لاستكمال مقدم ثمن السيارتين !!
اضطريت ابيع ذهبي واشتري جمال السيارتين واصبحت السيارتين تعمل في نقل الخضروات والفاكهة من الاراضي الي الاسواق .
زاد الدخل اليومي لجمال وزادت مصارفنا وظهر الخير علينا ، وبدأ يسدد اقساط السيارتين تباعا شهر بشهر ومرت اكثر سنة .
ثم حدثت مشكلات عديدة بين جمال والسائقين ومع حدوث تلك المشكلات وتعطل السيارتين احيانا عن العمل و بعض الحوادث الخفيفة اللي حصلت للسيارتين بدأ يتعثر جمال في سداد بعض الاقساط وبدأت تتراكم عليه !!
اضطر جمال ان يبيع احدي السيارتين لسداد الاقساط المتراكمة عليه !!
شعر جمال بأن حلمه يتلاشي شيئا فشئ !! بعد أن بدأنا نتعود علي المصاريف الكتير !!
اقترض جمال مبلغ كبير من المال لشراء سيارتين بنظام القسط واصبحت لديه ثلاثة سيارات ولكنه اصبح مدين
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا