رواية انتقام صفيه البارت الرابع والخامس والسادس بقلم امل شعبان
رواية انتقام صفيه البارت الرابع والخامس والسادس بقلم امل شعبان
الفصل الرابع
رفعت ايديها فضلت تمشيها على وشي حسيت كان الدنيا بتلف بيا ما لقيتش نفسي غير وانا وقع على الارض عدلت نفسي ما لقيتش الست موجوده فضلت ابص يمين شمال في الاوضه مفيش حد
حاولت اقوم امشي ما كنتش قادره كان جسمي كله بيترعش سندت نفسي على الحيطه لغايه ما وصلت للباب خرجت وانا عمال افكر لازم اعرف الست دي حكايتها ايه وعاوزه ايه مني
يا ربي انا لو فضلت على الحال ده هتجنن ودموعي نزلت غصب عني
طلعت على اوضتي خدت تليفون ماما من الشاحن فتحت وفضلت ادور على الرقم السواق كان اسمه ايه يا ريم كان اسمه ايه اه لقيته صالح السواق سجلته على تليفوني ورنيت عليه الو الحاجه صالح معايا
صالح ايوه مين معايا
حضرتك كنت عاوزه احجز نفر في العربيه اسافر القاهره
صالح اجيلك يوم ايه
ريم بكره الصبح
صالح ماشي بكره 8:00 اجيلك عنوانك فين
ريم لا حضرتك قللي مكان الموقف العربيات اللي بتقف فيه وانا هاجي لحضرتك بس احجز لي نفر في العربيه
طلعت ورا وقلم وكتبت العنوان
مفيش غير بكره وهم ملاهيين في العزاء اخرج من غير ما حد يحس بيا
مش هسكت غير لما اعرف الست دي حكايتها
لقيت ماما دخلت وهي منهاره من العياط
سلمى بتاخد نفسها من العياط لسه صاحيه يا ريم
جريت على ماما وخدتها بالحضن وبحاول اوسيها
بقلم امل شعبان
سمعت الباب خبط ودخلت خالتي حنان
حنان يلا يا سلمى ودعي امك قبل ما يروح يدفنوها
سلمى نهارت من العياط وهي عماله تلطم على وشها سبتيني ليه ياما اةةةةة
ريم يا ماما اهدي مش كده هي راحت عند ربنا اللي احن من اي حد وموت كاس هيدور على الكل ما فيش حد خالد في الدنيا وهي كانت تعبانه ربنا ريحها
حنان ربنا يحميك لشبابك يا ريم يلا يا سلمى
سنت ماما ونزلتها مع خالتي حنان
فضلنا قاعدين تحت لغايه الساعه 12:00
حنان يا محمود تعالى وصلنا عند البيت رواح اجيب غيار للعيال
خالي مصطفى طلع فوق فوزيه دخلت اوضتها طلعت انا وماما ننام
ماما نامت وانا طلعت تليفوني ظبطت المنبه على الساعه 7:30 حسيت بعطش جاي اشرب ما فيش ميه في القزازه
انزل املا القزازه دلوقتي الوقت متاخر خايفه بس لا تظهر الست دي تاني عطشانه اوف اوف يا ربي اتغطيت ونمت عماله تقلب في السرير اخرتك يا ريم تموتي عطشانه او متعفرته
قلت اقوم وخلاص انزل اشرب كده موته وكده موته قمت من على السرير وفتحت الباب الاوضه عماله ابص يمين شمال اشوف في حد ولا لا ببص تحت شفت عمتي فوزيه كانها خارجه وعماله تبص ليكون حد شايفها خرجت وقفلت الباب وراها بالراحه
نزلت اجري
هو ايه اللي هيخرجها بالليل متاخر كده بتتسحب ليه
شعرت بالفضول اشوفها رايحه تعمل ايه رجعت تاني لا ما ليش دعوه خليني اطفح واطلع انام اوف يا ربي ما قدرتش بصراحه الفضول كلني مشيت وراها
وهي متجهه ناحيه الغيطان وانا مستغربه
ايه اللي مدخلها في الغطان كده الست دي مش مرتاحلها خالص
بعد كده لقيتها وقفت جنب الترعه كان حواليها اشجار كان في خشب محطوط على جنب
لمحت شخص جاي من هناك استخبيت ورا الخشب
فوزيه ايه يا محمد
محمد بتقولي محمد حاف كده المهم ادي الفلوس اللي انتي طلبتيها بس يمين تلاته لو ما عرفتش تجيبي خبرها لكون جايب خبرك انتي
وانتي عارفه ان انا كلمتي ما برجعش فيها
بقلم امل شعبان
وانا عمال افكر تجيب خبر مين ومين الراجل ده
حاولت اقرب ابص اشوف شكله بس كان المكان ضلمه هو عادل وشه الناحيه التانيه
فوزيه كانت لسه رايحه تنطق تقول اسم حد خشبه وقعت وانا بتحرك
لقيتها سكتت وبصت ناحيتي فضلت تقول مين مين انا كنت واقفه مكاني مرعوبه كتمه نفسي ا
فجاه لقيت قطه عدت من جنبي مش عارفه جت منين كانت قطه سوداء
محمد بس ما فيش حد دي قطه يلا امشي قبل ما حد يشوفنا
استنيتهم لما مشوا
وخدتها جاريه على البيت نهار اسود ايه الجو الرعب اللي انا عايشه فيه ده
وصلت البيت قبل فوزيه الحمد لله طلعت جري على اوضتي ولفيت نفسي باللحاف ونمت وعمال افكر هو هو مين الراجل اللي كانت واقفه معاه ده وهتجيب خبر مين ممكن يكون انا سمعت غلط قصده اخبار حد
ارهقني التفكير ونمت
صحيت على صوت المنبه قمت غيرت هدومي ونزلت
كانوا شغالين القران كانوا الستات قاعدين جوه والرجاله قاعدين بره في العزا كان الدنيا زحمه قلت دي فرصتي عشان اخرج كده ما حدش هيحس بغيابي
اتسحبت وخرجت من الباب اللي ورا عشان الباب اللي على الشارع نصبين في العزا للرجاله
مش عارفه اركب منين ما فيش تاكسي هنا
سالت راجل ماشي في الشارع لو سمحتي عاوزه ا اروح الموقف بتاع العربيات ده
شاور لي على عربيات معديه قاللي اركب العربيه دي هتنزلك في الموقف
ماشي يا عم شكرا
ركبت العربيه ونزلتني الموقف
كان المكان زحمه وفي عربيات كثيره
سالت واحد معدي لو سمحت عاوزه اروح عند العربيات اللي بتسافر القاهره
شاورلي بايديه ناحيه العربيات
جريت ناحيه العربيه عماله ادور على الراجل
شفت صالح السواق واقف جنب العربيه استخبيت عشان ما يشوفنيش
عشان لو شافني مش هيخليني اتكلم مع الراجل
فضلت ابص يمين شمال عشان اشوف الراجل اللي كان قاعد جنبه
ببص لقيته قاعد على كرسي عمال ياكل فضلت ابسبسله وشاورله بايديا ما كانش منتبهلي
استنيت لما مشي صالح السواق
رحت للراجل ازيك يا عمو
بصلي وقاللي وهو مندهش هو انتي لسه عايشه ازاي
رديت عليه قلتله ليه يعني وحضرتك اسمك ايه
قالي اسمي منعم
بص يا عم منعم اعتبرني زي بنتك انا من ساعه ما شفت الست دي واحنا كنا في الطريق هي على طول بتظهر لي كل ما اسال حد مين الست دي محدش راضي يجاوبني لو كنت تعرف حاجه عنها قوللي
منعم انا هقولك كل اللي اعرفه قصه بدات من 22 سنه كان في بنت اسمها صفيه كانت غايه في الجمال
البيت بتاعها اللي هو على اول الطريق المهجور اللي انتي شفتيه
ريم اه
منعم صفيه دي كانت امها ست مشعوذه كان ما فيش حاجه في السحر الا وامها كانت بتعمله وفي يوم ام صفيه ماتت عدى على موت امها سبع شهور
وفي يوم شفنا صفيه كانت ماشيه في البلد وباين عليها اللي هي حامل كان بطنها كبيره الناس استغربت ازاي حامل وهي مش متجوزه
ناس كانت تقول اكيد متجوزه جن من اللي امها كانت بتحضرهم
وناس تانيه كانت تقول اكيد حد غلط معاها ما هي عايشه لوحديها لا ليها غريب ولا جريب ما فيش حد يحكمها
والكلام كتر قوي في البلد
اهل البلد بقى يلقحو عليها بالكلام درجه كانوا بيضربوها بالطوب وهي ماشيه كان عاوزينها تسيب البلد وتمشي لكن صفيه ما رضيتش تمشي
كان في راجل اسمه رفعت كان دايما يدافع عنها
مره على الموضوع شهر واربع ايام
كانت ليها اكتر من خمس ايام وبتخرجش بره البيت
واحد من اهل البلد ايه يا رجاله هتفضلوا قاعدين كده ومخلين العائر دي قاعده في البلد فين النخوه بتاعتكم يا رجاله
بقلم امل شعبان
اهل البلد هاجت جريو على بيت صفيه
وهمت مولعين نار واحرقوا البيت بصفيه
الراجل اللي كان بيدافع عنها اللي اسمه رفعت
كان عمال يصرخ ويقول لهم حرام عليكم يا ظلمه
اهل البلد نزلوا ضرب فيه يقولوا لي اقعد يا مجنون
ومره على الموضوع يومين ظهرت روح صفيه رجعت تنتقم من كل اللي ظلمها تظهر
لو حد شافها في الحلم على طول بيجيله مرض ما اتحركش لغايه ما يدور ويموت
عشان كده سالتك ازاي لسه عايشه
طيب وهي عاوزه مني ايه
صالح مش عارف والله يا بنتي ده كل اللي عارفه
ريم طيب انا ما اذيتهاش هي عاوزه مني ايه
ودماغي بقت عماله تجيب وتودي
الفصل الخامس
منعم مش عارف والله يا بنتي ده كل اللي عارفه....
طيب ما حدش يعرف مين الراجل اللي غلط معاها..... منعم هي قالت راجل من عيله الدهشوري .....
الدهشوري انا سمعت الاسم ده في لسه كنت رايحه اقول وهو اسمه ايه الراجل قطعني صوت عم صالح السواق.........
صالح انتي بتعملي ايه هنا وانت يا مخبول قلتلها ايه .......
بصتله بقرف وانا متعصبه قلتله انت بتكلمه كده ليه.
صالح بقولك ايه يا ست هانم احنا ناس غلابه ومعانا عيال عاوزين نربيها ملناش دعوه بحوارات البلد اتفضلي شوفي انتي رايحه فين........
ماشيه ودماغ عماله تجيب وتودي معقول في روح ترجع تنتقم بعد ما تموت ازاي و حتى لو كان في
انا دخلي ايه بالموضوع ده شكلها تجنن
سمعت صوت تليفوني بيرن الو يا هند
هند مال صوتك يا ريم ...
تعبانه اوي يا هند ما تعرفيش ايه اللي حصللي....
هند اهدي يا ريم مالك كل ده عشان قعدتلك يومين في البلد بتعيطي 😂😂....
يا هند ما تهزريش انتي ما تعرفيش ايه اللي حصله...
هند حصلك ايه يا ريم الجاموسه نطحتك😂😂😂
جاموسه ايه يا هند انا شفت عفريته من ساعه ما سافرت لغايه دلوقتي بتظهرلي ....
هند عفريته ايه شكل جو البلد اثر عليك😂😂😂
بقلم امل شعبان
تصدق انا غلطانه يا هند اللي انا بحكيلك حاجه يلا باي....
هند استني استني بهزر معاكي يا ريم مالك.....
ما انا بكلمك وانتي بتتريقي عليا واخده كلامي هزار..
هند يعني انتي عايزه تقولي لي انك شفت عفريته بجد لا بتهزري يا ريم....
ريم اهزر ايه يا هند ......
هند احكيلي طيب ايه اللي حصل
ريم ده كل اللي حصل معايا غير دلوقتي......
هند انا خفت طب ايه رايك ترجعي القاهره تاني
ريم ما انا كنت مفكره في الحل ده بكره فاتح ماما في الموضوع ده اللي انا هرجع القاهره ......
هند هقفل معاكي يا ريم وبالليل هكلمك يا روحي....
ماشي يا هند......
باي
العربيه نزلت من اول الطريق كملت مشي لجوه
وانا ماشيه لقيت شخص ماشي ورايا بالعربيه عمال يزمر. بيب بيب بيب بيب بيب
عدلت وشي وزعقت بصوت عالي في ايه ما الطريق واسعه اهي
وقف العربيه ونزل
بصيتله انت تاني
فارس ايوه انا تاني يا ام لسان طويل .....
ما تحترم نفسك يا بني ادم انت ....
فارس بص لريم وقرب منها خطوتين اللي ما احترمتش نفسي هتعملي ايه يا ام لسان طويل.......
لسه كنت رايحه اشتمه افتكرت كلام خالتي صفيه قالتلي مش عاوزين مشاكل بصيتلي بقرف قلتله بني ادم مستفز ومشيتش روحت على البيت دخلت من الباب اللي وراني ببص حواليها لحد يشوفني لقيت فوزيه في وشي اتخضيت
بقلم امل شعبان
فوزيه تعملي ايه بره يا ريم....
ولا حاجه ياعمتي فوزيه بس جالي فضولي اشوف الباب ده بيوصل على فين ....
فوزيه ما شفتكيش يعني وانتي نازله من فوق ...
ازاي يا عمتي فوزيه انا لسه نازله دلوقتي يمكن ما خدتيش بالك.
فوزيه ماشي يلا خش جوه. ....
بقلم امل شعبان انتقام صفيه ..
بصيتلي بصه مريبه جدا خفت منها طلعت جاريه على اوضتي فوق
قفلت الباب وانا خايفه انا ناقصاك يا فوزيه انتي كمان.
سمعت صوت ماما بتنادي عليا نزلت جري
في حاجه ولا ايه يا ماما......
سلمى تعالي اقعدي معانا ما تقعديش لوحدك فوق...
حاضر يا ماما
قعدت وكان في ستات كتير قاعده جايين يا عزو ...
فضلت قاعده حسيت بالملل بس اللي هون عليا كان الستات عمالين يرغوا وكل واحده حكت قصه حياتها لقيت خالتي حنان جايه عليا قعده جنبي
حنان مالك يا ريم سرحانه فيها.....
لا يا خالتي مش سرحانه ولا حاجه بس مركزه في الكلام بتاع الستات دول شايفه الست اللي قاعده هناك دي اهلي جوزها ظلموها الست اللي قاعده جنبيها مرات ابنها تشتمها وتضربها .....
حنان انتي لسه شفت حاجه يا ريم عندنا هنا في البلد الستات مش بتخرج غير في الفرح او العزاء
ما بيصدقوا يتلموا يفضل يحكوا اللي في قلبهم الو
ريم فعلا عندك حق يا خالتي
وعدى الوقت والناس مشيت ماما طلعت نامت
وانا كنت قاعده مع خالتي حنان
حنان تصبح على خير يا ريم
دخلت خالتي حنان نامت. انا كنت طالعه لقيت فوزيه بتنادي عليا
نعم يا عمتي فوزيه ....
فوزيه تعالي شيلي شيكاره التبن معايا يا ريم هندخلها للجاموسه جوه ...
بصراحه استغربت في الوقت ده كان خالي مصطفى هو اللي بيحط اكله الجاموسه استغربت كلها ماشي
دخلنا الشيكاره التبني جوه في الزريبه ...
فوزيه خدي شويه التبن حطيهم للجاموسه دي يا ريم
حاضر يا عمتي خدت التبن ورايحه احط للجاموسه
لقيت حبل اتلف على رقبتي حد بيحاول يخنقني انا مش قادره اخد نفسي وعماله افرفض بايدي حاولت اقام لغايه ما وقعت على الارض بصي لقيت عمتي فوزيه جت من فوقيه وحط ايدها الاتنين على رقبتي وحاولي تخنقني وانا عمال اقاوم مش قادره كنت حاسه كاني روحي هتطلع
فوزيه موت يا بنت العار موتي موتي
فجاه لقيت فوزيه شلت ايديها من على رقبته وصرخت بصوت عالي وهي عماله تقول ما تموتنيش وعماله تصرخ انا ما كنتش فاهمه ليه
بقلم امل شعبان
كنت بحاول اقوم حاولت اعدل نفسي
بصيت على فوزيه وانا عماله اخذ نفسي بص ناحيته وعماله تقول ما تموتنيش مستغربه منها هي ليه بتقول كده. سمعت زي الصوت زوم ونفير جاي من ورايا ببص ورايا لقيت الست واقفه ورايا. بس كان شكلها يرعب اكتر كانت عينيها اتقلبت سوداء وشها اسود وهي عماله تطلع زي صوت نوفير وزفير
عدت من جنبي وهي متجهه على فوزيه
فوزيه طلعت تجري على الباب تخرج
الباب اتقفل اوي فوزيه لقيتها اترفعت لفوق واتنطرت على الحيطه وقعت على الارض فوزيه
الست متجهه ناحيتها فوزيه كانت بتحاول تقوم
فوزيه اترفعت من على الارض والست جذبتها اليها
ست صرخت صوت غريب اوي
( الجزء السادس)
فوزيه اترفعت من على الارض والست جذبتها اليها
وقربت منها الست وصرخت صوت غريب اوي في وش فوزيه من شده الصوت ما كنتش قادره كنت حاطه ايدي على ودني بعد كده لقيت فوزيه وقعت على الارض كان وشها شاحب اللون وعنيها مفتحه
اول حاجه خطرت في بالي قلت فوزيه اكيد ماتت
راحت الست بصتلي وهي جايه عليا بس وشها رجع زي الاول
بقلم امل شعبان انتقام صفيه
وحطيت ايدي على وشي غميت عيني
عماله اعيط واقول لها ما تموتنيش انا عارفه ان اهل البلد افطروا عليك وحرقوكي انتي والجنين اللي في بطنك عشان كده بتنتقمي منهم
بس انا ما اذيتكيش كنت جايه البلد دي ازور تيته المريضه ما عملتلكيش حاجه وانا منهاره من العياط ا ومغمضه عنيا
فجاه لقيت ايدين بتقومني ما لقيتش نفسي غير وانا بصرخ بقول لا ما تموتنيش لالالا لالالا
ركزت على صوت خالي مصطفى وهو بيقول لي اهدي ده انا يا ريم
شلت ايدي من على وشي بالراحه كنت خايفه اوي كان جسمي كله بيترعش بصيت لقيت خالي مصطفى ماسكني بيقول لي ايه اللي حصل
كان واقف وراه خالي محمود بيفوق في فوزيه
مصطفى ايه اللي حصل وايه اللي جابك الزريبه انتي وفوزيه ....
بصيتله وانا مش قادره اتكلم ما لقيتش نفس غير وانا عماله اعيط ...
خالي مصطفى شالني دخلنا جوه البيت وبصوت عالي يا سلمى يا حنان.......
نزلت حنان من فوق كانت نازله وراها سلمى
حنان يا مر في ايه مراه عمي فوزيه مالها ......
مصطفى كنا داخلين الزريبه بالصدفه انا ومحمود لقينا فوزيه مرميه على الارض وريم عماله تبك قطعته صوت سلمى وهي بتصوت ريم......
سلمى خدت ريم في حضنها عماله تقولها انا السبب اللي جبتك معايا هنا يا بنتي كنت خليتك في القاهره
مصطفى بص لسلمى وبصوت عالي ما هو كل النصايب دي بسببك انتي موت امي وموت ابوي بسببك مانعرفش الدور جاي على مين
سلمى بصه لمصطفى وهي عينيها مليانه دموع انا السبب يا مصطفى.....
بقلم امل شعبان انتقام صفيه
حنان اتدخلت خلاص يا جماعه ما تقول حاجه يا محمود ...
محمود خلاص يا جماعه مش لازم نفتح في الدفاتر القديمه
مصطفى لا انا هفتح الدفاتر القديمه ايوه انتي السبب لو كنت ناسيه افاكرك قولي لريم امها مين ولا اقولها انا لسه كان راح يتكلم سلمى بالقلم على وشه مصطفى...
واقفه حنان مصدومه ومحمود مين اللي عملته سلمى
مصطفى بص لسلمى بغيظ خرج وقفل الباب وراه اوي
حنان يا محمود روح ورا اخوك هدي وانتي يا سلمى غلط اللي عملته ده ما يصحش تمد ايدك على اخوك الكبير
سلمى قعدت على السلم فضلت تعيط
بقلم امل شعبان انتقام صفيه
ريم راحت ناحيه سلمى وهي منهاره من العياط مسكت ايد سلمى وبصت في عينيها وهي عينيها مليانه دموع هو ايه اللي خالي مصطفى بيقولوا ده
سلمى صوت عالي ما لكيش علاقه بحد يلا اطلعي فوق لمي هدومك عشان هنمشي بكره الصبح هنرجع القاهره.....
لا يا يا ماما مش طالعه في اوضتي غير لما اعرف كل حاجه قصده ايه خالي مصطفى انا بنت مين وايه
يعني انتي مش ماما ازاي امال انا بنت مين
قولي لي انا بنت مين
خالتي حنان انتي مش بتحبيني اكيد انت عارفه عارفه كل حاجه .....
حنان سلمى هي امك يا ريم اكيد خالك مصطفى. بيقول اي كلام عشان زعلان على فوزيه..........
سلمى جريت على ريم وهي منهاره من العياط وبصت لريم
انتي بنتي انا مش بنتي حد تاني فاهمه يا ريم بنتي انا يلا يا حبيبتي اطلع اوضتك ولمي هدومك هنمشي بكره القاهره وهترجع كل حاجه زي ما كانت
هزيت براسي قلتلها ماشي وطلعت على اوضتي وانا عارفه ان ماما بتكذب عليا في حاجه
دخلت اوضتي قعدت على السرير وعماله افكر
خالي مصطفى ما كانش بيقول اي كلام معقول تطلع
سلمى مش مامتي امال مين مامتي ايه علاقه الست اللي هي بتظهر لي دي
ليه عمتي فوزيه كانت عاوزه تموتني وليه الست ظهرت في الوقت ده اه
معقول تكون الست ظهرت عشان تحميني من فوزيه
اه يا دماغي حساها هتنفجر
لازم اخش البيت بتاع الست دي يمكن الاقي اي حاجه عن الاسئله اللي في دماغي
تكملة الرواية هناااااااااااا
اكتب في بحث جوحل( مدونة قصر الروايات) تظهر القصص كامله
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا