رواية فتاه سيئة السمعه كامله البارت الاول والثاني والثالث كامله
رواية فتاه سيئة السمعه كامله البارت الاول والثاني والثالث كامله
اليوم من أهم الأيام في حياتي فهو موعد استلامي لعملي الجديد .
صحوت مبكرا وارتديت ملابسي الانيقة وذهبت الي مقر الشركة لأستلم عملي الجديد .
قابلت رئيس شئون العاملين الذي قام بتوجيهي لمكتب التصدير داخل الشركة لأستلام عملي .
دخلت المكتب وبدأ في تعريفي بزملائي الجدد في المكتب .
الاستاذ عبد المنعم مدير مكتب التصدير ٤٨ سنة يعمل بالشركة منذ اكثر من ١٥ سنة .
الاستاذة ايناس ٣٢ سنة مديرة التعاقدات والتسويق بالشركة ، وتعمل بالشركة منذ ٨ سنوات .
الاستاذ شادي مساعد مسئول التصدير ٣١ سنة ويعمل بالشركة منذ ٤ سنوات .
الاستاذ طارق ٣٣ سنة مسئول التسليم ومدير الفحص الفني ويعمل بالشركة منذ عامين .
الانسة هدي ٢٨ سنة سكرتيرة المكتب وتعمل بالشركة منذ عامين .
دخلت المكتب وبدأت في التعرف علي خريطةواسلوب العمل في الشركة ومهام كل فرد فيها .
و بدأ زملائي في التعريف بانفسهم والتعرف علي انا شخصيا .
عرفتهم بنفسي وقولتلهم : انا اسمي عز الدين عندي ٣٠ سنة وساكن في حلمية الزتون ومتخرج من ٧ سنين واشتغلت قبل كده في شركة في عباس العقاد في مدينة نصر .
رد عليا طارق : طيب دي كانت قريبة منك كتير احسن من هنا ، مشوار مدينة نصر من حلمية الزتون قريب انما مشوار المهندسين من حلمية الزتون ابعد كتير .
ايناس : اسكت يا طارق ، انت فعلا معندكش دم ، ده من حظنا يا استاذ عز ان حضرتك انضميت لشركتنا وان شاء الله هتكون مرتاح معانا هنا كتير .
: ربنا يخليكي يا استاذه ايناس ، ده من ذوق حضرتك ، وانت يا طارق عندك حق فعلا في كلامك لكن الشركة اللي سبتها كنت مش مرتاح فيها علشان كده انتظرت اول فرصة وسبتها وجيت اشتغل هنا .
شادي : منور الشركة يا استاذ عز .
: بلاش كلمة استاذ دي احسن قولي عز بس .
طارق : وانت كمان نادينا بأسمائنا بدون استاذ .
: يبقي افضل اكيد ، احنا كلنا اخوات وفي سن قريب من بعض ، ما عدا استاذ عبد المنعم طبعا ده استاذنا كلنا .
ضحك استاذ عبد المنعم وقال : اعتبرني اخوكم الكبير بعيدا عن الشغل ، انما في الشغل التزام تام و مفيش مجاملات .
ضحكت وقولتله : طبعا طبعا مفهوم يا استاذ عبد المنعم .
في نهاية اليوم بدأت في تكوين فكرة عن شخصية كل واحد في المكتب .
وكانت اهم ملاحظاتي كانت ان استاذ عبد المنعم شخصية جادة وملتزم جدا في العمل اما طارق فهو انسان كثير الكلام كثير الحركة خفيف الظل واجتماعي بشكل كبير ولم يتزوج حتي الان .
اما شادي فهو انسان خجول بعض الشئ ولكنه منضبط بشكل كبير في العمل ، ومتزوج منذ ما يقرب من سنتين .
اما ايناس فهي جميلة انيقة خفيفة الظل ، وهي اكثر فريق العمل نشاطا في الشركة .
اما هدي فهي جميلة ورقيقة جدا مجتهدة جدا في عملها الا انها قليلة الكلام ولا تتحدث كثيرا .
ذهبت تاني يوم للعمل وظللت طول اليوم مع الاستاذة ايناس بحكم عملي كمدير الشئون القانونية وعملها كمسئولة للتعاقدات .
قمنا بمراجعة بعض تعاقدات الشركة ثم طلب مني الاستاذ عبد المنعم بعض مهام العمل ، ثم عدت لاستكمل عملي مع ايناس .
بدأت الاحظ بعض الهمسات بين طارق وشادي و لاحظت انهما يراقبوني انا و ايناس في صمت !!
لم اهتم كثيرا الا عندما جاء عامل البوفيه ومعه كوبين من عصير الليمون ثم قال : استاذ طارق بيصبح عليكم .
اندهشت قليلا وقولت في خاطري ( اشمعني عصير لمون يعني !!! المفروض لو عاوز يعزمنا كان يعزمنا علي شاي او قهوة او حاجة سقعة انما لمون !!! اكيد يقصد حاجة ) .
و عرفت انني كنت محق في اندهاشي من نظرة عين ايناس الذي ظهر بها الدهشة الممزوجة بالغضب !!
و بعد حوالي نص ساعة استأذن طارق و طلب ايناس للحديث علي انفراد !!!
خرجت ايناس ووقفت تتحدث مع طارق قرابة العشر دقائق ثم عادت وكان يظهر عليها الانفعال والغضب !!!
فسألتها : في حاجة يا ايناس ؟ شكلك متضايقة من حاجة !!!
: لا أبدا مفيش حاجة .
: لو في حاجة مضيقاكي قوليلي يمكن اقدر اساعدك .
: لا أبدا مفيش جديد ، الدنيا مليانة حاجات تضايق .
: يااااه !!! ليه نظرة التشاؤم دي خليكي متفائلة شوية .
: اتفائل !!! حاضر حاضر ، ان شاء الله .
: ممكن اعرف سبب الهم والحزن اللي باين في كلامك وملامحك ده ؟
: مفيش جديد يا عز الدنيا كده كلها هم ومشاكل .
: لا لا لا ، كده كتير بجد عليكي ، حاولي تخرجي اللي جواكي علشان مش تتعبي .
: من ساعة ما اتطلقت وانا واخدة علي كده .
: انتي مطلقة ؟
: ايوه من ٣ سنين .
: ربنا يعوضك خير .
: ان شاء الله .
: هو طارق بيضايقك في حاجة ؟
ارتبكت قليلا : طارق !! لا لا ابدا مفيش حاجة ، ده كان بيكلمني في الشغل .
: ايناس انتي ليه مش فكرتي تتجوزي تاني ؟
: لا ، ده موضوع يطول شرحه .
: انا مش عندي مانع اسمعك .
: طيب في وقت تاني دلوقت في الشغل مش هينفع .
: انتي عندك اولاد ؟
: لا .
: طيب حرام عليكي تدفني شبابك وجمالك في الحزن ، لازم تفكري تتجوزي تاني وتعيشي حياتك .
ضحكت ايناس وقالت : ما انا قولتلك ده موضوع يطول شرحه .
: طيب ممكن نتكلم بعد الشغل لو تحبي .
: حاضر .
الصراحة ايناس كانت شابة وجميلة ودمها خفيف واي حد يتمناها وعلشان انا بضعف قدام الجنس اللطيف لقيت نفسي بنجذب لها بدون مقاومة .
رغم اني خطبت مرتين قبل كده ووالدتي ووالدي كان نفسهم يفرحوا بيا زي اي اب وام لكن كنت قررت اني أجل فكرة الارتباط الفترة الحالية .
بعد انتهاء العمل روحت البيت واتغديت مع والدتي ووالدي وبعدها دخلت اوضتي وفتحت التليفون و كلمت ايناس .
: اتغديتي يا ايناس ؟
: ايوه الحمد لله .
: انتي عايشة مع مين ؟
ضحكت ايناس وقالتلي : انت بدأت الاستجواب بسرعة كده ؟!!!
: لا ابدا مش قصدي ، احنا لسه عارفين بعض واكيد هنسأل بعض عن حاجات كتير لحد ما نعرف بعض كويس .
: وانت يهمك تعرف كل حاجة عني يا عز ؟
: انا هعرف اللي انتي عاوزه تحكيه بس ، غير كده لا .
: طيب استني لما اعمل قهوة واجي نتكلم .
: وانا كمان هقوم اعمل قهوة .
وبعد دقايق رجعنا وقعدت اكلمها : قوليلي بقي : عايزة تحكيلي ايه عنك ؟
: الصراحة يا عز انا مش بحب احكي حاجة عن حياتي وعن نفسي ، لكن انت مادام طلبت وانا ارتحتلك هحكيلك ، قولي بقي عاوز تعرف ايه ؟
: اولا انتي عايشة مع مين ؟
: عايشة لوحدي .
اول لما قالتلي كده انا اتصدمت لأني كنت متخيل انها عايشة مع مامتها وباباها واخواتها او اي حد من اسرتها زيها زي اي واحدة في ظروفها !!!
استوعبت الصدمة بسرعة وسألتها : وليه كده ؟ مش عايشة مع اهلك ليه ؟
: بس يا سيدي ، بابا متوفي وانا طفلة صغيرة وماما اتجوزت ومش عندي اخوات الا من ماما و جوزها و هما عايشين معاها .
: اومال انتي اتربيتي فين ؟
ايناس أخدت نفس طويل وبعدها قالت : لما ماما اتجوزت عيشت معاها ومع جوزها لحد لما حصلت حاجة كده بعدها عيشت مع تيتا لحد لما اتجوزت ، وللاسف لما اطلقت كانت تيتا ماتت فاضطريت اني اعيش في شقتها لوحدي ....
الحلقة ٢
#فتاة_سيئه_السمعه
: بس يا سيدي ، بابا متوفي وانا طفلة صغيرة وماما اتجوزت ومش عندي اخوات الا من ماما و جوزها و هما عايشين معاها .
: اومال انتي اتربيتي فين ؟
ايناس أخدت نفس طويل وبعدها قالت : لما ماما اتجوزت بعد موت بابا عيشت معاها ومع جوزها لحد لما حصلت حاجة كده بعدها عيشت مع تيتا لحد لما اتجوزت ، وللاسف لما اطلقت كانت تيتا ماتت فاضطريت اني اعيش في شقتها لوحدي .
: واضح انك افتكرتي حاجة ضايقتك .
: بصراحة يا عز انا اي حاجة بفتكرها من حياتي بتضايقني .
: انا اسف اذا كنت خليتك تفتكري حاجات و تتضايقي .
: لا ابدا انت طلبت انك تتتعرف علي حياتي وانا وافقت .
: الفضول هيقتلني اسألك سؤال لكن خايف اضايقك اكتر .
: لأ اسأل عادي ، لكن اعمل حسابك انا كمان هسألك عن كل اللي انا عاوزه اعرفه .
ضحكت اوي وقولتلها : وانا موافق .
: عايز تسأل عن ايه بقي يا عز ؟
: اي الحاجة اللي حصلت بعدها تسيبي بيت مامتك وجوزها وتروحي تعيشي عند جدتك ؟
: جوزها .
: جوز مامتك ؟
: ايوه .
: ماله ؟
: اتحرش بيا .
: وبعدين ؟
: اشتكيت لماما مرة و اتنين ولما كررها تالت مرة كان مفيش حل غير انها تطلق منه او اني اسيب البيت واعيش عند جدتي .
: ولما اشتكيتي لمامتك كررها تاني وتالت ؟!!
: ايوه .
: سوري في اللفظ ده انسان زبالة اوي .
: عندك حق ، ده مش انسان ده حيوان .
: اهم حاجة انك خرجتي من البيت ده علي خير .
: الحمد لله .
: عملتي اي لما عيشتي عند جدتك ؟
: تيتا كانت ست كبيرة في السن وانا كنت لسه مراهقة وهي حاولت تهتم بيا وترعاني رغم كبر سنها وانا كنت عند ظنها بيا ، دخلت ثانوي وبعدها الجامعة لحد لما اتخرجت وبعدها اتخطبت واتجوزت .
: استني استني انتي بتحكي بسرعة كده ليه !!! قوليلي معقول عيشتي فترة المراهقة ودخلتي ثانوي والجامعة واتخرجتي بدون ما تحبي ؟
: لأ طبعا حبيت .
: حلو ، احكيلي بقي عن حبك الاول .
: اول شاب حبيته كان معتز ابن الجيران كان في الجامعة وانا كنت في اولي ثانوي ، حبيته من طرف واحد .
: صعب اوي الحب من طرف واحد ده .
: ليه بتقول كده ؟
: علشان الطرف اللي بيحب بيتعذب بحبه والطرف التاني بيكون مش حاسس .
: الصراحة ايوه ، لكن زي ما قالت ام كلثوم أمر عذاب واحلي عذاب ، رغم ان الحب من طرف واحد صعب لكن بيكون جميل .
: ازاي بقي يا ايناس وضحي بيكون جميل في ايه ؟
: يعني بيكون حب طاهر عفيف كل اللي بيكون الحبيب عايزه ويسعده هو انه يشوف حبيبه حتي ولو من بعيد .
: مشاعرك واحاسيسك جميلة اوي يا ايناس ، كملي حصل ايه بعد كده ؟
: بعدها معتز خطب واتجوز وانا كنت دخلت الجامعة وشوفت الدنيا و نسيت حبي له و عرفت انه كان حب مراهقة مش اكتر .
: اكيد حبيتي في الجامعة ؟
: متقدرش تقول حب لكن تجارب .
: مش فاهم !!!
:يعني كان اعجاب لكن مع الوقت كنت بكتشف انه مش حب .
: ده اتكرر معاكي كتير ؟؟
: مرتين .
: ممكن اعرف تفاصيل ؟
: مفيش تفاصيل مهمة .
: بنت زيك في الظروف دي والدها متوفي ووالدتها متجوزة واحد تاني وعايشة مع جدتها كانت ممكن تضيع ومستقبلها كله يتدمر .
: عندك حق ، وكتير حصلهم كده لكن انا كنت عايزة ابقي حاجة كويسة علشان كده كنت حريصة علي مستقبلي .
: اومال انتي اتجوزتي ازاي ؟
اتنهدت ايناس بعمق وبعدها قالت : ايهاب كان اخو ريهام صحبتي في الجامعة .
: اتعرفتوا علي بعض ازاي ؟
: روحت عند ريهام في يوم وهو كان هناك ، بعدها اتفاجئت بريهام بتقولي اخويا ايهاب معجب بيكي وعاوز يكلمك .
: وبعدين ؟
: اتقابلنا عن طريق ريهام واتكلمنا مع بعض فترة وارتحنا لبعض بعدها قالي انه عاوز يتقدملي .
: ومش شايفة ان كلامك معاه بدون خطوبة ولا ارتباط غلط ؟
: في الوقت ده كنت شايفه انه عادي وصح جدا كمان لكن بعد كده اكتشفت انها كانت اكبر غلطة في حياتي .
: يعني انتي في الوقت ده كنتي مرتاحة له ؟
: في الوقت ده كنت مرتاحة له لأني كنت لسه مش عرفته علي حقيقته .
: كملي وبعدين ؟
: اتخطبنا وكنت في سنة رابعة في الجامعة .
: واتجوزتوا بعد قد ايه ؟
: اتجوزنا بعد سنة خطوبة تقريبا .
: وبعدين كملي يا ايناس .
: في بداية الجواز كنا كويسين جدا جدا وجوزي كان رومانسي وحنون وكريم اوي ، وكنا بنخرج و نتفسح كتير ، و كنا عايشين في منتهي السعادة اكتر من اربع شهور .
: تمام اوي .
: لأ مش تمام ولا حاجة .
: ليه ؟ اي اللي حصل ؟
: ايهاب كان دايما بيقعد في البيت ومش بينزل الشغل الا علي فترات بعيدة !! ممكن كل اسبوع يوم او اتنين بالكتير .
: هو كان بيشتغل ايه ؟
: كان عنده محل بيبيع فيه حدايد وبويات .
: طيب ده كويس جدا ، ده معناه انه كان عنده تجارة وبيكسب كويس .
: لأ .
: ليه ؟
: لأنه كان وارث المحل ده وفلوس تجارته من والده ، انما هو مش كان بيعمل اي حاجة ، حتي فلوس جوازه كان وارثها من ابوه .
: وكان بيصرف علي البيت منين ؟
: في الاول كنت معتقده انه بيصرف علي البيت من شغله و تجارته ، بعدها اكتشفت انه اخد قرض بضمان شقتنا وبيصرف منه .
: نعم !!!! معقول ؟
: ايوه ، ودي كانت اول صدمة اتصدمتها فيه .
: لسه في صدمات تاني ؟
: يوووه كتييييير .
: طيب ، احكي احكي .
: بدأ يدخل اصحابه البيت وييجوا يسهروا معانا .
: يسهروا معاكم ازاي ؟؟
: في الاول قالي انه عازم اصحابه علي العشا عندنا في البيت ، ظنيت انها عزومة عادية مرة وهتعدي ، عملت اكل كتير وحلويات ومشروبات علشان ارفع راسه قدام اصحابه ، اتفاجئت انه بعد العشا طلب مني اني اقعد مع اصحابه واتعرف عليهم !!
: اصحابه كان معاهم زوجاتهم ؟
: لأ ، كانوا تلاتة شباب جايين لوحدهم .
: هما كانوا متجوزين ؟
: لأ ، مش متجوزين .
: ويخليكي تقعدي معاهم ليه ؟
: في البداية كنت فاكرة انه بيثق فيهم والموضوع عادي لكن بعد كده بدأت افهم .
: تفهمي ايه ؟
الحلقة ٣
: اصحابه كان معاهم زوجاتهم ؟
: لأ ، كانوا ثلاثة شباب جايين لوحدهم .
: ويخليكي تقعدي معاهم ليه ؟
: في البداية كنت فاكرة انه بيثق فيهم والموضوع عادي لكن بعد كده بدأت افهم .
: تفهمي ايه ؟
: لما احكيلك هتفهم يا عز .
:طيب احكي يا ايناس كملي .
: ايهاب عرفني بيهم كانوا تلاته ( صبري و علاء و ياسر ) قعدنا نتعرف ونتكلم ويحكيلي عن ازاي هما اصحابه من زمان وانهم اكتر من الاخوات وذكرياتهم مع بعض وكده ، كل ده كان عادي .
: تمام .
: لأ مش تمام .
: ليه ؟
: لأن بعدها قالي انه هينزل يشتري لب وسوداني لزوم السهرة !!
: سابهم معاكي ونزل ؟!!!
: ما انا استغربت وجريت وراه قولتله انت هتسيبني معاهم لوحدي وتنزل قالي عادي دول زي اخواتي واكتر !!! انا اتكسفت ارجع اقعد معاهم لوحدي فأضطريت اني اقعد في أوضتي مستنية انه يرجع .
: ايوه صح كده احسن .
: بعد شوية طلع ايهاب ومعاه الحاجات اللي جابها و دخل عليا الاوضة وسألني عن سبب اني قعدت لوحدي قولتله مينفعش اقعد معاهم لوحدي وانت مش موجود ، رد وقالي باستهزاء وانتي خايفة ليه هما يعني هياكلوكي !! ما انا نزلت وطلعت اهو ومحصلش حاجة .
: ده انسان عجيب اوي ، وبعدين كملي يا ايناس ؟
: حاول يطمني ويفهمني اني غلطانه واته بيثق في اصحابه اكتر من نفسه ، بعدها دخلنا تاني قعدنا معاهم وشغلنا قنوات الاغاني والكليبات وصبري صحبه طلع سيجارتين مخدرات وبدأوا كلهم يشربوهم مع بعض فأنا اضايقت من الدخان وقومت دخلت اوضتي .
: اسمحيلي جوزك ده غريب جدا وواضح من كلامك كده انه مش طبيعي !!!
: بعد نص الليل قام اصحابه مشيوا وهو رجع قعد معايا وعاتبني اني سبتهم ودخلت اوضتي !! فأنا حاولت اقنعه انه مش هينفع اقعد معاهم وهما بيشربوا وكده ، لكن هو كان بيحاول يقنعني بكل الطرق ان ده عادي ومفيش فيه مشكلة !!
: وبعدين ؟
: اتكررت سهرات اصحابه اكتر من مرة وكل مرة يحاول يقعدني معاهم .
: وكنتي بتقعدي معاهم فعلا ؟
: مع الضغط عليا وافقت وقعدت معاهم ، في الاول كان ريحة الدخان بتضايقني لكن مع الوقت اتعودت عليها ، لحد ما في يوم اتفاجئت بعد ما شربوا كتير بأيهاب جوزي بيقولي ما تقوم ترقصلنا شوية !!
: نعم !!!!!!
: زي ما بقولك كده .
: مش ممكن !!!! كملي كملي وعملتي ايه ؟
: رفضت طبعا وسبت البيت بعدها ورجعت قعدت عند تيتا .
: كانت تيتا لسه عايشة ؟
: ايوه .
: وبعدين حصل ايه ؟
: ايهاب حاول يصالحني بكل الطرق و حاول يقنعني انه كان مبسوط شوية وانه مش يقصد حاجة وحشة .
: ممكن سؤال ؟
: اتفضل اسال يا عز برحتك .
: هو ايهاب ده كان مش بيغير عليكي خالص ؟
: كان بيمثل احيانا انه بيغير عليا لكن في الحقيقة لأ .
: وبعدين حصل ايه ؟
: بعدها اتصالحنا واصحابه قلوا من زيارتهم عندنا وكنت مش بقعد معاهم لحد لما تيتا ماتت .
: وبعدين ؟
: بعدها ايهاب اتغير ورجع اصحابه يزورونا كل يوم وطلب مني اني اقعد و اشرب معاهم مخدرات كمان وهددني .
: هددك ازاي ؟
: قالي انه كان عاوز يتجوز واحدة فرفوشة ومتحررة وانه كان فاكرني فرفوشة ومتحررة اكتر من كده ، ولو فضلت بالاسلوب ده هيطلقني .
: وانتي عملتي ايه ؟
: انا بعد موت تيتا كان مش ليا حد في الدنيا غير ايهاب فأضطريت اني اوافق .
: وافقتي !!!
: ايوه .
: وبعدين ؟
: كفاية كده النهارده نكمل كلامنا بكره احنا الساعة ٤ الفجر دلوقت وكده مش هنعرف نروح شغلنا بكره .
قفلت معاها ونمت علطول ، والصبح صحيت بالعافية بسبب قلة النوم وروحت الشغل متأخر .
استاذ عبد المنعم قالي : ايه يا استاذ عز من بدايتها تأخير كده !!
: انا اسف والله ، اوعد حضرتك مش هتتكرر تاني .
وبعد دقيقتين وصلت ايناس ، واستاذ عبد المنعم حذرها بردو بسبب التأخير ، وقالنا : انتوا جايين مع بعض ولا ايه ؟
: لا ابدا يا فندم دي مجرد صدفة .
ردت ايناس : هنيجي مع بعض ازاي يا استاذ عبد المنعم ده هو ساكن في الزتون وانا في امبابه !!
ومر اليوم ولاحظت ان استاذ عبد المنعم شبه بيراقبني كل ما اتكلم مع ايناس ، بعدها ايناس قالتلي : خف الكلام معايا شوية علشان عبد المنعم مركز معانا اوي .
قبل نهاية اليوم بحوالي ساعة وكانت الساعة اربعة تقريبا لاحظت ان عبد المنعم بيقول لايناس ( بلاش تمشي في ميعادك استني شوية علشان عاوزك ) ردت ايناس ( حاضر ) ولما عبد المنعم لاحظ اني اخدت بالي من الكلام قال لايناس بصوت أعلي ( فيه كام ورقة مش عارف عنهم حاجة لما تخلصي شغلك تعالي شوفيهم عاوز اعرف بتوع ايه ) .
اندهشت لأني حسيت أن في شئ غامض مش طبيعي بين الاستاذ عبد المنعم وبين ايناس ، وكنت عاوز افهم طبيعة الشى المريب ده !!
الساعةخمسة الا عشرة تقريبا طارق مشي وبعده بخمس دقايق هدي كمان مشيت وبعدها بدقتين مشي شادي وانا جهزت نفسي علشان امشي ، بينما هدي كانت قاعدة جنب استاذ عبد المنعم ومعاهم مجموعة اوراق .
ومش باقي في الشركة الا عبد المنعم وهدي والاوفيس بوي اسمه سمسم وده المفروض انه اخر واحد بينزل من الشركة ومعاه استاذ عبد المنعم كل يوم .
كنت مش قادر امشي بدون ما اعرف في ايه بين ايناس وعبد المنعم لكن لما الساعة وصلت خمسة بالظبط سألت استاذ عبد المنعم : ممكن اساعدكم في حاجة يا فندم ؟
استاذ عبد المنعم : لا لا شكرا احنا كلها عشر دقايق ونمشي اتفضل انت .
اضطريت اني امشي لكن كان لازم اعرف ايه اللي هيحصل بعد ما امشي وياتري فعلا هينزلوا بعد عشر دقايق زي ما قال !!! اللي كان مطمني شوية وجود سمسم معاهم .
نزلت وروحت قعدت في كافية امام الشركة مباشرة وانتظرت اشوفهم هينزلوا امتي ، اتفاجئت بسمسم نزل بعد عشر دقايق وترك عبد المنعم و ايناس لوحدهم فوق !!!
تكملة الرواية هناااااااااااااا
تعليقات
إرسال تعليق
فضلا اترك تعليق من هنا