رواية مذكرات حبيبة البارت الخامس والسادس كامله
رواية مذكرات حبيبة البارت الخامس والسادس كامله
الحلقة ٥... مذكرات حبيبه
بمجرد علم دياب بوصول زوجي لاوروبا بدأت نظرات دياب لي تتغير وأصبحت أري في عيونه نظرات الغريزة والشهوة تطل من عينيه من جديد !!!!!
ورغم شهامته ورجولته معايا من قبل وقتما انقذ حياتي و حملني علي كتفه للمستشفي عندما نزفت لكن نظراته ليا من يوم فرحي علي اخوه جمال كانت بتخوفني جدا منه وحاسه فيها بالرغبة !!
قررت في عقلي أن لازم تكون المعاملة بينا في اضيق الحدود .
و بعد مرور حوالي شهرين من سفر جمال وفي يوم خرجت من الدار ذاهبة للدار الأخري لكي اطعم الطيور وانظف مكانهم كما افعل كل يوم .
دخلت الدار وبدأت في وضع الحبوب للطيور ولكني للمرة الأولي شعرت بحركة غريبة داخل الدار !!!!!
بدأ شعور الخوف يدب في قلبي ان يكون في الدار أحد اللصوص !!!
امسكت بعصا كانت موجودة علي الارض وبدأت أبحث في الدار عن ذلك اللص وسط شعور الخوف الشديد .
ثم فوجئت بشخص يمسكني من الخلف ويحاول تقييد حركتي !!
قاومته بكل قوة حتي استطعت الافلات منه بصعوبة .
وعندما استدرت لأواجهه وجدته دياب اخو جوزي !!!
: انت يا دياب ؟!! انت عايز اي ؟؟
: عايزك يا حبيبة ، انا بحبك وبموت فيكي و مش قادر أتحمل اكتر من كده .
: انت .. أنت اتجننت يا دياب !! انت عايز اي ؟؟ ده أنا مرات اخوك !!
: انا بحبك يا حبيبة ، من اول ما شوفتك حبيتك .
: لأ انت كده اتجننت رسمي بقي !! امشي يا دياب احسن اصوت وألم عليك الناس !!
: مش همشي يا حبيبة ، جمال سافر خلاص ومش راجع ، وانا عاوزك ومش هسيبك .
: هصوت يا دياب وافضحك !! اعقل احسن لك !!
: ويجي منين العقل قدام جمالك وحلاوتك اللي تلحس العقل ، انا خلاص اتجننت ومفيش حاجة في الدنيا هتمنعك مني .
لما حسيت انه في حالة مش طبيعية ومصمم علي اللي في دماغه ومش خايف جريت منه لكنه جري ورايا وحاول يمسكني !!
جريت علي السلم وطلعت علي سطح الدار وهو بيجري ورايا ومش عاوز يرجع !!
اضطريت اني اصرخ بصوت عال !! و في الخلا الصوت كان عال اوي !!
خاف دياب وقالي : هسسس !! خلاص اسكتي انا همشي .
: طب يلا امشي بسرعة قبل ما اصرخ تاني والمرة دي هتلاقي الناس هتتلم علينا وهفضحك وهقولهم علي اللي انت عايزه !!
: طيب خلاص انا ماشي ، بس يلا انزلي بسرعة بلاش فضايح .
: مش هنزل الا لما تنزل واشوفك وانت ماشي بعيد عن الدار .
: طيب يا حبيبة انا ماشي .
نزل دياب وخرج بره الدار ومشي وفضلت واقفة فوق سطح الدار لغاية ما أتأكدت أنه مشي بعيد .
نزلت من سطح الدار وانا قلبي وكل جسمي بيرتجف من الخوف !!
رجعت الدار وانا مصممة أني اقول لحماتي ولشهد مراته علي اللي عمله علشان يبعدوه عني ومش يفكر يعمل كده تاني .
اول ما دخلت الدار لقيت حماتي في وشي ، قولتلها : تعالي يامه انا عايزاكي .
دخلت حماتي معايا اوضتي وقفلنا الباب وقولتلها : شوفتي يامه ابنك دياب عمل اي ؟
: عمل اي دياب ؟
: لما روحت الدار التانية ااكل الطيور ، لقيته جاي ورايا ومسكني وكان عايزني !!!
: انتي بتستعبطي يا بت ؟! دياب ابني عمره ما يعمل كده ابدا .
: و الشدة اللي جمال ابنك فيها يامه دياب عمل كده .
: انتي كدابة يا بت .
: ورحمة ابويا يامه عمل كده .
: انتي يا بت عايزة توقعي عيالي في بعض وتخليهم يموتوا بعض !!! اياكي تقولي الكلام ده تاني .
: يامه صدقيني ورحمة ابويا ابنك دياب راح ورايا الدار وكان عايز يستفرد بيا هناك ، وعلفكرة انا هقول لشهد مراته كمان علشان تبعدوه عني .
: أياكي تعملي كده !! ولا تجيبي سيرة بالكلام ده لحد !! ده انا كنت اقطعلك لسانك !! انا هكلمه ولو طلع كلامك حقيقي انا هتصرف انما لو كنتي بتكدبي يا بت هقطع لسانك .
: حاضر يامه انا هسمع كلامك واسكت بس لو عمل كده تاني مش هسكت بعد كده .
خرجت حماتي وانا قعدت لوحدي بفكر وبعد شوية عمر وعمار كانوا بيلعبوا قدامي !!
فكرت اخدهم واروح اقعد مع أمي وقولت من جوايا لما جمال يتصل بيا هقوله أني هاخد الاولاد واروح اقعد مع امي لغاية ما يرجع .
بعد شوية خرجت وبدأت اجهز الأكل وبعدها شهد جات تساعدني ومعها بنتها داليا ولقيتها بتقولي : عارفة يا حبيبة انا بحبك اوي اكتر من اخواتي ونفسي لما عيالنا يكبروا واحد من عيالك يتجوز بنتي دي .
استغربت من كلامها اوي وقولتلها : ده لسه بدري اوي علي الكلام ده !!
: بدري من عمرك يا حبيبتي ، كان نفسي اسمي البنت دي حبيبة علي اسمك لكن حماتي هي اللي صممت نسميها داليا !! ده حتي دياب كمان كان نفسه يسميها حبيبة .
: المرة الجاية انتي تسمي حبيبة وانا هسمي شهد .
: قولي يارب ان شاء الله المرة الجاية ربنا يرزقني بولد .
: ربنا ينولك اللي في بالك يا شهد .
: يارب .
كان من جوايا نفسي اقولها علي اللي جوزها عمله لكن أخدت بنصيحة حماتي خصوصا أني كنت خايفة لما شهد تعرف بيتها يتخرب !!
رجع دياب علي ميعاد الاكل وقعد يتغدا معانا كلنا وعينيه حيرانة مابيني وبين مراته وأمه وعايز يشوف ملامحنا ويعرف اذا كنت اتكلمت وقولتلهم ولا لأ !!
وبعد دقايق بدأ دياب يطمن اني مش اتكلمت ، بص عليا وابتسم ، وبعد ما خلصنا أكل اخدت الاطباق ودخلت المطبخ اغسلهم اتفاجئت به جاي ورايا و ....... صرخت بصوت عال .
جات شهد بتجري : فيه اي يا حبيبة ؟؟
بصيت لدياب وقولتلها : كان فيه فار هنا عضني وجري .
: فار !!! طيب خلاص معلش ، وريني كده عضك فين ؟
: عضني في رجلي .
: طب وريني رجلك كده .
: لا خلاص .
: والنعمة لتوريني اشوف ليكون عورك !!
مسكت شهد رجلي وانا واقفة ورفعت ديل العباية وكانت عينين دياب هتخرج من مكانها وهو بيبص علي رجلي !!!
بعد الموقف ده كان لازم اقول لجمال اني هروح اقعد عند أمي .
وبالليل جمال اتصل عليا و اتكلمنا شوية وبعدين قالي انه نفسه يشوف العيال !!
الموبايل اللي معايا كان قديم و علشان كده جمال قالي انه هيتصل علي تليفون دياب اخوه الحديث مكالمة فيديو علشان يشوفنا ويطمن عليا انا والعيال !!
قولت له : بلاش دلوقتي علشان اخوك دخل ينام ، انا بكره هروح اشتري موبايل حديث علشان نتكلم عليه وتشوفني وتشوف الولاد ونشوفك احنا كمان ونطمن علي بعض .
جمال وافق واتفقنا انه بعد كده هيكلمني علي موبايلي الجديد اللي.
مذكرات حبيبة
الحلقة ٦
طلبت من جمال أني اخد العيال واروح اعيش مع أمي في بيت ابويا الله يرحمه لكن جمال رفض بشكل قاطع وقالي لو سيبتي البيت وانا مش موجود تبقي طالق !!!!!!
وقالي لو عملتي كده تمشي لوحدك وتسيبي العيال لأمي واخويا و مراته وهما هيربوهم !!!
قفلت معاه وانا بفكر واقول لنفسي ليه مش قولتله علي اللي عمله اخوه دياب !!
ولكن لو قولتله ممكن يقطع السفر وينزل يقتل اخوه وساعتها هيتعدم و عيالي هيتربوا ايتام ومش هيكون عندي مصدر رزق اقدر اربيهم منه !!!
تاني يوم قولت لحماتي علي اني هنزل هشتري موبايل حديث علشان اتكلم فيديو مع جمال ابنها ووافقت .
ما انا كان لازم اقول لحماتي لما اخرج من الدار واقولها هروح فين .
وسألتها : عملتي اي يامه ؟
: في اي يا بت ؟
: في دياب ابنك ؟
: يا بت انتي اللي فهمتيه غلط ، ده كان رايح وراكي خايف لحد يضايقك .
: يامه لأ ، طيب ولما دخلت اغسل الاطباق البارح بعد الأكل كان داخل ورايا بردو خايف لحد يضايقني ؟!!!
: طيب خلاص انا كلمته بالليل وهو خلاص مش هيتعرضلك تاني ، يلا روحي اشتري التليفون ومتتأخريش .
مشيت من الدار وانا متضايقة وحاسة أن حماتي عايزة تداري علي ابنها علي حسابي انا !!
اخدت عمر وعمار في ايدي وخرجت من القرية وركبت ميكروباص علشان اروح اشتري الموبايل من المركز .
قعدت جنب شاب في التلاتينات من عمره وطول الطريق بيلمس رجله في رجلي وانا احاول ابعد رجلي عنه ومفيش فايدة !!
لكن الميكروباص كان زحمة ومش قدرت ابعد عنه كتير .
اتفاجئت به بدون ما حد يشعر بيمد ايده وبيمسكني !!!
كنت عايزة اصرخ لكن خوفت من الفضيحة والبهدلة وخصوصا ان معايا عيالي الاتنين !!
حاولت اظهر اني متضايقة وخلاص قربت اصرخ ولكنه كان مش خايف !!!
نزلت من الميكروباص لما وصلنا وانا حزينة ومتضايقة وقرفانة من طمع كل الناس فيا !!
كل ده علشان انا حلوة شوية !!!
طيب ما الحلوين كتير اشمعنا انا اللي الكل طمعان فيا !!
وبقيت بسأل نفسي اذا كان اللي بيغلط مش خايف !! ليه انا دايما اللي بخاف اتكلم ؟!!
فضلت اتمشي واتفرج علي المحلات اشوف محلات الموبايلات وأسأل عن أسعارها وانا تقريبا مش فاهمة اي حاجة !!
الحاجة الوحيدة اللي فهمتها المعاكسات اللي كنت بتعاكسها طول الطريق وانا ماشية ومن اللي شغالين في المحلات .
دخلت محل كان اللي واقف فيه شاب في الاربعين تقريبا من عمره قولت في نفسي اهو ده كبير شوية وممكن يفهمني اي حاجة عن التليفونات دي وكمان في الغالب مش هيعاكسني .
بدأت أسأله عن الموبايلات واسعارها والفرق بين كل موبايل والتاني .
كان في منتهي الذوق معايا وفهمني كل حاجة واشتريت منه الموبايل وركب الخط بتاعي فيه وشغله وعرفني اشغله و استخدمه ازاي !!!
خرجت من عنده وكنت فرحانه اوي بالموبايل الجديد .
ورجعت القرية تاني وانا خايفة ان الموبايل الجميل ده يضيع مني !!
اول لما دخلت الدار شهد قالتلي : حمدلله علي السلامة يا حبيبة .
: الله يسلمك يا شهد .
: فين التليفون اللي جبتيه ؟
واول لما شهد شافته عجبها اوي وكانت عينيها هطلع عليه وقالت : اول ما يرجع دياب من الارض هقوله يجيب لي واحد زي ده .
: يا شهد انا مش بحب التليفونات ، ده انا جايباه علشان اطمن علي جمال وهو يطمن علينا انا والعيال !! انما انتي ربنا يخليلك جوزك جنبك !!
حسيت من كلامي ان شهد اتضايقت ، فقولتلها : طيب خلاص متزعليش نفسك ، قولي لدياب يجيب لك واحد ولو مش رضي ابقي خليه معاكي وانا مش هاخده منك الا لما اكون هكلم جمال .
ضحكت شهد وقالتلي : انتي طيبة اوي يا حبيبة ، ربنا يخليكي ليا .
حماتي اول ما شافت الموبايل كانت متضايقة وقالتلي : لزمته اي المصاريف دي !! ما كنتي تكلميه علي تليفون اخوه زي ما كنتوا بتعملوا !!
: لا يا حماتي ، ممكن يكون دياب نايم وقت ما جمال يتصل ، وعموما انا اشتريته بفلوسي .
اتضايقت حماتي اكتر وقالتلي : فلوسك !! بقي عندك فلوس يا بت دلوقتي !!
سكت ومش رديت عليها ، ودخلت غيرت هدومي وبدأت اعمل شغل الدار كالعادة رغم اني كنت تعبانة اوي .
وكنت مستنية الليل ييجي علشان جمال يتصل بيا واشوفه ويشوفني !!
وبالليل جمال اتصل بيا اخيرا !!
رديت عليه وكنت ماسكة الموبايل مستنية اني اشوفه لكن مش ظهر لي اي حاجه علي الشاشة ومش سمعت غير صوته !!!
عرفت بعد كده أني لازم اعمل ايميلات علشان اقدر اكلمه عليها صوت وصورة !!
دياب اخد الموبايل وعملي ايميلات علي كل المواقع وفهمني الفيس والواتساب والحاجات دي اللي مكنتش اعرفها قبل كده .
كنت اول مرة اعرف الحاجات دي !! كنت بسمع عنها بس لكن اول مرة اجربها !!
وفعلا بدأت اتكلم مع جمال محادثة فيديو من تليفوني وكنت فرحانة اوي !!! حسيت وقتها ان الموبايل ده قربنا من بعض ولغي المسافات رغم ان بينا مسافات بعيدة اوي !!
و انا بكلمه بدأت احس بالأطمئنان شوية عن الأول .
وبعد ما خلصنا كلام حطيت الموبايل جنبي وحاولت انام .
لكن النوم كان طاير من عينيا !!
قولت اجرب وافتح اللي بيقولوا عليه الفيس ده واشوف بيعملوا فيه ايه !!
فتحت الفيس وانا لسه مش فاهمة اي حاجة وحاولت افهمه واحدة واحدة مع نفسي لكن فجأة لقيت رقم بيرن عليا !!!
الرقم كان مش متسجل علي التليفون وكنت خايفة تكون حاجة مهمة ، قولت في نفسي ارد اشوف مين .
: الو ، مين ؟
: الو ، انتي لسه صاحية ؟
: ايوه لسه صاحية ، مين انت ؟
: انا شريف .
: شريف مين ؟؟ معرفش حد اسمه شريف !!
: انا شريف اللي اشتريتي منه الموبايل النهاردة .
استغربت اوي وقولتله : اااه ، وانت عرفت رقمي منين ؟
: رنيت علي نفسي من تليفونك وانتي في المحل الرقم ظهر عندي .
: وحضرتك بتتصل بيا ليا دلوقتي ؟
: قولت اطمن اشوفك عرفتي تستخدمي التليفون ولا فيه حاجة واقفة معاكي علشان اساعدك .
: وانت حضرتك متعود كل ما تبيع موبايل لحد تاخد رقمه علشان تطمن تشوفه شغال معاه ولا لأ ؟؟؟
: اكيد لأ طبعا .متابعه للصفحة الشخصية
: واشمعني عملت كده معايا انا ؟
: لتلات اسباب ، الأول انك قولتيلي انك مش بتفهمي فيهم ، والتاني لما قولتيلي انك شارياه علشان تكلمي جوزك اللي مسافر عليه .
: والسبب التالت ؟
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا