رواية بطه والاسر الفصل الاول والثاني والثالث بقلم تبارك عابد سليم

رواية بطه والاسر الفصل الاول والثاني والثالث 

بقلم تبارك عابد سليم

رواية بطه والاسر الفصل الاول والثاني والثالث 

بقلم تبارك عابد سليم

احمم.. احم.. انا فاطمه... بس كل ال يعرفني بيقولي يا بطه... انا ف اولي جامعه.. كليه اداب جامعه المنصوره... وزني 90كيلو.. انا لا قصيره ولا طويله.. بشرتي عاديه وعيوني بني غامق... انا عاديه خاالص ويمكن دا ال كان عاملي مشكله من صغري.. وديما كنت بعيط كتير عشان من وانا ف ابتدائي وانا قلبوظه. زي ما زمايلي بيقولو عليا... مكنش ليا اصحاب اد كدا... دا غير اني كنت بشوف ان كل دفعتي بترتبط وانا لا.. انا طبعا مليش ف جوا الارتباط وكدا بس.. كنت بزعل عمري ما اتكلمت معا ولاد.. ولا ولد قالي كلمه حلوه... دا حتي كانو بيتريقو عليا...ودا خلي ثقتي منعدمه ف نفسي اوي.. حاولت كتير اخس بس مكنتش بقدر.. زي ميكون خلاص كلامهم السلبي بقي بنسبالي دافع قوي اني مخسش..... 

............................................. 

وانا قاعده ف المحاضره دخل علينا.. حد كدا بصلاه علي النبي...(عليه افصل الصلاه والسلام) مزز مزز بحق وحقيقي شعر اسود وعيون زرقا.. وجسم رياضي.. بصراحه شغل عالي اوي.... بس طبعا انا نزلت عيني بسرعه وقولت اي الهبل دا يبطه.... اكيد يعني واحد بجماله مش هياخد باله انك موجوده اساسا ف السكشن من الاساس.... وطلع هو الدكتور... وكمان دكتور يا بطه... دا انتي عبيطه اوي... 

المهم كملنا المحاضره.. بس طبعا المحاضره مخلتش من كلام البنات.. عليه...(🙂🙂🙂🙂🙂)... خلص اليوم وروحت ... بصو يجدعان احنا ناس طبيعين خالص وعلي الفتره... عندي اخويا اسمه علي ف تالته ثانوي.. 

وامي ست عاديه خالص ربه منزل 

وولدي بيشتغل ف مصلحه الضرايب..(استووب متفتكروش ان ولدي غني بق وكدا....لا الغني غني الله..بس ولدي علمنا منمدش ايدينا لحاجه حرام..) 

المهم دخلت الشقه طبعا بعد معاناه... لاننا ساكنين ف الدور التالت....... 

بطه: الله الله يا ست الكل.. اي الريحه الحلوه دي... 

ناديه: بس يا بكاشه... خشي يلا غيري على ما احط الاكل ع الطبليه وابوكي ياجي....... انت يا علي الزفت قوم من علي القرف ال ف ايدك دا.... دا انت المفروض ف تالته السنادي 

علي: ايوا يعني في تالته ثانوي... اي احبس نفسي... يست الكل الواحد لازم ياخد فاصل قصير يروق فيه اعصابه من المذاكره...... وينطلق ابو ورده ف وشه 😂 الا ما شفتك مره ماسك كتاااب... يلا يا ابن الهبله.. انزل حات العيش علي ما اجهز الاكل وابوك ياجي.. 

انا بقي دخلت اوضتي وقعدت علي سريري وقعدت افكر ف الدكتور اسر.. اد ايه انه جميل... ورجعت براسي كدا وسندت علي شباك السرير وبتخيل انه ممكن واحد زي دكتور اسر ياخد باله اني موجوده اساسا ف السكشن... والاقي ابو ورده ف وشيييي وهوووب 

قومي يبت بقالي ساعه بنادي عليكي قومي ساعديني... اييي مش كفايه طول اليوم شغل يتكم القرف... ربنا ما يحوجني لحد...(والكلام ال اي ام مصريه بتقوله داا 😂) بابا جه علي صوت ماما... بصو دا الطبيعي عمتا بتاع كل يوم.. ف بقي شيء عادي... المهم قعدنا اتغدينا ف جوا عائلي وطبعا مخلاش من نقاري انا وعلي سوا..... ........... 

تاني يوم الصبح رحت الجامعه..... وانا بطلع التلفون بتاعي من الشنطه ومشغوله ف الشنطه خبطت ف حد..... 

_انا اسف 

بطه _انا اسفه 

_انتي كويسه يا انسه.. 

انا من الصدمه والفرحه اتشليت 😂😂 

رايكم.

_انا اسف 

بطه _ انا اسفه 

_انتي كويسه 

بطه: احم.... ا اه اه كويسه.. 

انا من الصدمه اتشليت دا يوسف يجدعان السرسجي بتاع الجامعه حاجه كدا اخر شياكه.. بصلي يوسف وقالي ببتسامه بدام كويسه بعد ازنك وبعتذر لكي يا انسه.. 

بطه _ ياااااااه اي دا اول مره حد يحترمني كدا... ولكن تاتي السفن بما لا تشتهي الانفس القيه بيضحك هو وشله بنات وولاد... 

يوسف: بس اي رايكم.... 

احد اصدقائه: هايل يا فنان.. 

بنت:  لا وكان في قلوب طايره من عنيها يا يوسف تخيل لو واحده  زي دي تتجوزها

يوسف بخضه: حرام عليكي ياشيخه.. كله بسبب لعبه زفت الاحكام دي مش كان زماني خبطت في وحده مزه مش الكرومبه دي  

دموعي نزلت وجريت بسرعه ع الحمام وفضلت اعيط بعدها طلعت عشان الحق  المحاضره دخلت .. الحزن باين علي وشي .. ومن سوء حظي لقيت دكتور اسر موجود... وزعقلي علي التاخير.. وقالي اخر مره... انا دخلت قعدت ورا وفضلت اعيط من الموقف ال حصل لا كمان دكتور اسر زعقلي قدم الطلاب وفيه منهم ال ضحك بصوت واطي من وانا معاديه وكان بيقول اتاخرت علي ما طلعت السلم.. وغيره وغيره.... المحاضره انتهت وحطيت الهاند فري ف ودني عشان مسمعش كلامهم ال عامل زي السكاكين... ونزلت براسي ع المدرج وخبيت وشي.... وبعدها بحاولي 5 دقايق لقيت حد بيخبط علي كتفي.... ف برفع راسي لقيته دكتور اسر.... 

بطه بصدمه: د دكتور اسر... 

اسر ببتسامه: ومالك مصدومه كدا لي 

بطه: ا اصل ي ي يعني 

اسر:  اصل اي... المهم تعالي المكتب عاوزك في موضوع 

رحت معاه وانا مغيبه خالص عن الواقع مصدومهه يبناات مصدومه...بعدها بدا يتكلم وحقيقي مكنتش حاسه بنفسي.. قولتله بعد ازنك... وروحت ومش عارفه روحت ازاي... دخلت اوضتي حتي ماما كانت ف المطبخ محستش بيا.. غيرت ونمت علي السرير وفضلت اعيط...بعدها بشويه ماما داخله الاوضه ب الصدفه

ناديه: ااااععع بسم الله الرحمن الرحيم... 

بطه:  دا انا يا ماما 

ناديه:  انتي جيتي امتي.دا انا مسمعتش ليكي حس... 

بطه:  مفيش بعد ازنك يماما اقفلي النور عاوزه انام 

ماما قربت مني وقالتلي مالك يبنت بطني منتش طبيعيه حصل حاجه حد  ف الجامعه مضايقك... 

اترميت ف حضن ماما وقعدت اعيط بصوت.. حقيقي انا محتاجه حضنها اوي فضلت اعيط... واحكي لامي علي ال حصل... وهي تطبطب عليا... وبعدها حسيت ان راسي تقلت اوي من كتر العياط نمت........ 

.................................................................

صحيت بالليل لقيت بابا بينادي عليا واخدني وقعدنا ف البلكونه هي مش بلكونه كبيره دي فيها كرسين بالعدد وبتطل علي عم محمد بتاع الخضار وام علاء بتاعت البقاله... المهم.... 

محمد: ماما حكتلي علي كل حاجه.. 

وقفت وقولتله وانا بعيط انا زعلانه اوي يبابا هو لي الناس بتدخل ف كل حاجه متخصهاش هو جسمهم ولا جسمي... 

محمد: يحببتي دا واقع اليم بقالنا سنين عايشين فيه... المهم خلينا ف موضعنا انا من رايي تسمعي كلام الدكتور... 

بطه: يا بابا دا ببستغلني بياخدني حاله ف مشروع الثمنه عشان ينجح فيه.. 

محمد: انا شايفها انها متبادله هو هيخليكي تخسي. وانتي تنجحيه ف مشروعه... 

بطه: يبابا انا حاولت كتير اخس بس منفعش... 

محمد: جربي المره دي مش هنخسر حاجه 

بطه: طيب يبابا 

محمد: يلا يروحي قومي اتعشي... 

بطه: حاضر يبابا.... 

تاني يوم رحت الجامعه وقبلت الدكتور اسر وقولتله اني موفقه 

بس الصدمه لما رد عليا وقالي......

لو فيه تفاعل حلو وياريت رايكم هنزل البارت التاني 

#البارت_التاني 

اسر:  حددي ليا معاد معا ولدك 

بطه بغباء:  ليه 

اسر:  هو ايه الي ليه مش لازم اقعد معاه ونتكلم.. انتي يابنتي هبله 

بطه بحبه كرامه :  كلمني باسلوب احسن من كده

اسر:  غوري يا بت من وشي ويلا ع المحاضره.. هنلم ولا اي 

بطه :  حاضر يا دكتور 

اسر:  ههههههههه ايوا كده 

بطه وهي مركزه في ضحكته:  طب اعمل ايه وضحكته قمر كده 

اسر:  والله يا حيله امك اللي المفروض تعمليه انك تتجري علي محاضرتك عشان لو دخلت قبلك مش هتحضري 

بطه بصدمه:  حيله امك وتتجري... الا هو انت منين يا ضكتور 

اسر:  ضكتور... امشييي ياابت 

............................. 

محمد:  بس انا كنت فاهم غير كدا... 

اسر:  بص يا حاج انا ال لازم اتابع الحاله بنفسي واوصف كل حاجه ف التقرير.. فهمتني... 

ناديه:  ايوا بس يبني احنا ناس غلابه وعلي قد حالنا  وانت شايف احنا ف  منطقه شعبيه والناس مبترحمش لاما يلاقو بطه دخله خارجه معاك.. والبنت ملهاش غير سمعتها 

اسر: فاهم يا حاجه والله. شوفو اي الحل وانا تحت امركم 

محمد: ملهاش حل يابني انا مش هفرح لما بنتي تخس والناس تتكلم عليها 

اسر:  بس ده هيفيدها 

ناديه:  محمد عنده حق يا. 

اسر لما حس ان الموضوع هيفشل كده:  بس انا لقيت الحل... انا وهيا نعمل خطوبه صغيره وبكده نبقي حلينا الموضوع 

محمد بسخريه:  يبني انت كده نيلت الموضوع اكتر... الناس في المناطق بتاعتنا دي لما مبتلايش حاجه يعلقو عليها بيعلقو علي نفسهم والخطوبه مش هتحل هتزود.. هيقولو كل شويه راحه جايه معا خطيبها ومفيش مراقبه.. انا يا ابني 

اسر:  ممكن اتكلم معا حضرتك لوحدنا 

بعد شويه 

محمد:  فاطمه.. تعالي 

فاطمه بكسوف:  نعم يا بابا 

محمد:  بصي يا حبيبتي احنا هنعمل خطوبه وكتب كتاب عشان عشان ميبقاش في حاجه غلط او احرام لحد ما الفتره تعدي ع خير وبعدها يطلقك 

فاطمه بتردد:  بس انا 

محمد:  مبسش يا حبيبتي مفيش حاجه هتتغير ده بس هيكون مؤقت وانتي هتفضلي هنا معانا. بس هنعمل كده عشان كلام الناس يا يحبيبتي. 

فاطمه بخوف وتوتر:  اللي تشوفه يابابا 

اسر ببتسامه:  نكمل كلامنا بقي يا عمي 

.. ............ 

اففففففففف مالك فرحانه كدا لي يعني هو جواز بجد دا عشان بس كلام الناس واسم بس انك مراته ......

حاولت ان تغمض عينيها ولكن لم تستطع 

بطه: اعععع دا انا لو راحه رحله مش هبقي متحمسه كده 

وضعت المخده فوق راسها 

بطه:  نوم بقي نوووم 

......................... صحيت الصبح علي صوت عم عبده.. وهو بيتخانق كلعاده 

ودوشه العيال وهي راحه الصبح المدارس وصوت الناس وهي بتشتري الخضار ..  وعمو بتاع البصل اللي صوته تحسوه فوق دماغي.. كل دا... وطبعا صوت امي ال مالي الشقه وهي بتصحينا والزعيق بتاع كل يوم الصبح... طلعت وكلي نشاط غسلت وشي... ورحت المطبخ سرقت كام واحده بطاطس... وجريت وطبعا امي نبع الحنان قعدت تزعق.... ويبت اتهدي عشان نعرف نفطر... ويلا روحي صحي اخوكي.. 

دخلت علي اخويا لقيته صاحي ودي مش عادته خاالص.. لا وكمان لابس عشان عنده درس الساعه 9 قربت منه وحطيت ايدي ع راسه... 

بطه بتريقه : علي يا حبيبي انت سخن... 

علي: بس يا بت 

ناديه: يلاااااا يولااااد الاكل........... 

فطرت ولبست وروحت الجامعه... دخلت المدرج عادي وحسه اني عندي ثقه زياده ف نفسي... خلصنا المحاضره الاوله والتانيه وطلعت قعدت ف كافيه الجامعه وطلبت واحد برجر وبطاطس وواحد كنزي... مردتش اطلب كتير عشان كنت فاطره قبل ما انزل الجامعه... 😂😂😂

الاكل نزل ولسه بمد ايدي علي البرجر لقيت ال سحبه من قدامي... 

اسر: برجر وكنزي وبطاطس... يحلاااااوه 

بطه:  د دول.. د 

اسر:  دول ايه هااا... دول مصيبه..الاكل دا ممنوع اي اكل فيه زيوت ممنوع ولا شيبسي ولا شكولاته ولا بيبسي ولا كل الكلام دا.. وخصوصا الاندومي... 

بطه: نععععم انت عبيط هل انت عبيط . دا كله الا الاندومي وبعدين تدركت الموقف... احم... اسفه 

اسر بضحك: زي ما ولدك قالي... بس اوعدك ان كل دا هيتمنع ان شاء الله......عمررر 

عمر:  ايوا يا دكتور اسر.. 

اسر:  شيل الاكل دا 

بدا عمر بحمل كل شيء .. تحت تاثير صدمه بطه... وفمها مفتوح.... 

اسر: انا همشي دلوقتي معادنا ان شاء الله الساعه 4 ف كافيه***** مبحبش التأخير سامعه.. ثم تركها ورحل وهو يبتسم ف هي كانت تنظر ال الطاوله وهي فارغه وفمها مفتوح... 

.................................................................

البسس اييييييييي البس اييييي. 

بطه:  مااااامااا البس ايه... 

ناديه:  الدولاب عندك.. 

بطه:  ايوا يعني البسه....

وبعد لف طوويل ف الدولاب طلعت بنطلون واسع اسود وقميص واسع بيج  ... وكتش ابيض والشنطه بتاعتها....... واخدت بعضها ونزلت...وبعد شويه وصلت الكافيه ودخلت وبتبص ف ساعتها لقت الوقت مظبوط بتلف بعنيها..... لقته قاعد....حمحمت وشدت الكرسي 

بدا يتكلم علي النظام ال هتمشي عليه... وامتي هيروحو الجيم... وكدا.. وهما قاعدين طلب ليها عصير لمون... وليه قهوه واعتذر منها انه هيعمل تلفون......مشي وهي فضلت قاعده وبعد شويه رجع.. وكااانت الصدمه...

#البارت_الثالث

اسر بيبص من الصدمه شاف بطه بتاخد الشنطه بتاعتها وطلعه تعيط..جري علطول لحقها...ومسكها من ايديها لفها ليه... 

اسر: في ايه واي ال مخليكي معيطه كدا..... 

فضلت تعيط وهي ساكته راح متعصب وضغط علي ايدها 

اسر بعصبيه:  بقولك ف اييييه

بطه بعياط: ب بيتريقو عليا... وب وبيقولو اني وحشه وانت احلي... احلي مني.. واكيد سحرلك ... ... انا والله من جويا كويسه... انا مخترتش ابقي طخينه او شكلي يبقي عادي... ليه الناس بقت وحشه وبتاخد بالمظهر. 

اسر قالها تعالي وسحبها من ايديها وشاور علي مجموعه شباب وبنات  قاعدين وبيضحكو .... هماا دوول 

بطه:  ا ايوا.. ا انت رايح فين. ومسكت ايده 

اسر وهو بيفك ايده من ايدها: خليكي هنا ثواني.... 

شاب: اي ياشبح ف حاجه 

اسر: لا يحبيبي دا انا بحب بعد الغدا امرن عضله الايد 

وفجأه قلب الترابيزه وحصل مدعكه الناس ف الكافيه شلوهم عن بعض....

اسر:  احمد الخساير عليا 

احمد مدير المطعم:  ميصحش يا اسر بيه 

اسر:  بس دا اكل عيشك وانا عند كلمتي 

ثم اقترب من تلك الواقفه تبكي وازال دموعها 

اسر ببتسامه : خلاص بقي مش كفايه الخروجه باظت يافقر 

ف عربيه اسر ايده مجروحه بسبب ولد  خبطه ف ايده ب ازاز الكوبايه وايده بقت تجيب دم

بطه وهي بتعيط جامد وبتشهق مدت ايدها واخدت ايده بتحاول ب المنديل ال معاها توقف نزيف الدم 

بطه:  ا انا اسفه... انا السبب... كل دا بسبي.... والله مكان قصدي.. يارتني مكنت قولتلك...

اسر لقاها بتعيط جامد وبتتكلم بسرعه راح حاطط صبعه علي شفايفها... 

اسر:  هوش اسكتي ممكن.. انا كويس... وبعدين انتي لازم تتعودي ازاي تدافعي عن نفسك..... يلا بينا نروح الجيم.... 

بطه بعد مفاقت من تاثير الصدمه:  احم.. طيب نروح ع صيدليه الاول يشوفو ايدك

اسر ببتسامه:  حاضر 

بطه فضلت مركزه معاه وهو بيسوق واحساس بينمو جواها هي خايفه من الاحساس ده الاول كان اعجاب وكانت متاكده انه عمره ما يبص ليها انما دلوقتي هو معاها وبيدافع عنها 

........................................................... 

تفتكر بعد ال عملته دا ممكن اسامحك يا بلال.. 

بلال:   ال بيحب بيسامح يا حياه

حياه بسخريه:  وال بيحب مبيخنش يا بلال.. عمتا انا عندي شغل بعد ازنك.. 

بلال بغضب: ماشي يا حياه ....... بس اعملي حسابك هرجع تاني وانتي بمزاجك غصب عنك انتي ملكي يا حياه  فاهمه 

ثم تركها ورحل والغضب يسيطر عليه... 

اما حياه ف ابتسمت فهي حقا قد سامحته.. ولكن اه من حواء.... 

حياه ببتسامه ماكره:  انا بقي هعلمك الادب يا بلال علي ايدي ويا انا يا انت وهنشوف.... 

.......................................................... 

عملتي ايه تاني يا مصيبه  بلال  ماشي ومش شايف قدامه 

حياه:   احسن يستاهل.... انتي بطه 

بطه بخجل: ايوه 

حياه وهي تحتضنها: اهلا بيكي يا قمر نورتينا  انا حياه المسؤله عنك ف الجيم وصاحبه اسر... 

بطه:  اه

حياه :  يلا بقي نبدا... 

دنيا وبطه:  يلاا 

بطه دخلت غيرت لترينج راضي واسع... وراحت تلعب ع المشايه ولسه هتبدا تجري حياه شغلت المشايه راحت  واقعه.. 😂😂 

بطه: اااااه ياضهري ااااه 

اسر بضحك: ايه زرع البصل اللي حصل ده 

سندها . وقف المشايه ومد ايده مسك ايديها الاتنين وقالها حركي رجلك ع الارض بسرعه كل دا وهو ماسك ايديها... وهي بتحاول وعنيهم جت ف نظره وبعدها بعدو عيونهم عن بعض.... وبدا اسر يساعدها وحده وحده...... لحد ما قدرت تمشي ع المشايه بس شويه شويه مش متمكنه لسه اوي لان دي اول مره تدخل جيم.... البت يعيني قعدت ع الارض هتموت بقت بتاخد نفسها ب العافيه 

بطه: مش يلا بقي نروح 

اسر: قومي يابت انتي لسه عملتي حاجه. 

بطه: اففففففففففف

..

بدات تعمل تمارين بس رجلها وجعتها اوي وحست انها مبقتش قادره تمشي 

بطه: كفايه والله ما عت عامله حاجه انا رجلي وجعتني 

اسر: طيب طيب يلا بينا 

.ركبت العربيه معا اسر ووصلها البيت.. وطلعت وهي بتفتح باب الشقه بالمفتاح راح واقع ع الارض 

بطه بصدمه: يالهوووي ده وقتك انزل اجيبك ازايييي دا انا رجلي لو نزلت مظنش اني هطلع تاني.. يماااااامعععاااا 

ناديه:  اييه يا زفته الصوت ده في ايه الناس تقول ايه 

بطه:  ياستي افتحي بقيييي 

ناديه:  مش انتي يابت معاكي مفتاح 

بطه وهي تشير ع المفتاح:  وقع وانا رجلي بتوجعني ومش قادره اوطي اجيبه واوعي بقي كده 

ثم دلفت اللي الدخل وحينما كانت تقترب من غرفتها اتجهت نحو المطبخ 

بطه:  محشي ياماما محشييي.. دا انا بقالي اسبوع بتحايل عليكي تقومي تعملي الاكل ده كله لما اعما رجيم 

علي:  والله ياختي احنا مش هنحرم نفسنا عشانك

بطه:  ومين قالك يا سخيف انت اني هحرم نفسي انا هاكل براحتي بقي اصلا طالما الساعه مجتش 8 يبقي براحتييي

يتك قل راحتك انتي يا زفته انا قولت ايه 

بطه بفزع:  اععععععععععععععععع

.......................... .......... ..... .. 

حياه خلصت شغل ف الجيم وركبت عربيتها وهي ف الطريق عربيه قطعت عليها ......

تكملة الرواية هناااااااا