رواية بطه والاسر الفصل الرابع والخامس والسادس بقلم تبارك عابد سليم

رواية بطه والاسر الفصل الرابع والخامس والسادس

بقلم تبار ك عابدسليم

رواية بطه والاسر الفصل الرابع والخامس والسادس

بقلم تبارك عابد سليم

#البارت_الرابع

بطه بفزع:  اعاااااا.. انت مش روحت ايه جابك 

ناديه:  بتتت احترمي نفسك ايه جابك دي

بطه:  يماما قصدي انه كان ماشي 

محمد: جه معايا عشان نحدد كتب الكتاب 

بطه:  بالسرعه دي 

اسر: ده احسن وقت اظن قبل ما حد يتكلم

بطه بهدوء:  تمم 

ناديه: اما انا بقي عامله شويه محشي انما ايه لازم تتغدي معانا يا اسر يابني 

اسر:  كتر خيرك بس انا مستعجل.. 

ناديه:  والله ما يحصل.. ولا ايه يا محمد 

محمد: الحاجه عندها حق يابني يلا بينا ع ما يجهزو الاكل نقعد في البلكونه 

............................... 

البلكونه 

محمد:  طبعا انا وافقت عشان الكلام الي قولته... عن ان ثقتها مهزوزه وانها بتتعرض للتنمر في الجامعه بس انا يابني خايف علي بنتي 

اسر:  مقدر خوفك بس صدقني هي محتاجه داعم غيركم لان عارفه انكم اهلها وحتي لو شايفين فيها عيب مش هتقولو... بطه ياحاج زي ما قولتلك التنمر اللي كانت بتتعرض ليه في الجامعه وقبل كده في مختلف مراحل عمرها خلاها تبقي فاقده الثقه في نفسها... واثر التنمر كبير علي نفسيه الشخص ممكن يوصله للانتحار 

محمد بشك:  بس متزعلش مني ما في غيرها كتير.. وبصراحه موضوع مشروعك ده مش سبب رائسي صح 

اسر: عندك حق ياحج... انا كان عندي اخت تؤامي كانت بتعاني من مشكله زي فاطمه لحد ما انتحرت ولما شفت فاطمه حسيت فيها اختي ف حبيت اساعدها لاني اتمنيت ان اختي كانت تلاقي مساعده 

محمد بهدوء بس قلبه مش مرتاح بس قال في نفسه  المهم ان بنته تكون كويسه هو عارف ان بطه كتومه وده كان بيخوفه ساعات انها تعمل في نفسها حاجه بس هو مش مرتاح للموضوع بس بيحاول يتخطي خوفه ده :  ربنا يرحمها....

ابتسم اسر بشرود وهو ينظر لنقطه فراغ 

..............................    

نزلت حياه من العربيه بعصبيه:  خير يا بلال... 

بلال ببتسامه وهو يخلع نظارته ويستند علي السياره 

بلال ببتسامه :  خير ياقلب بلال ان شاء الله

حياه بستفزاز:  وهو انت بياجي من وراك خير بردو 

بلال:  بتاكلي وتنكري زي القطط... صنف نمرود 

حياه بعصبيه:  انت بارد ومستفزززز 

اقترب بلال منها :  وعسول وجميل وبحب مراتي.. ويلا عشان منتمسكش وضع مخل في الطريق العام 

 حياه:  يلا.؟  يلاا فيين 

بلال:  علي بيتنا يا ماما مش كفايه كده ولا ناويه تخللي عند امك 

حياه:  امك... بقيت بيه اوييي

بلال واقتربه منها ذاد وغمز لها :  اووي اوييي 

حياه بصدمه:  احترم نفسك 

بلال:  قدامي يا بتتت 

حياه بهدوء :  مش هاجي معاك يابلال

بلال بعصبيه :  ليه يا حياه ليه مصممه تنهي علاقتنا قولتلك كانت زفت مهمه كان لازم اعمل كده 

حياه بدموع:  مفيش مبرر للخيانه 

بلال بهدوء وهو يسحبها بين يديه محتضن ايها:  شش...  حياتي انتي عارفه ان مفيش في القلب غيرك صدقيني والله يا حياه انتي حب ابتدائي وحب المراهقه وحب الجامعه دا انت خللت جمبك لحد ما خلصتي جامعه..... واذا كان علي العمليات دي معتش طالعها كله الا زعلك يا حياه مرضيه كده يا ستي 

حياه ببتسامه:  اممم بس عاوزه شكولاته 

بلال:  عيونه.. متجيبي وحده مشبك وانتي قمر كده 

_انا اللي هديك مشبك يا حبيبي 

حياه بصدمه:  يفضيحتيي 

بلال:  هتباتي في الحجز يانوغه 

.......................... 

   بطه بسخط وهي تنظر الي طبق السلطه بينما امامهم كل ما لذ وطاب:  والله... متهزروش انا جعانه... 

ناديه:  اسكتي يابت وكلي السلطه 

بطه:  طب مش واكله بقي

علي:  احسن وفرتي 

بطه:  باااباا خليه يسكت 

محمد:  اسكت يا علي.. عيب اختك 

علي:  هو انا قولت ايه الله 

ناديه:  مبتاكلش ليه يا ابني... شكل اكلنا مش عاجبك 

اسر:  بالعكس تسلم ايديكي الاكل جميل 

ناديه:  بالف هنا 

بطه بسخط وهي تنظر الي علي وهو يضع المحشي بفمه وينظر اليها بخبث 

بطه بصوت خافض:  ااه يعلي الكلب.. اما وريتك 

اسر:  كلي السلطه يا بطه عشان مسافه ما الساعه تاجي 8 مفيش اكل    

بطه:  هو ينفع اخس من غير رجيم يا دكتور 

اسر بإصفرار:  لا مينفعش 

بعد الغداء 

محمد:  اعملي اتنين قهوه مظبوط يا حاجه 

ناديه: حاضر 

ثم دلفت الي المطبخ ونادت عليه 

بينما في غرفه الصالون يجلس اسر وبطه 

بطه:  ممكن بلاش هيصه في كتب الكتاب نكون احنا بس 

اسر:  ليه 

بطه بإرتباك:  عادي يعني 

اسر:  لا 

بطه:  بس انا مش عاوزه هيصه.. اسر قصدي دكتور اسر 

اسر:  بلاش دكتور قولي اسر عادي... وبعدين لازم الكل يعرف عشان محدش يضايقك بالكلام وخصوصا الجامعه 

بطه:  بس انا 

اقترب اسر وامسك يدها:  بطه انتي بنت جميله ولطيفه اه احنا لسه متعرفين بس انتي جواكي حلو..ف تاكدي ديما انك مميزه الشكل مش كل حاجه وبعدين انتي في نظري جميله احمم قصدي يعني 

ولكن علي دخل وقطع سحر اللحظه 

علي:  انتو قريبين ليه كده 

اسر:  احمم كنت بشوف اديها اصلها بتقول انها بتوجعها 

علي:  اممم 

محمد:  علي روح شوف ماما 

اسر:  هستأذن بقي عشان جالي مكالمه مهمه من الشغل وان شاء الله هاجي معا ولدي والماذون بكره بالليل 

محمد:  تمم ياابني 

............................... 

في منزل اخر

-نفذت اللي قولتلك عليه 

_حددت كل حاجه وبكره التنفيذ..بس انا مش موافق علي اللعبه الوسخه دي 

-مش مهم توافق او لا المهم تنفذ 

مين دول؟؟ 

وخطه ايه؟؟ 

#البارت_الخامس 

بلال : الرائد بلال حسان ودي مراتي حياه محسن 

الشرطي:  تمم يا فندم كنا بنتاكد بس وبنعتذر لحضرتك انت والمدام 

بلال: متعتذرش انت بتشوف شغلك 

ثم دلف للسياره متجه الي منزله 

............................ 

كان يعم المكان الهدوء ف الساعه الان الثانيه بعد منتصف الليل كانت الخطوات هادئه الا ان اصتدم صابع رجلها الصغير في الكرسي وفي الوقت دا بتظهر حركات كونفو المدرب نفسه ميعرفش عنها حاجه وبرغم الالم الا ان بطلتنا كتمت صوتها ليس خوف من ان تزعج نوم احدهم بل هي معاها يا اخواتي كيس اندومي وخايفه حد يقفشها اتسحبت للمطبخ وحطت الطاسه علي النار وعملت الاندومي بس الفرح مبيكملش الطبق اتكسر 

غمضت عنيها ع اساس حد هيقفشها بس فتحتهم براحه لما مسمعتش صوت بس فجاه لقت مامتها فوق دماغها 

ناديه:  يالهووووي الطبق الصيني.. 

.......................................................... 

صباح اليوم التاني 

لولولييييييييييييي 

فتحت تلك المسكينه عينيها بعد ليله امس وما تحملته من توبيخ ولدتها وفي النهايه لم تاكل حتي بسبب ذلك الرجيم الذي بات يعكر صفوها 

ولكن ثواني ما هذه الدوشه دلفت الي الصاله رات الكثير من اقربائهم واطفال كثيره واصوات شجار 

(فرح بقي وهسيبكم تتخيلو الجوا زي اللي بيحصل في اي عيله في المناسبات اللي زي دي )

جلست بطه بينهم بينما بدا الحديث 

١: الف مبروك يا بطه اخيرا شفنا اليوم ده 

٢:وهو معندوش مشكله في وزنك..يا بطوط

٣: وياتري شكله ايه يا حبيبتي 

علي: مامااا شيلي العيال دي عنيي

ناديه:  يلا الغدا يجماعه 

بطه:  بعد ازنكم... ماما ممكن ثانيه لو سامحتي 

ناديه:  حاضر.. حاااضر جايه اهو..

دلفت الي غرفته ابنتها 

بطه:  ايه دا كله يا ماما 

ناديه:  ايه يا بطه اهلنا يابنتي 

بطه:  ماما دا مش جواز حقيقي انتي متخيله لما اسر ياجي واقف جمبه قريبنا دول هيقولو ايه... هيقولو خساره فيها هيعيبو فيا 

ناديه بحزن: انا مكنتش متخيله ان ده هيحصل انا اسفه يابنتي... وبعدين انتي يعني فيكي ايه عشان يعيبو انتي زينه البنات كلهم متخليش كلام حد ياثر فيكي ياحبيبتي ويلا عشان تفطري وتجهزي انا سبتك تنامي براحتك بس الوقت اتاخر يلا ياقلب امك 

...................................... 

كانت ترتدي فستان بالون الاسود وتقف امام المراه تنظر الي ذلك الجالس يتطلع اليها بعشق 

حياه بخجل:  وبعدين هتفضل تبصلي كتير كده

بلال:  دا مضايقك في حاجه 

حياه:  تؤ.. ويلا عشان منتاخرش علي اسر 

بلال:  يلا يا حياتي 

.............................. 

-كان  ينظر امامه في شرود ماذا لو لم يحدث كل ذلك هو فقط لا يستطيع ان يرفض من اجل عائلته ولكن ظروفه اقوي منه 

........................ 

ناديه:  يلا يا بطه الماذون بدا  

بطه:  حاضر يماما 

دلفت بطه بإرتباك تنظر في الارض ال ان اقترب منها ورفع راسها 

اسر بهدوء:  ارفعي راسك يا حرم اسر المرشدي 

لااااااااااااااااا

نظر الكل الي مصدر الصوت بصدمه

#البارت_السادس

#روايه_بطه_والاسر

لااااااااااااااا 

نظر الجميع الي مصدر الصوت بصدمه 

كان علي يقف وامامه طفل صغير يحمل التاب الخاص بالمدرسة 

علي:  حات ياحبيبي. حات يبابا 

يزن:  مث هديك حاجه 

علي:  متجيب يلا الله

يزن:  حاضي خد

ثم القاه في الارض 

علي:  يامستقبلك يا قرمط.. مستقبلي ضاااع خلاص قولتلك انا مش وش ثانوي محدش صدقني. 

محمد:  خلاص يا علي حصل خير 

............... 

امسك اسر بيد بطه:  مالك متوتره كده ليه 

بطه بحزن:  مش شايف بيبصو ازاي قولت بلاش هيصه 

اسر ببتسامه: سمعت انك امبارح اتسحبتي زي الحراميه وكان معاكي اندومي 

بطه بخجل:  ده علي... 

اسر: فعلا.. فعلا.. بقولك ايه 

بطه: امممم

اسر: متاجي نخلع من الجو ده

بطه:  نخلع.. اسر هو انت منين.. يعني انا معرفش عنك حاجه غير انك دكتور في الجامعه.. حتي ولدك مجاش معاك 

اسر: هحكيلك كل حاجه بس مش هنا 

بطه: تمم

.................... 

اسر:  بستأذنك يا عمي اخد بطه ونخرج نتكلم شويه 

محمد:  تمام بس متتاخروش

بطه:  حاضر يبابا

علي: يلا انا جاهز يشباب

ناديه:  لاا انت ادخل نام عشان من بكره هتصحي بدري عشان تذلكر كفايه كده انا معرفش انت ازاي في ثانويه عامه 

علي:  اففف حاضر 

ناديه:  يلا ياولاد عشان متتاخروش خدي بالك من نفسك يا بطه.. 

اومت اليها 

وذهبت بينما تنهدت ناديه: ربنا ييسرلك الحال يابنتي ويحفظك... مالك يا محمد حسه فيك حاجه 

محمد:  مش عارف يا ناديه قلبي مش مرتاح حاسس ان فيه حاجه غلط.. وارجع اقول الواد باين عليه الاحترام بس فيه حاجه مخوفاني كده 

ناديه:  استعيذ بالله من الشيطان ان شاء الله خير.. وبعدين اسر شكله طيب وابن حلال 

محمد:  يارب يا ناديه يارب يكون توقعي غلط.. انا شايف في بنتي نظره اعجاب ليه.. خايف اكون بدمرها لما وافقت 

ناديه:  انت هتقلقني ليه يا محمد ربنا يرضي عليك بلاش تخوفني 

وبعدين احنا وافقنا عشان مصلحتها. انت عارف ان حاولنا معاها تخس ومقدرناش وكمان نفسيتها كانت صعبه فاكر لما كانت تسهر تعيط كان قلبي بيتقطع عليها لصحي يوم القيها راحت من وسطنا 

محمد:  ربنا يسترها في اللي جاي ويخيب ظني 

ناديه:  يارب... ياارب

......................... 

كان يجلس يتنظر تلك التي وعدته بمفجأه فور وصلهم المنزل ولكنها تاخرت كثيره 

واد يابولاااا... واد يبولاااا 

بلال:  ؟؟؟؟؟ 

حياه: اييي يوواااض مش قولتلي دلعيني 

بلال:  وهو واد يبولاا دلع.. روحي اتخمدي يا زفته الطين انتي 

حياه بدلع:  تؤ.. وبعدين انا عندي ليك خبر بمليون جنيه 

بلال:  خبر ايه 

مدت له يديها:  المليون الاول 

بلال بخبث:  مينفعش مليون بوسه 

حياه بسخط :  قليل الادب.. ثم اقتربت منه ووضعت يديه فوق بطنها 

حياه: انا حامل 

بلال:  نعمممم يروح امكك 

حياه بصدمه:  في ايه يا بلال ثم ما لبس ان صرخت 

حياه: لااااااااا

................................... 

اسر:  انا ولدي متوفي من 14 سنه هو وولدتي... وكان ليا اخت تؤامي بس ماتت 

بطه:  ربنا يرحمهم.. عرفت من بابا ان ظروفها كانت تشبه ظروفي 

اسر: ايوا 

بطه:  شكرا انك بتساعدني 

اسر ببتسامه :  في وحده تقول لي جوزها شكرا

بطه بإرتباك:  احمم. يعني. هو انا اقصد ا جوزنا ده وضع مؤقت عشان انت بتساعدني... وفتره وهنتطلق

اسر:  سيبي كل حاجه لوقتها. اطلبك ايه 

بطه:.. امم انا فعلا جعانه

اسر: تؤ عصير مش اكل الساعه عدت 8

بطه:  هو ينفع اخس من غير رجيم 

اسر بضحك:  لا مينفعش واتهدي بقا هاا اتهدي 

بطه:  اففف حاضر 

بعد شويه اسر وصل بطه للبيت وكانت هتنزل بس اسر مسك اديها 

اسر:  انتي جميله اوي يا بطه

بطه بخجل:  ا ا اا

اسر بضحك:  ايه بتتعلمي الكلام لسه يخربيتك 

بطه بجديه:  انت ليه كده 

اسر ببتسامه:  ليه ايه

بطه:  شكلك تحس انك ابن ناس اوي.. اا قصدي اللي هو بابي ومامي بس اسلوبك وطريقتك يقولو انك عادي خالص وزينا كده

اسر: اطلعي اتخدي يابطه احسنلك 

بطه:  افففف حاضر 

اسر:  انا ولدي كان راجل اعمال 

بطه:  ايوا بقي سكاان المعادي 

اسر:  هتبطلي سخافه عشان اكمل ولا تنزلي 

اشارت بطه علي فمها اشاره سكوت 

اسر:  ايوا كده... بس انا اشتغلت في المصنع بتاع ولدي احتكيت بالناس مكنتش بمعني اصح في دايره مغلقه اللي هو من البيت للنادي وكده انا كنت بنزل حتي لما خيروني ادخل خاص ولا حكومي اخترت حكومي ف شخصيتي خليط كده فهمتي 

بطه ببتسامه :  اممم بس انا جعانه

اسر:  غورري يابت وابقي اشوفك راحه عند المطبخ انا موصي حماتي

بطه:  حماتك؟ 

اسر بخبث:  امم حماتي مش ام مراتي تبقي حماتي ولا ايه 

سعلت بطه بشده اثر حديثه

اسر:  يخربيتك قومي يابت اطلعي قوميي........ 

دلفت الي خارج السياره 

اسر:  تصبحي علي خير يا بطوط... يبت متنحه كده ليه اتنيلي اطلعي يلا عشان امشي انا كمان 

بطه:  حاضر.. حااضر 

ما انا دلفت الشقه رن هاتفها 

اسر:  دخلتي الشقه 

بطه: ايوا 

اسر:  تمم ويلا نامي علطول عشان عندك محاضرات بدري وبعدها هنروح الجيم 

ثم اغلق الهاتف بينما هي تنظر بصدمه للهاتف 

بطه:  معقول يا اسر.. معقول اللي حساه من نحيتك حقيقه.. اسلوبك وكلامك معايا يقولو انك معجب بيا احساس كل مره بيزيد يارب تكون فعلا معجب بيا يا اسر يارب 

.................. 

_هااا يا حبيب بابا نفذت اللي طلبته 

-بزهق: لسه... مش بسهوله دي.. اديني وقت

يتبع

تكملة الرواية هناااااااااااا

تابعونا علي قناة التليحرام من هنااااااااااا

ليصلكم اشعار بالنشر

الرواية كامله من البداية من هناااااااااااا