رواية مذكرات حبيبة البارت االتاسع والعاشر والتاسع كامله
رواية مذكرات حبيبة البارت االتاسع والعاشر والتاسع كامله
مذكرات حبيبة
الحلقة التاسعة
ومش حسيت بأي حاجة الا بعد نص الليل لما قلقت وحبيت ادخل الحمام .
قومت فتحت الباب و دخلت الحمام وكنت دايخة ومش مركزة !! خرجت من الحمام ودخلت اوضتي لكن للأسف نسيت اقفلها بالمفتاح تاني !!!!!!!
كنت مش مركزة وعايزة اكمل نوم من التعب ، قفلت الباب بدون مفتاح ونمت علي السرير واتغطيت بالبطانية كالعادة وانا مطمنة تماما ومش خايفة .
في الوقت ده كان دياب كان عرف ان العيال عند امي واني نايمة لوحدي في الاوضة وكان حاول يفتح الباب لكن عرف اني قفلة الباب بالمفتاح !!
لكن دياب فضل سهران طول الليل وحس بيا لما خرجت للحمام ورجعت تاني .
رجع دياب وحاول يفتح الباب اتفتح معاه الباب بسهولة .
دخل دياب بسرعة وقفل الباب وراه علطول بالمفتاح علشان مفيش حد يعرف انه دخل عندي .
وانا طبعا كنت نايمة ومطمنة ومش حسيت به لما دخل .
و انا نايمة حسيت بحد بيلمسني لكني ظنيت اني بحلم في البداية .
لحد ما بدأت احس بملامسته ليا بشكل كبير وبدأت اقلق ، فتحت عينيا شوفت دياب جنبي !! حاولت اصرخ لكنه كتم بوقي بايده حاولت ارفع ايده عن بوقي علشان اصرخ معرفتش ، حاولت امنعه لكنه كان اقوي مني بكتير !!
حاولت اترجاه بنظرات عينيا علشان يسيبني لكنه مش رحمني .......
وبعد ما اغتصبني رفع ايده من علي بوقي ونام جنبي وقالي : لو عايزة تصرخي وتصحيهم اصرخي برحتك انا مش همنعك !!!
كنت عايزة اصرخ لكن مش قدرت لأنها كانت هتبقي فضيحة كبيرة لنفسي ولعيلتي ولاولادي !!
كانت دموعي علي خدودي وهو بيحاول يمسحها وانا بمنعه .
ضربته بالقلم علي وشه !! مسك ايدي بعدها وقالي : لولا اني بحبك كنت دفعتك تمن القلم ده غالي اوي .
كلمته وانا منهارة وقولتله : انت كلب وحيوان ، حرام عليك !! يا اخي مش خايف من ربنا ؟!! مش خايف اخوك يعرف ؟! تستحل شرف وعرض اخوك كده يا كلب يا فاجر ؟!!
: حبي ليكي نساني كل حاجة ومش فاكر ولا عارف حاجة الا اني بحبك .
: تستحل شرف اخوك بالشكل ده ؟؟
ضحك دياب وقالي : اخويا زمانه مدلع نفسه بين احضان بنات اوروبا ، انتي فاكراه عبيط زيك كده ؟!!
: انا عمري ما شوفت بني ادم اوسخ ولا ازبل منك .
: وانا عمري ما شوفت اجمل ولا احلي منك !!!
بعدها قام دياب تاني وحاول يكرر نفس اللي عمله تاني !!
: تاني ؟!! تاني يا ابن ... يا حيوان !!!
: بحبك ومش هسيبك ابدا .
: سيبني ابوس ايدك .
: مش هسيبك ومش هكتم بوقك زي اول مرة ولا عاوزة تصرخي اصرخي براحتك مش همنعك !!!
: انت اقذر انسان شوفته في حياتي .
وكرر دياب تاني نفس اللي فعله اول مرة وانا بحاول اقاومه لكن مش قادرة .
وبعد ما انتهي قالي : انا حبي ليكي زاد وعشقي ليكي ملوش حدود وعمري ما هبعد عنك ابدا .
: حرام عليك والله اللي انت عملته ده !! منك لله ، ربنا ينتقم منك .
: انا يبقي حرام عليا لو كنت سيبتك وانا هتجنن عليكي .
: انت انسان قذر ، عمري ما تخيلت انك توصل بك القذارة لكده !!
: ازاي ؟ ما انتي كنتي عارفة اني عيني منك من زمان !!
: انا كنت فاكرة انه مجرد تحرش وبس وكنت خايفة منك بس عمري ما تخيلت انك ممكن تعمل كده !!
: انا اعمل اي حاجة علشان حبي ليكي .
: انا هفضحك بكره الصبح وهقولهم كلهم .
ضحك اوي وقالي : وانا موافق ومش همنعك .
: ده انت فاجر بقي !!
: حبي ليكي اللي خلاني كده .
: انت لازم تصلح غلطتك .
ضحك اوي وقالي : وانا موافق .
: وهتصلحها ازاي بقي ؟؟
: نتجوز .
: نتجوز ازاي وانا متجوزة اخوك ؟؟ انت مجنون !!
: لأ مش مجنون ، اتطلقي منه وانا اتجوزك .
: وهتطلق منه ازاي وهو مسافر ؟؟ و لما يسألني عايزة اتطلق ليه هقوله اي ؟؟ هقوله هتطلق منك علشان اتجوز اخوك !!!
: وافقي انتي بس وانا هتصرف .
: طيب فهمني ازاي ؟؟
: مش انتوا متجوزين عرفي لحد دلوقتي ؟
: ايوه صح ، احنا لسه مش كتبنا رسمي لحد دلوقتي .
: خلاص سهله ، نتجوز احنا رسمي وقطعي ورق العرفي اللي عندك في الدولاب .
: لكن كده قدام ربنا هكون لسه مراته !!
: مش هو قالك لو روحتي وقعدتي عند اهلك تبقي طالق ؟؟
: ايوه .
: خدي حاجاتك وروحي اقعدي عند امك ، وبكده تبقي طالق منه قدام ربنا .
: وهتتجوزني ازاي ؟؟ وهتواجة امك ومراتك ازاي ؟؟ ولما اخوك يرجع هتواجهه ازاي ؟؟!!!
: هطلق شهد ونمشي انا وانتي ونعيش بعيد ومفيش حد له عندنا حاجة.
: للدرجادي انت مجنون ؟؟
: قصدك للدرجادي انا بحبك .
: دا انت مرتب لكل حاجة !!
: انا مش رتبت لأي حاجة الا اني اوصلك وبس لكن انا بس عايز اريحك واعملك اللي انتي عايزاه .
: اللي انا عايزاه اني مش اشوفك قدامي .
: وانا هقوم البس وامشي علشان محدش يعرف حاجة ، وهقولك نصيحة علشانك انتي ، بلاش حد يعرف اللي حصل وده هيفضل سر بينا .
قام دياب وفتح الباب وخرج بدون ما حد يحس وقفل الباب وراه .
وانا قعدت ابكي علي حظي وعلي اللي حصلي ومش عارفة اتصرف ازاي ؟؟ يعني اقول لأمه علي اللي حصل ؟ ولا اقول لشهد مراته ؟؟
ولو قولت فضيحتي هتبقي بجلاجل وسيرتي هتبقي علي كل لسان !!
طيب اموت نفسي علشان ارتاح من اللي انا فيه !!!
ايوه صح كده ، انا احسن حاجة اموت نفسي علشان فضيحتي تموت معايا و امي واخواتي وعيالي يفضلوا رافعين راسهم .
لكن لما اموت انا مين اللي هيربي العيال ؟!
ده حتي ابوهم مسافر ومش هيرجع قبل سنين طويلة علي ما يسدد الديون اللي عليه !!!
يعني العيال يتربوا ايتام اب وام ؟؟
انا احسن حاجة اقول لحماتي وهي اللي تتصرف !! مش انا قولتلها عليه وهي اللي كانت بتداري عليه !!! تتصرف هي بقي في المصيبة دي .متابعه للصفحة الشخصية
كان فاضل علي الفجر ساعة قعدت صاحية مستنية لما تقوم حماتي تصلي الفجر علشان اقولها .
واول لما حماتي صحيت الفجر وفتحت باب اوضتها جريت عليها وقولتلها تعالي يامه واقفلي الباب هقولك علي مصيبة .
مذكرات حبيبة
الحلقة العاشرة
كان فاضل علي الفجر ساعة قعدت صاحية مستنية لما تقوم حماتي تصلي الفجر علشان اقولها .
واول لما حماتي صحيت الفجر وفتحت باب اوضتها جريت عليها وانا ببكي وقولتلها تعالي يامه واقفلي الباب هقولك علي مصيبة .
دخلت انا وهي اوضتها وقفلنا الباب وقالتلي : فيه اي يا بت وقعتي قلبي .
: ابنك دياب .
: ماله دياب حصله حاجة ؟
: اغتصبني .
خبطت حماتي بايدها السليمة علي صدرها : يا نهار اسود !! انتي بتتكلمي جد يا بت ؟
: ايوه يامه وحياة ربنا بكلمك جد !! وقعدت ابكي بحرقة .
: لا ابني عمره ما يعمل كده ابدا .
: يا نهار اسود يامه !!! دا انا اشتكيت لك منه كتير قبل كده !! لو مش مصدقة تعالي وانا اوريكي الهدوم اللي قطعها .
: طيب اسكتي خالص وحسك عينك حد يعرف .
: يعني اي يامه ؟ يعني ابنك يدوس علي شرفي واسكت !! ده الموت اهون عليا من اللي انا فيه !!
: بقولك اسكتي وحسك عينك حد يعرف .
: انا هموت نفسي اكرم لي .
: انتي مجنونة يا بت ؟! عيالك عايزينك .
: مادام عايزاني اسكت يبقي الموت اشرف لي .
: سيبك من كلام الجنان ده ، انا هقولك كلام العقل .
: قولي يامه .
: يابت جوزك غايب ومحدش يعرف هيرجع امتي .
: يعني اي يامه ؟
: يعني اعتبري اللي حصل ده حصل من جوزك واسكتي .
: اسكت ؟ بس ده مش جوزي !!!
: يابت ده اخو جوزك ويسد مكانه في غيابه .
: يسد مكانه في مصاريف ولا احتياجات البيت ويخلي باله من عيال اخوه ، انما يسد مكان اخوه في ده كمان ؟؟!!
: يابت انتي لسه صغيرة وفي عز شبابك ومحتاجة راجل ، وراجلك مش موجود !! اعتبري ان ده راجلك علي ما جوزك يرجع !!!!!!!!
من صدمتي من كلامها اللي سمعته حسيت ان الدنيا بتلف بيا ووقعت .
حماتي جابت ميه وفوقتني من الاغماءة ولما فوقت قومت جريت خرجت من اوضتها ودخلت اوضتي وقفلت عليا الباب وقعدت ابكي .
مش مصدقة وداني !! معقول اللي انا سمعته ده !!! الولية راضية ان ابنها يعمل كده مع مرات اخوه اللي مسافر !!
عرفت قد ايه الست دي قذرة واولادها اقذر منها لكن هعمل اي ؟؟
مفيش حل قدامي دلوقتي الا اني اقول لأمي هي بردو ستر وغطا عليا وهتقولي اتصرف ازاي ومش هتضللني .
و اول ما طلع النهار سمعتهم كلهم خرجوا من اوضهم علشان يفطروا ، وسمعت شهد بتخبط علي بابي وبتصحيني وبتقولي قومي يا حبيبة علشان نفطر .
رديت وقولتلها مليش نفس للأكل مش هفطر .
قالتلي : مالك يا حبيبة ؟ انتي تعبانة ؟
سمعت حماتي بتقولها : يلا تعالي وسيبيها لما تصحي تبقي تفطر .
قعدت مستنية يخلصوا فطار وكل واحد منهم يشوف اشغاله علشان اخرج .
وبعد ما حسيت ان كلهم انشغلوا لبست وخرجت .
حماتي قالتلي : رايحة فين يا حبيبة ؟
: هروح اجيب العيال من عند امي .
: طيب ما تتصلي بها تبعتهم مع اي حد من اخواتك ..
: لأ انا هروح اجيبهم وجاية علطول .
خرجت من الدار وانا حاسة اني خرجت من جهنم و اول ما دخلت عند امي اترميت في حضنها وقعدت اعيط .
: فيه اي يا حبيبة ؟ مالك يا بنتي كفانا الشر .
: الحقيني يامه .
: مالك يا بت وقعتي قلبي .
: تعالي جوه علشان اعرف اتكلم .
دخلنا الاوضة وقالتلي : اتكلمي يا بنتي ، حصل اي ؟؟
: دياب اخو جوزي .
: ماله ؟
: اغتصبني يامه .
: يا مصيبتي !! يانهار اسود ومهبب !! بتتكلمي جد يا بت ؟؟
: ايوه يامه .
: يا فضحيتنا يافضيحتنا السودا !!
: اعمل اي يامه ؟؟ اروح فين واجي منين ؟؟ انا هموت نفسي احسن .
: اوعي يا بت !! قولتي لحد ؟؟
: ايوه قولت لأمه .
: وعملت اي ؟
: قالتلي انتي لسه صغيرة وفي عز شبابك ومحتاجة راجل ، وراجلك مش موجود !! اعتبري ان ده راجلك علي ما جوزك يرجع !!!
: الولية الناقصة قالتلك كده ؟!!
: ايوه يامه .
: اما وليه بنت ..... ناقصة ، اكيد هي عملت كده علشان كده عايزاكي زيها .
: اعمل اي يامه دلوقتي ؟
: انتي تسكتي خالص ومتعمليش اي حاجة ولا تتكلمي ولا تعرفي سرك لحد ، وتطلبي من جوزك يبعتلك تسافري معاه وتبقي جنبه بعيد عن القذارة دي !!
: يعني اسافر لجوزي يامه ؟
: ايوه تاخدي عيالك وتسافري لجوزك علشان طول ما انتي بعيدة عنه ومش معاكي راجل ده وغيره هيطمعوا فيكي .
: اقول لجمال ؟
: اوعي تعملي كده !! جوزك ممكن يموته وساعتها مين اللي هيربي عيالك !!
: واخد حقي ازاي ؟
: حقك ربنا هو اللي هيجبهولك .
: انتي شايفة كده يامه ؟
: ايوه يا بت ده عين العقل .
: طيب انا هقعد معاكي لحد ما اسافر لجمال .
: لا ، جوزك هيسأل عن السبب وهيستفسر وممكن تقعي بالكلام ، خليكي في دارك لحد ما تسافري بس اهم حاجة تخلي بالك من نفسك وتقفلي بابك علي نفسك كويس وخلي السكينة علطول جنبك لو حسيتي انه هيعمل اي حاجة هدديه بالسكين لكن اوعي تموتيه .
: حاضر يامه ، منه لله حسبي الله ونعم الوكيل فيه وفي امه .
رجعت قعدت لوحدي مش بتكلم مع حد لغاية لما كلمت جمال بالليل وطلبت منه انه يبعت يسفرني له هناك ، لكن المفاجأة ان جمال رفض بشكل قاطع وقالي ان الحياة هناك غالية جدا وان هو لوحده مش لاقي ياكل ، هيصرف علينا ازاي ؟!!!
حسيت ان الدنيا سودا في عينيا بعد ما كان اخر أمل. ليا اني اسافر لجوزي دلوقتي الامل ده انتهي !!
وفي اللحظة دي وانا قاعدة ببكي الموبايل رن بصيت لقيت رقم شريف !!
حسيت ساعتها ان شريف هو النجدة اللي هتنقذني من اللي انا فيه .. الجزء الثاني على صفحتى... متابعه
فتحت علي شريف وقولتله : ازيك يا استاذ شريف .
: ازيك انتي وحشتيني اوي رغم اني معرفش اسمك بس ملامحك و شكلك محفور في قلبي ومش قادر انساه .
: انا اسمي حبيبة .
: وانتي حبيبتي انا بس يا حبيبة .
: استاذ شريف انا عايزة اشوفك !!!
تعجب اوي شريف من كلمتي وقالي : وانا كمان وحشتيني اوي ونفسي اشوفك ، تحبي نتقابل امتي ؟
: في اي وقت .
: ينفع بكره .
: ماشي نتقابل بكره .
ومن اليوم ده اتغيرت حياتي واتحولت ١٨٠ درجة .
الي اللقاء في الجزء الثاني من مذكرات حبيبه
تابعونا علي قناة التليحرام من هنااااااااااا
ليصلكم اشعار بالنشر
الرواية كامله من البداية من هناااااااااااا
تعليقات
إرسال تعليق
فضلا اترك تعليق من هنا