روايةوفي الحياة شجن اخر من الفصل الاول الي الفصل العاشر بقلم شهد فواء
روايةوفي الحياة شجن اخر من الفصل الاول الي الفصل العاشر بقلم شهد فواء
يعني انت موافق علي اللي اهلك قالولك عليه
ادم بزعل: يعني اعمل اي يعني يا حياة
حياةوعلي وشك الدموع: لا بيديك تعمل بس انت اللي
مش عاوز
ادم بستغراب: وانا هعمل كدا لي مالو انا بيدي اعمل كنت عملت
حياة بدموع تمسحها بايديها: عما ربنا يوفقك في حياتك سلام
ادم ويمسك ايد حياة: هتسبيني بالسهوله دي
حياة وفقدت السيطره علي نفسها: ابعد ايدك دي +عاوز اعمل اي يعني عاوزني اكمل مع واحد رايح يتجوز غيري
لا سوري انا مش من النوعيه دي انا ولا هكون طرف تالت ولا هحرضك علي اهلك لمجرد اني بكنلك شويه مشاعر هيا خلصت لحد هنا يبن الناس ربنا يسهلك حالك مع السلامه
**********************
حياة وراحت تقعد علي البحر وهيا منهاره من العياط لي يارب كدا لي كل حاجه حلوه بتروح مني في الاول ماما وبعدها ادم يارب انا مش قد الابتلاء دا
لحظه صمت تستوعب حياة اللي بتقوله استغفر الله العظيم يارب واتوب اليه سامحني يارب اللهم لا اعتراض
حياه بعدها بشويه حست بحد قاعد جمبها ومادد ايده بمنديل
حياة وباصة للي مادد ايده: انت مين؟؟؟؟؟
حياة: انت مين؟؟
تعرفي شكلك حلوو اوي وانتي بتعيطي بس الاكيد شكلك احلي بكتير وانتي بتضحكي خليكي عارفه انك غاليه ودموعك كمان غاليه متنزليهاش عشان خاطر حد ميسواش سواء كان مين
وقام ومشي
حياة قامت: استي
قعدت تدور عليه بعنيها بس كانه فص ملح وتاب
***************
روحت حياة البيت لقت بابها قاعد قدام التليفزيون
حياة: السلام عليكم يبابا
محمد: وعليكم السلام يحببتي
حياة وراحت تبوسه: هغير واجيلك عشان عوزاك في موضوع
محمد: تمام
دخلت حياة اوضتها وافتكرت كل الضغط اللي عدي عليها من شويه وبعدها افتكرت الولد اللي اداها المنديل وكلامه سرحت في كلامه ونسيت ادم خالص
خلصت حياة وطلعت لباباها
محمد بقلق: خير وشك مش عاجبني
حياة ببرود: بابا انا وادم سبنا بعض
محمد بخضه: اي لي كدا يبنتي اي اللي حصل
حياة: مفيش حاجه حصلت بس انا مش مرتاحة مش حابه اكمل
محمد بزعل: لي يبنتي كدا انا كنت عاوز اطمن عليكي قبل مااموت
حياة وتحضن باباها: متقولش كدا بعد الشر عليك يحبيبي وكمان انا بجد مش مرتاحه انت يرضيك اكمل مع حد مش مرتاحه معاه
محمد وبادل حياة الحضن: انا الاهم عندي راحتك طبعا
محمد بتوتر طفيف: كنت عاوز اكلمك في موضوع كدا
يحياة مخبيه اديلي عشرين سنة جه اوانه اني اقولك عليه
حياة باستغراب: اي هيا دي
محمد: زمان قبل مااتجوز امك كنت عايش في القاهره مع اهلي وساعتها طلعنا مصيف وجينا اسكندريه وشوفت امك علي الكورنيش طول مده المصيف وقبل مااسافر قررت اني هعرف بيتها واكلم باباها وفعلا مشيت وراها في يوم وعرفت بيتها وتواصلت مع باباها
وبعد ما رجعنا من اسكندريه وفاتحت بابا في الموضوع وساعتها رفض تماما
حياة وتقاطع باباها: لي يرفض يعني
محمد: اصل والد مامتك كان رافض فكره ان بنته تتجوز بعيد عنه وان لازم تتجوز وتعيش في اسكندريه
وساعتها والدي كان رافض اني اتجوز برضو بعيد عنه بس انا صممت علي راي وساعتها قالي يبقا انت لا ابني ولا اعرفك وساعتها سبت البيت وجيت علي اسكندريه واشتغلت وتعبت عشان ارضي بس والد مامتك وفعلا وبعدها بفتره وافق واتجوزنا انا ومامتك بعدها بسنه جيتي انتي وكنتي احلي حاجه لينا في الدنيا بعدها بسنه بالظبط مامتك تعبت اوي ولما كشفنا طلع عندها ورم خبيث وفي مرحله متاخره مكملتش كام شهر وتوفاها الله ساعتها
حسيت كان الدنيا اتقفلت في وشي اخدت فتره عشان اعرف اهتم بيكي ومخلكيش محتاجه اي حاجه واعوضك عن حنان الام
حياة بعياط: يحبيبي يبابا قد اي انت تعبت من وانت صغير انت فعلا ونعم الاب والام والله ربنا يديمك ليا
محمد بدموع في عينيه: خليني اكمل يحياة
المهم ان انا مش ضامن عمري في اي وقت وانا خايف عليكي من الدنيا دي لو حصلي اي حاجه يحياة تروحي القاهره عند شركه النصار للاستيراد والتصدير هتسالي علي اياد سليم النصار وهو هيوصلك لعيلتك ماشي يحياة
حياة بقلق من كلامه: بابا لوسمحت متجبش سيرة الموت انا مقدرش اعيش من غيرك
محمد وياخد حياة في حضنه: عشان كدا لازم تتعودي الواحد مش ضامن عمره يبنتي
حياة: خلاص يبابا لو سمحت قفل علي الموضوع
حياة بمرح تفك الجو شويه: اي رايك لو عملت لمحاميحو اكله تخليك تاكل صوابعك وراها
محمد بضحك: يسلااااام تعالي اما نشوف
حياة ببتسامه: ياللا
عدي اليوم مابين هزار حياة ووالدها
محمد بضحك: بس كفايه لحد كدا يالا ننام الوقت اخر
حياة ببتسامه وتروح تحضن باباها: حاضر يمحاميحو
تصبح علي جنه
محمد يبتسم ويبادل حياة الحضن
وكل واحد اتجه الي اوضته ونام
***********
تاني يوم في الصبح
حياة تصحي علي صوت المنبه
وطلعت تشوف باباها صحي ولا لسا
حياة باستغراب: ادا بابا لسا نايم لدوقتي دخلت اوضته باباها تصحيه
حياة: باباااا اصحي يالاااا عشان هعملك فطار يستاهل بوقك باااباا وتقرب حياة من باباها عند السرير وتهزه
!!!!!!! بابا انت مش بترد عليا لي
استنو البارت التالت
تاني يوم في الصبح
حياة تصحي علي صوت المنبه
وطلعت تشوف باباها صحي ولا لسا
حياة باستغراب: ادا بابا لسا نايم لدوقت دخلت اوضته باباها تصحيه
حياة: باباااا اصحي يالاااا عشان هعملك فطار يستاهل بوقك باااباا وتقرب حياة من باباها عند السرير وتهزه
!!!!!!! بابا انت مش بترد عليا لي
حياة ومسكت ايد باباها تجس النبض طلع النبض واقف
حياة وفقدت السيطره علي نفسها وانهيار: الحقونااااااي بابااااا
جريت حياة لبرا بسرعه وطلعت تخبط علي جرانهم عمو ماجد
ماجد وفتح الباب: في اي يحياة
حياة: الحق يعمو بابا واغمي عليها
ماجد بقلق وصوت عالي: رؤي شوفي حياة بسرعه وجري علي جوا
*************************
صحيت حياة بعد مده مش كبيرة
حياة وتقوم بسرعه من مكانها: بابا يرؤي فين
رؤي وتعيط علي اللي بيحصل لصحبت عمرها وتقوم تحضنها: البقاء لله يحياة ربنا يصبرك يحببتي
حياة بصدمه وتطلع من حضن رؤي: انتي بتقولي اي وتطلع حياة تجري لبرا تروح شقتها بسرعه
رؤي وتجري وراها: استني يحياة
حياة وتدخل الشقه وتزيح اي حد قدامها وتدخل اوضه بابها
حياة بانهيار هستيري وتحضن في باباها وتبوسه: يبابااا لا يبابا متسبنيش لوحدي اهون عليك تسبني وتمشي هتسبني لمين ومكملتش بقيت الجمله وكانت وقعت اغمي عليها تاني بس المرادي دخلت في غيبوبه لمده اسبوعين
*وفي خلال الاسبوعين دول *
دفنو باباها وكانت رؤي واهلها يوميا عند حياة ومش بيسبوها
******************
*عدي الاسبوعين*
وكانت حياة قامت من الغيبوبة
حياة فتحت عنيها لاحظتها رؤي
رؤي بفرحة وجريت علي حياة: اخيراا يحياة قلقتينا عليكي
حياة: بصتلها ومكملتش ولا عملت اي رياكشن
رؤي بقلق: انتي كويسه طيب انا هروح انادي الدكتور
بعد دقايق جه الدكتور وكشف علي حياة
الدكتور ويوجه كلامه لرؤي : دا الطبيعي في حالتها هيا الصدمه اثرت عليها تاثير قوي فيمكن تقعد فتره لا بتاكل ولا بتشرب ولا حتي تتكلم غير بسيط لو اتكلمت
رؤي لزعل عليي حياة: لحد امتي مثلا
الدكتور: دا علي حسب استجابتها للادوية غير كدا مفيش وقت محدد
رؤي: طيب امتي ممكن تروح
الدكتور: ممكن علي بليل تكون المحاليل خلصت
رؤي: تمام شكرا لحضرتك
الدكتور: العفو علي اي عن اذنك
رؤي: اتفضل
***************
وعدي الوقت وكانت المحاليل خلصت
رؤي وراحت ناحية حياة تصحيها: وبدات تهزها
راحت اتنفضت حياة
رؤي: اهدي اهدي انا كنت بصحيكي عشان الدكتور قال اننا ممكن نمشي بعد ما المحاليل تخلص
هناديلك الممرضه تساعدك
وبعد ساعة كانت حياة ورؤي وصلو بيت حياة
حياة واول ما دخلت من الباب دموعها نزلت ولا كانها شلالات
رؤي فضلت تطبطب عليها: تعالي اقعدي
رؤي: تحبي ابات معاكي انهاردا
حياة وبتسمح دموعها واخيرا اتكلمت بصوت طالع بالعافيه: لا روحي ولو احتجتك هكلمك
رؤي بفرحه لصوتها اللي رجع: متاكده يحياة
حياة: وهزت راسها بالايجاب بس بكرا انا عاوزه اروح لبابا
رؤي: طيب استريحي وخدي دواكي ماشي ولو احتجتي اي حاجه تكلميني علطول وان شاء الله هصحي بكرا بدري وهعدي عليكي ونروح نزور عمو يالا سلام
وطلعت رؤي وقفلت الباب وراها
وقامت حياة تدخل اوضتها لقت اوضه باباها مفتوحة راحت دخلت حياة اوضه باباها وهيا بتدمع ونامت علي سرير باباها وحضنت مخدته
حياة بدموع: وحشتني يابابا وراحت في النوم
******************
*تاني يوم*
صحيت حياة مفزوعه ومش قادره تاخد نفسها
وراحت قامت بسرعهه تغير وتروح تشوف باباها
خلصت حياة وبتفتح باب الشقه لقت رؤي في وشها
رؤي بخضه: في اي
حياة: انا لازم اروح لبابا بسرعه يالا يرؤي
رؤي نزلت مع حياة وبعدها بفتره وصلو للمقابر وبالاخص عند والد حياة
قعدت حياة تتكلم مع باباها كتير وفي الاخر قالتله قريب هجيلك يحبيبي وراحت لرؤي
حياة: يالا يرؤي
رؤي: يالا
************
روحو البيت ودخلو شقه حياة
رؤي: في اي بقا كان في اي الصبح
حياة وقعدت جمب رؤي: حصلت حاجه مش فهماها
رؤي: اي هيا
حياة: انا حلمت ب بابا
رؤي: طب حلو في اي بقا
حياة باستغراب: حلو اي انتي كمان بابا كان مضايق مني يرؤي
رؤي باستغراب: اي زعلان منك لي
حياة: مش عارفه يرؤي
رؤي: طيب يمكن حصل حاجه قبل ليله وفاة عمو
حياة وترجع بالذاكرة وتخبط علي جبينها: ادااا اه فعلا دا بابا كان ساعتها حكالي عن عيلته وعن جوازه ب ماما
وحكت لرؤي كل ما حصل
رؤي: طيب انتي مركزتيش قالك اي في الحلم
حياة بعدم تذكر تام: علي مااظن كان بيقولي ارجعي لاهلك خلي ابويا يسامحني حاجه كدا
رؤي: طيب وانتي مستينه اي ماهيا واضحه وضوح الشمس اهو
حياة بعصبيه وتقوم تقف: ازاي يعني ارجع لناس اتخلت عن بابايا وكانو رافضين جوازه من ماما
رؤي: بس هما كانو رافضين فكره انو يتجوز بعيد عنهم مش مامتك بصفة خاصه
حياة: انا لا يمكن اسيب بيتي هنا واروح عند حد مقدرش ابويا ولاامي
رؤي: طب وباباكي
حياة: يمكن ميجيليش تاني في الحلم
رؤي: طب روحي استريحي ي حياة وانا هبات معاكي انهاردا اوكي
حياة: وتتاوب خلاص ماشي البيت بيتك تمم
رؤي: تمم
**************
تاني يوم صحيت برضو حياة مخضوضه وكانت بتعرق جامد
وفي نفس اللحظه كانت رؤي دخلت تصحي حياة
رؤي بعد ماشافت حالة حياة جريت عليها: مالك في اي
حياة بعياط: برضو يرؤي بابا عاوزاني امشي من هنا ومش راضي يكلمني ولا حتي يبص في وشي
رؤي: يبقا لازم تسمعي الكلام يحياة عشان باباكي ينام في قبره مرتاح
حياة بتفكير: تمم هسافر بس كلها اسبوع وارجع لبيتي هنا تاني
رؤي: تمم المهم انك تروحي وتريحي باباكي
حياة: تمم انا هقوم انزل اجيب التذكره عشان امشي بكرا
رؤي: طب تمم يالا وانا هاجي معاكي
وفعلاا نزلت كلا من حياة و رؤي
وحجزت حياة التذكره وروحت تلم هدومها وحاجتها عشان تسافر تاني يوم
*****************
في صباح تاني يوم
صحيت حياة ورؤي وكانت كل حاجت حياة متخلصة
رؤي: في حاجه نقصاكي
حياة: لا كلو تمم
حياة بقلق: انا خايفة انا مش عاوزه اروح في حته
رؤي وتطبطب علي ايدها: متخافيش دول في الاصل عيلتك برضو وانا هكون معاكي دايما متخافيش
حياة: انا بجد مش عارفه اشكرك ازاي علي وقفتك جمبي
رؤي: بسي هبل يبت انتي زي اختي واكتر كمان
حياةوتبص في الساعة:يالا انا هقوم بقا
رؤي وتحضن حياة: تمم خلي بالك من نفسك وطمنيني عليكي
حياة وتبادلها الحضن: حاضر باي
رؤي: باي
*****************
وصلت حياة الاتوبيس وركبت وقعدت تفكر في اللي ممكن يحصل معاها هناك
******************
نزلت حياة من الاتوبيس وركبت اوبر ينزلها عند شركه
النصار للاستيراد والتصدير
******************
وصلت حياة عند الشركة وتفاجت من ضخامة الشركة وحلاوتها
طلعت حياة وسالت عن اياد سليم النصار
والسكرتيره وصلتها للسكرتيره الخاصه بيه
السكرتيره الخاصه بيه: ليكي معاد سابق
حياة: لا بس قوليله حد عاوزك ضروري
السكرتيره: طب ثواني
حياة: اتفضلي
بعدها بثواني
السكرتيره: اتفضلي اياد بيه في انتظارك
حياة: شكرا
خبطت حياة علي المكتب ودخلت
حياة باصة بصدمههههه
ووووووووووو استوب بقا اومال اجيب التشويق منين انا صايعه خلي بالكو✨
استنو البارت الرابع يولاددد✨
وتتوقعو حياة اتصدمت لي يترا✨
خبطت حياة علي المكتب ودخلت
حياة باصة بصدمة: هو انت؟؟ واغمي عليها
اياد بخضه وصوت عالي: يساااندي تعالي بسرععه
دخلت ساندي بسرعة لاقت البنت واقعة في الارض
اياد بصوت عالي: انتي لسا هتبصيلها ارفعيها حطيها علي الكنبه
ساندي باستغراب: لوحدي؟
اياد: ايوا لوحدك انا مش هينقع المسها
ساندي باستتغراب اكبر: حضرتك سايبها كل دا في الارض عشان مش عاوز تلسمها
اياد بزعيق: ساندي تسمعي الكلام وانتي ساكته
رفعت ساندي حياة من علي الارض بالعافية و رشت عليها مايه عشان تفوق
حياة بتوهان: انا فين
ساندي: انتي كويسه
حياة: اه
اياد برتياح: اتفضلي انتي ي ساندي وهاتي كوبايه عصير لمون للانسه
ساندي باستتغراب من شخصيه اللي قاعد قدامها: حاضر
حياة وتركز حوليها وتقوم تتعدل: انا اسفه علي اللي حصل انا بس دوخت شويه
اياد ويقعد في الكرسي اللي في وشها: ولا يهمك المهم انك بخير
حياة: اه الحمدلله
اياد: قبل مايغمي عليكي قولتيلي هوانت
حياة بخجل: اه
اياد: هو فعلا انا
حياة: انت طلعتلي ساعتها منين
اياد: انا كنت بتمشي ولما لقيتك قاعده بتعيطي قولت اجي اقولك الكلمتين دول
حياة ببتسامة حزينة: كلامك ساعدني كتير شكرا ليك
اياد ببتسامة: قوليلي بقا ساندي قالتلي انك جايه في حاجه مهمه خير
حياة بحزن: انا اكون حياة محمد النصار
اياد ويقوم من مكانه بتفاجي: اي قولي تاني كدا
حياة: بقولك انا حياة محمد النصار
اياد: واخيرااا ظهرتي انتو فين يبنتي وفين عمي
حياة: ربنا يرحمة
اياد بحزن شديد ويقعد تاني: اي لا إله إلا الله امتي الكلام دا دا جدي هيضايق اووي
حياة بدموع: لسا من اسبوعين بالظبط
اياد: وانتي مجتيش لي من اسبوعين
حياة: اصلي دخلت في غيبوبه من ساعت اللي حصل
اياد بزعل عليها وعلي اللي مرت بيه: ازاي تكوني لوحدك في كل دا ها
حياة بدموع زادت: حضرتك انا كنت لسا متعرفه عليكو قبل موت بابا بيوم واحد بالظبط وكأن يحبيبي كان حاسس انو هيحصلو حاجه حكالي عنكو وعن اللي جدي عمله وقالي
لو حصله حاجه اجي علي شركتك وبعدها نمنا عادي صحيت بعدها لقيته خلاص راح وكأن قلبه كان حاسس و بيودعني وبيقولي اعمل اي لما يسبني ويروح
انا اصلا لا كنت هاجي ولا هفكر اجي ناحيه شركتك ولا حتي اني اسيب محافظتي اللي كبرت واتولدت فيها عشانكو
هو كل مافي الموضوع ان بابا بعد ماطلعت من المستشفى وهو بيجيلي في الحلم وكان زعلان مني وطالب مني اني اجيلكو بس غير كدا مكنتش هاجي
اياد بزعل: لي كدا يحياة انتي شوفتي مننا اي عشان تقولي كدا
حياة: لاء شوفت تقديركو لبويا بامارة ان جدو قالو لاانت ابني ولا اعرفك ولا عدم موافقتكو علي جوازه من ماما
اياد: حياة الكلام دا لازمله استفسار مش تتكلمي وتاخدي فكره عن حد وخلاص
اياد: طيب هيا فين مامتك جيتي لوحدك لي
حياة ولسا في دموع في عنيها: ربنا يرحمها
اياد بتفاجي: البقاء لله امتي دا
حياة: دا من بعد ولادتي بسنتين
اياد بزعل علي حالها: ياا كل دا شوفتيه ي حياة
حياة: الحمدلله علي كل حال مسير ربنا يودني ليهم ان شاءلله
اياد: بعد الشر عليكي متقوليش كدا تاني قومي يالا عشان نمشي
حياة: هنروح فين
اياد: بيت العيله
حياة: لا انا عاوزه اروح عند تيتا بس
اياد بضحك: ما تيتا وكلنا قاعدين في بيت واحد
حياة: بجد
اياد: اه يالا بقا
حياة: يالا
وهما طالعين من المكتب اتصادفو بساندي جايبة العصير
اياد بنظره مميته: لا ونبي اخري شويه كمان
ساندي واحست بالسخريه: انا اسفه بس عمو سيد كان مش موجود
حياة ببتسامة: ولا يهمك وهاتي يستي اشربه عشان خاطرك بس
اياد باصص لحياة ومستغربها
حياة بعد ماشربت شويه: شكرا يساندي تسلمي
ساندي ببتسامة: العفو
وطلع اياد وحياة من الشركة وركبو العربية
حياة بتوتر: انا خايفه مش عاوزه اروح خلاص انا هروح ارجع
اياد ببتسامة ليها: اجمدي كدا انا معاكي متخافيش
حياة بصتله: بجد
اياد: بجد
حياة: شكرا
اياد بضحك: هو انتي مش حافظه غيرها يست العفو
حياة ابتسمت وسكتت
بعد سكوت دام دقايق
اياد: علفكره انا لما شوفت علي البحر كنت ساعتها جي ادور عليكو ولما اقعدت كذا يوم ادور ومفيش فايده جيت اتمشي
علي البحر شويه وشوفتك ولاقتني جي بقولك الكلام دا
حياة بصتله وابتسمت وسكتت
************************
✨بعد شويه✨
وصلو الفيلاا
حياة: انت دخلت مكان غلط ولا اي
اياد بضحك: لا احنا ساكنين هنا فعلا
حياة بتفاجي: اوه ه ه بتهزر
اياد بضحك: والله بتكلم بجد
يالا انزلي
حياة نزلت من العربية وباصه للفيلا بانبهار
حياة بزلة لسان: داانتو طلعتو اغنية علي كدا
اياد بغمزه: طلعنا انا وانتي
يالاا بقا عشام نواجه اللي هيحصل متتوتريش وخلي بالك وانتي بتقولي خبر الوفاة عشان الله واعلم هتكون رد فعلهم اي
حياة بقلق اكبر: ربنا يسترها بقا
دخلت حياة هيا واياد الفيلا خاصة اوضه الريسبشن
اياد بتسامة: السلام عليكم
الكل: وعليكم السلام
وفجاة ظهرت حياة من ورا ضهر اياد
الكل باستغراب: مين دي يبني
مين دي ي اياد:
مين دي:
الله دي حلوه اوي:
اياد وبص لحياة تتكلم
حياة ببتسامة متوترة: انا حياة محمد النصار
الكل: ايييي
الجد: وقام ومشي ناحيتها
دي هيا فعلا دي شبه اوي ودخلها في حضنه: وحشتوني اوي يبنتي وفاجة طلعها من حضنو
الجد نصار: فين ابوكي يبنتي
حياة ؟؟؟؟؟؟؟؟؟؟؟؟؟؟؟؟؟؟؟
استووووووووب
✨استنو البارت الخامس✨
الجد نصار: فين ابوكي يبنتي
حياة:؟؟؟؟؟؟؟؟؟؟؟؟
حياة وتحاول تمسك نفسها من العياط: بايا اتوفي
الجد بصدمة ويمسك قلبه: اي بتقولي اي ويقوم الجد واقع من طوله
اياد والكل جريو علية: جدو فوق يجدو
راح اياد شال الجد وطلعو اوضته بسرعه ورنو بالدكتور بتاعة يجي
حياة لسا تحت وعماله تعيط
قربت منها ست كبيرة في السن بتعيط هيا كمان تعالي في حضني يحببتي
حياة وتحضن الست الكبيرة
الست الكبيرة: تعرفي كان نفسي اشوفة اوي وحشني صوته الحمدلله ان ربنا عوضني بيكي يبنتي
حياة وحست بطيبة الست الكبيرة دي: هو انتي تيتا صح
الجدة: اه يحببتي
حياة: هو جدو هيبقي كويس
الجدة: ادعيلة انتي بس
حياة بدموع: انا لو كنت اعرف ان جدو ممكن يحصله حاجه انا مكنتش قولت حاجه
الجدة وتطبطب علي ضهرها: مسيرة كان هيعرف يبنتي
تعالي اقعدي لحد لما اياد ينزل يطمنا
حياة وتروح مع جدتها: حاضر
♡♡♡♡♡♡♡♡♡♡♡♡♡♡♡♡♡
بعد مرور مده من الوقت نزل اياد هو وباباه من فوق
الجدة بقلق: طمني ي سليم
سليم: ويروح لوالدته متقلقيش بابا كويس الحمدلله بس الصدمة اثرت عليه شوية
حياة: انا اسفه علي كل حاجه انا مكنتش اعرف ان كل دا هيحصل انا متاسفه مره تانيه استاذن انا مع السلامة وتجري حياة لبرا
سليم والجدة: استني يبنتي رايحه فين روح ي اياد ورها
اياد بتفاجي من اللي بتعمله ويجري وراها: استني يحياة
♡♡♡♡♡♡♡♡♡♡♡♡♡♡♡♡♡
♕في الفيلا♕
الجدة بدموع: انا مش عاوزاها تبعد عني زي ماابوها عمل يارب لين دماغها ورجعها يارب
سليم: ان شاءلله هترجع اياد قدها وقدود
الجدة: يسمع من بوقك ربنا
♡♡♡♡♡♡♡♡♡♡♡♡♡♡♡♡♡
حياة ولا بصت ورها ومكملة
اياد بعد ما وصلها وبصوت عالي: بقولك استني
حياة وتلف تبصلة وعنيها كلها دموع: نعم
اياد ويفحص وشها: رايحة فين بس
حياة: هرجع مكان مجيت
اياد بصوت حنون: وانتي فكرك اننا هنتخلي عنك بعد ما لقناكي
حياة: انا مش حابة اجيب ضرر لحد
اياد: مين قال انك هتجيبي ضرر لحد ها تعالي يحياة معايا ربنا يهديكي تعالي تعبتيني معاكي
حياة: مشيت معاه منغير ولا كلمة
دخلو الفيلا تاني
الجده وسليم لما شفوها: جريو عليها
الجدة بدموع: لي يبنتي عاوزه تخليني اخسرك زي ماخسرت ابوكي يعني مش مكتبولي افرح بوالدي ولا احفادي ابدا كدا
حياة وتقرب من الجده تحضنها: انا اسفة يتيتا خلاص مش هبعد عنك تاني بس لو مش مرغوب فيا اعذريني يتيتا هضطر امشي
الجدة: اي اللي مش عاجبه يمشي هو انما انتي هتفضلي دايما معايا سامعني يبنت محمد
حياة: حاضر
سليم ببتسامة: تعالي في حضن عمك ي حياة
حياة وتقرب من عمها بكسوف: سليم يشدها في حضنة نورتي يبنت الغالي البيت بيتك زي ما هو بيتنا ماشي يحببتي
حياة ببتسامة وكسوف: حاضر
اياد بمرح وحزن مصطنع: اي بقا هيا جت وهتاخد كل الحب ولا اي احنا ملناش نصيب ولا اي
حياة بضحك: اه لو عاجبك
اياد بغمزه: عاجبني متقلقيش انتي بس
الجدة: يالا يحياة اطلعي اوضتك وارتاحي يحببتي
واياد هيعرفك مكان الاوضه
حياة ببتسامة: حاضر ي تيتا
اياد: يالا تعالي وشالها الشنطة بتاعتها
اياد: بصي يستي انتي اوضتك في وش اوضتي لو عوزتي اي حاجه خبطي عليا متتكسفيش
حياة ببتسامة: حاضر شكرا تعبتك معايا كتير انهارده
اياد ببتسامة: تعبك راحة يست حياة تصبحي علي خير
حياة: وانت من اهل الخير
وكل واحد دخل اوضتة
♡♡♡♡♡♡♡♡♡♡♡♡♡♡♡♡
حياة وبتفتح باب الاوضة وبتنبهر بالاوضه وحلاوتها
حياة باعجاب: اي الحلاوة والجمال دا يولاد وبتلمح حياة بلكونها بتجري عليها بتلاقي بلكونة كبيره اوي وملفوفة وبتبص من البلكونة لقت حد وقف في البلكونة اللي جمبها بتبص لقت اياد بيشرب سجارة
حياة بصوت عالي نسبيا!: انت بتشرب سجاير
اياد واخد باله منها: انتي شايفه اي
حياة:علفكرا السجاير مضره متشربهاش تاني
اياد ببتسامة ليها: حاضر هحاول ابطلها
حياة: توعدني
اياد باستغراب: اوعدك
حياة بفرحة: يالا بقا تصبح على خير هروح انام عشان منمتش من الصبح
اياد ويضحك عليها: وانتي من اهل الخير
ودخلت حياة ونامت وهيا حاسة بالراحة والسعادة
♡♡♡♡♡♡♡♡♡♡♡♡♡♡♡♡♡
♕تاني يوم في الصبح♕
حياة ولسا نايمة في اوضتها تلقي حد بيخبط الباب
حياة بصوت مسموع نسبيا: ايوا
صوت بنوته: تيتا بتقولك اصحي عشان الفطار
حياة: حاضر هلبس وهاجي
تقوم حياة من علي السرير وهيا مستغربة ان باباها مجلهاش في الحلم زي كل يوم
حياة في سرها: غريبة يعني ي بابا
تدخل حياة الحمام وتلبس هدومها وتيجي تطلع من اوضتها لقت اياد في وشها
اياد ببتسامة ليها: صباح الخير يحياة
حياة ببتسامة: صباح النور
اياد: يالا عشان الفطار
حياة: يالا كويس اني لاقيتك عشان كنت هتكسف انزل لوحدي
اياد: حاولي تتخلصي من كسوفك دا شوية
حياة: بحاول
نزلو لقو الكل علي السفره
حياة بصوت واطي يسمعه بس اياد: مين دول
اياد بنفس الصوت: بقيت العيله
اياد ببتسامة: صباح الخير
حياة بصوت واطي نسبيا: صباح الخير
الكل: صباح النور
الجدة: اقعدي يحياة جمب اياد
حياة بكسوف: وتقعد جمبه
وتبدا تفطر
تلقي حد من وراها بيقولها
انتي يبت انتي متعرفيش ان دا مكاني
حياة تبصلها وتقوم: انا اسفة تيتا اللي قالتلي اقعد هنا
البنت: اديكي عرفتي ابعدي بقا كدا عشان اقعد
حياة ولسا هتبعد قام اياد وووووووووووووووو
استنو البارت الساااااااادس
الجدة: اقعدي يحياة جمب اياد
حياة بكسوف: وتقعد جمبه وتبدا تفطر
تلقي حد من وراها بيقولها
انتي يبت انتي متعرفيش ان دا مكاني
حياة تبصلها وتقوم: انا اسفة تيتا اللي قالتلي اقعد هنا
البنت: اديكي عرفتي ابعدي بقا كدا عشان اقعد
حياة ولسا هتبعد قام اياد ووووووووووووووو
اياد بكل برود: اولا كدا اقعدي كملي فطارك ي حياةوثانيا بقا يرزان دا مش مكانك قبل كدا قولتلك متقعديش جمبي تاني ولا انتي بتحبي تكسفي نفسك كل شوية وكمان حياة علطول هتقعد جمبي تمم روحي يالا شفيلك حته تقعدي فيها
رزان وكانت بتشيط: مشيت منغير ولا كلمة تقعد جمب اي حد
قعد اياد وبص لحياة وصوته عالي نسبيا : كملي اكلك ودا مكانك من هنا ورايح ماشي
حياة بكسوف: ماشي
الكل معلقش علي كلام اياد وكملو اكلهم في سكوت تام
༺༺༺༺༺༺༺༺༻༻༻༻༻༻༻༻
خلصو فطارهم
حياة: انا هستاذن بالهنا والشفا ليكو
تيتا: كملي اكلك يحياة
حياة: الحمدلله يتيتا شبعت هطلع اطمن علي جدو
تيتا: ماشي يحببتي
اياد ويقوم هو كمان: استنيني طالع معاكي
طلعت حياة واياد في اوضة الجد نصار
الجد وساند علي ضهر السرير وقدامه الممرضة بتاكله
اياد ببتسامة: ازيك يجدو عامل اي دلوقتي
الجد بببتسامة حزينه: الحمدلله احسن
اياد: طب الحمدلله جدو حياة عاوزه تطمن عليك
الجد بلهفه: خليها تيجي
اياد وينادي حياة: تعالي يحياة
اياد: هستاذن انا لما تخلصي انزلي في الجنينة هستناكي
حياة ودخلت لجدها: ازيك يجدو عامل اي
الجد ببتسامة ويشاولها تقرب منه: تعالي يحببتي انا الحمدلله بخير
حياة وتقرب من جدها وتحضنه: انا اسفه علي اللي حصلك يجدو مكنتش اعرف انك ممكن يحصل لحضرتك حاجه
الجد: انتي ملكيش ذنب يحببتي انا بس اتصدمت ان ابوكي مات وهو مش مسامحني
حياة: متقولش كدا يجدو بابا هو اصلا اللي اصر عليا اجي عشان حضرتك تسامحه هو طول عمره مسامح حضرتك
الجد بدموع: لو كان مسامحني مش كان يجي علي الاقل يسال علينا
حياة هيا كمان بدموع: يجدو بابا تعب كتير معانا مكنش بيسبني خالص وكان دايما معايا ومشغول في تربيتي ومع ماما قبل متموت في مرضها جدو بابا مر بحاجات كتير لوحده كتر خيرة انه اتحمل كل دا لوحدة
الجد بدموع: اي امك ماتت
حياة: اه بعد ولادتي بسنتين
الجد: يااه دا ابوكي شال لوحدة كتير اوي
حياة: ايوا يجدو المهم انك مسامحه وهو كمان مسامحك انا كدا عملت مهمتي علي خير
الجد: ايوا يبنتي طبعا مسامحة اومال اسامح مين لو مسامحتش ابني
حياة: عندك حق يجدو هسيبك تستريح شويه معلش طولت عليك
الجد: ولا يهمك يحببتي ان شاءلله بكرا وهنزل اقعد معاكو
حياة: ان شاءلله يجدو عن اذنك
الجد: اذنك معاكي يبنتي
༺༺༺༺༺༺༺༺༻༻༻༻༻༻༻༻༻حياة ونازله علي السلم تصادف رزان وبنوته معاها
رزان وتوقف حياة وتمسك ايديها: موقف انهاردا دا مش هعدهولك ماشي يقطه
حياة وتبعد ايديها: ابعدي ايدك دي عني وانا مش بتهدد ماشي يعسل وسابتها ونزلت
༺༺༺༺༺༺༺༺༻༻༻༻༻༻༻༻༻
رزان بصوت عالي: يبنتالههه
نور: احسن اهيه ردت عليكي
رزان بعصبية: اسكتي خالص ينور اسكتي انا هوريها
نور: انتي مش هتتهدي البنت يتيمة وغلبانة حرام عليكي اتقي ربنا
رزان: ملكيش دعوه وابعدي عن وشي دلوقت
༺༽༺༺༺༺༺༺༺༺༻༻༻༻༻༻༻༻༼
نزلت حياة وماسكه ايديها مكان مسكة رزان ليها
حياة في سرها: شكلك مش هتجبيها لبر يرزان
حياة وطلعت في الجنينة: في حاجه ولا اي
اياد: اه عاوز اتكلم معاكي في كام حاجه كدا
حياة ولسا ماسكة ايدها اثر المسكه: اتفضل
اياد ولاحظ مسكتها لايدها: ادا مالها ايدك
حياة بتهرب: ها مفيش حاجه
اياد ولاحظ تهربها من السؤال: حياة انا لما اسالك تردي عليا
حياة: اوووف بقا طيب يسيدي رزان قابلتي علي السلم ووووووو
اياد واتعصب: وانتي سكتي علي اللي هيا عملته
حياة: لا بعد كدا انا هقفلها لو ضايقتني تاني وكمان هيا بتعمل كدا لي انا عملتلها اي ها
اياد بتهرب من سوالها: مش عارف بس هيا بتحب تشاكل في اي حد
حياة: لا اناحاسة ان في حاجه تانية عما مسيري هعرفها
اياد: المهم خلينا في اللي عوزك فيه
حياة: قول
اياد: دلوقتي انتي متخرجه ولا لسا بتدرسي ولا اي الدنيا
حياة: انا متخرجه من بيزنس
اياد:اممم حلو طيب اشتغلتي
حياة: لا لسا متخرجه السنادي
اياد: طيب خلاص تعالي اشتغلي معايا
حياة باستغراب معاك.؟
اياد: اه عندي في الشركة
حياة: هشتغل اي يعني
اياد: في الاول هخليكي السكرتيرة بتاعتي وهدربك لمده اسبوعين بعدها هتمسكي شغلك تمام
حياة ببتسامة: بجدد
اياد ببتسامة: اه بجد
حياة: خلاص موافقة اوي
اياد: خلاص تمام هروح انا شغلي وبكرا هتيجي معايا
حياة: تمام باي
اياد: باي
༺༺༺༺༺༺༺༺༻༻༻༻༻༻༻༻༻
حياة طلعت اوضتها وقفت في البكلونة وعماله تفكر اي سبب معاملة رزان ليها
قاطع تفكيرها تخبيط الباب
حياة: ايوا اتفضل
حياة: لقت مجموعة بنات يجي اربع او خمس بنات زي القمر داخيلن اوضتها ومنهم البنت اللي كانت مع رزان بس رزان مش معاهم
حياة: اتفضلو تعالو
البنات: احنا حبينا نطلع نتعرف علي البنوته السكره اللي نورت بيتنا ونتصاحب عليها
حياة ببتسامة: والله انتو اللي سكر يشرفني طبعا
البنات وبدات كل واحدة تعرفها علي نفسها
نور: انا نور ايهاب بنت عمك ايهاب
سما: وانا سما بنت عمتك ايمان
حور: وانا حور بنت عمك سليم اخت اياد
جني: وانا جني بنت عمتك منال
حياة ببتسامة: اتشرفت بيكو انا حياة بنت عمكو محمد الله يرحمة
الكل: ربنا يرحمة يارب
حياة: يارب
بعد مده تعارف وكلام وهزار قاطعهم تخبيط علي الباب
حياة: ايواا
الخادمة: الغدا الست هانم بتقولكو
حياة: حاضر نازلين
جني: يالا بقا ننزل عشان هموت من الجوع
سما: دايما همك علي بطنك
جني وتضربها بالمخده: ايوا وانتي مالك
حور وتبص لحياة: بصي احنا الكل متجمع تحت عممنا وعمتنا والشباب طبعاا حبيت اقولك قبل ماننزل عشان متتخضيش
حياة بضحك: كويس انك قولتيلي
༺༺༺༺༺༺༺༺༻༻༻༻༻༻༻༻༻*نزلو البنات كلهم*
الجدة: تعالي يحياة اعرفك
حياة وراحت عند جدتها: حاضر يتيتا
الجدة وتشاور علي واحدة: دي عمتك منال
حياة وراحت تسلم عليها: ازيك يعمتو
العمة بفرحه وابتسامة: ماشاءالله زي العسل
حياة ببتسامة: شكرا
الجدة وتشاور علي واحدة تانية: ودي عمتك ايمان
حياة وراحت تسلم: ازيك يعمتو
ايمان ببتسامة: بسم الله ماشاء الله اي العسل دا كلو يحياة
حياةببتسامة: شكرا
الجدة وتشاور علي واحدة تالته: ودي عمتك هنا
حياة وراحت تسلم: ازيك يعمتو
هنا ببرود وجفاء: اهلا
حياة استغربت ورجعت جمب تيتا
الجدة: ودا عمك ايهاب ودا عمك ودا عمك سليم معروف
حياة وراحت تسلم: ازيك يعمو
ايهاب ببتسامة ويحضن حياة: اهلا بيكي يحببتي نورتي
حياة تبعد بكسوف: شكرا
الجدة: ودول بنات عمامك وعماتك والشباب هيوصلو بعد شويه
حياة هزت راسها وسكتت
حور وقعدت جمب حياة: انتي كويسة
حياة: اه كنت عاوزه اسالك علي حاجه
حور: قولي
حياة: هيا عمتو هنا تكون بنتها رزان
حور بضحك: الشبه باين زي الشمس
حياة بضحك: اوي
حور بضحك: اهيه الغرابة جت
حياة بصت علي رزان وضحكت
رزان: اي شايفني نكته بتضحكو عليها
حور ببرود: والله اللي علي راسه بطحه
رزان بغيظ: ماشي يحور
عدي الوقت بسرعهه وحياة مبوسطة بعيلتها الجديدة باستثناء عمتها هنا وبنتها رزان اللي هيا مش فاهمه بيعملوها كدا لي
༺༺༺༺༺༺༺༻༻༻༻༻༻༻༻༻༻
الجدة يالا حد يطلع يجيب جدو من اوضته عشان الغدا
حور وتقف انا هطلع انا وحياة يتيتا
الجدة: ماشي بسرعه بس
حور: حاضر
༺༺༺༺༺༺༺༺༺༻༻༻༻༻༻༻༻
عند اياد في الشركة
اياد ويسمك فونه بعد مالقي اللي متتسمي بترن عليه
اياد ويرد عليها: عاوزه اي
المجهول: ــــــــــــــــــــــــــــــــــــــــــــ
اياد بكل برود: هو انتي جبلة مش بتحسي قولت مش عاوزك انتي مبتفهميش
المجهول: ـــــــــــــــــــــــــــــــــــــــــــــــــــ
استوووووووب كفايه كدا سوري علي التاخير كان عندي امتحانات الفتره اللي فاتت ومازلت بس قولت عشان اخرت اوي بارت تصبيرة 😚
وحددو يومين في الاسبوع ننزل فيهم
يترا مين المجهول تتوقعو؟؟
عند اياد في الشركة
اياد ويمسك فونه بعد مالقي اللي متتسمي بترن عليه
اياد ويرد عليها: عاوزه اي
المجهول: ــــــــــــــــــــــــــــــــــــــــــــ
اياد بكل برود: هو انتي جبلة مش بتحسي قولت مش عاوزك انتي مبتفهميش
المجهول: ـــــــــــــــــــــــــــــــــــــــــــــــــ
اياد بعصبية: يوههه انا هقفل من ناقص قرف علي المسا
اياد قفل في وشها قام اياد بكل عصبية يلف في المكتب وبيشرب سجارته جه في باله كلام حياة معاه علي السجاير ووعده ليها ابتسم وطفي السيجارة
اياد رجع كمل شغلة لوقت متاخر
༻༻༻༻༻༻༻༻༻༻༻༻༻༻
*في الفيلا *
طلعت حور وحياة يجيبو جدهم من اوضتة
خبطو ودخلو الاوضة
الجد: حبايب قلبي تعالو
حور وحياة وراحو يحضنو جدهم: حمدالله علي سلامتك يجدو
الجد ببتسامة: الله يسلمكو يحبايبي
حور: يالا عشان الغدا يجدو
الجد: يالا الشباب جم
حور: لا يجدو
الجد: ولا اياد
حور: لا
الجد باستغراب: غريبة طب يالا
༺༺༺༺༺༺༺༻༻༻༻༻༻༻
نزلو تحت لقو الشباب جم معدا اياد
حمزة ويقرب من حور: مين الجامدة دي
حور وتضرب حمزة في كتفه: اتلم دي حياة بنت عمك محمد
حمزة بتفاجي: لقتوهم
حور بزعل: هيا بس باباها مات
حمزة: لا إله إلا الله ربنا يرحمة
حور: يارب
حمزة بغمزة: هروح اتعرف انا بقا
حور: غور
༺༺༺༺༺༺༻༻༻༻༻༻༻༻
حمزة وراح عند حياة: نتعرف علي العسل
حياة بخضه: خضتني
حمزة بضحك: اخس عليا والله
حياة: ببتسامة: انا حياة
حمزة ببتسامة: احلي حياة دي ولا اي وانا حمزة ابن عمك ايهاب
حياةببتسامة: اتشرفت بيك
حمزة: انا اكتر
جيه عليهم زياد: كدا تضايق ضيفتنا من اول يوم
حمزة بصله: وانت مالك يعم انا ضايقتك
حياة وتضحك عليهم: لا
حمزة: شوفت اهيه قالت لا
زياد ويبص لحياة: اعرفك بيا انا زياد اخو الرخم دا
حياة ببتسامة: اتشرفت بيك يزياد
زياد ببتسامة: انا اكتر
الجدة: يالا يولاد الاكل
زياد: يالا تعالو
كلو اتجمع علي السفرة معادا اياد اللي لسا مجاش
الجد: هو اياد فين يسليم
سليم وهو بياكل: في الشركة كلمتة قالي وراه شغل كتير
رزان بتريقة: مشغول يعيني
الكل بصلها بصهة نارية فسكتت
حياة بصت للي حصل بستغراب وكملت اكلها
دخل عليهم واحد وهما بياكلو
الجد: اخرت لي يمروان
مروان ويقعد علي الكرسي: معلش كنت في مشوار
الجد: حسك عينك يحصل كدا تاني
مراون: ما اياد مش هنا ولا هو انا بس
الجد: اياك هو اياد صايع زيك اياد في الشركة ي استاذ
مراون وهو بياكل: ماشي خلاص
الجد ويبص لمنال: ابقي علمي ابنك الاحترام شوية
منال بصت لمروان: حاضر يبابا
مروان صوته الوحيد اللي طالع في السفرة: بس مين المزة دي
حياة: اتكسفت وبصت في طباقها
الجد بعصبية: احترم نفسك يزفت
مراون بكل بجاحة: في اي يجدو منتعرفش يعني
الجد: لا متتنيلش لما تكون محترم ابقا اتعرف
مروان: ماشي يجدو
خلصو اكل وكل واحد طلع اوضتة يريح شويه
༺༺༺༺༺༺༻༻༻༻༻༻༻༻
حياة منامتش وعمالة تشوف الساعة الوقت كان متاخر جدا واياد لسا مروحش
حياة: يعني لو مش كان معايا رقمة كنت شوفته فين
حياة وقفة في البلكونة ومستنية تشوف عربيتة
بعد شوية لقت حياة عربية اياد دخلت الفيلا ركنها وهيا دخلت وقالت شويه وتطلع البكلونة تاني يمكن يقف
طلعت حياة البكلونة تاني: لقت اياد واقف وسرحان
حياة: احمم انت كوبس
اياد وبصلها وابتسم: اه كويس وانتي
حياة: الحمدلله امال اخرت لي كل دا وماجتش علي الغدا
اياد ببتسامة: حيلك حيلك يستي اولا كان عندي شغل كتير كدا وقولت والله ماهمشي غير لما اخلصة
حياة: بس حرام كدا بتتعب نفسك
اياد ببتسامة: متشليش همي
حياة: بصتلة وسكتت
اياد: جاهزة لبكرا
حياة وتضرب علي جبينها: اوههه نسيت خالص
اياد: كويس اديني فكرتك
حياة: بس انا مقولتش ولا جدو ولا تيتا
اياد ببتسامة يطمنها: متقلقيش انا قولت لجدو وبكرا هنشوفة علي الفطار ابقي قوليلو تاني
حياة ببتسامة: شكرا بجد
اياد ببتسامة: يوهه رجعنا تاني لام شكرا دي
حياة بضحك: انا مش هبطلها خلي بالك
اياد ببتسامة: ماهو باين
اياد: يالا روحي نامي تصبحي على خير
حياة: وانت من اهله
༺༺༺༺༺༺༻༻༻༻༻༻༻༻
دخلت حياة وهيا مبوسطة انها هتروح تشتغل
حياة حطت راسها علي المخدة وراحت علطول في النوم
༺༺༺༺༺༺༻༻༻༻༻༻༻༻
*عند اياد*
دخل اياد من البلكونة وهو مبسوط ومزاجة بقا اروق بكتير
اياد في سرة: انتي كنتي فين بس
وحط راسة علي السرير وراح في النوم
༺༺༺༺༺༺༺༻༻༻༻༻༻༻
عند مروان ودخل اوضته رزان
مروان: يبت يرزان هيا مين الموزة الجامدة اللي كانت تحت دي
رزان بغيرة: علفكرا مش موزه ولا حاجه
مروان: اتنيلي منتيش فاهمة مين دي انجزي
رزان بتريقه: حياة بنت عمك محمد
مروان ببتسامة: كمان اسمها حلو زيها
رزان: علفكرا انت اوفر
مروان وهو طالع من اوضتها: انا اللي اوفر برضو
مروان بعد ماطلع وفي سرة: دخلتي دماغي يحياة خلاص
༺༺༺༺༺༺༺༻༻༻༻༻༻༻
*تاني يوم*
تصحي حياة علي صوت المنبة عشام تجهز قبل معاد الفطار
حياة خلصت وهيا نازلة علي السلم لقت مروان بينادي عليها
مروان ويمد ايدة يسلم: مروان
حياة بكسوف: مش بسلم اسفة وانا حياة
مروان ويشيل ايدة بكسوف: اسمك حلو يحياة
حياة بكسوف: شكرا
مروان: تعالي يسعلل ننزل عشان الفطار
حياة ومش حابة تصرفاتة نزلت وبعدت عنو بمسافة
الجدة: تعالو يولاد عشام تفطرو
اياد كان قاعد علي كرسية وشاف حياة ومروان وهما جاين مع بعض
حياة ببتسامة: صباح الخير يتيتا
الجدة: صباح النور يحبيبة تيتا
حياة ولقت الجد نزل وقعد علي كرسية: صباح الخير يجدو
الجد: صباح النور يحبية جدو
حياة بصت لاياد وقعدت جمبة: صباح الخير
اياد: صباح النور
والباقي نزل وفطرو كلهم
اياد ويقوم من مكانة: يالا يحياة
الكل بصلهم باستغراب
الجد: اي رايحن فين متكملو اكلكو
اياد: لا الحمدلله شبعنا
اياد ويبص لحياة: شبعتي ولا تحبي تكملي اكلك
حياة: لا الحمدلله شبعت
اياد: هنروح احنا علي الشركة عاوزين حاجه
الجد: لا شكرا خلي بالك منها
اياد ويبص لحياة: في عيني متخافش
رزان وتقوم بكل عصبية: ……………………
استوووووووب
رزان وتقوم بكل عصبية وبصوت عالي: هو اللي بسمعة دا صح ي اياد
اياد ببرود: اي اطرمتي ولا اي
رزان بعصبية وتروح ناحيتهم: لا مطرمتش ماانا ياما اتحايلت عليكو اروح اشتغل في الشركة اشمعنا هيا يعني اللي اول ماجت واخدت كل حاجه
اياد ببرود لا مثيل له: اولا كدا صوتك دا ميعلاش
وثانيا بقا ملكيش دعوة انا اعمل اللي عاوزه تمام مش انتي اللي تقوليلي اعمل ومعملش
رزان بصوت عالي وتقرب من حياة: انا مش عارفه اي اللي جابك في حياتنا يريتك موتي زي ابوكي
اياد ويرفع ايده يضرب رزان علي وشها: عشان تبقي بعد كدا تعرفي تتكلمي باحترام
رزان وتمسك وشها: بقا انت بتضربني عشانها
حياة والدموع ملت عنيها وطلعت تجري لبرا
اياد بص بقرف لرزان وجري ورا حياة عشان يلاحقها
༺༺༺༺༺༺༺༺༺༻༻༻༻༻༻༻༻
صلو علي النبي♡
اياد وطلع جري ورا حياة
حياة ماشية والدموع مغرقة وشها ومش شايفة اي حاجه فتحت بوابة الفيلا وطالعة جري
اياد شافها وهيا بتفتح الباب: حيااااة استني
حياة جاية بتعدي الطريق وكان في عربية جاية الناحية التانية مش شايفاها
اياد بصدمة وجري بسرعة سحبها بعيد عن العربية
وقعو علي الارض وحياة مش مستوعبة اللي حصل وعمالة تعيط
اياد قام من علي الارض وسحب حياة تقف هيا كمان وماسك ايديها: انتي كويسة فيكي حاجه
حياة وتبعد ايديها منو ولسا برضو بتعيط: انا عاوزة اروح بيتي
اياد بقلق: لا طبعا مش هتروحي في حتة وهتقعدي في البيت ومتاخديش بكلام الهبله اللي جوا هيا بس غيرانة منك
حياة ودموع في عنيها وبصالة: لو سمحت عاوزة اروح بيتنا انا مش حابة قعدتي هنا انا كل اللي خلاني اجي هو بابا وخلاص عملت اللي كان عاوزة مني انا بقا اروح بيتنا تاني
اياد ويسحب حياة من ايديها: تعالي معايا
راح اياد دخل من بوابة الفيلا: عم حسين هاتلي العربية لو سمحت
عم حسين: حاضر يبني
بعد شويه جاب عم حسين العربية لاياد
اياد ويفتح باب العربية لحياة: اركبي يحياة
حياة بعند: مش عاوزه اركب انا قولت عاوزه اروح
اياد بتعب: حياة لو سمحت اركبي بجد تعبت اركبي عشان خاطر باباكي مش عشان خاطري
حياة واخيرا سمعت كلامة وركبت
اياد قفل الباب وراح ركب هو كمان واتحرك بالعربية ووقف في مكان بعيد عن البيت
اياد باهتمام: هديتي
حياة: شوية
اياد طيب ممكن نتناقش بهدوء: اولا كدا متاخديش بكلام المتخلفة رزان
حياة بدموع: انا من اول ما دخلت الفيلا وهيا مش سيباني في حالي وانا معرفش اصلا انا عملتلها اي عشان تعمل معايا كدا انا في غني عن كل الصداع دا اعيش في بيتي احسنلي
اياد: وانتي عادي تستسلمي من اول مرة كدا عادي زي ما هو بيتها فهو بيتك انتي كمان واكتر كمان انتي اقوي من ان كل ماهيا تقولك حاجه تعيطي وتقولي عاوزه اروح بيتي عافري دا بيتك كمان هيا بتعمل كل دا عشان تطفشك بس خليكي انتي بقا اذكي منها وتجاهليها نهائي
حياة: ولي اصلا اعمل كدا انا عاوزه اعيش من غير مشاكل مع حد
اياد: مثلا عشان خاطر جدو وتيتا اللي بجد مشفتوهمش فرحانين غير لما انتي جيتي واديتي روح حلوة في المكان
حياة تبص قدامها وتربع ايديها: خلاص ماشي انا هوريها
اياد: ايوا كدا يحياة يجامدة
༺༺༺༺༺༺༺༺༺༻༻༻༻༻༻༻༻
صلو علي النبي
بقلم: الكاتبة شهد فؤاد
في الفيلا علي السفرة
الجد بعد مامشي اياد بصوت عالي: تستاهلي ولو محترمتيش نفسك هخلية يموتك كمان سمعاني
الجد وبص لهنا: ابقي لمي ولادك شوية وعلميهم الاحترام
رزان بصتلهم بعصبية وطلعت اوضتها
༻༼༻༻༺༺༺༺༺༺༻༻༻༻༻༻༻༻
صلو علي النبي ♡
بقلمي الكاتبة: شهد فؤاد
بعد شوية وصل اياد وحياة الشركة
اياد: يالا انزلي
حياة نزلت من العربية: خلاص ي اياد مش عاوزه اشتغل غيرت راي
اياد يروح جمبها بس شغل عيال يحياة يالا بينا
مشيت حياة مع اياد جوا الشركة لحد لما طلعو المكتب بتاعة
حياة: انا عاوزة اطلب منك طلب
اياد: ويقعد علي مكتبة: اكيد قولي
حياة: انا عاوزة نتعامل اكننا منعرفش بعض
اياد باستغراب: لي
حياة: عشان انا مبحبش شغل الوسطي وعشان محدش يقول اني شغالة في الشركة عشان خاطر قريبي
اياد ببتسامة: طلاما دا هيريحك انا معنديش مانع
حياة ببتسامة: مرسي
اياد: اخيراا ابتسمتي داانا علي كدا اعمل كل اللي انتي عاوزه عشان تبتسميلنا ونشوف الضحكة العسل دي
حياة بكسوف: ها مقولتليش هعمل اي انا بقا
اياد بضحك: اتهربي اتهربي براحتك يعم
في العموم ساندي هتيجي تاخدك وتعلمك كل حاجة وزي ماقولت فترة التدريب هتكوني السكرتيرة بتاعتي
حياة: وساندي هتروح فين
اياد: متقلقيش حولتها عند ايهاب صحبي
حياة: طب لي انا ممكن امسك اي حاجه غير السكرتارية
اياد: بس انا عاوزك تكوني معايا خلص الكلام
ساندي خبطت ودخلت خلت حياة متعرفش ترد علي اياد
ساندي ببتسامة: صباح الخير
اياد وحياة: صباح النور
ساندي ببتسامة: ازيك يحياة عامله اي
حياة ببتسامة: الحمدلله تمام وانتي
ساندي ببتسامة: كلو تمم الحمدلله
حياة: يارب دايما
اياد واتحول تماما: لو خلصتو فقرة التعارف فيلا برا
حياة بصتلة بصدمة ومعلقتش وطلعت هيا وساندي
༺༻༻༺༺༺༺༺༺༺༻༻༻༻༻༻༻
صلو علي النبي ♡
حياة بصدمة: هو اي اللي حصل جوا دا
ساندي بضحك: لا دا العادي
حياة: بجد
ساندي بضحك عليها: اه
ساندي: يالا بقا عشان اعلمك ان شاءلله كل حاجه انهاردا
حياة ببتسامة: استعنا علي الشقا بالله
بعد مرور اربع ساعات شغل متواصل
حياة وتقعد علي الكرسي: لا خلاص مش قادرة كفاية لحد كدا
ساندي بضحك عليها: داانتي هتفرفري مننا كدا يبنتي
حياة: ربنا يسامحك ي اياد يبن عمو سليم
اياد من وراها: شكرا يست حياة
حياة بخضة: حرام عليك يعم وقعت قلبي في رجلي
اياد بضحك: معلش يختي يالا عشان هنروح
حياة وتقوم تقف وتلم حاجتها ويضحك: واخيرااا باي يساندي ابقي قابليني لو شوفتي وشي تاني
اياد بضحك: كدا كرهتي البت في الشغل من اول يوم
ساندي بضحك: اللاه ماانت اللي قايلي اديها دا كلو
حياة وتبص لاياد: ماشي ي اياد
اياد: ماشي يساندي مخصوملك يومين
ساندي بضحك: توبة يبيه
اياد ابتسم يالا بقا باي وطلع قبل حياة
حياة سلمت علي ساندي وركبت مع اياد العربية
اياد واتحرك بالعربية: شكلك تعبتي
حياة: اووي بجد اي يعم العذاب دا
اياد ببتسامة: معلش هتتعودي
حياة بصتلة وسكتت
وصلو الفيلا
اياد: استنيني هركن العربية وندخل سوا
حياة وتنزل من العربية: اوكي
نزلت حياة وراح اياد يركن العربية
حياة لقت حد وراها: بتبص لقته مروان
مروان بغمزه: ازيك يمزه عاملة اي
حياة وتبعد عنه: علفكرا انا ليا اسم
مروان ويقرب : ازيك يحياة
حياة: الحمدلله
مروان: اي واقفة لوحدك لي
اياد ويجي من وراه: معايا ملكش دعوه
مروان: يعني اي معاك
اياد: يعني ملكش دعوه بيها سامعني
مروان وتجاهل اياد تماما: ويشاور لحياة باي يموزه ومشي
اياد بعصبية وشتمه: عيل متربتش
اياد ويشد حياة من ايديها: اوعاكي تتكلمي مع الزفت دا تاني سمعاني
حياة بخوف: حاضر
وسابها ودخل الفيلا
دخلت حياة وراه لقت الكل قاعد في الريسبشن
اياد: السلام عليكم
حياة: السلام عليكم
الكل: وعليكم السلام
حياة وراحت تسلم علي جدها وجدتها
الجدة وتطبطب علي ضهر حياة: يالا غيري هدومك وتعالي
عشام العشا
حياة وتقوم: حاضر يتيتا عن اذنكو
طلعت حياة اوضتها ولمحت اياد طالع علي السلم
دخلت حياة وغيرت هدومها لقت تليفونها بيرن
وكانت رؤي
حياة وترد عليها
حياة وتدخل تكلمها في البلكونة: وحشتيني اوي يرؤي بجد
رؤي: وانتي اكتر والله اي اخبار الدنيا
حياة: تعبت يرؤي مش حابة اقعد هنا عاوزة ارجع بيتي
رؤي: طبيعي يحياة انتي لسا متعوديش عليهم هو مجرد شوية وقت وهتتعودي اي عاملين معاكي اي
حياة: كلهم كويسين والله وبالاخص اياد بيعاملني حلو اوي ومهتم بيا وبيعملي كل اللي انا عاوزه بجد انا مشوفتش زيه قبل كدا وخلاني اشتغل معاه في الشركة
رؤي: اوعااا الصنارة غمزت ولا اي
حياة بضحك: لا الصنارة مغمزتش بس هو بجد شخص كويس
رؤي: طب الحمدلله طمنتيني عليكي ابقي خلي بالك من نفسك
حياة: حاضر يحببتي وهحاول اقنع في اياد واجي اقعد معاكو شوية
رؤي:يريت بجد عشان انتي وحشانا اوي
حياة: ان شاءلله ابقي سلميلي علي الكل
رؤي: حاضر يحببتي عاوزه حاجه
حياة: تسلمي يحببتي
رؤي: باي
حياة: باي
وقفلت حياة مع رؤي وهيا مش عارفه ان في حد سامع المكالمة كلها
ظبطت حياة هدومها وطالعة من الاوضة لقت:؟؟؟؟؟؟؟؟
استووووووب يبشر
استنو البارت التاسع يوم الجمعه ان شاءلله لو كنت فاضية قبل كدا هنزله ان شاءلله
يترا حياة لقت اي؟
ظبطت حياة هدومها وطالعة من الاوضة لقت:؟؟؟؟؟؟؟
༺༺༺༺༺༺༺༺༻༻༻༻༻༻༻༻
عند اياد في اوضته
غير هدومة وطلع شويه في البكلونة سمع حياة بتكلم حد وبتحكيلة عنة وفي نفس الوقت اللي حياة بطلت كلام عنو لقي رزان بتدخل اوضتة
اياد بعصبية: هو الاحترام معداش عندك قبل كدا في حاجه اسمها تخبطي الباب
رزان بدلع: وانا برضو اخبط الباب داانا روزي
اياد بقرف منها: اطلعي برا اي اللي جابك
رزان وتقرب من اياد وتحضنة: وحشتني ي اياد من امتي وانت بتعاملني كدا ها تعالي نرجع ي اياد عشان خاطري
اياد بقرف: ابعدي عني انا مش عاوزك انتي مبتفهميش
مش عاوزك هو غصب
في نفس اللحظه سمعو باب الاوضة بيتقفل جامد بصو لقو حياة
༺༺༺༺༺༺༺༺༻༻༻༻༻༻༻
رزان في اوضة اياد والباب مفتوح وبتحضن اياد
واياد بيحاول يبعدها عنو وهيا مش راضية
حياة بصة بصدمة وقفلت بابها جامد شوية
لاحظها كلا من اياد ورزان
رزان بخبث وباست خد اياد: عاوز حاجه يحبيبي هبقا اجيلك وقت تاني
حياة بصت للي بيحصل ونزلت علطول منغير ولا كلمة
༺༺༺༺༺༺༺༺༻༻༻༻༻༻༻༻
عند اياد
اياد بصوت عالي ويمسك ايد رزان جامد: انتي لو فكرتي تعملي اللي عملتيه دا تاني هتندمي اوي بقا عشان انا ساكتلك وانتي معندكيش اي دم خالص وسابها ونزل
༺༺༺༺༺༺༺༺༻༻༻༻༻༻༺༻༻
نزلت حياة ولقت حمزه نازل
حمزة ببتسامة: اهلااا بالعسل بتاعنا
حياة ببتسامة: تمام وانت
حمزة: زي الفل متيجو ننزل انهرادا ونكلم اياد نقعنه
حياة بستغراب: انتو دايما بتنزلو سوا
حمزة: اه احنا الشباب وبناخد البنات وننزل
حياة ببتسامة: طب حلو والله يالا انا معاكو
حمزة: خلاص تمام هنقول لاياد ولو كدا ننزل بعد العشا
حياة: تمام
ونزلو كلهم اتعشو وخلصو واللي راح نام نام واتبقي الشباب والبنات
حمزة في اوضة المعيشة: اي هنقعد كدا ما يالا ننزل
اياد بصله وسكت
حمزة: انا بتكلم بجد
حور ونور وسما وجني: احنا موافقين وانتي يحياة
حياة بتوتر من نظرات الكل ليها: تمام وانا موافقة
حمزة: والشباب اكيد مش هنزل لوحدي بكل البنات دي
زياد: تمام وانا معاكو
حمزة: يالا ي اياد متبقاش غيرك
اياد: تمام معاكو مجتش عليا
مروان ودخل الاوضة عليهم: وانا معاكو يشباب
حمزة: طب تمام الكل يروح يلبس يالا
البنات كلهم راحو والشباب نفس الكلام
بعد مرور ساعة كان الكل خلص لبس ونزل من اوضتة
حمزة: يالاا بصو حياة واياد مع بعض
وزياد ونور والبنات سوا
وانا ومروان
تمم كدا
حياة اتكلمت: مينفعش اروح مع البنات
حمزة: لا مفيش مكان يالا يشباب
مروان: خلاص تيجي معانا احسن
اياد: ولا انت ولا هما هيا معايا خلصت يالا يحياة
حياة زعلت وطلعت برا عشان تركب معاه
༺༺༺༺༺༺༺༺༻༻༻༻༻༻༻༻
في عربية اياد
اياد ويبص لحياة: اي مش عاوزة تركبي معايا لي
حياة ومبصتش: عادي كلهم سوا الا انا
اياد: بس انتي من اول يوم وانتي معايا وهتفضلي معايا
حياة: سكتت ومردتش
اياد: احم عاوز احكيلك علي حاجه عشان متفهميش غلط
حياة وفهمت: لا مش عاوزه اسمع حاجه
اياد بصلها وسكت وكمل سواقة
༺༺༺༺༺༺༺༺༻༻༻༻༻༻༻༻
وصلو الكافية اللي هيقعدو فيه وكانت الساعة11بليل
༺༺༺༺༺༺༺༺༻༻༻༻༻༻༻
حور تعالوو نلعب صراحة وجراة
الكل: تمام يالا ابدا يمروان
مروان ولف الازازة
وجه علي زياد وحور
زياد: صراحه ولا جراة
حور: صراحة
زياد: اكتر حد بتكرهيه في القعدة مين
حور وبكل صراحة: للاسف مش موجوده بس هيا رزان
والكل ضحك ماعدا مروان
مروان: ماشي انا هقولها
حور: اطلع براها انت يمروان
لف زياد الازازة جه الدور علي مروان وحياة
مروان ببتسامة: كنت مستنيها وجت صراحة ولا جراة
حياة بتوتر: صراحة
مروان: حبيتي حد قبل متيجي
حياة: انا كنت مخطوبة قبل موت بابا
الكل بتفاجي: ادا مين
حياة ببتسامة: هو سوال واحد بس وجاوبت
اياد بصلها: وسكت
لف مروان الازازة جه الدور علي حمزة واياد
حمزة: صراحة ولا جراءة
اياد: مش فارقه
حمزة: لي مش راضي ترجع لرزان
اياد بص لحمزة بصه نارية وقام وسبهم ومشي
حور: انت عبيط يحمزة
حمزة: انا مكنتش اقصد حاجة والله
زياد وبص لاخوة: متخلف يحمزة
حياة قاعدة ومش قادره تفهم اي علاقة اياد برزان
نور: حد طيب يقوم يشوف اياد
حمزة: انا ممكن يموتني
خلاص روحي انتي يحياة انتي كدا كدا مش عارفه اي الموضوع ف مش هيكون مضايق منك
حياة بتوتر: لا بلاش انا
حور: معلش يحياة روحي
حياة وتقوم: طيب هروح
༺༺༺༺༺༺༺༺༺༻༻༻༻༻༻༻༻
حياة وتروح تدور علي اياد
تلقي اياد قاعد وبيشرب سجارة ومتعصب
حياة وتقعد جمبة: هو انت مش وعدتني تبطل سجاير
اياد ويبتسملها: ويطفي السجارة في الطفاية
اياد: عاوز افهمك عشان متفهمنيش غلط
حياة وتديلة فرصة: ماشي قول بس عما دي حياتك يعني لو مش حابب تحكي براحتك
اياد: ولسا هيتكلم
لقووووووو
حياة وتروح تدور علي اياد
تلقي اياد قاعد وبيشرب سجارة ومتعصب
حياة وتقعد جمبة: هو انت مش وعدتني تبطل سجاير
اياد ويبتسملها: ويطفي السجارة في الطفاية
اياد: عاوز افهمك عشان متفهمنيش غلط
حياة وتديلة فرصة: ماشي قول بس عما دي حياتك يعني لو مش حابب تحكي براحتك
اياد: ولسا هيتكلم
رزان وتقعد علي تربيزتهم: كدا يحبيبي تنزلو من غير متقولولي اخص عليك ي ايودي زعلت منك
اياد بعصبية وميردش عليها: قومي يحياة عشان نمشي
حياة وسمعت كلامة وقامت عشان يمشو
رزان وتمسك ايد اياد: ولسا هتتكلم
اياد ويبعد ايديها: رزان وربنا لو مبعدتي عن وشي دلوقت لاكون فاضحك في المكان دا كلو فبعدي عن وشي عشان انتي عارفه اني هعمل كدا
رزان بخوف: وتبعد ايديها عنو
اياد وباصصلها: ايوا كدا خافي مني عشان انتي زودتيها
وسحب حياة وراه ومشيو
اياد وراح لتربيزة حمزة وزياد:
اياد:زياد وقرب من ودانه: انا هاخد حياة وماشي خلصو قعدتكو وابقو روحو وخلي بالك من حور والبنات سلام
زياد: هتروحو فين طيب
اياد: هقعد انا وحياة في مكان تاني سلام ومشيو
༺༺༺༺༺༺༺༺༻༻༻༻༻༻༻༻༻
✨في تربيزة الشباب ✨
وجت عليهم رزان وقعدت
حور: انتي اي اللي جابك يرزان اديكي طفشتي الواد
رزان بعصبية: اسكتي يحور اسكتي
جني: هو اياد اخد حياة وراحو فين يزياد
زياد بخبث: قالي هيروحو يقعدو في مكان تاني
رزان بغيرة:انا مش فاهمه انا اول ما البت دي جت وكل حاجه باظت
حور: لا هيا بايظة من قبل ماتيجي هيا مغيرتش حاجة
مروان بغيظ: واخد حياة لي يعني مكان سابها معنا
حور: ملكش دعوة يمروان انت مالك بحياة اصلا
مروان: مالي بيها ازاي لا مالي ونص
حور: ايوا لي يعني
مروان وعينة بتلمع: دخلت دماغي يست
حور في سرها: ربنا يستر
༺༺༺༺༺༺༺༺༻༻༻༻༻༻༻༻༻
الكاتبة شهد فؤاد
زياد ويقوم من مكانة: تعالي معايا يحور عاوزك
حور باستغراب: حاضر
راحت حور وراه زياد
حور: نعم
زياد: كنت عاوز احكيلك علي حاجه
حور: متقول يزياد
زياد: في حد عاوز اعرفك عليه
حور باستغراب: مين
زياد: واحدة صاحبتي
حور بتفاجي: صاحبتك
زياد: انا حكتلها عنك كتير وبصراحة انتي اقرب واحدة ليا فحبيت تكوني انتي اول واحدة اعرفك عليها
حور بزعل مش مبيناه: اممم تمام يزياد شوف اليوم المناسب وانا معاك
زياد ببتسامة: مش عارف اقولك اي بجد شكرا يحوري
حور ببتسامة حزينة: العفو علي اي
حور رجعت التربيزة وقالت لجني تيجي معاها الحمام
حور هيا وجني في الحمام
حور بعياط: عاوز يعرفني علي بنت يجني
جني: ممكن تهدي عشان انا مش فاهمه حاجه
حور بعياط: زياد قالي انو عاوز يعرفني علي واحدة صاحبتة
جني بتهديها: ممكن تهدي ماممكن تكون صاحبتة بجد ومفيش حاجه تانية
حور ولسا بتعيط: مش عارفة مش عارفه
جني وتحضنها: طب عشان خاطري اهدي لغايت لما نشوف اي الحوار دا
جني: يالا يحور امسحي دموعك واسمعي كلامي
༺༺༺༺༺༺༺༺༻༻༻༻༻༻༻༻༻
✨في عربية اياد✨
حياة عاوزة تتكلم ومش عارفه
اياد: اتكلمي يحياة
حياة: احم هو يعني انت ورزان كنتو مخطوبين
اياد: لا متجوزين
حياة بصدمة: اي
اياد:؟؟؟؟؟؟؟؟
تعليقات
إرسال تعليق
فضلا اترك تعليق من هنا