رواية متمرده عشقت كبريائي كامله البارت 1-2-3-4-5-6 بقلم دودو محمد

رواية متمرده عشقت كبريائي كامله البارت 1-2-3-4-5-6 بقلم دودو محمد 

❤متمرده عشقت كبرياءه❤

فى احد الشقق فى بيوت أسكندريه

كان نايم شاب فى العقد الثالث من العمر على السرير عارى الصدر وتنام جمبه فتاه ترتدى لبس عارى يكشف جميع مفاتنها

فهد :- قام من على السرير وحدف ليها الفلوس وقال اطلعى بره

الفتاه :- ليه يافهد باشا انا ضيقتك فى حاجه

فهد :- شدها من على السرير وقال انا لما اقول بره تطلعى بره من غير ولا كلمه والا ودينى لتشوفى الوش التانى اللى لو ظهر هتتمنى الموت الف مره

الفتاه :- خافت واخدت الفلوس من على السرير واخدت هدومها المحدوفه على الارض وخرجت تجرى من الاوضه

وفى الوقت ده رن التليفون

فهد :- ايوه يا زفت الطين عايز ايه

باسم :- انت فين يا فهد

فهد :- وانت مالك

باسم :- يافهد فى حد بيلعب فى الحسابات وحصل خلل فى الاموال بتاعت الشركه وانت ولا هنا وعايش ومقضيها

فهد:- بااااااااااسم اقفل دلوقتى وانا مسافة نص ساعه هكون عندك

باسم :- ماشى يا فهد سلام

فهد :- دخل الحمام اخد شاور وخرج لبس هدومه وسرح شعره ورش برفانه وخرج من الشقه ونزل وركب عربيته وراح على الشركه

……………………………………………………

فى احدى البيوت بالاسكندريه توجد شقه بها اربع افراد ام وثلاثة بنات

فايزه :- مليكه قومى يا حبيبتى

مليكه :- فتحت عنيها وقالت صباح الخير يا ماما

فايزه :- صباح النور يا حبيبتى قومى صحى اخواتك علشان ميتأخروش

مليكه :- حاضر يا ماما وخرجت فايزه وقامت مليكه من على سريرها ودخلت حمامها اتوضت وادت فرضها ولبست هدومها وخرجت من اوضتها وراحت اوضت مها

مليكه :- مها يا مها

مها :- اممم

مليكه :- اصحى يلا يا مها علشان متتأخريش

مها :- حاضر يا مليكه صحيت خلاص

مليكه :- يلا بقى

وفى الوقت ده رن تليفون مها

مها :- بصت فى التليفون لاقته محمد

مليكه :- اول ما محمد اتصل قومتى علطول

مها :- ده حبيب قلبى

مليكه :- طب ردى بسرعه قبل ما يفصل

وسبتها وخرجت من اوضتها وراحت على اوضت مى

مليكه :- مى يا مى

مى :- …………………

مليكه :- اصحى يا مى

مى :- ����������

مليكه :- اصحى يابنتى انتى نايمه ولا ميته

مى :- يووووووه على ام اللك على الصبح مليكه اطلعى بره

مليكه :- قومى ابت اخلصى هتتأخرى

مى :- يا دين النبى على الراديو بتاع كل يوم وقامت قعدت وقالت خلاص اتنيلت وقومت

مليكه :- مى اوعى تنامى تانى واه اوعى تنسى تصلى

مى :- بزهق حاضر ممكن تطلعى بقى

مليكه :- ماشى وخرجت من الاوضه

مى :- نامت تانى وحطت المخده على وشها

……………………………………………………

فى اوضت مها

كانت بتتكلم فى التليفون

محمد :- وحشتينى

مها :- وانت كمان وحشتينى اوى

محمد:- اوعى تقولى انك لسه مصحتيش

مها :- احم الصراحه انت بتتصل ومليكه بتصحينى

محمد :- طب قومى يا كسوليه صلى والبسى علشان متتأخريش

مها :- حاضر

محمد :- يسلملى المطيع ده

مها :- ههههههه طول عمرى

محمد :- بحبه يا ناس

مها :- ههههههه طب يلا باى

محمد :- متنسيش هعدى عليكى انهارده ونتغدى بره

مها :- ماشى هقول لماما

وقفلت معاه وقامت دخلت الحمام اتوضت وخرجت ادت فرضها ولبست هدومها وخرجت من الاوضه

وكانت فايزه ومليكه قعدين

مها :- صباح الخير

فايزه :- صباح النور

مها :- امال فين الاوزعه

مليكه :- انا تعبت صحتها وشكلها نامت تانى

مها :- هخش انا اصحيها

ودخلت مها اوضت مى لاقتها لسه نايمه

مها :- مىىىىىىىىىىى

مى :- ايه ايه فى ايه

مها :- ههههههههه اصحى هنتأخر

مى :- تصدقى انك عيله رخمه فى حد يصحى حد كده

مها :- ماهو انتى منفعش معاكى صحيان مليكه فقولت اصحيكى بطريقتى

مى :- امته بقى محمد يخدك ونرتاح منك

مها :- ياسلااااااااااام امته بقى

مى :- روحى يا مها روحى ياماما ده انتى هتتجوزى على نفسك وانتى وقفه

مها :- هههههه لا ده انا الرزاله نفسها مش خارجه من الاوضه غير رجلى على رجلك

مى :- عاااااااااااااا وقامت دخلت الحمام وغسلت وشها ولسه هتطلع

مها :- ريحه فين

مى :- هطلع افطر

مها :- خشى ابت اتوضى وصلى

مى :- ها م.م.ماشى بس اكل الاول

مها :- لا الصلاه الاول

مى :- بزهق ماشى

مها :- انا عايزه مصلحتك انتى ضمنه انك تعيشى لحد ما تفطرى افرضى موتى هتقولى للربنا ايه اصل انا اجلت صلاتى علشان جعانه احنا نفس خارج ومش عارفين داخل تانى ولا لا يلا حبيبتى ربنا يهديكى وسبتها وخرجت

ودخلت مى اتوضت وصلت ولبست هدومها وخرجت من اوضتها

فايزه :- ايه يابنتى كل ده علشان تصحى من نومك

مى :- انتى عارفه يا ماما نومى تقيل

فايزه :- بطلى تسهرى للصبح على النت اللى واخد عقلك ده

مى :- اممم ان شاءالله

فايزه :- ما تردى عليا عدل

مى :- وانا قولت ايه بقولك ان شاءالله

مليكه :- خلاص يا ماما بقى احنا عارفين دماغ مى

مى :- اه انا عايزه فلوس

فايزه :- عايزه فلوس ليه

مى :- عايزه اشترى طقم خروج وشوز

فايزه :- يابنتى انتى مش لسه جايبه طقم جديد من كام اسبوع

مى :- اهو انتى قولتيها من كام اسبوع انا عندى البنات كل يوم بتيجى بطقم جديد مش انا اللى عندى كام طقم عماله اعيد فيهم كل شويه

فايزه :- يا بنتى اشفقى علينا شويه معاش ابوكى يدوب بيكفى مصاريف الاكل والدراسه هجيب منين ده انا حتى العلاج خلص ومش عارفه اجيبه ولسه جهاز اختك اللى عايزه تتجوز دى

مى :- مليش دعوه مدام مش قادرين تصرفو علينا كنتو بتخلفونا ليه

فايزه :- لو كنت اعرف انك هتيجى كده عيله معندكيش دم ولسانك طويل انا كنت موتك وارتحت

مليكه :- حرام يا ماما متقوليش كده

فايزه :- انتى مش شايفه قلة ادبها

مليكه :- خلاص يا ماما اهدى انتى بس علشان السكر والضغط وانا هنزل ادور على شغل انهارده كمان يارب بس الاقى

فايزه :- يابنتى ما انتى كل يوم تنزلى تدورى على شغل وترجعى متأخر ومتلاقيش شغل

مليكه :- ان شاءالله هلاقى شغل انهارده

فايزه :- ربنا يرزقك بأبن الحلال اللى يشيلك من الهم ده

مليكه :- ماما انتى عارفه ان انا رافضه الجواز بلاش الكلام ده وانتو امانه فى رقبتى ان شاءالله هلاقى شغل وهجهز مها احسن جهاز واخلص منها واجهز البت الاوزعه دى

مى :- متقوليش اوزعه وبعدين انا لسه هخلص تعليمى وافتح صيدليه وابقى دكتوره صيدلانيه قد الدنيا

مليكه :- ان شاءالله يا ستى

مى :- طب ايدك على نص جنيه علشان اروح الجامعه

مليكه :- نص جنيه ده ايه القناعه المبالغ فيها دى

مها :- هههههههههه لا يا مليكه هى قصدها خمسين جنيه

مليكه :- هههههههه اه ما انا قولت مستحيل تكون عايزه نص جنيه

مى :- يلا بقى يا ملوكه هتأخر

مليكه :- طلعت من شنتطها خمسين جنيه وادتهلها

مى :- ميرسى يا مزه واخدتها منها وقامت مها معها ولسه هيمشو

مليكه :- مها خدى

مها :- لا يا حبيبتى معايه

مليكه :- معلش خليهم معاكى

مها :- اخدتهم من مليكه وقالت انا انهارده هتأخر علشان محمد هيعدى عليا وهنتغدا بره

فايزه :- ماشى يا حبيبتى ربنا يسعدكم بس متتأخروش

مها :- حاضر السلام عليكم

ومشيت مها ومى على الجامعه بتعتهم ومليكه نزلت تدور على شغل

……………………………………………………

فى فيلا يظهر عليها الثراء والذوق الراقى يجلس فريد المنشاوى و سهير على سفرة الطعام

سهير :- وضع ابنك مش هينفع خالص مقضيها مع البنات الشمال فى شقق مشبوها وسنه كبر ومبقاش صغير

فريد :- طب وانا اعمله ايه ما كل مره نكلمه يتعصب ويمشى ويسيب البيت يومين ونرجع نتحايل عليه علشان يرجع

سهير :- انا شايفه ليه بنت ممتازه بنت سوزى زميلتى فى النادى جميله جدآ وشيك وبنت عيله محترمه ومستواهم من مستوانا

فريد :- المهم هو يوافق ما انتى عارفه ان هو رافض مبدأ الجواز من اساسه هتقنعيه ازاى يقابلها ويشوفها

سهير :- هعزمهم هنا وهو نحاول نعطله ونقعدهم مع بعض

فريد :- والكلام ده هيخش على ابنك

سهير :- مليش دعوه اتصرف بقى

فريد :- ربنا يستر من اللى هيعملو ابنك

بعد الموضوع ده

فى شركة فريد المنشاوى

وصل فهد المنشاوى ودخل الشركه بهيبته المعتاده وتكبره وغروره والبنات تتهامز علي وسامته ويتمنون لو يلقى نظره عليهم دخل على مكتبه وحط مفاتيحه وتليفونه على مكتبه وفتح زرار الجاكت وقعد على الكرسى ومسك تليفون المكتب وطلب السكرتيره

فهد :- سهر ابعتى ليا باسم علطول واطلبى مدير الحسابات حالا

سهر :- حاضر يا فندم

وشويه ودخل باسم المكتب عند فهد

باسم :- اخيرآ حمدالله على السلامه

فهد :- بقولك ايه مش عايز اسمع حرف منك وانا عارف كل اللى حصل من ورايا

باسم :- ولماانت كنت عارف ساكت ليه

فهد :- اقعد بس وانت هتعرف كل حاجه وفى الوقت ده الباب خبط ودخل مدير الحسابات

فهد :- تعال يا حازم اتفضل اقعد

حازم :- ا.ا.ايوه يا باشا

فهد :- اقعد بس

حازم :- م.م.مينفعش يا فندم

فهد :- قام من على الكرسى وزق حازم على الكرسى وقاله انا لما اقولك اقعد تبقى تقعد

حازم :- بخوف خ.خ.خير حضرتك

فهد :- راح تانى وقعد على كرسيه وقال حازم فى خلل فى حسابات الشركه معنى كده ان فى حد بيختلس من اموال الشركه وانت نايم على ودنك

حازم :- ها م.م.مين قال لحضرتك الحسابات م.م.مظبوطه ومفهاش ا.ا.اى اختلاس

فهد :- امم قولتلى مفيش اختلاس لاموال الشركه فتح درج المكتب وطلع دوسيه وحطه على المكتب وقال اقرا

ده يا حازم

حازم :- مسك الدوسيه وهو ايديه بتترعش وبص فيه وقعد يعرق ويمسح فى عرقه وقال ح.ح.حضرتك الكلام ده مش صح

فهد :- حاااااااااااااازم

حازم :- وقف وكان جسمه كله بيترعش وباصص فى الارض

فهد :- انا اقولك ايه اللى حصل حطيت ارقام وهميه فى دوسيه صفقة المعدات الجديده للمكن وبعد ما مضيت على الشيكات رحت البنك تانى يوم الساعه 9ونص بالظبط صرفت الشيك فرق سعر المعدات اللى كان 75الف جنيه بالظبط وحطيته فى حساب بأسم منار سيد عبد الغفار وعلى ما اعتقد دى مراتك برضه وجيت كملت الشغل عادى

حازم :- م.م.م.م.م

فهد :- بااااااااسم

باسم :- ايوه يا فهد

فهد :- البنأدم ده يتاخد فى المخزن ويتعمل عليه احلى حفله وبعد كده يمضى شيك على بياض ولو الصبح الفلوس مجدش يتسلم الشيك للحكومه

حازم :- جرى على ايد فهد وقال لالالا ابوس ايدك يا فهد باشا ب.ب.بلاش ضرب وانا اوعدك الفلوس هتكون عندك الصبح

فهد :- باسم خده وبص على حازم وقال علشان تحرم تمد ايدك على حاجة اسيادك وتعرف مين فهد المنشاوى خده يا باسم

باسم :- مسكه وقال يلا يا اخويه امشى

واخده باسم على المخزن

……………………………………………………

عند مليكه

كانت عماله تدور على شغل ومش لاقيه قعدت على الرصيف وقالت يارب افرجها عليا انا محتاجه شغل ضرورى علشان امى واخواتى امى محتاجه علاج واختى اللى عايزه تتجهز انت عالم بحالى يارب وكانت قعده قصاد مطعم

وفى الوقت ده جه واحد من اللى شغالين فى المكان وقال امشى يابت اشحتى بعيد

مليكه :- لالالا انا مش شحاته لو سمحت اللهى يسترك متعرفش اى مكان محتاج حد يشتغل

العامل :- تشتغلى ايه بالظبط

مليكه :- اى حاجه

العامل :- بصى هما هنا محتاجين جرسونات

مليكه :- ماشى مش مشكله حلوه

العامل :- انتى هتروحى لمدام منال هى المسئوله هنا

مليكه :- شكرآ ليك جدآ

ودخلت عند مدام منال وقالت السلام عليكم

مدام منال :- وعليكم السلام ايوه

مليكه :- لو سمحتى عايزه اشتغل وسمعت ان هنا طالبين جرسونات

مدام منال :- انتى معاكى شهاده

مليكه :- اه كلية تجاره قسم محاسبه

مدام منال :- تمام هنا الشغل مختلف عن جميع المطاعم هنا بيتجمع وزراء ورجال اعمال وسيدات مجتمع بيبقى فى ينوفورم موحد الاسلوب فى الكلام يكون بأسلوب راقى ومهما عمل الزبون بنقول كلمتين نعم وحاضر الزبون دايمآ على حق حتى لو غلطان لو موافقه على الكلام ده ممكن تستلمى الشغل من دلوقتى وبكره تجيبى السى فى بتاعك

مليكه :- بفرحه طبعآ موافقه

مدام منال :- خشى اختارى اللبس المناسب لجسمك

مليكه :- شكرآ ليكى يا مدام منال وراحت تدور على اوضت اللبس وقبلت اللى قالها على الشغل

العامل :- ايه عملتى ايه

مليكه :- الحمدالله اتقبلت واستلمت الشغل

العامل :- مبروك

مليكه :- الله يبارك فيك انت اسمك ايه

العامل :- احمد وانتى

مليكه :- مليكه

احمد :- اسمك حلو اوى يا مليكه

مليكه :- شكرآ يا احمد ممكن اعرف فين الاوضه اللى هغير فيها هدومى

احمد :- الاوضه اللى فى الوش دى

مليكه :- شكرآ ليك وراحت دخلت الاوضه واختارت اللبس ولبسته وقالت

مليكه :- نهار اسود ومنيل هما مالهم مقصرين الجيبه اوى كده ليه هما مكنش لاقين قماش يكملوها ولا ايه

وبصت للسما وقالت سامحنى يارب

وخرجت من الاوضه وراحت تبدء الشغل

……………………………………………………

عند مى فى الجامعه

مى :- لا بجد الحفله امته

اميره صديقة مى :- بكره بليل

مى :- واو ده انا هموت واشوف حماقى على الطبيعه لازم اروح الحفله دى

اميره :- اوكى هبلغ الشله ونروح مع بعض

مى :- احم هى التذكره بتاعت الحفله بكام

اميره :- مش عارفه بس هتبقى فى حدود 500 جنيه

مى :- بكااااااام

اميره :- رخيصه صح انا برضه بقول كده

مى :- اه رخيصه اوى وقالت لنفسها ده امى تروح فيها لو طلبت المبلغ ده

……………………………………………………

عند مها

خرجت من الجامعه وكان محمد مستنيها

محمد :- وحشتينى

مها:- وانت وحشتينى اوى

محمد :- امته يابت بقى نتجوز ونتلم فى بيت واحد خلاص مش قادر

مها :- عارفه يا محمد انك جاهز ومعطل الجواز على جهازى بس ان شاءالله مليكه تلاقى شغل وهتجيب ليا الجهاز كله

محمد :- يا عبيطه انا استناكى انشالله العمر كله المهم فى الاخر هتبقى معايه وفى حضنى

مها:- ربنا يخليك ليا

محمد :- ويخليكى ليا

مها :- طب ايه هنقف فى الشارع كده كتير

محمد :- ههههههه اه صح ووقف تاكسى وركبوه وراحو على مطعم علشان يتغدو

……………………………………………………

فى شركة فريد المنشاوى

دخل باسم عند فهد

باسم :- كله تمام يا فهد

فهد :- احسن علشان يبقى عبره لاى واحد يفكر يلعب مع فهد المنشاوى

وقام وقف ومسك مفاتيحه وتليفونه

باسم :- رايح فين كده

فهد :- هروح الفيلا اخد دوش واغير هدومى وهنزل ابداء السهره زى كل يوم

باسم :- واخرتها يا فهد هتفضل على الحال ده لامته

فهد :- باسم احسنلك متدخلش فى اللى ملكش فيه علشان متشوفش منى حاجه مش هتعجبك

باسم :- يا فهد ايه جرارك مكنتش كده من يوم مروه ما سبتك وانت اتشقلب حالك

فهد :- باااااااااااااااسم بلاش علشان متزعلش

باسم :- لا مش هسكت يا فهد ارجع للربنا يا فهد الناس كلها مش مروه

فهد :- ضرب باسم بالبوكس فى عينه وقال اخرررررررررس

باسم :- حط ايده على عنيه وقال اضربنى برضه مش هسكت انا صحبك ومن وجبى ان لما اشوفك بتمشى فى الغلط امنعك عنه

فهد :- وانا مش صغير يا باسم انا فاهم بعمل ايه ومش هسكت غير لما اكسر كل بنات حوا واخليهم اقل من الجزمه فى رجلى

باسم :- ياابنى انت افهم البنات كلها مش هى والله ما هى

فهد :- باسم مات الكلام ومش عايزك تفتح معايا الموضوع ده تانى وسابه ومشى

باسم :- بزعل ربنا يهديك يا فهد

……………………………………………………

نزل فهد وحس نفسه مخنوق مرضاش يروح الفيلا ركب عربيته وراح على المطعم بتاعه ونزل دخل المطعم وشاور بأيده للجرسون

مليكه :- تحت امر حضرتك

فهد :- بص على صحبت الصوت وبص ليها من فوق لتحت وعجبه منظرها وجذبه جسمها

مليكه :- امر حضرتك

فهد :- ها اه عايز وطلب منها الغدا

مليكه :- راحت تجيب ليه الطلبات وقالت لنفسها بنأدم وقح بيبص عليا من غير خش ولا احترام وحضرت الطلبات واخدتها عند فهد ولما وصلت عند الطربيزه رجليها اتلوت ووقعت الاكل على فهد ووقعت فى حضن فهد

مليكه :- ا.ا.اسفه

فهد :- كان مركز على مليكه اللى فى حضنه

مليكه :- حاولت تطلع من حضنه بس هو كان محكم ايده عليها قالت لو سمحت ابعد انت يا بنأدم اوعى كده

فهد :- كانت كل حركه منها تثيره

مليكه :- ابعد بقى والله العظيم هزعلك

فهد :- هههههه ورينى هتعملى ايه

مليكه :- ضربته بالقلم

فهد :- اتصدم من اللى حصل

مليكه :- قدرت تطلع من حضنه وقالت انت بنأدم حقير وقليل الادب ومعندكش ريحت الاخلاق

فهد :- داس على سنانه ومسكها من درعها وقال بقى انتى يا جربوعه بتمدى ايدك عليا انا وبطولى لسانك عليا ده انتى ايامك الجايه هتبقى جحيم هتتمنى الموت ومطلهوش

مدام منال :- ا.ا.انا اسفه يا فهد بيه هى متعرفكش وبصت لمليكه وقالت انتى ايه اللى هببتيه انتى عارفه ده مين ده فهد باشا صاحب المطعم

مليكه :- ولو برضه ده ميسمحش ليه يحضنى ولا يلمسنى

فهد :- انتى شايفه نفسك ايه ده انتى حتة بنت لوكر ومعتبرهاش ممسحت جزمتى

مليكه :- وانت متسواش ربع راجل فى نظرى علشان عمر الرجوله ما باللسان الطويل والاهانه للناس

فهد :- وانا ميهمنيش انا فى نظرك ايه

مدام منال :- مليكه لحد كده وكفايه خشى غيرى هدومك وانتى مطروده من الشغل

مليكه :- احسن ميشرفنيش ان اشتغل فى مكان ده صحبه وبصت على فهد

بقرف ودخلت غيرت هدومها وخرجت من الاوضه والمكان كله

فهد :- انا عايز اعرف كل حاجه عن البنت دى

مدام منال :- حضرتك انا معرفش اى معلومات عنها هى اول يوم ليها انهارده وكانت بكره هتجيب السى فى بتعها

فهد :- بعصبيه انتو اغبيه ازاى تشغلو حد فى مكان زى ده من غير ما تعرفو حاجه عنه

مدام منال :- انا اسفه حضرتك غلطه مش هتتكرر

فهد :- بصلها بغيظ وطلع يجرى ركب عربيته ومشى يدور علي مليكه بس ملقهاش قعد يسب ويلعن فى الحظ اللى انقذها منه وقال هتروحى منى فين هجيبك يعنى هجيبك وهدفعك تمن القلم ده غالى اوى

❤❤❤❤❤❤❤❤❤

متمرده عشقت كبرياءه - الفصل ٢

فى بيت عبدالرحمن

وصلت مليكه وهى منهاره ودموعها على خدها ودخلت الشقه وكانت فايزه قعده بتقراه فى المصحف

فايزه :- اول ماشافت مليكه كده صدقت بالله العظيم وقفلت المصحف وقالت مالك يا مليكه

مليكه :- مسحت دموعها وقالت مفيش

فايزه :- ازاى مفيش وانتى بالمنظر ده

مليكه :- حكت لامها اللى حصل فى المطعم وكانت بتحكى وهى بتعيط

فايزه :- اهدى يا حبيبتى حصل خير

مليكه :- انتى شيفانى غلطانه يا ماما

فايزه :- لا يا بنتى عين العقل اللى عملتيه وانا فخوره بيكى

مليكه :- كنت ما صدقت ان لاقيت شغل منه لله حسبى الله ونعمه الوكيل فيه

فايزه :- ربنا عنده الخير كله وملكيش نصيب فى الشغل ده احمدى ربنا فى الضراء قبل السراء وخليكى فاكره الايه اللى بتقول بسم الله الرحمن الرحيم (ان مع العسر يسرا ان مع العسر يسرا) صدق الله العظيم يعنى ان شاءالله فرجه قريب

مليكه :- ونعمه بالله يا ماما الحمدالله فى السراء والضراء

فايزه :- ربنا يبارك ليا فيكى وفى اخواتك البنات قومى يا حبيبتى غيرى ونامى شويه لحد ما يجو اخواتك البنات

مليكه :- مش محتاجانى اساعدك فى اى حاجه

فايزه :- لا يا بنتى انشالله ربنا يخليكى انا خلصت كل اللى ورايا وكنت بقراه فى المصحف لحد ما تتجمعو

مليكه :- ماشى يا ماما عن اذنك

ودخلت اوضتها غيرت هدومها وافتكرت اللى حصل وقعدت تحسبن ربنا فيه

……………………………………………………

فى فيلا فريد المنشاوى

وصل فهد وهو على اخره ودخل الفيلا من غير ما ينطق ولا كلمه

سهير :- طب عبر الناس القعدين وقول اى حاجه

فهد :- وهو بيدوس على اسنانه ماما معلش سبينى دلوقتى

سهير :- ايه قلة الادب دى ما تتكلم عدل معايه ورد شبه الناس

فهد :- ماما انا جاى على اخره ومش مستحمل اى كلمه أبوس ايدك بلاش تفتحى معايه اى حوارات دلوقتى

وسبها وطلع على اوضه

فايزه :- راحت فتحت اوضت المكتب ودخلت لفريد وقالت بعصبيه بص ابنك بيعملنى ازاى

فريد :- يا سوسو يا حبيبتى سبيه على راحته مش عيل صغير هو علشان تتحكمى فيه ده راجل طول بعرض

سهير :- يعنى انا دلوقتى اللى طلعت غلطانه

فريد :- لا يا ستى انا اللى غلطان مبسوطه كده

سهير :- ما انا عارفه مش هاخد لا حق ولا باطل معاكم دى بقت عيشه تقرف

وخرجت من المكتب وطلعت اوضتها

……………………………………………………

فى اوضت فهد

كان متعصب ومسك تليفونه واتصل على باسم

باسم :- ايوه يا فهد خير

فهد :- باسم هبعتلك صورت بنت على الواتس عايزك تنزل عند الموقف بتاع التاكسى وتوريها لسوقين لحد ما يتعرفوه عليها واللى هيعرفها اسألو وصلها فين بالظبط وهات ليا العنوان

باسم :- ليه ده كله سرقت منك حاجه

فهد :- باسم انجز مش عايز لت فى الكلام كتير

باسم :- حاضر يا فهد

وقفل فهد مع باسم وبعت ليه الصوره

فهد :- ضحك ضحكت شر وقال مفكرانى مش هعرف اوصلك ده انا فهد المنشاوى لو مكنتش ادفعك تمن القلم ده غالى اوى مبقاش انا ورجع راسه لواره وافتكر وصل للصوره ازاى

……………………………………………………

فلاش بااااك

بعد ما دور فهد على مليكه وملاقهاش

اتعصب وقعد يخبط على التريكسون

بتاع العربيه وحط راسه عليه وافتكر الكاميره اللى فى المطعم شغل العربيه ورجع تانى المطعم ودخل فى اوضت الكاميرات وطلب من اللى قاعد يرجع الصور لواره لحد ما وصل لصورة مليكه قال

فهد :- بس اقف هنا وقرب ليا الصوره

وبعدين طلع التليفون وصور صورتها وخرج من المطعم وراح على الفيلا

……………………………………………………

باااااك

فهد :- ضحك وقال الواحد يقوم ياخد شاور وينزل يلحق الليل من اوله

وقام دخل الحمام اخد شاور وخرج لبس هدومه وسرح شعره ورش برفانه وخرج من الاوضه ونزل

سهير :- خرجت من الاوضه وقالت رايح فين

فهد :- غمض عنيه علشان يهدى شويه وقال خارج

سهير :- عايزاك فى موضوع

فهد :- لما ارجع يا ماما

سهير :- ماانت بتخرج من المكان اللى بتبقى فيه على الشركه وترجع من الشركه تغير هدومك وتنزل تانى للمكان اللى بتروحه هكلمك امته انا

فهد :- خلاص يا ماما لما ارجع من الشركه بكره نبقى نقعد مع بعض

سهير :- ماشى يا فهد بس اعمل حسابك تيجى من الشغل بدرى شويه

فهد :- ماشى ممكن امشى بقى

سهير :- امشى يا اخويه محسسنى انك هتتأخر على الديوان

فهد :- بصلها بغيظ وخرج من الفيلا وركب عربيته وراح على مكان كل يوم الشقه اللى بيعمل فيها المحرمات

……………………………………………………

فى بيت عبدالرحمن

وصلت مى وفتحت باب الشقه ودخلت

وقالت

مى :- السلام عليكم يا قوم

فايزه :- وعليكم السلام

مى :- هو لسه محدش جه من البنات ولا ايه

فايزه :- مليكه فى اوضتها ومها ما انتى عارفه انها هتتغدى مع محمد

مى :- طب انا جعانه عملتى الاكل

فايزه :- خشى غيرى هدومك ونادى اختك على ما احضر الاكل

مى :- اشطه يا ام مليكه ودخلت اوضتها غيرت هدومها وراحت خبطت على باب اوضت مليكه

مليكه :- نعم يا اوزعه

مى :- عاااا متقوليش يا اوزعه وحوشى انتى طولك ما انتى برضه مش طويله

مليكه :- بس برضه مش اوزعه طولى معقول

مى :- اوزعه اوزعه بس مزه ونص شباب مصر بتجرى ورايا

مليكه :- هههههه تلاقيكى مسجله خطر

مى :- يا غلسه

مليكه :- اخلصى عايزه ايه

مى :- يلا علشان ناكل

مليكه :- طيب روحى يا اوزعه وانا جايه وراكى

مى :- عااااا والله لاقول لماما عليكى ومشيت وهى متعصبه

مليكه :- ههههههههه مجنونه

ودخلت اوضتها وقفلت المصحف وشالته مكانه وخرجت من اوضتها

فايزه :- مزعله اختك ليه يا مليكه

مليكه :- ما انتى عارفه يا ماما بحب اشوف جنونتها

مى :- ليه حد قلك ان انا جايه من مستشفى المجانين

مليكه :- لا بس لو دخلتيها مش بعيد تجننى الدكاتره نفسهم

مى :- شايفه يا ماما

فايزه :- هتفضلو كده لامته مش بتكبرو خالص وبعدين كلو وانتو ساكتين

مى :- حاضر امامى

مليكه :- ههههههههه

……………………………………………………

عند محمد ومها

محمد :- ميمو

مها :- نعم

محمد :- كنت بقول يعنى انا ممكن اساعدك فى الجهاز ونشوف ايه اللى ناقص واجيبوه انا

مها :- ايه اللى انت بتقوله ده يا محمد

محمد :- فيها ايه يا حبيبتى مش احنا واحد

مها :- لا يا محمد مش هنشحت علشان اتجوز ولو عايز تصبر معايه اصبر ولو مش عايز يبقى كل واحد مننا فى طريق

محمد :- ايه اللى انتى بتقوليه ده يا مها انا كان قصدى نساعد بعض مش اشحتك ولا حاجه وانا لسه من شويه قايل ليكى ان انا مستعد استناكى العمر كله علشان بعشقك من اول نظره ومكنش ليه داعى تقولى الكلام اللى قولتيه ده

مها :- بص يا ابن الناس انا بحبك وبعشقك كمان بس احنا مضحكناش عليك لما جيت وخطبتينى وعرفناك ان انا لسه مش جاهزه وان الظروف مش اوى معانا وانت وفقت على الكلام ده بس شيفاك بقيت مستعجل فلو هتفضل كده يبقى روح شوف واحده تكون جهزه اتجوزها علطول وقامت وقفت

محمد :- شدها من ايديها وقعدها وقال يا بنتى انا والله ما قصدى حاجه وحقك عليا يا ستى متزعليش ووعد منى مش هفتح الموضوع ده تانى يا عبيطه انا بحبك ومقدرش اعيش يوم واحد من غير ما اشوف العيون الجميله ومد ايده ومسح دمعه نزله من عنيها وقال العيون دى مش عايز اشوفها زعلانه ابدآ لا اشوف فيها دموع طب توت توت يارب اموت لو مضحكتيش

مها :- بعد الشر عليك

محمد :- خلاص بقى اضحكى

مها :- خلاص ماشى بس علشان خاطرى متفتحش الموضوع ده تانى

محمد :- ما قولنا خلاص متخليش العرق الصعيدى يطلع

مها :- هههههه لا وعلى ايه خليه مكانه

محمد :- ايوه كده عسل يا ناس وهى بتضحك كده

مها :- طب يلا بينا علشان منتأخرش

محمد :- يلا وحط الحساب على الطربيزه وخرجو الاتنين من المطعم وقف تاكسى وركبوه وروحو

فى شقة فهد

كان نايم على السرير وهو عارى الصدر

وكانت توجد معاها فتاه ترتدى ملابس فاضحه تظهر من جسمها اكتر ما تخفى

وكانت بترقص

فهد :- نفخ ووقف الاغانى

سحر :- بدلع ايه يا باشا رقصى مش عجبك ولا ايه

فهد :- بقولك ايه فكك من الجو القديم ده

سحر :- قعدت جمبه ومشت صوابعها على صدر فهد العارى وغمزت ليه وقالت خلاص خلينا فى الجديد

فهد :- لسه هيقرب منها ويبوسها جت قصاد عينه صورت مليكه بعد عن سحر مره واحده

سحر :- استغربت وقالت خير يا باشا

فهد :- مفيش وفتح المحفظه وطلع منها فلوس وقال خدى دول وامشى دلوقتى وانا لما احتاجك هتصل بيكى

سحر :- بس احنا معملناش حاجه يا باشا

فهد :- مره تانيه اصل انا دماغى مشغوله شويه

سحر :- قربت عليه قوى وقالت سيب نفسك ليا خالص وانا انسيك اى حاجه شغلاك

فهد :- بص على شفايفها وقرب عليها وبسها بوسه طويله لحد ما شفتها نزلت دم

سحر :- زقته علشان تاخد نفسها

فهد :- انتى تعبتى من بوسه امال هتعملى ايه فى اللى جاى

سحر :- وانا اول مره يا باشا ما انا معاك علطول

فهد :- يعنى عارفه نظامى

سحر :- الصراحه نظامك بيمتعنى اوى يا باشا

فهد :- قرب منها و(فعل ما حرمه الله )

وبعد شويه كانت سحر نايمه ومتغطيه بالملايه وفهد قعد على السرير وساند ضهره ومولع سيجار كوبى وبينفخ دخنها فى الهوا

سحر :- فهد باشا ممكن اسألك سؤال

فهد :- وهو بينفخ الدخان امممم

سحر :- هى مين مروه دى طول ماانت معايه بتكلمنى على اساس ان انا مروه

فهد :- غمض عنيه واخد نفس وقال من بين سنانه متسأليش فى اللى ملكيش فيه

سحر :- خافت وقالت ح.ح.حاضر

فهد :- وقومى البس هدومك وامشى

سحر :- قامت تجرى ولبست هدومها ولسه هتطلع من الاوضه

فهد :- سحر

سحر :- ا.ا.ايوه يا باشا

فهد :- خدى فلوسك

سحر :- راحت اخدتهم من ايده وقالت من يد ما نعدمها يا باشا هستنى تليفون حضرتك

فهد :- شاور بأيده بمعنى امشى

سحر :- خرجت من الاوضه وبعد كده من الشقه خالص

فهد :- قام وقف قدام المرايا وقال برضه مش قادر تنسها قضيت ليالى كتير مع ستات اشكال والوان وبتعبرهم هى هعمل ايه تانى علشان انساكى اطلعك من قلبى وتفكيرى ازاى ازاى

ومسك ازازة البرفان بتعته وحدفها على المرايا واتكسرت المرايا وبقت حتت صغيره فى الارض

وفى الوقت ده رن تليفونه

راح بص فيه ولاقه رقم باسم

فهد :- ها عملت ايه يا باسم

باسم :- الكل معرفش صورتها غير واحد بس اللى هو وصلها للبيت

فهد :- يعنى وصلت لعنونها

باسم :- اه وهبعته ليك دلوقتى

فهد :- ماشى وقفل مع باسم وانتظر الرساله وجت الرساله وفتحها فهد وبص على العنوان وضحك ضحكت شر ورمى التليفون على السرير ودخل اخد شاور وخرج لبس هدومه وسرح شعره ونزل من الشقه ركب عربيته وراح للفيلا

……………………………………………………

فى بيت عبد الرحمن

وصلت مها ورنت الجرس وفتحت ليهم مليكه

محمد :- اذيك يا مليكه عامله ايه

مليكه :- الحمدالله تعال ادخل

محمد :- لا الوقت متأخر يدوب اروح البيت اختك معاكى وكل تمام سلام بقى

مليكه :- هههههه سلام

ومشى محمد ودخلت مها

فايزه :- كده برضه يا مها كل ده تأخير

مها :- انا اسفه يا ماما بس والله الدنيا زحمه اوى

فايزه :- ممسكتيش ليه فى خطيبك كان دخل شرب حاجه

مليكه :- مرضاش

مها :- امال فين مى

فايزه :- فى اوضتها مسكه تليفونها وقعده على الزفت النت

مى :- مين جايب فى سرتى

مها :- وانتى مين علشان نجيب فى سيرتك

مى :- انا الدكتوره مى عبدالرحمن

مها :- ياسلاااااااام

مى :- يا عبد السلام

مليكه :- انا خايفه للارض تقع بينا من كتر نفخت اختك الكدابه دى هههههههه

مى :- هه خفه منك ليها طب بصو بقى انا عايزه اطلب منكم طلب

مليكه :- خير

مى :- مستعدين تسمعه الطلب

مها :- اخلصى

مى :- عايزه 500 جنيه

مها ومليكه :- بصو لبعض وبعدين بصو لمى وقالو كااااام

مى :- 500 ماهو انا لازم اروح حفلة حماقى بكره انا اموت لو جه هنا ومشى من غير ما اشوفه

فايزه :- حدفتها بالشبشب وقالت انتى يا بت معندكيش دم لسه الصبح قايله ليكى معيش حق العلاج بتاعى تقولى 500 جنيه علشان حفلة حماقى

مى :- الله ما هو كل الشله ريحه الحفله اشمعنا انا بقى

مليكه :- يا حبيبتى لو احنا معانا ال500 جنيه دول الاوله نجيب بيهم علاج لماما وبعدين هما الشله دول معاهم حق التذكره ربنا يزيدهم من عنده لكن احنا ناس على قدنا احمدى ربنا ان احنا عندنا مكان حمينا من نومت الشارع ولاقين اللبس اللى نستر نفسنا بى ولاقين اللقمه اللى بناكلها احنا احسن من غيرنا بكتير والله

مى :- بقولك ايه بلاش كلام ستى ده انا مليش دعوه انا مش اقل من الشله فى حاجه وعايزه احضر الحفله وربعت ايديها قدام صدرها وقعدت تهز فى رجلها

فايزه :- قامت من مكانها ومسكت شعر مى ولسه هتضربها

مليكه ومها خلصوها من ايديها

مليكه :- خلاص يا ماما اهدى بس

فايزه :- معندكيش دم بنقولك مفيش مفيش ايه نروح نشتغل كلنا علشان نصرف على حضرتك هى دى عشتنا لو مش عجباكى روحى دورى على شغل واصرفى على نفسك

مى :- ودرستى اعمل فيها ايه

فايزه :- مش اول واحده ولا اخر واحده تشتغل وهى بتدرس

مليكه :- لا يا ماما خليها هى فى درستها وانا هنزل تانى بكره ادور على شغل تانى

فايزه :- وانتى هتقدرى على ايه ولا ايه على مصاريف علاجى ولا مصاريف جهاز اختك ولا مصاريف الهانم على درستها ولبسها

مليكه :- يا ماما ربنا كريم ان شاءالله هيقدرنى على كله

مى :- هبطت برجليها فى الارض ودخلت على اوضتها

مليكه :- يا ماما براحه عليها مى لسه برضه صغيره وطايشه ومسيرها هتعقل

فايزه :- انا تعبت منها مش بتراعى ظروفنا وبتبص على عيشت غيرها وانا خايفه عليها من طمعها تعمل حاجه غلط

مها :- لا يا ماما انتى مربيانا احسن تربيه والكل بيحلف بينا وبتربيتك لينا

ومهما يحصل مستحيل نعمل حاجه غلط

مليكه :- هى مش محتاجه غير حاجه واحده تدعى ليها بالهدايه مش اكتر من كده

فايزه :- ربنا يهديها ويحميكم ويحرسكم من كل شر

مليكه ومها :- اللهم امين

مها :- هخش اشوفها

مليكه :- وانا هخش انام تصبحو على خير

فايزه ومها :- وانتى من اهله

ودخلت مليكه على اوضتها ودخلت مها لمى

فى اوضت مى

كانت مى نايمه على السرير وبتعيط

مها :- لالالا اوزعتى بتعيط مقدرش على كده

مى :- لو سمحتى يا مها اطلعى وسبينى لوحدى

مها :- لا مقدرش اسيبك يا اوزعه

مى :- قامت قعدت على السرير وقالت بدموع انا تعبت من الفقر ده بقى كل الشله بيلبسو احلى لبس ومعاهم عربيات وعيشين احلى عيشه وانا الوحيده اللى شحاته فى وسطهم

مها :- يا مى احمدى ربنا على العيشه وبلاش تتبطرى على العيشه دى علشان متزلش النعمه مننا

مى :- هههه نعمه فين النعمه دى ده احنا بنقضى بقيت يومنا نوم علشان منحسش بالجوع

مها :- بس كفايه الستر وان مفيش حد بيطلبنا بفلوس دى اكبر نعمه انتى عارفه اصحابك دول اكترهم اهليهم عليهم فلوس بالهبل وكل شويه حد يطالبهم بفلوسهم وهما ولا هنا

مى :- ياسلااااااام

مها :- اه وربنا اكترهم فى بطونهم فلوس واخدنها مش من حقهم يبقى احنا نحمد ربنا على العيشه وعلى راحة البال

مى :- ……………………

مها :- خلاص بقى يا ميزو

مى :- برضه هموت لو مشفتش حماقى

مها :- امممم هى امته الحفله

مى :- بكره بليل

مها :- خلاص سبيها عليا هخليكى تشوفيه وتكلميه كمان

مى :- بفرحه بجد يا ميمو ازاى

مها :- ههههه لا خليها مفاجئه نامى بس دلوقتى واحلمى بي

مى :- شكلك هتسوحينى

مها :- عيب عليكى تصبحى على خير

مى :- وانتى من اهله

وخرجت مها على اوضتها ونامت مى تحلم بمقبلت حماقى

#يتبــــع….. 

تفاعلكم بيشجعنا على الاستمرار

❤متمرده عشقت كبرياءه❤

👇البارت الــ3 _ 4 👇

اشرقت شمس صباح يوم جديد فى سماء الاسكندريه بنورها الساطع 

لتبدء مليكه بفتح عيونها افتكرت جولت كل يوم تدور على شغل وقالت

مليكه :- يارب افرجها من عندك ووفقنى الاقى شغل انهارده 

وقامت من على السرير دخلت الحمام اخدت شاور واتوضت وخرجت لبست هدومها ادت فرضها وخرجت من اوضتها 

مليكه :- صباح الخير 

الكل :- صباح النور 

مليكه :- بصت لمى وقالت صحيه بدرى يعنى 

مى :- اه اصل انهارده يوم مش عادى انهارده هشوف ح

مها :- قطعتها وقالت هتشوف حنان صحبتنا 

مليكه :- اه ماشى 

فايزه :- لابسه وهتنزلى تدورى على شغل برضه 

مليكه :- اه يا ماما دعواتك بس معايا 

فايزه :- ربنا معاكى يا بنتى ويوقف ليكى ولاد الحلال 

وفى الوقت ده سمعو خبط على الباب 

قامت مليكه تجرى وفتحت الباب وقالت خير فى ايه 

الظابط :- احنا جاين نخرجكم من الشقه علشان صحبها عايزه 

فايزه :- ازاى ده عم عبده راجل طيب وعمره ما يعمل كده 

الظابط :- بس اللى مقدم فيكم مش اسمه عبده 

مليكه :- امال مين 

الظابط :- اسمه فهد فريد المنشاوى 

مليكه :- الاسم ده مش غريب عليا 

وفى الوقت ده ظهر فهد وهو ماسك السيجار الكوبى ونفخ الدخان وقال انا عملك الاسود 

مليكه :- ا.ا.انت ازاى بس الشقه دى مش ملكك انت دى ملك عم عبده 

فهد :- هههههههه لا دى ملكى ومن شهرين وقرب على ودنها وقال ده انا هخليكى تكرهى حياتك ودى لسه فى اول اللعبه لسه التقيل جاى وراه وبعد عنها وقال للظابط نفذ يا حضرت الظابط وارمى الزباله دى فى الشارع 

الظابط :- حاضر يا باشا وبص للعساكر وقال ارمى الكراكيب دى فى الشارع 

فايزه :- وقفت قصاد البنات وقالت اللى هيمد ايديه على بناتى هقطعها ليه احنا هننزل لوحدنا 

مى :- بدموع وهنروح فين هنام فى الشارع 

مها :- راحت لفهد وقالت ابوس ايدك ياباشا بلاش تطلعنا من الشقه واللى انت عايزه هنعمله ليك 

فهد :- مشى ايده على خد مها وقال اللى عايزه مش هتقدرى عليه يا حلوه 

مليكه :- شدت مها من ايديها وقالت ابعدى عن البنأدم ده ده واحد وقح 

فهد :- كده طب ارميهم يا حضرت الظابط 

مليكه :- يلا يا ماما يلا مها انتى ومى 

وبصت لفهد وقالت اشبع بيها 

مى :- بدموع طب احنا هنروح فين دلوقتى 

فايزه :- كلمه واحده يلا من غير ما اسمع نفس فيكم 

ونزلو الاربعه من البيت 

فهد :- ضحك ضحكت انتصار وقال اصبرى عليا انتى لسه شفتى حاجه 

ونزل من على السلم وبص لمليكه من فوق لتحت وضحك ليها ضحكت استفزاز وركب عربيته ومشى 

فايزه :- مين ده يا مليكه 

مليكه :- ده اللى حكيت ليكى عليه 

فايزه :- اللى ضربتيه بالقلم

مليكه :- امممم

مها :- احنا دلوقتى هنروح فين ولا هنقعد فى الشارع 

مى :- لالالا استحاله نقعد فى الشارع 

فايزه :- بصت لمى وقالت شوفتى اخرت بطرك على العيشه اهو هنام فى الشارع افرحى بقى 

مليكه :- مش وقته الكلام ده يا ماما 

فايزه :- مفيش غير نروح عند عمك ممدوح

مليكه :- لالالا يا ماما بلاش ده ابنه مش كويس 

مها :- ومراته وبنته بتعتبرنا خدامين عندهم 

فايزه :- قدمكم حل تانى ما احنا ملناش غيره دلوقتى 

كلهم بصو لبعض وقالو لا 

ووقفه تاكسى وراحو لفيلا ممدوح 

……………………………………………………

فى شركة فريد المنشاوى 

وصل فهد للشركه ودخل مكتبه واتصل على السكرتيره 

فهد :- ابعتى ليا باسم حالا

سهر :- حاضر يا فندم 

وقفلت سهر مع فهد وبلغت باسم 

وبعد شويه دخل باسم المكتب عند فهد 

باسم :- خير يا فهد 

فهد :- اقعد يا باسم 

باسم :- غريبه انت شكلك انهارده مبسوط ولا متعصب ولا حاجه 

فهد :- انا انهارده مبسوط علشان كسبت اول جوله فى المعركه بتعتى

باسم :- بأستغراب معركه معركت ايه دى 

فهد :- عارف البنت اللى انت جبت ليا عنوانها 

باسم :- اه 

فهد :- ههههههههه رامتهم انهارده فى الشارع رميت الكلاب 

باسم :- ليه انا مش فاهم حاجه وعملت ليك ايه البنت دى علشان تعمل فيها كل ده 

فهد :- عملت اللى محدش يستجره يعمله معايه مدت ايديها عليه وقلة ادبها فى الكلام 

باسم :- ده من بختها الاسود ان وقعت معاك وعملت ايه انهارده 

فهد :- رجع راسه لوراه وضحك وقال بسيطه روحت سألت عليهم وعرفت ان هما ناس كحيانين ومعهمش ولا مليم فقره يعنى وسألت صاحب البيت على الشقه بتاعتهم وعرفت انها اجار عرض عليه اشتريها رفض الاول وقال حرام اعمل فيهم كده دول ولايه ومعندهمش حد طلعت ليه الوش التانى خاف وباع الشقه ليا وبتاريخ قديم كمان ورحت قدمته للحكومه وقولت انهم قعدين فى الشقه بتاعتى ومش عايزين يطلعوه منها وبس وراحت معايه حمله وطلعتهم من الشقه  

باسم :- حرام عليك يا اخى يعنى ترمى ولايه فى الشارع لكلاب السكك 

فهد :- هههههه وده حاجه لسه الجوله الاولى لسه فى جولات كتيره هتتعمل ومش هسكت الا لما اخليها تكره نفسها وحياتها واكسر ليها منخرها اللى رفعها للسما 

باسم :- ذنب الناس دى فى رقبتك دى ولايه وربنا امرنا ان احنا نستر عليهم مش نفضحهم 

فهد :- حظها الاسود وقعها فى طريقى 

باسم :- يافهد بلاش تنتقم منها فى ذنب هى مرتكبتهوش ذنب ناس تانيه 

فهد :- كلهم واحد وبلاش تفتح فى المواضيع القديمه 

باسم :- بجد انا تعبت معاك ربنا يهديك وسابه ومشى 

فهد :- غمض عنيه وافتكر ذكرياته مع مروه

……………………………………………………

فلاش بااااااااك 

مروه :- فهدى 

فهد :- ما قولنا بلاش فهدى دى 

مروه :- الله مش حبيبى وبدلعك 

فهد :- لا خلى الدلع لحاجات تانيه مش للاسم 

مروه :- تصدق انك قليل الادب 

فهد :- هههههههههههه يابت يعنى مش بتحبيها منى 

مروه :- داست على شفايفها وقالت بحبها موت 

فهد :- قرب من شفايفها وقال بلاش الحركه دى بتجنينى ولسه هيبوسها 

مروه :- بعدت عنه وقالت لالا مفيش اللى انت عايزه غير لما تنفذ طلبى 

فهد :- طلب طلب ايه ده 

مروه :- قربت عليه اوى وقالت مرمرتك محتاجه مليون جنيه علشان البيوتى سنتر محتاج مصاريف كتيره وانا الفلوس خلصت معايه 

فهد :- من عنيه بس مليون جنيه صعب اوى احنا الفلوس كلها حطنها فى مشروع كبير 

مروه :- بزعل خلاص خلاص يا فهد عن اذنك ووقفت 

فهد :- شدها وقعدها وقال ليها استنى بس انا هروح البنك بكره واعرف الرصيد كام واحاول اتصرف ليكى فى المبلغ 

مروه :- بفرحه بجد يا قلبى 

فهد :- كله الا زعل الجميل 

مروه :- قامت وقعدت على رجله وقالت بموت فيك يا فهدى 

فهد :- وانا بعشقك يا مرمرتى وقرب على شفايفها وبسها و(فعلو ما حرمه الله)

……………………………………………………

بااااااك 

فاق فهد على صوت باسم 

باسم :- فى ايه يا فهد بكلمك بقالى ساعه وانت ولا هنا 

فهد :- عايز ايه يا باسم 

باسم :- احنا دلوقتى عندنا مشكله مفيش مدير حسابات للشركه 

فهد :- وايه المشكله فى كده نزل خبر فى الجرايد وعلى مواقع الانترنت 

باسم :- تمام على الصبح هيكون الاعلان موجود فى صفحة الوظائف الخاليه 

فهد :- تمام صح عملت ايه فى المنقصه الجديده 

باسم :- كله تمام وهتبقى لينا ان شاءالله 

فهد :- وقف وقال الله ينور 

باسم :- وعليك رايح فين 

فهد :- هروح الفيلا ماما من امبارح عماله تزن على دماغى وعايزه تتكلم معايه فى موضوع 

باسم :- ربنا معاك يا صاحبى 

فهد :- خرج من الشركه وركب عربيته وراح الفيلا 

……………………………………………………

فى فيلا يبدو عليها الثراء والزوق الراقى انها فيلا ممدوح مظهر عم مليكه 

وصلت فايزه وبناتها الثلاثه عند الفيلا حسبت التاكسى ومشى وراحت عند البوابه وخبطت عليها 

الامن :- افندم عايزه مين 

فايزه :- عايزه ممدوح مظهر قوله مرات اخوك عبدالرحمن 

الامن :- ثانيه واحده هبلغهم 

وغاب شويه الامن وجه فتح ليهم البوابه ودخلهم 

ودخلت فايزه والبنات من باب الفيلا وكانت سوزى مرات ممدوح قعده على الكنبه واول ما شفتهم حطت رجل على رجل وقالت 

سوزى :- هاى اذيك يا فايزه اذيكم يا بنات 

فايزه :- احنا كلنا الحمدالله 

سوزى :- خير يا فايزه ايه فكرك بينا 

فايزه :- احم ه.ه.هو استاذ ممدوح فين 

سوزى :- فى الشغل ولو عايزه تقولى حاجه تقوليها ليا انا ملكيش دعوه بممدوح 

فايزه :- احم اه طبعآ ما انتى الخير والبركه 

سوزى :- ايه الكلام البيئه ده ايه خير وايه بركه دى 

فايزه :- ا.ا.انا اسفه 

سوزى :- ماشى ماشى كنتى عايزه ايه 

فايزه :- ك.ك.كنا بس ع.ع.عايزين نقعد عندكم يومين لحد بس ما نتصرف ونشوف شقه 

سوزى :- ايه طب والشقه اللى كنتو فيها 

فايزه :- صاحب الشقه طلعنا منها 

سوزى :- اه بس يعنى 

فايزه :- هما كام يوم بس ومش هنعمل ليكم اى ازعاج 

سوزى :- بصى انا مش هينفع اقعدك معانا فى الفيلا اللى انا شايفه ان بناتك بقى عرايس وانا معايه شاب فى البيت واخاف يعنى تحصل حاجه كده ولا كده 

فايزه :- بس انا مربيه بناتى احسن تربيه ومستحيل يعملو حاجه غلط وعلى العموم متشكره يلا يا بنات 

ولسه هتمشى 

سوزى :- انا عندى اوضه فى الجنينه ممكن تقعدو فيها 

فايزه :- ماشى كتر خيرك 

مى :- ايه ده يا ماما هنقعد فى اوضت الخدامين 

فايزه :- مش احسن ما نقعد فى الشارع 

سوزى :- بس هتحتاج تنضيف وانا الخدامين اللى عندى مش فاضين خلى البنات ينضفوها 

فايزه :- ومالو مش مشكله احنا هنخليها زى الفل 

سوزى :- اه ماشى تقدرو تروحو وياريت يعنى البنات متجيش هنا الا لضروره علشان بيبقى عندى بارتى كل يوم وهما يعنى شكلهم بيئه اوى ولو حبيته تخرجو اخرجو من باب الخدم 

فايزه :- بأنكسر حاضر وبصت للبنات وقالت يلا بينا 

وراحت فايزه الاوضه ودخلتها هى والبنات وكانت متبهدله خالص 

مى :- لا مستحيل احنا هنقعد هنا ازاى 

فايزه :- بت انتى اخرسى خالص واحمدى ربنا ان لاقينه مكان نقعد فيه بدل رميت الشارع 

مها :- بس يا ماما دى بتعملنا وحش اوى 

فايزه :- معلش نستحمل وربنا عنده الخير كتير وانا واثقه ان ربنا هيفرجها علينا قريب 

مها :- انا مش عارفه اقول ايه لمحمد 

فايزه :- قولى ليه الحقيقه واوعى تكدبى عليه ولو رضى بالحال ده يبقى ابن اصول ولو رفض يبقى ميستهلش ضفرك 

مها :- حاضر يا ماما 

فايزه :- بصت لمليكه وقالت ساكته ليه يا مليكه 

مليكه :- مفيش يا ماما حاسه بالذنب ان انا السبب فى اللى انتو فيه دلوقتى ولو مكنتش قبلت البنأدم ده وعملت معاه كده مكنش حصل كل ده 

فايزه :- يا بنتى ده مقدر ومكتوب وقل لا يصيبنا الا ما كتب الله لنا 

يعنى اللى حصل ده من عند ربنا وليه حكمه فى كده 

مليكه :- مش فى ايدى حاجه اعملها وعيطت وقالت ومش بسهل عليا اشوف مرات عمى تكلمك بالطريقه دى صعبه والله صعبه 

فايزه :- يابنتى كل واحد وتربيته وانا الحمدالله اهلى ربونى كويس وعلمونى ازاى اتعامل مع الناس لكن دى شايفه تملى نفسها ورغم كل اللى هى فيه ده وطول عمرها بتغير منى ليه الله اعلم 

مها :- يا ماما العين مش بتكره غير اللى احسن منها 

فايزه :- الحمدالله على كل شئ يلا بقى همتكم معايه ننضف الاوضه دى ونخليها قشطه 

مى :- لا مع نفسكم انا مليش فى جو التنضيف ده 

فايزه :- يارب صبرنى وبدء التلاته فى تنضيف الاوضه وقعدت مى ومسكت التليفون وفتحت النت 

وبعد وقت طويل انتهو من تنضيف الاوضه 

والتلاته قعدو على الكنبه وهما تعبانين من التنضيف 

مى :- انا جعانه على فكره 

فايزه :- طب ونعملك ايه وسمعتى مرات عمك قالت ايه مش عايزه حد يدخل الفيلا يعنى مش هقدر اعمل ليكم اكل 

مى :- طب والعمل دلوقتى نموت من الجوع يعنى 

فايزه :- نجيب جبنه وخلاص

مى :- اى حاجه وبصت لمليكه وقالت قومى بقى يا مليكه اشترى الجبنه من السوبر ماركت 

مليكه :- انا انا مش قادره اتحرك وبعدين هدومنا اتبدهلت واحنا مش معانا هدوم وانتى الوحيده اللى هدومك نضيفه روحى انتى 

مى :- يووووه بقى انتو متعبين بصراحه 

فايزه :- احنا اللى متعبين ده انتى عيله بارده يعنى قعده وماسكه الموبيل وفتح نت ولا همك واحنا مطحونين فى التنضيف وكمان عايزانا نجيب ليكى الاكل لحد عندك حسى على دمك بقى يا شيخه 

مى :- خلاص خلاص هاتى الفلوس 

فايزه :- ادتها الفلوس وراحت مى تجيب جبنه وهى ماشيه فى الشارع فرملت عليها عربيه 

مى :- مش تحاسب يا بنأدم انت 

نزل شاب وسيم من العربيه فى اوائل التلاتينات وقال 

الشاب :- انا اسف بس مش انا اللى غلطان انتى اللى ماشيه مش شايفه قدامك المفروض تبصى على الطريق قبل ما تعدى 

مى :- ايه حيلك حيلك انت هتقولى محاضره على كيفيت مرور الشارع 

خلصنا يا عم عن اذنك 

الشاب :- طب فيكى حاجه 

مى :- ما خلصنا بقى انت فرملت قبل ما العربيه تلمسنى اصلا 

الشاب :- طب تحبى اوصلك لمكان 

مى :- لا شكرآ ماما علمتنى مركبش مع حد غريب ممكن امشى بقى هووووف 

ومشيت وسابته 

الشاب :- قعد يبص على مى لحد ما اختفت من قصاد عينه وقال لنفسه حتة بنت طلقه بس لسنها متبرى منها ربنا قصر فى جسمها وطول فى لسنها وركب عربيته ومشى 

……………………………………………………

فى فيلا فريد المنشاوى 

وصل فهد الفيلا ودخل وكانت امه منتظره

فهد :- ياااااه هو موضوع مهم اوى كده اللى يخلى سوسو هانم تستغنى عن ندوتها وتقعد تستنانى 

سهير :- ولد اتكلم عدل وبعدين اه مهم اوى واعمل حسابك لو مسمعتش كلامى انهارده لا انا امك ولا اعرفك وانسانى العمر كله 

فهد :- رفع حواجبه وقال اممم مدام فيها المقدمه الطويله دى يبقى الموضوع فيها واحده وانتى عارفه ردى من قبل ما تتكلمى 

سهير :- لا المرادى هيتغير الكلام وهتسمع كلامى وهتنفذه بالحرف كمان 

فهد :- لا والله والمفروض انا اخاف احسن لو مسمعتش الكلام هتحرم من المصروف وهخد العلقه صح 

سهير :- فهد بلاش طريقة كلامك المستفزه دى 

فهد :- والله ده اللى عندى وعن اذنك 

سهير :- والله يا فهد لو مسمعتش الكلام انا هلم هدومى وهسافر عند اخوك واعيش معاه هناك 

فهد :- وايه المشكله 

فريد :- المشكله ياابنى ان مش هقدر اعيش من غيرها 

 فهد :-فى الوقت ده جه قدامه صورت مروه وافتكر اللى حصل فيه من بعد بعدها عنه وفكر فى ابوه وايه هيحصل ليه لو امه بعدت عنه 

فريد :- انا معرفش ايه اللى حصل ما بنكم بس دخلت على كلمة امك انها هتمشى وتسبنى وانا لو امك سبتنى هموت من غيرها 

سهير :- فى ايدك القرار يا فهد يا تسمع كلامى وتنفذه يا اما هلم هدومى واسافر واسيب ابوك لوحده 

فهد :- انتى ازاى بالقسوه دى مستعده تبعدى عن عشرة عمرك وابو اولادك علشان بس تنفذى اللى فى دماغك كلكم صنف واحد كلكم انانيآ ولما بتعرفو ان الراجل بيحبكم بتتحكمو فيه زى اللعبه فى ايديكم 

سهير :- القرار فى ايدك 

فهد :- وايه المطلوب منى 

سهير :- سوزى صحبتى عندها بنت زى القمر اخلاق وجميله وشيك ومن مستوانا وانا عزمهم على الغدا يعنى على وصول تقعد مع البنت وتكون لطيف معاها وتتعرف عليها 

فهد :- ماشى وقال لنفسه انا هخليها تكره اليوم اللى قالت تيجى فيه وسبهم وطلع اوضه 

سهير :- ربنا يهديه شكله مش ناوى يجبها لبر انهارده 

فريد :- سبيها بظروفها بقى 

……………………………………………………

فى فيلا ممدوح مظهر 

وصل ممدوح من الشغل

سوزى :- اتأخرت كده ليه هنتأخر على الناس 

ممدوح :- مش على ما خلصت الشغل اللى ورايا 

سوزى :- وبنتك التانيه بقلها ساعه فوق مش عارفه بتعمل ايه ده كله 

ممدوح :- مالك يا سوزى متعصبه ليه 

سوزى :- الزفته مرات اخوك وبناتها 

ممدوح :- فايزه مالها 

سوزى :- جت انهارده وعايزه تقعد معانا فى الفيلا علشان صاحب الشقه اللى كانو فيها عايزها 

ممدوح :- وعملتى ايه 

سوزى :- ادتهم اوضت الخدامين اللى فى الجنينه 

ممدوح :- وليه ما كنتى رافضى خالص 

سوزى :- لا انا فرحانه جت فرصيتى علشان ازلها واكسر ليها منخرها اللى عايشه ورفعها لفوق طول عمرها 

ممدوح :- انتى حره انا مليش دعوه بشغل النسوان ده 

سوزى :- سوفاج نسوان كلامك لوكر اوى يا ممدوح 

وفى الوقت ده نزلت رهف بنت سوزى وممدوح وقالت 

رهف :- ايه رأيك كده يا مامى ولفت بجسمها 

سوزى :- واووو تحفه يا رهف 

ممدوح :- هو ايه اللى واو تحفه ده جسمها كله باين من الفستان ده الفتحه لحد اخر ضهرها 

رهف :- ماهى دى الموضه يابابى 

ممدوح :- موضه سوده ومنيله 

سوزى :- ممدوح ملكش دعوه بالبنت سبها تعيش ايامها 

ممدوح :- تعيش ايامها اهى عندك اشربيها وفين سبع البرمبه التانى 

سوزى :- نايم فى اوضه جه الصبح من بره 

ممدوح :- والله شكل شللى هيكون قريب اوى على ايديكم يلا بينا يا اختى 

سوزى :- هوف ربنا يستر ومنتفضحش عند الناس بطريقتك دى 

ومشيت هى ورهف وممدوح 

……………………………………………………

فى اوضت فايزه 

فايزه :- البت مى اتأخرت كده ليه لتكون تاهت هنا ولا حاجه 

مليكه :- لا متخفيش مى اروبه بتحفظ الاماكن 

مها :- يا ماما متخفيش من القصير ده كل قصير يحير وما بالك بأوزعتى 

وفى الوقت ده جت مى 

مها :- بنت حلال لسه بنشكر فيكى 

مى :- ههه انتو هتقلولى على كلامكم عليا 

مليكه :- طب يلا يا اوزعه علشان ناكل 

مى :- اتفضلو اهو الاكل اللى كنت بسببه هروح فى ابو بلاش 

فايزه :- ليه ايه اللى حصل اوعى تكونى شديتى مع مرات عمك 

مى :- مرات عمى مين ده انا لو نفختها هطيرها من قدامى لا طبعآ وحكت ليهم اللى حصل مع الشاب بتاع العربيه 

مها :- يخربيتك ودخلتى فى الراجل شمال 

مى :- امال كنت هطبطب عليه 

فايزه :- رغم انك فرسانى وفقعه مرارتى بس صح اللى انتى عملتيه 

مليكه :- حتى لو هى اللى غلطانه يا ماما 

فايزه :- لو كانت سمحت ليه يتكلم معاها بطريقته دى كان هيفكر انها مش كويسه وعمله كده علشان حاجه وحشه وكان يتمدا معاها فى الكلام 

لكن مجرد ما ديته على دماغه قصر فى الكلام واحترم نفسه 

مها :- مش قولتلك القصيرين دول يحيرو 

مى :- ههه خفه يلا بقى ناكل هموت من الجوع 

……………………………………………………

فى قصر فريد المنشاوى 

وصلت عيلة ممدوح واستقبلتهم سهير بالترحاب ودخلو جوه الفيلا 

سهير :- قمر يا رهف بجد لبسك شيك جدآ يا حبيبتى 

رهف :- ميرسى يا انطى 

سوزى :- ده رهف لبسها كله من بره مفيش حاجه من هنا خالص 

سهير :- بجد تحفه وده اللى محببنى فى رهف انها شيك وبتحب تعتنى بنفسها وبتهتم بالموضه 

سوزى :- امال فين فهد 

سهير :- نازل حالا 

وفى الوقت ده نزل فهد بكبرياءه المعتاد 

رهف :- فى ودن امها واووو يا مامى امور اوى 

سوزى :- عارفه ده انا عملت كتير علشان اخلى مامته تنتبه ليكى

فهد :- اذيك يا هانم 

سوزى :- كويسه 

فهد :- مسك ايد رهف وبسها وقال اذيك يا انسه 

رهف :- ها مش عارفه 

سوزى :- ضربت رهف بكوعها 

رهف :- ك.ك.كويسه 

فهد :- قعد على الكرسى اللى جمب رهف 

والكل اتجمع على السفره وبدوء الاكل 

ممدوح :- انا سمعت انك واقع على منقصت معدات جديده هتكسبك ملايين

فهد :- طب قول ماشاءالله طيب 

ممدوح :- هههههههه متخفش يا فهد باشا احنا عنينا مش بترشق وفى الوقت ده وقع طبق الشوربه وهو سخن على رجل فهد 

فهد :- لا فعلا واضح ان عنيكو مش بترشق خالص 

سهير :- جرالك حاجه يا حبيبى 

فهد :- لا انا كويس هطلع اغير البنطلون بس 

رهف :- اجى معاك 

فهد :- فهد تيجى معايا فين انتى عبيطه 

سوزى :- هههه لا هى مش قصدها هى تقصد يعنى محتاج مساعده منها 

فهد :- لا واضح مش البنت بس اللى عبيطه وكمان الام عن اذنكم 

ممدوح :- يرضيك اللى قاله فهد باشا 

فريد :- لالا هو بيحب يهزار بس 

ممدوح :- يعنى هو كان بيهزار 

فريد :- ايوه 

ممدوح :- فكرته بيتكلم حقيقى كنت هزعل اوى 

سهير :- واحنا منقدرش على زعلكم 

سوزى :- ميرسى يا قلبى 

فهد :- غير هدومه ونزل وقعد على الكرسى والكل اكل وبعد وقت الكل انتهى من الاكل 

سهير :- فهد خد رهف واقعدو فى الجنينه 

فهد :- اتفضلى 

وراح فهد قعد مع رهف 

وقعدت سهير مع سوزى 

وممدوح مع فريد 

فى الجنينه 

رهف :- هاى اذيك 

فهد :- ماخلصنا كل شويه اذيك اذيك 

رهف :- اسفه بس لاقتك ساكت قولت اقول حاجه فى القعده

فهد :- لا يا ختى اسكتى احسن 

رهف :- هو فى ايه انت مغصوب على القعده معايه ولا ايه 

فهد :- رفع حاجبه وقال ليه شيفانى بنت قدامك وخايفه من امها ما تلمى نفسك وخلى بالك من كلامك وبعدين

 لما تكونى قعده مع فهد المنشاوى صوتك ما يعلاش عليا فاهمه 

رهف :- خافت وقالت ح.ح.حاضر 

فهد :- شاطره كده لما تسمعى كلامى مش عايز اسمع نفس مفهوم 

رهف :- ح.ح.حاضر بس ممكن اقول ليك حاجه واحده 

فهد :- انجزى فى السريع 

رهف :- م.م.ماما عزماك بكره عندنا على الغداه 

فهد :- مش فاضى 

رهف :- ممكن تيجى علشان خاطرى بليز 

فهد :- علشان خاطر مين هو انتى ليكى عندى خاطر من اساسه ولا اعرفك اصلا

رهف :- ا.ا.اسفه 

عند سوزى وسهير 

سوزى :- رهف مش مبطله كلام عن ابنك فهد وكل شويه تقولى مش هنروح يا مامى عند انطى سوسو 

سهير :- وهى تعرف فهد 

سوزى :- لا بس من كتر ما حكيت ليها عنه وعن جماله وشهامته اتعلقت بى وكانت هتموت وتشوفه وبعدين فهد غنى عن التعريف ده مشهور جدآ وسط رجال الاعمال والبزنس 

سهير :- ده مش اى حد ده يبقى فهد المنشاوى اكبر رجل اعمال فى مصر وخارج مصر 

سوزى :- هنستناكو بكره عندنا فى الفيلا 

سهير :- مش عارفه راى فريد وفهد ايه الصراحه 

سوزى :- فريد ممدوح هيقوله وفهد رهف هتقوله وهيوفقه ان شاءالله 

سهير :- ماشى يا حبيبتى ان شاءالله هعرف ردهم وهبلغك فى التليفون 

عند ممدوح وفريد 

ممدوح :-  انت بقى من متابعين البورصه 

فريد :- ده انا بعشقها وحاطط نصيب كبير فيها من اموالى الخاصه وشارى سهما كتير فيها 

ممدوح :- وانا عامل كده بس المشكله انها مش مضمونه يوم بتعلى فى السما ويوم بتنزل فى الارض 

فريد :- ماهى دى حلاوتها بتخليك متابع كل خطوه فيها وعلى الفرحه لما تلاقى ان السهومه بتعتها اللى تبعك بقت فى المركز الاول ياااااااه بتبقى حاجه ممتعه جدآ  

ممدوح :- انت ليك ابن تانى غير فهد صح 

فريد :- اه فارس ابنى عايش بره هو مراته وابنه بيدير ليا الشركات اللى خارج مصر

ممدوح :- ومراته مصريه على كده 

فريد :- هى مصريه بس اتعرف عليها بره الصراحه احنا لحد دلوقتى مشفنهاش ولا هى ولا الولد بس فارس بيشكر فيها اوى 

ممدوح :- ربنا يهنيهم 

فريد :- يارب 

ممدوح :- هنستناك بكره تشرفنا على الغداه انت وفهد باشا ومدام سهير 

فريد :- هشوف ظروف فهد ايه وهرد عليك 

ممدوح :- بأمر الله وقام وقف وقال نستأذن احنا بقى

فريد :- لسه بدرى 

ممدوح :- معلش بكره نقعد مع بعض اكتر 

فريد :- اتشرفت بمعرفتك 

ممدوح :- ده الشرف ليا يا فريد باشا سلامه عليكم 

ومشى ممدوح وسوزى ورهف من الفيلا 

ودخل فهد الفيلا ولسه هيطلع اوضه 

سهير :- ايه رأيك فى البنت 

فهد :- زفت 

سهير :- ليه البنت قمر وهاديه فيها ايه وحش 

فهد :- محبتهاش مرتحتش ليها 

سهير :- معلش علشان اول مره تقعد معاها بكره لما نروح عندهم هتقعد معاها وقت اكبر 

فهد :- ومين قلك ان انا رايح بكره 

سهير :- انا اللى بقول 

فهد :- وانا مش فاضى للكلام الفارغ ده 

فريد :- علشان خاطرى يا ابنى انا وعد الراجل يرضيك تصغر ابوك 

فهد :- غمض عنيه علشان يتحكم فى اعصابه وقال اعملو حسابكم دى اخر مره هروح عند الناس دى وهيبقى ليا علاقه بيهم وسبهم وطلع اوضه 

سهير :- ربنا يهديه اهو انت نقطة ضعفه مش بيرفض ليك كلمه 

فريد :- علشان انا مش بتعصب زيك باخد كل حاجه بالهداوه 

سهير :- مش مهم يسمع كلام مين فينا المهم ربنا يهديه ويتجوز بقى 

فريد :- يارب 

وفى الوقت نزل فهد من اوضه 

سهير :- رايح فين كده 

فهد :- خارج عندك مانع 

سهير :- برضه رايح تقابل البنات الشمال 

فهد :- والله دى حياتى وانا حر فيها عن اذنك

ومشى وسابهم وراح على الشقه اللى بيعمل فيها المحرمات وقضه لليلته فى المعاصى وفى ما حرمه الله وبعد وقت طويل روح الفيلا طلع اوضه ونااااااام 

❤❤❤❤❤❤❤❤❤

#يتبــــــع….. 

👇البارت الــ4👇 

اشرق صباح يوم جديد لتبدء العصافير بالتغريد فتحت مليكه عنيها واستغربت المكان ولكن بسرعه افتكرت اللى حصل اليوم اللى فات بصت جمبها على الارض كانت مها نايمه 

مليكه :- مها اصحى يلا 

مها :- امممم ماشى يا مليكه روحى وانا جايه وراكى 

مليكه :- انتى هبله اروح فين اذا كان المكان كله اوضه 

مها :- فتحت عنيها وبصت حواليها وافتكرت انهم فى الفيلا بتاعت عمهم 

وقالت انا ناسيه ومفكره نفسى لسه فى الشقه 

مليكه :- معلش يا حبيبتى بكره ربنا يكرمك مع محمد وتعيشى فى احلى شقه 

مها :- محمد انا مش عارفه ردت فعله ايه لما يعرف اللى حصل 

مليكه :- محمد كويس وبيحبك ومستحيل يتخلى عنك مهما حصل 

مها :- يارب يا مليكه 

مليكه :- قومى بقى اتوضى وصلى على ما اصحى ماما والاوزعه 

مها :- ربنا معاكى دى الاوزعه هطلع عينك عقبال ما تصحه وقامت دخلت الحمام 

مليكه :- قامت من على الارض وراحت على السرير اللى نايمين عليه فايزه ومى وقالت ماما ماما اصحى يلا 

فايزه :- فتحت عنيها وقالت صباح الخير 

مليكه :- صباح النور يا حبيبتى 

فايزه :- امال فين مها 

مليكه :- جوه فى الحمام 

فايزه :- ماشى وقامت وقالت صحى بقى اختك طول الليل معرفتش انام منها بتفرك كتير اوى 

مليكه :- ههههههههه معلش ما هى مرضتش تنام جمبنا على الارض خايفه على جسمها من الرطوبه 

فايزه :- ربنا يهديها 

مليكه :- يارب وراحت من الجنب التانى 

وقالت مى مى اصحى يلا 

مى :- ……………………

مليكه :- يابنتى حرام عليكى مش كل يوم على نفس الموال 

مى :- 😴😴😴😴😴

مليكه:- يوووووه بقى يا مى اصحى 

مى :- مليكه ابوس ايدك امشى دلوقتى وخلينى انام شويه 

مليكه :- هو ايه الحكايه كل واحده فيكم تقولى امشى احنا فى اوضه واحده مفهاش غير حمام اروح فين يعنى 

مى :- قامت قعدت وقالت يا حبيبتى يا قلبى مش كده حرام هو انتى لازم الاذاعه دى كل يوم على الصبح وعمومآ انا الزفت خلاص 

فايزه :- ما تحترمى نفسك وردى عدل على اختك 

مى :- لنفسها كملت دلوقتى ما خلصناش من اذاعة مليكه جت معاها اذاعة ام مليكه 

فايزه :- بتبرطمى وتقولى ايه 

مى :- بقول صباح الهنا على قلبى انا صباح النور يا طبق بنور يا صباح الياسمين مين فى جمالك مين 

فايزه :- والله 

مى :- اه وربنا ده انتى ست الحبايب يا حبيبه 

مليكه :- طب اخلصى وقومى يا اوزعه 

مى :- مش لما يجى عليا الدور مش لسه ماما هتدخل الحمام وبعديها انتى وبما انا اخر العنقود فأكيد هكون اخر واحده وبعدين حطت ايديها على خدها وقالت ياسلااااااااام فين ايام الواحد لما كان بيقوم ويدخل حمامه المخصوص اللى فى اوضه مش حمام واحد مشترك 

فايزه :- احمدى بس ربنا ان احنا لاقينه اوضه بحمام يسترونه من نومت الشارع 

مى :- ماشى 

وخرجت مها من الحمام وادت فرضها ونفس الحكايه فايزه ومليكه ومى 

وبعد انتهاء الكل من فروضهم 

مليكه :- ازوعتى انتى الوحيده اللى هدومك نضيفه روحى هاتى فطار

مى :- يوووه بقى انتى كل شويه تقولى ليا هدومك نضيفه روحى هاتى طب وناويه على ايه هنقعد العمر كله بهدومنا دى 

مليكه :- لا طبعآ هحاول اروح البيت بتاعنا واخلى عم عبده يكلم الراجل الغلس ده ادخل الشقه اخد هدومنا 

مى :- وتفتكرى ان الكائن ده هيرضا ده هيرفض وبالثلث كمان 

مها :- يا سلاااااام ليه يعنى مش هدومنا وحاجتنا 

مى :- مش انتو اللى استعجلتو مش كنتو استنيته شويه وكنا اخدنا هدومنا 

مها :- ده انا حتى تليفونى هناك وزمان محمد من امبارح مبطلش رن 

مليكه :- وانا كمان تليفونى هناك 

مى :- ههههههه انا اشطر منكم مش بشيل التليفون من جيب البنطلون 

مليكه :- هشوف كده هعمل محاوله 

مها :- طب وهتروحى ازاى يا فلحه وانتى هدومك متبهدله كده 

مليكه :- هعمل ايه هروح وانا كده وخلاص 

فايزه :- بطلو لك على الصبح وقومى انتى يا مى روحى جامعتك وبصت لمليكه وقالت روحى بقى اتصرفى وشوفى هتجيبى الهدوم ازاى

مليكه :- مش هنفطر طيب 

فايزه :- مى تفطر فى الكليه وانتى هاتى لينا اكل وانتى جايه 

مليكه :- حاضر 

وخرجت مى ومليكه مع بعض وكل واحده راحت على مشوارها 

……………………………………………………

فى فيلا فريد المنشاوى 

فى اوضت فهد 

صحى فهد من نومه على صوت تليفونه 

فهد :- الو 

باسم :- ايه يا فهد مش جاى الشركه ولا ايه 

فهد :- لا جاى هقوم اهو البس وجاى 

باسم :- بس بسرعه علشان مقبلت اللى جاين يقدمه على وظيفة المحاسبه 

فهد :- خلاص بقى قولتلك جاى وقفل السكه فى وش باسم 

وقام من على سريره ودخل الحمام واخد شاور وخرج لبس هدومه وسرح شعره وخرج من اوضه ونزل السلم 

فهد :- صباح الخير 

سهير وفريد :- صباح النور 

سهير :- اعمل حسابك انهارده اوعى تتأخر علشان انت عارف ان احنا معزومين على الغدا 

فهد :- غمض عنيه واخد نفس وطلعه وقال خلاص يا ماما عارف مش لازم كل شويه تفكرينى عن اذنكم 

ومشى فهد ركب عربيته وراح للشركه 

سهير :- شوفت ابنك واسلوبه فى الكلام معايه عامل ازاى 

فريد :- متنسيش ان احنا غصبين عليه فى الموضوع ده وفهد مش بيحب حد يغصب عليه بحاجه 

سهير :- ويعنى انا بعمل كده ليه مش علشان مصلحته 

فريد :- خلاص يا حبيبتى طبع فهد صعب وانتى عارفه كده فبلاش تحرقى دمك كل شويه 

سهير :- واخد طبع الست الوالده مامتك 

فريد :- انتى لسه حطها فى دماغك 

سهير :- وانا عمرى هنسا اللى عملته فيا لما مدت ايديها عليا وضربتنى بالقلم 

فريد :- واهو خلاص سابت ليكى الفيلا وقعده فى مكان بعيد عنك وبعدين انتى اللى كنتى غلطانه كنتى بتغيرى على ابنك فهد منها ومفكره ان هو هيحبها اكتر منك وحاولتى كذا مره توقعى ما بنهم 

سهير :- ايوه ابنك فهد بيحبها ويحترمها اكتر منى وبيسمع كلامها علطول وغير كده اكتر وقته بيقضيه معها هى وممكن يتنازل على اى حاجه فى الدنيا علشانها 

فريد :- مش جدته وبعدين يعتبر هى اللى مربيه كنتى انتى مهتميه بنفسك والندواة بتاعت النادى ومقابلات سيدات المجتمع وسيبه خالص ولولا امى عليه كان زمانه مات 

سهير :- اه ما علشان الست الوالده بدافع عنها وبعدين ياريت ربته تربيه عدله الا طلعته شبها فى طبعها وكل حاجه وانا اللى شلت الارف ده فى الاخر 

فريد :- سهير بلاش نفتح فى مواضيع قديمه متنسيش انها امى برضه واى كلمه عليها كأنها عليا انا بالظبط 

سهير :- قامت وقفت وقالت ربنا يخليها ليك يا اخويه

فريد :- رايحه فين 

سهير :- هروح النادى شويه وهاجى بدرى علشان اجهز للعزومه 

وخرجت سهير ركبت العربيه وراحت على النادى 

……………………………………………………

فى بيت عبدالرحمن القديم 

وصلت مليكه بالتاكسى وحسبت السواق ومشى ودخلت البيت وطلعت خبطت على صاحب العماره 

عبده :- مليكه تعالى يا بنتى ادخلى

مليكه :- سلمت عليه ودخلت وقالت انا زعلانه منك اوى يا عم عبده كده تبيع الشقه وصحبها يطردنا منها 

عبده :- والله غصب عنى يا بنتى ده راجل شرانى وشكله ناوى الشر وانا راجل كبير مش حمل بهداله 

مليكه :- مش مشكله يا عم عبده اللى حصل حصل خلاص 

عبده :- طب انتو قعدين فين 

مليكه :- عند عمى ممدوح 

عبده :- طب الحمدالله كنت خايف عليكم اوى 

مليكه :- ربنا كريم مش بينسا عبيده 

عبده :- ونعمه بالله 

مليكه :- المهم يا عم عبده احنا خرجنا من الشقه من غير ولا حاجه كنت عايزه المفتاح لو معاك اخد بس هدومنا والتليفونات بتعتنا بسرعه والله

عبده :- والله يا بنتى هو ساب المفتاح ليا بس مقدرش ادهولك لازم استأذن من صاحب الشقه الاول 

مليكه :- بسرعه والله مش هغيب 

عبده :- مقدرش والله 

مليكه :- طب انت معاك رقمه 

عبده :- اه سابه ليا امبارح ساعة امضت العقد 

مليكه :- حسبى الله ونعمه الوكيل فيه 

معلش يا عم عبده اتصل بى واستأذنه 

عبده :- مسك التليفون وقال حاضر يا بنتى وطلب الرقم وانتظر الرد 

……………………………………………………

فى شركة فريد المنشاوى 

وصل فهد الشركه ودخل مكتبه وطلب من السكرتيره تبلغ باسم بوصله 

وشويه ودخل باسم المكتب لفهد 

باسم :- صباح الخير 

فهد :- صباح النور 

باسم :- ايه اخرك كده 

فهد :- سهرت امبارح كتير ورجعت متأخر الفيلا وراحت عليا نومه 

باسم :- كنت بتبقى اول واحد فى الشركه لكن دلوقتى بقيت بتيجى بالعافيه ومتأخر كمان 

فهد :- باسم باسم باسم ارجوك بلاش الكلام ده علشان انت بتعصبنى وبتخلينى امد ايدى عليك دى حياتى وانا حر فيها محدش ليه دخل فيها فياريت تحتفظ برأيك لنفسك ودلوقتى خلينا فى الشغل المقبله الساعه كام 

باسم :- براحتك يا صاحبى والمقبله هتبقى كمان ساعه ونص 

فهد :- طب ممكن تبلغهم يجيبو ليا فنجان قهوه بسرعه احسن دماغى هتفرتك من الصداع 

باسم :- حاضر يا فهد عن اذنك 

وخرج باسم وفى الوقت ده رن تليفون فهد 

فهد :- مسك التليفون وبص فيه واول ما لاقه رقم عبده فرح ورد بسرعه 

عبده :- السلام عليكم 

فهد :- ايوه خير 

عبده :- احم ك.ك.كنت عايز ادى المفتاح بتاع الشقه للسكان اللى كانو فيها علشان عايزين حاجتهم

فهد :- اه طبعآ حقهم 

عبده :- يعنى ادهولها

فهد :- هى مين اللى جايه تاخد الحاجه 

عبده :- الانسه مليكه 

فهد :- تمام اديها المفتاح 

عبده :- شكرآ ليك يا فهد باشا 

فهد :- قفل التليفون من غير ما يرد عليه وقام من على الكرسى واخد مفاتيحه وخرج من المكتب وقال للسكرتيره بلغى استاذ باسم يلغى المقابلات بتاعت انهارده كلها 

ومشى يجرى ركب الاسانسير ونزل ركب عربيته ومشى بيها 

……………………………………………………

فى فيلا ممدوح مظهر 

رجعت سوزى من النادى 

و كان الكل بيستعد لمجئ عيلة فريد المنشاوى 

سيده الخدامه :- ست سوزى احنا لسه ورانا حاجات كتير ولسه الاكل ومحتاجين حد يساعدنا 

سوزى :- ليه يا سيده مش هتقدرى انتى والبت ميس تخلصه الحاجه

سيده :- ما حضرتك عارفه ميس قلبها بارد ومش هتخلص بسرعه 

سوزى :- امممم والله فكره منى اكسر منخرها ومنى استفاد منهم ومن غير ولا مليم وبصت لسيده وقالت انا هجيب ليكى اربعه يساعدوكى 

سيده :- بجد يا هانم انشالله ربنا يخليكى

سوزى :- خلاص خلاص روحى شوفى شغلك 

ومشيت سيده وراحت سوزى الجنينه عند فايزه 

سوزى :- صباح الخير يا فايزه 

فايزه :- سوزى صباح النور 

سوزى :- يارب تكونو مبسوطين هنا

فايزه :- اه طبعآ الحمدالله ان احنا مستورين من الشارع 

سوزى :- طب الحمدالله وبعدين قالت فايزه كنت عايزه اطلب منك طلب 

فايزه :- اه طبعآ قولى 

سوزى :- انهارده فى عريس جاى لبنتى بس رجل اعمال كبير اوى 

فايزه :- بجد الف الف مبروك وربنا يتمم ليها على خير 

سوزى :- ميرسى بس كنت محتاجك انتى والبنات تيجى تساعدوه البت سيده وميس علشان الوقت ضيق ومش هنلحق نخلص قبل ما هما يجو 

فايزه :- ها وبصت لمها 

مها :- شورت لامها برسها بمعنى لا 

فايزه :- بس يعنى محدش من البنات هنا مفيش غير مها 

سوزى :- طب مش مشكله تعالو انتو الاتنين 

فايزه :- م.م.ماشى روحى انتى وانا هجيب مها وجايه وراكى 

سوزى :- ميرسى اوى يا فايزه ومشت وسابتها 

مها :- انتى ازاى توافقى يا ماما 

فايزه :- معلش يا بنتى بنت عمك ولازم نقف جمبها فى خطوبتها 

مها :- لا يا ماما هى طلبت مننا على اساس ان احنا خدامين عندها مش كانت بتقول محدش مننا يدخل الفيلا علشان شكلنا بيئه اشمعنا دلوقتى

فايزه :- معلش يا بنتى لازم نستحمل اللى بيحصل ده احسن الف مره من النومه فى الشارع وتكونه ملطشه لكلاب السكك 

مها :- منه لله اللى كان السبب فى اللى احنا فيه 

فايزه :- احمدى ربنا على النعمه اللى احنا فيها وخليكى راضيه بالمقسوم 

مها :- الحمدالله على كل شئ 

فايزه :- ربنا يبارك ليا فيكى يلا بينا 

مها :- بأنكسار يلا 

وراحو الاتنين الفيلا يساعدو الخدامين فى شغل الفيلا

……………………………………………………

فى بيت عبد الرحمن 

مليكه :- اخدت المفتاح وطلعت الشقه فتحت الباب ودخلت وقعدت تبص على كل حته فيها وتفتكر ذكرياتها مع ابوها وامها واخواتها البنات وتضحك ونزلت دمعه من عنيها مسحتها بأيديها وقفلت باب الشقه ودخلت اوضتها وتفتكر فى ذكرياتها ومشت ايديها على المكتب بتعها وافتكرت ايام ما كانت بتقعد تذاكر عليه بالساعات وبعدين راحت على سريرها وقعدت عليه ومشت ايديها على السرير ونامت عليه وقعدت تعيط وبعد شويه قامت وجابت الشنطه وفتحتها وحطتها قصدها وفتحت الدولاب وحطت هدومها فيها وسابت طقم علشان تلبسه 

ودخلت اوضت مها وبرضه حطت هدومها فى الشنطه ونفس الحكايه فى اوضت مى واوضت فايزه وحطت الشنط فى الصاله ودخلت تغير هدومها 

ولسه بتقلع البلوزه سمعت صوت رجل فى الشقه وفجأءه باب الاوضه بتعها اتفتح 

مليكه :- بصدمه انت 

فهد :- هههههههههههههه اتصدمتى ليه يا حلوه 

مليكه :- ا.ا اطلع بره بدل ما اصوت والم عليك الناس 

فهد :- وهو بيقرب ليها قال طق طق مش طالع وصوتى وانتى اللى هتتأذى انا فى شقتى وانتى معايه وقلعه هدومك وفى اوضت نوم شوفى انتى بقى منظرك قدام الناس فى الحته ودى منطقه شعبيه 

مليكه:- وهى بدارى فى جسمها متقربش واطلع بره احسنلك 

فهد :- قرب عليها اكتر وقال هقرب وورينى هتعملى ايه 

مليكه :- بصت حواليها ملاقتش حاجه تدافع بيها عن نفسها 

فهد :- مسك مليكه ووقعها على السرير ونام فوقيها 

مليكه :- وهى بتضربه وبتحاول تزقه من فوقيها اوعى كده انت بنأدم قليل الادب ووقح اوعى لالالا اصلك مش راجل علشان تتشطر على واحده كده

فهد:- لا انا راجل اوى وهتعرفى كده بنفسك 

مليكه :- على جثتى اخليك تلمس شعره منى وقعدت تزقه من فوقيها 

فهد :- ههههههه حلو اوى اللى انتى بتعمليه ده الصراحه بيجنينى اكتر خليكى على كده 

مليكه :- عضته فى كتفه 

فهد :- اااااااه بتعضينى طب والله ما انا سيبك 

مليكه :- اوعى بقى يا واطى يا جبان ما لو كان عندك نخوه مكنتش عملت كده فى واحده 

فهد :- قام من عليها وقال اوعى يابت لتكونى مفكره ان هموت عليكى انا بس حبيت اعرفك مقامك ان لو عايز اعمل فيكى حاجه هعملها لكن انتى حتة بنت جربوعه ميشرفنيش ان المسك وخليكى عارفه ان حساب القلم لسه منتهاش وهربيكى كويس اوى وهخليكى تتمنى الموت وبرضه مش هخليكى تطوليه 

مليكه :- انت ازبل بنأدم قابلته على وجه الارض لا عندك نخوه ولا رجوله واحد مريض مجنون نصحيه منى روح اتعالج بدل ما يجى عليك يوم ومتلاقيش حد تأذيه سعتها هتأذى نفسك 

فهد :- هههههههههههههههه افرحى ليكى شويه علشان تستعدى للى هعمله فيكى 

كل اللى قولتيه ده حلاوة روح مش اكتر ولسه هيطلع من الاوضه الباب خبط

فهد :- هتقومى تفتحى ولا اروح افتح انا وانتى بالمنظر ده 

مليكه :- لبست البلوزه ولسه هتطلع من الاوضه 

فهد :- مسكها من درعها حسك عينك تفتحى بؤق بحرف واحد يا اما انتى حره هفضحك واقول انك انتى اللى جايه ليا بمزاجك 

مليكه :- شدت درعها من ايد فهد وبصت ليه من فوق لتحت ومشيت فتحت الباب 

عبده :- ايه يا بنتى كل ده انا قولت حصل ليكى حاجه جوه 

مليكه :- ل.ل.لا يا عم عبده ا.ا.انا كويسه خير فى حاجه 

عبده :- جيت اساعدك فى تنزيل الشنط 

قولت مش هتقدرى تنزليهم لوحدك 

مليكه :- ش.ش.شكرآ يا عم عبده 

عبده :- دخل الشقه وقال فى ريحت برفان رجالى فى الشقه 

مليكه :- ها وبصت على الاوضه اللى فيها فهد وقالت د.د.ده ازازة برفان بتاعت محمد خطيب مها كانت فى دولابها مشتريها هديه ليه وانا رشيت منها علشان اشمها 

عبده :- اختك دى زوقها عالى اوى فى نوع البرفانات الرجالى وشال شنطتين وقال هنزلهم ليكى فى مدخل البيت واطلع اخد الباقى 

مليكه :- لالالا ش.ش.شكرآ انا هغير هدومى وانزل بالباقى 

عبده :- ماشى يابنتى هتقطعه بينا والله فى الحته 

مليكه :- وانتو والله هتوحشونا

عبده :- متنسيش عم عبده وتعالى علطول اسألى عليا 

مليكه :- طبعآ يا عم عبده انت زى بابا بالظبط 

عبده :- ها معلش بقى طولت عليكى هسيبك براحتك فى الشقه بالاذن 

ونزل عبده من الشقه

مليكه :- قفلت الباب ووقفت وراه اخدت نفسها وبصت على الاوضه اللى فيها فهد ودخلت فيها وقالت ممكن تخرج بره الاوضه علشان اغير هدومى

فهد :- وهو نايم على السرير وبيشرب السيجار الكوبى بتاعه نفخ الدخان فى الهوا وقال طب ما تغيرى هدومك وانا موجود 

مليكه :- هقول ايه ما انت بنأدم سافل واخدت هدومها ودخلت اوضت مها وقفلت الباب عليها بالمفتاح وغيرت هدومها وفى الوقت ده رن تليفون مها برقم محمد 

مسكت التليفون وفتحته 

محمد :- ايه يا هانم اخيرآ حنيتى عليا ورديتى 

مليكه :- احم انا مليكه يا محمد 

محمد :- انا اسف يا مليكه فكرتك مها 

مليكه :- لا عادى ولا يهمك عمومآ هى مها مش موجوده والتليفون مكنش معاها من امبارح وانا لما اروح هخليها تكلمك وتفهمك كل حاجه 

محمد :- هو فى حاجه حد حصله حاجه 

مليكه :- لالالا احنا كلنا كويسين بس حصلت ظروف هتبقى تحكيها ليك مها 

محمد :- ماشى يا مليكه مع السلامه 

مليكه :- مع السلامه وقفلت مع محمد وطلعت من الاوضه وشالت الشنط ولسه هتطلع من الباب 

فهد :- مع السلامه يا جميل واستعدى للجاى 

مليكه :- بصت ليه بصت احتقار وخرجت وقفلت الباب وراها ونزلت وقفت تاكسى وحملت الشنط وراحت على الفيلا 

……………………………………………………

فى فيلا ممدوح 

كانت مها وفايزه شغلين مع الخدمين 

سوزى :- مها معلش يا حبيبتى ممكن تطلعى تندهى على رهف من اوضتها 

مها :- بصت ليها بغيظ وقالت حاضر 

وطلعت وخبطت على باب اوضت رهف 

رهف :- ايوه يا غبيه بتخبطى كده ليه وبعدين قالت مها انتى بتعملى ايه هنا 

مها :- انزلى كلمى مامتك عايزاكى تحت وسابتها ومشيت وهى ماشيه خبط فيها واحد وقالت ااااااااه مش تفتح يا اخى 

اسر ابن عمها :- اووووبا مها بتعملى ايه هنا وبعدين انتى مالك كده احلويتى وبقيتى مزه 

مها :- امم اذيك يااسر 

اسر :- انا فل الفل بس انتى هنا ازاى 

مها :- عادى يعنى قعدين يومين هنا عندك مانع وسابته ومشيت 

اسر :- شكلها هتحلو والقعده فى الفيلا هتبقى حلوه اوووووى 

ونزل عند امه وقال 

اسر :- هو فى ايه بالظبط انا حاسس ان انا نمت فى زمن قمت فى زمن تانى خالص ايه اللى بيحصل فى الفيلا بالظبط 

سوزى :- ما هو انت مش حاسس بحاجه ابدآ اختك هتتخطب 

اسر :- لا والله ده مين اللى امه داعيه عليه فى ليلة القدر 

سوزى :- ولد اتكلم عدل 

اسر :- عدل اهو مين بقى 

سوزى :- فهد المنشاوى 

اسر :- نعععععععععععم 

سوزى :- ولد 

اسر :- انتى عايزه تقنعينى ان فهد المنشاوى اكبر رجل اعمال هيبص لرهف اختى 

سوزى :- وهى مالها اختك 

اسر :- دى بنص لسان 

سوزى :- ولد فى حد يقول كده على اخته 

اسر :- يعنى اكدب علشان اعجب 

سوزى :- انت اصلا ايه صحاك من نومك دلوقتى 

اسر :- هو انا عارف انام من الخبط ده وبعدين صح هى مها بنت عمى بتعمل ايه هنا 

سوزى :- صاحب الشقه اللى كانو فيها خرجهم جم هنا عايزين يقعدو معانا فى الفيلا ادتهم الاوضه اللى فى الجنينه 

اسر :- ياسلام عليكى يا ام قلب كبير وجايه على نفسك ليه ما الاوض فى الفيلا كتير ليه تديهم اوضت الخدامين 

سوزى :- اهو ده اللى ناقص اقعد الشحاتين عندى فى الفيلا وبعدين حسك عينك تتكلم مع حد فيهم 

وفى الوقت ده جت رهف 

اسر :- اول ما شفها غنى بطريقة رهف وقال مبيوك عيكى عيسك الخفه تررر تررر  ( مبروك عليكى عريسك الخفه )

رهف :- بصى يا مامى بيعيب عليا ازاى

سوزى :- اتلم يا اسر 

اسر :- انا غلطان كنت بغنلها ملكمش فى الطيب نصيب ومشى وسابهم 

رهف :- مامى هى مها بتعمل ايه هنا 

سوزى :- يوووووه بقى هى ايه حكايتكم وقالت ليها نفس الكلام اللى قالته لاسر 

رهف :- ياي يا مامى انتى هتخلى الجربيع دول يقعدو معانا هنا 

سوزى :- هخليهم بس بلقمتهم هشغلهم فى الفيلا 

رهف :- يس يعنى مليكه ومها وبالذات البت ام لسان طويل دى اللى اسمها مى هيبقو خدامين عندى 

سوزى :- اه يا حبيبتى 

رهف :- ده انا هعمل معاهم عمايل 

سوزى :- براحتك يا حبيبت مامى 

المهم دلوقتى عروستنا تطلع تجهز علشان الناس اللى جايه 

رهف :- حاضر يامامى 

……………………………………………………

عند مليكه 

وصلت الفيلا ونزلت الشنط وحسبت السواق ومشى ودخلت الشنط من باب الخدامين ودخلت الاوضه دورت عليهم ملاقتش حد 

مليكه :- راحو فين دول وقالت اما اروح اشوفهم فى الفيلا يمكن دخلت تحضر لينا اكل فى المطبخ 

وراحت للفيلا ودخلت واتصدمت لما شافت امها بتمسح الارض 

مليكه :- ماما بتعملى ايه 

فايزه :- مليكه 

مليكه :- بتعملى ايه هنا وفين مها 

فايزه :- ا.ا اصل خطوبة بنت عمك انهارده وقولت نيجى نساعدهم هنا 

مليكه :- وانتو اللى جيتو من نفسكم ولا هما اللى طلبو منكم 

فايزه :- ها لا ط.ط.طبعآ احنا اللى جينا من نفسنا ده حتى جت الصبح مرات عمك الاوضه واطمنت علينا وسألتنا محتاجين حاجه ولا لا 

مليكه :- والله 

فايزه :- ج.ج.جبتى الهدوم 

مليكه :- اه 

فايزه :- حست بدوخه وكانت هتقع 

مليكه :- جريت عليها ومسكتها وقالت ماما مالك 

فايزه :- مفيش يا حبيبتى انا كويسه 

مليكه :- كويسه ايه انتى دوختى وكنتى هتقعى تلاقيكى لسه مأكلتيش لحد دلوقتى ومأخديش العلاج 

فايزه :- ها انا كويسه يا بنتى متقلقيش ولسه هتوطى وتمسح الارض 

مليكه :- لا يا ماما ريحى انتى وانا هكمل مكانك 

❤متمرده عشقت كبرياءه❤

👇البارت الــ5👇 6 👇

تفاعلكم بيشجعنا على الاستمرار 

فى الاوضه عند فايزه دخلت مها وهى منهاره من العياط 

فايزه :- مالك يا مها 

مها :- محمد يا ماما بهدلنى وقالى كلام يوجع اوى وقفل السكه فى وشى 

فايزه :- معلش محمد عصبى شويه بس بيحبك وتلاقيه متغاظ منك علشان بيرن عليكى من امبارح قلق عليكى مش اكتر وشويه وهتلاقيه بيتصل بيكى يصلحك 

مها :- بس اول مره يكون قاسى اوى عليا كده 

فايزه :- يابت من حبه فيكى عمل معاكى كده 

مها :- اترمت فى حضن امها وقعدت تعيط 

فايزه :- خلاص بقى يا مها يا حبيبتى ياما بيحصل مشاكل فى الخطوبه وبعد الجواز ولازم تكونى اعقل من كده وتعرفى تصلحى امورك مش تقعدى تعيطى وتحطى ايدك على خدك 

مها :- بدموع صعبان عليا نفسى اوى يا ماما والظروف بتحط علينا اكتر انا مش متفائله بالجاى خالص حاسه ان حياتنا اتقلبت لجحيم 

فايزه :- يا حبيبتى استغفرى ربك وخلى الامل فى الله كبير وخليكى فكره الايه الكريمه بسم الله الرحمن الرحيم(قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم )صدق الله العظيم 

يعنى اوعى تيأسى من رحمة ربنا علينا وخليكى واثقه ان ربنا عنده الخير كله وان ربنا هيفرجها علينا ولو بعد حين 

مها :- ونعمه بالله وبصت للسما وقالت يارب افرجها من عندك يا كريم انت عالم بحالنا وغنى عن سألنا 

فايزه :- اللهم امين 

وفى الوقت ده جت مى 

مى :- ايه ده هو فى ايه ومال مها معيطه ليه وفين مليكه هو الاهلى خسر ولا ايه 

فايزه :- اهلى تصدقى انك عيله فايقه وريقه سيبه اللى احنا فيه وكل همك ان الاهلى كسب ولا خسر خلفه سوده 

مى :- ما براحه ياست الحاجه انتى عندك شحنت نكد قولتى مفيش غيرها اللى بهزقها وارتاح مى الغلبانه 

فايزه :- انتى غلبانه ده انتى تعبانه وبعدين فى واحده محترمه تقول على امها نكد 

مى :- وايه الجديد يا حاجه ما احنا كلنا نكد الله يكون فى عون الرجاله الصراحه بياخدو كمية نكد من الست المصريه ملهاش مثيل 

فايزه :- انتى ناويه تشلينى روحى يا مى شوفى هتعملى ايه احسن الضغط والسكر اول ما بشوفك بيعلو لوحديهم 

مى :- والنعمه من معملتك دى ليا بحس ان انا مش بنتك وانك لاقتينى عند عتبت بيتكم 

فايزه :- مى ارحمينى مش نقصاكى 

مى :- خلاص يا حاجه بس متزقيش كده فى الكلام انا هقعد على النت احسن 

فايزه :- هو ده اللى فلحه فيه 

مى :- بعتت ليها بوسه فى الهوا وقعدت على السرير وفتحت النت 

……………………………………………………

داخل فيلا ممدوح 

كان الوضع متأزم 

ممدوح :- على بركة الله نقراه الفاتحه

مليكه :- وانا قولت مستحيل ده يحصل 

سهير :- بقى انتى ترفضى ابنى انتى مش عارفه ده مين 

مليكه :- لا معرفش ومش عايزه اعرف 

سهير :- انتى بنت قليلة الادب انتى شايفه نفسك على ايه انتى مش شايفه منظرك عامل ازاى ده انتى شبه الشحاتين ده انا ابنى البنات بتتحدف عليه وتحت رجليه علشان بس يبص ليهم بصه 

مليكه :- وانا عجبنى منظرى وبعدين خليه يروح للبنات اللى بتتحدف عليه لكن انا لا وابنك ده مايسواش حاجه عندى خليه جمبك واشبعى بيه 

سوزى :- اما انتى بنت قليلة الادب بجد وامك معرفتش تربيكى صح ورفعت ايديها وضربت مليكه بالقلم 

مليكه :- حطت ايديها على خدها وقالت انتى بتمدى ايدك عليا بصفتك ايه وبعدين امى مربيانه احسن تربيه ولو مكنتش متربيه كنت رديت ليكى القلم ده بس علشان امى مربيانى كويس مش هرد عليكى 

فريد :- يا جماعه وحدو الله كده واهدو شويه وبص لمليكه وقال وانتى يابنتى فكرى تانى فى موضوع الجواز من فهد بجد مش هتندمى ده انتى عملتى معجزه ان تخلى فهد يتمسك بيكى لدرجاتى وان هو يقبل يسمع الكلام ده ويبقى هادى انتى بجد عملتى انجاز كبيره من غير ما تحسى 

سهير :- وانا مش موافقه وهناخد رهف بنت سوزى مش بنت الشحاتين دول ده الفرق ما بنها وبين رهف زى الفرق ما بين السما والارض 

مليكه :- وانا اصلا مش موافقه على ابنك وخليهم يشبعو ببعض ولسه هتمشى 

فهد :- مسكها من درعها وقرب على ودنها وقال انا سايبك براحتك بس اوعى تكونى مفكره ان انا عايز اتجوزك علشان دايب فيكى وهموت عليكى لااصحى وفوقى كده انا هتجوزك علشان اكمل انتقامى منك وبراحتى واعملى حسابك ان هتجوزك يعنى هتجوزك برضاكى او غصب عنك وبعد عنها 

مليكه :- قربت عليه وقالت لما تشوف صرصور ودنك هبقى مراتك سلام يا باشا وخرجت وسابتهم كلهم 

سهير :- فهد هما كلمتين مستحيل تتجوز البنت دى ويااما تتجوز رهف يا اما ولا انت ابنى ولا اعرفك 

فهد :- بص لامه وقال انا مش هتجوز غير مليكه انتهى الكلام وسبهم ومشى 

رهف :- عيطت 

سهير :- قعدت جمب رهف وقالت وحياتك عندى فهد مش هيكون غير ليكى 

رهف :- ازاى يا انطى وهو قال مش هيتجوز غير البنت دى 

سهير :- ملكيش دعوه خليكى واثقه فى فيا 

سوزى :- خلاص بقى يا رهف اطنك وعدتك 

فريد :- كان قاعد ومش عجبه الكلام اللى بيتقال وقال مش يلا بينا يا سوسو 

سهير :- اوك يلا بينا 

ممدوح :- انا اسف يا جماعه على اللى حصل دلوقتى ده وانا ليا تصرف تانى مع مليكه 

سوزى :- بتوعد لا سيبهم ليا 

ممدوح :- براحتك يا حبيبتى 

فريد :- لا رجاء خاص محدش يعملها حاجه البنت شكلها غلبان خالص 

سهير :- دى غلبانه دى بنت مش سهله بترفض ابنى علشان يتعلق بيها اكتر داخله على طمع وبصت لممدوح وقالت سورى يا ممدوح بيه لو زعلت من كلامى 

ممدوح :- لالا عندك حق فى كل اللى قولتيه 

فريد :- والله البنت دى شكلها مظلومه 

سهير :- يلا يا فريد بلاش طيبت قلبك الزياده دى 

ومشيت سهير هى وفريد

رهف :- طلعت تجرى وهى بتعيط على السلم وهى طالعه خبطت فى اسر 

اسر :- فى ايه يا بنتى 

رهف :- سابته ودخلت اوضتها 

اسر :- ده ايه الفيلا دى اللى كل شويه بحال ونزل من على السلم وقال 

هو فى ايه ومال البت رهف 

سوزى :- بنت الشحاتين رسمت على عريس اختك واخدته منها 

اسر :- مين 

سوزى :- زفتت الطين مليكه 

اسر :- لا والله طب ده طلع راجل بيفهم بجد زوقه عالى اوى فى البنات 

سوزى :- انت معندكش دم فى واحد يفرح ان عريس اخته طفش منها 

اسر :- يا امى ده الطبيعى صدقينى ده كويس ان استحملها يقعد معها ساعه على بعضيها ده انا اخوها ومش بستحمل اقعد دقيقتين على بعضيهم معاها 

سوزى :- بصت لممدوح وقالت عجبك الكلام اللى ابنك بيقوله ده على اخته 

ممدوح :- وانا مالى مش تربيتك وسبهم ومشى 

سوزى :- بصت لاسر وقالت انت حسابك معايه بعدين انما دلوقتى مش فاضيه ورايا حاجه ولازم انفذها 

اسر :- انا مالى انا هروح اسهر مع الشله سلام يا مزه وبعت ليها بوسه فى الهوا

سوزى :- عيل رخم ومستفذ

……………………………………………………

فى اوضت فايزه 

كانت مليكه منهاره من العياط 

مها :- اما بنأدم بارد بجد يعنى يطردنا من الشقه امبارح وجاى انهارده بكل برود يطلب ايدك 

مليكه :- بدموع ده لو اخر راجل فى الدنيا مستحيل اتجوزه وبعدين انا رافضه موضوع الجواز من قبل ما اشوف وشه اصلا 

فايزه :- اصلا وراه طلب ايدك ده فى سر وانا مش مستريحه ليه من اساسه 

مى :- والله انتى عبيطه انا لو منك اوافق عليه ده شكله كده مقتدر ومعاه فلوس كتير انتى مشوفتيش امبارح العربيه اللى ركبها ومشى بيها جامده اخر حاجه 

مها :- والله انتى واحده تافه وكل اللى همك الفلوس والعربيات ومش بتبصى على ان ممكن يكون جاى يتجوزها يومين يقضيهم معاها وبعدين يطلقها ويرميها لكلاب السكك اكتر الناس الاكابر بيعملو كده 

مليكه :- لا غلط هو عايز يتجوزنى علشان ينتقم منى علشان القلم اللى ضربته ليه قدام الناس كلها 

مى :- يا قلبك الجامد يا شيخه وجالك قلب تمدى ايدك عليه ده انا امبارح كنت خايفه من شكله بس 

فايزه :- بطلو كلام عبيط دلوقتى المهم انتى قرارك الاخير ايه يا مليكه 

مليكه :- مش موافقه طبعآ يا ماما على جثتى اكون مرات البنأدم ده 

فايزه :- خلاص نقفل على الموضوع ده ومنفتحش الكلام فيه تانى 

التلاته :- حاضر يا ماما 

وفى الوقت ده جت سوزى 

فايزه :- كويس انك جيتى انتى ازاى تسمحى لنفسك تمدى ايدك على بنتى 

سوزى :- وهكسرها رقبتها كمان السهونه دى خطافت الرجاله 

فايزه :- اولا مش من حقك تمدى ايدك على بنت من بناتى ثانيآ انا بنتى مش سهونه ولا خطافت رجاله علشان هى مش موافقه عليه اصلا 

سوزى :- لا الاعيب دى مش عليا بترفضه علشان يتمسك بيها اكتر هقول ايه تربيت مره 

مليكه :- خدى واشربيه انتى وبنتك انا ميشغلنيش بنأدم زى ده وثانيآ احنا اه تربيت مره بس الكل بيشهد بيها وبيشكر فى التربيه دى وانا فخوره ان اتربيت على ايد واحده ست زى امى 

سوزى :- راحت لمليكه وقالت اظاهر كده شكلك عايزه تتربى من اول جديد ورفعت ايديها بس قبل ما تنزل بيها على وشها

فايزه :- مسكت ايديها وقالت مش من حقك تمدى ايدك عليها ومش هسمح بده 

سوزى :- شدت ايديها من ايد فايزه وقالت كده انتى والزباله اللى معاكى متقعدوش لحظه هنا اخرتكم تترمو فى الشارع يا جربيع 

مى :- بقولك ايه بقى انا من بدرى سكتالك وعامله حساب انك مرات عمى بس الواضح كده انك واحده مهزقه وعايزه علقه تنسيكى اسمك 

فايزه :- ممممممممى عيب اللى انتى بتقوليه ده 

مى :- مش شايفها طيحه فيكم ازاى ومحدش فيكم عارف يرد عليها 

فايزه :- لا انا اقدر ارد عليها كويس بأسلوبها كمان بس كل واحد وتربيته 

وبصت لتلاته وقالت كل واحده تشيل شنطتها ويلا بينا 

سوزى :- يلا فى داهيه تخدكم 

مى :- اللهم يطولك ياروح يلا يا ماما بدل ما ارتكب جريمه دلوقتى 

ومشيو الاربعه من الفيلا 

مها :- هنروح فين دلوقتى 

فايزه :- ارض الله واسعه 

مى :- ماشى ارض الله واسعه بس هنام فين فى الشارع 

فايزه :- رفعت عنيها للسما وقالت ياررررب افرجها من عندك وفى الوقت ده سمعو كلاكسات عربيه 

مليكه :- ده مين ده اللى عمال يضرب لينا كلاكسات ويشغل نور العربيه 

مى :- تلاقيهم من الشباب اللى شاربه ابتدينا 

فايزه :- حطت بناتها التلاته وراه ضهرها وبصت للعربيه 

وقالت نعم وبتبص لاقت اسر 

اسر :- تعالى يا مرات عمى اركبى انتى والبنات 

فايزه :- لا شكرآ

مها :- شكرآ مش عايزين حاجه منكم 

اسر :- تعالى والله يا مرات عمى انا مليش دعوه بأمى ولا ليا علاقه بأى حاجه حصلت جوه 

فايزه :- ماشى يا ابنى بس احنا مش هنركب مع حد اتفضل انت شوف كنت رايح فين 

اسر :- ماهو انا مستحيل اسيبكم فى الشارع لوحدكم فى الوقت ده 

مى :- لا شهم يا ولا

اسر :- مش انتو بنات عمى يعنى من لحمى ودمى يبقى فى حد يسيب لحمه مرمى كده فى الشارع 

فايزه :- يا حبيبى الله يخليك امشى انت وملكش دعوه بينا 

اسر :- طب انتو هتقعدو فين 

فايزه :- ارض الله واسعه 

اسر :- يعنى انتو مش عندكم مكان 

مليكه :- ياابنى انت بتلك كتير كده ليه وشاغل بالك بينا ليه ما تروح مكان ما انت رايح 

اسر :- انتو ممكن واخدين فكره وحشه عليا وكمان من حقكم تعملو معايه كده بعد اللى حصل جوه بس انا بجد غيرهم جوه انا اه بحب الهزار والضحك  بس مش وحش والله ولا عمرى هقبل ان مرات عمى وبنات عمى ينامو فى الشارع وبكره لما تتعملو معايه هتعرفونى كويس 

مها :- ولا عايزين نتعامل معاك ولا نعرفوك 

اسر :- شكرآ يا ستى وبص لفايزه وقال ها يا مرات عمى مش هتركبى 

فايزه :- ياابنى احنا مش عارفين رايحين فين اصلا 

اسر :- انا عندى شقه خاصه بتعتى كل يوم بسيب الفيلا واقعد فيها لوحدى ومحدش يعرف عنها حاجه خالص ممكن تقعدى فيها انتى والبنات 

فايزه :- ها لالالا شكرآ مش هينفع 

اسر :- متخفيش والله يا مرات عمى هديكى المفاتيح ومش هزعجكم خالص هاجى اطمن عليكم وامشى علطول واعتبرو الشقه بتاعتكم 

فايزه :- بس يعنى 

اسر :- ولا بس ولا حاجه ويلا اركبو بدل الوقفه اللى فى الشارع دى 

فايزه :- بصت لبناتها وركبت العربيه جمب اسر قدام والتلاته ركبو وراه 

اسر :- شغل العربيه ومشى بيهم 

على الشقه 

……………………………………………………

فى شقه كبيره فى افخم مكان بالاسكندريه  تقعد ست كبيره فى العمر فى البلكونه وبتبص على منظر البحر الرائع وتشرب فنجان الشاى وسمعت جرس الباب بيرن 

راحت الشغاله فتحت الباب ودخل فهد 

فهد :- دخل البلكونه وقال حبيبت قلبى بتعمل ايه 

ناديه :- لا انا زعلانه منك ومش هكلمك 

فهد :- ليه يا نانا 

ناديه :- كل ده متسألش على نانا اهون عليك يافهد 

فهد :- والله يا نانا كنت مشغول اوى اليومين اللى فاتو 

ناديه :- وايه الجديد يا فهد ما انت كنت بتبقى مشغول وبتيجى تبص عليا 

فهد :- خلاص بقى يا نانا قلبك ابيض ومسك ايديها وبسها وقال حقك عليا انتى عارفه انك انتى الوحيده اللى فى الدنيا دى مقدرش على زعلها 

ناديه :- باست راسه وقالت ربنا يخليك ليا يا حبيبى انت ابنى انا بس مش ابن العقربه سهير 

فهد :- ههههههههههههههه العقربه 

ناديه :- دى كلمة عقربه قليله عليها 

فهد :- واحشانى والله يا نانا واحشانى خفت دمك دى وبص على البحر 

ناديه :- مالك يا فهد 

فهد :- سلامتك يا نانا 

ناديه :- انت هتخبى عليا انا بعرفك من نظرت عنيك ونبرت صوتك فيك ايه 

فهد :- حكى ليها كل اللى حصل ما بينه وبين مليكه من اول مقبله لاخر مقبله 

ناديه :- وانت عايز تتجوزها علشان تنتقم منها ولا علشان سبب تانى 

فهد :- انتقم طبعآ انتى عارفه يا نانا ان انا حلفت لانتقم من بنات حوا كلهم بسبب اللى عملته فيا مروه بس دى مختلفه دى هنتقم منها علشان القلم اللى ضربته ليا وعلشان هى اول واحده قابلتها تتحدانى وتقف قصادى 

ناديه :- وانا معاك فى الراى متسبهاش غير لما تتجوزها 

فهد :- بأستغراب انتى يا نانا اللى بتقولى كده ده انتى كنتى اكتر واحده رافضه طريقة الانتقام من البنات وكنتى تملى تزعلى منى لما تعرفى ان انا انتقمت من بنت 

ناديه :- بس انا فى دى موافقك وعايزاك تتجوزها 

فهد :- اشمعنا 

ناديه :- مش مهم تعرف دلوقتى بعدين ابقى افهمك 

فهد :- نانا انتى هتكلمينى بالالغاز 

ناديه :- ولا الغاز ولا حاجه ولو تعرف تجيب ليا البنت دى هنا انشالله بالغصب هاتها 

فهد :- انا مش فاهمك الصراحه 

ناديه :- مش لازم تفهمنى المهم انا فهماك 

فهد :- وقف 

ناديه :- رايح فين 

فهد :- هروح اتشقى شويه هههههههه

ناديه :- ولد خلبوص 

فهد :- بس بحبك يا مزتى وبسها فى راسها وقال سلام انا بقى 

ناديه :- مع السلامه يا ابن قلبى ربنا يهديك ويصلح حالك يا فهد يا ابن س 

وسكتت وقالت لا خساره فيها وبعدين كملت وقالت يا فهد ياابن قلبى يارب 

……………………………………………………

فى شقه فى عماره فخمه بالاسكندريه 

وصل اسر بالعربيه للمكان ونزلت فايزه والبنات ولسه هيشيلو الشنط 

اسر :- لالا سيبو الشنط هطلعها انا والبواب 

فايزه :- شكرآ يا ابنى هنتعبك معانا 

اسر :- ولا تعب ولا حاجه يا مرات عمى وبعدين احنا هنطلع فى الاسانسير 

ونده على البواب وشايله الشنط وشال هو كمان معاه وطلعو ركبو الاسانسير 

وشغله ووصلو عند دور الشقه وخرجو من باب الاسانسير 

اسر :- من هنا يا مرات عمى تعالو يا بنات 

مى :- واو يا اسر المكان اللى انت ساكن فيه روعه 

اسر :- ولسه كمان هتعجبك الشقه اوى 

فايزه :- بصت لمى بغيظ علشان تسكت 

اسر :- فتح الباب وقال تعالى يا مرات عمى ادخلو يا بنات واخد الشنط من البواب وقفل الباب 

الكل انبهر من جمال الشقه 

مى :- لا بجد تحفه لوحه فنيه بجد 

اسر :- يارب تكون عجبتكم 

فايزه :- حلوه يا ابنى كتر خيرك 

اسر :- والتلاجه فيها اكل والتلفزيون عندكم وفى لاب توب لو حد من البنات بيحب يقعد على النت 

مى :- قشطه يا معلم دى مهمتى انا دى 

فايزه :- تعرفى تسكتى وتحطى لسانك فى بؤق شويه 

مى :- الله مش بقول رأى 

فايزه :- اللهم يطولك يا روح 

مى :- خلاص خلاص سكتنا اهو 

مها :- اسر هو انا ممكن اسألك سؤال

اسر :- اه طبعآ 

مها :- مين اللى اختار الديكور بتاع الشقه

اسر :- هههههههه ليه 

مها :- اصل الديكور بتاع الشقه رقيق جدآ فنان بجد اللى عامله 

اسر :- انا اللى اخترت الديكور وانا اللى عامله 

مها :- بجد بس انت اللى عامله ازاى 

اسر :- ماهو انا مهندس ديكور وعندى شركه صغيره هندسة ديكور 

مليكه :- اول مره اعرف انك مهندس 

اسر :- شوفتى يا ستى انكم متعرفوش حاجه عنى ازاى 

مى :- على اساس ان انت اللى عارف كل حاجه عننا يعنى 

فايزه :- يابت اتلمى 

مى :- لا إله الا الله يا حاجه ما هما بيتكلمو من بدرى معاه اشمعنا انا اللى كلامى بيعصبك 

اسر :- سبيها براحتها يا مرات عمى وبص لمى وقال اه اعرف مليكه مخلصه كلية تجاره ومها فى كلية تربيه اما انتى فى كلية صيدله 

مى :- ماشاءالله دا انت مذاكر بقى 

اسر :- مش حكاية مذاكر بس انتو بنات عمى واكيد لازم اعرف انتو فى جامعة  ايه 

فايزه :- راجل يا ابنى ربنا يحميك ويحرسك 

اسر :- شكرآ يا مرات عمى هقوم انا بقى امشى ولو احتاجتو حاجه خدو الرقم اهو اتصلو بيا فى اى وقت سلام عليكم 

فايزه :- مع السلام يا ابنى ربنا يكفيك شر طريقك يارب 

ونزل اسر من الشقه وركب عربيته وراح بيها على الفيلا

مليكه:- شكله كويس بس احنا اللى كنا ظلمينه 

فايزه :- ان بعض الظن اثم مش المفروض ان احنا نحكم على حد من غير ما نعرفه وهو فعلا شكله كويس عن ابوه وامه اخته 

مها :- بس الشقه روعه بجد وزوقها رقيق جدآ حتى العفش شكله جميل ورقيق شكله ممتاز فى شغله 

فايزه :- ربنا يزيده من عنده ويرزقه يارب

مى :- انا هخش اشوف اللاب توب اللى هو بيقول عليه ده 

فايزه :- تعالى يا اخرت صبرى خدى شنطت هدومك معاكى 

مى :- البركه فى ملوكه بقى هاتيها معاكى اللهى يسترك 

مها :- يابارده شيلى الشنطه بتاعتك علشان هى هتشيل الشنطه بتعتها 

مى :- وانتى مالك هى كانت وكلتك محاميه ليها 

مها :- انا مش عارفه انتى طالعه معندكيش دم لمين الصراحه 

مى :- لاختى الوسطانيه ههههه

مها :- ههه خفه شيلى ابت الشنطه بتعتك

مى :- هوف بقى وشالت الشنطه بتعتها 

وكل واحده اختارت اوضه ودخلت فيها ورصت هدومها فى الدولاب وفايزه دخلت المطبخ تحضر اكل ليهم 

……………………………………………………

فى شقة فهد 

كان نايم على السرير وبيشرب السجار الكوبى بتاعه 

سحر :- مالك يا باشا شكلك مش فى المود خالص انهارده 

فهد :- وانتى مالك انا جايبك هنا علشان تبسطينى ولا علشان تستجوبينى

سحر :- لا عاش ولا كان يا باشا انا قولت اطمن عليك مش اكتر

فهد :- خليكى فى حالك ومتدخليش فى اللى ملكيش فيه بعد كده 

سحر :- من عنيا يا باشا 

وقربت عليه وقالت ده انا هخليك تنسا اى حاجه شغلاك 

فهد :- ياريت 

سحر :- قربت منه اكتر واخدت السيجاره من ايده وحطتها جمبها فى الطفايه وقربت على شفايفه وباسته و(فعلو ما حرمه الله) 

وبعد وقت قام فهد من على السرير وولع السيجار وفتح الستاره وبص على الشارع وهو بيشرب السيجاره.

سحر :- وهى نايمه على السرير ومغطيه نفسها بالملايه قالت فهد باشا 

فهد :- اممم 

سحر :- كنت عايزه اسألك سؤال بس من غير ما تتعصب 

فهد :- لو بيعصب يبقى بلاش 

سحر :- لالا مش بيعصب اوى يعنى هو سأل عادى

فهد :- قولى 

سحر :- هو ليه المرادى كنت مختلف واول مره من يوم ما عرفت حضرتك متقولش الاسم اللى كنت بتنادينى بى 

فهد :- شئ ميخصيكيش 

سحر :- الا تقول عليه يا باشا 

فهد :- قومى يلا امشى 

سحر :- طب خلينى شويه لسه الليل طويل

فهد :- بصلها وقال انتى عارفه ان انا بحب اقول الكلمه مره واحده قومى يلا 

سحر :- ح.ح.حاضر يا باشا وقامت من على السرير ولبست هدومها 

فهد :- عندك فلوس فى الدورج خدى اللى انتى عايزه 

سحر :- متحرمش منك يا باشا وفتحت الدورج واخدت فلوس ومشيت 

فهد :- فكر فى كلام سحر اللى قالته وعن عدم تفكيره فى مروه وقال معقول بعد الوقت ده كله اقدرت انساها 

بس فعلا مش بفكر فيها زى الاول حتى لما اسمها بيجى قدامى مبقدش اتعصب زى الاول ياريت يكون فعلا قدرت انساها علشان اعيش حياة طبيعيه زى اى حد ودخل الحمام اخد شاور وقرر ان هو ميروحش الفيلا وينام فى الشقه 

……………………………………………………

فى شقة اسر 

الكل انتهى من ترتيب هدومهم فى الدولاب

وحضرت فايزه الاكل وحطته على السفره 

فايزه :- يلا يا مليكه انتى ومها ومى حضرت الاكل يا بنات 

مليكه :- ايوه يا ماما جاين اهو 

وخرجو التلاته من اوضهم وراحو قعدو على السفره 

مى :- اممم الاكل ريحته تحفه بقلنا كام يوم بناكل نواشف لما معدتنا نشفت من جوه 

فايزه :- طب كلى وانتى ساكته 

مى :- حاضر 

واكلو كلهم الاكل وبعد وقت انتهو من الاكل 

فايزه :- واحده تلم السفره والتانيه تغسل المواعين والتالته تعمل الشاى 

مى :- لا يا ماما انتى عارفه مليش فى الجو ده مع نفسكم انا هخش اقعد على اللاب 

فايزه :- ودينى لو ما اتلمتى واشتغلتى مع اخواتك هقوم اجيبك من شعرك وهقطعهولك 

مى :- يوووووه بقى حاضر حاضر ودخلت المطبخ مع اخواتها 

مها :- افرضى وشك على اخر اليوم 

مى :- هو كده لو مكنش عجبكم 

مليكه :- ههههههه مالك يا اوزعتى 

مى :- ماما مصممه ان اساعدكم وانا مليش فى الجو ده بصراحه 

مليكه :- طب وهتعملى ايه لما تتجوزى هتخليه هو اللى يشتغل فى البيت بدالك 

مى :- والله هو ملزوم يجيب ليا خدامه تشتغل فى البيت 

مها :- لا والله 

مى :- اه والله وبصت لمليكه وقالت ملوكه حبيبتى 

مليكه :- نعم 

مى :- تعالى نعمل صفقه 

مليكه :- ايه هى الصفقه 

مى :- انتى اشتغلى مكانى وانا هدور ليكى على شغل على النت بدل ما تنزلى وتتعبى نفسك 

مليكه :- بجد يا مى 

مى :- بجد يا عيون مى ها اتفقنا 

مليكه :- اتفقنا 

مى :- باست مليكه فى خدها وطلعت تجرى على اوضتها 

مها :- البت اكلت بعقلك الحلاوه 

مليكه :- انتى عارفه ان هى مش بتحب شغل البيت لكن انا مش بمل من شغل البيت وبحبه 

مها :- اشتغلى يا اختى واخلصى 

مليكه :- يارب تلاقى ليا شغل يا مى 

وبعد وقت انتهت مليكه ومها من شغل المطبخ وخرجو من المطبخ وكانو عملو الشاى قعدو قصاد التلفزيون وشربو الشاى 

مى :- ملوكه يا ملوكه لاقيت شغل 

مليكه :- بجد 

مى :- اه والله مدت ايديها بورقه وقالت وده العنوان بتاع الشركه 

مليكه :- اخدت منها الورقه وقرت اللى فيها وقالت شركة فريد المنشاوى الاسم ده مش غريب عليا حاسه ان انا سمعته قبل كده 

مى :- اكيد لازم تسمعى عنها دى اكبر شركه فى مصر المهم الميعاد بكره الساعه 11 انا كده تمام 

مليكه :- شكرآ يا ميزو

مى :- العفو انتى تأمرى بس يا كابيره 

مليكه :- ههههههههه مشكله 

مى :- تصبحو على خير

مها ومليكه :- وانتى من اهله 

والكل نام استعداد لليوم الجديد 

………………………………………………

#يتبــــــع……. 

فضلاً وليس امراً اترك لنا 10 تعليقات لدعمنا على النشر❤متمرده عشقت كبرياءه❤

👇البارت الــ6👇

اشرقت شمس صباح يوم جديد بنورها الساطع فى سماء الاسكندريه لتداعب بخيوطها الصفراء العيون البونيه لتفتح مليكه عنيها على صوت المنبه

مليكه :- طفت المنبه وقامت من على السرير دخلت الحمام اخدت شاور واتوضت وخرجت لبست هدومها وادت فرضها وخرجت من اوضتها وكان الكل لسه نايم فتحت الباب ونزلت وقفت تاكسى وركبته واديته عنوان الشركه ومشى بيها التاكسى 

……………………………………………………

فى شقة فهد

صحى من نومه على صوت التليفون بيبص لاقه رقم بيت جدته قام بسرعه 

ورد على التليفون وقال 

فهد :- الو 

ماجده:- ايوه يا استاذ فهد الست ناديه تعبانه اوى 

فهد :- بخوف ماشى انا هجيب الدكتور وجاى بسرعه 

وقفل التليفون وقام بسرعه لبس هدومه واتصل بالدكتور ونزل يجرى ركب عربيته وراح على شقة جدته 

فهد :- هى تعبانه كده من امته 

ماجده :- من بليل 

فهد :- انتى غبيه ولما هو من بليل ليه ما اتصلتيش بيا

ماجده :- ست ناديه مردتيتش تخلينى اتصل يحضرتك بس كنت قعده معاها طول الليل ولما لاقتها بتتعب اكتر خرجت من الاوضه وكلمت حضرتك علطول وفى الوقت ده رن جرس الباب 

فهد :- طلع يجرى وفتح الباب وكان الدكتور 

الدكتور :- خير يا فهد باشا 

فهد :- جديتى تعبانه اوى فى الاوضه من بليل 

الدكتور :- طب اهدى شويه وانا هدخل اكشف عليها بسرعه واطمنك 

وسابه ودخل الاوضه كشف عليها وبعد شويه خرج من الاوضه وجرى عليه فهد

فهد :- خير يا دكتور 

الدكتور :- الدكتور متخفش يا فهد باشا الست هانم كويسه بس هى عندها نزلت برد بس شديده شويه عليها وبحكم سنها جسمها مش مستحمله انا اديتها حقنه وهتبقى كويسه كمان شويه ومد ايده وقال دى الروشته هات ليها العلاج ده ضرورى وتمشى عليه بأنتظام وياريت تحاوله تأكله حاجه تكون سخنه مثلا شوربة خضار ومعاها فراخ مسلوقه وركزو على السوائل وان شاءالله هتكون زى الفل ربنا يخليهالك 

فهد :- طلع فلوس واداها للدكتور ووصله عند الباب وقاله شكرآ يا دكتور 

ومشى الدكتور وبص فهد لماجده وقال

فهد :- سمعتى الدكتور قال ايه ادخلى حضرى ليها الاكل زى ما الدكتور قال وانا هنزل اجيب ليها العلاج بسرعه 

ماجده :- بخوف ح.ح.حاضر ودخلت المطبخ تحضر الاكل ونزل فهد يشترى العلاج لجدته ودخل الصيدليه واشترى العلاج وحاسب عليه وهو طالع من الصيدليه تليفونه رن بيبص لاقه رقم باسم 

فهد :- ايوه يا باسم 

باسم :- ايوه يا فهد انت فين 

فهد :- وانت مالك عايز ايه 

باسم :- ياابنى انت اتأخرت والمقبله هتبدء كمان شويه 

فهد :- مش وقته يا باسم اجلها

باسم :- ما ينفعش يا فهد الناس جت امبارح ومشيتهم علشان انت مشيت واختفيت ماينفعش امشيهم انهارده كمان 

فهد :- خلاص يا باسم قابلهم انت والانسب عينه 

باسم :- يعنى انت مش جاى 

فهد :- لا مش جاى النهارده 

باسم :- ليه طيب 

فهد :- باسم اقفل واخلص مش لازم اسألتك الكتير دى 

باسم :- يبقى اكيد مع واحده شمال 

فهد :- الواضح انك اخد ان اقفل السكه فى وشك ومن غير سلام وقفل التليفون وراح يجرى على شقة جدته ودخل الشقه وفتح باب الاوضه وكانت ناديه قعده على السرير 

فهد :- ايه يا نانا بتشوفى غلاوتك عندى ولا ايه 

ناديه :- مش محتاجه اعمل كده علشان اتأكده من غلاوتى عندك علشان انا عارفه ومتأكده انت بتحبينى قد ايه 

فهد :- حلاوتك يا واثق من نفسك طب والله كل ما بتكبرى بتحلوى اكتر فينك يا حاج المنشاوى تيجى وتشوف الجمال ده كله 

ناديه :- هههههههه ولد مشكله 

فهد :- ده انتى اللى عسل وسكر وقعد جمبها على السرير ونام على كتفها 

ناديه :- باسته فى راسه وقالت ربنا يخليك ليا يا حبيبى انت اللى تملى مالى عليا دنيتى وبتسأل عليا ده حتى اخوك المعفن عمره ما فكر يرفع سماعة التليفون ويسأل عليا 

فهد :- وهو فارس من امته بيسأل على حد ده عايش لنفسه ومراته وابنه اللى حتى منعرفش شكله ايه وبس

ناديه :- اهو اخوك فارس طالع لامك بيحب المظاهر الكدابه وانانى ومش بيحب الا نفسه وبس لكن انت طالع ليا ولابوك طيب وقلبك كبير وبتحب مساعدة الكل رغم ان اللى يشوفك يقول عليك متكبر ومغرور ومعندكش قلب بس اللى يعرفك يعرف قد ايه انك واحد طيب وحنون على اللى بتحبهم حتى فى طبعك طالع شبهى عصبى ولما بتقفل معاك مش بتشوف قدامك 

فهد :- يا نانا ده انتى الحاجه الوحيده الحلوه فى حياتى انتى الشمس اللى بتنور صباحى انتى القمر اللى بينور ليلى 

ناديه :- ربنا يخليك ليا يا حبيبى 

فهد :- باس ايديها وقال ويخليكى ليا 

وفى الوقت ده خلت ماجده بالاكل 

ماجده :- الاكل اهو يا استاذ فهد

فهد :- هاتيه واطلعى انتى

ماجده :- اديت الاكل لفهد وخرجت من الاوضه 

فهد :- يلا يا حبيبتى هأكلك بأيدى النهارده 

ناديه :- لا انا هاكل وروح انت شغلك اتأخرت عليه 

فهد :- لا انا اخد النهارده اجازه وهقضي معاكى عندك مانع 

ناديه :- لا طبعآ 

فهد :- مسك المعلقه وقال طب يلا افتحى بؤق 

……………………………………………………

فى شقة اسر 

فى اوضت مها 

فتحت مها عنيها وبصت فى التليفون لاقت محمد مش متصل بيها ولا مره نزلت دمعه من عنيها وقالت

مها :- كده يا محمد اهون عليك ماتتصلش بيا كل ده ولا تطمن عليا ومسحت الدمعه بأيديها وقامت دخلت الحمام اخدت شاور واتوضت وخرجت لبست هدومها وادت فرضها وخرجت من الاوضه وكانت فايزه صحيت وبتحضر الفطار 

مها :- صباح الخير يا ماما 

فايزه :- صباح النور يا حبيبتى 

مها :- امال فين البنات 

فايزه :- مى لسه نايمه ومليكه مش عارفه فين مش فى اوضتها

مها :- اه صح انا نسيت مليكه راحت تقدم فى شركه طالبه محاسبين جبتها ليها مى من على النت 

فايزه :- ربنا معاها ويوفقها شايله هم الكل لوحدها 

مها :- طول عمرها وهى بتشيل الكل وعمرها ما اشتكت 

فايزه :- محمد مااتصلش بيكى 

مها :- بزعل لا 

فايزه :- معلش ابقى انتى صالحيه 

مها :- هصالحه فى الجامعه 

فايزه :- ربنا يسعدكم يارب 

مها :- يارب 

فايزه :- ادخلى صحى اختك بقى علشان تفطر وتلحق جامعتها

مها :- حاضر ودخلت الاوضه عند مى 

وقالت مى ميزو اصحى يلا 

مى :- مليكه بلاش اللك بتاع كل يوم ده 

مها :- انا مش مليكه يا مى انا مها اصحى يلا 

مى :- اسخم وادل نيله 

مها :- لمى لسانك وقومى 

مى :- خلصنا بقى روحى وانا جايه وراكى 

مها :- لامش هطلع غير لما تقومى وتدخلى الحمام 

مى :- هوف هوف هوف امته بقى الواحد يرتاح من كلام كل يوم ده 

وقامت دخلت الحمام وخرجت مها راحت عند امها 

فايزه :- صحيتى اختك 

مها :- اه يا ماما ودخلت الحمام 

فايزه :- ماشى خدى الاطباق حطيها على السفره 

مها :- حاضر 

وبعد وقت الكل قعد على السفره 

مى :- ماما انا محتاجه فلوس ضرورى

فايزه :- ليه ان شاءالله 

مى :- فى كتاب عايزه اشتريه ضرورى 

فايزه :- اصبرى لما معاش ابوكى ينزل 

مى :- ده لسه كتير على اول الشهر 

فايزه :- وانا اعملك ايه هجبلك منين فلوس 

مى :- خلاص لما اطلع بالماده دى متبقيش تسألينى ليه ماشى ووقفت وقالت انا ماشيه 

مها :- استنى هنزل معاكى 

ونزلو الاتنين مع بعض راحو لجامعتهم 

فايزه :- يارب افرجها من عندك يا كريم انت عندك الخير كله وقامت شالت الاطباق وبدءت فى تنضيف البيت 

……………………………………………………

عند مليكه 

وصلت الشركه نزلت من التاكسى وحاسبته ومشى وبصت على الشركه من بره وانبهرت من تصميم الشركه دخلت وسألت عن مكتب السكرتيره 

وركبت الاسانسير وطلعت الدور اللى فيه المكتب 

مليكه :- السلام عليكم 

سهر:- وعليكم السلام ايوه حضرتك 

مليكه :- انا جايه اقدم على وظيفة الحسابات 

سهر :- للاسف يا فندم اتقبل عدد محدود وهما حاليآ فى انتظار مقابلة المدير علشان يختار منهم المناسب للوظيفه

مليكه :- بزعل طب ممكن تقبلينى ودخلينى معاهم بالله عليكى 

سهر :- انا اسفه والله مش هينفع 

مليكه :- مشيت بزعل ودموعها نزلت منها على حالهم وهى ماشيه خبطت فى باسم 

مليكه :- انا اسفه ومشيت وسابته 

باسم :- البنت دى انا شوفتها فين قبل كده ووقف يفتكر وقال يا نهار اسود دى البنت صاحبة الصوره وطلع يجرى وراها 

مليكه :- ركبت الاسانسير ولسه هيقفل 

باسم :- يا انسه استنى 

مليكه :- خير حضرتك 

باسم :- انتى كنتى هنا فى الشركه بتعملى ايه 

مليكه :- وانت مال حضرتك 

باسم :- انا هنا المدير بتاع الشركه 

مليكه :- انا اسفه حضرتك بس يعنى 

باسم :- لا عادى ولا يهمك بس جاوبى على سؤالى بتعملى ايه هنا 

مليكه :- كنت جايه اقدم على الوظيفه بس السكرتيره قالت خلاص مش هتقبل حد تانى 

باسم :- اممممم فكر يعوضها عن اللى حصلها وكان ليه يد فى ان هو اللى جاب العنوان لفهد قال معاكى السى فى بتاعك 

مليكه :- ايوه 

باسم :- طب تعالى ورايا 

مليكه :- مشيت وراه باسم وهى فرحانه 

باسم :- راح لسكرتيره وقال سهر 

سهر :- ايوه يا فندم 

باسم :- هاتى الابلكيشن للانسه وخليها تدخل مع المتقدمين للوظيفه 

سهر :- بس يا فندم 

باسم :- مفيش بس اللى اقوال عليه يتنفذ

سهر :- حاضر يا فندم 

باسم :- بصى يا انسه هتحطى البيانات المطلوبه هنا وهتسلميه للسكرتيره  وبعدين هتدخلى الاوضه اللى فى الوش دى تنتظرى المقابله 

مليكه :- شكرآ ليك يا فندم 

باسم :- العفو وسبها ودخل المكتب 

ومليكه حطت البيانات المطلوبه وسلمته للسكرتيره ودخلت زى ما قال ليها باسم 

وبدءت المقابله مع اللى معاها وبعد وقت طويل ومقابلت الكل دخلت مليكه المكتب وكانت اخر واحده 

باسم :- تعالى يا انسه اتفضلى 

مليكه :- قعدت وقالت شكرآ 

باسم :- قراه البيانات بتعتها وقال

اسمك مليكه عبدالرحمن وعندك 24 سنه عزباء خريجت كلية تجاره

مليكه :- تمام 

باسم :- اشتغلتى قبل كده 

مليكه :- مره واحده ومقعدش ساعتين وسبته ومشيت لاسباب خاصه 

باسم :- لنفسه ده اتعس يوم فى حياتك ان وقعتى قصاد فهد 

مليكه :- خير يا فندم فى مشكله 

باسم :- ها لالالا خالص عمومآ السى فى بتاعك ممتاز وواضح انك مجتهده جدآ من التقدير بتاعك تقريبآ كنتى الاولى على الدفعه بتعتك 

مليكه :- فعلا كنت بطلع كل سنه الاولى على الدفعه بتاعتى 

باسم :- برافو عليكى عمومآ كده من احسن السى في اللى اتقدمت ليا هو انتى فمبدأيآ كده انتى اللى هتستلمى الشغل 

مليكه :- بجد يا فندم 

باسم :- ههههه ايوه ده هيبقى اضافه كبيره لشركتنا انك تشتغلى معانا واحده بمستواكى ده هتبقى حاجه كبيره فى عالم البزنس فى المستقبل

مليكه :- ميرسى ليك يا فندم ده شرف ليا ان اشتغل فى شركة حضرتك 

باسم :- تمام من بكره ان شاءالله تنزلى تمضى العقد وتستلمى الشغل 

مليكه :- بفرحه شكرآ ليك يا فندم 

باسم :- بالتوفيق ان شاءالله 

مليكه :- عن اذن حضرتك 

باسم :- اتفضلى 

وخرجت مليكه من المكتب وهى مبسوطه جدآ 

باسم :- يا ترى اللى انا عملته ده صح ولا غلط خايف لكون بظلمها وبرميها فى النار اللى هتحرقها بس هى شكلها قويه ومبتخفش دى عملت اللى مفيش مخلوق على الارض يقدر يعمله دى مدت ايديها على فهد المنشاوى وممكن على ايديها فهد يتغير ويرجع زى الاول واحسن 

……………………………………………………

فى الجامعه عند مها 

مها كانت قعده وهى زعلانه 

شيماء صديقة مها :- مالك يا مها 

مها :- مفيش 

شيماء :- هو ايه اللى مفيش ما بين عليكى الزعل اهو انتى زعلانه مع محمد  ولا ايه 

مها :- اممم

شيماء :- انا مش هسألك ايه السبب بس انتى فى ايدك كل حاجه 

مها :- مش فاهمه ازاى

شيماء :- يعنى لو انتى اللى مزعلاه فى ايدك تروحى ليه عند شغله وتتأسفى ليه وهو علشان بيحبك هيقدر الحركه دى منك وهينسا كل حاجه 

مها :- وافرضى كسفنى ومرضاش يصالحنى اعمل ايه 

شيماء :- انتى عبيطه يا بت محمد بيحبك وكل الدنيا دى عارفه كده وهو مستحيل يشوفك رايحه لحد عنده تتأسفى ليه ويرفض يصالحك 

مها :- هجرب بعد المحاضره 

شيماء :- بقولك ايه فكك من المحاضره اصلا الدكتور ده رخم وبيتكلم كلام كتير مش مفهوم وانا يا ستى هبقى اسجلك كل اللى هيقوله قومى بقى 

مها :- بجد شكرآ ليكى يا شيمو وبعتت ليها بوسه فى الهوا ومشيت راحت عند محمد فى المدرسه ودخلت سألت عليه وراحت ليه عند المكان المخصص ليه

محمد :- مها بتعملى ايه هنا 

مها :- واحشتينى وجيت اشوفك 

محمد :- والله وده من ايه على اساس ان انتى مهتميه بيا اوى 

مها :- طبعآ وانا ليا مين غيرك فى الدنيا دى ما انت عارف انت ايه بالنسبه ليا 

محمد :- لو سمحتى يا مها ممكن تمشى ده شغل مش مكان للغراميات بتاعتك دى 

مها :- بصدمه غراميات انا اسفه ليك يا محمد ان جيت وعطلتك بغرامياتى عن اذنك 

محمد :- مردش عليها 

مها :- بصت ليه ومشيت 

……………………………………………………

فى شقة ناديه 

قامت ناديه من على السرير هى وفهد ودخلو البلكونه وقعدو فيها 

فهد :- نانا ادخل اجيب ليكى حاجه تحطيها على كتفك 

ناديه :- لا لا الجو حلو 

فهد :- ماشى وبص على البحر وسرح فيه 

ناديه :- فهد 

فهد :- اممم نعم يا نانا 

ناديه :- هى البنت اللى ضربتك بالقلم اسمها ايه 

فهد :- مليكه بتسألى ليه 

ناديه :- ولا حاجه بس اسمها جميل اوى 

فهد :- وشكلها كمان حلو اوى لايق على اسمها 

ناديه :- اممم بجد يعنى هى عجباك 

فهد :- ها ل.ل.لا طبعآ د.د.دى بالنسبالى فريسه وقعت فى طريقى بالصدفه بس طلعت فريسه شرسه مش بتسلم للصياد بسهولا والقدر بيوقعها علطول فى طريقى 

ناديه :- يعنى انت عايز منها ايه شهوه ولا انتقام من اللى عملته فيك 

فهد :- الاتنين بس اول حاجه هتكون وسيله لتانى حاجه 

ناديه :- ايه مش فاهمه 

فهد :- يعنى انا عايزها كشهوه وفى نفس الوقت انتقم منها يبقى لما اخد منها اللى انا عايزه هيكسرها وفى نفس الوقت هكون انا انتقمت منها على القلم اللى مدت ايديها عليا بيه وعلى فكره انا طلبت ايديها وقولت اخد منها اللى انا عايزه وانتقم منها براحتى 

ناديه :- وانت عرفت ازاى انها تبقى بنت اخو الراجل اللى كنت رايح تطلب ايد بنته منه 

فهد :- انا مكنتش اعرف انها هناك اصلا واول ما شفتها قولت اكيد قريبتهم علشان كده قعدو عندهم لما اترمو فى الشارع واتفاجات ان الراجل ده بيقول انها بنت اخوه 

ناديه :- اممم يعنى انت عايز تتجوزها علشان تنتقم منها 

فهد :- طبعآ

ناديه :- هاتها ليا وانا اخليها توافق تتجوزك 

فهد :- انا معرفش هى راحت فين اخر حاجه عرفتها ان مرات عمها مشتهم من عندها فى الفيلا 

ناديه :- واللى بلغك ان هما مشيو من الفيلا مقالش هما راحو فين 

فهد :- قالى ركبو عربيه مع حد ومشي بيهم وملاحقش يمشى وراهم 

ناديه :- لا واضح انك مهتم بيها اوى 

فهد :- ها م.م.مش لازم اعرف تحركتها علشان اعرف اطلع ليها فى كل مكان واعرف انتقم منها كويس اوى 

ناديه :- عمومآ انا عارفه ومتأكده انك هتقدر توصلها واول ما توصلها حاول تجبها هنا بأى طريقه 

فهد :- وقف وقال همشى انا بقى 

ناديه :- هتروح الفيلا ولا مكان كل يوم 

فهد :- هههههه لا مكان كل يوم سلام يا جميل 

ناديه :- ربنا يهديك يا ابنى وان شاءالله هيكون قريب اوى 

فهد :- مشى وراح على الشقه بتاعته

……………………………………………………

فى شقة اسر 

وصلت مها وهى منهاره من العياط 

فايزه :- مالك يا مها 

مها :- محمد يا ماما كلمنى بطريقه وحشه اوى 

فايزه :- اتصل بيكى يعنى 

مها:- بدموع لا انا اللى روحت ليه 

فايزه :- طب اهدى بس وانا هتصرف فى الموضوع ده 

مها :- انا خايفه يا ماما ليبعد ويسبنى انا مقدرش اعيش من غيره 

فايزه :- اجمدى بس وان شاءالله خير ادخلى اوضك غيرى هدومك وانا هكلمه

مها :- حاضر ودخلت مها اوضتها 

فايزه :- مسكت تليفونها واتصلت على محمد 

محمد :- السلام عليكم 

فايزه :- وعليكم السلام 

محمد :- اذيك يا طنط 

فايزه :- الحمدالله يا حبيبى ايه مش بتيجى يعنى تسلم عليا 

محمد :- معلش يا طنط مش فاضى مشغول شويه 

فايزه :- طب انا عايزاك تيجى شويه 

محمد :- اجى فين 

فايزه :- اديته العنوان وقالت هستناك 

محمد :- ان شاءالله مع السلامه 

وقفلت فايزه مع محمد وجرس الباب رن وفتحت فايزه الباب 

مى :- سلامو عليكم يا قوم 

فايزه :- وعليكم السلام 

مى :- مالك يا حاجه مكشره ليه تبسم والنبى تبسم 

فايزه :- انا مش عارفه اشمعنا انتى للى طالعه بارده ومعندكيش احساس ولا شغاله بالك باللى بيحصل فى البيت ابدآ

مى :- وانا مالى ما كل واحد حر فى مشاكله انا هشغل بالى ليه 

فايزه :- ادخلى يا اختى ادخلى ولسه هتقفل الباب 

اسر :- اذيك يا مرات عمى 

فايزه :- اسر خير يا ابنى 

اسر :- خير يا مرات انا جاى اسأل عليكم واشوفكم محتاجين حاجه ولا لا 

فايزه :- شكرآ يا ابنى الصراحه كل حاجه موجوده فى الشقه مفيش حاجه نقصه فيها تعال ادخل 

ودخل اسر وفايزه قفلت الباب 

مى :- ايه يا كابتن هو انت هتنط لينا كل شويه ولا ايه علشان الشقه بتاعتك 

اسر :- احم مش كده والله انا قولت اطمن عليكم مش اكتر وانا اسف لو ازعجتكم

فايزه :- لا يا ابنى اقعد ده انت تيجى فى اى وقت وبصت لمى وقالت يابت احترمى نفسك ولمى لسانك بدل ما اقطعهولك 

مى :- انا مالى انتو حرين 

فايزه :- كويس انك جيت خطيب مها جاى دلوقتى تقعد معا 

اسر :- حاضر يا مرات عمى 

مها :- خرجت من اوضتها وهى دموعها على خدها 

اسر :- اذيك يا مها 

مها :- اذيك يا اسر 

اسر :- مالك 

مها :- مفيش 

فايزه :- مشكله صغيره ما بينها وبين محمد 

اسر :- مفيش حاجه فى الدنيا تسوى دمعه من عيونك يا مها 

مها :- شكرآ يا اسر 

مى :- غمزت لاسر وقالت ايه النظام

اسر :- ايه مش فاهم قصدك ايه

مى :- ها ولا حاجه

وفى الوقت ده جرس الباب رن 

فايزه :- بصت لمى وقالت قومى افتحى تلاقيه محمد 

مى :- حاضر وقامت فتحت الباب 

مليكه :- ميزو حبيبتى انا اشتغلت خلاص 

مى :- بجد فى الشركه اللى جبت ليكى العنوان بتعها 

مليكه :- اه 

مى :- مبروك يا ملوكه 

ودخلت مليكه ومى قفلت الباب 

مليكه :- السلام عليكم اذيك يا اسر 

الكل :- وعليكم السلام 

اسر :- الحمدالله يا مليكه 

مليكه :- بركولى انا خلاص اشتغلت 

فايزه :- مبروك يا حبيبتى 

اسر :- مبروك يا مليكه اشتغلتى فين بقى 

مليكه :- فى شركة ف 

وفى الوقت ده رن جرس الباب وقطعت مليكه كلامها 

فايزه :- افتحى يا مى تلاقيه ده محمد 

مى :- حد قالكم ان انا البوابه هنا ولا ايه 

فايزه :- اخلصى يا بت 

مى :- هوف حاضر وراحت فتحت الباب 

وقال طنط تعالى اتفضلى 

فايزه :- مين يا مى 

مى :- دى طنط ام محمد 

فايزه :- راحت سلمت عليها وقالت اتفضلى يا حبيبتى 

ام محمد :- لا شكرآ بس انا كنت جايه اخد الشبكه بتاعت ابنى وكل شئ قسمه ونصيب 

مليكه :- ليه كده يا طنط المشكله مش مستاهله كل ده

ام محمد :- معلش يا حبيبتى مفيش نصيب 

مها :- اتفضلى يا طنط وابنك ده مش فارق معايه اصلا وسابتهم ودخلت 

ام محمد :- شكرآ بالاذن بقى واخدت الشبكه ونزلت من على السلم 

اسر :- مها 

الكل بص على صوت اسر لاقو مها وقعه على الارض طلعو يجرو عليها 

اسر :- مى هاتى ازازة برفان بسرعه 

مى :- حاضر وطلعت تجرى وجابت ليه ازازة البرفان 

اسر :- رش البرفان على ايده ومشى ايده تحت مناخيرها 

فايزه :- بدموع مها فوقى يا مها 

مليكه :- بصت لاسر وقالت هى مش بتفوق ليه 

اسر :- شالها وسأل على اوضتها ودخلها الاوضه بتعتها واتصل على الدكتور 

………………………………………………

#يتبــــــــع…… 

تكملة الرواية هناااااااااااا