رواية حب وانتقام البارت1-2-3-4-5كامله بقلم جهاد خالد

رواية حب وانتقام البارت1-2-3-4-5كامله بقلم جهاد خالد

چين طالعه على السلم سمعت جوزها بيتكلم ف الموبيل مع واحده

رامى. ايه يا حبيبتى لا دا انت كدا بعيده اووى عن البيت انا مراتى مش هنا هنزل و اجيلك باى و قفل معاها و نزل علشان يروحلها

چين بدموع استخبيت علشان ما يشوفهاش طلعت ف الدور الخامس لحد ما نزل و نزلت وراه علشان تشوف مين ال رايح ليها

رامى نزل من العربيه و راح ل بنت جميله و هاديه و دخلوا قاعدوا فى كافيه

چين دخلت وراه و راحت سلمت عليهم.

رامى بارتباك. چين ا ا انت ب بتعملى ا ايه هنا

چين بدموع. و لا حاجه بشوفك بس على حقيقتك و وجهه كلامها للبنت ال قاعده و انت بقا مين

خديجه بابتسامه. انا خديجه زميلته ف الشغل

چين. ااه انت ال عنده على الواتس ال بيمسح الكلام ال ما بينكم امم انت بردو ال بتصلحى ما بينا ايوا صح انا كدا فهمت قعده على الموبيل 24ساعه بيعمل فيها ايه على العموم و بتنهيده. طلقنى يا رامى

صاحب الكافيه جه و شاف الحوار من بدايته

وتين. بابى فى ايه

ادم (صاحب المكان). مفيش يا حبيبى و راح ل رامى . يا استاذ مينفعش كدا تقدر تتفضل و تتكلموا بره

چين بصتله و هى حاسه بوجع ف بطنها لأنها حامل ف الشهر السابع. ا انا اسفه سيبهم قاعدين ال مش منهم انا ال هطلع و بصيت ل رامى اول ما أولد تبعتلى ورقه طلاقى. و مشيت

وتين جريت وراها. طنط طنط

چين مش حاسه ب حاجه قدامها

ادم طلع يجرى ورا بنته

و رامى و خديجه طلعوا ورا چين

وتين. مسكت ف فستان چين. طنط استنى

چين و التعب زاد عليها و فضلت تصرخ

ادم جرى عليها . مالك فيكى ايه

چين بوجع و دموع. ابنى و فقدت الوعي

ادم بصوت عالى بينادى على سفيان يجيبله العربيه

رامى بغضب. ابعد عن مراتى انا ال هوديها المستشفى

ادم بغضب و الدم بيغلى ف عروقه. مراتك ياريت متقولش كدا انت خاين

سفيان. يلا يا بيه

ادم شال چين و ركبها و وتين ركبت جمبهم و بتعيط

و راحوا اقرب مستشفى

رامى بجنون. ركب عربيته و خديجه جنبه و راحوا وراهم

ادم راح مستشفى و شالها و دخل يزعق الحقوها الحقوها.

جت دكتوره رباب. حاضر حاضر بتبص لقيت مايه كتير

رباب. دى ولاده جهزوا اوضه العمليات بسرعه

بعد ساعتين

رباب بحزن. لاسف المريضه ....؟........

رباب بحزن. لاسف المريضه بتنزف جامد و خسرت دم كتير و محتاجين ننقل ليها دم

رامى بخوف و قلق عليها. انا انا نفس فصيله دمها

ادم بصله بقرف. فصيله دمها ايه يا دكتور

رباب. A

رامى بغضب. اسحبى منى انا يلا

ادم بصله بحده و نده على الأمن و أمرهم ياخدوه بره الأمن اخدوه بره و هو بيزعق معاهم

ادم بص ل رباب. يلا يا رباب انا زيها و اسحبى منى ال هى محتاجه

رباب بصتله ب استغراب. حاضر يا آدم و سحبت منه

وتين بتساؤل طيب و النونو

رباب. جابت ولد زى القمر بس لازم يدخل الحضانه لحد ما حالته تستقر ادعيلهم يا توتى ماشى

وتين رفعت أيدها الصغيره. يارب يكون كويس يارب و طنط تكون كويسه

رباب اخدت الدم وراحت تكمل باقى العمليه

ادم ل نفسه. ياااه بعد كل السنين دى اتجوزت واحده متعرفش يعنى ايه زوجه او حتى ام كل همها الخروج و الفسح و ف الآخر تيجى عندى الكافيه مع ال حبيته و يطلع ال بتحبه هو زوج المسكينه ال جوا و بحقد انا لازم انتقم منكم كلكم على ال عملتوا معايا و مش هرحم حد

رامى واقف بره بغل. هو مين دا و ليه بيعمل كدا دى مراتى انا

خديجه بدموع. انت مالك زعلان كدا مش كنت بتقول خلاص مش بقيت تحبها

رامى بصلها. دى مراتى فاهمه يعنى و عمرى ما هسيبها دى قبل ما اكون بحبها هى مراتى و بتنهيده عارفه طول عمرها بتشك فيا من يوم ما اتجوزنا و هى بتحلم أن بخونها رغم أن مكنتش بخونها و لا حاجه هى ال كانت بتفكر كدا لحد ما قبلتك يا خديجه ف الشغل و انت شغلتى تفكيرى فعلا بقيت بفكر فيكى بقيت اكلمك و هى موجوده على الواتس و لما تسالنى بعمل ايه اقولها بتفرج على الفيس و اوريها الفيس و انا بكون بكلمك و ضحك ضحكه سخريه هى ماكنتش بتصدق بس بتكبر دماغها و فرت دمعه منه و مسحها

خديجه بدموع. عارف انا كنت بحبك من زمان اوى من قبل حتى ما تتجوز بس اهلى جوزونى ادم ال جوا دا و جبت منه وتين من يوم ما اتولدت و انا ما شوفتهاش محستش أن أمها مضمتهاش ليا مكنتش متقبلها و لا متقبله ابوها لأن ببساطه كنت مغصوبه عليه

رامى بصدمه. ال جواه دا طليقك

خديجه بدموع. اه

رامى بغضب. طيب هو ما له و مال مراتى

خديجه. انا ال بدءت النار و انا ال هدفع التمن ف الآخر

رامى بغضب. بس انا عايز اطمن على چين و ابنى

خديجه بابتسامه. ثوانى و اتصلت على حد داخل المستشفى. الو چين ال دخل بيها ادم عامله ايه و البيبى

روز. كويسه يا مدام النزيف وقف و البيبى ف الحضانه لأن نزل قبل معاده ف ادعيلوا يقوم بالسلامه

رامى بتنهيده. الحمدلله

خديجه قفلت و بصت ل رامى. ادم مش هيسبنا ف حالنا و لا هيسيب چين ف حالها

رامى بغضب. و هو ماله ب مراتى و ابنى

خديجه. هو عارف چين من زمان

رامى بغضب. نعااااام

رامى بغضب. يعرف مراتى منين و چين تعرفه

خديجه بخوف. اه تعرفه و كانوا بيتقابلوا كمان ف ف الكافيه ادم التانى اومال هى عرفت منين انك بتقابلنى هنا اكيد ادم قالها

رامى و عروقه برزت من كتر الغضب و عيونه بطلع شرار. چين بتقابله طب ليه و من أمته الكلام دا و انا نايم على ودانى علشان كدا هو ال اتبرع ب دم ليها يعنى هو عشيقها والله ما ههنيهم

خديجه بدموع. رامى انت عاوز تنتقم انت مش هتجوزنى مش وعدتنى

رامى بشر. هو دا وقته

خديجه. يعنى كنت بتضحك عليا

رامى بحنيه و تنهيده. لا انا بحبك و هتجوزك يا خديجه بس لازم انتقم من الاتنين و ابنى لازم اخده

خديجه باستغراب. طيب ما انا سايبه بنتى مع ادم سيب انت ابنك مع چين

رامى بغضب. و اسيب ابنى يتربى بعيد عنى ليه ملوش اب

خديجه بتفكير. طيب نتجوز الاول و بعد كدا نرفع قضيه و ناخد الولد

رامى بتنهيده كلها كره. ماشى يلا علشان اوصلك

خديجه بفرحه. ماشى

رباب. ادم چين فاقت بس انا عايزه افهم مين دى و ليه عملت كل دا علشانها

ادم باستعجال. مش وقته يا رباب بعدين ابقى اقولك انا هدخل ليها

چين فاقت و حطت أيدها على بطنها. ابنى ابنى حصله ايه

ادم دخل. أهدى أهدى انت ولدتى و انت ف السابع ف البيبى هيفضل ف الحضانه شويه لحد ما يبقى كويس

چين بدموع. عايزه اشوفه

ادم. مش هينفع

چين. لا لازم اشوف ابنى و بتحاول تقوم

ادم مسكها و قعدها و قالها خليكى ثوانى انا هتصرف

ادم طلع و راح الحضانه.

الممرضه. اتفضل يا آدم بيه هو دا ال بيبى ال مدام چين ولدتوا

ادم صوروا و راح ل چين. اهو يا ستى الاستاذ كويس اهو مفهوش حاجه

چين اخدت الموبيل و فضلت تعيط. يا حبيبى يا بنى انا اسفه انا السبب ف ال انت فيه

ادم بحزن عليها. أهدى يا مدام هو كويس

چين و افتكرت. رامى رامى فين

ادم بغضب. طردته بره المستشفى

چين باستغراب. ليه هو ليه حق يشوف ابنه

ادم باستهزاء. هو بعد ال عملوا فيكى بتفكرى فيه ال زى دا لازم تطلقى منه

چين باستغراب و حزن. أطلق مش لدرجه الطلاق هو اكيد هيرجع عن ال بيعمله و هيرجع لبيته و ابنه انت متعرفش هو كان مستنيه اد ايه

ادم بتعجب منها. انت بتهزرى انت مش عايزه تطلقى

چين. لا انا بحبه و عمرى ما هطلق منه بس لازم ياخد درس كدا علشان ميعملش كدا تانى

ادم و حس بنغزه ف قلبه. بتحبيه و مش عايزه تسيبيه

چين بحب. اه بحبه انا زعلانه منه اوى اوى بجد بس انا عارفه أنه مش هيعمل كدا تانى احنا اتخطبنا و جوازنا كان صالونات بس اتحول ل حب كبير اوى و أن شاء الله ربنا يبعد الشيطان ما بينا

ادم لنفسه. بجد يا بختك يا رامى الاتنين بيحبوك طلقيتى و مراتك بس انا لازم ابعدكوا عن بعض ما تاخدش كل حاجه لوحدك

چين بتنهيده. يا استاذ لو سمحت دخل جوزى بعد اذنك

ادم و فاق من شروده. ماشى

ادم كلم الأمن يدخلوا رامى

الامن. استاذ ادم استاذ رامى مشى من شويه هو ال كانت معاه

ادم بضحكه. ههه ماشى و دخل ل چين. جوزك مشى هو و ال كانت معاه و ما اهتمش و قبل ما يكمل كلامه

الامن اتصل. استاذ ادم استاذ رامى وصل و عايز يدخل

ادم بقرف. طيب دخله

رامى دخل و هو كله غضب و راح اوضه چين و فتح الباب بهمجيه

چين بفرحه و دموع . رامى

رامى بغضب و مسك شعرها وووو..........

رامى بغضب و مسك شعرها. انا بتخونينى انا مع دا ليه عملتلك ايه علشان تخونينى و ياترى وصل بيكوا ل حال لحد فين و لا يكون الولد ال اتولد دا ابنه

چين بصدمه ضربته ب القلم. انت قليل الادب انت مفكر أن ال بتعمله انا بعمل زيه

ادم واقف مستغرب الكلام ال بيقولوا.

رامى بعد عنها و هو كله غضب. بتضربينى علشان عرفت حقيقتك و خيانتك ليا احب اقولك انك طاالق يا چين و مش عايز اشوف وشك تانى و اشبعى ب ابنك كمان

ادم بفرحه بيحاول يداريها و بخبث. تؤ تؤ انت كدا سايب باب امل انك ترجع ليها طلقها ب التلاته علشان تخلص

رامى بغضب عارم و بيبصله بغيظ. فعلا عندك حق و بصلها انت طالق بالتلاته يا چين و سابها و مشى و قبل ما يمشى سال على مكان الحضانه

رامى. البيبى ال لسه مولود من چين فين

روز. هو دا يا فندم

رامى دموعه نزلت. ابنى ينفع اشيله

روز. لا لاسف يا فندم لازم تشوفوا من بره لأن حالته حرجه ز مينفعش يطلع هنا على الأقل شهر

رامى مسح دموعه و بتنهيده. ماشى و خرج بره المستشفى

چين بتعيط و مش عارفه تبطل

ادم ل لحظه صعبت عليه و ندم على ال عمله. احم يا استاذه انا اسف ب

چين بصتله بغيظ. انت ايه انت شيطان ليه تعمل كدا و هو جاب الكلام دا منين انا هاخد ابنى و اسافر و مش هخلى حد يعرف مكانى فين

ادم بندم. ابنك قدامه على أقل شهر علشان يطلع من الحضانه و بعد كدا هوديكى للمكان ال انت عاوزاه

چين بغيظ. انا مش عايزه منك حاجه اصلا انت مين علشان تدخل ف حياتى انت علشان تقول قرارات من دماغك خليك ف حالك و ابعد عنى انا و ابنى خلاص كدا جوزى و طلقنى ب التلاته علشان رغبتك في سيبنى فى حالى بقا اطلع بره و بصويت اطلع بره بقولك اطلع برااااااا

ادم طلع و دموعه مش عايزه تقف و لنفسه. انا غلطان انا غلطت أن عملت كدا هى ملهاش ذنب انا بنتقم منها هى ليه انا انانى اوى اوى

وتين راحت ل ادم. بابى انت بتعيط و مسكه رأسه

ادم و بيمسح دموعه. لا يا قلب بابى مش بعيط

وتين بتحضنه. معلش يا بابى النونو هيكون كويس و طنط هتكون كويسه

ادم و افتكر. انت ليه كنتى بتجرى وراها و هى طالعه من المطعم

وتين ببراءه. اصل هى كانت بتعيط يا بابا كنت عايزه احضنها و اطبطب عليها زى ما عودتنى

ادم حضنها. انا ال محتاج الحضن يا وتين

وتين حضنته جامد و بعد كدا بعدت عنه. بابى تعالى معايا الحضانه اشوف النونو

ادم اخدها وراح وبيشاورلها عليه. هو دا

وتين. دا صغنن اوى بابى هو بيعيط اكيد جعان

ادم نده على الممرضه. لوسمحتى هو انتو مش هتاكلوا

الممرضه. الطفل الحمدلله سليم و عملنا كل الفحوصات و هو كويس جدا هاكله دلوقتى و هيقعد اسبوع و بعد كدا تقدروا تاخدوه بس الاسم هيكون ايه

ادم. يوسف

الممرضه. تمام يوسف ايه

ادم بتنهيده. يوسف رامى توفيق

الممرضه. تمام

ادم راح هو و وتين عند چين

چين بصتله بغضب. عاوز ايه

وتين راحت عندها. طنط عامله ايه

چين بصتلها. الحمدلله يا قمر انت عامله ايه

وتين. الحمدلله يوسف حلو خالص شبهك اوى

چين باستغراب. يوسف مين

وتين. ابنك

چين بصدمه. هو انتو سميتوا ابنى كمان ما شاء الله

ادم بضحك رغم زعله. معلش انا قولتلهم الاسم ال من ساعه ما دخلتى تولدى و انت بتقولى يوسف ابنى علشان كدا قولتلهم عليه

چين بقرف. ماشى اتفضل اطلع بره بقا

ادم باحراج. امم ماشى يلا يا وتين

چين. لا سيبها معايا

ادم. طيب و خرج

وتين. انت حلوه اوى يا طنط تعرفى كنت بشوف صوره بتاعتك مع بابا

چين بصدمه. ايييه