رواية عصابة مجانبن الحب كامله البارت 11-12-13-14-15-16الاخير بقلم نور محمد
11
كمال بخبث:تمام انا عاوزك تسيب قصرك الكبير وتاجي تسكن هنا في الحاره دي
مراد بصدمه:نعم انت بتقول ايه!!!
حازم بخبث:الي سمعته يامراد باشا عندك خيارين بس مفيش تالت تجيب شقه هنا في العماره دي وتسيب قصرك كله علشان فيروز تفضل جنبنا هنا او احنا هنتصرف وممكن فيروز تخلعك بعدين عادي
مراد سمعته ومقدرش يرد فقربت منه فيروز بترجي
فيروز:وافق يامراد والنبي علشان خاطري انا وكده هنبقى عيله كبيره وحلوه اوي
مراد ركز في عيون فيروز وشاف لمعه السعاده في عينها فمقدرش يقاوم اكتر
مراد:تمام انا موافق لان ثروتي الحقيقه هي فيروز وانا ممكن اسيب كل شئ في سبيل فيروز تبقى جنبي علطول
كمال بفرحه:تمام فيروز هتبقى هنا وانت بكره تجيب مامتك وحجاتكم لشقه الي قدامنا دي بتاعه اخويا الله يرحمه
مراد:تمام ياعمي كلامك اوامر سلام عليكم
خرج مراد فتقدم حازم وربت على كتف بباه
حازم بفرحه:الف مبروك يابابا فيروز رجعت لحضنك تاني مع اني مش طايق الواد مراد ده بس حاسس انه جدع وبيحبها اوي مش زي بباه يوسف
كمال بفرحه:عندك حق ياحازم لانه كان يقدر ميجبش فيروز هنا تاني ويفضل حابسها بعيد عني بس هو فضل سعادتها على كل شئ
فيروز:بابا مراد طيب اوي مش زي خالي يوسف هو احلا واطيب منه سامحه ارجوك يابابا
كمال قرب اخدها في حضنه بحب:انا مستعد اعمل اي حاجه علشان سعاده اميرتي فيروز
فيروز ابتسمت بحب في حضن بباها وحازم كان بيبص عليهم بسعاده وحب وبعدها افتكر حاجه مهمه فخرج بسرعه من البيت
***************
في شقه ادهم في الصالون
ادهم:وانت هتسيبه يقعد معانا هنا كمان بعد كل الي عرفته ده ياحازم
حازم:انا المهم عندي سعاده بابا وفيروز بس ياادهم وكمان انا شايف انه جدع ورجوله علشان كده هختبره هنا وبعدها نشوف
ادهم:تمام الي تشوفه انت طبعا ياصاحبي
حازم بخبث:طب ايه مش كفايه كده بقى واجوزت البت كفايه تمثيل بقى لغايه كده
ادهم بمكر:ليسه ياحازم لازم اطلع عليه كل الي شوفته منه انا يسجني حسام كرشه ده بس صبرك عليا بس وهتشوف هعمل ايه ليسه معاه
حازم:بص ياادهم انا ساعدتك من الاول لانك قولت بتحب حبيبه اوي وانا حبيت اجمعك بيها وقصدي خير وعلشان انت اخويا مش ابن خالي.. بس انا شايف انك كده هتخسرها من ايدك ياأدهم صدقني لو هي عرفت الحقيقه بعدين
ادهم:انا فاهم ده كله ياحازم بس انا حاسس انها بدءت تحبني زي مانا بحبها كمان وخلاص قريب اوي هقولها الحقيقه اني مش تعبان والا حاجه بس بمثل علشان..
قاطع كلامه صوت حاجه بتتكسر قدام الباب فالتفت ادهم ليها بسرعه
ادهم بخوف:حبيبه انا هفهمك والله كل حاجه بس
حبيبه بدموع:طلقني ياادهم
ادهم بصدمه:اي انتي بتقولي ايه؟!
حبيبه بغضب ودموع:بقولك طلقني يادهم لانك شخص غشاش وانا مستحيل افضل معاك دقيقه تاني
ادهم قرب منها بخوف:حبيبه اسمعيني انا عارف اني غلطت بس اسمعي الاول انا ليه عملت كده ده كله لاني بح
حبيبه بعصبيه:مش عاوزه اسمع منك حاجه تاني كفايه بقى كذب انا هروح عند بابا وورقتي توصلني هناك يادهم
حبيبه سابته بدموع وخرجت بسرعه وادهم بص في اثرها بصدمه كبيره فقام حازم وقرب منه
حازم بحزن عليه:انا قولتلك ياصاحبي هيحصل كده من الاول وانت مش صدقتني
ادهم بدموع:لا ياحازم انا بحبها ومتأكد انها كمان بتحبني وهثبت ليك الكلام ده فورا
ادهم خلص كلامه وخرج بسرعه وحازم جرى وراه لانه عارف انه مجنون وممكن يعمل اي حاجه مجنونه في نفسه
*********************
وفي منزل حبيبه كانت في حضن مامتها وهي منهاره اوي
هدى بحنيه:اهدي ياحبيبتي مش كده هو مش يستاهل تعملي في نفسك كده علشانه
حبيبه بدموع:هو كذاب ياماما كذب ومثل عليا وانا صدقته زي المغفله كمان
حسام بغضب:بقى انا الصايع ده يضحك عليا كده طب وديني لاكون سجنه عندي ومعلمه الادب ازاي
هدى:خلاص يابو حبيبه المهم دلوقتي حبيبه بس ياخويا
حسام:انا بنتي هتفضل هنا عندي لغايه مايطلقها الحيوان ده وانا لا هو ابن السنغاري و
سكت حسام على صوت الباب فطلع يفتح الباب بسرعه فجأه لقى قدامه جاره في نفس العماره
جار حسام بخوف:اللحق ياحسام باشا الواد ادهم ابن خال المعلم حازم واقف فوق سطح العماره وحالف لير*مي نفسه من فوقها كمان
حبيبه سمعته وقامت مفزوعه وحسام انصدم
حبيبه بخوف حقيقي:انت بتقول ايه؟!! عاوز ير*مي نفسه ازاي؟!!
يتبع..
12
حبيبه بخوف حقيقي: انت بتقول ايه عاوز ير*مي نفسه ازاي؟!!
فوق سطح عماره كان حازم بيحاول مع ادهم علشان ينزله
حازم بخوف:يبني اعقل تر*مي نفسك ازاي بس مد ايدك ياادهم ليا بسرعه ربنا يهديك
ادهم باصرار:ابعد عني ياحازم او هر*مي نفسي فورا والله محدش يقرب مني
حازم:طيب اهدي الاول كده انت عاوز ايه وانا هعمله المهم إنزل وريحني
ادهم بصوت عالي:عاوز الحاره دي كلها تسمعني حبيبه بنت الظابط حسام مراتي ياحاره نعيده تاني حبيبه بنت الظابط حسام مراتي على سنه الله ورسوله والحاضر يعلم الغايب
حازم بضيق:تمام ارتحت بعد ما أشهرت جوازك باطريقه الغريبه دي في الحاره والمناطق المجاوره كمان انزل بقى من عندك
ادهم:لا ليسه انا عاوز حبيبه تطلع هنا قدام الناس دي كلها وتقول انها مسمحاني او انا مش هنزل من هنا
حسام خرج بسرعه بعد ماشاف الحاره كلها قدام العماره بتاعته
حسام بضيق:في ايه منك ليه متجمعين عند النبي ياجماعه خير
احد سكان الحاره:مفيش ياباشا بس الواد ده أشهر جوازه من بنت حضرتك قدام الحاره والكل سمع وكمان بينادي عليا تاجي
حسام بص فوق على ادهم بغضب وهو هيفرقع حرفيا منه
حسام بغضب:انزل يابن الكل*ب كفايه فضايح الي عملتها ياحيوان
ادهم سمعه فتعصب وقال بصوت عالي:طب والله لأر*مي نفسي من هنا بسببك ياحسام واشيلك زنبي بعدين
طلعت حبيبه على صوت بخوف فلقت ادهم على حافه السطح العماره
حبيبه بخوف:ادهم انت بتعمل ايه عندك يامجنون انزل بسرعه
ادهم بفرحه وضيق:اخيرا شرفتي ياهانم وانا هنا مستني من زمان بصي ياحبيبه انا عارف اني غلطت بس عملت كل ده لاني بحبك والله بحبك اوي
حبيبه احرجت جدا من كلامه قدام الناس ومردتش من كشوفها وحسام جاب اخره من ادهم
حسام بغضب:والله ياادهم لو مش نزلت فورا ورجعت عن جنانك ده يازباله لاكون سجنك عمرك كله سامعني
ادهم بعند: طب والله ما نازل ومش مهم ياحمايا انا خلاص بقيت رد سجون ومش فارقه معايا اصلا
حازم:ابوس ايدك ياادهم كفايه فضا*يح بقى الحاره كلها تحت بتتفرج عليك
ادهم بصوت عالي :وماله ياحبيبي خلي الكل يتفرج عادي بت ياحبيبه اسمعيني كويس انا عملت كده بسبب ابوكي حسام يابت هو السبب والله مش طايقني من اول ماشافني كأني اجوزت امه.. سكت ادهم بعد مااخد باله من كلامه فكمل بأسف وخوف
لامؤخذه ياحمايا زلت لسان والله سامحني مش اقصد اجيب سيرة أم حضرتك اقسم بالله و انت عارف اني بحبك قد ايه
حسام بص عليه بغيظ وضيق وكان حرفيا على اخره من ادهم والناس بقت خايفه لأدهم بجد ير*مي نفسه قدامهم فقرب احد سكان الحاره من حبيبه علشان تلم الموضوع بسرعه
احد السكان:يامدام لو سمحتي سامحيه بقى معليش خلينا نخلص انا حالي واقف بسبب المشكله دي
ادهم كان فوق مراقب حبيبه بعينه واول ماشاف الشخص ده قرب منها اتعصب والدم غلي في عروقه
ادهم بغضب جحيمي:انت ياض ياابو صل'عه ابعد متر كده للخلف زي الشاطر ومتجيش جنب مراتي تاني يالااا احسن انزل انف'خك بلونه ياحيل"تها سامعني كويس
حبيبه ابتسمت بحب على غيرة ادهم عليا قد ايه هو شعور جميل لما تلاقي حد بيحبك لدرجه دي و الشخص ده بلع ريقه بخوف من ادهم وبعيد عن حبيبه بسرعه
حازم بغضب:هو ده وقت غيره يابارد انزل ياض بقى طلعت عيني معاك
ادهم:اهدي ياحازم ليسه مسمعتش منها الرد اتقل
حسام بضيق:معليش يابنتي قوليله مسامحاك خلينا نخلص سيرتنا بقت على كل لسان بسبب المجنون ده
ابتسمت حبيبه وقالت بصوت عالي:خلاص يادهم مش زعلانه منك والله بس انزل بسرعه و ومتتعبش قلبي عليك
ادهم فرح اوي وكان هينزل بس وقف مكانه تاني
ادهم بخبث:حاضر هنزل والله بس عاوز اسمع منك كلمه قبل مانزل انا عارف ومتأكد انك كمان بتحبني زي مانا بحبك ياحبيبه ونفسي اوي اسمعها منك دلوقتي ياقلبي
حازم بعصبيه:وهو ده وقت مح'ن برو*ح امك انزل ياض وخلصني خلصت رو*حك
ادهم بعند: طب والله مانا نازل من هنا قبل ماسمعها منها وانتو احرار بقى
حازم بضيق:ابوس ايدك يامدام حبيبه خلصينا انا عندي شغل كتير في الورشه مش فاضي
حبيبه بصوت عالي:خلاص ياادهم انا بحبك والله بس انزل بقى وريحنا
ادهم بفرحه كبيره:انتي قولتي ايه قولي تاني كده والنبي
حازم بعصبيه:اخلص ياادهم احسن والله هجيبك من رقب'تك انا على اخري منك
ادهم ابتسم على عصبيه حازم وطلع على السطح بامان اول ماشافه حازم قدامه نزل فيه ضرب
حازم:بقى انا يابن ال*** افضل مشعلق كده علشانك يازباله يا****
ادهم بألم:خلاص خلاص والنبي كفايه ياجدع دنا عريس جديد حتى حرام عليك
حازم بغضب:حرمه عليك عيشتك يابعيد يابارد يالى مش عندك كرامه او د'م يا....
ادهم بستفزاز : تمام ماهو كله مسموح في الحب والحرب كمان ياحبيبي ابعد بقى خليني انزل اشوف مراتي ونرجع نكمل سوى بعدين سلام
فر ادهم بسرعه من قدامه ونزل جري على تحت لقى حبيبه قدام الشقه فجرى عليهاا بحب وحضنها بقوه
ادهم: والله العظيم بحبك اوي من اول ماسمعت صوتك دخلتي قلبي بدون استئزان كمان
حبيبه مقدرتش تقاوم هي كمان لانها بجد حبته من اول مانقذها في اليوم ده قلبها تعلق بيه
اجه حسام اول ماشافه سحبه بقوه وضربه كف قوي
حسام بغضب:ده علشان كذبت عليا ياصايع
ادهم بص عليه بغيظ وغضب بس حاول يتمالك اعصابه وفجأه لقى حسام حضنه بقوه فوسعو عنيه بصدمه
حسام بخوف:وده لانك خوفنا عليك اوي يامجنون حد يعمل كده في روحه علشان وحده بيحبها
ادهم بدموع:والله ياحمايا بحبها اوي صدقني مش بكذب عليك انا مستعد اعمل ايه حاجه بس انت تصدقني
بعد حسام ببسمه:وانا مصدقك يامجنون اصل مستحيل حد يعمل جنانك ده كله الا لما يبقى بيحبها اوي كمان وانت كبرت في نظري اوي من يوم الي انقذتها فيه وانا مصدقك وواثق فيك
تعرف ياولد يادهم انا من الاول مش كونت طايقك ليه لاني كونت فاكر انك ولد صايع عاوز تتسلي وتلعب بس معانا ولكن دلوقتي انا متأكد انك بجد بتحب حبيبه وهتحافظ عليها كمان
ادهم بفرحه:بجد ياحمايا يعني صافي ياللبن دلوقتي
حسام:ايوه خلاص انا مسامح وفرحان اوي انك جوز بنتي كمان
قرب ادهم بحب وحضنه بفرحه:حبيبي حبيبي حبيبي ياحمايا والله والقلب من جوه
بعد حسام عنه:خلاص ياواد كفايه هتخليني اغير رأيي تاني
ادهم:لا ابوس ايدك خلاص والله توبه وهبقى مؤدب كمان
دخل حسام شقته:ربنا يهديك يامجنون
ادهم بص على حبيبه بعد مادخل ابوها بخبث
ادهم بخبث:ايه ياجميل تحب نكمل كلامنا هنا او جوه انا مش عندي مانع
حبيبه بكسوف:ابعد يادهم عن طريقي كفايه الفضايح النهاردا
ادهم بمشاغبه:طريقك هو قلبي ياغزالي وراك وراك لحد مانوصل معاك استني يابت ليسه مخلصش الشعر بتاعك
ضحكت حبيبه عليه ودخل شقتهم تاني وادهم دخل خلفها
***********************
في الليل في شقه حازم
حنان:حضرتي العشاء ياشمس يابنتي
شمس:ايوه يامرات عمي كله جاهر
حنان:تمام رني على حازم ياجي علشان نتعشى سوى
شمس:انا رنيت عليه بس فونه مغلق يامرات عمي
حنان:طيب معليش انزلي نادي عليه ياجي ياشمس
شمس:حاضر يامرات عمي فورا
دخلت شمس اوضتها ولبست العبايه سمره وطرحه ونزلت تنادي على حازم من ورشته وصلت ووقفت على الباب بس قبل ماتنادي عليه سمعت الي صدمها بجد
جوه الورشه كانت في بنت حاضنه حازم بقوه وهي بتعيط
البنت بعياط:كفايه والنبي كده ياحازم كفايه انا عارفه انك بتحبني اوي ومن زمان كمان كفايه تمثيل بقى دور التجاهل ده معايا انا خلاص كلمت بابا وهو وافق عليك والله علشان انا بحبك اوي ارجوك كفايه تمثيل بقى وخلينا نرجع زي زمان ياحازم
شمس كانت واقفه على الباب ودموعها نزلت زي الشلال ومش مصدقه الي بتشوفه عنيها او بتسمعه ازنها
شمس بدموع:حاازم
فاق حازم وبص قدامه بصدمه حقيقه لما لقى شمس بالحاله دي قدامه نفض البنت بقوه بعيد عنه وجرى على شمس
حازم بخوف:شمس صدقيني الموضوع مش زي مانتي فا...
شمس بمقاطعه ودموع:طلقني ياحازم فورا
يتبع...
طبعا جنون ادهم ده في الروايه بس مش في الواقع 😁
وياترى حازم بيخون شمس او لا وهيحصل ايه بعدين 🤔🙃
13
شمس بمقاطعه ودموع:طلقني ياحازم فورا
شمس خلصت جملتها وجرت على الشقه بانهيار وحازم واقف مصدوم من الي حصل فطلع جري وراها بس البنت مسكت ايده بسرعه
البنت: حازم ارجوك مش تسيبني لوحدي انا بحبك اوي سيبها هي وخليك معايا انا
حازم شد ايده منها بغضب وقال: ابعد ايدك الو*سخه دي عني ياحنين انتي وحده رخي*صه ومش محترمه ومش تقارني نفسك بحبيبتي شمس تاني احسن اوريكي النجوم في عز الظهر سامعه
حازم سابها وجرى خلف شمس وحنين بصت في اثره بغيظ وغيره مفرطه
حنين بشر: ماشي ياحازم انا هفرجك مين هي حنين مالك وهتعمل فيك ايه
***************
وفي شقه حازم فوق**
حازم بقلق: شمس افتحي الباب فورا انتي فاهمه غلط والله ياحبيبتي افتحي هفهمك كل حاجه
شمس كان جوه غرفتها وهي منهاره من العياط ومردتش عليه
كمال بعدم فهم: في ايه ياحازم يابني مالك بتخبط عليها كده ليه؟!!
حازم: موضوع كده يابابا بس بيني وبينها مش اكتر افتحي ياشمس ارجوكي
اجت حنان على صوتهم: موضوع ايه ياحازم انا بعتها تنادي عليك ورجعت بعدها وهي بتعيط وقفلت على نفسها كمان انت عملت فيها ايه ياحازم
حازم: ياماما سوء تفاهم بس والله فاكره البنت الي اسمها حنين زميلتي زمان في الكليه هي اجت عندي في الورشه وشمس شافتها يعني في وضعك كده بس مش زنبي انا والله وبعدها...
سكت على صوت جرس الباب فطلع كمال يشوف مين
كمال:افندم ياباشا أمر
الظابط:ده منزل حازم البحيري
كمال بعدم فهم:ايوه هو خير ياباشا
الظابط:عندي امر بالقبض عليه بتهمه التعد"ي على الأنسه حنين مالك
خرج حازم وسمعه بصدمه:ايه تعد"ي؟!!
الظابط:انت حازم البحيري مش كده
حازم:ايوه يافندم انا بس..
الظابط:اتفضل معانا بهدووء لو سمحت على القسم
كمال بخوف:استني يافندم اكيد في سوء تفاهم ابني ميعملش كده ابدا
الظابط بحده:انا عندي اوامر بالقبض عليه فورا هاتو ياشباب
تقدم اتنين عساكر واخدو حازم من البيت وهو عنيه مصوبه على باب غرفه شمس بحزن ودموع
حنان بخوف:هما اخدوه ليه ياكمال ابني ميعملش كده انا واثقه فيه
كمال:متقلقيش ياحنان انا هاخد ادهم ونروح وراهم ومش هرجع بدون حازم ان شاء الله
حنان بدموع:تمام ربنا يستر يارب
**************
في قسم الشرطه
كان حازم واقف قدام الظابط وحنين قاعده على الكرسي الي قدامه وشكلها مبهدل ومنهاره من العياط
الظابط بشفقه:طيب ممكن تهدى ياانسه شويه واحنا هنتصرف معاه
حازم:ياباشا دي كذابه وبتمثل بس انا مقربتش منها بل العكس هي الي قرب مني والله
حنين بدموع:لا ده كذاب ياحضرتك الظابط هو الي قرب مني وحاول يتعد"ى عليا كمان زي ما انت شايف شكلي كده قدامك ودلوقتي عاوز يتهمني انا بعملته دي
الظابط:وانا مصدقك ياأنسه طبعا اكيد مفيش بنت تعمل كده في نفسها وتتهم حد كذب كمان
حازم بضيق:والله دي بترمي بلاها عليا وهي الي دخلت ورشتي وحضنتني كمان وانا الي بعتها عني اقسم بالله ياباشا
حنين:انا روحت ورشته لاني طالبه شغل من عنده بس هو الي طلع زباله وقرب مني كمان ياباشا وانا مظلومه وعاوزه حقي منه
حازم بغضب:اه يابنت ال*** ياكذابه كل ده لاني رفضك مش كده يا***
وقف الظابط بغضب:الزم حدودك انت في قسم شرطه وكمان بتشتم بالطريقه الزباله دي قدام ظابط وبعدين في شهود عليك وشافو الي حصل وانت بتجري بره الورشه وبعدها بعشر دقايق الأنسه دي طلعت بالشكل ده يعني انت المجرم وهتتحاسب كمان
خلص كلامه فجأه دخل كمال وادهم القسم
كمال بقلق:انت كويس ياحازم متخفش انا معاك يابني
حازم:والله يابابا معملش حاجه دي بترمي بلاها عليا لاني رفضها بس
ادهم بص على حنين بصدمه:يااااه الانسه حنين مروحه هنا يادي النور مش البت دي كانت في الجامعه معاك ياحازم والكل كان عارف انها مدو"رها
حنين بغضب:اخرس ياحيوان انت شوف ياباشا بيقول عليا ايه وقدام حضرتك كمان
ادهم بسخريه:يابت وهتعمليهم على الباشا كمان ده انتي كونتي اشهر من النار في الجامعه فاكره حمو خوخه الي كونتي ما*شيه معاه زمان ده تاريخك الزباله كله عندي يابت
حنين بصت عليه بغضب جحيمي لانه بيفضحها قدام الظابط والظابط ااتعصب اوي من كلامه
الظابط بغضب:انت ياحيوان انت الزم حدودك قدامي احسن اسجنك قبله ياض
ادهم اتعصب اوي لانه بيتجن من كلمه اسجنك دي
ادهم بغضب:اسجني ياباشا ماهو انتو كده تسيبو الظالم وتسجنو الظلوم حسبي الله و...
كمال حط ايده بسرعه على بوقه قبل مايغلط اكتر ويبقى اتنين بدل من واحد بس في السجن
كمال بأسف:اسف ياباشا ده ولد مجنون متخدش عليه معليش
الظابط بصوت عالي:ياشاويش تعال خده من قدامي بسرعه وبكره نشوف الحقيقه ايه
اجه الشاويش ومسك حازم فقرب منه كمال
كمال:متخفش انا هشوف محامي فورا انت بريئ و انا واثق فيك
ادهم:ايوه ياحازم متخفش وديني لاعلمها الاد'ب حنين مروحه دي
حازم بخوف:ولاا انا مش خايف على نفسي قد ماخايف عليك انت ياادهم من جنونك ده ارجوك خليك بره الموضوع انت بس وانا هخرج من هنا باذن الله
ادهم بحزن مصتنع:علطول ظالمين ادهم انتو كده بس تمام هتشوف مين هو ادهم السنغاري ياحازم وهيعمل ايه كمان
**************
في شقه حازم
شمس بصدمه وخوف:انتي بتقولي ايه يامرات عمي حازم مستحيل يعمل كده
حنان:انا واثقه يابنتي في حازم بس كمان البنت حنين دي انا اعرفها كويس دي بت مش سهله اكيد بترمي بلاها عليه
شمس فكره في كلام حنان وفي الي شافته قدامه وربطه الاحداث وعرفه الحقيقه
شمس:عندك حق مرات عمي انا شوفتها بعيني وهي حاضناه بس من غيرتي على حازم ماخدت بالي ان حازم كان واقف ثابت بس ومقربش منها
خلصت جملها ودخل كمال وادهم بخيبه امل
حنان بسرعه:عملت ايه ياكمال ابني فين؟!
كمال بحزن:القضيه كبيره ياحنان والبت بتمثل حلو اوي قدام الظابط وهو مصدقها كمان
شمس:كذابه ياعمي انا شوفها بعيني والله وممكن اروح اقول كده قدام ظابط المهم حازم يطلع
دخل مراد بعد عرف كل الي حصل من فيروز
مراد:مش هينفع ياشمس لانك مراته وهيشكو في شهادتك انتي اول وحده
ادهم:انا قولت سبوني انا اتصرف معها بطريقتي الخاصه
دخلت حبيبه:مين دي ياروحي الي هتتصرف معاها ياادهم
ادهم بتوتر:مش حد طبعا ياقلب ادهم انا بس
مراد:ياجماعه مفيش حل غير ان البنت دي تتنازل عن القضيه او تعترف بالسانها بس
شمس:مراد عنده حق بس هنعمل كده ازاي
ادهم بتفكير:سبولي انا الطلعه دي انا عندي خطه متخرش الميه والله
كمال بخوف:لا يابني شكرا كفايه واحد علينا في السجن
ادهم بخبث:ياجوز عمتي بس اسمع انا اكتر واحد فاهم دماغ البنت دي كويس و خطتي حلوه اوي وهتربي الي اسمها حنين مروحه دي ومضموعه اوي كمان
حبيبه سمعته وقربت منه ومسكته من هدومه
حبيبه بشر:حنين ايه ياروحي مين البنت دي ياادهم
ادهم:ياروح قلبي حنين دي بنت مش كويسه وهي الي رمت بلاها على حازم
بعت حبيبه:اه بحسب
ادهم بغمزه:لا متحسبيش لوحدك ياقلبي نحسب سوى احسن
مراد:تمام ياعبقري قول بقى هنعمل ايه
ادهم بخبث وتخطيط:تمام اتوكلنا الي الموكلنا تعال يامراد انت وشمس وحبيبه كمان فوق في شقتي وانا هقولكم على ابداع ادهم السنغاري
طلع ادهم بثقه ومراد خلفه بيقول:لما نشوف اخرتها معاك ياعبقرى زمان انت
************
طلعو كلهم على الشقه ادهم وقعدو في الصالون وبدء ادهم يلقى عليهم اخر ابدعاته في عالم الخطط الاجرا"ميه 😂
مراد باندهاش:لا فعلا جامده ياض يادهم الخطه دي ابهرتني والله
ادهم بفخر:تسلم ياحبيبي انا عارف اصلا اني عبقري في الاجرا"م
حبيبه:والله ماكونت اتخيل ان ده يطلع منك ياادهم
ادهم بمرح:علشان تشوفي مواهب زوجك المكبوته بس ياغزالي
شمس:تمام خطه حلوه اوي بس هنفذها امتي بقى
ادهم بخبث ومكر:انهاردا ياشمس كمان ساعه كده تكون وصلت ونبدء بقى شغل الجنان على اصوله دنا هطلع عينها حنين مروحه الليله دي
**************
وعند حازم في السجن
كان قاعد بخوف وهو بيفكر ياترى شمس هصدقه او هتبعد عنه وده اكبر مخاوفه حرفيا
فجأه دخلت هي:ها ياحبيبي عاجبك اوي المكان هنا
قام حازم بغضب:انتي ايه جابك هنا ياحنين مش كفايه الي حصل بسببك وازاي دخلتي هنا اصلا
قربت حنين وبقت قدامه:جايه اطمنك عليك يابيبي ودخلت ازاي دي بقى بطريقتي الخاصه
بعد حازم بغضب قبل مايتهور عليها:وعاوزه ايه تاني اخرجي بره انا ماسك اعصابي بالعافيه عنك
حنين بخبث:لا اهدى كده ياحبي دنا جايه اطلعك من هنا
حازم بسخريه:وده ليه ان شاء الله ضميرك وجعك مثلا بعد ما رميتي بلاكي عليا ظلم والا ايه
حنين:حازم انا بحبك اوي وعملت كل ده لاني عاوزك ياحازم تبقى ملكي لوحدي بس
حازم بعصبيه:حنين اخرجي بره فورا انا مش عاوز اتغبي عليكي
حنين:انا اقدر اخرجك من هنا فورا ياحازم بس بشرط تتجوزني انا وتسيب مراتك البيئه دي للابد
حازم بنفاذ صبر وغضب مفرط :بررره ياحنيين بسرعه مش عاوز اشوفك قدامي برررره
حنين بخوف وغيظ:تمام ياحازم بس صدقني هتندم اوي بعدين اوعدك بكده..
يتبع..
وياترى ايه هي خطه ادهم الاجراميه وهتنجح او لا 😂
وحازم هيخرج منها او هيشرفه ادهم كمان ده كله هنعرفه البارت القادم تفاعل بقى بسرعه
14
#عصابه_مجانين_الحب
عند حنين رجعت الي منزلها بضيق وغيظ
حنين بغيظ: بقى انا يرفض عرضي علشان حتت البت المقشفه دي ماشي ياحازم انا هفرجك ازاي ترفض حنين مالك كويس
كانت بتتكلم وهي بتدور على المفتاح في شنطتها واول مالقته فتحت الباب وخطت بس برجلها لداخل فجأه لقت جردل ميه ساقعه به قطع من الثلج نزل عليها غرقها كلها بصت قدامها بصدمه لما لقت الشباك قدامها اتفتح فجأه وبقى بيعمل صوت عالي و مرعب
حنين برعشه وخوف: يالهوووي ايييه ده منين اجت الميه دي بس ياربي دي سقعه مووت وكمان الشباك اتفتح لوحده ازاي؟!!!
قفلت الباب كويس وتوجهت لشباك قدامها وقفلته بخوف وتقدمت لغرفه نومها علشان تغير بسرعه
اخدت لبس ليها وجرت على الحمام تاخد دش دافئ علشان جسدها كان زي التلج و عشر دقايق مدت ايدها على مفتاح الباب تفتحه اول مافتحته وقع عليها جردل تاني بس كان فيه دهان احمر 😂
اول ماشافت اللون الاحمر عليها صرخت برعب وهي بتتراجع للخلف وبعدها اتكعبلت ووقعت في مسبح بتاع الحمام تاني
والميه الي فيه بقت لونها احمر فصرخت برعب حقيقي
حنين برعب: عااااااا اللحقوني د'م د'م عااااااا ده اجه منين بس يالهوووي
طلعت بسرعه وبدلت هدوومها تاني وهي جسدها كله ببترعش بعدها خرجت من الغرفه كلها بخوف
حنين بخوف: اعوز بالله من الشيطان الرجيم بسم الله الرحمن الرحيم في ايه بس مين بيعمل معايا كده
وصلت للمطبخ علشان تشرب ميه وتهدى شويه وهي بقرأ ايات القرآن الكريم بخوف واول ما رجلها خطت جوه ارض المطبخ اتزحلقت في زيت على الارض ووقعت على ظهرها بقوه وألم
حنين بألم:اااااااااه يالهووووي على اليوم ده مين هنا رد عليا لو عندك شجاعه ياحيوان ااااااه ياضهري ياني ياما
في الخارج الصالون كان ادهم ومراد وحبيبه وشمس هيموتو من الضحك عليها
مراد بضحك:اه يابن اللعيبه عرفت تعمل ده كله ازاي وبالسرعه دي كمان
شمس بضحك:ايوه وجبت مفتاح بيتها منين كمان
ادهم بثقه:مفيش عملت كده ازاي بتابع افلام كوميدي ورعب اجنبي كتير وجبت المفتاح منين انا اصلا مش محتاج مفتاح انا عندي الي بيفتح اي باب مقفول ياجماعه محدش يستهون بقدراتي
حبيبه بضحك:تمام ياعبقري وهنعمل ايه بعد كده
ادهم بخبث:اجه وقت الخط (ب) ظهور الشبح دلوقتي استعدو كويس للحظه التاريخيه دي
وعند حنين وقفت وهي ماسكه ضهرها بألم وبعدها وتوجهت لغرفتها علشان ترتاح من ألم ظهرها شويه
اول مادخل وقعت عنيها على المرآيه قدامها وهي مكتوب عليها باروج الاحمر(اجه وقت دفع الحساب ياحنيين)
حنين بلعت ريقها بخوف وقربت من المرآيه اكتر علشان تتأكد منها مش يمكن بتتخيل بس من الوقعه 😂 فجأه تصنمت مكانها علي صوت دب الرعب في قلبها حرفيا
:حنييييين
بصت حنين خلفها برعب وقالت:حمو انت انت ازاي هنا انت مي"ت من سنتين
حمو:انا اجيت علشان انتقم على خيانتك ليا ياحنين
حنين بخوف:لا ياحمو انا مش خونتك ابدا والله انا
حمو بصوت مرعب:وكمان بتكذبي عليا ياحنين مش روحتي لحازم الي كونتي بتحبيه قبلي زمان وقولتي ليه انك بتحبيه اوي وحتى حضنتيه كمان مش ده الي حصل ياحنين
حنين بتوتر وخوف:حمو انا مش..
سكتت حنين فجأه لما لقت ظل ظاهر جنب الباب فبتسمت بخبث بعد مافهمت الي بيحصل معاها
فقربت اكتر للباب وكملت:انا مش بحب حد غيرك ياحمو صدقني وحازم ده بس كان
وقفت حنين ومدت ايدها بسرعه وسحبت ادهم من جنب الباب
حنين:كونت حاسه من الاول ان انت خلف ده كله ياادهم فاكر اني عبيطه علشان اصدق ان حمو رجع تاني من المو"ت يامغفل
ادهم ببسمه صفره:لا طلعتي شاطره اوي وكشفتي لعبتي بس انا عامل حسابي ياحنين
حنين بعدم فهم:قصدك ايه ياادهم؟!!
ادهم بخبث:قصدي اني جبت معايا الي هربيكي بجد ياحنين
حنين اتوترت من كلامه وفجأه سمعته صوته:حنييين هانم
بصت عليه حنين وبلعت ريقها بخوف:بابا
:ايوه ابوكي ياست حنين واجيت اشوف بنتي الي ماشيه على حل شعرها بتعمل ايه من ورايا
حنين بخوف:يابابا صدقني انا مش..
:اخرسي انتي ايه؟.. رايحه ترمي بلاكي على حد غريب وظلم كمان ياحنين.. انا ربيتك على كده انا علمتك تعملي كده وكل ده لاني ثقتي فيكي و سايبك هنا كمان براحتك بحجه التعلم والشغل مش كده ياحنين
حنين بدموع:يابابا هو السبب صدقني انا بحبه اوي وروحت الورشه بتاعته وقولته مشاعري تجاهه كلها بس هو عمل ايه زقني بعيد عنه بقسوه ورفضني كمان علشان الست الغند*وره بتاعته وانا عملت كده علشان بحبه ومستعده اعمل اكتر من كده عشانه كمان يابابا
ادهم كان واقف خلفها واول ماخلصت كلامها سقف بايديه بقوه
ادهم وهو بيصفر ليا باعجاب:برااااافو يافنانه اداء رائع والله شابوووه ليكي بجد بس للاسف خلص المشهد هنا يعني كااات حلو اوي ياستاذ المشهد ده
حنين بصت عليه باستفهام:نعم انت بتقول ايه؟!! يامجنون انت!!
ادهم بخبث:بقول انك وقعتي ياقطه خلاص ومحدش سمى عليكي كمان اطلع يامراد كفايه كده ياحبيبي كان ادائك فوق الرائع والله ياميرو
طلع مراد قدامهم في الضوء لانه كان واقف في حته ظلمه ولابس جلابيه رجالي كبيره علشان يخدع بيها حنين بس
مراد بضحك:عجبتك مش كده انفع ابقى ممثل كمان والا ايه رأيك
ادهم بضحك:وتأخد الأوسكر كمان ياميرو والله
حنين بغضب:في ايه الي بيحصل هنا حد يفهمني
طلعت شمس وحبيبه من الغرفه الي قدامهم ووقفو جنب ادهم ومراد
ادهم بشماته:اقول انا ياحلوه الي حصل ان كلامك ده كله اتسجل صوت وصوره وكتابه على الصبوره كمان وهشرفي السجن بكره ياجميل
حبيبه ضرب ادهم في جنبه بغيره وهو ضحك عليها وحنين بلعت ريقها بخوف بعد ما استوعبت الي حصل
فبصت حوليها بسرعه وكانت عاوزه تجري بس مراد مسك ايدها بسرعه
مراد بغضب:على فين ياقمر ده انتي هتتكرمي على ادائك الحلو ده في السجن بكره
ادهم:اوعى تفلت منك يامراد ده حسابها اجه متأخر اوي ومن زمان كان نفسي ارميها في سجن والله
******************
في صباح اليوم التالي امام القسم
ادهم ومراد قدمو الفيديو وطلع حازم واتمسكت حنين بتهمه البلاغ الكاذب والاتهام كذب كمان
مراد بضحك:وبس كده ياحازم البت بقت زي الكتكوت المبلول من الخوف قدامنا والله
حازم باندهاش:بقى معقول ادهم يطلع منه ده كله
اجه ادهم خلفهم بعد ماخلص شغله داخل القسم وحط ايده على كتف حازم بلوم مصتنع
ادهم بلوم: علشان تعرف انك علطول ظالمني وكابت مواهبي كمان ياعدو النجاح
حازم انفجر من الضحك عليه واخده في حضنه بامتنان
حازم بشكر: شكرا اوي اوي ياادهم انت اخويا مش ابن خالي والله واسف على تقليلي من قيمتك زمان بس انا كونت خايف عليك اوي والله مش اكتر
ادهم ببتسامه: عارف ياحبيب اخوك ومش زعلان منك ابدا لاني مش ليا حد بعد ربنا غيرك انت وعمتي وجوز عمتي كمان ليزعل بالمره
مراد ابتسم بحزن: طيب وانا مش ليا مكان معاكم حتي
ادهم شده والتلاته حضنو بعض باأخويه وقال ادهم: لا ازاي ده انت الخير والبركه كلها يامراد والله متزعل خلاص انت بقيت مننا والضلع الثالث في العصابه المجانين الحب
ضحك مراد وحازم عليه وبعدها قال:مجنون وعمره ماهيتغير ابدا
******************
بعد ساعه رجع حازم لمنزله تاني وكان الكل متجمع بسعاده كبيره
حازم بحزن لشمس:ليسه زعلانه مني برضو ياشمسي
شمس ببسمه:لا مش زعلانه ابدا لان مهما حصل مش بقدر ازعل منك ابدا ياحازم
حازم بحب:انا بحبك اوي والله ياشمسي
شمس بحب:وانا كمان بحبك اوي ياحازم
ادهم سمعهم وقرب من حبيبه بمشاغبه:ايه ياجميل انت كمان مش ناويه تحن عليا برضو حتي ببو'سه
حبيبه بكسوف:ادهم ابعد ولم نفسك احسن اروح عند حسام بابا واسيبك لوحدك
ادهم بضيق:اوف بقى كل حاجه حسام حسام طيب والله لاروح انا واقعد عنده واريحك مني ياحبيبه
حبيبه ابتسمت وفضلت ساكته وادهم اتغاظ اوي منها
ومراد كان بيبص على فيروز بقلق:حبيبتي انتي كويسه مالك وشك مخطوف كده ليه؟؟
فيروز بتعب:شويه تعب عادي بس يامراد متقلقش
مراد بقلق:تمام تعالي نروح شقنتا علشان ترتاحي
فيروز هزت رأسها وقام مراد هو وفيروز علشان يروحو شقتهم
مراد:معليش ياجماعه بس لازم نمشي علشان فيروز تعبانه شويه
كمال بقلق:مالك ياقلب بابا اجيب الدكتور طيب
فيروز ببسمه:لا انا كويسه يابابا شويه تعب بس عند ازنكم
مراد اخد فيروز وقبل مايفتح الباب لقى الجرس بيرن ففتح الباب بسرعه
مراد بتعجب:افندم مين حضرتك
:انا فريده خالة ادهم السنغاري هو موجود جوه مش كده
مراد بقلق:ايوه موجود جوه اتفضلي
دخلت فريده جوه واول ماشافها ادهم انصدم وقام بغضب:انتي بتعملي ايه هنا يافريده هانم؟!!
فريده بحب:دي مقابله تقابل بيها خالتك بعد العمر ده كله ياادهم
ادهم بغضب:اخرجي بره مش عاوز اشوفك تاني انتي او اي حد من عيلتك بررره فورا فوو.....
وقف ادهم وهو بياخد نفسه بصعوبه فقام كمال وحازم ومراد وقربو منه بسرعه وخوف بعد ماحالته اتقلبت وبقى بيتنفس بقوه كأنه بيغرق في البحر وو
يتبع..
وياترى ايه هي قصه ادهم كمان وهيحصل معاه ايه بعدين🤔
15
وقف ادهم اهو بياخد نفسه بصعوبه فقام كمال وحازم ومراد وقربو منه بسرعه وخوف بعد ماحالته اتقلبت وبقى بيتنفس بقوه كأنه بيغرق في البحر
*******************
في المستشفي **
كمال بضيق: خير يامدام فريده ايه الي رجعك لأدهم تاني بعد السنين دي كلها
فريده بحزن: كمال انا عارفه ان ادهم زعلان مني وبسبب انه فاكر ان عيله مامته اتخلت عنه بعد موت امه وابوه بس دي مش الحقيقه صدقني انا عرفت الي حصل كله ولازم ادهم يعرف كمان لان ده حقه
حازم بحده: يعرف ايه ادهم رجعت ليه الحاله تاني بسبب رجوعك انتي فلو سمحتي يامدام اخرجي من حياه ادهم كلها وسبيه في حاله بقى
فريده: انا عارفه بحاله ادهم وهخرج من حياته والله بس لازم يعرف الحقيقه الاول ارجوك ياكمال دي فرصتي الوحيده عاوزه اكلمه عشر دقايق بس والله
تهند كمال وقال:تمام خدها ياحازم على غرفه ادهم وافضل معاه لغايه ماتخلص هي
حازم بضيق :بس يابابا
كمال بحده:نفذ الي بقولك عليه ياحازم بدون نقاش انا فاهم بعمل ايه ياله
حازم:تمام يابابا اتفضلي يامدام معايا
رحل حازم ومعاه فريده على غرفه ادهم وكانت حبيبه قاعده جنبه بخوف عليه
فريده:لو سمحتي عاوز اتكلم مع ادهم عشر دقايق بس ممكن تطلعي بره
حبيبه بغضب:لا مش هسيبه واخرج مستحيل
حازم بمقاطعه:معليش ياحبيبه عشر دقايق بس سيبها تكلمه وانا هنا معاه متخافيش
بصت عليها حبيبه بغضب وطلعت بره وفريده قعدت جنبه وهو مغمض عنيه
فريده بحنيه:ادهم ياحبيبي اصحى انا عاوزه اتكلم معاك
ادهم سمع صوتها وافتكر امه لان خالته تؤام امه الله يرحمها
فتح ادهم عنيه وقال:ماما انتي هنا
فريده بحب:انا مش ماما ياادهم بس يعلم ربنا انك زي ابني واكتر كمان
ادهم اخد باله منها فقام بتعب وضيق:انتي بتعملي ايه هنا اطلعي بره فورا
فريده بحزن:حاضر يابني هخرج بس عاوزه اقولك حاجه مهمه لازم تعرفها
ادهم بضيق:مش عاوز اسمع منك حاجه اطلعي بره مش عاوز اشوفك قدامي
فريده:اسمعني ياادهم انا عرفت مين الي قتل اختي فايزه وقتل زوجها احمد كمان
قام ادهم بصدمه:انتي بتقولي ايه مش هما ما*تو في حادث زمان قصدك ايه بتقت*لو ومين عمل كده
فريده بدموع:انا هحكيلك كل حاجه عرفتها من كام يوم كده بس الاول هقولك الحكايه كامله زمان مامتك فايزه الله يرحمها لما اتعرفت على بباك احمد وحبو بعض كانت عيلنا يعني عيله امك مش موافقين على ابوك لانه من عيله متوسطه الحال مش تليق بعيله السويسي بس
امك الله يرحمها اصرت على الزواج من ابوك احمد فوافقو في الاخر وبعد مااتولدت انت وكملت خمس سنين عرفنا انهم عملو حادث سوى وما*تو فخالك وقتها قال لجدك ان سبب موت اختي فايزه هو احمد ابوك وهي ماتت معاه بسبب اهماله لان العربيه كان فيها عطل وخالك حط اللوم كله على بباك في موت اختي
علشان كده جدك عطاك بعدها لعمتك وجوزها علشان يربوك وده طبعا سبب كرهك لينا اننا اتخلينا عنك زمان بس انا من كام يوم عرفت الحقيقه وسمعتو بودني كمان يادهم
ادهم بصدمه:حقيقه ايه؟!! حصل ايه قولي بسرعه
فريده بدموع:حقيقه موت اختي وجوزها في شخص قتل"هم وللاسف الشخص هو زوجي عادل السعدني
انا سمعته بودني وهو بيقول كده لأنه كان بيحب فايزه اختي زمان وهي رفضته واجوزت ابوك فهو رفض الفكره دي وحسبها خيانه ليه علشان كده اجوزني لاني شبهها اوي وبفكره بيها وكمان علشان يقدر يخطط لقتل"هم وبدون ماحد يشك فيه حتي
ادهم سمعها والدم غلى في عروقه من الغضب
ادهم بغضب:يابن ال*** بقى عمل كل ده علشان يقتل ماما وبابا والله مانا سايبه ولازم اشر*ب من د*مه كمان
فريده بدموع وبخوف عليه:لا اهدي يابني انا قولتك الحقيقه علشان تاخد حقك منه هو صحيح زوجي بس كمان كسرني اوي ودمر حياتي كلها حرمني من الخلفه وكان بيقول العيب مني بس انا شوفت التحاليل الاصليه وعرفت الحقيقه انه هو الي المعيو*ب مش انا وكان بيضحك عليا بس وكمان قتل اختي توأمي لانه مجنون ومريض بجد
ادهم بحنيه:اهدي ياخالتي وانا اسف لاني بعدت عنك وانتي مش ليكي زنب وصدقيني انا هاخد حقك وحقي منه وده وعد من ادهم السنغاري ياخالتي
فريده بحب:ربنا يحميك العمر كله يابني بس متتهو*رش وتضيع نفسك ارجوك ياادهم
ادهم بحب:متقلقيش انا هاخد حقي منه بالقانون ياخالتي لازم يتعاقب على كل الي عمله ده
********************
بعد ساعتين في غرفه ادهم **
كان حازم ومراد مع ادهم والباقي رجعو للبيت تاني لانهم تعبانين
مراد بصدمه:هو عمل كل ده ازاي ياادهم حقيقي في شخص يعمل ده كله بدون شفقه ايه ده مريض بجد
ادهم بغضب:ايوه هو فعلا مريض وانا لازم اخد حقي منه واخليه بعترف بجر*يمته واخده لحبل المشن'قه بايدي كمان
حازم بتفكير:طيب ازاي هنعمل كده احنا لازم نجيبه هنا الاول علشان نخليه بعترف بلسانه
مراد بخبث:سيبوها عليا انا المره دي عندي ليكم الشخص المناسب للمهمه دي ياشباب
ادهم وحازم بفرحه:بجد يامراد مين؟؟
مراد ببسمه:عمار الشبح هو الوحيد الي هيقدر يجيبه هنا ويساعدنا في استجوابه كمان
ادهم بخوف:عمار الشبح..شبح ازاي يعني؟!.
مراد بضحك:هههه لا سيبك دي حكايته كبيره اوي المهم جهز نفسك وبكره يكون عندك وجاهر للاستجواب كمان
ادهم بفرحه:تمام اعتمدت عليك يامراد بس اوعي تكسفني بقى
مراد بثقه:لاعيب عليك انت ليسه متعرفش مين هو عمار الشبح ابن الصياد
(عمار الشبح بطل روايتي الجديده بازن الله ♥)
**************
وفي اليوم التالي امام مخزن مراد القديم
ادهم بقلق:انت متأكد يامراد انه قدر يجيبه بالسرعه دي اصل انا مش مصدق والله
مراد بخبث:ما انا قولتك انت ليسه متعرفش مين هو عمار الشبح ادخل ومتقلقش ياحبيبي خالص
دخل مراد قبلهم وبعده ادهم وحازم للمحزن واول ماشافوه قدامهم صرخو بخوف
مراد بخوف:في ايه بتصرخو ليه؟!! شفتو شبح..
ادهم وهو يشير لرجل يقف في الظلام وعلى وجهه قناع مخيف:ماهو فعلا شبح حتي شوف بعينك اهو هنا واقف في الظلمه
مراد بضحك:اسكت يااهبل احسن ياجي يفرجك هو شبح ازاي.. ده عمار صاحبي تعال ياعمار وحشتني ياصاحبي والله
قرب عمار منه وحضنه بااخويه: وانت كمان عامل ايه يابو الصحاب
مراد:بخير ياصاحبي مدام انت بخير
وفي الجهه التانيه ادهم ماسك في حازم بخوف وحازم كمان كان خايف من شكل عمار وقناعه المرعب فعلا
مراد بضيق:في ايه تعالو هنا سلمو عليه مالكم كده خايفين منه
ادهم اشار لعمار بايده من بعيد:اهلا ياستاذ عمار عامل ايه والجو عندك فوق حلو والمهم في تغطيه واضحه عندك فوق
انفجر حازم في الضحك رغم خوفه من عمار وحتي مراد وعمار نفسه ضحكو عليه
عمار بضحك:باين دمه خفيف اوي تعال هنا ياض وانشف خايف من ايه
ادهم بخوف وهو ليسه ماسك في حازم:لا انا مرتاح هنا شكرا اصل الجو هنا حلو وجميل اوي والله
مراد بيأس من تصرفات ادهم:عمار انت جبته مش كده
عمار بثقه:عيب عليك ده انا ابن الصياد اهو مربوط هنا على الكرسي ده
عمار اشار على الكرسي في اخر المخزن فقدم مراد وحازم وادهم منه وعمار فضل واقف بيراقب من بعيد بس
ادهم اول ماشوفه قدامه ضربه بلكمه قويه بغضب:بقى انت ياوا*طي يا*** تق'تل بابا وماما زمان لانها رفضتك بس. ده انا هشر*ب من د*مك يابن ال*** ياحيوان يا...
ادهم هجم عليه و كان عاوز يمو*ته من غضبه بس لحقه حازم ومراد بسرعه وبعده عنه
حازم:اهدى ياادهم ارجوك مش كده اهدي
مراد وهو ماسكه بتعب:اهدي يخرب بيتك انت من امتي قوي كده اتهد بقى
ادهم بغضب مفرط:ابعدو عني لازم اخد حقي منه الحق'ير والوا*طي ده ال***
حازم حط ايده على بقه بسرعه وقال:خلاص خلاص وفر طاقتك واهدي علشان نعرف نتصرف معاه
ادهم بغضب:اعترف ياحيوان بسرعه انت قتل"تهم قول كده بسرعه دنا هوديك في ستين داهيه بس اصبر عليا بس
عادل بضحك وألم :انت فاكر كده هعترف لا طبعا مستحيل وكمان ووفاه امك وابوك فات عليها سنين كتير وتقيدة ضدّ مجهول يعني انا في السليم ياحبيبي
ادهم بعصبيه:اه يابن ال*** يازباله يا***
حازم:ادهم اهدى كده احنا مش هنقدر نعمل ليه حاجه علشان يعترف
مراد بتفكير:طيب ايه رأيكم نعذ*به لغايه مايعترف
ادهم باعجاب:ايوه فكره حلوه اوي احنا نعذ*به ونط"لع ليه ظوافره ونق'طع حته من فخد*ته وصرصور الودن كمان ونطفي سجاير في عن"قه ايه رأيكم
عمار سمعه من بعيد وضحك بصوته كله وقرب منهم
عمار: هههههه مش انا قولت دمك خفيف ياض ياادهم بس انا عندي حل اسهل واسرع للمشكله دي
مراد بالهفه: قول ياعمار بسرعه انت افكارك كلها جميله وناجحه كمان
ادهم بسخريه: اتفضل ياشبح فرجنا اخر مواهبك القيمه
عمار: تمام هتشوف وبعدين حسابك معايا يابو د*م خفيف
ادهم بلع ريقه بخوف من نظره عمار وعمار قرب من عادل بشر
عمار بشر: قبل ماعمل فيك حاجه حابب تعترف من نفسك اسهل او تدوق علاج الش'بح من ايدي
عادل خاف من نظره عمار المرعبه بس تصنع القوه قدامه وقال: اتفضل اعمل الي عاوزه انا مش هتكلم برضو
عمار ابتسم بشر من تحت القناع بتاعه وقال: تمام نبدء بس عاوزك تتح"مل معايا خمس دقايق بس
عادل بلع ريقه من كلام عمار المخيف وعمار رفع بس ايده وضر'به ضر'به وحده على جنب رقبته فصرخ عادل وادهم كمان معاه من الخوف
عمار بضحك: في ايه يابو د'م خفيف ليسه دور جاي متقلقش
ادهم سمعه وجري على حازم بخوف: حازم انا عاوز اطلع من هنا بسرعه ارجوك
حازم بضحك عليه: اجمد ياض ده بيهزر معاك بس اخرس خالص
مره دقيقه على عادل فجأه زراعه بقى شكله زي المشلو"ل بالظبط
عادل بخوف: ايه ده دراعي ماله مش قادر احركه ابدا وبقى بيو*جعني اوي كده ليه؟!!
عمار بخبث: متخفش ده لانه بقى مشلو"ل فعلا دلوقتي ومش هتقدر تستخدمه تاني غير لما انا ارجع مركز عصب دارعك لمكانه الصحيح تاني بس
مراد كان واقف بيتفرج عليه بفخر لانه عارف قدرات عمار صاحبه وحازم مبهور بعمار برضو وادهم طلع من خلف حازم وبقي بيصفر لعمار
ادهم بتصفير: الله عليك ياجامد معلم والله ياستاذ شبح
وبعدها قرب منه بخوف وقال: بس ممكن تعلمني الحركه دي لان حمايا ايده تقيله اوي والله ونفسي اثبته لوقت كده
عمار بعد عنه بضيق وقال: ولااا ابعد عني انت مش طبيعي ومجنون والله
ادهم قرب اكتر بحماسه: يعني هتعلمني مش كده ياعموري
وقع مراد وحازم على الارض من شكل ادهم وهو قريب من عمار
عمار: لا مش هعلمك وابعد عني انا مش ناقص جنان الله يخليك
ادهم زم شفايفه زي الاطفال ورجع جنب حازم وعمار بص على عادل وكمل كلامه: بص متفكرش ان ممكن تلاقي اي دكتور يقدر يعالج حالتك دي لان ده مستحيل الفن ده انا وخمسه بس في العالم كله نعرف نستخدمه والعلاج بتاعه بين ايدي انا بس فالاحسن ليك انك تعترف بسرعه احسن مش يبقى طر"ف واحد بس
عادل اترعب فعلا من كلامه وقال: خلاص هعترف بس ترجع دراعي تاني كويس وانا هعترف بكل حاجه
عمار: تمام وحتي على اعمالك المشبو"هه كمان ياعادل السعدني فاهم
عادل بخوف: حاضر حاضر
ادهم سمعه وفرح اوي وفتح الفونه بسرعه ووقف قدام عادل وقال: ياله ياحلو عاوز مشهد مؤثر كده وواقعي كمان بسرعه
عادل بلع ريقه بخوف وبص على عمار برعب وبدء يعترف بكل حاجه
وبعد عشر دقايق ادهم قفل التسجل بسعاده وقال:خلاص ياعمار عالجه تاني علشان نسلمه لشرطه سليم
ابتسم عمار وقرب على عادل وضغط على رقبته في مكان معين فصرخ عادل تاني وبعد دقيقه رجع زراعه لحالتها الطبيعيه
عمار:تمام كده انا دوري خلص هنا ابقى اشوفك بعدين يامراد سلام
مراد ببسمه:ماشي ياصاحبي وشكرا اوي ليك مع السلامه
عمار اتوجه للباب بس وقف على صوت ادهم:برضو مش هتعملني الحركه دي والنبي ياعمار وافق
عمار بضحك:اواقف ابقى حكمت على نفسي بالجنان العمر كله ياابو ده خفيف لا طبعا سلام
خرج عمار من المخزن وادهم بيبص عليه بغيظ
حازم:معليش ياادهم المهم بقى عندنا الدليل اهو وحق ابوك وامك هيرجع تاني و
فجأه سكت لما لقى عادل فك نفسه ووقف قدامهم ومعاه مسد"س وموجهه على ادهم بشر
وجنون:ههههه وانت فاكر اني هسيبك يابن السنغاري تعيش تاني حتي ولو هدخل السجن انت لازم تمو*ت فورا لانك دليل خيانه امك ليا زمان وانا هقت"لك اخير بعد العمر ده كله
بص مراد وحازم بصدمه على المسد"س وجرو على ادهم بخوف علشان ينقذوه وعادل مسك المسد"س ورفعه على دماغ ادهم بغل وشر وفجأه طلعه رصا*صه من المسد"س بسرعه وصابت....
يتبع..
16
بص مراد وحازم بصدمه على المسد"س وجرو على ادهم بخوف علشان ينقذوه وعادل مسك المسد"س ورفعه على دماغ ادهم بغل وشر وفجأه طلعه رصا*صه من المسد"س عادل في الهواء
بص حازم وادهم ومراد بصدمه على عادل وهو بين ايدين عمار وعمار ضغط على ايده الاول ووقع المسدس منه وبعدها ضر"به بقوه على رقبته وقع عادل على الارض مغمى عليه
ادهم شاف المشهد وصفر بصوت عالي وقال:الله عليك ياباشا والا ظابط في المخابرات والله ايه الحركه الجامده دي بس اوعى يكون ما*ت في ايدك
ضحك عمار وقال مراد:عمار انت رجعت هنا تاني ليه؟!
عمار توجه ومسك فونه من على رف في المخزن وقال:علشان ده اصل نسيته هنا فرجعت اجيبه تاني ولما رحعت لقيته موجه المسد*س عليكم فتصرفت بسرعه
ادهم سمعه وقال بفرحه: والله عاوز احضنك من الفرحه ياعمار انت السوبر هيرو بتاعي ياشبح
عمار بضيق:لا خليك بعيد عني المهم انا مش بحب حد يقرب مني نهائي
حازم ببسمه:تمام ياستاذ عمار وشكرا اوي على مساعدتك لينا وكمان انا حابب اعزمك على فرحي انا والاخوه دول بعد شهر بازن الله واكيد هتشرفني اوي والله
عمار ببسمه:ان شاء الله هحضر ياستاذ حازم طبعا عن ازنكم بقى لاني اتأخرت اوي
رد الجميع:اذنك معاك
**********************
وفي اليوم التالي
تم تسليم عادل لشرطه حتي يعاقب على جريمته بعد ان قدم ادهم الفديو اعترافه باجريمه وتم اخير تحقيق العداله لوالد ووالده ادهم
********************
ومر شهر على ابطال وجاء اليوم المنتظر زفاف عصابه مجانين الحب
كان كل ثنائي يجلس مع بعض بحب وانسجام حتي قام ادهم وتوجع للمنصه الزفاف ببدلته الانيقه والجميله وامسك المايك ليتحدث امام الجميع.
ادهم بسعاده عارمه:طبعا مش هقدر اوصف مقدار سعادتي في اليوم ده لانها اكبر من الكون حرفيا والله وبدون مقدامات حابب اقول كلمه لزوجتي وملكه قلبي حبيبه
صمت ادهم ووجه نظره لها بحب واكمل:انا بس حابب اقول انا من اول ماسمعت صوتك ياحبيبه انتي ملكتي قلبي كله وكل دقه منه بتدق لحبك انتي بس حتي حياتي من قبلك مكانتش ليها معني او وجود ومن وقت دخولك الي حياتي تحولك لاجمل حياه في الدنيا كلها واتمني نفضل مع بعض لاخر دقه هيدقها قلبي في الحياه ياملكه قلبي العمر كله
انهى ادهم حديثه ليصدح صوت تسفيق حار في المكان كله وحبيبه دموع الفرحه غرقة وجهها من السعاده العارمه الي بتشعر بيها دلوقتي
حمحم ادهم واكمل:وقبل مانزل من المنصه عاوز استضيف معانا ضيف عزيز على قلبي وصديقي كمان الظابط يونس القناوي وحرمه المدام نسمه اتفضل ياباشا
دخل يونس للزفاف وفي يده زوجته نسمه بحب وتوجه لادهم وقام بحتضانه بسعاده
يونس ببسمه:الف مبروك ياصاحبي وربنا يتمم على خير دايما
ادهم بسعاده:الله يخليك ياباشا بس انا طلبتك هنا علشان بصراحه عاوز اعرف قصه حبك كانت ايه
ابتسم يونس وهو ينظر لنسمه زوجته بحب وقال:انا قصه حبي غريبه شويه لاني قابلت نصي التاني وحبي الاول والاخير في دولابي واول ماعيني وقعت عليا دخلت قلبي وتربعت على عرشه كمان ومن وقتها وهي كل حياتي حرفيا
انهى يونس حديثه ليصقف له ادهم والحضور بفرحه ثم قال:تراني تأثرت حقيقي يايونس باشا بقصتك والله
ربت يونس على كتفه وقال:خلاص ياحلو مش وقته انا هنزل تحت عند الضيوف انا وحبيبتي سلام
نزل يونس مع حبيبته نسمه بين الحضور وتقدم حازم وجزب المايك من يد ادهم وقال:ده دوري انا روح جنب مراتك انت خلص دورك هنا
ابتسم ادهم لحازم ونظر حازم لشمسه وقال:طبعا انا لو فضلت اقول لصبح على مدى حبي لشمسي مش هوفي نص حبها كله في قلبي بس حابب اقول انك ياشمسي اجمل حب دق قلبي ليل نهار بعشقه لانك حب طفولتي الي فضل يكبر جوه قلبي لغايه ما ملك كل دقه حب فيه وهعيش عمري كله وانا بقول حازم ملك لشمسه للابد وشمس ملك حازم للابد
انهى حازم حديثه وهو ينظر لشمس التي لمعت عيناها بدموع الفرحه وسعاده الابديه
فبتسم حازم بحب واكمل:وطبعا زي ادهم انا كمان حابب اقدم ضيف فخور بيه جدا وهو الاستاذ حسن وحرمه المدام مريم
دخل حسن وفي يده زوجته مريم بسعاده وتوجه لمنصه ثم احتضن حازم بسعاده وقال:الف مبروك ياصاحبي انا حقيقي فرحان اوي ليك ربنا يديمها عليك سعاده يارب
رد حازم ببسمه:امين يارب ياصاحبي ها اجه دورك قول بقى قصه حبك انت والمدام كانت ايه
ابتسم حسن وهو ينظر لحبيبته مريم بعشق وقال:لا انا قصه حبي حزينه شويه لاني اتأزيت من اقرب الناس ليا وهما اختي وامي بس بفضل ربنا وحبي الصادق لمريم قدرت اتخطى كل الي حصل ودلوقتي عندي بنوته زي القمر شبه مامتها مريم
انهى حسن حديثه وهو ينظر لعين حبيبته مريم بعشق ثم توجه الي الاسفل بين الحضور
حازم بفرحه: قصته مؤثره فعلا ياجماعه وانا فخور بيك ياصاحبي والله
اشار له حسن من الاسفل بيده ثم تقدم مراد من حازم وقال:كفايه كده بقى ده دوري انا ياحازم
ابتسم حازم ومد المايك لمراد ثم توجه بجانب حبيبته بسعاده
تحدث مراد بحب وهو ينظر لفيروز حبيبته:طبعا انا حبي لفيروز ملك مش قلبي بس لا ملك قلبي وعقلي وروحي لاني حبيتها من اول مره شوفتها وهي في حضت عمتي وليسه بيبي فكانت طفلتي قبل ماتكون حبيبتي واميره قلبي ومهما الكلام يوفي بس مش هيوفي حبك يافيروز في قلبي قد ايه
انهى مراد حديثه ليرى ابتسامه فيروز التي اخدت نصف وجهها باكامل من السعاده والحب
فاكمل مراد حديثه وقال:وطبعا انا هنا زي حازم وادهم وعندي ضيوف اقدمهم كمان وهما اصدقاء عملي الاعزاء عاصي وقاسم الهلالي اتفضلو يابشوات
دخل عاصي وهو يمسك يد غرام وفي يده الاخرى ابنه الصغير وقاسم يمسك يد عشق وفي اليد الاخرى ابنته الصغيره
ثم توجهو للمنصه وكل احد منهم ضم مراد وبارك له بسعاده
وبعدها قال مراد:اتفضلو انتو كمان قدمو قصه حبكم زي الي قبلكم ماعملو
ضحك عاصي وقال:تمام بص بقى ياصاحبي انا قصتي مع غرام بدئت اني اجوزتها مفاجأه كده يعني بدون حساب وبعدها حصلت مشاكل بينا بس حبنا انتصر في الاخر وبقى عندي ولدين اغلى من حياتي كلها من غرام العاصي
انهى عاصي حديثه ثم قال قاسم:وانا طبعا قصتي برضو معاه حبيت عشق واتحديت كل الصعوبات لغايه مابقت في الاخر عشق القاسم وعشق حياتي
انهى قاسم حديثه ثم هبط هو وعاصي للاسفل عند الضيوف لتبدء الحفله الراقصه لهذا الزفاف الرائع
لكن ادهم قاطعه بسرعه وقال:لا استنو انتو نسيتو اهم واحد هنا فين عمار الشبح ابن الصياد
صدح صوت عمار القوي في المكان وقال: انا هنا يادهم ومن زمان كمان
ادهم بسعاده: اتفضل ده انت اهم واحد هنا وانا متحمس اوي ونفسي اعرف قصتك انت ايه
صعد عمار تحت صدمه الجميع من هيئته المخيفه ثم قال بضحك: لا ياحبيبي انا الجديد وليسه قصتي حبي بعدك يابو دم خفيف
زم ادهم شفتيه بعد الرضى وقال:تمام وانا في الانتظار ياعمار بس قصتك اسمها ايه علشان اتابع بعدين
ابتسم عمار وقال: قصتي اسمها عشق الصياد بطولتي انا عمار الشبح ابن الصياد
انهى عمار حديثه لتبدء بعدها الحفله الراقصه لهذا الزفاف الرائع الذي جمع ابطال رواياتي الكامله كلها لاختم هذا العام بروايتي الاخيره به عصابه مجانين الحب
وكل شخص الان يضم من عشقه قلبه حتي النخاع الي حضنه الدافئ بحب لا يليق سوى بهم
والان استطيع القول ان في هذه الروايه لا نرى حب الحبيب لحبيبته فقط ولكن نرى ماهو اغلى وهو الحب الصادق والخالد الذي جمع بين هؤلاء الثلاثه حازم وادهم ومراد في الحياه الي الممات فعند حصولك على هذا الحب عليك التشبث به وبقوه فهو انقى انواع الحب وابقاها في حياتك
اجل فعندما تجد شخص يقف بجانبك ضد العالم اجمع بدون مقابل حتي فعلم ان هذا هو الحب الحقيقي فهل تملك واحد مثله في حياتك الان ام ليسه بعد؟
والان استطيع القول ان الروايه قد تمت بحمد الله تعالي
وشكرا لمتابعي الرويه جميعا وألقاكم في روايتي القادمه باذن الله تعالى وبركته
تعليقات
إرسال تعليق
فضلا اترك تعليق من هنا