رواية الصائغ والجواهر من البارت 11-12-13-14-15 بقلم مرفت السيد

صحيوا البنات واستغربوا ان فاروق ماندهش عليهم كعادته عشان مايتأخروش على الشغل حضروا الفطار ودخلت ماسة تصحيه بس طلعت بسرعة وقالتلهم:بابا مش موجود

اتصلوا بيه موبايله مقفول شعروا بالحيرة اتصلوا بسالم قالهم انه مش موجود بس هايراجع الكاميرات لما يرجع ويبلغهم بالي هايشوفه

نزلوا على مصالحهم وهما طول اليوم بيكلموه وفونه مقفول لحد ماروحو البيت وبرضه محدش يعرف عنه حاجه سالم اتصل بدهب وقالها انه الكاميرا مصورة فاروق وهو داخل المسجد يصلي الفجر ومش باين حاجة تاني

طبعا كل بنت خطيبها بيتصل بيها وبيعرفوا الي حصل بيطمنوا البنات انه بخير بس طبعا محدش من البنات قادر يتطمن

لحد ما فيروزة قالت: يمكن راح يزور قبر ماما

#بقلم_مرفت_السيد

دهب :ايوة فعلا انا هاكلم عم سالم يروح يشوفه

وبالفعل ذهب سالم وهو قلقان وبعد ساعة رجع سالم طلع لشقة فاروق وشه متغير سألوه بلهفة :ايه ياعمي لقيته؟

قالهم بحزن : انا عاوزكم متقلقوش وان شاء الله خير

فيروزة بعصبيه :في ايه احنا كدة قلقنا اكتر قول على طول

سالم :لاحول ولا قوة الا بالله ابوكم كان بالمقابر فعلا وتعب فجأة والحارس اتصل بالاسعاف واتنقل على المستشفى ودة تليفونه كان واقع والحارس كان شايله معاه

صرخت البنات بفزع وقالت دهب:مستشفى ايه خدنا على هناك حالا

كان سامي ابوه بلغه و وصل وبسرعة اخدو البنات على المستشفى وهما بالطريق

سامي اتصل بعصام وبلغه بالي حصل ،وعلى ماوصلو كان عصام هناك بيتكلم مع الدكتور

اندفعت البنات بسرعة الى الريسبشن بيسالو عن غرفة ابوهم ولما عرفوا هرولو الى الغرفة ليجدو عصام يتحدث مع الطبيب وبسرعة تدخلت دهب وجوهرة وسألو الدكتور وعصام عن حالته

وطبعا عصام كان عارف فطلب منهم يقعدوا بهدوء ويسمعوه: ياجماعة والدكم تعبان اوي وعنده فشل بالنخاع ودخل بغيبوبة ودخل العناية المركزة وللأسف مفيش بأيدينا الا الدعاء انا عاوزكم تتماسكو كدة

انفجرت البنات بالبكاء وقالت دهب :نزرعله نخاع من اي بنت مننا تكون متطابقة

سامي'ايوة يادكتور أكيد في حل

عصام :للأسف حالته م تسمحش بعملية كل الي مطلوب منكم تدعوله وماينفعش تدخلو تشوفوه بالشكل دة

جوهرة بغضب:انت كنت عارف؟

عصام : جوهرة افهمي دي كانت رغبته

صاحت به جوهرة :دي حاجة ماتخصهوش لوحده ولما جيتلك وسألتك خبيت عني ليه

سالم :متلوميش عليه ابوكي كان موصينا انكم متعرفوش حاجة

#بقلم_مرفت_السيد

لؤلؤة ببكاء :دلوقتي فهمت سبب الي عمله

سامي:انت كنت عارف يابابا

ماسة:مش وقته دلوقتي خلونا في الي احنا فيه

جوهرة:ياحبيبي يابابا كان بيودعنا مكانش عاوز يسيبنا بالدنيا لوحدنا

اقترب منها عصام ليواسيها فصاحت به:ابعد عني عمري ماهنسالك انت وعم سالم انكم سيبتوه يعاني لوحده

سالم:والله ماسيبناه لوحده وحاولنا نقنعه وانتو عارفين مخه عنيد

عصام:انا هادخل اشوف الحالة واجي اطمنكم

فيروزة :احنا جايين معاك

عصام: الدكتور مدحت الي متابع حالته صديق ليا قالي انه ممنوع الزيارة بانكم هاتنفعلو ودة غلط

دهب :هانشوفه واحدة واحدة بهدوء

عصام : تعالو معايا

وذهب بهم الى الدكتور مدحت الذي سمح لهم بالزيارة كل واحدة على حدى

وبالفعل دخلت الفتيات واحدة تلو الأخرى و رأين والدهم القوي الحنون وهو غائب عن الوعي ويتنفس عن طريق اجهزة تنفس صناعي

جلسن يبكين بحرقة وكل منهن تدعو الله

اتصل عمر بفيروزة ليطمئن على فاروق وهل وجدوه ام لافوجدها تبكي سألها عن سبب بكائها فأخبرته

فاتى عبد الناصر وأولاده الى المشفى

وكذلك محمد ووالده

الكل يواسي الفتيات ويدعون الله ان ينهض من سباته

مرت ساعتان حتى اخبرهم الدكتور بان فاروق قد افاق وسينقلونه بعد قليل لغرفة الافاقة

#بقلم_مرفت_السيد

بكت الفتيات ولكن هذه المرة بسعادة بأن الله قد استجاب لدعواتهن

بعدما خرج فاروق من العناية لغرفة الافاقة

خرج الدكتور وقال: دلوقتي والدكم فاق بس عاوز يشوف بناته فلو سمحتم بلاش انفعال هو مش هيتحمل يشوف عياط وبعدين انتو فيكم دكاترة وهارفين ان نفسية المريض مهمة في العلاج

#بقلم_مرفت_السيد

دهب:متقلقش يادكتور إحنا معندناش اهم ولا اغلى من بابا عمرنا ماهانتعبه

ودخلت الفتيات بهدوء ابتسم فاروق حين راهن واشار لهن بالاقتراب

ثم قال بصرت واهن:تعالو ياحبايبي تعالو في حضني

احتضنته الفتيات واحدة تلو الاخرى ورغما عنهن سالت دموعهن

فقالت فيروزة: ايه ياحاج ياللا قوم بالسلامة كدة ولاعاوز تعرف غلاوتك

ابتسم وقال بصوت واهن: انتو اكيد عرفتوا اني تعبان اوي متزعلوش مني

دهب:لا مش زعلانين وان شاء الله هاتقوم وهاتخف

فاروق:يادكتورة متضحكيش على نفسك انا هاموت

ماسة وهي تقبل يده:بعد الشر عنك

فاروق :المهم انا عاوز اوصيكم خلو الناس تدعيلي على تربيتي ليكم خلو الخجل والادب دايما رد فعلكم ولما يحصل مشكلة اهدوا وعدوا لحد عشرة واحمدو ربنا واستغفروه قبل اي انفعال

جوهرة:حاضر يابابا بس كفاية كلام ماتجهدش نفسك

#بقلم_مرفت_السيد

فاروق:اسمعوني يابنتي وانا هارتاح سامحوني لو جوزتكم بالشكل دة انا عقليتي هدتني ان السند هو الراجل بس ربنا كرمكم بعرسان عارفين قيمتكم وانا واثق انكم هاتكونومرتاحين من بعدي

اجهشت البنات بالبكاء فلم يتحملن كلامه فاكمل قائلا:عارف ان الوداع جه فجأة على غفلة كان نفسي اموت على سريري

بس الحمد لله اوعدوني تتجمعو في بيتنا كل جمعة مهما كان انشغالكم والي تحتاج اختها تلاقيها دايما بضهرها عاوزكم عزوة لبعض اوعدوني

انكبت فيروزة تقبل يده وهي تبكي :حاضر اوعدك يابابا

وكذلك باقي البنات

قال فاروق بصوت ضعيف:عرسانكم فين

لؤلؤة :برة كلهم عاوزين يشوفوك

فاروق:اندهولهم

ندهت ماسة لهم فوقفو بجانب زوجاتهم قال عصام:سلامتك ياعمي

سامي:ان شاء الله تقوم وتخف

عمر:احنا جنبك اهو ولو في عملية حتى لو برة هاسفرك

يونس: سلامتك ياعمي ياللا قوم بقى خلينا نشوفلك عروسة

محمد :الف سلامة عليك بإذن الله تقوم بالسلامة

نظر اليهم فاروق وقال:الله يسلمكم انا ليا عندكم طلب

خدو بالكم من بناتي متزعلوهمش انتو معاكم جواهر محتاجين رقة بالتعامل بلاش تخدش اي حجر كريم او جوهرة عشان متفقدش جمالها وتنطفي

دي وصيتي ليكم ياحبايبي

دخل عبد الناصر وسالم وعاطف فقال فاروق لبناته ولازواجهم :اخرجو وسيبوني معاهم شوية

عاطف :شد حيلك كدة ياحاج

#بقلم_مرفت_السيد

بكى سالم: ايه ياصاحب العمر عاوز تسيبني ولا إيه

عبد الناصر وعو يحاول التماسك :استهدو بالله فاروق هايقوم ولاايه ياابن عمي ياغالي

خرج الجميع فقال فاروق: وفروا كلامكم وسلامكم انا عاوز اقولكم بناتي امانة برقبتكم اعتبروهم بناتكم الي ترضوه لبناتكم ارضوه لبناتي سالم وانت ياناصر وانت يادكتور عاطف

اوعدوني خلوني اموت مرتاح

بكى سالم بشدة:متقولش كدة

:اوعدني ياسالم

*وصيتك برقبتي

دمعت عيون عبد الناصر:حاضر يافاروق بناتك بناتي

عاطف بنأثر: في عينيا بس شد حيلك كدة

فاروق :ربنا يريح قلوبكم انا كدة اتطمنت سيبوني لوحدي شوية

بلحظة دخول الطبيب والممرضات فقال:كفاية كدة ياجماعة مفيش زيارات تاني اتفضلو خلونا نفحصه

خرج ثلاثتهم وسالم منهار من البكاء وكذلك البنات وكل بنت زوجها بيحاول يواسيها بلا فائدة

#بقلم_مرفت_السيد

دهب :عمي سالم هانفضل نتفرج عليه وهو بيموت

جوهرة:ادعيله يادهب

عاطف :يابنات هو بين ايادي ارحم الراحمين

هتفت فيروزة:يارب يارب

خرج الطبيب وهو متوتر ونده على سالم وعصام وتحدث معهم قليلا وانصرف تغير وجه سالم وعصام وتحدثا سويا بصوت اقرب للهمس

جوهرة :في ايه قالكم إيه انا داخلة اشوفه

فمنعها عصام وامسكها وهي تحاول الافلات منه

دهب لسالم :قالك ايه ياعمي

انهار سالم على الكرسي والجميع بحالة ترقب وتساؤل

فقال سالم:.....

🤧😥😭

يتبع

البقاء لله يابنات

انهارت الشقيقات مابين بكاء وصراخ واغماء

وباشر سالم وعاطف وعبد الناصرإجراءات الدفن والجنازة والعزاء كانت جنازته مهيبة فهو رجل محبوب وكريم وسيرته طيبة وكانت الازواج يستقبلون المعزيين ويرسلون طعام للشقيقات ويتواصلون معهم باستمرار

وبعد انتهاء ايام العزاء

جلست فيروزة وجمعت شقيقاتها المنهارات من الحزن

وقالت :يابنات لو قي حد من أزواجنا طلب من اي واحدة مننا تعيش معاه وتنتقل لبيته هانرفض فاهمين

جوهرة:ايوة طبعا لا الظروف تسمح ولا ينفع أبدا دلوقتي

بكت ناسة وهي تنام بحضن لؤلؤة وقالت :ومين تقدر تفرح بعد كدة

#بقلم_مرفت_السيد

دهب:الله يرحمك يا بابا مش قادرة اتخيل البيت من غيره هاتجنن احنا دكاترة عالفاضي ازاي ماعرفناش وملحقناش بابا من الاول وانفجرت بالبكاء

احتضنتها فيروزة وقالت وهي تربت على شعر اختها:حتى لو الاخداث اتغيرت عمره يادهب دة عمره يابنات ياللا ياحبايبي قومو نامو عشان ترتاحوا

بعد خلودهن للنوم جلست فيروزة بمفردها وهي تفكر فهي الشقيقة الكبرى المسئولة عن شقيقاتها فقالت لنفسها :مش هاسمح لحد ياخد اخواتي بالساهل لازم كل بنت فينا تاخد وقتها ومفيش حاجة تجبرنا نستعجل الي كنا خايفين عليه راح الله يرحمك يابابا ونظرت الى صورته ودمعت عيناها وقالت متخافش هاخققلك امنيتك وكل واحدة فينا هاتتجوز الي انت اخترته وهانشرفك ونخليهم يحلفو بتربيتك بس بالوقت المناسب سبتنا بدري اوي ياحبيبي

مر اسبوع واضطرت الشقيقات للعودة الى العمل والدراسة بصعوبة وكل واحدة جوزها بيتصل بيها وبيتطمن عليها بالفون وسالم بيطلعلهم كل يوم ويتطمن عليهم ويبلغهم انه اي مشكلة تواجههم هو بمكان فاروق

#بقلم_مرفت_السيد

وبعد مرور اسبوعين تقريبا ومحاولة الفتيات للخروج من الحزن المخيم عليهن

اتصل عبد الناصر بفيروزة واستئذنها بالمجيء لزيارتها يوم الجمعة بالإجازة فوافقت

ويوم الجمعة اتى عبد الناصر وعمر ويونس لزيارة البنات

محملين باكياس مليئة بكل احتياجات البيت

فيروزة :ليه كدة ياعمي كلفت نفسك

عمر :متقوليش كدة يافيروزة دة أقل واجب

عبد الناصر :فين اخواتك

نادت فيروزة على شقيقاتها فخرجن وسلمن على عبد النلصر وولديه

و قدمت لهم دهب القهوة وجلست الشقيقات بهدوء

يونس:عاملة ايه ياماسة

ماسة بحزن:الحمد لله انت اخبارك إيه

يونس بحزن:زعلان الله يرحمه عمي وربنا يصبركم

الجميع:الله يرحمه

عبد الناصر :شوفي يافيروزة يابنتي انا عاوز اقولك ان بعد الأربعين بإذن الله تتجوزوا انتي وماسة وتيجوا تعيشوا معانا مبقاش ينفع تقعدوا لوحدكم تاني وخليكي واثقةان بيتي هو بيتكم

#بقلم_مرفت_السيد

عمر:انا عارف ان الوقت مش مناسب بس دة الصح

فيروزة بهدوء:لا معلش اسمحلي ياعمي احنا مش هانتنقل بيتك الا لما يكون الوقت مناسب ودة مش بعد ال40 لأ النلس تقول إيه لما اتجوز بعد وفاة بابا ب40 يوم بس ازاي هاحس اني عروسة وافرح انا وماسة

عمر :طيب يناسبك وقت قد إيه

ماسة:عالاقل سنة

عبد الناصر:كتير ياحبايبي

فيروزة : لو حضرتك خايف عليناصدقني انا واخواتي هنا بامان وعايشين وسط أهلنا بس لازم نكون نفسيا مستعدين ودة مش سهل علينا ابدا سيبونا براحتنا ياعمي الموضوع مش سهل

عبد الناصر اقتنع بكلامها :خلاص يابنتي انا كان قصدي انك تبدأي حياة جديدة بس الي تشوفوه بس اوعدوني كلكم لو اختجتم حاجه تكلموني انا عمكم واولى بيكم ولو حابين كلكم بالإجازة تيجو عندي في المزرعة بتاعتي تغيروا جو اتفضلوا

جوهرة: طبعا ياعمي

فيروزة:اكيد وربنا يسهل ياعمي

عمر : مش محتاجة حاجة انتي واخواتك يافيروزة

:شكرا الحمد لله أمورنا تمام

عبد الناصر:ياللا بينا ياولاد خلو بالكم من نفسكم

ودعهم عبد الناصر وانصرف

قالت لؤلؤة :وبعدين يافيروزة أكيد الباقيين هايقترحو كدة برضه هنعمل إيه

فيروزة:انا مش عاوزة اتحكم في حياتكم انا بس عاوزة اعمل الصح الي الوقت مااسعفش بابا يعمله اننا منستعجلش وبرضه لو في واحدة منكم عاوزة تتجوز مش هامنعها

#بقلم_مرفت_السيد

نظرن لبعضهن البعض واومأن برؤوسهن بالنفي

مر شهرين والحال كما هو لاجديد وكل ماعريس منهم يلمح او يطلب ان عروسته تتنقل لبيته البنات ترفض بحجة انها نفسيا مش مستعدة ودة حقيقي

البنات بدأو يرجعو لطبيعتهم بس ببطء وعلاقتهم بعرسانهم بتقوى واحيانا بيتقابلو زي اي اتنين مخطوبين

مرت 8 شهور وسامي طلب انه يتمم زفافه على دهب خصوصا انه بسبب الظروف الي حصلت اتاحت له وقت انه يجهز بيته بعيدعن بيت العائلة ودهب وافقت واختارت الاثاث مع سامي وحجزوا قاعة بفندق وكل شيء كان جاهز

وتم الزفاف وسط سعادة شقيقاتها

وبعد انتهاء الفرح سافرت دهب مع عريسها الى الغردقة لقضاء شهر العسل ودعوها اخواتها بالبكاء فهن سيفترقن لاول مرة منذ ولادتهن

وبعدها بأسبوع طلب محمد من لؤلؤة ان يتم الزفاف فلايوجد اي مانع الآن، ووافقت وخيرها محمد بين فرح كبير او عمرة وبعدها يقضيان شهر عسل بتركيا فوافقت بلاتردد على الاختيار الثاني وعادت دهب لتحضر الزفاف وسط غضب سامي ولكنه لايستطيع ان يىفض طلب لدعب

فتم الزفاف بمنزل فاروق احتفال عائلي بسيط وسط سعادة الجميع وبعدها سافرت لؤلؤة وودعتها البنات بالدموع

اصر عبدالناصر على ان يتم زفاف فيروزة وماسة بعد اسبوعين

فاقترح عصام ان يتم زفافه على جوهرة مع شقيقاتها

ووافقت الشقيقات وعادت لؤلؤة لتحضر زفاف شقيقاتهاوتم الزفاف وسافرت فيروزة وماسة مع عمر ويونس الى شرم الشيخ لقضاء شهر العسل

ولكن عصام نظرا لانشغاله بمواعيد عمليات تتوافق مع الشهر العسل لن يسافر هو وجوهرة ولكنه وعدها بالسفر باقرب وقت

ودعت الشقيقات منزلهن بالدموع واصبح منزل فاروق فارغا

وتزوجت الفتيات كما اراد والدهن فعل ستسير حياتهن بسعادة كما كان يتمنى، 🤔🤔🤔🤔

يتبع

#الصائغ_والجواهر

#بقلم_مرفت_السيد

(دهب)

البداية

#بقلم_مرفت_السيد

حين كانت طفلة صغيرة راها سامي تكبر أمامه اعجب بها ومع مرور السنوات تحول الإعجاب ببنت الجيران الى حب وقرر الارتباط بها وحين فاتح والده بالأمر رحب بالموضوع

ولكن فاروق رفض لأن سامي رفض التعليم منذ صغره واتجه للتجارة ودهب ستصبح طبيبة

رفض سامي ان يتزوج بعد دهب وكان يرهق نفسه بالعمل حتى اصبح مليونيرا بسن صغيرة كان يراقبها من بعيد ويدعو الله كل يوم بأن تصبح من نصيبه

اما دهب فكانت تراقبه بصمت بداخلها سعادة خفية كلما رأته ولو صدفة وكلما تزوج احد اشقائه لا تهدأ الا بعد ان تتاكد بأن العريس شقيق سامي

كانت تتمنى بأن تتزوجه فهي معجبة بإصراره وتمسكه بها وبداخل قلبها شعور خفي بالحب تجاهه ترفض ان تصرح به

فقدت الأمل من تغيير رأي والدها

ولكن حدثت المعجزة وهاهي دهب بجواره ترتدي الفستان الابيض ساعات قليلة وستصبح زوجته بصورة رسمية

كان ينظر اليها وهو يبتسم بسعادة وكلما نظرت إليه يرتجف قلبه

اما دهب فهي تشعر بسعادة يشوبها الحزن على غياب والدها ولكن سامي اصبح زوجها بفضل فاروق

كانت تراه خلسة وهو ينظر اليها بهيام وكأنه لايرى غيرها

انتهى الفرح و ودعت شقيقاتها بالبكاء واصطحبها سامي الى الغردقة بناء على رغبتها فلقد خيرها بقضاء شهر العسل باي بلد اوروبية او عربية ولكنها اختارت الغردقة

وصل العروسان الى الجناح الخاص بشهر العسل

واهداهما الفندق عشاء فاخرا

قال سامي لدهب:تحبي ناكل الأول انتي اكيد جعانة

وامسك يدها برقة وقبلها واجلسها على السفرة وجلس امامها يتأملها وهي تأكل فضحكت من نظراته :بطل تبصلي كدة مش عارفة اكل وياللا كل انت كمان

ابتسم :حاضر يا حياتي

بعدما انتهيا من تناول الطعام اصطحبها سامي الى غرفة النوم وقال لها: انا هاسيبك تغيري براحتك بس عاوز منك طلب

دهب بخجل :أتفضل

*اقلعك الطرحة دة حلم من زمان

ضحكت برقة :ماشي

#بقلم_مرفت_السيد

*عارف إنه مشهد متكرر من الافلام المصرية

:عادي مفيش مشكله

امسك سامي بالطرحة وبدأ بفك الدبابيس ثم خلع عنها الطرحة بهدوء ووضعها جانبا ثم فك شعرها الدهبي الطويل وهو يتأمل جمالها الفريد شعرت دهب بالخجل والتوترفنهض سامي وقال وهو يغادر:انا هاسيبك على راحتك

وخرج واشعل سيجارة وهو مأخوذ من سحرها

وقال لنفسه : أنا مكنتش هاقدر اتحمل دقيقة كمان جنبها

اما دهب فقد اغلقت الباب خلفه وصدرها يعلو ويهبط تشعر بسعادة ممزوجة بالخوف

ذهبت للحمام وغيرت ملابسها لبيجامة ستان رقيقة لونها بينك وربطت شعرها برباط من نفس اللون فكانت تبدو كالملاك

دخل سامي ووجدها تجلس امام المرأة فاقترب منها وجلس بمواجهتها على الأرض وقبل يدها برقة وقال بهدوء: دهب انا مهما وصفتلك احساسي مش هاقدر الاقي كلام يكفي

بس صدقيني انا اسعد انسان في الدنيا ووعد مني هاخليكي اسعد واحدة في العالم

كانت دهب تستمع اليه وهي تنظر اليه بتأثر

فصمت قليلا وهو يحاول التماسك امام نظراتهاثم أكمل قائلا : عارف اني مش متعلم زيك حاولت زمان وماقدرتش بس هاعوض دة فيكي وفي أولادنا باذن الله هافتحلك عيادة لا مستشفى انتي بس احلمي

ووضع راسه على قدميها وبكى وهو يقول:عمري ماحبيت غيرك ولااتمنيت حد غيرك وكنت مستعد اقت... ل اي حد يفكر ياخدك مني ثم نظر اليها : انا باعشقك

ربتت دهب على شعره بحنان فنهض بطوله الفارع وقامته الهيباء وحملها كالأطفال و...😉🙈

مر أسبوع والعروسان لم يغادرا الغرفة حتى اصرت دهب على العودة للقاهرة لحضور زفاف شقيقتها لؤلؤة

غضب سامي من قرارها واقترب منها محتضنا إياها من خلفها وهي تضع الملابس بالحقائب وقال لها: حبيبتي بلاش نسافر إحنا لسة بشهر العسل

:معلش ماينفعش مااحضرش فرح واحدة من اخواتي وانت عارف

*عارف ياقلبي بس انا لسة ماشبعتش منك

وقبلها قبلة طويلة: يعني ينفع كده

*سيبني اوضب الشنط وبطل دلع

:أمري لله حكم القوي

وبينما هما يغادران الفندق كان احد النزلاء الاجانب ببهو الفندق يحدق بدهب فلم يشعر سامي بنفسه الا وهو ينهال عليه بالضرب و لولا تدخل مدير الفندق والامن لفض الشج... ار لحدثت جريم... ة قت... ل وتم احتواء الأمر

#بقلم_مرفت_السيد

كان سامي غيورا بجنون كلما نظر احد الى دهب هم بضرب... ه كان قوي البنيان ورياضي كانت دهب تشعر بالضيق من غيرته المجنونة ولكن ينتهي الأمر باعتذاره وتقديم هدية قيمةلها مع وعد منه بعدم تمرار الامر ومحاولة التماسك ولكنه لايستطيع ان يتمالك اعصابه فهو يعشقها حد الجنون

حتى في زفاف لؤلؤة كان سيفتك باحد المدعوين من أصدقاء العريس الذي خيل اليه انه ينظر الى دهب لولا تدخل سالم الذي سيطر على الموقف قبلما يتطور

انتهى زفاف لؤلؤة وعاظت دهب وسامي الى منزلهما لأول مرة

لم تتحدث دهب مع سامي طوال طريق العودة

ودخلت غرفة النوم وافرغت حقائبها بهدوء

اقترب سامي منها واحتضنها بقوة حاولت الابتعاد عنه

فحملها رغما عنها وهي تقاومه والقاها كالطفلة الصغيرة الى الفراش وانقض عليها بكل عنف يغتصب... ها كالمجنون وهو يردد:اوعي تفكري ترفضيني في مرة

#بقلم_مرفت_السيد

وبعدما انتهى تركها وبها بعض الجروح بجسدها ولكن جرح قلبها النازف وكبريائها كان اكبر وربما لن يلتئم

بعد شهر

اجتمعت الشقيقات بمنزل فاروق وقصت عليهن دهب مايحدث معها وهي تبكي

انتفضت فيروزة بغضب وقالت: ورحمة بابا ماهاعدي لسامي الي بيعمله معاكي

احتضنتها. لؤلؤة : استني بس يافيروزة انا عاوزة اعرف منك يادهب هو دة بقى الطبيعي بتاعه معاكي ولا ايه

دهب :لا لما ازعل منه بس انما لنا بنمون عاظي ونفيش مشكلة بيكون طبيعي

لؤلؤة :وطبعا بعدها ب يراضيكي

دهب :اه وبيعيط كمان

لؤلؤة : فيروزة الحل سهل

فيروزة :يعني يضرب.. ها ويغتص... بها ويشك فيها واقولي الحل سهل

ماسة :إزاي فهمينا طيب يا لؤلؤة

جوهرة: دة عاوز يتربى من اول وجديد اختنا ماحدش يهينها

لؤلؤة :خلصتو اسمعوا بقى الحل هو انك تزعقي فيه وتأمريه مايعملش كدة سامي خاتم في صباعك مجنون بيكي بيحاول فرض سيطرته بالطريقة الوحيدة الي شايف انه بيجيد التعبير من خلالها والي من وجهة نظره بيحس انها فعالة في ترويضك

جربي ومش هاتخسري حاجة لما يغير ويعمل مشكله وقفيه بكلمة منك انتي صاحبة السيطرة تحكمي فيه اقلبي الامور لصالحك

فيروزة : التحليل النفسي دة ماينفعش

لؤلؤة :انتي بتحبيه يادهب حاولي ،

دهب بهدوء :هاجرب

#بقلم_مرفت_السيد

فيروزة:طالما دة قرارك جربي بس ياترى يا لؤلؤة انتي بقى حياتك ماشية مع محمد ازاي

دهب :ايوة طمنينا إحنا هانسمع كل واحدة فينا بترتيب الجواز

جوهرة :انا واثقة انك ماشية بالعقل والحكمة مع محمد بس أهله هما مصدر القلق

لؤلؤة : انا...........

وبدأت بالحديث عن حياتها الجديدة مع محمد وأهله

فقالت.....

يتبع

#الصائغ_والجواهر

#بقلم_مرفت_السيد

14&15

(لؤلؤة)

جلس محمد مع والده وهو يرتدي بدلة العرس ويستعد لزفافه وقال :بابا حضرتك عاوزني؟

عاطف بدموع تتلألأ بمقلتيه:ايوة ياحبيبي عشت وشوفتك عريس يامحمد

ابتسم محمد وقبل يد عاطف :وتعيش واشوف ولاد وولاد زهرة ورقية يارب

عاطف :أمين يارب العالمين شوف يابني انا قلقان من فايزة أمك ومن اخواتك

*قلقان من إيه يا حاج

:يابني مراتك خام ملهاش بشغل الحموات بتاع امك دة انا مش عاوز مشاكل وتشان كدة عاوزك تنشف شوية مع امك واخواتك متدخلمش بحياتك انا لو عشت لك النهاردة مش هاعيش لك بك..

*ربنا يطول بعمرك ياحبيبي

:المهم فهمتني عاوزك تبعد مراتك عن اي وجع دماغ وخليك محايد بس متسمحش لأمك تعمل مشاكل

*فهمتك حاضر ياحج متقلقش

وفي غرفة زهرة ورقية جلست الأم وهي تقول لبناتها:فهمتو يااغبيا البت لؤلؤة اول ماترجع من شهر العسل هادبحل... ها. القطة

زهرة:حاضر

رقية:عقبالي لما اتجوز كدة

فايزة:ابني خسارة فيها لازم اخليها تغور من هنا ياللا بينا ابوكم بينده علينا

كانت لؤلؤة تستعد للزفاف في منزل فاروق واكتملت سعادتها حين عادت دهب من الغردقة

أتى العريس واسرته وبدأ الاحتفال الصغير وسط العائلتين وبعض. الأصدقاء

طوال فترة العمرة لؤلؤة ومحمد يتعاملان سويا بخجل فهما مازالا لم يتعودا على بعضهما

وانطلقت لؤلؤة ومحمد الى المطار لتبدأحياتهما بعمرة وبعد الانتهاء منها ذهبا العروسان الى تركيا ليبدأ شهر العسل

كان يعاملها بكل ود ويستشيرها حتى عن ملابسه التي سيرتديها

كانت لؤلؤة خجولة جدا لاتقصح عن مشاعرها بسهولة ولكن تعامله معها بكل رقة وهدوء ومراعاته لمشاعرها بكل أفعاله مما زادها قربا إليه

وعاد الزوجان قبل فرح شقيقاتها بيومين وهما بمنتهى السعادة

وصل العروسان الى المنزل فاستقبلهما الاب بسعادة واحتضن ابنه وزوجته واصر على تناولهما الغداء معه بشقته

استقبلت الام والشقيقتان محمد بالاحضان ولم يسلموا على لؤلؤة التي شعرت بالحرج

فلاحظ محمد وعاطف مايحدث

فقال عاطف :خد مراتك واطلعوا ارتاحو وانا هابعتلكم الاكل ياابني لحد عندكم فوق

محمد:حاضر يابابا عندك حق

فايزة:ليه كدة ياحاج دة ابني واحشني اوي ماتخليه ياكل هنا وسطنا دة حتى خاسس خالص

محمد:معلش يا أمي هابقى اجيلك بكرة وانا نازل عالشغل

رقية: جبتلنا معاك حاجة حلوة يامحمد

عاطف :بس بقى اطلع يابني ياللا سيبك منهم

بمحرد انصرافهما قال عاطف بعصبية:احنا مش هنخلص من الحركات دي

فايزة :ايه حصل إيه

عاطف :لله الأمر من قبل ومن بعد طلعوا اكل لابنك ومراته ولموا الدور عشان انا فاهمك كويس

اما العروسان بمجرد دخولهماالشقة التفت محمد الى لؤلؤة وسحبها لاحضانه وهو يربت على شعرها وقال:نورتي بيتك وحقك عليا من الي عملاه امي واخواتي

لؤلؤة : محصلش حاجة

#بقلم_مرفت_السيد

محمد : انا مش هاسمح لأي حد يزعلك ومتخافيش عمري ماهاضيع حقك ابدا ولاهاجي عليكي

*ربنا يخليك ليا متشغلش بالك هما لسة مش متعودين على وجودي وانا كمان كام يوم وهارجع شغلي

:حبيبتي بس ليا طلب اوعديني مهما يحصل منهم اسكتي لحد ماارجع وانا شغلي تحت العمارة فمش هابعد عنك

*ربنا يخليك ليا أوعدك

نظر الى عينيها بحب وقال هامسا:ايه القمر دة متجوز قمر ياناس وباغتهابقبلة طويلة

قاطعهما جرس الباب فقال بعصبيه :هو دة وقته

ففتح الباب وهو غاضب وانسحبت لولوة الى غرفة التوم وهي تضحك على عصبيته

وبينما هي تفرغ الحقائب سمعت صوت فايزة تقول لمحمد بصوت عالي:المرادي طلعتلك الأكل بس عشان ابوك طلب كدة انما انا وبناتي مش خدامين عند الست هانم

شعرت لؤلؤة بالغضب ولكنها تمالكت اعصابها واسترقت السمع فوجدت محمد يرد بكل هدوء على أمه :شكرا على تعبك ياست الكل احنا شبعانين انا بس مارضتش ازعل بابا

:أمال لما مراتك تشتغل مين هايأكلك؟

*متقلقيش ياست الكل

:براحتك يامحمد عن اذنك

تماسكت لؤلؤة وابتسمت بوجه زوجها الذي هرع إليها واقترب منها وخطف منها الملابس والقاها على الأرض وامسك بيد لولوة وجذبها اليه وهو يقول:تعالي نكمل كلامنا

وباليوم التالي ذهب محمد الى الصيدلية وقبل ذهابه نظر الى لؤلؤة وهي نايمة وقبل وجنتيها برقة وانصرف

#بقلم_مرفت_السيد

بعدقليل دق جرس الباب نهضت لؤلؤة بتكاسل وفتحت لتجد فايزة وبناتها يحملون لحم وطماطم وبصل وبطاطس وملوخية

بادرة فايزة بالحديث وهي تدخل وخلفها ابنتيها وتقول: هانطبخ عندك أصل الانبوبة خلصت

رقية:احنا مش بنستأذنك دة بيت أخويا

الأم :أمال إيه ياللا ياحبيبتي كملي نومك لاحسن تقولي اننا قلقناكي

لم ترد لؤلؤة ولم يعطوها فرصة للحديث اصلا فدخلت حجرتها وارسلت لمحمد برسالة على الواتس وقالت:تعالى شوف انا باعمل ايه في المطبخ بسرعة عاملالك مفاجئة ياحبيبي

رد محمد:بجد ايوة بقى ثواني هاكون عندك

مرت دقيقة وسمعت لؤلؤة صوت زوجها وهو ينادي عليها

ثم سمعت صوت أمه وهي تقول: إيه الي رجعك هي لحقت توحشك

:ماما انتوا بتعملو ايه هنا والمطبخ متبهدل ليه كدة

*الانبوبة خلصت وانت عارف ابوك بيرجع بعد الضهر جعان قولت اعمل الاكل عندك

:يعني انا ومراتي لسة ماستخدمناش المطبخ ينفع المنظر دة

*انت بتقول ايه يامحمد قصدك اننا مش نضاف

محمد بحدة:ماما ليه بتعملي كدة انا مبسوط بحياتي مش عاوزة ليه تعترفي اني ليا حياتي الخاصة ومراتي مش بتزعلك ارجوكي يا أمي بلاش تخليني بموقف دفاع دايما من افعالكم دفاع عن مراتي الي مبتعملش حاجة ماتحاولي تقربي منها اعتبريها بنتك

*لحقت تقلبك علينا خلاص بتعلي صوتك عليا

وصل عاكف شقته فلم يجد اخد بالمنزل فشك بان فايزة وبناتها عند محمد فصعد بسرعة ووقف يستمع لما يحدث

وتدخل قائلا:ابنك مش بيغلط فيكي ولاقلب عليكم ولا عاق انتي الي قاسية وقلبك كله حقد على البنت

ردت رقية:على إيه هي أحسن مننا يعني

ليضربها محمد بالقلم على وجهها

صاحت فايزة:محمد

#بقلم_مرفت_السيد

عاطف:ولا كلمة انزلوا قدامي انا هاعرف اربيكم

بعد رحيلهم دخل محمد غرفته ليجد لؤلؤة تبكي بصمت فاقترب منها واحتضنها :حقك عليا انا عارف انك مخنوقة

:كان نفسي تكون أمي

*ماتنسيش انك بنظرها خطفتي ابنها الوحيد الي بيعشقك

ابتسمت رغم دموعها :ربنا يخليك ليا

*لا مش هاضعف انا عاوز اشوف الرسالة الي اتبعتتلي بتتنفذ عملي

ضحكت لؤلؤة و استطاع ان يجعلها تنسى ماحدث بطريقته اللطيفة

وباليوم التالي وبينما محمد و لؤلؤة وعاطف بطريقهم لزفاف شقيقاتها

قال عاطف لمحمد : يابني انا لقيت حل للي بيحصل من امك واخواتك هيريح الكل

محمد :خير ياحاج

عاطف :عارف الأرض الي جنبنا الي اشترتها من فترة

*مالها ياحاج

:هابنيها عمارة وهاتسكن انت ومراتك فيها

لؤلؤة : معقول ياعمي ليه التكاليف دي

عاطف :مانا هابيع باقي الشقق يابنتي ولو هابتيهالك انتي مخصوص هاعملها انتي تستاهلي قصر

*ربنا يخليك ياعمي حضرتك الي تستاهل كل خير

محمد :طب بعد اذنك يابابا انا عندي اقتراح

*إيه يابني

:هاشتري منك الأرض

*ليه مش فاهم

:هاابنيها فيللا انا مش عاوز اسكن مع حد غريب

. *والله فكرة بس هاتقدر على تكاليف البنا

:بإذن الله

*والارض اعتبرها هدية جوازك والصبح عقدها عايكون عندك

محمد بسعادة: ربنا يخليك ليا يارب

وصلوا عند منزل عبد الناصر وتجمعت الشقيقات الخمسة بسعادة

ولاحظ الجميع بحفل الزفاف حب محمد لزوجته بكل تصرفاته

انتهى حفل زفاف فيروزة وماسة وجوهرة وحين وصلت لؤلؤة ومحمد وعاطف المنزل وتوقفت السيارة

لمحت لؤلؤة شخص ما يقف عند بوابة العمارة وانصرف مسرعا حين لمحهم

#بقلم_مرفت_السيد

فقالت لمحمد:محمد شوفت الشاب الي جري دة

محمد :فين

*كان واقف هنا عند البوابة

عاطف :نبقى نراجع الكاميرات ليكون حرامي

وباليوم التالي ذهبت لؤلؤة الى الجامعة لممارسة عملها ومر يومان دون جديد يذكر تعود من عملها وتمر على محمد ليصعدا شقتهما سويا ويساعدها بتحضير طعام الغداء التي تقوم باعداده ليلا وهو يداعبها بخفة دمه

كانت شقيقاتها يستمعون اليها وهي تحكي لهن كل ماسبق

اكملت قائلة :وامبارح بدأ بإجراءات استخراج ورق البناء

فيروزة :ربنا يسعدك ياحبيبتي

جوهرة:بس تفتكري امه واخواته هايسكتو على الي هايحصل

ماسة:متهيئلي هاتقوم حريقة

لؤلؤة : بابا علمنا نصبر وانا هاصبر وبصراحة محمد وباباه يستاهلو اني اصبر واتحمل

دهب:ربنا يكرمهم بس عاوزين نسمع منك يافيروزة بقى انتي وبعد كدة ماسة حصل معاكي إيه بعد الفرح

ابتسمت فيروزة وقالت: طيب تعالو نشرب نسكافيه الأول ياللا ياماسة دة تخصصك

ماسة بضيق:انا اخر العنقود ماشوفتش دلع خااالص امري لله

ونهضت متجهة للمطبخ بغصبية وهي تدبدب علي الأرض وسط ضحك شقيقاتها

وبعد شرب النسكافيه وبعض الأحاديث الجانبية قالت لؤلؤة :ياللا احكي يافيروزة

(فيروزة)

فقالت فيروزة: خلصنا الفرح وزي ما شوفتو عمر الي كان مغرور اول مرة بعد الخطوبةوكتب الكتاب اتغير اوي لحد الفرح حسيته إنه فرحان ومتوتر وفي حاجة عاوز يقولها من يوم ماعرفته بس متردد

دهب:وانتي ماسألتيهوش ولا مرة عن الحاجة الي موتراه ومتردد يقولها

فيروزة: لا لاني كنت واثقة انها حاجة ماتخصنيش

جوهرة:كملي

فيروزة:انطلقنا لشرم الشيخ احنا بعربيتنا وماسة ويونس المجانين بعربيتهم لحد ماوصلنا طلع عمي حمايا حاجز لكل حد منا سويت هوني مون تحفة زي الشاليه الي عالبحر مباشرة

وصلنا بعد وقت طويل وكنت نايمة وهو كمان كان نعسان خالص فاترمينا على السرير ونمنا بهدومنا من ارهاق قبل الفرح وطريق السفر الطويل

وصحيت تاني يوم عشان اتفاجيء بعمر......

#الصائغ_والجواهر

#بقلم_مرفت_السيد

جوهرة:اتفاجئتي بإيه؟

فيروزة:عمر قاعد في البلكونة بيشرب سيجارة وبيتكلم بالفون ومفكرني نايمة ومش سمعاه

ماسة:كان بيكلم مين

فيروزة: الي حصل انه.......

فلاش باك

صحيت فيروزة وهي حاسة بكسل ودماغها تقيلة بصت جنبها ملقتش عمر

قامت تدور عليه لقيته في البلكونه بيشرب سيجارة وبيتكلم وقبل ماتدخل سمعت الي خلاها تقف مكانها وتستخبى

عمربصوت اقرب للهمس:والله العظيم مالمستها هي نامت وانا كمان ومحصلش حاجه

*طيب ماانا لازم اخليها هي الي ترفضني انا عملت اني حبيتها عسان بابا والميراث وادارة الشركة وكمان عشان قرابة والدي بوالدها وتعاطف مع حالة والدها

*ماشي انا وعدتك يانورا وانتي عارفة كلمتي انا باحبك وبوسيلي كارما وكريم قوليلهم بابي بيقولكم بون وي

ياللا باي لاحسن تصحى ويبوظ كل الي عملته

اتسحبت فيروزة ورجعت سريرها ومثلت النوم وهي بتحاول تتماسك من صدمتها باول حب في حياتها وفي الوقت الي المفروض تقضي فيه اسعد ايام حياتها

منك لله ياعمر وربنا يسامحك يابابا قالتها لنفسها بقهر وحسرة

شعرت بعمر يجلس بجوارها ويداعب خصلات شعرها

ويوقظها قائلا:حبيبتي اصحي بقى

قالت لنفسها*حبيبتك يابجاحتك

ونهضت بسرعة حتى لايضع يده عليها مرةاخرى

#بقلم_مرفت_السيد

فقال:صباح الفل على احلى عيون انا صاحي من زمان وجعان ومستنيكي مش عاوز اقلقك

* صباح النور

اتجهت للدولاب واخرجت تريننج ابيض وذهبت للحمام بدون ماتديله فرصة يتكلم تاني اغلقت الباب على نفسها وجلست تحاول أن تتمالك اعصابها وتتصرف بهدوء

ملات الباتيو وجلست بداخله لتسترخي

طرق الباب وقال:هاطلب الفطار ليكي طلب محدد ولا عادي

*عادي

:انتي كويسة

*آه

اعمل إيه ياربي ساعدني

انتهت وخرجت لم تجده فشعرت بارتياح وجلست تصفف شعرها الطويل المسترسل بلحظة دخوله لم تراه فوقف فاتحا فاهه من الانبهار بجمالها الأخاذ

افاق من شروده وصول طعام الافطار

انتهت فيروزة من التزين وكانت تبدو كالحورية فخرجت لمحته يجلس على السفرة بانتظارها وجلست تتناول افطارها بدون ان تنظر إليه

لاحظ هو ذلك فقال: مالك ياروزة انتي كويسة

*اه الحمد لله

:حاسك متغيرة وساكتة

*عادي

:طيب أخويا المجنون حاجزلنا نعمل دايفنج وسنوركلينج بعد الفطار

*تمام

وبعد قليل جاءت ماسة ويونس وهما بيجرو ورا بعض زي الاطفال وكان واضح انهم مبسوطين

احتضنت ماسة شقيقتها ويونس صافح فيروزة ثم احتضت عمر وسار الجميع سويا وظلت ماسى تتكلم وفيروزة شاردة

ماسة:ايييييه مالك ياروزة بقالي ساعة باكلمك

ابتسمت فيروزة :مفيش حاجة طمنيني عليكي انتي كويسة ياحبيبتي

#بقلم_مرفت_السيد

ماسة :اوي اوي الجواز حلو انطلاق وحرية دة احنا ناويين نسافر ونلف العالم ويونس طيب اوي

*الحمدلله عالاقل واحدة فينا ماشي حالها

:لا بجد مالك

*انتي عارفاني

:عارفة عمرك ماهاتقولي مالك

وصل اربعتهم الى المركب وقضوا يومهم سويا يمارسون الانشطة الترفيهية بسعادة

تناست فيروزة ماحدث حتى لاتفسد بهجة شقيقتها

انتهى اليوم وانصرف كل زوجان الى جناحهما

دخلت فيروزة غرفتها لتبدل ملابسها فاقترب منها عمر ووقف امامهاثم جذبها لتقترب منه على بغتة لتصبح بين احضانه

توترت فيروزة فقال وهو يقبل وجهها وهي تشعر بالقرف وتحاول التملص منه :مالك انا عارف انك متوترة متقلقيش

#بقلم_مرفت_السيد

ابتعدت عنه وهرولت الى الحمام واغلقته ظل يطرق الباب وهو يظن بأنها خائفة :حبيبتي افتحي قولتلك ما تقلقيش

لم ترد

:خلاص اوعدك مش هاقربلك بس افتحي نتكلم

قررت أن تواجهه لو شعرت بالضغط عليها

ففتحت الباب وخرجت كان يجلس على الفراش فجلست بجواره بهدوء

فابتسم وجلس امامها وقال: شوفي ياروزة انا هاسيبك براحتك خالص بس سيبيني اقربك مني بالراحة

ثم حاول تقبيلها فامتنعت وبدا على وجهها الامتعاض والقرف فصاح بها:لا بقى كدة في حاجة في ايه اتكلمي

*مابلاش اتكلم

:لا لأ اتكلمي عشان دماغي كدة هاتاخدني بسكة غلط

ضحكت بسخريه * بجد انتو ليه يارجالة مابتفكروش ان الغلط عندكم ليه دايما الغلط من عندنا

:مش فاهم انا غلطت في إيه

*خدعتني

:انا خدعتك ؟ازاي؟

*انا سمعت مكالمتك

: سمعتي إيه ؟

*انت فاهم ياابو كريم وكارما

شعر عمر بتوتر بالغ فجلس صامتا

*ماترد إنت اتفضل

:أيوة الي سمعتيه صح

*ماقولتليش ليه انا ذنبي إيه تمثل عليا الحب عشان باباك

:فيروزة افهمي دي طليقتي وانا طلقتها عشان بابا ضغط عليا بس طلعت حامل بتوأم وبابا مكانش هايقبل اني ارجعلها لظروف كدة بس كان لازم ارجعها انا بين نارين بابا تعبان ولو عرف اني خالفته مش هاورث وولادي هايتبهدلو كان لازم ارضيه واتجوزك

*وانا مليش ذنب بكل الحوارات دي ومش هاكون لك زوجة مهما حصل

:وانا هحترم رغبتك بس شوية وقت عشان خاطر نمهد الموضوع للكل

*لا وانت الصادق عشان مصلحتك

:وافرضي انتي عارفة انا تعبت بالشركة دي إزاي وكبرتها وكبرت اسم العيلة وعشان غلطة من مراتي بابا عاوز يدمر حياتي ويجوزني ليكي

تقدري تقوليلي وافقتي عليا ليه

*عشان بابا بس انا مش زيك انا محدش اجبرني حتى لو الظروف كانت غلط بس اخدنا فرصتنا وكان قدامك وقت تقولي وكنت هانسحب

#بقلم_مرفت_السيد

:انتي صح بس كملي جميلك ساعديني وانا هاعملك كل الي انتي عاوزاه بس الصبر انا بأسس شركتي وبعدها هاسيب بابا بارادتي واستقل مع مراتي وولادي وأطلقك

*وانا مالي اتحمل كل دة ليه تطلقني دلوقتي

:طب حتى عشان سمعتك وسمعة اختك انتي عارفة طبعا الي هايتقال

* تولع الناس انا عارفة نفسي

:طب ولو قولتلك اصبري بس شهرين واطلبي مني اي حاجة

*انا متلخبطة سيبني افكر

:طب ممكن عشان خاطري متقوليش لحد

*ملكش عندي أي خاطر

#بقلم_مرفت_السيد

:طيب عشان خاطر بابا الي بيحبك زي بنته لو عرف قلبه هايتعب اكتر

*عشان خاطر عمي مش عشانك بس مش معنى كدة اني موافقة انت مؤقتا لخد ماافكر كدة واوصل لحد ملكش علاقة بيا لاتقربلي ولاتنام جنبي ولاعاوزة اشوف وشك

:حقك حاضر

*اتفضل برة عاوزة انام

عودة للوقت الحالي

قالت فيروزة لشقيقاتها:وقضينا الاجازة ورجعنا وانا ماوصلتش لقرار لحد دلوقتي

التفت شقيقاتها حولها واحتضنوها بحزن وقالت ماسة:كل دة وانا جنبك باتنطط من الفرحة ومعرفش حاجه

جوهرة:وهتعملي إيه

*صدقيني مااعرفش هو بيتعامل معايا بكل أدب وعمي طاير بيا حيرانة ومش قادرة اقرر

لؤلؤة :احنا لازم نفكر معاكي الوضع كدة مش مريح

فيروزة :متقلقوش عليا انا بلغته اني هابات هنا عشان افكر برواقة

دهب: ربنا يرحمك ويسامحك يابابا

فيروزة:العيب مش في بابا العيب في البشر المهم اركنوا موضوعي شوية وتعالو نسمع ماسة

ماسة:قبل ما احكي كل واحدة فيكم تتصل بجوزها وتبلغه اننا هانبات هنا سوا ماينفعش نسيب روزة لوحدها ولاايه

الكل:طبعا صح معاكي حق

واتصلن جميعهن بازواجهن وابلغوهن بالمبيت بشقتهم

جوهرة: ياللا ياست ماسة احكيلنا حصل معاكي إيه

ماسة:الي حصل......

يتبع

تكملة الرواية هناااااااا

اكتب في بحث جوحل( مدونة قصر الروايات) تظهر القصص كاملهق

تابعونا علي قناة التليحرام من هنااااااااااا

ليصلكم اشعار بالنشر

الرواية كامله من البداية من هناااااااااااا

قصر الروايات

القائمة الرئيسية

الصفحات

تابعنا من هنا

رواية الصائغ والجواهر من البارت 11-12-13-14-15 بقلم مرفت السيد

أخر المواضيع من قسم : قصص حديثه

تعليقات

إرسال تعليق