رواية ملاك في رداء الشيطان كامله من الفصل 11 الي الفصل الاخيربقلم ايزيس

البارت الحادي عشر

وانجل جالها اتصال من مجهول

ردت ... الو مين

المجهول ... ازيك يا (تالية ) ليكي وحشة يا بت .. لحظة من الصمت انجل ماردتش من الصدمة هي من زمان ما سمعتش حد بيناديها بالاسم دا حتي أنها نسيت اصلا أن اسمها تاليا

تابع المجهول ... ايه يا بت اطرشيتي ولا مش فاكراني رغم اني ماتنسيش انا حماصة الوَحش ، بقولك ايه انتي وحشتيني يا هرابة ووحشتني بو*ستك ااااخ لوز يا ناس ، عايز اشوفك يا بت ولو ..... قبل ما يكمل كلامه قفلت انجل الفون ورمته ع السرير وجسمها بدأ يرتعش كانت مرعوبة حرفيا لما افتكرت حماصة وتصرفاته القذ*رة معاها ولمسا*ته اللي لا تمت للأبوة بأي صلة

قعدت انجل ع الأرض وحضنت نفسها وفضلت تعيط وفجأة وصلت رسالة

(مش هاسيبك في حالك انتي طاقة القدر بالنسبة لي اهلك الصعايدة لو عرفوا انك لسة عايشة هيجوا ياخدوكي بالعافية ، سلام يا مُزتي )

انجل رمت الفون وطلعت تجري علي اوضة مارد وفريدة كانت مراقباها وشافتها لما خرجت وابتسمت بخبث وهي بتبص لمذاكرات انجل اللي في أيدها وبتفتكر حاجة

فلاش باك

قبل اسبوع

فريدة دخلت اوضة انجل تدور فيها عشان تعرف ايه المفاجأة اللي بتخطط لها انجل لعيد ميلاد المارد وفجأة وهي بتدور تقع في أيدها مذكرات انجل الفضول قت*لها عشان تعرف هي كاتبة ايه فتحت اول صفحة

«عمري الان خمسة عشر عاما

حياتي غريبة بعض الشئ لذا قررت أن أكتب مذكراتي لعلي في يوم انسي فتذكرني بأن ذلك المارد هو طوق النجاة بالنسبة لي ، لم اتذكر كثيرا عن حياتي قبل أن أقابله لم اتذكر سوي اسمي تاليا احمد الاسيوطي كنت أعيش في قرية السنانية في محافظة دمياط ، هذا فقط ما تعلمته حينما كنت في الصف الثاني الابتدائي كانت حياتي هادئة بعض الشئ الي أن اقتحمها ذلك الشيطا*ن الذي يدعي حماصة الوحش كنت أعيش مع والدتي كانت كل العالم بالنسبة لي مازلت اتذكر وجهها الجميل صوتها الناعم رغم كرهها لي و بعدها عني في آخر أيام بيننا ولكني مازلت اتذكر حينما مرضت تلك الليلة لقد بللت وجههي من كثرة دموعها اشتاق اليها حد الجنون ولكن لا اريد رؤية ذلك الشيطا*ن الذي فرق بيننا »

عودة من الفلاش باك

فريدة فاقت من شرودها علي خبط انجل علي باب اوضة مارد فاستخبت عشان ماحدش يلاحظ وجودها

كان مارد ماسك ورقة وبيصمم سلا*ح جديد والسيجارة في بقه قال ... ادخل ، دخلت انجل باندفاع ورمت نفسها في حضنه وقالت بصوت مرعوب ... اوعي تسيبني يا مارد اوعي تتخلي عني وعيطت

مارد كان هيتجنن لانه فاكر زعلها بسبب خطوبته طبطب علي ضهرها وقال .. اهدي يا حبيبتي وفجأة قلبه دق جامد لما اخيرا قدر ينطق الكلمة اللي مش راضي يعترف بيها حتي قدام نفسه

اتنحنح وقال ... فيه ايه مالك

انجل خافت تقول لمارد علي حماصة لانه بديهددها ، سكتت وبعدها بصت لمارد وكانت لسة في حضنه وقالت .. هو انت ممكن تسيبني لو حد من اهلي ظهر

مارد بسخرية .. اهلك ؟! انا اهلك انتي بنتي انا وبس مالكيش أهل غيري فاهمة

انجل هزت راسها وسندت راسها علي صدر مارد وغمضت عينيها لحد مانامت

ولما أتأكد هو أنها نامت شالها وحطها علي سريره وغطاها وكمل تصميمه لحد ما خلصه وبعدها نام ع الكنبة

**************

في الصبح

انجل صحيت لقت نفسها لسة في اوضة مارد وهو نايم قامت من ع السرير وخرجت وراحت اوضتها

مسكت فونها لقت ريكورد ع الواتس

(تحضري ١٠٠ الف جنيه مبدئيا وتيجي بعد بكرة ع المكان دا ******* ولو فكرتي تفكير انك تقولي للمارد هتندمي فاهمة يا مزتي )

حطت أيدها علي بقها وفضلت تحرك عينيها يمين وشمال وفضلت تفكر ياتري هتتصرف ازاي

مارد صحي مالقاش انجل قلق راح لها الأوضة اول ما دخل هي اتخضت

و مارد لاحظ توترها قرب عندها وقال

... مالك ؟ ايه اللي حصل امبارح خلاكي تفكري في اهلك

انجل بتحاول تبتسم وبتجاهد نفسها عشان ما تقلش لمارد حاجة ، لأنها عمرها ما خبت عنه أي حاجة بتحصل معاها

انجل ردت .. مافيش مجرد تفكير مش اكتر

مارد بشك .. اممم هنشوف ، المهم جهزي نفسك عشان فريدة هانم بكرة هتعمل حفلة بمناسبة الخطوبة *قال الكلمة الأخيرة من بين أسنانه كأنه مضايق *

انجل بصت ولوت بقها وقالت .. حاضر

سابها وخرج وهي كانت هتموت من الغيرة عليه كل ما تتخيل أنه هيكون ل لمار مش ليها

*عدي اليوم دا طبيعي من غير احداث إلا أن انجل ما وقفتش تفكير في حماصة اللي رجع بعد تمن سنين يأرق يفكيرها

ومارد بيحاول يشغل نفسه في مصنعه علي اد ما يقدر عشان ينسي ام الخطوبة اللعينة دي بالنسبة له

وفريدة كانت متحمسة جدا وبترتب لخطوبة ملكية لأنها بتموت في المظاهر وجميلة مضايقة عشان عارفة أن مارد لو اتجوز لمار هيبعد عنها اكتر واكتر وهيقرب لفريدة وعيلتها وعزيز كان بيتعاقد علي صفقة كبيرة جدا في نفس اليوم دا

مارد وهو ماشي من المصنع قال لاسلام

... بدل ما تزعل وتقول اني ماقلتلكش بكرة خطوبتي علي لمار

اسلام ضرب علي صدره زي الستات وقال ..يا مصيبتي

مارد بص له من فوق لتحت وقال .. ما تنشف يااض ايه دا

اسلام بغضب ... اصلي بصراحة مالقيتش انسب من التعبير دا للموقف اللي احنا فيه دا

مارد ... وماله الموقف اللي احنا فيه

اسلام ... انا صاحب عمرك ابقي اخر واحد يعرف انك خطبت ، طب بلاش دي وبتقولي بكل سهولة بدل ما تزعل يعني من باب العلم بالشئ ، والأدهي من كل دا انك هتخطب لمار اللي انت مش بتطيقها من الأساس دي فزورة صح

مارد وهو بيدخن السيجارة ماكانش مركز في كلامه ف قال .. ولا فزورة ولا حاجة ، أنا هاخطب لمار عشان انجل ....وسكت

اسلام ... مالها انجل ، مارد انت بتحب انجل أنا متأكد

مارد حب يهرب لانه عارف ان اسلام اكتر واحد حافظه ومش هيقدر يضحك عليه بكلمتين فقال .. انا هامشي عشان مانتخانقش وركب عربيته وانطلق

اسلام وهو حاطط ايديه في جيوبه وبيبص للعربية قال ... طب عليا الطلاق بتحبها

***********

تاني يوم قبل الحفلة

مارد كان بيلبس انجل دخلت وكانت لابسة فستان روز هادي وسيمبل وميك خفيف جدا وفاردة شعرها بس كانت قمر

مارد فضل باصص لها لحظات وهي انحرجت من نظراته ونزلت عينيها في الأرض وبعدين رفعت وشها وقالت ... ايه حلوة

مارد وهو مش في وعييه همس .. قمر

انجل ابتسمت وهو لاحظ ف اتنحنح بسرعة وقال .. ايه اللي جابك عايزة حاجة

انجل باحراج .. ع عايزة انا أصلي كنت عايزة احم ١٠٠ الف جنيه

مارد عقد حواجبه .. ليه عايزة مبلغ زي دا

انجل ... مارد لو أنا بنتك بجد اديني الفلوس من غير ما تسألني

مارد فتح الدرج وطلع الكريديت بتاعته وقال لها ... خدي اللي انتي عايزاه ، الرقم السري تاريخ ميلادك

انجل بصت لمارد بدهشة وقالت من غير ما تحس بنفسها .. مارد ما تخطبش لمار

مارد ركز في عينيها وكان علي وشك الاستسلام لصوت قلبه اللي بيقله اعترف لها بحبك وليذهب كل شئ الي الجح*يم بس سيطر علي نفسه وقال .. انتي صغيرة ما تتدخليش في اللي مالكيش فيه يلا علي اوضتك

خرجت انجل وهي متغاظة من بروده و رد فعله وقررت انها تردله الكف

في الحفلة كان مارد جمب لمار

وانجل قاعدة هي واياد وجميلة علي طرابيزة واحدة وبتضحك مع اياد عشان تغيظ مارد

مارد كانت عينه بتطلع نار م الغيرة وكل تركيزه علي انجل

اشتغلت موسيقي هادية وفريدة احرجت مارد قدام الناس طلبت منه بصوت واضح أنه يرقص مع لمار سلو

ابتسم ابتسامة صفرا وهز راسه يعني اوك

انجل بقت تهز رجلها من كتر الغيظ وقالت لاياد .. تحب ترقص

اياد ... ياريت 😍

انجل مسكت ايد اياد ومارد بقي بيتنفس بسرعة من شدة الغضب ومش مركز ابدا مع لمار ومن غير ما يحس اعتصر وسط لمار لدرجة أنها اتألمت

انجل بدأت ترقص مع اياد وبتبتسم رغم أنها كانت مرعوبة لأنها شايفة شكل مارد عامل ازاي

وفجأة ومن غير مقدمات ينسي كل المعازيم ويشد انجل لحضنه من بين ايدين اياد ويحضنها جامد ويبدأ يرقص وهو بيقول لها ... عقابك عسير ع اللي حصل دلوقتي ، انتي عارفة أنه ممنوع حد يحضنك غيري

انجل حبت تكمل لعبتها لأنها كانت مستمتعة وهي شايفاه بيغير عليها فقالت بدلع ... آسفة يا بابا مش هعمل كده تاني

مارد بغضب ... اعتذارك مرفوض وهتتعقبي

لمار كانت واقفة بصدمة وتقريبا الكل كان مستغرب للي حصل

انجل كانت هتبعد عنه بس هو شدها تاني وقال .. أنا لسة ماقتلش الرقصة انتهت

فضلوا يرقصوا وانجل كانت هتموت م الفرحة ، خلصت الرقصة والكل صقف لهم ع الرقصة الرائعة دي

راحت قعدت تاني مكانها وهي بتبتسم ومش قادرة تسيطر علي ابتسامتها وفجأة توصلها مسج تغير مودها نهائي فتحت المسج لقت رساله

مستنيكي في المكان اللي اتفقنا عليه اترعشت وقلبها انقبض بس ما قدمهاش حل تاني طلعت اوضتها اخدت الكريديت وخرجت وقفت تاكسي وطلبت منه يوصلها ع البنك سحبت الفلوس وبعدها طلبت من السواق يوصلها المنطقة اللي في المسج

وصلت وفضلت تبص حواليها مافيش حد وفجأة تسمع اكتر صوت بتكرهه

... نورتي يا موزتي ! ...... يتبع

*************

البارت انتهي اتمني يعجبكم ❤️

البارت الثاني عشر

انجل خرجت وقفت تاكسي وطلبت منه يوصلها ع البنك سحبت الفلوس وبعدها طلبت من السواق يوصلها المنطقة اللي في المسج

وصلت وفضلت تبص حواليها كانت حتة مقطوعة ع النيل و مافيش حد هناك تقريبا غيرها ندمت لأنها ماقالتش لمارد وفجأة تسمع اكتر صوت بتكرهه

... نورتي يا موزتي !

لفت وشها واول ما شافت حماصة رجعت خطوتين لورا وكورت ايديها الاتنين من التوتر نسيت تماما أنها انجل حست أن الزمن رجع بيها لورا وهي دلوقتي تالية الطفلة أم عشر سنين بس بسرعة فضلت تطمن نفسها ان مارد مدربها علي القتال وتعرف تدافع عن نفسها كويس اوي وكل الأفكار دي كانت بتدور في دماغها في اقل من دقيقة وفجأة قطع شرودها حماصة وهو بيقرب ناحيتها بخطوات هادية ومزبهل من شكلها اللي اتغير شوية وبقي اجمل

حماصة بيتفحصها بنظرات و*قحة ... انا زعلان منك يا موزتي كده تبعد عن بابا حماصة ولسة هيحضنها بعدت بسرعة وقالت بصوت واضح عليه التوتر الشديد

.. ا ا ابعد عني ، لو بس فكرت تقرب لي أنا ممكن اقت*لك ، بابا مارد مش هيسيبك في حالك

حماصة رفع أيديه علامة الاستسلام وقال ... الشهادة لله أنا خفت كده ، وبعدين نبرته اتغيرت للغضب وقال .. هاتي الفلوس

انجل مسكت الشنطة كويس وقالت ... الفلوس دي انت هاتخدها وتختفي من حياتي للابد مش عايزة اعرفك ولا اشوفك تاني

حماصة شد أيدها بالفلوس وحاول يحضنها وهو بيقول ... لييه ليه يا حلوة مانا هاخدك معايا عشان تشوفي امك ونشبع من بعضنا

انجل كانت بتضر*ب فيه بالشنطة وتصرخ .. ابعد عني يا حيوا*ن

وفجأة رصا*صة تختر*ق بط*ن حماصة انجل صرخت وبصت ناحية اللي ماسك المسد*س لقيته المارد برقت وفضلت مبرقة لحظات حماصة وقع ع الأرض وقال .. أنا قلتلك هتندمي لو عرفتيه ، وفقد الوعي

انجل جريت بسرعة ناحية مارد وهي بتقول بهستريا

...ق*تلته لييييه ، انت قتا*ل قت*لة يا مارد هتتعدم هتتعـــ....

مارد حضنها وهو بيقول ... اهدي ، ف أغمي عليها في حضنه

قام حضنها جامد وبعدها شالها ورجع بيها علي عربيته وهو بيقول لواحد من رجالته ... خدوه بسرعة مش عايزه يموت عايز اعرف مين دا

حطها في العربية وساق بسرعة ع القصر .

وصل القصر وكانت فريدة ولمار هيتجننوا بكل معني الكلمة ، والمعازيم بدأت تمشي

فريدة شافت مارد شايل انجل وبصت لهم نظرة قا*تلة وقالت لمارد .. فيه حد يسيب حفلة خطوبته ويمشي انت خليت رقبتي اد السمسمة قدام عيلة اختي بس لينا حساب كبير مع بعض يا مارد

مارد كان طالع السلم ومش مركز ولا منتبه لاي كلمة قالتها فريدة لأن كل اللي كان شاغل تفكيره يا تري مين دا وازاي انجل تخبي عنه حاجة خطيرة زي دي ولو ماكانش لمحها وهي خارجة كان ممكن يكون ايه مصيرها دلوقتي،

افتكر هو ازاي لحقها

فلاش باك

كان قاعد جمب لمار في الحفلة غصب عنه طبعا وكل تركيزه علي انجل شافها لما طلعت اوضتها ولبست بالطو طويل علي فستانها ونزلت بحذر تتسحب عمل نفسه مش واخد باله بس كان متابع كل خطواتها شافها وهي بتخرج من البيت وكأنها عاملة عاملة

بص ل لمار وقال لها .. هاروح اشرب سيجارة في الجنينة وراجع

لمار ... اجي معاك

مارد وهو مستعجل قال لها .. امم تمام بس روحي ظبطي الميك اب بتاعك وحصليني

لمار فرحت اوي من الكلمة دي حست أنه بيهتم بيها وبتفاصيلها هزت راسها يعني اوك

وخرج هو بخطوات سريعة وركب عربيته واستغرب اكتر لأن انجل ما طلبتش من سواقها انه يوصلها وفضل متتبع خط سيرها لحد ما وصل وانقذها

نهاية الفلاش باك

مارد حط انجل ع السرير بهدوء وفضل يضر*ب علي خدها برفق ويفوقها وجميلة خبطت ع الباب لقته مقفول بالمفتاح

مارد قال لجميلة بصوت عالي ... جميلة مش هافتح الباب امشي وانا هاطمنك عليها

انجل فاقت وافتكرت ان مارد ق*تل حماصة وفضلت تترعش وتعيط وجسمها كله بيتهز من العياط وقالت .. ا انت قتلت الشرطة هتيجي تاخدك وتتسجن ، وانا ما اقدرش اعيش من غيرك ولا لحظة

مارد باصص لها بكل برود وقال .. مين دا

انجل وهي بتمسح وشها بضهر أيدها قالت ... دا دا حماصة

مارد بغضب جحيمي .. نهار ابوكي اسود انتي بتقابلي الراجل دا من أمتي احكيلي كل حاجة والا اقسم بالله يا انجل لاحبسك في اوضتك زي عزيز ما مانع جميلة أنها تعتب برا القصر *قال جملته الأخيرة وبعدها لعن نفسه وهو عقله بيقوله هيجي يوم وتتحول لعزيز أنا واثق *

غمض عينيه بعنف وقال ... لااا مش هيحصل

وبعدين اخد نفس طويل وقعد جمب انجل بهدوء وحضنها عشان يطمنها وقال .. انجل ما تقلقيش الضر*بة اللي ضر*بتهاله مش بتموت أنا مش علمتك ازاي تضر*بي حد ضر*به ماتموتوش ، أنا اصلا عايزه حي ، وبعدها مسح بإيده علي شعرها ورجع خصلة منه ورا ودنها وقال احكيلي يا انجل كل حاجة

انجل هزت راسها وبدأت تحكيله كل حاجة بالتفصيل

************

فريدة وهي بتدخن السيجارة وتهز رجلها بعنف من الغضب وبتقول ... لحقها ازاي ، أنا ما لحظيتش هو خرج امتي ، كل اللي خططتله باظ ، بس مافيش قدامي الا الخطة التانية ، بصت حواليها ما لقتش عزيز فقالت بعصبية ... وفين عزيز مختفي فين دا كمان ، امم اكيد عند ست الحسن اروح اطلع غضبي عليهم عشان اعرف انام في الليلة السودة دي

خرجت فريدة وخبطت علي باب اوضة جميلة كان عزيز فعلا عندها بس بيتكلموا عن اللي حصل في الحفلة

جميلة .. أنا واثقة أن مراد بيحب انجل بس بيبعد عنها مخصوص عشانك انت عشان مايبقاش شبهك يا عزيز ، أنا لازم اعرف ابني الحقيقة

عزيز ... وتفتكري هيصدقك ، أنا خايف عليكي يا جميلة فريدة لو عرفت ... قبل ما يكمل كلامه الباب انفتح باندفاع اتخضوا هما الاتنين وبصوا لفريدة اللي كانت في قمة غضبها

فريدة ... الله الله سايب مراتك بعد الكارثة اللي عملها ابنك وقاعد مع عاشيقتك منتهي الوفاء والله

جميلة لفت وشها الناحية التانية واتأففت

فريدة ... ايه مش عاجبك يا ست جميلة

عزيز بضيق ... فريدة مالك متعصبة كده ليه

جميلة بصت ل عزيز بصدمة اللي هو انت ازاي سمحت لها تهينني من غير ما تتكلم

عزيز بص وغمض عينيه يعني اسف

فريدة ... عزيز رد عليا انت قاعد هنا بتعمل ايه في نص الليل

جميلة بغضب ... كنا بنتناقش في حوار يخص ابننا

فريدة بتحدي ... قصدك ابني أنا ولا نسيتي ، أنا سايباكي عايشة لحد النهاردة بس لو فكرتي تلعبي معايا وصوتك يعلا عليا تمنك كلمة واحدة مني للكينج وتكوني ميتة

جميلة بصت لها بتحدي اكبر ماعدتش خايفة منه ولا منك عارفة ليه لاني ام المارد

روحي قولي لماركو اني لسة عايشة لاني خلاص زهقت من حياة الجبن والخوف *قالت جملتها الأخيرة وهي مركزة نظرها علي عزيز لأنها تقصده هو بالكلام دا *

عزيز من غير تفكير قام حاضن جميلة قدام فريدة وقال ... دا مش هيحصل وانا مش هاسمح لحد يئيذيكي

فريدة برقت من جرأة عزيز ازاي يحضن جميلة قدامها ومش عاملها اي احترام

قامت بسرعة شدت عزيز من دراعه عشان يبعد عن جميلة وهو فاق لنفسه وبعد عنها واتنحنح وقال ... اللي حصل دلوقتي دا ما يحصلش مرة تانية والأسرار اللي بينا احنا التلاتة ماتحكوش فيها حتي لو بينكم وبين نفسكم ، يلا يا فريدة قدامي خرجت فريدة ووراها عزيز وهو بيقفل الباب بص لجميلة نظرة اعتذار ومشي

**********

*في الصبح

انجل صحيت ولقت المارد نايم وهو قاعد جمبها ع السرير اتعدلت وقعدت جمبه وافتكرت ليلة امبارح لما كانت تحكيله وعيطت بهستريا فضل حاضنها لحد ما نامت فابتسمت لمجرد التفكير في حضن مارد

قربت من وشه وقالت بهمس ... انا بحبك

ياريت اقدر اقولها لك وانت صاحي ، ياريت اقدر اقولك ما تتجوزش غيري

قامت من جمبه وخرجت راحت اوضتها

مارد فتح عينيه وقال في نفسه .. كلام فريدة هانم صح انجل بتحس بالامتنان ناحيتي كل ما اعمل حاجة كويسة عشانها دا مش حب

بس انا اللي بحسه ناحيتها دا ايه أنا ليه كل ما أشوفها ببقي عايز اخدها في حضني واخبيها عن العالم كله ، ليه لما حد بيقرب لها ببقي عايز انهيه أنا مش هسمح لها تتجوز هي بنتي وهتفضل معايا العمر كله

قام اخد شاور

******

فريدة راحت المستشفي متنكرة عشان تتطمن علي حماصة ولما سألت قالوا لها أنه دخل في غيبوبة

اطمنت شوية وقررت تعجل فرح المارد ولمار عشان عارفة أنه المارد مش هيسيب حماصة الا لما يعترف بكل حاجة ومين ساعده أنه يوصل لانجل ، وكمان كلمت شخص تاني في الفون

فريدة .... موجودة في الحفظ والصون ، استني مكالمة مني وهاقولك تيجي تاخدها امتي

رجعت البيت لقيتهم بيتغدوا قعدت تاكل وقالت لمارد ... جهز نفسك خلال اسبوع عشان ماما جولنار هانم قررت انها تجوزكم يوم الخميس اللي جاي

مارد بص بدهشة وقال ... بالسرعة دي

انجل اللقمة وقفت في زورها وجميلة فضلت تضربها علي ضهرها ومارد قلق عليها وفضل مركز معاها لحد ماخفت

قامت انجل من ع الاكل وجميلة وراها

طلعوا اوضة انجل

وجميلة قالت لها ... ما تستسلميش كده خليكي قوية ،

انجل بدموع ... اعمل ايه يعني هو خلاص هيتجوز يا ماما جميلة أنا مش هقدر اعيش هنا تاني واشوفه بيتجوز واحدة تانية ،انا ممكن اروح فيها

جميلة... اسمعي أنا متأكدة أن مارد بيحبك عشان كده لازم تثيري غيرته يعني اوهميه ان فيه حد في حياتك وشوفي هيعمل ايه اتفقنا

انجل وهي بتمسح دموعها .. اتفقنا

جميلة باست خدها وقالت ... مش عايزة اشوف العيون الجميلة دي بتعيط تاني

انجل نزلت لقيت مارد في صالة التدريب بتاعته دخلت عنده شافها كان بيلعب ضغط قام ومسك الفوطة وهو بيمسح وشه قال ... مالك فيه حاجة

انجل بتمثل الكسوف ... اصل يا بابا فيه واحد معجب بيا وعايز يخطبني

مارد مسك دراعها بغضب وقال ... نعم ياروح امك

انجل بدلع ... اه اه دراعي يا بابا

مارد بغضب ... ومين دا بقي سعيد الحظ اللي يتجرأ ويعجب ببنت المارد

انجل بتحاول تخفي ابتسامتها ولسة مكملة في دور الدلع ... اياد يا بابا قولت ايه يا بابا

المارد بغضب .. بابا بابا بابا ايه فيه ايه

انجل بتمثل الزعل والدلع في نفس الوقت ... انت زعلت يا بابا

مارد نسي نفسه وقرب انجل اوي له وقال من بين أسنانه ... وانتي رأيك ايه

انجل كانت مرعوبة من نظرته بس اتشجعت هي يا قا*تل يا مقتو*ل في معركة حبها للمارد .. بصت لتحت وقالت الله بقي يا بابا ما تكسفنيش

مارد برق عينيه وقال بصدمة ... امتي دا حصل يا ست انجل ، انتي ليا انا وبس وبعدين كمل بهدوء ا... ا ...قصدي انتي بنتي بنتي فاهمة يعني ايه ولسة صغيرة كمان

انجل بعند ... لا يا بابا أنا مش صغيرة ع الخطوبة

مارد قال من بين أسنانه ... سيبيني افكر بس والله يا انجل لحد ما افكر لو لمحتك بس بتكلمي اياد دا ولا تيجي جمبه لهعقبك عقاب عمرك ما هتتوقعيه فاهمةةة

انجل بخوف ... امم فاهمة

خرج وهو بيرمي ام الفوطة ع الأرض وهي فضلت تتنطط وتضحك م الفرحة عشان قدرت تخليه يغير

فضلت تقول ... yes , yes

*مر الأسبوع بسرعة

وجه يوم الفرح وانجل لبست فستان ابيض وكانت حزينة وعينيها دبلانة من العياط لأنها حاولت بكل الطرق أنها توقف جواز مارد بس فشلت

وصل القاعة وبدل ما يبص لعروسته اللي وصلت بص لانجل اللي كانت فعلا انجل بفستان ابيض اختارته لها جميلة وقرب لها قدام كل الناس وقال بيهام .. لبستي ابيض ليه

انجل والدموع في عينيها ... مش النهاردة فرحك يا بابا والبنت يوم فرح باباها بتلبس ابيض

مارد من غير ما يحس بنفسه قرب من انجل وطبع بوسة هادية علي جبينها وهي غمضت عينيها لأنه كان نفسها تكون مراته في اللحظة دي

بدأ الفرح والمأذون وصل وبدأ مراسم كتب الكتاب فجأة جميلة كلمت مارد وهي في القصر وقالت له حاجة

قام مارد من ع الكرسي بغضب واتجه ناحية انجل مسك أيدها واخدها وركب العربية وساق بسرعة ......... يتبع

************

البارت انتهي اتمني يعجبكم ❤️

البارت الثالث عشر

بدأ الفرح والمأذون وصل وبدأ مراسم كتب الكتاب فجأة جميلة كلمت مارد وهي في القصر وقالت له حاجة

قام مارد من ع الكرسي بغضب واتجه ناحية انجل مسك أيدها وخرجوا م القاعة واخدها وركبوا العربية وساق بسرعة وإسلام جري وراه عشان يسأله بس مالحقهوش حتي عزيز كان عايز يعرف ايه اللي حصل بس ما قدرش يلحق مارد عشان كان لازم يقعد يبرر اللي حصل للمعازيم وخاصة ( الكينج )

*مارد وصل الفيلا في وقت قياسي وطول الطريق مافتحش بقه ولا قال اي حاجة لانجل بس كان شكله غضبان

انجل وهي بتنزل من العربية ... طب فاهمني فيه ايه ازاي تسيب فرحك كده

بصت لقت عربية جيب ، فقالت .. ودي عربية مين دي كمان

مارد بص للعربية و مسك أيدها ودخلوا القصر لقي خمس رجالة صعايدة فيهم رجل عجوز وابنه وشاب تقريبا حفيده واتنين تقريبا حراسة كانوا قاعدين وجميلة معاهم واول ما دخلت انجل قام الراجل العجوز وقف ومشي ناحيتها وقال ... تالية بت الغالي الله يرحمه

مارد في نفسه ... تالية بنت الغالي

تالية فضلت لحظات تبص للراجل دا ايوا هي فاكراه دا جدها اللي كان بيجي يزورها كل شهر مرة ويديها فلوس ويمشي

الراجل قرب من انجل عشان يحضنها وهي عينيها اتملت دموع قام مارد شد انجل وراه وقال ... انجل بنتي وماحدش هيقدر ياخدها مني

قام الشاب وقف بكل عصبية وقال ... شيل يدك م علي بت عمي

مارد ... بنت عمك دي كانت زمان لما كانت تالية ، هي دلوقتي انجل بنت المارد

عمها ... انت بتخترف تقول ايه چدع انت كيف يعني ابوها انت اصلا لساتك شاب

جميلة قاطعته ... علي فكرة يا عم الحاج مارد فعلا من لحظة ما شاف انجل واخدها رباها كأنها بنته بالظبط ،

انجل بصت لجدها برجاء وقالت ...... لو كنت بتحبني بجد ويهمك سعادتي سيبني اعيش مع بابا المارد

جدها ... برضو بتجول بابا ، انتو هتجننوني ولا ايه ،

مارد ...انتوا عرفتوا مكان انجل ازاي ، وليه سكتوا السنين دي كلها ومسألتوش عنها

جد انجل ... حماصة الله يجحمه قالنا أنها ماتت ،عشان أكده سكتنا ، بس لما عرفنا أنها عايشة چينا عشان ناخدها ، يلا يا تالية هنمشي

انجل بصت لمارد بحزن وخوف يعني اعمل حاجة

مارد مسك ايد انجل وقال ... انجل مش هتخرج من هنا

ابن عم انجل سحب سلا*حه ووجهه علي مارد وقال ... بت عمي هاتروِح معانا ، أنا المقدم ساليم عاصم الاسيوطي اوعي من طريجي

مارد ... أنا مابخافش يا سيادة المقدم ولو هنتواجه بالسلا*ح فأنا عندي سلا*ح يقت*لكم انتوا الخمسة بطل*قة واحدة

سليم ... لا دانت و*قح بجي ، يلا يا جدي وهناخد بت غني بالذوق أو بالعافية

وفجأة يجي صوت من وراهم ... ماحدش يقدر ياخد العروسة يوم فرحها ولا ايه يا بلدينا

كلهم بصوا ناحية اسلام بدهشة حتي مارد

اسلام ... في الحقيقة يا عم الحج مارد ربي انجل احسن تربية وحبها وانهاردة كان فرحهم انت مش شايف انها لابسة فستان ابيض وقمر

جدها بص لها وقال ... الكلام ده صح يا تالية

انجل هزت راسها ... ايوا يا جدي

مارد ....😲😲

ابن عم انجل ... لا دي بت عمي وانا أولي بيها من الغريب

اسلام ... طب أنا راضي زمتك يا سيادة المقدم مش الرسول عليه افضل الصلاة والسلام نهانا عن أن حد يخطب واحدة مخطوبة فمابالك بقي لو انهاردة كتب كتابها ، أنا بقول نروح كلنا ع القاعة نكمل الفرح وناخد سيلفي مع بعض للذكري عشان توريها لقرايب تالية ، قلت ايه يابا الحاج

جد انجل شاف لمعة في عينيها حس انها فعلا بتحبه

بس عاصم كان له رأي تاني

... يابا مش احنا اتفاقنا أن تالية لساليم

جد انجل ... انا كل اللي يهمني سعادة تالية بينا ع القاعة يا ولدي

مارد لسة تحت الصدمة اللي هو ولا فرحان ولا زعلان مصدوم وبس

انجل كانت مبسوطة لانها شايفة معجزة بتحصل قدامها هي طول الفرح تدعي أن الفرح ما يكملش ومارد ما يتجوزش لمار

قربت من مارد وعلقت أيدها ف أيده وهو لسة مش مصدق اللي بيحصل

جميلة كانت بتراقبهم من بعيد وهتطير من الفرحة عشان ربنا استجاب دعائها ومارد هيتجوز انجل بس كانت حزينة لانها مش هتقدر تروح معاهم الفرح

ركبوا العربيات و وصلوا القاعة ودخل المارد وانجل في أيده ، لمار كانت طلعت الجناح بتاعها في الفندق لان شكلها بقي وحش من غير العريس وفريدة كانت معاها

اخيرا المأذون انهي مراسم كتب كتاب مارد وانجل في حضور أهلها

وبدأ صوت الموسيقي يعلا ، فريدة سمعت صوت الاغاني وقالت بفرحة ... حبيبتي لمار مارد وصل ، أنا هانزل اشوفه

نزلت فريدة لقت مارد وجمبه انجل رغم أنها ماكانتش لابسة طرحة بس كانت لابسة فستان ابيض جميل فريدة ماكانتش فاهمة حاجة فسألت اياد .

اياد كان متعصب وحكي لفريدة كل حاجة

فريدة مسكت راسها ووقعت أغمي عليها جري عزيز بسرعة شالها وخرج بيها

واياد أخد والدته وجدته جولنار هانم وخرجوا من القاعة ، طلعوا جناح لمار اخدوها ومشيوا وكانوا فضبانين وبيتوعدوا لمارد ولمار ما كانتش فاهمة اي حاجة بس مشت معاهم

اسلام كان هيطير م الفرحة لانه عارف ان مارد بيحب انجل بس عمره ما هيعترف ب

دا عشان كده حب يدبسه أحلي تدبيسة

وهو بيفكر وبيبتسم لقي عزيز واقف قدامه بيقوله ... عايز تبرير حالا للي حصل

اسلام اتنحنح وقال ... حاضر يا عزيز باشا اتفضل اقعد وانا هاحكيلك

*خلص الفرح وجد انجل بارك لها وقال لها أنه هيزورها من وقت للتاني .

مارد ركب العربية ومعاه انجل اللي مش قادرة تسيطر علي نفسها م الفرحة والإبتسامة مش مفارقة وشها .. مارد بص لها بدهشة وقال ... بتضحكي ليه

انجل اتنحنحت وقالت ... ها لا مافيش

وبصت الناحية التانية وابتسمت اكتر

وصلوا القصر

كانت جميلة في استقبالهم وفرحانة اوي بس مارد بص لها بعتاب وحزن لأنها ماحضرتش فرحه

جميلة حضنت مارد بس هو ماحضنهاش فضل واقف ثابت همست في ودنه .. مبروك يا قلب ماما أنا فرحانة لأنك اتجوزت البنت اللي بتحبها

بعدت عنه وحضنت انجل وقالت لها ... مبروك يا حبيبة ماما .. وبالتوفيق في اللي جي

طلع مارد اوضته ومعاه انجل

اول ما دخلوا وقفل الباب بص لانجل وقال لها ... طبعا كل اللي حصل دا مش هيغير حقيقة انك بنتي وانا عملت كده بس عشان احميكي وتفضلي معايا ، حتي اهلك أنا مش هكون مطمن عليكي معاهم

انجل بصت له وتنحت وما اتكلمتش

مارد اتنحنح وقال لها أنا هادخل اغير هدومي وانتي كمان خدي راحتك

انجل هزت راسها هو دخل الحمام وهي فتحت الدولاب لقت جميلة جابت هدومها فيه فابتسمت وبعدها ضحكت وقالت ... اعااااا

مارد من جوا الحمام قال ... انجل مالك

انجل باحراج ... احم لا مافيش يا مارد وبعدين حطت أيدها علي بقها وانكسفت ،اللي هو كده 🤭

بدلت هدومها وقعدت ع الكنبة وكانت بتقلب في كراسة رسم

مارد خرج م الحمام بص للكراسة اللي بيصمم فيها أسلحة وجري بسرعة أخدها من انجل وهي اتخضت وبصت له هو ارتبك وقال لها ... مش هتنامي

انجل هزت راسها يعني حاضر هنام

قعد ع السرير وافتكر لما قرأ مذكراتها وكانت كاتبة أنها نفسها ترجع تنام في حضنه تاني ، قام فتح درعاته وقال لها... تعالي نامي ما وحشكيش حضن بابا

انجل ابتسمت وقالت ... طبعا وحشني وجريت بسرعة اترمت في حضنه بس كانت متوترة اوي من فكرة أنها خلاص مارت المارد مش بنته وبس ، مانامتش الا قرابة الفجر ، أما هو بمجرد ما أخدها في حضنه ابتسم وكان حابب اوي إحساسه في اللحظة دي حضنها ونام بسرعة

*************

فريدة كانت هتتجنن بكل معني الكلمة وعزيز بيهدي فيها

فريدة بغضب ... مارد يعمل كده مع لمار يعمل كده في بنت من بنات عيلة عثمان اغا

عزيز ... اهدي يا فريد دا مش كويس عشان صحتك ضغطك عالي اوي

فريدة ... يتجوز انجل البنت اللي لقاها في الشارع ، أنا مش هاسكت

عزيز بص لفريدة وقال ... ليه عايزة تعاقبي مارد علي غلطتي أنا ،ليه بتشوفيني في مارد

فريدة عيطت ... لانك مش حاسس بحاجة

من يوم ما اتجوزتني عمري ما حسيت انك بتحبني وكنت ساكتة وراضية ، كان نفسي اجيبلك طفل يمكن تحبني بس مع الاسف الدكتور قال مستحيل اني اخلف ، بس اكتر حاجه بجد كسرتني حبك لجميلة جميلة قدرت تاخد كل حاجة تخصني حبك و ابنك كل حاجة كانت من حقي بقت ليها ، وبتسألني أنا بعمل كده ليه انا عمري ما قدرت احب مراد لاني بشوف جميلة فيه ، كان نفسي بس احسر جميلة عليه واكرهه فيها عشان كده قدرت اخليه يتحول من مراد ل مارد

عزيز كان باصص لفريدة بشفقة هو فعلا عمره ما حبها قلبه وروحه وعقله كله مِلك جميلة

مسك فريدة قربها منه وحضنها وقال ... اششش كفاية كده ونامي

*********

رغد وهي بتلم شعرها قدام المرايا وباصة لاسلام

...أنا تقريبا كده حاسة اني جاية من مسلسل هندي ، فهمني بالراحة الله يخليلك عيالك ايه اللي حصل ازاي مارد يدخل القاعة عشان يتجوز لمار يخرج منها متجوز انجل بنته !

اسلام مبسوط أوي باللي حصل فقال لها ... بصي يا روحي اللي حصل دا اسمه القدر يعني زي مثلا تكوني رايحة السوبر ماركت عشان تشتري اريال للغسالة بتاعتك ف بالصدفة الباحتة فونك يرن بدل ما تاخدي اريال تاخدي برسيل ولما تراوحي تكتشفي دا وتبتسمي بس كده

رغد بهبلها المعتاد ... يعني انجل هي برسيل اممم اجرب برسيل يمكن بينضف اكتر

اسلام بيجاريها .. هو دا اللي انا كنت أقصده تعالي بقي كفاية بص في المرايا أنا مش هتعرّف عليكي لأول مرة يا حبي

رغد وهي بتحط كريم مرطب علي أيدها الله بقي يا ايسو مش لازم اكون حلوة في عينك

اسلام مسك أيدها وقعدها ع السرير وقال ... انتي أحلي هابلة ف عيني يا قلب ايسو قرب منها يبو*سها واذا بصوت ...

.... ابعد عنها انت بتعملها ايه

اسلام خبط علي وشه بغضب ... حضرتك شرفت يا أخرة صبري ، كنت بحطلها قطرة

ادم بغضب طفولي رفع صوباعه السبابة قدام وش اسلام وقال ... دي ماتحاولش تيجي جمبها عشان ما ازعلكش وقال لمامته ... تحالي (تعالي ) انا احطلك قطلة (قطرة )وباس خدها ، اسلام كور أيده وعض صوباعه من شدة الغيظ , ورغد ميته ضحك

************

* في الصبح

مارد صحي كانت انجل لسة نايمة لأنها مانامتش الا الفجر

فضل يتأمل ملامحها اللي بتخطف قلبه منه , وغمض عينيه للحظات بيتمني لو ماكانتش بنته ، أو بمعني اصح بيتمني أنه يقتنع أن هو وانجل مش اب وبنته فتح عينيه ومشاعره خا*نته للمرة التانية واتغلبت عليه قرب من شفايفها وطبع قبل*ة طويلة عليهم لدرجة أن انجل بدأت تفوق وتتحرك بين حضنه بعد عنها بسرعة ومثل أنه بيقوم من السرير

فتحت انجل عينيها وبصت لمارد وقالت بتوهان .. انت عملت حاجة دلوقتي

مارد اتنحنح وقال ... حاجة ايه ماجيتش جمبك علي فكرة

انجل بإصرار ... لا أنا حسيت انك ... قاطعها مارد

....اكيد كنتي بتحلمي

ردت بإحباط ... بحلم بس ازاي ... دا كان كأنه حقيقي ..اتنهدت بصوت عالي وقالت ... اممم س كان حلم حلو اوي

مارد قام من السرير واداها ضهره وكان مبتسم اوي

دخل اخد شاور ولبس خرج كانت نامت تاني

خرج وقفل الباب وراه بهدوء و نزل تحت

لقي عزيز في قمة غضبه

مارد قال بدهشة ... صباح الخير يا عزيز باشا

عزيز بص لمارد وقال ... سؤال وترد عليه ، انجل قدمت في كلية الشرطة ولا لا

مارد اتأفف ... ايوا قدمتلها

عزيز بغضب اكبر ... تبقي اتجننت رسمي وقدامك اختيار من اتنين

أما تسحب ورقها من هناك أو تتشاهد علي روحها قلت ايه ......... يتبع

***************

البارت انتهي اتمني يعجبكم❤️

البارت الرابع عشر

عزيز بص لمارد وقال ... سؤال وترد عليه ، انجل قدمت في كلية الشرطة ولا لا

مارد اتأفف ... ايوا قدمتلها

عزيز بغضب اكبر ... تبقي اتجننت رسمي وقدامك اختيار من اتنين

إما تسحب ورقها من هناك أو تتشاهد علي

روحها قلت ايه

مارد بص لعزيز بصدمة ، بعدها اتحولت نظرته لتحدي وقال ... ومين بقي اللي هيق*تلها

عزيز ... الكينج

مارد بسخرية ... الكينج بتاعك دا اللي انت بتعمله الف حساب مايهمنيش لا رأيه ولا تهديداته للسببين السبب الأول هو اني أنا المارد اللي ما بيتلويش دراعه ولا بيخاف من حد ، والسبب التاني انت عارفه كويس هو اني عمري ما اشتركت في الشغل القذ*ر اللي انتوا بتشتغلوه مع بعض

عزيز بسخرية .. وهو لما تفتح مصنع حديد وصلب قدام الحكومة وتصّنع فيه سلا*ح ، وأسل*حة محذ*ورة وتبعيها لاكبر عصابات المافيا في العالم دا شغل نضيف في نظرك

المارد مسك سيجارة وحطها في بقه وهو بيقول .. عارف ببيعها للمافيا ليه عشان يمو*توا بيها بعض ، قام من مكانه وهو بيقول بسخرية .. أنا رايح مصنع الحديد والصلب بتاعي عندي صفقة حديد محرم دوليا هاصّنعه

عزيز بإحباط ... مارد

مارد لف وشه ناحيته

عزيز .. لو كنت بتحب انجل بجد أبعدها عن كلية الشرطة ، أنا عشان بحب جميلة عملت حاجات كتير عشان احافظ علي حياتها واولهم اني حارمها أنها تخرج برا البيت حتي

مارد بيتنفس بسرعة من الغضب وقال ... حبك لجميلة هو حب امتلاك استعباد وانا عمري ماهكون كده مع انجل ، سابه وخرج

عزيز مسك فونه وكلم الكينج

.... حاولت بكل الطرق بس انت عارفه عنيد ، ارجو انك تفهمه غلطه بهدوء قبل ما تاخد اي قرار ، وارجو أن تمن غلطه ما يكونش حياة انجل

الكينج ضحك بسخرية وقال .. أزيز (عزيز )أنا شايف انك بتتكلم أن (عن)جميلة الله يرهمه (يرحمه)، بس انت اريف(عارف) اني مش بيرهحم هد (بيرحم حد )قفل في وشه

عزيز فضل باصص للفراغ وهو بيفتكر اليوم اللي حكم علي جميلة بالاختباء طول عمرها

فلاش باك

من حوالي ٣٣ سنة

عزيز واقف قدام الكينج باحترام .. وايه ممكن اعمله عشان يغفر لها اللي عملته انت عارف انها لسة طفلة يا كينج

الكينج .. أنا مش يهمني سنها ، هي غلط وهيتئاقب(هيتعاقب) ، أزيز اق*تل جميلة قدامي

عزيز بزهول وصدمة ، اق*تل جميلة

الكينج هز رأسه وقال .. اممم ، هاستني منك فيديو لايڤ لق*تل جميلة أنا هايمشي

عودة من الفلاش باك

عزيز فاق علي صوت جميلة وهي بتقول لعزيز بابتسامتها الحلوة .. صباح الخير يا عزيز .

عزيز بص لجميلة شوية وبعدين وقف حضنها كأنه بيقول لها أنا هافضل احميكي

فريدة كانت نازلة ع السلم فضلت واقفة وباصة لعزيز وجميلة والنار كانت بتاكل قلبها حرفيا

**************

مارد راح المستشفي لحماصة وعرف منه أن فريدة هي اللي كانت ورا كل اللي حصل وبعدها طلب من الحراسة برضو يفضلوا عنده ، وهو خرج م المستشفي وركب عربيته وراح هو المصنع وصل المصنع وراح يتفقد الآلات

وقف عند ماكينة شغالة وكل تفكيره ان انجل حواليها خطر كتير فهل اللي عمله صح ولا لا ، ياتري يسيبها تكمل في كلية الشرطة ويكون طول الوقت خايف عليها ولا يسحب ورقها ويتحجج بأي حاجة عشان يقنعها ما تكملش بس ، المشكلة انه ماكانش لاقي اي حجة

فجأة الماكينة كانت هتق*طع أ*يده وهو سرحان ، اسلام كان داخل يدور عليه واول ما شافه صرخ ماااااااارد شيل ايدك من ع الآلة علي اخر لحظة مارد شال أيده فانجرحت جرح كبير بس ما انقط*عتش اسلام جري عليه بقلق و بغضب وخوف كانت أعصاب اسلام تقريبا كلها بايظة وعينيه مدمعة فقاله ...ايه الأهمال دا انت ازاي مستهتر كده ايدك كانت ثانية وهتتقطع انت ايه يا اخي

مارد كانت أيده بتنز*ف د*م كتير بص لاسلام وابتسم وقاله ... لسة عينيك بتدمع لما اتئِذي أو انجرح

اسلام بص له بغيظ وقال ... تصدق انك بارد ، أنا حارق نفسي عشانك وانت بتضحك ، يلا ع مكتبتك هاطهرلك الجرح دا ونوقف النزيف وبعدها هاوصلك ع البيت

مارد انتهد ... اوك

اسلام همس لمارد ... هو في عريس بينزل يوم صباحيته شكلك هيبقي عرة اوي هنا قدام مزز المصنع اللي هيموتوا عليك يا ابني ، ايه ما رفعتش راسنا ولا ايه

مارد بص لاسلام بصدمة وقال بحدة ... انت اتجننت انت متخيل اني ممكن اقرب لبنتي

اسلام ... وحياة ابوك الكلام دا تقولوا لحد غيري انا اصلا حافظك 🙄، وعلي فكرة أنت مش هتقدر تصمد كتير قدام جمال انچل

مارد بحدة وعصبية قال بصوت جحيمي .. اسلاااام

اسلام عمل حركة كأنه بيقفل سوستة بقه 🤐

وصلوا المكتب طهرلوا الجرح وبعدها اخدوا وراحوا القصر

كانت انجل في الجنينة واول ما لمحت ايد مارد جريت حضنته وهي ماسكة أيده وهي بتقول .. مال ايدك

مارد اتنحنح باحراج وهو بيبعدها عنه وبيقول .. ما تقلقيش

اسلام ... أحضنها احضنها دي زي مراتك

مارد بص لمح فريدة في البلكونة بتاعتها قام مرة واحدة حاضن انجل ورفعها عن الأرض بايد واحدة وبا*س رقبتها وهي جسمها اترعش من الحركة دي وهو كان موجه نظره علي فريدة كأنه بيقولها (انق&لب الس*حر علي السا*حر )

انجل تقريبا في اللحظة دي كان هيغمي عليها من المفاجأة ، مارد نزلها

واسلام بيقول ... الصلاة ع النبي

انجل كانت حاسة بدوخة ولسة هتقع قام اسلام سندها وهو بيقول .. اجمدي ما خفيا كان اعظم هههههههه

مارد سحبها منه بغضب وقاله ... تصدق انك بارد ، يلا اختفي من وشي وروح المصنع كمل الشغل

اسلام غمز لمارد وقاله ... لا للصمود لا للمقاومة وهو بيضحك وركب عربيته وانطلق

انجل بعدم فهم ... هو اسلام ماله بيقول كده ليه

مارد بيبص علي عربية اسلام وهي بتبعد وقال ... ما تركزيش شكله طالع من مظاهره

انجل بصت لايده المجروحة وقالت ... مال ايدك

مارد رفع أيده وكان مركز عليها وقال ... جرح بسيط من الشغل

انجل .. طب يلا هاخدك الأوضة ترتاح شوية

مارد .... اوك

طلعوا الأوضة وفضلوا قاعدين ساكتين وبيبصوا لبعض فمارد قالها انجل ... تعرفي اني معنديش حاجة اخاف عليها غيرك

انجل ابتسمت وقالت له ... وانت تعرف انك كل عيلتي ومابحسش بالأمان الا وانت جمبي

مارد قرب منها شوية ومسك وشها بين ايديه وقال ... لو طلبت منك ماتكمليش في كلية الشرطة عشان خايف عليكي هتزعلي

أنجل مسك أيديه الاتنين وقالت ... انا عندي احلام كتير ،واول حلم منهم كان اني افضل جمبك طول عمري ودا اتحقق الحمد لله ، ولو اختياري لكلية الشرطة هيقلقك طول الوقت عليا خلاص مش هكمل ،انا عارفة انك لو خيروك بين مصلحتي ومصلحتك هتختار مصلحتي أنا بثق فيك لابعد الحدود يا مارد

مارد كان تايه في كلامها ورقتها أخدها ف حضنه وقال ... انچل انتي اجمل وانقي حاجة ف حياتي

انجل قالت في نفسها .. أنا بحبك اوي يا مارد ونفسي تحبني ك حبيبتك مش بنتك

يارب يكون بيحبني

فضل مارد حضنها كده كتير وبعدها قالت له ... نفسي نخرج نتعشي برا

مارد باس راسها وقال ... الست انجل تؤمر شاوري انتي بس ع المكان اللي يعجبك ونروح

انجل ابتسمت وقالت من بين أسنانها ... نفسي تعاملني كمراتك مش كأنجل بنتك الصغيرة

مارد بص لها برفعة حاجب وقال ...بس انتي مهما كبرتي هتفضلي بنتي

انجل لوت بقها وقالت ... ماينفعش تختار اوبشن تاني

مارد ابتسم بأمل وقال في نفسه( مش هيكون فيه اوبشن تاني يا انجل الا لما أتأكد انك بتحبيني حب حقيقي مش بتحبيني لاني ربيتك أو اتعودتي عليا ،يوم ما أتأكد انك بتحبيني هتشوفي العشق اللي مخبيه في قلبي ليكي )

انجل ... مارد سرحت في ايه

مارد بذكاء رد بسرعة .. بفكر يا تري هتدرسي ايه عشان خلاص الدراسة هتبدأ وعايز احول لك علي كلية تانية

انجل ... اممم انا نفسي ادرس حاجة من الاتنين أما كلية هندسة قسم الذكاء الاصطناعي ، أو كلية تكنولوجيا الصناعة والطاقة

مارد ... امم حلو بس اشمعني يعني

انجل بابتسامة ... لاني حابة اشتغل معاك في مصنعك بعد ما اخلص دراسة

مارد وهو بيلعب في خدها بإيده قال ... يا حبيبي انت تشتغل من غير شهادة ، وبعدين اتنحنح باحراج وقال .. احم يلا ننزل نتغدي

انجل قربت باست خده وقالت ... اوك

**********

جميلة كانت قاعدة وسرحانة في تراث القصر تحت عزيز جي من وراها وباس خدها وقال ... كل سنة وانتي اجمل جميلة في العالم كله

جميلة بصت لعزيز بابتسامة حلوة وقالت ... انت فاكر أن انهاردة عيد ميلادي يا عزيز

عزيز ... وعمري ماهنسي اليوم اللي اتولدت فيه أغلي إنسانة في حياتي ، قوليلي بقي أمنيتك ايه للسنة دي انتي عارفة أن كل سنة بحققلك أمنيتك

جميلة بأمل ... امنيتي السنة دي ماتخصنيش أنا ، تخص مراد نفسي اشوف احفادي من مراد وانجل ونشيلهم أنا وأنت ونلعب معاهم .. بس نفسي في الوقت دا يكون مراد عرف الحقيقة وأن احنا متجوزين علي سنة الله ورسوله

فريدة سمعت الكلمة دي وحطت إيدها علي قلبها وبقت بتتنفس بالعافية اتحاملت علي نفسها لحد ما وصلت أوضتها

بكت كتير كانت حاسة أن قلبها انقسم نصين وبعدين مسحت دموعها وبصت بنظرة كلها شر طلعت فون من دولابها وقالت لازم انتقم من كل اللي الجرح اللي سببتهولي يا عزيز من وقت ظهور جميلة ف حياتك مسكت الفون جابت الواتس وبعتت رسالة ... عندي ليك خبر بمليون جنيه يا كينج عزيز كان بيخدعك طول السنين اللي فاتت .. جميلة لسة عايشة ......... يتبع

***************

البارت انتهي اتمني يعجبكم ❤️

البارت الخامس عشر

فريدة بصت بنظرة كلها ش*ر طلعت فون من دولابها وقالت لازم انت*قم من كل اللي الجرح اللي سببتهولي يا عزيز من وقت ظهور جميلة ف حياتك مسكت الفون فتحت الواتس وبعتت رسالة ... عندي ليك خبر بمليون جنيه يا كينج عزيز كان بيخدعك طول السنين اللي فاتت .. جميلة لسة عايشة ، اتأكدت فريدة أن الرسالة وصلت قامت قافلة الفون وخبته تاني في الدولاب

واخدت نفس طويل بأريحية و ابتسمت بانتصار كأن النار اللي جواه انطفت

************

مارد وانجل والعيلة كلها اتجمعت ع الاكل

ومارد بلغ عزيز أنه هيحول لانجل علي كلية الهندسة

فريدة كانت طول الاكل بتبص لجميلة نظرة حق*د وغ*ل وبتقول في نفسها ازاي طول السنين دي كلها ما شاكتش لحظة أن عزيز كان متجوز جميلة أنا كنت متأكدة أنه بيخو*ني معاها بس توصل أنه يساويها بيا ويتجوزها دا أنا مستحيل اقبله

خلصوا غدا ومارد وانجل خرجوا يتمشوا في الجنينة كانوا ماشين بعيد عن بعض قامت انجل مسكت ايد مارد هو بص علي أيديهم وابتسم وبص لها وقال ... انجل حماصة فاق من الغيبوبة حبيت اعرفك عشان ما تقوليش عليا قتا*ل ق*تلة تاني مرة

انجل همست .. فاق (بصت لمارد وقالت )

.. أنا عايزة اشوفه يا مارد

مارد بحدة .. ليه

انجل ...عايزة أسأله عن ماما

مارد ... امم اوك يلا اطلعي غيري هدومك هنروحله

انجل بدلت هدومها بسرعة ونزلت وركبوا العربية وراحوا ع المستشفي

في المستشفي

وصلوا قدام اوضة حماصة

مارد قال لانجل .. استني شوية هنا ما تدخليش

دخل مارد وانجل فضلت مستنياه برا

حماصة كان نايم قام مارد وكزه في رجله بإيده جامد حماصة صحي مخضوض

مارد بحدة قاله... اسمع تالية هتدخل دلوقتي ، عينك لو اترفعت وبصت عليها هعيشك باقي عمرك أعمي فاهم

حماصة بخوف ... ف .. فاهم ياباشا

مارد فتح الباب لانجل وهي دخلت كانت متوترة قام مارد حاوطها بدراعه وبص لها يعني كأنه بيقولها أنا معاكي

انجل بصت لحماصة بقرف وقالت ... ماما فين أنا عايزة أشوفها

حماصة بدهشة ... ليه انتي ماعرفتيش أنها ما*تت من سنتين ولا ايه

انجل حطت إيدها علي بقها بصدمة وعينيها اتملت دموع وقالت ... مات*ت

حماصة ... ايوا ما*تت وكان آخر أمنية ليها أنها تشوفك وتقولك سامحيني دي حتي طلبت مني الطلاق بعد مالقوا ج*ثة طف*لة غر*قانة في النيل واشتبهوا أنها انتي ، امك بعدها اتعذبت اوي واحساسها بالذنب قضي عليها كانت بتحمل نفسها مسؤلية موتك

مارد بص لانجل بعد اللي سمعته لقاها تقريبا مش قادرة تتنفس من شدة الصدمة وهي بتتخيل قد ايه والدتها اتعذبت بسببها كان ممكن ترجع وتطمن ماماتها بس رفضت كأنها نسيت في اللحظة دي اوضة الفيران والحبس باليوم والاتنين افتكرت بس صوره ماماتها قبل حماصة مايدخل حياتهم

مارد صرخ وقال ...كفاية انت ايه

انجل انهارت وهبطت مابقيتش قادرة تقف علي رجيلها مارد شالها وكان هيم*وت م القلق نزل بسرعة ركبها العربية وركب وطول الطريق بيسوق بإيد والايد التانية ماسكة ايد انجل اللي مش حاسة بأي حاجة وبتبص للاشئ ودموعها نازلة ف صمت

وصل مارد القصر وشال انجل وطلع علي أوضتهم انجل بصت لمارد واخيرا اتكلمت وقالت ... عايزة ابقي لوحدي

مارد هز راسه ومسك أيدها ضغط عليها وقال لها ... عيطي علي اد ما تحسي انك بقيتي كويسة ، وبعدها وقفي عياط أنا هاكون مستنيكي برا

انجل هزت راسها ودموعها نزلت قط*عت ق*لبه كان هيحضنها ويقولها مش هاقدر اسيبك كده بس هي قفلت الباب في وشه

وقفت قدام المرايا وفضلت تبص لنفسها في المرايا وتعيط (رسالة لحبيباتي سن ١٨ وأقل دا حرام وغلط ما حدش يكرر التجربة )

وفجأة دخلت الحمام وقفلت علي نفسها ووقفت تحت الدش بهدومها فضلت حوالي ساعتين استرجعت كل اللي فاكراه من ذكريات مع والدتها

مارد قلق عدي ساعتين ومش سامع اي رد فعل منها ولا صراخ ولا تكسير ولا حتي بكا فتح الباب بص في كل حتة مالقهاش قلق اكتر خبط ع الحمام سمع صوت بكاها (برضو البكا في الحمام حرام وغلط )

مارد بعصبية ... انجل افتحي انتي بتعيطي كل دا في الحمام افتحي ولا اكسر الباب

انجل ... مافيش رد

مارد خبط الباب مرتين بكتفه ما فتحش خبطه مرة تالتة فتح دخل لقي انجل قاعدة ع الأرض تحت الدش وضما رجليها لصدرها وكأنها تعبت من كتر البكا فبتنزل دموعها بس وسنانها بتخبط في بعض من البرد وجسمها بيرتعش

مارد جري عليها شالها لقي جسمها متلج

خرج بيها بسرعة حطها ع السرير وسحب فوطة وطلع هدوم من دولابها وقرب من ازرار بلوزتها وفتح اول زرار قامت هي رفعت أيدها بضعف ووقفته مارد مسك وشها بين ايديه وقال لها ما تخافيش أنا جوزك ..

بدأ يقل*عها هد*ومها وغطاها ببطانية بس هي ماكانتش حتي مركزة كانت في عالم تاني

مارد لبسها هدومها ومدد جمبها واخدها في حضنه لحد مانامت

أتأكد أنها نامت ومسك اللاب توب بتاعه عشان يخلص شغل عليه فضل يشتغل حوالي ساعة وبعدها حس أنه فصل وعايز ينام بص لانجل لاحظ أن وشها احمر قرب منها وحط أيده علي جبينها لقاها سخنة مولعة اتجنن كان هيموت م القلق عليها بس تفكيره شل مش عارف يعمل ايه واخيرا فكر و نزل بسرعة جاب مية ساقعة وتلج وبدأ يعملها كمدات وهو بيقول ... انجل حبيبتي فوقي فتحي عينيكي كلميني ،انجل ، كان بيطبط علي خدها بالراحة وهي مش بتفوق

وفجأة انجل بدأت تهلوس وقالت ... م مارد خليك جمبي ، ماتسبنيش

مارد قام من مكانه وقعد جمبها وحضنها وقال بقلق ... انا جمبك يا حبيبي اهو

كملت هي ... انا بحبك اوي يا مارد بحبك ونفسي وتحبني زي مت بحبك عيطت .. اوعي تتجوز لمار وتكسر قلبي ، أنا مش هقدر اشوفك بتتجوز غيري اهئ اهئ ،

مارد وهو حاضنها جامد قال ... انا عمري ما حبيت ولا هاحب غيرك انتي ملاكي يا انجل

انتي بنتي وحبيبتي وكل حاجة ليا بس فوقي طمنيني عليكي فضل يبو*س كل ح*تة في و*شها وكان قلقان حرفيا عليها ، حط لها تلج علي راسها

ضحكت هي وقالت ... ماااارد وشوشني أنا عايزة بيبي يلا هاتلي بيبي عيطت وقالت عايزة بيبييييييييي

مارد ضحك وبا*س را*سها وهمس لها في ودنها ... طب خفي بقي عشان نجيب بيبي

سكتت شوية كأنها راحت في النوم

وبعدها قالت ... وشوشني أنت مش بابا انت حبيبي انا بحبك حب متجوزين ضحكت وقالت أنا كده قلي*لة اد*ب ولا ايه 🤭

مارد ضحك علي كلامها وقال .. لا انتي كده قلب مارد من جوه فوقي انتي بس عشان اقولك اني أنا كمان بحبك حب متجوزين مسك أيدها وباسها وحط أيده علي راسها لقي حرارتها نزلت شوية اطمن واخدها ف حضنه وقفل ايديه كويس اوي وراح ف النوم

*********

في ايطاليا

الكينج .. سأسافر مصر غدا

دراعه اليمين ...لماذا سيدي ، إذا كان هناك خطب ما سأسافر نيابة عنك

الكينج .. الأمر يخصني شخصيا لذا سأسافر بنفسي انصرف انت

الراجل ... امرك سيدي

الكينج رجع ضهره لورا وضغط علي أسنانه وقال ... جميلة سأقت*لك كما حرمتيني من ابني الوحيد وفتح اللاب توب بتاعه وفتح فيديو قديم من تسجيلات كاميرات قصر عزيز

كان فيديو لحفلة رجال أعمال باحتة في قصر عزيز

جميلة كانت نازلة تتسحب عشان تتفرج علي فساتين الستات وجزمهم اللي لابسينها وفجأة شاب ١٨ سنة ماسك كأس وسكران حط أيده علي ضهر جميلة بصت له بخضة قام هو بص لها بزهول من جمالها اللي فوق الوصف

هي خافت وجريت علي فوق فدخلت اوضة عزيز عشان تستخبي

بس الشاب لحقها ودخل وراها وقفل الباب وحاول يعت*دي ع*ليها هي كانت بتصرخ بس ماحدش سامعها كانت بتصرخ بأعلي صوت ليها وتستنجد بعزيز بس بدون جدوي والشاب بيضحك باستمتاع كانت جميلة ماسكة بطنها لأنها كانت حامل في شهرها التالت

فجأة وهي بترجع لورا خبطت في مكتب عزيز اللي ف اوضته وايدها جات بالغلط علي المسد*س من غير ما تحس ضغطت ع المسد*س فخرجت رصا*صة اختر*قت قل*ب ميكيلي ابن ماركو (الكينج)

الكينج مسك الكاس ضغط عليه لحد مااتحطم

**********

في الصبح انجل صحيت وبدأت تتحرك بس حست انها متكتفة

بصت لمارد وهزته عشان يفك أيديه اللي حضناها

فتح عينيه وافتكر كلامها امبارح ابتسم وقال لها.... عاملة ايه دلوقتي

انجل بحزن ... كويسة

مارد قرب منها وبا*سها لأول مرة بإرادته وف كامل وعيه

كانت هي مبرقة

بعد عنها فقالت بتوهان ...مارد انا لسة بحلم ولا ايه

مارد حط جبينه علي جبينها وقال ... تؤ تؤ انتي صاحية يا مراتي

انجل بصت بتوهان وقالت ... ها

مارد ابتسم وقال لها جهزي نفسك عشان هاخدك مشوار مهم

لسة هتقوم حست بدوخة كانت هتقع قام مارد سندها وقال .. انتي كويسة

انجل هزت راسها وقالت ... كويسة

شالها مارد واخدها ع الحمام ملي البانيو مية وقالها يلا هاساعدك

انجل بصدمة ... لا طبعا اطلع برا أنا هاخد شاور لوحدي ، انت بقيت قلي*ل اد*ب علي فكرة من لما صحيت

مارد ضحك وقال.... انا قلي*ل اد*ب هاعديها عشان انتي لسة تعبانة ، أنا كنت هاساعدك عشان أنا جنتل مان علي فكرة

انجل مسكت شوية مية رشت بيهم مارد وهو غمض وضحك وقام مسكها ورماها في البانيو

وفضلوا يضحكوا في اللحظة دي انجل نسيت كل حزنها بس بلحظة حب بينها وبين المارد

بعد مرور وقت انجل لبست ومارد دخل بعدها اخد شاور ولبس هو كمان وقال لها يلا هننزل

انجل بحزن ...ماليش نفس اروح اي مكان

مارد مسك كتافها وقال لها ..بس المكان دا انتي محتاجة تروحيه ، ها قولتي ايه

انجل اتنهدت وقالت ... اوك يلا

خرجوا من القصر وركبوا العربية وانطلقوا انجل طول الطريق مستغربة لطول المسافة قالت لمارد ...احنا هانروح فين

مارد بيهزر ... هاخط*فك

انجل ابتسمت ... والله لو كل اللي بيخط*فوا قمر كده زي بابا مارد أنا معنديش مانع اتخ*طف

مارد ضحك وقال ... بابا برضو

انجل تنحت وهي مش فاهمة هو بيقول كده ليه

بس تابعت كلامها وقالت ... انا الفضول هيتق*لني احنا رايحين فين

مارد ... هاخدك تزوري مامتك وتتكلمي معاها في كل اللي نفسك تقوليه

انجل بصت لمارد وعينيها دمعت بس ابتسمت وهزت راسها

بعد فترة وصلوا قرية السنانية محافظة دمياط وقفوا عند بيت والدة انجل

مارد نزل م العربية وقلع النضارة الشمس بتاعته وبص للبيت وبعدهاسأل جيران والدة انجل ودلوه ع مكان المقابر

ركب مارد ووصل هناك انجل كانت واقفة وجمبها مارد ما كانتش بتنطق ولا كلمة ساكتة وبس

مارد بص لها واتنحنح وقال ...هي امك كان اسمها ايه

انجل ... زهرة

مارد قال ... ماما زهرة كنت حابب اطلب ايد بنتك تالية وبنتي أنا كمان مش عارف امتي ولا ازاي حبي لبنتي اتحول لحب من نوع تاني بس بأكدلك اني في كل مرة بحبها سواء بنتي أو مراتي حبي ليها بيوصل لحد الجنون

انجل بصت بصدمة اللي هو مش مستوعبة هو يقصد ايه

بصت لمقبرة والدتها وقالت. .. ماما انتي فاهمة حاجة

مارد مسك أيدها باسها وقال... بابا يفهمك

انا بحبك يا انجل ك مراتي

انجل ابتسمت وعيطت في نفس الوقت

ملس هو علي شعرها وقال هاسيبك مع مامتك براحتك أنا هقف برا هاكون قريب منك عشان ما تخافيش

هزت راسها وابتسمت

وفضلت تتكلم مع مامتها

مرة تعاتبها ومرة تعيط ومرة تندم ومرة تقولها اد ايه كانت واحشاها ، ومارد كان سامع دا كله ودموعه نزلت عشان نفسه هو كمان يعاتب والدته ويعتذر لها عن جفائه معاها ويبدأ معاها صفحة جديدة

************

جميلة كانت قاعدة في الجنينة وعزيز كان ماسك بوكيه ورد ابيض اللون اللي بتحبه جميلة قرب عشان يديهولها وفجأة لمح الكينج موجه سلا*حه علي جميلة وهو راكب هليكوبتر قريبة منهم اوي فجأة الرصا*صة خرجت بوكيه الورد الابيض وقع ع الأرض واتحول لونه للأحمر ......... يتبع

**************

البارت انتهي اتمني يعجبكم

سمعاكي يلي بتشتمي علي القفلة السودة دي 😂😂😂

البارت السادس عشر

جميلة كانت قاعدة في الجنينة وعزيز كان ماسك بوكيه ورد ابيض اللون اللي بتحبه جميلة قرب عشان يديهولها وفجأة لمح الكينج موجه سلا*حه علي جميلة وهو راكب هليكوبتر قريبة منهم اوي فجأة الرصا*صة خرجت و بوكيه الورد الابيض وقع ع الأرض واتحول لونه للأحمر .........

جميلة صرخت .... عزييييييز

فريدة كانت واقفة في البلكونة بتراقب الموقف ومبسوطة بس لما الرصا*صة جات في عزيز فريدة حست أن الرصا*صة اخت*رقت قل*بها هي مش عزيز ، اتجمدت مكانها من الصدمة فضلت لحظات صامتة وعينيها بس اللي بترمش بعدها أدركت الموقف رجليها ما بقتش شايلاها فقعدت ع الأرض وصرخت ..... لااااااااااااا مش انت يا عزيز مش انت

وقع عزيز وجميلة ع الأرض وجميلة حضنته وكانت بتهز راسها وتعيط وتقول .... لا يا عزيز ماتسبنيش أنا ماليش غيرك

عزيز بص لها وابتسم وقال ... احكي الحقيقة ل مراد وغمض عينيه

صرخت بأعلى صوت ليها ... عزييييز ، حد يطلب الاسعااااااف اتجمع الحراس في نفس اللحظة اللي كان الكينج من*شن علي جميلة بطل*قة تانية ف الكينج أمر الكابتن يتحرك بالطيارة ويرجعوا بلدهم

**************

مارد وانجل في العربية بعد ما خرجوا من المقابر

انجل اتحنحت باحراج وقالت ... احم مارد هو انت كنت تقصد الكلام اللي انت قولته جوا

مارد بص لها ومسك وشها بين ايديه وقال لها... انجل أنا بحبك ، سواء بنتي أو حبيبتي أو مراتي فأنا المارد مش متخيل حياتي من غيرك ، انتي كنتي الامل اللي خلاني اعيش مبسوط وأنا شايفك بتكبري قدامي وبحقق فيكي كل حاجة اتحرمت منها

انجل نزلت عينيها لتحت من الكسوف وقالت ... انا كمان بحبك يا مارد سواء بابا أو جوزي أو حبيبي فأنا ماكنتش متخيلة اني اقدر اشوفك مع واحدة غيري

مارد قربها منه جامد وبا*سها بو*سة خرج فيها كل مشاعره اللي كان مخبيها وفجأة يقطع لحظهتم الرومانسية رنين موبايل مارد بعد عن انجل واتأفف بضيق ومسك فونه بس رد بسرعة لما لقي الاتصال من واحد من الحراس

مارد ... فيه ايه

الحارس ........

مارد أنصدم ومشاعره تجاه والده صحيت تاني ولأول مرة من فترة طويلة ينطق ويقول .... بابا !!! ازاي ومين اتجرأ وعمل كده أنا جي بسرعة

رمي مارد الفون وساق العربية بسرعة جنونية

انجل كانت خايفة وماسكة في الكرسي بتاعها جامد ، وقالتله ... مارد هدي السرعة شوية فيه حصل مين كلمك

مارد ....طيارة هليكوبتر وقفت فوق القصر وض*ربت رصا*ص علي ماما بس الرصا*صة جا*ت في بابا

انجل بعدم فهم ... طب فريدة هانم واونكل عزيز حد اتأذي منهم

مارد ... وايه دخل فريدة ، انجل بصي مش عايز اسمع صوتك لحد ما نوصل

انجل هزت راسها وقالت ... حاضر آسفة

مارد بحدة. .. بتعتذري ليه انتي ماغلطيش

انجل بصت لمارد بحزن علي حالته لانه كان قلقان اوي علي والده وفعلا هو كان خايف مايكونش له فرصة يروح يعاتب باباه وبعدها يطلب منه أنه يسامحه

مسكت أيده بإيديها الاتنين وقالت له ... ما تقلقش هيكونوا كويسين ، مارد تعابير وشه لانت بعد ماكانت حادة طبطب علي خد انجل مسكت أيده وبعدها سحب أيده من أيدها وركز في السواقة

وصل مارد وانجل ع المستشفي في نص الليل

كانت جميلة واقفة وساندة راسها ع الحيطة وفريدة بتبص لها بك*ره كأنها بتقول لها انتي السبب في كل اللي حصل واسلام والحراس كانوا قاعدين

مارد جري علي اسلام بلهفة وقال ... اخباره ايه دلوقتي

جميلة لمحت مارد وجريت عليه وقالت بهستريا وغضب ....انت كنت فين كل دا . ها

كنت فين لما باباك كان محتاجك ، ليه ماجيتش تحميه وتدافع عنه كانت بتض*رب مارد بالكفوف بس هو كان وقف ثابت وبيغمض عينيه ومش بيقاومها انجل اتجننت هو ازاي ساكت لجميلة وهي بتض*ربه وفجأة جميلة انهارت ووقعت أغمي عليها مارد قال بقلق .. ماما

انجل برقت بصدمة وقالت ... ماما !!

و شالها وحطها ف اوضة وراح يجيب دكتور من قسم الطوارئ

انجل قربت من ودن اسلام وهمست .. اسلام هو مارد بيقول لماما جميلة يا ماما ليه

اسلام همس لها .. مش وقته يا انجل ، مارد هيفهمك كل حاجة

جي الدكتور ودخل يفحص جميلة

مارد سأل اسلام ... بابا حالته ايه دلوقتي

اسلام ... الدكاترة خر*جوا الرصا*صة وقالوا نستني للصبح لو فاق يبقي الخ*طر ر*اح بس

مارد بقلق ... بس ايه

اسلام ... بس لو مافاقش يبقي دخل في غيبوبة

مارد مسح وشه بإيده وبعدها قال ... ماعرفتوش مين اللي عمل كده

اسلام ... مش عارف بصراحة باباك بس اللي ممكن يجاوب ع السؤال دا

مارد بص لقي فريدة بتعيط وبتفرك في ايديها من التوتر ضيق عينيه وكان شاكك أنها تعرف حاجة بس قال يستني للصبح

خرج الدكتور من عند جميلة وقال لمارد... انا أدتها حقنة مهدئ ، مش هتفوق الا الصبح

مارد ... تمام ، بص لانجل لقاها نايمة وساندة راسها علي كتف اسلام

قام بسرعة راح عندها وهمس لاسلام ... قوم بالراحة

اسلام همس له ... ليه

مارد .....هاقعد أنا

اسلام بص لانجل وقال لمارد خدها وادخلوا ناموا في اي اوضة هنا و الصبح اصحيكم

مارد شال انجل ودخل اوضة فاضية نيمها ولسة هيخرج مسكت أيده وفتحت عينيها وقالت له تعالي جمبي يا بابا انا هخاف أنام لوحدي

مارد قعد جمبها ع السرير واتنهد وقال .. مش عايزه يمو*ت وهو شايل مني انا كنت قاسي اوي في معاملتي معاه

انجل حضنت مارد وقالت له ... رغم اني كنت مستغربة قسوتك مع العيلة كلها بس انت اكيد ليك أسبابك ، هما اللي بيبنوا شخصيتنا هما اللي بيخلونا نتصرف معاهم كده لو ماما في يوم وقفت في وش حماصة وقالت له بنتي خط أحمر وما تقربلهاش ما كنتش سبت البيت وهربت و خلتها تتعذب لحد ما ماتت ، انجل عيطت

مارد حضنها وباس راسها وقالها .. كفاية كده ونامي بقيتي تقولي كلام كبير اوي يا ست انجل

انجل ضربته ف كتفه وقالت له ... انا كبيرة علي فكرة بطل تشوفني صغيرة

مارد قرب وشه منها جامد وكان هيبو*سها انكمشت هي وغمضت عينيها وقالت له هتعمل ايه

مارد همس في وشها وقال ... هاعملك كواحدة كبيرة

انجل وهي مغمضة ... لا دانا لسة عيلة انت بتصدق كلام اطفال يا وشوشني

ابتسم هو وقال لها ... طب يلا نامي

**************

في الصبح بدري صحي مارد وانجل كانت نايمة سابها وخرج لقي اسلام نايم والحراس كمان نايمين بس فريدة صاحية واقفة عند زجاج اوضة عزيز وبتقول .. سامحني يا عزيز

مارد قالها ... يسامحك علي ايه بالظبط ، فريدة اتخضت وبصت لمارد

تابع هو وقالها .. انتي تعرفي حاجة ومخبياها

فريدة بارتباك .. لا و وانا هاعرف منين

مارد بشك ... اوك

راح اوضة جميلة كانت بتصلي وتدعي لعزيز

وقف لحد ما خلصت صلاة فقال لها ... بتحبيه الحب دا كله حتي بعد ما استغلك وحملتي واخد ابنك وحرمك تكوني أمه ، يا تري دا حب ولا استسلام

جميلة قامت بهدوء من سجادة الصلاة وقالت ... اقعد عايزة اقولك علي الحقيقة اللي هتريحك

مارد قعد وجميلة بدأت تحكي

...انت طبعا عارف اني هربت من مرات ابويا اللي كانت عايزة تبعني لواحد خليجي بإسم الجواز

عزيز لما اخدني انقذني من الشارع يا مراد وحبني بجد وانا كمان حبيته بجنون .. والغلطة اللي حصلت دي أنا وهو مشتركين فيها لان عزيز مستحيل كان هيقربلي لو كنت قاومت اكتر

بس صدقني بعد اللي حصل دا عزيز وعدني بالجواز لما اكمل السن القانوني وكتب ورقة عرفي ومضينا عليها ومن يومها عمره ما قربلي بس اللي حصل اني بالغلط قت*لت ابن الكينج لانه كان هيعت*دي عليا

مارد بصدمة ... ايه قتل*تي

جميلة ... ايوا قت*لته والكينج طلب من عزيز يقت*لني كنت حامل فيك وعزيز ما قدرش يرفض لان دا قانون المافيا بس عزيز عشان بيحبني ماقدرش يقت*لني فقرر اني ابقي مستخبية في القصر دا أمن مكان هو مستحيل يشك فيه و طلب من فريدة انها ما تقولش للكينج اني مستخبية في القصر ، وهو عمره ما هيفكر أن عزيز ممكن يخبيني في قصره ، فريدة وافقت بس كان شرطها أن الطفل اللي انا حامل فيه هينتكب بإسمها لأنها مش بتخلف ودا مقابل أنها تكتم السر عزيز ما كانش قدامه حل غير أنه يوافق ، عشت في القصر بسلام بس كنت مسجونة هناك مش بشوف الشارع ، ولما تميت 18 أنا وعزيز اتجوزنا شرعي بس من ورا فريدة ، وخبينا عنك لان عزيز خاف من رد فعلك تجاه الكينج وفريدة كان خايف عليك وانا كمان كنت خائفة لو الكينج عرف اني لسة عايشة وانك ابني يقتلك عشان ينتقم مني فيك ، ودا السبب الوحيد اللي خلاني

اتنازل عنك لفريدة عشان احافظ علي حياتك( جميلة عيطت )وقالت .. تفتكر فيه ام تتنازل عن ابنها وتعيش مبسوطة ، أنا كنت بتقطع لما اسمعك تقول لفريدة يا ماما وفرحت لما عرفت اني مامتك حتي لو كنت بتحتقرني وقتها بس شعور انك عرفت اني امك كان فوق أي شعور تاني

مارد بص لها بزهول وقف وقال ... انا حاسس اني ولا حاجة ، كل دا مخبينه عني دمر*توني عشان اخط*أكم في الماضي خلتوني أشيل ذ*نبكم وادفع تمن غلطة ماليش ذ*نب فيها أنا ك*رهت حياتي كل ما افتكر اني ابن زنا وامي بتك*رهني واتنازلت عني ، وابويا بيستغل امي وبيعتبرها عشي*قته تفتكري واحد مكاني يتصرف ازاي ، عيط وجسمه اتهز م العياط وبسرعة مسح دموعه بعنف وسابها وخرج سمع الدكتور بيقول ... هو دخل في غيبوبة ادعوله يقوم منها ،

مارد وقف وكور أيده بغضب وخرج وساب المستشفي كلها وخرج ركب عربيته وراح الملهي الليلي فضل يسكر

أما عند انجل

الدكتور طلب من الكل يراوح لأن قعدتهم مالهاش لزوم

اسلام وصلهم ع القصر وكان بيرن علي فون مارد اللي كان ناسيه في العربية

انجل فضلت جمب جميلة وكانت مستغربة حزنها الشديد علي عزيز ،

فقررت أنها تسألها ، جميلة حكت كل حاجة لانجل بالتفصيل بكل لحظات الحب اللي جمعتها بعزيز بعشقه ليها اللي مش بيخلص ، وانجل عرفت أن مارد ابن جميلة وعزيز وكانت فرحانة اوي من الحقيقة دي

ماحسوش بنفسهم والوقت سرقهم انجل كانت قلقانة علي مارد فقامت تبص علي بوابة القصر يمكن تفتح فجأة ويدخل بعربيته

وبعد مرة واتنين وتلاتة وانجل بتراقب البوابة فجأة عربية مارد وصلت

وكانت بتسوقها بنت نزلت وفتحت باب العربية ونزلت بنت تانية ونزلوا مارد وكان ساند عليهم انجل شافتهم وانصدمت .....يتبع

*************

البارت انتهي اتمني يعجبكم ❤️

البارت السابع عشر

البوابة فجأة انفتحت و عربية مارد وصلت

وكانت بتسوقها بنت نزلت وفتحت باب العربية ونزلت بنت تانية ونزلوا مارد وكان ساند عليهم انجل شافتهم وانصدمت ، وخرجت من البلكونة زي المجنونة لقت جميلة نامت فنزلت بسرعة تحت .

البنات دخلوا وكانوا ساندين مارد وهو تقيل وبالعافية بيتحركوا بيه انجل نزلت بغيظ وغضب وقالت .... مااارد ، رفع راسه وتقريبا ماكانش حاسس بأي حاجة فنزل راسه تاني

انجل بصت للبنات وقالت بغضب ... غوري انتي وهي ع المكا*ن الزبا*لة اللي جيتوا منه

واحدة من البنات بصت لانجل اللي كانت لابسة بيجاما عليها سبونج بوب وقالت ... اجري العبي بعيد يا شاطرة هي الاطفال بتسهر ليه في البيت دا ما فيش حكم هيهيهيئ ضر*بت هي وصاحبتها كفوفهم في بعض انجل اتجننت لأنهم بيقللوا منها

قربت علي مارد ومسكت دراعه وقالت له من بين اسنانها ....مشي الزبا*لة دو*ل

مارد رفع راسه وقال بسخرية ... اهلا بنت المارد ، تؤ تؤ أهلا بزوجتي المصون هههههههه

انجل اتغاظت فقالت له .. تصدق انت ماعندكش د*م لما انت عارف اني زوجتك ازاي بتجيب بنا*ت شو*ارع هنا

مارد قرب عليها ومسك دراعها وقال ... انتي اتجننتي ولا ايه ، مين دا اللي معندوش د*م لمي لسانك أنا ساكت بس عشان انتي طفلة

البنات ... ههههههههئ احنا قولنا كده برضو

انجل اتغاظت ودمعتها نزلت وقالت بغضب ... انت مغرور اوي ، انت شيطان قدرت تضحك عليا وتفهمني انك بتحبني ، أنا بكره*ك يا مارد

مارد محسش بنفسه الا وهو بيضر*بها كف جامد و نز*ل د*م من بقها ، مسحت الد*م وقالتله ... انت فاكر انك كده راجل . انا اول مرة اعرف انك مش راجل لو راجل بجد كنت واجهت مشاكلك مش هربت منها ورجعت للسفا*لة اللي كنت بتعملها زم... ما كملتش كلامها ولقت مارد جا*يبها من شعرها وبيقول بغضب جحيمي ... انا هاعرفك أنا را*جل ولا لا .. أنتي فاكرة اني هابقي ضعيف عشان بحبك لا فوقي دانا ادو*سك بر*جلي

مارد ماكانش واعي للي بيقوله كانت مسيطرة عليه مشا*عر سل*بية عايز يطلعها في اي حد وللأسف جات في انجل

البنتين كانوا خايفين من شكل مارد وعصبيته حضنوا بعض وواحدة قالت للتانية ...يلا بينا يا اوختشي الهروب نص الجدعنة الراجل اتحول لتنين

مارد كان بيحس*ب انجل من شعر*ها وبيطلع بيها برا القصر وهي بتصرخ بأعلي صوت ليها وتقول .. ماما جميلااااااااا الحقيني يا ماما مارد هيمو*تني ، يا مارد فوق بقي حرام عليك أنا آسفة ااااااي سيب شعري يا مامااااا

جميلة صحيت علي صوت صراخ انجل نزلت لتحت بس مالقيتش الا البنتين فكرت أنها بتحلم

نزلت بهدوء وسألت البنات .. انتوا مين وايه اللي جابكم هنا ف ساعة زي دي اقدر اساعدكم

واحدة ميلت ع التانية وطرقعت اللبانة وقال ... هي مالها المرا دي زي ما تكون خارجة من مسلسل هوانم جاردن سيتي ايه الهدوء دا

التانية ... أنا عارفة بقي ، وقالت لجميلة ... اسمعي يا هانم احنا لقينا المارد باشا ممدد شوية قدام الكباريه وشكله سكرا*ن طينة فقولنا نوصله من كرم أخلاقنا وطيبة اصلنا

البنت التانية وكزت الأولي في كتفها وقالت ... اتكي علي طيبة اصلنا دي يا بت داحنا اطيب م الطيابة هيهيهيهئ

البنت الأولي .... حصل يا اوختشي هيهيهئ

جميلة بحزن ... فين مارد

البنت لوت بقها وقالت ... كان مزاجه حلو ورايق جات بنت اللهي يعكر مزاجها وقال ايه بتقوله انت مش را*جل( مسم ) طب كانت تسألنا احنا وكنا نقولها أنه را*جل اوي ضر*بت كفها في كف زميلتها وقالوا ... هيهيهيهيهئ

جميلة بقلق ... وراحوا فين

البنت ... تلاقي المارد باشا راح يتا*ويها مهي غلطانة . نهايته يلا يابت يا اوشة نروح نشق*طلنا حد غيره

اوشة وهي بترقع لبانة... يلا يا اوختشي نابنا طلع علي فشوش ، خرجوا البنتين وواحدة بتقول للتانية ... ايه رأيك في التنين اللي رسمته علي رقبتي دا يا بت

التانية ... بلا نيلة يا اوختشي دا شكله فقري ونحس اهو الزبون طار من أيدينا مارسمتيش ليه حية احسن اقله مجربنها هيهيهي

اوشة .. خيرها في غيرها يا بت .

خرجوا

وجميلة خرجت في الجنينة بصت يمين وشمال مالقيتش حاجة فضلت تلف في الجنينة تدور علي مارد وانجل

*في مخزن ضلمة ورا القصر

مارد رمي انجل ع الأرض بعن*ف وقال لها .. أنا مش را*جل يا بت انا غلطان اني دلعتك انتوا كلكم صنف واحد ما تستهلوش الواحد يضيع حياته عشانكم

انجل حرفيا كانت منهارة مش بس من الضر*ب لا كمان من إها*نة مارد ليها

كان مارد خلاص هيخرج جريت انجل عليه ومسكت رجله وهي بتترجاه مايقفلش الباب لأنها بتخاف م الضلمة بس هو ماكانش في وعيه وز*قها وقفل عليها الباب

انجل فضلت تصرخ وتعيط وتقول ... يا مااارد بالله عليك فوق بقي ، افتحلي أنا بخاف م الضلمة

مارد اخد المفتاح ورجع القصر جميلة شافته قربت عنده وقالت بقلق ... فين انجل

مارد ... بغضب جحيمي ... ابعدي عني

وسابها وحط المفتاح في جيبه وطلع أوضته رمي نفسه ع السرير ونام بهدومه وجزمته

جميلة سمعت صوت خبط جي من المخزن راحت لانجل لقتها منهارة بكل معني الكلمة ومرعوبة

جميلة فضلت تطمنها وتقول ... انجل اسمعيني يا حبيبتي انا هافضل جمبك ماتخافيش

انجل كانت تتسند ع الحيطان عشان توصل للباب لحد ما وصلت و بقت هي من جوا وجميلة من برا

هديت شوية واطمنت

جميلة ... ايه اللي حصل يا انجل احكيلي يا حبيبتي هو ليه حبسك كده دا عمره ما مد أيده عليكي

انجل حكت كل حاجة لجميلة

جميلة ... انجل ما تظلميش مارد البنات دول لقوه واقع قدام الكباريه وجابوه وهو تقريبا مش حاسس بحاجة هما قالولي كده ومالهومش مصلحة أنهم يكدبوا أو يداروا عليه

انجل فضلت تعيط وهي بتحكي لجميلة اد ايه ضربها واذاها

جميلة .. مارد مش في وعيه يا انجل صدقيني لما يفوق هيعرف غلطه

انجل وهي بتعيط ... لا أنا مش هسامحه

جميلة .. تحبي احكيلك حدوتة

انجل بفرحة .. ياريت ، ماتبطليش تتكلمي يا ماما جميلة عشان ما اخافش

فضلت جميلة تحكي لانجل حواديت لحد ما عرفت انها نامت لأنها ما رديتش عليها قامت جميلة هي كمان مددت علي كنبة كانت جمب باب المخزن ونامت

مارد وهو نايم وبيحلم شاف انجل في حتة ضلمة والباب مقفول وهو مش عارف يدخلها ولا هي عارفة تخرج فضل ينادي عليها وهي بتبعد عنه وتتوغل في الضلمة كان هيتجنن حرفيا عليها وفجأة صرخ ... انجيييييل في اللحظة دي صحي م النوم مسك راسه م التعب بص حواليه مالقاش انجل قلق اكتر وبعدين غمض عينيه من الصداع فجي قدامه مشهد جر*جرته لانجل من شعر*ها ع المخزن فتح عينيه بسرعة وقال .. مستحيل اكون عملت كده في انجل

قام بسرعة ونزل جري وراح ع المخزن لقي جميلة نايمة وحاضنة نفسها م البرد

حط أيده في جيبه وطلع المفتاح فتح لقي انجل متكورة حوالين نفسها ونايمة كور أيده بغضب وخب*طها في الح*يطة جامد من شدة الندم لانه أتأكد أن مشهد الضر*ب حقيقي وخاصة لما شاف اثار د*م علي بقها

شالها من الأرض وباس راسها وهو خارج صحي جميلة

مارد اتنحنح وقال بصوت واطي .. ما... ما ماما

فتحت جميلة عينيها بمفاجأة كبيرة لأنها سمعت مارد بيقول لها يا ماما بصت له وابتسمت

وبعدها بصت لانجل وقالت له ... ليه عملت فيها كده ، انجل كانت تتوقع ان العالم كله يئذيها الا انت

قربها لوشه وباس راسها تاني وطلع بيها علي اوضتهم اول ما حطها ع السرير هي فاقت وبصت بنظرة كلها خوف بعدت عنه ورجعت لورا في السر*ير

مارد بص لها وكان ندمان و قالها ... انجل أنا اسف ماكانش قصدي كل اللي حصل دا كان خارج إرادتي ماكنتش في وعيي

انجل ساكتة

مارد مسك وشها ومشي أيده علي الد*م النا*شف اللي علي بقها وقال ... اوعدك اللي حصل مش هيتكرر تاني ابدا

انجل عيطت وقالت له ... ماتكلمنيش ولو كلمتني مش هارد عليك انت فاهم ، أنت جرحتني وخوفتني

مارد حب ياخدها في حضنه بس هي رفضت وبعدت عنه

قام شدها غص*ب عنها لحضنه وقالها .. اللي بيحضنك دلوقتي بابا مارد مش جوزك ، لما تكوني زعلانة من جوزك حضن بابا موجود (انجل عيطت وما اتكلمتش)

وبالفعل انجل خاصمت مارد وكانت بتتجاهله ، مر يوم والتاني والتالت وهي مش بتكلمه ، وهو بيحاول يعتذرلها ويصالحها بس هي بترفض

وف يوم هي بتلبس عشان تستعد لاول يوم دراسة في الجامعة

مارد جي من وراها وحضنها وقال ... اخيرا جي اليوم اللي اشوفك فيه في الجامعة وميل علي رقبت*ها با*سها

انجل بعدت عنه بصدمة وقالت .. انت بتعمل ايه أنا مش بكلمك علي فكرة

مارد بص لها وقال بتحدي .. أنا كنت بحضن بنتي علي فكرة

انجل بسخرية ردت عليه وقالت .. وهو فيه اب بيبو*س ر*قبة بنته

مارد شدها لحضنه وقالها ... مش أنا عملت كده ، يبقي فيه

انجل ... دا مايبقاش اب ، دا يبقي سڤن اب

سابته وجريت علي تحت ابتسم هو ومسح علي شعره ونزل وراها عشان يلحقها قبل ما تمشي

مارد .... تعالي هوصلك

انجل بعند هاركب عربيتي اللي جبهالي بابا

نزل ركبها بالعافية وقال .. مش ناقص صداع ع الصبح قلت هاوصلك

وبالفعل ركبت و وصلها الجامعة هي كانت مبسوطة اوي بالشعور دا بس كانت بتداري

ابتسامتها وهو كان ملاحظ وبيبص الناحية التانية و بيضحك

وصلها واطمن عليها ونبه عليها ما تكلمش حد وما تصاحبش حد ولو حد ضايقها تتضل عليه وبعدها طلع علي مصنعه

انجل خلصت اول يوم محاضرات وعربيتها كانت قدام الجامعة لان المارد كلم السواق يستناها

راوحت كانت تعبانه دخلت تاخد شاور ، ومارد وصل بعدها بشوية راح عند جميلة يطمن عليها

في الوقت دا كانت انجل بتاخد شاور وبتفكر وتقول أنا كده المفروض خلاص اسامحه بقي ، هو مظلوم قامت مرة واحدة وقالت هاسامحه وفجأة وهي بتقوم رجلها جات ع الصابونة ووقعت في الحمام رجلها انجر*حت وما كانتش قادرة تقف عليها فضلت تعيط لأن هدومها برا والباب مقفول من جوا وهي مش قادرة تقف

وفجأة المارد دخل بص في كل حتة في الأوضة مالقهاش خبط ع الحمام سمع صوت عياطها قلق جدا وقال ... انجل مالك

انجل ... مش مش قادرة اقف رجلي وجعاني أنا وقعت

مارد بكل قوته دفع الباب مرة واتنين وتلاتة لحد ما انفتح ودخل لقاها عار*ية ومش لابسة حتي الفوطة لانها مش قادرة تقوم شالها وحطها ع السرير وغطاها وجاب الإسعافات الأولية وطهر لها الجرح وفضل يبص لرجلها ويمشي أيده عليها وفجأة بص لها كانت مكسوفة اوي منه قرب عليها وهمس لها .. تعرفي أني كان نفسي طول الوقت في اللحظة دي ، لحظة ما نكون زي اي اتنين متجوزين

انجل رفعت وشها وقالت .............يتبع

************

البارت انتهي اتمني يعجبكم

البارت الثامن عشر

مارد همس لانجل .. تعرفي أني كان نفسي طول الوقت في اللحظة دي ، لحظة ما نكون زي اي اتنين متجوزين

انجل رفعت وشها وقالت له بغضب... ابعد عني ، مش أنا طفلة

مارد قرب علي وشها جامد وقال ... هو فيه حد يكون معاه القمر دا ويقدر يبعد عنه

با*سها بو*سة طويلة وهي فضلت تزقه بضعف وتقوله... ابعد عني

بس كأن صوتها بيقوله خليك معايا

مارد بعد عنها وكان هيربط لها الجرح قامت حطت أيدها علي الجرح وأيده لمست أيدها فمسكها وبا*سها

وقالها .. بحبك يا انجلي

انجل كانت بتحاول تسحب ايدها من ايده وقالت له .. قلتلك ابعد عني

مارد قرب اكتر وحضنها وهمس لها ... مش هقدر ابعد

وذهبوا في عالمهم الخاص

**************

في المصنع

اسلام ... ازاي يعني شحنة الحديد اللي احنا متفقين عليها هتتأخر ، الشحنة لازم تكون عندنا في اقرب وقت ، هاكلمك تاني ، قفل فونه وفضل يرن علي مارد مافيش رد اسلام قال بابتسامة وامل ... يارب اللي بفكر فيه يكون صح

*************

انجل كانت في حضن مارد مكسوفة ودافنة وشها في صدره ، با*س راسها وقال لها ... ماكنتش اعرف اني هاكون مبسوط أوي معاكي كده ، حسيت اني اول مرة الم*س س*ت ، لأنك ست البنات كلهم

انجل كانت بتسمع كلامه ولسة دافنة وشها ف حضنه ومكسوفة بس مبسوطة في نفس الوقت مارد خرجها من حضنه ومسك وشها وركز علي عينيها اللي بتهرب منه وقال لها ... الجميل مكسوف ليه

انجل بصت بخجل وقالت له ... انا بحبك اوي يا مارد

مارد .. وانا بعشقك يا قلب مارد وبا*سها بهدوء و فضلت في حضنه لحد ما نامت حطها ع السرير وغطاها وبعدها اخد شاور

و نزل تحت لقي جميلة لابسة ورايحة المستشفي وقفها وقال .. تفتكري اللي كان عايز يق*تلك هو الكينج

جميلة اتوترت لانها عارفة المارد بيسأل ليه ، عشان ين*تقم فقالتله .. م مش عارفة أنا ماكنتش مركزة ، عزيز هو اللي شافه

(هي بتكدب عشان تحمي ابنها )

مارد بص لها وكان شاكك في كلامها وقال لها ... هنشوف ، بعدين قالها .. انتي رايحة المستشفي

جميلة ... اممم رايحة لعزيز جوزي

فريدة كانت نازلة ع السلم بصت لجميلة بغ*ل وقالت .. جوزك ؟؟؟!!!

جميلة بصت لفريدة بتحدي وقالت... ايوا جوزي يا فريدة أنا مش هخبي تاني ، يوم ما تميت تمنتاشر سنة عزيز قدملي هدية عيد ميلادي وكانت أنه اخدني عند المأذون وكتبنا كتابنا وبقيت مراته علي سنة الله ورسوله

فريدة بإنكسار .... ليه بتقولي دلوقتي ، مدام قدرتي تخبي الفترة دي كلها انتي وهو

جميلة ... انا قلت لأن عزيز هو اللي طلب مني اقول الحقيقة لمراد عشان ما يفضلش طول عمره شايفني عش*يقة باباه وأن عزيز استغلالي

فريدة ... بجد ؟! انتي نسيتي أن مارد ابني أنا مش انتي

مارد كان واقف ومستغرب هدوء فريدة كان المفروض تثور وتتجنن لما تعرف أن جميلة مرات عزيز شرعي

اتأفف ومسح وشه وقال لهم بصوت عالي .. كفاية خناق أنا مش لعبة في ايديكم ، مش عايز اسمع نفس

وسابهم وخرج ركب عربيته وانطلق

جميلة وفريدة راحوا عند عزيز كانوا هيدخلوا بس الممرضة قالت لهم أن فيه حد عنده

*في اوضة عزيز

كان نايم وسط الأجهزة ، ومارد واقف بيتكلم معاه

مارد ... انا مش عارف اقولك سامحني ولا اقولك منك لله انت طول الوقت كنت ف عيني شيطا*ن كنت باحتق*رك لأنك استغليت طفلة عندها ١٥ سنة ، صورتك اللي كنت راسمها في خيالي وانا صغير اتد*مرت في اليوم اللي عرفت فيه اني ابن جميلة

بس دلوقتي الحقيقة اختلفت عرفت انك كنت بتحمي حبيبتك وأنها مراتك مش عشيق*تك ، بصراحة كرامتي اتردت لما عرفت انكم متجوزين ،حط ايده علي جبينه وتابع اوووف خلاص انا مش هتكلم في اللي فات ، بتمني انك تفوق عشان نبدأ صفحة جديدة مع بعض

خلص كلامه وخرج لقي جميلة وفريدة برا بص لهم ومشي علي طول

جميلة دخلت لعزيز قبل فريدة ودا خلي فريدة شا*طت ، بعد فترة خرجت جميلة

ومشيت علي طول رواحت ع القصر

*************

في ايطاليا

الكينج ... مازال عزيز علي قيد الحياة ، هذا خبر جيد ، لم أكن أنوي ق*تله ، كنت فقط انتقم من جميلة ، ولكن الآن سأوقف انتقا*مي اللي أن يتعافى عزيز

بنت الكينج لورا ... اتركها لي أنا سأ*قضي عليها ، لو أخبرتني قبل ذلك كنت انهيت المهمة بكل سهولة

مسكها الكينج وقعدها علي رجله وقال .. انتي حقا ابنة ابيكي

لفت ايديها حوالين رقبته وقالت .. احبك يا ابي

*********

جميلة رجعت البيت دورت علي انجل مالقتهاش طلعت أوضتها لقيتها قاعدة في السرير ومبسوطة وبتبتسم

جميلة قربت وقعدت جمب انجل ع طرف السرير وقالت ...يارب اشوفك علي طول مبسوط كده يا حبيبتي ، ايه اتصالحتوا

انجل هزت راسها وقالت ... ايوا مارد صالحني وانا سامحته ، وحكت لها كل اللي حصل

جميلة حضنت انجل وكانت مبسوطة وباركت لها وبعدين بعدت عنها وقالت ... انجل أنا عايزاكي تكوني في نظر مارد ست كاملة يعني أنا عارفة أنه بيحبك بس انتي لازم تلبسي زي البنات اللي بيشوفهم هدومك اللي عاملة زي هدوم الاطفال دي بلاش منها

انجل بحيرة ... طب البس ايه مهي دي هدومي اللي هو جبهالي

جميلة ... هو جبلك الهدوم دي قبل ما تتجوزوا تعالي معايا هنخرج نشتري شوية حاجات

انجل ..اوك .. هالبس

لبسوا هما الاتنين وخرجوا

راحوا مول عشان يشتروا لان*جيري و جميلة هي اللي اختارت لانجل هدوم وأشترت لها حاجات كتير وبعدها رجعوا القصر

طلعوا اوضة انجل وجميلة فهمتها انها لازم تلبس حاجة من اللي اشتروها

انجل لبست لانج*يري احمر وحطت روج وسابت شعرها مفرود وبصت في المرايا فقالت .. لا لا أنا هاغيره ، وبعدين قالت .. اوووف أنا وعدت ماما جميلة ،

قعدت ع السرير وفضلت مستنية مارد واول ما سمعت صوت عربيته مسكت كتاب عملت نفسها بتذاكر

مارد فتح الباب واول ماشاف انجل تنح واتصدم كانت جميلة وجذابة جدا فضل متنح شوية وبعدين رمي فونه ومفتاح عربيته ع الكرسي وقرب عندها وقال بتوهان ... ايه اللي انتي لابساه دا

انجل بصت بكسوف وفضلت تشد هدومها لتحت وقالت له ... احم ايه مش عاجبك

مارد بلع ريقه وقال لها .. لا طبعا دانتي كده بطل ، بس مش متخيل ان انجل هي اللي لابسة كده

انجل انكسفت منه وابتسمت وبصت لتحت

مارد حط أيده ورا راسها وقربها له وهمس لها ... حبيبي اللي بينكسف

با*سها من شفايفها ، وقال لها ... هاخد شاور وارجعلك

انجل هزت راسها

دخل اخد شاور

وبعدها خرج وهو لابس شورت بس وبينشف شعره بالفوطة شال الفوطة وبص لانجل لاقاها نامت انصدم وبعدها ابتسم وقال ... هتوقع ايه من انجل يعني

رمي نفسه ع السرير جمبها واخدها في حضنه وباس راسها ونام !

************

في ايطاليا

قدام طيارة خاصة

الكينج .. متأكدة انكي ستكونين بخير

لورا ... لا تقلق عليا قلت لك هذا أمر سهل للغاية ، سأخ*تطفها واتي بها الي هنا لتنت*قم منها بطريقتك

الكينج .. ولكن إذا ما*ت عزيز ماذا سأفعل

لورا ... من الافضل لنا أن يموت عزيز ، حتي لا يعرف احد انك من أ*طلق عليهم الرصا*ص

الكينج ... جميلة رأتني

لورا .. جميلة اضعف من أن تحكي الحقيقة

لو اخبرت مارد كان سيأتي إليك هنا انا اعرفه جيدا وكم هو جرئ ، ولا يخا*ف

الكينج با*س راس بنته وقال ... ستكونين بخير أليس كذلك

لورا ... أجل . وركبت الطيارة

************

*في الصبح

صحيت انجل لقت مارد نايم قامت بهدوء

و اخدت شاور ولبست هدومها وراحت ع الجامعة

قرابة العصر مارد صحي بص حواليه مالقاش انجل دخل اخد شاور ونزل لقي جميلة بتحط الاكل ع السفرة مع الخدامين

مارد قال لجميلة ... ماما فين انجل

جميلة ابتسمت ابتسامة حلوة وقالت له .... راحت الجامعة يا قلب ماما

مارد اتنحنح بحرج ومسح علي شعره وقال أنا هاروح اجيبها اكيد خلصت محاضرات مارد ركب عربيته ووصل الجامعة نزل م العربية وقلع النضارة الشمس بتاعته وبص للباب مسك فونه ولسة هيتصل علي انجل لقاها خارجة م البوابة كان هيروح لها بس لقي حد وقفها

...انجل انجل

لفت وشها وبصت وراها لقت يامن زميلها من الثانوية العامة ... قالت له من غير ما تمد أيدها له ... ازيك يا يامن

يامن مد أيده لانجل وقال لها ... عاملة ايه

انجل كانت هتمد أيدها تسلم عليه بس سمعت صوت قريب منها ... لو مديتي ايدك وسلمتي هاك*سرلك ايد*ك

بصت ل مارد واتفاجئت ويامن شافه وافتكر لما ك*سر له أ*يده فاتنحنح وقال لها طب اسيبك أنا بقي فرصة سعيدة ومشي وهو بيبص للمارد بخوف ومارد بيبص له بنظرة حادة زي الصقر

قربت انجل وكانت متضايقة من مارد ... ايه اللي انت عملته دا

مارد مسك دراعها وقال بتحذير ... انا قبل كده نبهت عليكي ماتكلميش اي حد ، كنتي هتسلمي عليه ، عارفة لو شوفتك بتكلمي الواد دا تاني ماتلوميش الا نفسك ع اللي هاعمله فيكي

انجل بصت له واتضايقت وكشرت وركبت العربية من غير ما تقول ولا كلمة ، مارد لبس نضارته وركب هو كمان وقال لها ... اربطي الحزام

انجل بعند .. مابعرفش

مارد قرب منها وربط لها الحزام وعض خدها بالراحة وقال ... بيتربط كده يا عنيدة ، لوت بقها ولفت وشها الناحية التانية ما اتكلمتش

ساق العربية و وصلوا ع القصر

وهي كانت داخلة متعصبة قام هو بص حواليه مالقاش حد شدها من أيدها خبطت في صدره ولسة هيبو*سها قام سمع صوت حد بيتكلم ايطالي

.... كيف الحال ايها المارد

مارد لف وشه وقال .... لورا ؟!!

انجل بصت للورا ولبسها القصير اوڤر

وقالت لمارد ... مين دي

مارد اتنحنح وقال ... شغل دي جاية ف شغل

وقال للورا بالايطالي عشان انجل ما تفهمش ... أنها زوجتي ، واخبرتها انك اتيتي في شغل هي لا تعرف شئ عن شغلنا

لورا ماركزتش في ولا كلمة الا ان انجل زوجته فقالت بصدمة ... هل تزوجت مارد

مارد هز راسه يعني ايوا

لورا بغيرة .... اممم لكنها صغيرة الي حد ما

مارد ... أجل ، لكن اعشقها

انجل كانت حاسة بغيرة من البنت دي وخاصة انها مش فاهمة ولا كلمة منهم بعدت عن حضن مارد و طلعت أوضتها بغيظ ، أما مارد فكان مستغرب وبيفكر ليه لورا جات فجأة وكمان لوحدها فقرر أنه يراقب تصرفاتها من غير ما يبين لها أنه شاكك فيها

فات اسبوع وانجل كل ما تصحي بالليل ماتلاقيش مارد جمبها وتضايق وتعيط وتفضل صاحية لحد ما يرجع وبعدهل تعمل نفسها نايمة حتي لما كانت ترجع من محاضراتها كانت تلاقي مارد قاعد مع لورا

وفي يوم صحيت بالليل ما لقيتش مارد

قررت أنها تخرج تدور عليه عشان تقفشه

مارد فتح اوضة لورا بهدوء بص مالقهاش فضل يدور عليها وفجأة لقاها في اوضة جميلة ومعاها ح*قنة لسة هتديها لجميلة قام مارد جري مسكها بهدوء سحبها برا الأوضة تحت مقاومتها ولزقها في الحيطة وكتم بقها وكان قريب منها اوي وقال لها ... اما ان تحكي كل شئ أو الكينج لن يعرف طريق لكي طريق

وهو لازقها في الحيطة انجل بصت لهم بصدمة وفتحت بقها مارد شافها فهي جريت علي أوضتها ..... يتبع

****************

البارت انتهي اتمني يعجبكم

#معلش عشان مانزلتش البارت امبارح

البارت التاسع عشر

مارد جري مسك لورا بهدوء وكتم بقها وسحبها برا الأوضة تحت مقاومتها ولزقها في الحيطة وقال لها ... اما ان تحكي كل شئ أو الكينج لن يعرف لكي طريق

وهو لازقها في الحيطة انجل بصت لهم بصدمة وفتحت بقها مارد شافها فهي جريت علي أوضتها

مارد لعن تحت أنفاسه بس اتجاهل انجل وسحب لورا علي تحت فتح المكتب واخد مسد*سه واخدها ع المخزن اللي برا القصر

لورا كانت متماسكة ومبينة أنها مش خايفة منه

مارد مسك المسد*س وجهه علي راسها وقال ... ماذا قررتي ، اتودين أن تقضي بقية حياتك هنا في الظلام ام تريدين العودة إلي ابيكي

لورا بتحدي .... جئت لان*تقم من جميلة فهي قت*لت اخي بالماضي

مارد ضحك وقال لها ... يبدو أن الكينج أصبح ضعيفا لذا ارسل ابنته لت*نتقم

لورا ... اسمع مارد لا تحشر أنفك في شؤون الآخرين نحن لا نريد أن نأذ*يك بل نريد أن تسلمنا جميلة ، ولكي يكون لديك علم والدتك فريدة هي من أخبر ابي بأن جميلة مازالت علي قيد الحياة ، لذا ارجو أن تنضم لحزب والدتك وتدعني اتصرف مع تلك العا*هرة بطريق قاطع كلامها كف جامد علي وشها

ومارد قالها ... انتي هي تلك العا*هرة ، هل تريدين أن اذكركي بالماضي ، جميلة اشرف من امثالك أيتها السا*قطة

لورا رفعت وشها وبث*قت د*م من بقها وقالت ... هل تتحدا*ني من اجل عش*يقة ابيك تلك السيدة كانت ...

مارد صبره نفد ومسك لورا من شعرها وقال .. إذا تفوهتي بكلمة أخري سأنسي انك فتاة ، وكلامي ليس معك سأتحدث الي ابيكي

خلص كلامه و قفل عليها باب المخزن وخرج

******

طلع اوضته وهو بيفتح الباب انجل عملت نفسها نايمة وكانت لسة بتعيط

مارد قل*ع قميصه وجزمته ومدد جمبها بتعب وارهاق قرب لها عشان عارف انها لسة صاحية وقال ... عارف انك لسة صاحية ردي عليا ، جريتي ليه فتحت عينيها وزقت مارد بإيديها الاتنين وقالت له .. عايز مني ايه ، ابعد عني انت واحد خا*ين ، الكلمة دي ضايقت مارد فقام بسرعة واتعدل وقال لها ... كنت متأكد انك هتقولي

كده ، بس أنا بقي مش كل مرة هبررلك أنا بعمل ايه انتي لو بتثقي فيا ماكنتيش هتقولي كده

انجل اتعدلت هي كمان وقالت له ... اثق فيه ازاي وانا عارفاك كويس وعارفة تاريخك العامر ، مارد باشا كل يوم مع بنت شكل ويرجع وش الصبح من الكباري*هات

مارد ضغط علي أسنانه واتكلم بغضب وقال ... انتي عارفة كويس انك من يوم ما دخلتي حياتي وانا بعدت عن الحاجات دي ، تخيلي بقي وانتي طفلة عندك عشر سنين وحرمتيني اعمل كده ، فمابالك وانتي دلوقتي مراتي وبتديني كل حاجة أنا عاوزها هاخو*نك ازاي بقي مش عارف ، المشكلة يا انجل انك منعدكيش ثقة فيا ودا اللي مضايقني

انجل عيطت وقالت له ... طب انت كنت قريب منها كده ليه ، أما هتبو*سها أو تضر*بها

قولي بقي لو مش هتبو*سها يبقي هتضر*بها ليه

مارد مثل أنه اتعصب عشان يهرب م الرد قال .... يووووووه ، اقفلي ع السيرة دي بقي ، أنا خرجت صدفة لقيت شوشرة افتكرتها حرامي

انجل بصت بشك وقالت ... اوك

نامت تاني ولفت وشها الناحية التانية

مارد قرب وحضنها حاولت أنها تبعد عنه بس هو قال لها ... انا قولت ايه قبل ، انك تنامي في حضني دا مالوش علاقة بزعلنا من بعض ، فاهمة واهدي ونامي

انجل كانت صاحية في حضنه وبتفكر لأنها حاسة أنه بيكدب عليها

***********

مارد صحي الصبح بدري أو بمعني اصح ما نامش لانه طول الليل بيفكر هيعمل ايه مع

الكينج وبعدها قرر يبعتله مسج

فتح الواتس وبعتله ريكورد

(ليك عندي حاجة غالية اوي عليك هاردهالك بشرط ، تنسي انتقا*مك من جميلة ، ابنك ما كانش ملاك هو حاول يعت*دي علي جميلة ، وهي كانت بتدافع عن شرفها ، لورا خايبة اوي علي فكرة مش عارفة هي بتلعب مع مين،هي هتفضل مشرفاني لحد ما اسمع ردك )

نزل اوضة الرياضة الخاصة بيه وفضل يتمرن لحد ما جي معاد الفطار

انجل كانت لابسة ونزلت عشان تفطر بصت لمارد قام هو لف وشه الناحية التانية وماحدش منهم كلم التاني

جميلة كانت بتبص لهم فحست أنهم متخانقين انجل خلصت اكل وخرجت مارد خرج وراها

... استني هوصلك

انجل ... شكرا مش عايزة

بعصبية .... مش بمزاجك هو قولت هوصلك

وفجأة وهو بيكلهما فونه يرن شاف الاسم وبص لانجل وقالها استني هنا ما تمشيش

بعد شوية ورد علي الكينج اللي قاله حاجة ... ؟؟؟؟

مارد .... موافق

رجع تاني لانجل وركبوا العربية وانطلقوا

مارد وهو بيسوق قال : انجل أنا مسافر يومين أنا ولورا نتمم صفقة

انجل بغيرة وحدة ،كانت بتهز رجلها من الغيظ و قالت ... انا هاجي معاك عايزة اروح اقضي شهر العسل بتاعي في ايطاليا

مارد وقف سواقة مرة واحدة وقال لها ... مش هينفع يا انجل دا شغل مش فسحة ولو علي شهر العسل أنا مستعد اخدك اي حتة انتي عايزاها بس انا أجلته عشان دراستك ،

انجل ... طب انت هتسافر معاها لوحدكم ، ابتسم علي جمب كده وقال لها ... بتغيري ولا ايه

انجل هزت راسها يعني ايوا وانكسفت مسك إيدها وبا*سها وقال لها .. أنا لسة مش ناسي انك مش بتثقي فيا بس مش عارف ليه انتي بذات مش بعرف ازعل منك

حضنته وقالت ... عارف ليه لاني أنا بنتك حبيبتك

وعلي فكرة انا بثق فيك اكتر من نفسي بس مش بقدر اشوفك قريب من اي واحدة تانية ، مش عايزة حد يقرب منك غيري انا وبس

ابتسم برضا وقالها ... انتي لو عرفتي أنا بشوفك ازاي هتعرفي اني مش ممكن ابص لاي ست تانية

انجل ... توعدني انك ترجعلي بسرعة

مارد اتنهد وقال لها .. اوعدك اني هافضل احبك لاخر لحظة في عمري

انجل قلبها اتقبض لما قال كده وقلقت بس رسمت ابتسامة وقالت له ... ربنا يحفظك ليا يا كل عيلتي ، با*ست كف أيده

بعدها ساق ووصلها الجامعة وراح ع المصنع عند اسلام

مارد وصل وحكي لاسلام كل حاجة عن لورا والكينج

اسلام .. طب وانت هتعمل ايه

مارد .. هاخد لورا واسافر

اسلام ... يبقي انا معاك

مارد ... لا طبعا انا مش هاطمن علي امي وانجل الا وانت هنا

اسلام ... مارد أنا مش مطمن مش يمكن دا فخ عامله الكينج عشان يوقعك

مارد .. هو مالوش عندي تا*ر اولا ثانيا ما يعرفش أن جميلة تبقي امي

انا هاسافر انهاردة ولو حصلي ...قاطعه اسلام .. لو حصلك حاجة هص*في الما*فيا بز*عيمها هو*لع فيهم كلهم *عينيه دمعت *

مارد ابتسم وقاله ... امتي هتكبر وعينيك تبطل تدمع عشاني

اسلام بمشاكسة ... العيون دي مش بتدمع الا عشانك ، يوم ما ابويا ما*ت كان شكلي وحش اوي وانا مش قادر أنزل دمعتين قدام الناس كنت باشحت الدموع رغم اني كنت بحبه الله يرحمه

مارد .. يعني ماروحتش أوضته وفلضت تعيط ، مشكلتك اني فاقسك يلا سلام

اسلام حضنه وقال ... خلي بالك علي صاحبي

مارد طبطب علي ضهر اسلام ومشي علي طول

ركب عربيته ورجع القصر خرج لورا من المخزن وقالها أنه هيرجعها بنفسه

راح أوضته اخد شاور و جهز نفسه واخد مسد*سه حطه في وسطه ولورا كمان جهزت نفسها

ركبوا العربية وانطلقوا ع المطار

****

انجل رجعت م الجامعة وسألت عن مارد واتفاجئت أنه سافر من غير ما يعرفها الموعد بالظبط طلعت اوضتها وكانت مضايقة وحاسة أنها قلقانة عليه بعد فترة دخلت الحمام تاخد شاور وخرجت لقت تي شيرت مارد اللي كان لابسه لبسته ونامت

في اليوم التاني

وصل مارد ولورا فيلا الكينج

دخل وهو ماسك ايدها تحسبا لأي غدر دخل لقي الكينج ماسك الكاس بتاعه ومبتسم

مارد ... انا جيتلك زي ما وعدتك عشان ننهي الخلاف اللي بينا لورا اهي عندك رغم أنها لو حد تاني مستضيفه في بيتي وحاول يق*تل أو يخ*طف حد من بيتي ماكانش هيخرج عايش

الكينج ... انا ممنون مارد انت رجل صالح

مارد ابتسم بطريقة عملية وقال ... شكرا انا هامشي ، لسة هيلف وشه عشان يمشي لقي شخص موجه السلاح في نص راسه

و الكينج بيقوله ... ليه مستعجل خبيبي .... يتبع

**********

البارت انتهي اتمني يعجبكم

البارت العشرون (والاخيررررر)

ملاك_في_رداء_الشيطان

مارد لسة هيدير ضهره عشان يمشي لقي شخص موجه السلا*ح في نص راسه

و الكينج بيقوله ... ليه مستعجل خبيبي

مارد بص للكينج ببرود شديد ولامبالاة ورفع ايديه علامة الاستسلام وقال ... هيا اضر*ب ايها الزعيم

الكينج اندهش هو ازاي بارد كده ومش بيخاف قاله ... هل تتصنع القوة ايها المارد

مارد ..قرب علي الكينج والراجل اللي ماسك السلا*ح شد الز*ناد واستعد لإطلا*ق النا*ر لو المارد عمل أي حركة غدر

بس المارد همس الكينج وقاله ... انظر من تلك النافذة وقل لي ماذا رأيت

بص الكينج لقي راجل ضخم لابس بدلة سودة واصلع ولابس نضارة سودة وف أيده ريموت رفعه كأنه بيحي الكينج بيه أو بيظهره عشان يشوفه

الكينج بص للمارد اللي كان مبتسم باستفزاز وقاله .. من هذا ايها المارد

مارد ... أنه أحد رجالي يستمع إلي كل حديثنا الآن وهو منتظر فقط إشارة مني ليضغط علي زر الريموت فتن*فجر لورا الجميلة ابنة ابيها هههههههه

الكينج ... أنت كاذب كيف وضعت القنب*لة دون أن تشعر هي

وضعتها لها حينما كنا في طائرتك الخاصة لاعرف نواياك تجاهي ، وهذه القنب*لة دقيقة جدا ، هل تريد ان تعرف أين وضعتها لها

الكينج بص له وعايز يسأل بس الصدمة مسكتاه

مارد همس في ودنه بكلمة وضحك

الكينج برق وقال لبنته .. لورا تجر*دي من ملا*بسك حالا

مارد بابتسامة مستفزة .. هيا لورا لا تخجلي فكلنا قد رأينا جسد*ك من قبل

لورا بصت بصدمة وقالت ... ايها المعتوه ،

وبتفكر تق*لع هدو*مها

الكينج قال لمارد بابتسامة مصطنعة .. أهدأ يا رجل ، هيا لنتفاوض بسلام ، ونصفي حساب والدتك جميلة *قالها بمكر *

مارد اتفاجأ بس حب يظهر أنه مش فارق معاه ان الكينج عرف أنه ابن جميلة ولا لا

رد بسرعة وقاله .... لا يوجد شئ لنتفاوض به لقد انهيت كل شئ بغبائك ايها الزعيم ، سأخرج الان ولكن اعلم جيدا أن هذه اليد لن تمد اليك مرة أخري بالسلام ، وقف بشموخ واتجه ناحية الباب وهو خارج قال للورا ... القن*بلة في ملا*بسك الدا*خلية

بص للكينج ورفع كتافه🤷‍♂️ وابتسم وخرج فورا

اما الكينج وبنته كانوا ميت*ين م الر*عب وخايف*ين مارد يف*جر القنب*لة

الكينج كان هبتج*لط حرفيا كور أيده وخبطها في الطرابيزة وقال ... كنت أنوي أن أضغط علي جميلة بإبنها لكي تأتي ،لكن كل شئ انتهي

لورا بصت بخبس وقالت .. هناك شخص ما إذا تأ*ذي سينها*ر مارد

الكينج بلهفة ... من

لورا .. انجل !

**************

المارد رجع بنفس الطيارة الخاصة اللي ملك للكينج

وصل تاني يوم الصبح دخل القصر كان الكل نايم ، فتح أوضته بهدوء لقي انجل لابسة التي شيرت بتاعه ونايمة ابتسم وكان مبسوط من حب انجل الكبير له ، دخل اخد شاور وراح عند المرايا حط برفيوم كتير من بتاعه اللي هي بتحبه ومدد جمبها وحضنها ونام بسرعة من الارهاق وقلة النوم .

انجل بدأت تصحي علي ريحة هي بتعشقها لقت نفسها في حضن مارد ماصدقتش نفسها قامت صرخت بفرحة وقالت ... اعاااااا مااااارد كنت متأكدة انك راجع

قام مفزوع بص لها وابتسم وحضنها اكتر وهمس لها بنوم ... وحشتيني

هي كمان حضنته وقالت ... مش اكتر مني يا مارد قلبي

مارد ابتسم وهو نايم وقال ... مارد ....قلبي

ونام بعدها تاني

بعد فترة انجل صحيت لسة هتقوم من جمبه شدها وقال ... رايحة فين

انجل ... هاروح الجامعة

مارد ... طب أنا هاوصلك خلصي لبس وصحيني ومن هنا ورايح مش هتتحركي من البيت الا وانا معاكي اوك

انجل بصت له باستغراب و قالت ... اوك بس ليه دا كله ،انت اترشحت في الإنتخابات ولا ايه هههه

مارد مسك خدها وقال ... احتياطات أمنية يا شقية ،قومي بقي

قامت واخدت شاور ولبست وصحت مارد نزلوا أكلوا أفطارهم وركبوا العربية وانطلقوا

بعد فترة وصلوا الجامعة

وانجل قالت له ...عملالك مفاجأة جامدة انهاردة بالليل ،

مارد شدها من وسطها وقالها ... انا بعشق المفاجأت اللي بتكون منك كان هيبو*سها

جريت منه وكانت بتضحك وقالت مارودي عيب ، احترم الحرم الجامعي كانت بصاله وبتضحك وفجأة عربية كانت مستنياها اول ما اتحركت انجل العربية جات عليها بسرعة البرق خبطتها وجريت ، مارد اتجمد وبقي مش عامل اي رد فعل فاق من صدمته بعد لحظات لما لقي الطلبة اتجمعوا حوالين انجل جري عليها ودخل بين الشباب وصرخ والدموع مالية عينيه ... انجيييل ، حضنها وقال .. انجل حبيبتي ردي عليا

انجل بصت له بابتسامة مختلطة بألم شديد وقالت له ... بحبك يا ... با ب ا وغمضت عينيها

مارد اتجنن وصرخ ... لاااااااا ، مش هتمو*تي

كل الطلبة كانوا متأثرين وواحد فيهم طلب الاسعاف بس مارد ما ستناش شال انجل وحطها في عربيته بالراحة وساق بأقصي سرعة وانطلق ع المستشفي

نزل بسرعة وهو بيزعق ويقول عايز ترواللي بسرعة يا بها*يييم مراتي بتمو*ت

اخدوها الممرضين وهو ماكانش راضي بسيب أيدها وجاتله حالة من الهستيريا لانه شايف انجل كانت إصابتها خطيره وراسها بتنز*ف

الدكتور. ...سيبها خلينا نبدأ شغلنا

مارد صرخ ... لاااا مستحيل اسببها تمشي ، اصل انت ما تعرفش انجل دي دي بنتي عمرنا ما افترقنا ، ومش هاسمح لها انها تسيبني

الممرضين اخدوه بالقوة وهو بيصرخ ويقول ... انجل أنا علمتك المقاومة اوعي تستسلمي انتي بنت المارد

دخلت انجل اوضة العمليات ومارد قعد ع الأرض بإنكسار وضعف شديد وغطي عينيه بإيده وفضل يعيط .. فونه رن اكتر من مرة كان اسلام رد عليه بصوت بالعافية طالع .. وقاله .. انجل بتمو*ت يا اسلام ، عايزين ياخدوها مني ، وبعدين قال بش*ر كبير وعيون زي الد*م ... انجل لو جرالها حاجة ماحدش هيقدر يوقفني

اسلام .... انا جايلك انت ف اي مستشفي

مارد ... انا في مستشفى ******

اسلام خرج علي طول ورغد سمعته وحطت أيدها علي بقها وحضنت ابنها وعيطت وبعدها كلمت جميلة وراحوا ع المستشفي هما كمان

الكل في المستشفي قاعد بيترقب مستنين اي حد يخرج يطمنهم مافيش مارد كان واقف مع اسلام وبيهمسلوا .... ماركو الك*لب ، لو انجل جرالها حاجة مش هيكفيني حر*قوا هو وعيلته وكل اللي بيشتغل معاه

جميلة قربت عند مارد اللي كان بيمثل الثبات والجمود قدامهم لانه مش بيحب يبين ضعفه قدام اي حد

جميلة مسكت ايد مارد وقالت له ... عايزاك شوية جوا

دخلوا اوضة فاضية وقعدوا ع السرير جميلة حضنته وقالت .... عيط يا ماما .. ما تكتمش جواك هتتعب اكتر

مارد وهو في حضن والدته ان*هار بكل معني الكلمة وقال ... خايف تروح مني ، مش هقدر اكمل من غيرها ، أنا أنا راضي تكون بنتي بس ، بس ماتسبنيش

فضل شوية مع مامته لحد ما سمع دوشة برا خرجوا بسرعة وسمعوا الدكتور بيقول ... جهااااااز الصدمات بسرعة

اخدوا الممرضين جهاز الصدمات وقفلوا الباب تاني

بعدها خرج الدكتور قالهم ... ادعولها النبض ضعيف اوي ، احنا عملنا اللي علينا والمشكلة مش بس في الإصابة المشكلة أنها كانت حامل وعندها كسر في الحوض ، حالتها حرجة وكل شئ بيد الله

الدكتور سابهم ومشي وهو حزين علي حالة انجل

مارد بص لاسلام وقال له ... هتعيش صح

اسلام ... قول يا رب

مارد ... هتعيش يعني هتعيش بقولك مش هسمحلها تمو*ت

كان فيه رجل كبير قاعد بيقرأ قرآن وقف وقرب عند مارد وطبطب علي كتفه وقال

.... اتأدب مع ربنا لما تكون عايز تطلب منه حاجة ، قادر ينجيك ويزيح عنك كل شر ، بدل ما بتعاند القدر روح صلي الظهر وادعيلها انها تقوم منها بالسلامة

مارد بصله وعينيه كلها دموع وقاله ... انا بعصيه طول الوقت هيقبلني

الرجل ... هيقبلك

مارد ... أنا بشرب هينفع اروح اصلي

الرجل ... لو مش شارب دلوقتي هينفع

مارد ... مش عايزها تضيع مني انا ممكن اعمل اي حاجة عشان ترجعلي

الرجل طبطب علي كتفه وقاله ... توب لربنا يمكن توبتك تكتبلها حياة جديدة ، وماتنساش أن الدعاء بيغير الأقدار روح يابني قبل فوات الاوان

اسلام طبطب علي كتف مارد وهز راسه يعني روح

مارد جري ع المسجد ودخل اتوضا فضل يصلي ويدعي لانجل كتير ومسك القرأن وقرأ كتير لحد مانام من غير ما يحس

صحي بالليل بص حواليه افتكر أنه في المسجد قام بسرعة جري ع المستشفي

لقاهم كلهم قاعدين هاديين ومطمنين

مارد قال بقلق ... انجل عاملة ايه

اسلام ... الحمد لله الدكتور قال إن نبضها رجع ينتظم والصبح إن شاء الله هتفوق بس ماحدش يقولها أنها كانت حامل

مارد هز راسه وقال بصوت هامس ... الحمد لله

*في الصبح انجل فاقت والممرضة خرجت بسرعة وبلغت مارد

مارد دخل بلهفة وقرب عليها كان وشها فيه كدمات مارد باس راسها بالراحة وقال لها ...حمد الله علي سلامتك يا بنت المارد

انجل ابتسمت بتعب وبعدين شاورت بعينها علي بطنها وقالت ... ابننا

مارد قعد جمبها ومسك أيدها بهدوء وقال لها ... هنجيب غيره ، ربنا كبير ، المهم انتي ، انتي الوحيدة اللي ما اقدرش اخسرك يا قلب مارد

انجل عيطت

مارد مسح وشها بإيده وقال ... تؤتؤ ، انجلي لو عيطتي هابو*سك هنا في خدك اللي بيو*جعك

ابتسمت بالراحة وهو باس راسها وقال ... ربنا يحفظك ليا يا قلب مارد ، أنا من انهاردة هابعد عن أي حاجة ممكن تكون سبب في اذ*يتك

انجل ... مش فاهمة

مارد .... مش مهم تفهمي المهم تعرفي انك أغلي حد ف حياتي

الكل دخل اطمن علي انجل ومارد شاور لاسلام وقاله عايزاك

خرجوا هما الاتنين

مارد ... اسلام أنا هابعد عن شغل الما*فيا دا نهائي وهاشتغل في الحديد والصلب بجد

مراتي واولادي لازم يعيشوا حياة هادية مافيهاش خطر

اسلام ... وانا معاك يا مارد ، دا كان رأيي من الاول علي فكرة

مارد ... علي فكرة فريدة هي اللي قالت للكينج أني أنا ابن جميلة ، بس انا مش هقدر أعا*قبها هي مهما عملت هتفضل برضو الست اللي كنت باعتبرها امي لمدة تمنتاشر سنة

***********

بعد مرور خمس سنوات

في فيلا صغيرة وهادية

مارد بيلف حوالين نفسه ... يا ماما لبستي مالك

جميلة ... ايوا يا حبيبي لبس ، اهو بس روز مش راضية تلبس عايزة مامتها هي اللي تلبسها

مارد قرب عند روز بنته شالها وقال ... القمر

الصغير دا ليه مش عايز يلبس

روز ... ما مي

مارد با*سها ... طب وبابي ماينفعش

روز با*ست مارد وقالت له .. با بي

اسلام ورغد وادم وجودي و صلوا

رغد ... يلا يا جماعة انجل كده هتزعل لو اتأخرنا اكتر من كده

جميلة ... احنا كلنا خلصنا هاروح استعجل عزيز

نزلوا كلهم وركبوا عربياتهم وراحوا لانجل

*********

كانت واقفة وبتبص في ساعتها وبتبص يمين وشمال وهي لابسة لبس التخرج

فجأة جي حد من وراها حضنها وبا*س ر*قبتها وقال ... حبيبي اخيرا هيغير لقبه من طالبة لست بيت ،

لفت وشها وكانت مكشرة وقالت له ... اتأخرت ليه

مارد ضحك وقال .. بسبب ست روز ، انجل الصغيرة طالعة عنيدة زي مامتها

انجل بتمثل الزعل .... انا عنيدة

مارد قرب اكتر وقال لها ... تؤ مين اللي قال كده ولسة هيبو*سها

سمع صوت ... اتحشم يا ولد كيف تبو*سها أكده قدام الناس

بصت انجل وجريت بسعادة وقالت ... جدي وحشتني اوي

حضنها وبا*س راسها وقال ... مبروك يا حبيبة جدك

جميلة واسلام ورغد وعزيز كله بارك لانجل وعزيز سرح وقال .... اه يا فريدة لو ماكنتيش بعتيني كان زمانك معانا دلوقتي

و بدأت حفلة التخرج

وانجل اتكرمت وطلعت ع الاستيج مسكت المايك وقالت ... انا بهدي نجاحي لبابا المارد ، دا الراجل اللي كان لابس عباية الشيطا*ن وكان بيقسي علي كل الناس إلا أنا ، وانا معاه عمري ما حسيت اني خايفة لانه هو الامان بحد ذاته مدت أيدها للمارد

طلع هو ع الاستيج حضنته قدام الكل والكل فضل يصقف وجميلة عيطت ومالك مسك ايد روز الصغيرة وطلعوا ع الاستيج مارد شال روز وانجل مسكت ايد مالك واتصورا صورة حلوة اوي

انجل بصت لمارد وقالت له ... بحبك يا مارد

مارد ابتسم وقال لها ... بعشقك يا ام العيال

انجل ضر*بته في كتفه ضحك هو وقال لها ... وانا بعشقك يا بنت المارد

*************

🥀🥀🥀🥀تمت🥀🥀🥀🥀🥀

بقلم_إيزيس

هتوحشوني بجد والله 🥺❤

قصر الروايات

القائمة الرئيسية

الصفحات

تابعنا من هنا

رواية ملاك في رداء الشيطان كامله من الفصل 11 الي الفصل الاخيربقلم ايزيس

أخر المواضيع من قسم : قصص حديثه

تعليقات

إرسال تعليق